തപാല്‍ പ്രവര്‍ത്തനങ്ങളും പാഴ്സല്‍ ഗതാഗതവും സ്വദേശിവത്ക്കരിക്കാനുള്ള തീരുമാനത്തില്‍ ആദ്യഘട്ടത്തില്‍ 14 തപാല്‍ തൊഴില്‍ മേഖലകളെയാണ് 100 ശതമാനം സ്വദേശിവത്കരിക്കുന്നത്.ശുചീകരണത്തൊഴിലാളികളെയും ചരക്ക് കയറ്റിറക്ക് തൊഴിലാളികളെയും ഈ നിയമത്തില്‍നിന്ന് ഒഴിവാക്കിയിട്ടുണ്ട്.

ഇലക്‌ട്രോണിക് പ്ലാറ്റ്‌ഫോമുകള്‍ വഴിയുള്ള വിതരണ സേവനങ്ങള്‍, പ്രാദേശികവും അന്തര്‍ദേശീയവുമായ പാഴ്‌സലുകളുടെ ഗതാഗതം, പാഴ്‌സലുകളുടെ പ്രാദേശിക വിതരണം, കൊറിയര്‍ പ്രവര്‍ത്തനങ്ങള്‍, ബാഗ് മെയിലും തപാല്‍ പാഴ്സലുകളും സ്വീകരിക്കുന്നതിനും വിതരണം ചെയ്യുന്നതിനും കൊണ്ടുപോകുന്നതിനുമുള്ള ജോലികള്‍, പോസ്റ്റ് ഓഫീസ് മാനേജ്മെന്‍റ് സേവനങ്ങള്‍, തപാല്‍ ലോജിസ്റ്റിക് സേവനങ്ങള്‍, സ്വകാര്യ തപാല്‍ കാരിയറുകളുടെ പ്രവര്‍ത്തനങ്ങള്‍, സ്വകാര്യ തപാല്‍ സേവനങ്ങളും വിതരണവും, സാധാരണ മെയില്‍, എക്സ്പ്രസ് മെയില്‍, മറ്റ് മെയില്‍ പ്രവര്‍ത്തനങ്ങള്‍, തപാല്‍ ഉരുപ്പടികള്‍ക്കും പാഴ്സലുകള്‍ക്കുമായുള്ള പ്രോസസ്സിങ്, സ്റ്റോറേജ് സേവനങ്ങള്‍ എന്നിവ സ്വദേശിവത്കരണ തീരുമാനത്തിലുള്‍പ്പെടും.

റിയാദ് : സഊദി വീണ്ടും യാത്രാവിലക്ക് ഏർപ്പെടുത്തി. ഒരാഴ്ച്ച കാലത്തേക്ക് കര, നാവിക, വ്യോമ അതിർത്തികൾ അടച്ചതായി ആഭ്യന്തര മന്ത്രാലയം അറിയിച്ചു. ആവശ്യമെങ്കിൽ വിലക്ക് നീട്ടുമെന്നും സൂചനയുണ്ട്. കോവിഡ് ലോകത്തിന്റെ വിവിധ ഭാഗങ്ങളിൽ വീണ്ടും പടരുന്ന സാഹചര്യത്തിലാണ് ഇത്തരമൊരു നീക്കമെന്നും രാജ്യത്തെ സ്വദേശികളുടെയും വിദേശികളുടെയും ആരോഗ്യ സുരക്ഷ മുൻനിർത്തിയുള്ള തീരുമാനമാണിതെന്നും ആഭ്യന്തര മന്ത്രാലയം അറിയിച്ചു. ഞായറാഴ്ച അർദ്ധ രാത്രി മുതൽ തന്നെ യാത്രാവിലക്ക് നടപ്പിലാകും.

