കഴുത്തിന് പരുക്കേറ്റ മുംബൈ താരം മുഷീറിന് ഇറാനി കപ്പ് മത്സരം നഷ്ടമാകും. മൂന്നൂ മാസത്തിലേറെ താരം പുറത്തിരിക്കേണ്ടി വരുമെന്നാണു വിവരം. രഞ്ജി ട്രോഫിയിലെ ഏതാനും മത്സരങ്ങളും മുഷീറിന് നഷ്ടമായേക്കും.

ദുലീപ് ട്രോഫിയില്‍ ഇന്ത്യ ബിക്കു വേണ്ടി കളിക്കാനിറങ്ങിയ മുഷീര്‍, ഇന്ത്യ എ ടീമിനെതിരെ 181 റണ്‍സാണ് നേടിയത്്. ആഭ്യന്തര ക്രിക്കറ്റില്‍ 15 ഇന്നിങ്‌സുകളില്‍നിന്നായി മൂന്ന് സെഞ്ചറികളും ഒരു അര്‍ധ സെഞ്ചറിയും അടക്കം 716 റണ്‍സ് മുഷീര്‍ ഖാന്‍ നേടിയിട്ടുണ്ട്. ഓള്‍ റൗണ്ടറുടെ റോളില്‍ തിളങ്ങുന്ന താരം ഫസ്റ്റ് ക്ലാസില്‍ ഒന്‍പതു മത്സരങ്ങളില്‍നിന്ന് എട്ട് വിക്കറ്റുകള്‍ വീഴ്ത്തിയിട്ടുണ്ട്.