14ന് ഇരു ടീമുകളും ഗ്രീന്‍ഫീല്‍ഡ് സ്റ്റേഡിയത്തില്‍ പരിശീലനം നടത്തും. ഉച്ചയ്്ക്ക് ഒരു മണി മുതല്‍ നാലു മണിവരെ ശ്രീലങ്കന്‍ ടീമും വൈകിട്ട് അഞ്ചു മുതല്‍ എട്ടുവരെ ഇന്ത്യന്‍ ടീമും സ്റ്റേഡിയത്തില്‍ പരിശീലനത്തിനെത്തും. ടീമുകള്‍ക്കൊപ്പം തന്നെ മാച്ച് ഓഫീഷ്യലുകളും തിരുവനന്തപുരത്തെത്തും. നിതിന്‍ മേനോനും ജെ.ആര്‍. മദനഗോപാലുമാണ് ഫീല്‍ഡില്‍ മത്സരം നിയന്ത്രിക്കുന്നത്. അനില്‍ ചൗധരിയാണ് ടിവി അംപയര്‍. കെ.എന്‍. അനന്തപത്മനാഭന്‍ ഫോര്‍ത്ത് അംപയറുടെയും ജവഗല്‍ ശ്രീനാഥ് മാച്ച് റഫറിയുടെയും ചുമതല വഹിക്കും.

കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തില്‍ നടക്കുന്ന രണ്ടാമത് അന്താരാഷ്ട്ര ഏകദിന മത്സരമാണിത്. 2018 നവംബര്‍ ഒന്നിനാണ് സ്റ്റേഡിയത്തിലെ ആദ്യ അന്താരാഷ്ട്ര ഏകദിന മത്സരം നടന്നത്. അന്ന് വെസ്റ്റിന്‍ഡീസിനെതിരായ മത്സരത്തില്‍ ഇന്ത്യ വിജയിച്ചിരുന്നു. 2017 നവംബര്‍ ഏഴിന് ഇന്ത്യയും ന്യൂസിലാന്‍ഡും ഏറ്റുമുട്ടിയ ടി20യാണ് സ്റ്റേഡിയത്തിലെ ആദ്യ അന്താരാഷ്ട്ര മത്സരം. മഴ മൂലം ഏട്ട് ഓവറായി ചുരുക്കിയ മത്സരത്തില്‍ ഇന്ത്യ വിജയിച്ചിരുന്നു. അതിനു ശേഷം 2019 ഡിസംബര്‍ എട്ടിനു നടന്ന ടി20യില്‍ വിന്‍ഡീസിനെ നേരിട്ട ടീം ഇന്ത്യ പരാജയപ്പെടുകയും ചെയ്തു. കോവിഡിനെത്തുടര്‍ന്നുണ്ടായ നീണ്ട ഇടവേളയ്ക്കു ശേഷം 2022 സെപ്തംബര്‍ 28നാണ് സ്റ്റേഡിയത്തിലെ അവസാന അന്താരാഷ്ട്ര ടി20 മത്സരം നടന്നത്. ദക്ഷിണാഫ്രിക്കക്കെതിരായ മത്സരത്തില്‍ ഇന്ത്യ വിജയിച്ചിരുന്നു.

മത്സരത്തിന്റെ ടിക്കറ്റ് വില്‍പ്പന പുരോഗമിക്കുകയാണ്. അപ്പര്‍ ടയറിന് 1000 രൂപയും (18% ജിഎസ്ടി, 12% എന്റര്‍ടൈയിന്‍മെന്റ് ടാക്സ് എന്നിവ ബാധകമാണ്) ലോവര്‍ ടിയറിന് 2000 രൂപയുമാണ് (18% ജിഎസ്ടി, 12% എന്റര്‍ടൈയിന്‍മെന്റ് ടാക്സ് എന്നിവ ബാധകമാണ്) ടിക്കറ്റ് നിരക്ക്. പേടിഎം ഇന്‍സൈഡറില്‍ നിന്നും ഓണ്‍ലൈനായാണ് ടിക്കറ്റുകള്‍ ലഭ്യമാകുക. വിദ്യാര്‍ത്ഥികള്‍ക്ക് 500 രൂപയാണ് നിരക്ക് (18% ജിഎസ്ടി, 12% എന്റര്‍ടൈയിന്‍മെന്റ് ടാക്സ് എന്നിവ ബാധകമാണ്). വിദ്യാര്‍ഥികള്‍ക്കുള്ള ടിക്കറ്റുകള്‍ ബന്ധപ്പെട്ട വിദ്യാഭ്യാസ സ്ഥാപനങ്ങള്‍ മുഖേനയാണ് വാങ്ങേണ്ടത്. വിദ്യാഭ്യാസ സ്ഥാപനത്തിന്റെ ലെറ്റര്‍ ഹെഡില്‍ ടിക്കറ്റ് ആവശ്യമുള്ള വിദ്യാര്‍ത്ഥികളുടെ പേരും ഐഡി നമ്പറും അടക്കം ഉള്‍പ്പെടുത്തി കേരള ക്രിക്കറ്റ് അസോസിയേഷനുമായി ബന്ധപ്പെടണം.