കഴിഞ്ഞ സെപ്റ്റംബർ മുതൽ ഭാഗികമായി പുനരാരംഭിച്ചിരുന്ന അന്തരാഷ്ട്ര വിമാന സർവീസുകൾ ഇതോടെ ഒരാഴ്‌ചത്തേക്ക് പൂർണമായും നിലക്കും.
ആഭ്യന്തര മന്ത്രാലയത്തിന്റെ അറിയിപ്പ് പ്രകാരം അന്താരാഷ്ട്ര വിമാന സർവീസുകൾ ഒരാഴ്ച്ചത്തേക്ക് റദ്ദാക്കി. അത്യാവശ്യഘട്ടങ്ങളിലുള്ള യാത്രകൾ അനുവദിക്കും. അതുപോലെ നിലവിൽ സഊദിയിലെത്തിയ വിദേശ വിമാനങ്ങൾക്ക് തിരിച്ചുപോകാം. കര, നാവിക അതിർത്തികളിലൂടെയുള്ള യാത്രയും അടുത്ത ഒരാഴ്ചത്തേക്ക് റദ്ദാക്കി. ആവശ്യമെങ്കിൽ ഒരാഴ്ച കൂടി തുടരും. യൂറോപ്യൻ രാജ്യങ്ങളിൽ നിന്ന് ഡിസംബർ 8ന് ശേഷം സഊദിയിൽ എത്തിയവർ രണ്ടാഴ്ച ക്വാറന്റൈനിൻ കഴിയണം. ക്വാറന്റൈൻ സമയം ഓരോ അഞ്ചുദിവസം കോവിഡ് ടെസ്റ്റ് ചെയ്യണം.

യൂറോപ്പിൽ കഴിഞ്ഞ മൂന്നു മാസത്തിനിടെ സന്ദർശനം നടത്തിയവരും  കോവിഡ് ടെസ്റ്റിന് വിധേയരാവണം. ചരക്ക് നീക്കവും വൈറസ് ബാധയില്ലാത്ത രാജ്യങ്ങളിലേക്കുള്ള സഹായ വിതരണവും തടസ്സമില്ലാതെ തുടരും. ഇപ്പോഴുള്ള നടപടികള്‍ പുനഃപരിശോധിക്കാന്‍ ആരോഗ്യമന്ത്രാലയത്തിന് അധികാരമുണ്ടായിരിക്കുമെന്നും ആഭ്യന്തര മന്ത്രാലയം അറിയിച്ചു .

യാത്ര വിലക്ക് വീണ്ടും തുടരാനുള്ള തീരുമാനം പ്രവാസികൾ ഞെട്ടലോടെയാണ് ശ്രവിച്ചത്. സഊദിയിലെ കോവിഡ് വ്യാപനം പൂർണമായി നിയന്ത്രണത്തിലായ സാഹചര്യത്തിൽ യാത്രാവിലക്കിന്ന് അറുതിയാകുമെന്ന പ്രതീക്ഷയിലായിരുന്നു പ്രവാസികൾ. ജനുവരി മുതൽ രാജ്യാതിർത്തികൾ പൂർണമായി തുറക്കുമെന്നായിരുന്നു കരുതിയത്. വിമാന സർവീസ് ഉടനെ ആരംഭിച്ചേക്കുമെന്ന ധാരണയിൽ കുടുംബങ്ങളടക്കം ഒട്ടേറെ പേർ ഈയടുത്ത് നാട്ടിലേക്ക് അവധിക്ക് പോയിരുന്നു. കൂടാതെ ദുബായ് വഴി സഊദിയിലേക്ക് പുറപ്പെട്ട വിദ്യാർത്ഥികളടക്കമുള്ള നിരവധി പേർ ദുബായിൽ കുടുങ്ങി. 14 ദിവസത്തെ കൊറന്റൈൻ പൂർത്തിയാക്കിയവർ തന്നെ നൂറുകണക്കിന്ന് പ്രവാസികൾ ഉണ്ടെന്നാണ് കരുതുന്നത്. സഊദിയിൽ നിന്ന് ദുബൈയിലേക്ക് യാത്ര പോയവരും വിലക്ക് മൂലം തിരിച്ചു പോരാനാകാതെ കുടുങ്ങിയതായാണ് വിവരം. വിലക്ക് വീണ്ടും പഴയ പടി അനിശ്ചിതമായി തുടരുമോ എന്ന കനത്ത ആശങ്കയിലാണ് സഊദിയിലെ പ്രവാസി സമൂഹം.

