indian football team – Chandrika Daily

ഫിഫ റാങ്കിങ്ങില്‍ നേട്ടമുണ്ടാക്കി ഇന്ത്യ; ടീം നൂറാം സ്ഥാനത്ത്‌

webdesk14 — Fri, 30 Jun 2023 06:10:11 +0000

ഫിഫ റാങ്കിങ്ങില്‍ നേട്ടമുണ്ടാക്കി ഇന്ത്യന്‍ പുരുഷ ഫുട്‌ബോള്‍ ടീം. വ്യാഴാഴ്ച പുറത്തിറക്കിയ ഫിഫ റാങ്കിങ്ങില്‍ ഇന്ത്യ നൂറാം സ്ഥാനത്തെത്തി. ഈ നേട്ടം എ.ഐ.എഫ്.എഫ്. ട്വിറ്ററില്‍ പങ്കുവെക്കുകയും ചെയ്തു. ക്രമാനുഗതമായി ഞങ്ങള്‍ ഉയരുന്നു എന്ന ക്യാപ്ഷനോടെയാണ് എ.ഐ.എഫ്.എഫ് ഈ വാര്‍ത്ത ട്വീറ്റ് ചെയ്തത്.

2019 ഏപ്രിലില്‍ ഫിഫ പുറത്തുവിട്ട റാങ്കിങ്ങില്‍ നൂറാം റാങ്കിന് പുറത്തായതിന് ശേഷം ആദ്യമായാണ് ഇന്ത്യ 100നുള്ളില്‍ തിരിച്ചെത്തുന്നത്. 1204.9 പോയന്റോടെയാണ് ഇന്ത്യ 100-ാം റാങ്കിലെത്തിയത്. നേരത്തേ 1200.66 പോയന്റാണ് ഇന്ത്യക്കുണ്ടായിരുന്നത്. 4.24 പോയന്റ് വര്‍ധിച്ച ഇന്ത്യന്‍ ടീം ലെബനന്‍, ന്യൂസിലന്‍ഡ് ടീമുകളെ മറികടന്നാണ് ഈ നേട്ടത്തിലെത്തിയത്.

കൊല്‍ക്കത്തയില്‍ ഇന്ന് ഫുട്‌ബോള്‍ പൂരം

Test User — Tue, 15 Oct 2019 05:44:33 +0000

വലിയ വിജയത്തില്‍ കുറഞ്ഞതൊന്നും ഇന്ത്യ ഇന്ന് പ്രതീക്ഷിക്കുന്നില്ല. അതിനുള്ള കരുത്ത് ഇന്ത്യന്‍ ടീമിനുണ്ട്. ഗുവാഹത്തിയില്‍ ഒമാനോടേറ്റ ഞെട്ടിക്കുന്ന തോല്‍വിയില്‍ നിന്ന് ഏഷ്യന്‍ ചാമ്പ്യന്മാരായ ഖത്തറിനെ സ്വന്തം തട്ടകത്തില്‍ സമനിലയില്‍ തളക്കാന്‍ നീലക്കടുവകള്‍ക്കായി.

ഇന്ത്യന്‍ ഫുട്‌ബോളിലെ ‘മെക്ക’ എന്നറിയപ്പെടുന്ന കൊല്‍ക്കത്തയില്‍ കളിക്കാനിറങ്ങുമ്പോള്‍ സ്റ്റേഡിയം ഇന്ത്യക്കായി ആര്‍പ്പുവിളിക്കുമ്പോള്‍ ബംഗ്ലാദേശിന് സ്ഥിതികള്‍ അത്ര എളുപ്പമാവില്ല.ഇന്ത്യന്‍ പ്രതിരോധത്തിലെ നെടുംതൂണെന്ന് വിളിക്കുന്ന സന്ദേശ് ജിങ്കന്റെ അഭാവം ടീമിനെ ബാധിക്കുമെങ്കിലും മലയാളി താരം അനസ് എടത്തൊടികയെപോലെയുള്ള പരിചയ സമ്പന്നരുടെ സാന്നിധ്യം കരുത്ത് തന്നെയാണ്. ഇന്ത്യന്‍ സമയം വൈകിട്ട് 7.30 നാണ് കൊല്‍ക്കത്തയിലെ സാള്‍ട്ട്‌ലേക്ക് സ്റ്റേഡിയത്തില്‍ മത്സരം ആരംഭിക്കുക.