135 റണ്‍സിലേക്ക് ലങ്കയെ എത്തിച്ച ബാറ്റിംഗ് പ്രകടനം പുറത്തെടുത്ത അസേല ഗുണരത്നേ(35), ദസുന്‍ ഷനക(29*) എന്നിവരുടെ പ്രകടനത്തിലാണ് ശ്രീലങ്ക ഭേദപ്പെട്ട സ്‌ക്കോറിലെത്തിയത്. താരതമ്യേന ദുര്‍ബ്ബലമായ ലക്ഷ്യം അധികം പരിക്കേല്‍ക്കാതെ ഇന്ത്യ പിന്തുടരുകയായിരുന്നു. നാലു റണ്‍സെടുത്ത കെ.എല്‍ രാഹുല്‍ എളുപ്പം മടങ്ങിയെങ്കിലും രോഹിതും ശ്രേയസ് അയ്യരും മനീഷ് പാണ്ഡെയും ഇന്ത്യയെ വിജയത്തിലേത്തിക്കുകയായിരുന്നു. കുറഞ്ഞ സ്‌കോറായതും ഇന്ത്യക്ക് കാര്യങ്ങള്‍ കൂടുതല്‍ എളുപ്പമാക്കി.

കെഎല്‍ രാഹുലിനെ വേഗത്തില്‍ നഷ്ടമായ ഇന്ത്യയ്ക്കായി ശ്രേയസ് അയ്യര്‍(30), മനീഷ് പാണ്ഡേ(32), രോഹിത് ശര്‍മ്മ(27) എന്നിവരാണ് ഇന്ത്യയ്ക്കായി ബാറ്റിംഗില്‍ തിളങ്ങിയത്. ഇന്ത്യ വിജയിക്കുമ്പോള്‍ 12 പന്തില്‍ 18 റണ്‍സുമായി ദിനേശ് കാര്‍ത്തിക്കും 10 പന്തില്‍ 16 റണ്‍സുമായി ധോനിയുമായിരുന്നു ക്രീസില്‍.

ശ്രീലങ്കയ്ക്കായി ദസുന്‍ ഷനക ബൗളിംഗിലും രണ്ട് വിക്കറ്റ് നേടി തിളങ്ങി. ദുഷ്മന്ത ചമീരയും രണ്ട് വിക്കറ്റ് നേടി.

And that’s the game. Finishing off the game in style and ending the home season on a high! #TeamIndia wrap up the T20I series 3-0 #INDvSL pic.twitter.com/AeCnKISzv6

— BCCI (@BCCI) December 24, 2017

പക്ഷേ ടി 20 റെക്കോര്‍ഡ് ഇന്ത്യക്ക് അത്ര അനുകൂലമല്ല. 2017 ഇന്ത്യന്‍ ക്രിക്കറ്റിനെ സംബന്ധിച്ച് മികച്ച വര്‍ഷമാണെങ്കില്‍ ടി-20 യിലേക്ക് വന്നാല്‍ വര്‍ഷത്തിലെ ഇന്ത്യന്‍ വിജയ റെക്കോര്‍ഡ് 6-4 എന്ന ക്രമത്തിലാണ്. അതായത് ആര്‍ക്കെതിരെയും ഇന്ത്യ ജയിക്കും, ആരോടും തോല്‍ക്കുകയും ചെയ്യും. ക്രിക്കറ്റ് പരമ്പരകളുടെ കാര്യത്തില്‍ കോലിയുടെ സംഘത്തിന് ഒന്നും നഷ്ടമായിട്ടില്ല. പക്ഷേ ടി-20 യിലേക്ക് വരുമ്പോള്‍ വിന്‍ഡീസിനെതിരായ ഏക മല്‍സര പരമ്പരയില്‍ ഇന്ത്യ കിംഗ്സ്റ്റണില്‍ തകര്‍ന്നടിഞ്ഞിരുന്നു. ഇവാന്‍ ലൂയിസ് സെഞ്ച്വറിയുമായി തകര്‍ത്താടിയ ദിനത്തില്‍ കോലിയുടെ സംഘത്തിന് മറുപടിയുണ്ടായിരുന്നില്ല. അത്തരത്തിലൊരു ആഞ്ഞടിക്കലാണ് ഇന്ന് ലങ്കന്‍ ലക്ഷ്യം.