ഇന്ത്യയടക്കമുള്ള ചില രാജ്യങ്ങളൊഴികെ മറ്റു രാജ്യങ്ങളിൽ നിന്ന് കഴിഞ്ഞ സെപ്റ്റംബർ മുതൽ വിമാന സർവീസ് ഭാഗികമായി പുനാരാരംഭിച്ചിരുന്നു . കോവിഡ് കേസുകൾ ഇപ്പോഴും കൂടുതലുള്ളതിനാൽ ഇന്ത്യ, അർജന്റീന, ബ്രസീൽ തുടങ്ങിയ രാജ്യങ്ങളിലേക്ക് പ്രത്യേക വിമാനങ്ങളല്ലാതെ സാധാരണ വിമാന സർവീസുകൾക്ക് സഊദി അനുമതി നൽകിയിരുന്നില്ല. ഇന്ത്യയിൽ നിന്ന് സഊദിലേക്ക് നേരിട്ട് വിമാന സർവീസ് ആരംഭിക്കുന്നത് സംബന്ധിച്ച് ഇന്ത്യൻ അംബാസഡർ ഡോ. ഔസാഫ് സയീദ് സഊദി സിവിൽ ഏവിയേഷൻ അതോറിറ്റി മേധാവി അബ്ദുൽ ഹാദി മൻസൂരിയുമായി കൂടിക്കാഴ്ച നടത്തിയിരുന്നു . ഇരു രാജ്യങ്ങളും തമ്മിൽ എയർ ബബ്ൾ കരാർ പ്രകാരമുള്ള വിമാന സർവീസ് പുനരാരംഭിക്കുന്നത് സംബന്ധിച്ചുള്ള ചർച്ച പുരോഗതിയിലായിരുന്നു. അതിനിടെയാണ് വീണ്ടും വിലക്ക് ഏർപെടുത്തിയുള്ള വാർത്ത ഇന്ന് അർധരാത്രിയോടെ ആഭ്യന്തര മന്ത്രാലയം പുറത്തുവിട്ടത് .

20 റിയാലിന്റെ പുതിയ നോട്ടിലുള്ള ലോക ഭൂപടത്തിലാണ് ഇന്ത്യയുടെ ഭൂപടം തെറ്റായി അച്ചടിച്ചത്. ഇന്ത്യയുടെ ഭാഗമായ ജമ്മു കശ്മീര്‍, ലഡാക്ക് എന്നീ പ്രദേശങ്ങള്‍ ഭൂപടത്തിലില്ല.

ഈ വിഷയത്തിന്റെ ഗൗരവും ഇന്ത്യയിലെ സൗദി അംബാസിഡര്‍ വഴി സൗദി വിദേശകാര്യ മന്ത്രാലയത്തെ ഇന്ത്യ അറിയിച്ചിരുന്നു. ഇതിനെ തുടര്‍ന്നാണ് നോട്ട് പിന്‍വലിക്കാനുള്ള നീക്കങ്ങള്‍ സൗദി ആരംഭിച്ചത്. ഒക്ടോബര്‍ 24നാണ് സൗദി മോണിറ്ററി അതോറിറ്റി പുതിയ നോട്ട് പുറത്തിറക്കിയത്.

പുതിയതായി പുറത്തിറക്കിയ കറന്‍സിയില്‍ സല്‍മാന്‍ രാജാവും ജി20 ഉച്ചകോടിയുടെ ലോഗോയും ഒരു വശത്തും ലോകഭൂപടം മറുവശത്തുമുള്ളതാണ്. പാക്ക് അധിനിവേശ കശ്മീര്‍ പാക്കിസ്ഥാന്റേതാണെന്ന മുന്‍നിലപാടും സൗദി തിരുത്തിയിരുന്നു.