ബാറ്റിംഗ് ഇന്ത്യക്ക് തലവേദനയാവില്ലെന്നാണ് കരുതപ്പെടുന്നത്. നായകന്‍ രോഹിതിനൊപ്പം ഇന്നിംഗ്‌സിന് തുടക്കമിടുക സ്വാഭാവികമായിട്ടും ടീമിലേക്ക് തിരിച്ചെത്തിയ കെ.എല്‍ രാഹുലായിരിക്കും. പുതിയ താരം ശ്രേയാസ് അയ്യര്‍ക്ക് ടീമില്‍ ഇടം ഉറപ്പിക്കാനുള്ള അവസരമാണിത്. ദിനേശ് കാര്‍ത്തിക്, മനീഷ് പാണ്ഡെ എന്നിവരാണ് മറ്റ് ബാറ്റിംഗ് വിലാസക്കാര്‍. മഹേന്ദ്രസിംഗ് ധോണിയിലെ അനുഭവസമ്പന്നനെ ഏത് സമയത്തും രംഗത്തിറക്കാം. ഹാര്‍ദിക് പാണ്ഡ്യ എന്ന ഓള്‍റൗണ്ടറുടെ കരുത്തും രോഹിത് ഉപയോഗപ്പെടുത്തും.

ലങ്കന്‍ സംഘത്തിന് പ്രശ്‌നം ടെസ്റ്റ്-ഏകദിന പരമ്പരയില്‍ മിന്നിയ പേസര്‍ സുരംഗ ലക്മലിന്റെ അഭാവമാണ്. ദുഷ്മന്ത ചമീര, വിശ്വ ഫെര്‍ണാണ്ടോ, നുവാന്‍ പ്രദീപ് എന്നിവരാണ് പുതിയ പേസര്‍മാര്‍. ബാറ്റിംഗില്‍ നായകന്‍ തിസാരക്ക് പുറമെ ഉപുല്‍ തംരഗ, ധനുഷ്‌ക്ക ഗുണതിലകെ, എയ്ഞ്ചലോ മാത്യൂസ് തുടങ്ങിയവരുണ്ട്.കട്ടക്കിലെ ബാരാബതി സ്‌റ്റേഡിയത്തില്‍ ഇതിന് മുമ്പ് 2015 ല്‍ ഒരു ടി-20 നടന്നിരുന്നു. ഇന്ത്യയും ദക്ഷിണാഫ്രിക്കയും തമ്മില്‍. ആ മല്‍സരത്തില്‍ ഇന്ത്യയെ 92 റണ്‍സിന് പുറത്താക്കിയ ദക്ഷിണാഫ്രിക്ക ആറ് വിക്കറ്റിന് എളുപ്പത്തില്‍ ജയിച്ചിരുന്നു. അന്ന് പേസ് പിച്ചായിരുന്നെങ്കില്‍ അതിന് ശേഷം നടന്ന ഏകദിനങ്ങളില്‍ 350 റണ്‍സിലധികം നേടി ഇന്ത്യ ശ്രീലങ്കയെയും ഇംഗ്ലണ്ടിനെയും പരാജയപ്പെടുത്തിയിരുന്നു.

Say hello to our new pace attack comprising @JUnadkat, Mohammed Siraj and Basil Thampi. #TeamIndia #INDvSL pic.twitter.com/6fgUlo9hSH

— BCCI (@BCCI) December 19, 2017

ഇന്ത്യ: രോഹിത് ശര്‍മ (നായകന്‍), കെ.എല്‍ രാഹുല്‍, ശ്രേയാസ് അയ്യര്‍, ദിനേശ് കാര്‍ത്തിക്, മനീഷ് പാണ്ഡെ, എം.എസ് ധോണി, ഹാര്‍ദിക് പാണ്ഡ്യ, കുല്‍ദീപ് യാദവ്, ജയ്‌ദേവ് ഉനദക്ത്, മുഹമ്മദ് സിറാജ്, ബേസില്‍ തമ്പി, ജസ്പ്രീത് ബുംറ, യൂസവേന്ദ്ര ചാഹല്‍

ലങ്ക: ധനുഷ്‌ക ഗുണതിലകെ, ഉപുല്‍ തരംഗ, സദീര സമരവിക്രമ, കുസാല്‍ പെരേര, എയ്ഞ്ചലോ മാത്യൂസ്, നികോഷന്‍ ഡിക്കിവാല, അസീല ഗുണരത്‌നെ, തിസാര പെരേര (നായകന്‍), സചിത് പതചിരണ, അഖില ധനജ്ഞയ, ദുഷ്മന്ത ചാമിര, നുവാന്‍ പ്രദീപ്.