റിയാദ്: രാജ്യാന്തര യാത്രാ നിയന്ത്രണങ്ങളില്‍ സൗദി ഭാഗിക ഇളവ് വരുത്തിയതോടെ ജിസിസി (ഗള്‍ഫ് സഹകരണ കൗണ്‍സില്‍) രാജ്യക്കാര്‍ക്ക് ഇന്നു മുതല്‍ സൗദിയിലേക്കും തിരിച്ചും യാത്ര ചെയ്യാം. ഗള്‍ഫ് രാജ്യക്കാര്‍ക്കും അവിടെ താമസിക്കുന്ന വിദേശികള്‍ക്കും ആശ്രിതര്‍ക്കുമാണ് അവസരം. കാലാവധിയുള്ള ഇഖാമ (തൊഴില്‍ അനുമതി), റീ എന്‍ട്രി വീസ, സന്ദര്‍ശക വീസ എന്നിവയുള്ളവര്‍ക്കാണ് പ്രവേശനം. കോവിഡ് നിയന്ത്രണങ്ങള്‍ പൂര്‍ണമായി പിന്‍വലിക്കുന്ന 2021 ജനുവരി 1 മുതല്‍ എല്ലാ രാജ്യക്കാര്‍ക്കും സൗദിയില്‍ എത്താനാകും. ഇന്ത്യ ഉള്‍പെടെ വിവിധ രാജ്യക്കാരുടെ തിരിച്ചുവരവ് സംബന്ധിച്ച് ഡിസംബറില്‍ പ്രഖ്യാപനം ഉണ്ടാകുമെന്നാണ് സൂചന.

സൗദിയില്‍ കോവിഡ് നിയന്ത്രണ വിധേയമായി വരുന്ന പശ്ചാത്തലത്തില്‍ ഉംറ സര്‍വീസ് പുനഃരാരംഭിക്കുന്നതു സംബന്ധിച്ച പ്രഖ്യാപനവും വൈകാതെ ഉണ്ടാകും. ആരോഗ്യസ്ഥിതിയെക്കുറിച്ചുള്ള അപേക്ഷ പൂരിപ്പിച്ചുനല്‍കിവേണം സൗദിയില്‍ പ്രവേശിക്കാന്‍. 48 മണിക്കൂറിനു മുന്‍പ് എടുത്ത കോവിഡ് നെഗറ്റീവ് സര്‍ട്ടിഫിക്കറ്റും ഹാജരാക്കണം.

കോവിഡ് മൂലം വിദേശ രാജ്യങ്ങളില്‍ കുടുങ്ങിയ സൗദി വീസക്കാരുടെ കാലാവധി കഴിഞ്ഞ റീഎന്‍ട്രി (സൗദിയിലേക്കു പ്രവേശിക്കാനുള്ള അനുമതി), ഇഖാമ (താമസാനുമതി രേഖ) എന്നിവ പുതുക്കാന്‍ അവസരം. സ്‌പോണ്‍സറുമായി ബന്ധപ്പെട്ടാണ് പുതുക്കാനുള്ള നടപടി പൂര്‍ത്തിയാക്കേണ്ടത്. ഇവരുടെ ഇഖാമയും റീഎന്‍ട്രി വീസയും ഈ മാസം 30 വരെ സൗജന്യമായി നീട്ടി നല്‍കിയിരുന്നു.

കൊവിഡ് വ്യാപനത്തിൽ ശമനമുണ്ടാകുന്നുണ്ടോ എന്ന് നിരന്തര നിരീക്ഷണം നടത്തും. സാഹചര്യം വിലയിരുത്തി സൗദി ഭരണാധികാരി സൽമാൻ രാജാവിന്റെയും കിരീടാവകാശി അമീർ മുഹമ്മദ് ബിൻ സൽമാന്റെയും നിദേശങ്ങൾക്ക് അനുസൃതമായി ഉചിതമായ സമയത്ത് അനുയോജ്യമായ തീരുമാനമെടുക്കും. സ്വദേശികളായാലും വിദേശികളായാലും എല്ലാവരുടെയും ആരോഗ്യസുരക്ഷക്കാണ് പ്രധാന്യം കൊടുക്കുന്നത്. കൊവിഡ് ഇവിടെ നിലനിൽക്കുന്നിടത്തോളം സൂക്ഷ്മവും നിരന്തരവുമായ വിലയിരുത്തലുണ്ടാകും. ശരിയായ തീരുമാനങ്ങൾ എടുക്കാനാണിത്. ആരോഗ്യ സുരക്ഷക്ക് വേണ്ട മുൻകരുതലും രാജ്യം സ്വീകരിക്കുന്നുണ്ടെന്നും ആരോഗ്യ മന്ത്രി കൂട്ടിച്ചേർത്തു.