ഏകദിനറാങ്കിങ്ങിലെ ഒന്നാം സ്ഥാനം ലക്ഷ്യമാക്കി ആദ്യകളിക്കിറങ്ങിയ ടീം ഇന്ത്യ ലങ്കയ്ക്കുമുന്നില്‍ തകര്‍ന്നടിയുന്ന കാഴ്ചയായിരുന്നു ധരംശാലയില്‍ കണ്ടത്. മഹേന്ദ്രസിങ് ധോണിയൊഴികെയുള്ള എല്ലാവരും നിരാശപ്പെടുത്തിയ മല്‍സരശേഷം, രോഹിത് ശര്‍മ്മ നയിക്കുന്ന ടീം ഇന്ന് മൊഹാലിയിലിറങ്ങുമ്പോള്‍ വിജയത്തില്‍കുറഞ്ഞൊന്നും പ്രതീക്ഷിക്കുന്നില്ല. കാരണം, മൂന്നു മല്‍സരങ്ങളുള്ള പരമ്പരയില്‍ ഇന്നുകൂടി വിജയിക്കാനായാല്‍ ലങ്ക പരമ്പര സ്വന്തമാക്കും.

We have a new kid on the block. Washington Sundar is all set to make his ODI debut here in Mohali #TeamIndia #INDvSL pic.twitter.com/VxquVkgSIa

— BCCI (@BCCI) December 13, 2017

ഇന്ത്യയ്ക്കുവേണ്ടി കൂടുതല്‍ ഏകദിനം കളിച്ചവരില്‍ സൗരവ് ഗാംഗുലിയുടെ നേട്ടത്തിനൊപ്പം ധോണിയെത്തും എന്നതും ഇന്നത്തെ മല്‍സരത്തിന്റെ പ്രത്യേകതയാണ്. ഇന്നത്തേത് ധോണിയുടെ 311ാം മല്‍സരമാണ്. 463 ഏകദിനം കളിച്ച സച്ചിന്റെ പേരിലാണ് ഈയിനത്തില്‍ റെക്കോര്‍ഡ്

ഇന്ത്യ: രോഹിത് ശര്‍മ്മ, ശിഖര്‍ ധവാന്‍, ശ്രേയസ് അയ്യര്‍, ദിനേശ് കാര്‍ത്തിക്, മനീഷ് പാണ്ഡേ, എംഎസ് ധോണി, ഹാര്‍ദ്ദിക് പാണ്ഡ്യ, വാഷിംഗ്ടണ്‍ സുന്ദര്‍, ഭുവനേശ്വര്‍ കുമാര്‍, ജസ്പ്രീത് ബുംറ, യൂസുവേന്ദ്ര ചഹാല്‍

ശ്രീലങ്ക: ധനുഷ്‌ക ഗുണതിലക, ഉപുല്‍ തരംഗ, ലഹിരു തിരിമന്നേ, ആഞ്ചലോ മാത്യൂസ്, നിരോഷന്‍ ഡിക്ക്വെല്ല, അസേല ഗുണരത്‌നേ, തിസാര പെരേര, സചിത് പതിരന, സുരംഗ ലക്മല്‍, അകില ധനന്‍ജയ, നുവാന്‍ പ്രദീപ്

വിരാത് കോലി നായകനായിരുന്ന സമയത്ത് വിജയങ്ങള്‍ മാത്രം ശീലമാക്കിയ ടീമാണ് പുതിയ നായകന് കീഴില്‍ തകരുന്നത് എന്ന അപവാദം കേള്‍ക്കേണ്ടി വരും. ഏഴ് വിക്കറ്റിന് 29 റണ്‍സ് എന്ന വലിയ നാണക്കേട്-ആ നാണക്കട് എക്കാലത്തും ഇന്ത്യയെ വേട്ടയാടും. ധര്‍മശാലയിലെ ആ നാണക്കേടില്‍ നിന്നും ഇന്ത്യയെ കര കയറ്റിയ മഹേന്ദ്രസിംഗ് ധോണിയുടെ അനുഭവസമ്പത്ത് തന്നെ ഇന്നും ബാറ്റിംഗില്‍ തുണ. ശിഖര്‍ ധവാന്‍, രോഹിത്, ദിനേശ് കാര്‍ത്തിക്, ഹാര്‍ദിക് പാണ്ഡ്യ, ശ്രേയാസ് അയ്യര്‍ തുടങ്ങിയ ബാറ്റിംഗ് വിലാസക്കാര്‍ ആദ്യ ഏകദിനത്തില്‍ ലങ്കന്‍ സീമര്‍ സുരംഗ ലക്മാലിന് മുന്നിലാണ് പ്രതിരോധം തകര്‍ന്ന് വട്ടപ്പൂജ്യരായത്.

മൊഹാലിയിലെ ട്രാക്കും ഏറെക്കുറെ ധര്‍മശാലയിലെ അതേ സ്വഭാവമുള്ളതാണ്. ഇന്ത്യയില്‍ സീമര്‍മാരെ തുണക്കുന്ന എക ട്രാക്ക് എന്ന അംഗീകാരമാണ് മൊഹലിക്കുളളത്. ഇവിടെ ലക്മാല്‍ അപകടം തന്നെയാണ്. എയ്ഞ്ചലോ മാത്യൂസിന്റെ അനുഭവസമ്പത്തും പുതിയ പന്തില്‍ നിര്‍ണായകമാണ്. ഇന്ത്യന്‍ സീമര്‍മാര്‍ പക്ഷേ ആദ്യ ഏകദിനത്തില്‍ പരാജയമായിരുന്നു. ഭുവനേശ്വര്‍ കുമാര്‍, ജസ്പ്രീത് ബുംറ, മുഹമ്മദ് ഷമി തുടങ്ങിയവര്‍ക്കൊന്നും ലങ്കന്‍ സീമര്‍മാരെ പോലെ ബാറ്റ്‌സ്മാന്മാര്‍ക്ക് വെല്ലുവിളി ഉയര്‍ത്താനായില്ല. ബാറ്റിംഗും ഇന്ത്യക്ക് ഇത് വരെ തലവേദനയായിരുന്നില്ല. ടെസ്റ്റ് പരമ്പരയില്‍ ഗംഭീര പ്രകടനം നടത്തിയവരാണ് ഇന്ത്യന്‍ ബാറ്റ്‌സ്മാന്മാര്‍. പക്ഷേ ധര്‍മശാലയിലെ നിസ്സഹായത അവരെ ഇന്ന് സമ്മര്‍ദ്ദത്തിലാക്കുന്നുണ്ട്. ടെസ്റ്റ് പരമ്പര നഷ്ടമായ സാഹചര്യത്തില്‍ ഏകദിന പരമ്പരയാണ് ടീമിന്റെ ലക്ഷ്യമെനന് നായകന്‍ തിസാര പെരേര പറഞ്ഞു. ധര്‍മശാലയിലെ പ്രകടനം എല്ലാവരുടെയും കണ്ണ് തുറപ്പിച്ചിട്ടുണ്ടെന്നാണ് താന്‍ കരുതുന്നതെന്നാണ് ഇന്ത്യന്‍ നായകന്‍ രോഹിത് ശര്‍മ അഭിപ്രായപ്പെട്ടത്.

സുന്ദരമായ സീമില്‍ സുരംഗ ലക്മാല്‍ 13 റണ്‍സ് മാത്രം നല്‍കി നാല് വിക്കറ്റ് നേടി സംഹാര താണ്ഡവം ചെയ്യുമ്പോള്‍ ധോണി ക്ഷമയോടെ പൊരുതിക്കളിച്ചു. കുല്‍ദിപ് എന്ന വാലറ്റക്കാരന്‍ മാത്രം അല്‍പ്പസമയം പിന്തുണ കൊടുത്തു. ആ കരുത്തിലാണ് ടീം സ്‌ക്കോര്‍ 112 വരെ എത്തിയത്. അല്ലാത്തപക്ഷം ഇന്ത്യന്‍ പര്യടനത്തില്‍ തോല്‍വികള്‍് മാത്രം സമ്പാദ്യമാക്കിയ തിസാര പെരേരയുടെ സംഘത്തിനെതിരെ രോഹിത് ശര്‍മയുടെ സംഘം വലിയ നാണക്കേടാവുമായിരുന്നു.അസാധാരണമായ സാഹചര്യമായിരുന്നു ധര്‍മശാലയില്‍. ടോസ് അതിനിര്‍ണായകമായിരുന്നു. അതാവട്ടെ ലങ്കക്കൊപ്പം നിന്നു. പേസര്‍മാരെ ഈ വിധം പിച്ച് തുണക്കുമെന്ന് ആരും കരുതിയില്ല. കൃത്യമായ പന്തുകളായിരുന്നൂു ലക്മലിന്റേത്. ഏത് ബാറ്റ്‌സ്മാനും വീഴും. എല്ലാ പന്തുകളും വിക്കറ്റിലേക്ക് തന്നെ പറന്നു വന്നു.

ശിഖര്‍ ധവാന്‍ എന്ന അനുഭവസമ്പന്നന്‍ തുടക്കത്തില്‍ ബൗളര്‍മാരെ വിറപ്പിക്കാന്‍ നോക്കി. പക്ഷേ എയ്ഞ്ചലോ മാത്യൂസിന്റെ പന്ത് ധവാനെ കീഴടക്കി. രണ്ട് ഓവറിന് ശേഷം രോഹിത് ശര്‍മയെ മനോഹരമായ പന്തില്‍ ലക്മല്‍ തിരിച്ചയച്ചു. ആദ്യ അഞ്ച് ഓവറില്‍ ഇന്ത്യ നേടിയത് കേവലം രണ്ട് റണ്ണായിരുന്നു. പത്ത് ഓവറില്‍ സ്‌ക്കോര്‍ 11 റണ്‍സ് മാത്രം. ഇത്രയും ദയനീയമായ സ്‌ക്കോറിംഗ് റേറ്റ് സമീപകാലത്തൊന്നും ഉണ്ടായിരുന്നില്ല. മനീഷ് പാണ്ഡെ (2), ഹാര്‍ദിക് പാണ്ഡ്യ(10), ഭുവനേശ്വര്‍ എന്നിവരെല്ലാം ലങ്കന്‍ പേസില്‍ അതിവേഗം മടങ്ങി. ദിനേശ് കാര്‍ത്തിക്കിനും(0) ശ്രേയാസ് അയ്യര്‍ക്കും (9) അവസരങ്ങള്‍ പ്രയോജനപ്പെടുപത്താനായില്ല.ഇവിടെ നിന്നുമാണ് ധോണി വരുന്നത്. നേരിട്ട ആദ്യ പന്തില്‍ തന്നെ ആക്രമണം. വാലറ്റത്തെ സാക്ഷി നിര്‍ത്തി പോരാട്ടവീര്യം. ഗ്യാപ്പുകള്‍ കണ്ടെത്തി റണ്‍സ് നേടി. 38.2 ഓവറിലാണ് അവസാന സ്ഥാനക്കാരനായി ധോണി പുറത്തായത്. ലങ്ക പരീക്ഷിച്ച എല്ലാ ബൗളര്‍മാരും വിക്കറ്റ് നേടി. ലക്മാല്‍ നാല് വിക്കറ്റ് നേടിയപ്പോള്‍ ഫെര്‍ണാണ്ടോക്ക് രണ്ട് വിക്കറ്റ് ലഭിച്ചു. തിസാര പെരേര, മാത്യൂസ്, ധനഞ്ജയ, പതിരാന എന്നിവരും ഓരോ വിക്കറ്റ് നേടി. മറുപടി ബാറ്റിംഗില്‍ തുടക്കത്തില്‍ തന്നെ ബുംറയിലുടെ ഇന്ത്യക്കും വിക്കറ്റ് ലഭിച്ചു. ഗുണതിലകെ വേഗം പുറത്തായി. തിരിമാനെയും പെട്ടെന്ന് മടങ്ങിയപ്പോള്‍ ചെറിയ പ്രതീക്ഷ കൈവന്നു. പക്ഷേ ഉപുല്‍ തരംഗയും (49), മാത്യൂസും (25 നോട്ടൗട്ട്) ആശങ്കകള്‍ അകറ്റി..

Innings Break! Sri Lanka all out for 205 in 79.1 overs #INDvSL pic.twitter.com/mgIhZNCCed

— BCCI (@BCCI) November 24, 2017

അര്‍ധ സെഞ്ച്വറി നേടിയ ദിമുത് കരുണരത്നെക്കും (51) നായകന്‍ ദിനേഷ് ചണ്ഡിമലിനും (57) മാത്രമേ ലങ്കന്‍ നിരയില്‍ ബാറ്റു കൊണ്ട് കാര്യമായ വല്ലതും ചെയ്യാന്‍ കഴിഞ്ഞുള്ളൂ. അതു കഴിഞ്ഞാലുള്ള ഉയര്‍ന്ന സ്‌കോര്‍ നിരോഷന്‍ ഡിക്ക്വെല്ല(24)യുടേതാണ്.
ലോകേഷ് രാഹുലിന്റെ (7) വിക്കറ്റാണ് ഇന്ത്യക്ക് നഷ്ടമായത്. രണ്ട് റണ്‍സ് വീതവുമായി മുരളി വിജയും ചേതേശ്വര്‍ പുജാരയുമാണ് ക്രീസില്‍.

അവസാന ഏകദിന മല്‍സരത്തിന്റെ ടീമില്‍നിന്ന് രണ്ടു മാറ്റങ്ങളുമായാണ് ഇന്ത്യ കളത്തിലിറങ്ങിയത്. അജിങ്ക്യ രഹാനയ്ക്കും ഷാര്‍ദുല്‍ താക്കൂറിനും പകരം കെ.എല്‍. രാഹുലും അക്‌സര്‍ പട്ടേലുമാണ് കളിച്ചത്. ഇതോടെ, അക്‌സര്‍ കുല്‍ദീപ് യാദവ്, യുസ്വേന്ദ്ര ഛഹല്‍ എന്നീ മൂന്നു സ്പിന്നര്‍മാരാണ് ഇന്ത്യന്‍ ടീമിനു കരുത്തായത്. ഓള്‍റൗണ്ടര്‍ ഹാര്‍ദിക് പാണ്ഡ്യയെയും ഇന്നും പുറത്തിരുത്തി.

അതേസമയം, ശ്രീലങ്കയുടെ ടി20 സ്‌കാഡില്‍ പരിചയസമ്പന്നരായിരുന്നു കൂടുതല്‍. അഷാന്‍ പ്രിയഞ്ജന്‍, ദാസുന്‍ ഷനാക, സീക്കുഗെ പ്രസന്ന, തിസാര പെരേര, ഇസുരു ഉഡാന എന്നിവരെ ടീമില്‍ ഉള്‍പ്പെടുത്തിയിരുന്നു

The entire ground is now covered #SLvIND pic.twitter.com/sokO88rwaz

— BCCI (@BCCI) August 24, 2017

ആറ് ഇന്ത്യന്‍ വിക്കറ്റുകളാണ് ധനജ്ഞയ വീഴ്ത്തിയത്. ഒരു വിക്കറ്റിന് 109 റണ്‍സെന്ന ശക്തമായ നിലയില്‍ നിന്നുമാണ് ഇന്ത്യ മൂക്കും കുത്തി വീണത്. ഓപണര്‍മാരായ രോഹിത് ശര്‍മ 45 പന്തില്‍ അഞ്ച് ബൗണ്ടറിയും മൂന്ന് സിക്‌സറുമടക്കം 54 റണ്‍സും, ശിഖര്‍ ധവാന്‍ 49 റണ്‍സുമെടുത്ത് പുറത്തായി. ഇരുവരും പുറത്തായ ശേഷം പിന്നീട് പല്ലെകലെയില്‍ കണ്ടത് ധനജ്ഞയയുടെ മാജിക്കായിരുന്നു. രണ്ടാമനായി എത്തിയ രാഹുലിനെ (04) ക്ലീന്‍ ബൗള്‍ഡ് ചെയ്തുകൊണ്ടാണ് വരാനിരിക്കുന്ന കൊടുങ്കാറ്റിന്റെ സൂചന ധനജ്ഞയ നല്‍കിയത്. കേദാര്‍ ജാദവ് (01) വന്നത് പോലെ ധനജ്ഞയയുടെ പന്തില്‍ കുറ്റി തെറിച്ച് പുറത്തായി. ക്യാപ്റ്റന്‍ കോലിക്കും ലങ്കക്കാരന്റെ മുന്നില്‍ മറുപടി ഉണ്ടായിരുന്നില്ല. നാല് റണ്‍സായിരുന്നു ക്യാപ്റ്റന്റെ സമ്പാദ്യം. കൂറ്റനടിക്ക് മുതിര്‍ന്ന് ഹര്‍ദിക് പാണ്ഡ്യ (0) ഡിക് വെല്ലയുടെ സ്റ്റമ്പിങില്‍ പുറത്തായി. അക്‌സര്‍ പട്ടേല്‍ വിക്കറ്റിന് മുന്നില്‍ കുടുങ്ങിയും (06) പവലിയനിലെത്തി. മുന്‍ ക്യാപ്റ്റന്‍ ധോണി പിന്നീട് ഭുവനേശ്വര്‍ കുമാറിനെ കൂട്ട് പിടിച്ച് രക്ഷാ ദൗത്യം നടത്തിയപ്പോളഅ# പ്രതീക്ഷകള്‍ കുറവായിരുന്നു.

മഹേന്ദ്രസിംഗ് ധോണി ഭുവനേശ്വര്‍ കുമാറിനെ കൂട്ട് പിടിച്ച് നടത്തിയ രക്ഷാ ദൗത്യം

അവിടെയാണ് മഹിയുടെ പോരാട്ടവീര്യം ഉണര്‍ന്നത്. ഭുവനേശ്വറിന് കാര്യമായ ബാറ്റിംഗ് റെക്കോര്‍ഡ് ഇല്ലെങ്കിലും അദ്ദേഹത്തെ കൂട്ടുനിര്‍ത്തി പ്രതിരോധത്തില്‍ ജാഗ്രത പുലര്‍ത്തിയുള്ള മഹി ഇന്നിംഗ്‌സിന് മുന്നില്‍ ലങ്കന്‍ സ്പിന്നര്‍മാര്‍ വിയര്‍ത്തു.
ആക്രമണമായിരുന്നില്ല മുന്‍ ക്യാപ്റ്റന്റെ മുദ്രാവാക്യം-പ്രതിരോധമായിരുന്നു. പന്തുകള്‍ ധാരാളമുള്ളപ്പോള്‍ ഭുവനേശ്വറിന് അവസരം നല്‍കിയുള്ള തന്ത്രപൂര്‍വ്വമായ ഇടപെടലുകള്‍. ഒടുവില്‍ ഭുവനേശ്വര്‍ അര്‍ധ സെഞ്ച്വറിയും സ്വന്തമാക്കിയാണ് ഇന്ത്യന്‍ ജയം രാജകീയമാക്കിയത്.
നേരത്തെ ആദ്യം ബാറ്റു ചെയ്ത ലങ്ക ആദ്യ ഏകദിനത്തിലെ നിരുപാധിക കീഴടങ്ങലിന്റെ ക്ഷീണം മാറ്റി ഭേദപ്പെട്ട പ്രകടനമാണ് കാഴ്ചവെച്ചത്. ഇന്ത്യന്‍ ബൗളര്‍മാരെ ധീരമായി നേരിട്ട മിലന്‍ഡ സിരിവര്‍ധനയുടെ (58) തിളക്കമാര്‍ന്ന അര്‍ധശതകമാണ് ശ്രീലങ്കയ്ക്ക് പൊരുതാനുള്ള സ്‌കോര്‍ നല്‍കിയത്. മെച്ചപ്പെട്ട സ്‌കോറിലേക്ക് നീങ്ങുകയായിരുന്നു ലങ്കയെ നാല് വിക്കറ്റ് പിഴുത് ജസ്പ്രീത് ഭുംറയാണ് തടയിട്ടത്. ടോസ് നേടിയ കോലി ഫീല്‍ഡിങ് തെരഞ്ഞെടുക്കുകയായിരുന്നു. എന്നാല്‍ ക്യാപ്റ്റനെ നിരാശപ്പെടുത്തുന്ന രീതിയിലായിരുന്നു ലങ്കന്‍ ഓപ്പണര്‍മാരുടെ തുടക്കം. ഒന്നാം വിക്കറ്റില്‍ 41 റണ്‍സ് എടുത്ത ശേഷമാണ് ഇന്ത്യയ്ക്ക് വിക്കറ്റ് വീഴ്ത്താനായത്. 24 പന്തില്‍ 31 റണ്‍സ് എടുത്ത് ഡിക്ക്‌വെല്ല ലങ്കന്‍ ബാറ്റസ്മാന്മാരുടെ മനോവീര്യം ചോര്‍ന്നില്ലെന്ന് കാണിച്ചു. ഗുണതിലക (19), ഉപുല്‍ തരംഗ (9), മെന്‍ഡിസ് (19), എയ്ഞ്ചലോ മാത്യൂസ് (20), കപുഗേധര (36) എന്നിങ്ങനെയായിരുന്നു മറ്റുള്ളവരുടെ പ്രകടനം. ലങ്കന്‍ ഇന്നിങ്‌സിലെ മികച്ച കൂട്ടുകെട്ടായിരുന്നു ഇത്. ജസ്പ്രീത് ഭുംറ10 ഓവറില്‍ 43 റണ്‍സ് വിട്ടുകൊടുത്ത നാല് വിക്കറ്റുകള്‍ സ്വന്തമാക്കി. ടെസ്റ്റ് പരമ്പര ഇന്ത്യ നേരത്തെ 3-0 ത്തിന് തൂത്ത് വാരിയിരുന്നു. ഏകദിന പരമ്പരയിലും അത്തരമൊരു അവസരമാണ് വരുന്നത്.

നേരത്തേ, 43.2 ഓവറില്‍ ശ്രീലങ്കയുടെ എല്ലാ ബാറ്റ്‌സ്മാന്‍മാരും പുറത്താവുകയായിരുന്നു. ഒരു ഘട്ടത്തില്‍ രണ്ടു വിക്കറ്റിന് 139 റണ്‍സെന്ന ശക്തമായ നിലയിലായിരുന്നു ലങ്ക. 64 റണ്‍സെടുത്ത നിരോഷന്‍ ഡിക്‌വെല്ലയും 35 റണ്‍സെടുത്ത ഗുണതിലകയും ഓപ്പണിങ് വിക്കറ്റില്‍ 74 റണ്‍സിന്റെ കൂട്ടുകെട്ടുണ്ടാക്കി. 36 റണ്‍സെടുത്ത കുശാല്‍ മെന്‍ഡിസ് കൂടി പുറത്തായതോടെ ശ്രീലങ്കയുടെ തകര്‍ച്ച ആരംഭിച്ചു. ഇന്ത്യയ്ക്കു വേണ്ടി അക്‌സര്‍ പട്ടേല്‍ മൂന്നു വിക്കറ്റും കേദാര്‍ ജാദവും യുസവേന്ദ്ര ചഹലും ബുമ്രയും രണ്ടു വിക്കറ്റും വീഴ്ത്തി.