ഇന്ത്യന്‍ ടീം

.@stimac_igor announces 2⃣3⃣-member squad for @FIFAWorldCup Qatar 2022 qualifier against Bangladesh

GOALKEEPERS: Gurpreet Singh Sandhu, Amrinder Singh, Kamaljit Singh.#BackTheBlue #IndianFootball #BlueTigers
— Indian Football Team (@IndianFootball) October 12, 2019

DEFENDERS: Pritam Kotal, Rahul Bheke, Adil Khan, Narender, Sarthak Golui, Anas Edathodika, Mandar Rao Dessai, Subhasish Bose.#BackTheBlue #IndianFootball #BlueTigers
— Indian Football Team (@IndianFootball) October 12, 2019

MIDFIELDERS: Udanta Singh, Nikhil Poojary, Vinit Rai, Anirudh Thapa, Abdul Sahal, Raynier Fernandes, Brandon Fernandes, Lallianzuala Chhangte, Ashique Kuruniyan.#BackTheBlue #IndianFootball #BlueTigers
— Indian Football Team (@IndianFootball) October 12, 2019

FORWARDS: Sunil Chhetri, Balwant Singh, Manvir Singh.#BackTheBlue #IndianFootball #BlueTigers
— Indian Football Team (@IndianFootball) October 12, 2019

റാണയുടെ തകര്‍പ്പന്‍ ഗോളില്‍ സാഫ് കപ്പില്‍ മുത്തമിട്ട് ഇന്ത്യ

Test User — Sun, 29 Sep 2019 11:01:25 +0000

അണ്ടര്‍ 18 സാഫ് കപ്പ് കിരീടം ഇന്ത്യക്ക്. ഫൈനല്‍ മത്സരത്തില്‍ ബംഗ്ലാദേശിനെ ഒന്നിനെതിരെ രണ്ട് ഗോളിനാണ് ഇന്ത്യ പരാജയപ്പെടുത്തിയത്. ഇന്ത്യക്ക് വേണ്ടി വിക്രം പ്രതാപും രവി ബഹദൂര്‍ റാണയും ഗോളുകള്‍ നേടി. ബംഗ്ലാദേശിന് വേണ്ടി യേഷിനാണ് ഗോള്‍ നേടിയത്. മത്സരത്തിന്റെ 22 ാം മിനിറ്റില്‍ ഗ്രൗണ്ടിലെ മോശം പെരുമാറ്റത്തിന് ഇന്ത്യയുടെയും ബംഗ്ലാദേശിന്റെ ഓരോ താരങ്ങള്‍ക്ക് ചുവപ്പ് കാര്‍ഡ് കണ്ട് പുറത്തേക്ക് പോവേണ്ടി വന്നു.

40 ാം മിനിറ്റില്‍ വീണ്ടും മറ്റൊരു ചുവപ്പ് കാര്‍ഡുകൂടി കിട്ടിയതോടെ ബംഗ്ലാദേശ് 9 ആളുകളായി ചുരുങ്ങി. 91ാം മിനിറ്റിലെ റാണയുടെ മിന്നും ഗോളാണ് ഇന്ത്യക്ക് വിജയം സമ്മാനിച്ചത്.

ലോകകപ്പ് യോഗ്യത; ഇന്ത്യ നാളെ ഖത്തറിനെതിരെ

Test User — Mon, 09 Sep 2019 14:09:37 +0000

ആദ്യ മത്സരത്തിലെ തോല്‍വിയുടെ ഞെരുക്കം മാറാന്‍ നാളെ ഇന്ത്യക്ക് ജയിക്കണം. എന്നാല്‍ എതിരാളികള്‍ സാക്ഷാല്‍ ഏഷ്യന്‍ ചാമ്പ്യന്മാരായ ഖത്തറാണ്. ദോഹയിലാണ് മത്സരം നടക്കുന്നത്.

കഴിഞ്ഞ മത്സരത്തിന് അണിനിരന്ന ടീമില്‍ നിന്ന് മാറ്റങ്ങള്‍ ഇന്ത്യന്‍ ടീമില്‍ ഉണ്ടാകുമെന്ന് ഇന്ത്യന്‍ കോച്ച് വ്യക്തമാക്കിയിരുന്നു. കഴിഞ്ഞ മത്സരത്തില്‍ ആദ്യ ഇലവനില്‍ ഉള്‍പ്പെടാതിരുന്ന മലയാളി താരം സഹലിനെ ആദ്യ ഇലവനില്‍ ഉള്‍പ്പെടുത്താന്‍ സാധ്യതയേറെയാണ്.

പ്രതിരോധനിരയില്‍ അനസ് എടത്തൊടികയും നാളത്തെ മത്സരത്തില്‍ കളിക്കാന്‍ സാധ്യതയുണ്ട്. എന്നാല്‍ ഖത്തര്‍ മികച്ച ഫോമിലാണ് . ആദ്യ മത്സരത്തില്‍ അഫ്ഗാനിസ്ഥാനെ ആറ് ഗോളുകള്‍ക്കാണ് അവര്‍ തോല്‍പ്പിച്ചത്. അല്‍മോയ്‌സ് അലിയുടെ ഹാട്രിക്കിന്റെ ബലത്തിലായിരുന്നു ഖത്തറിന്റെ അനായാസ ജയം. നാളത്തെ മത്സരത്തില്‍ ഇന്ത്യക്ക് ഖത്തറിനെ സമനിലയില്‍ തളക്കാന്‍ സാധിച്ചാലും അതൊരു നേട്ടമായിരിക്കും.

രണ്ടാം പകുതിയില്‍ പതുങ്ങുന്ന നീലകടുവകള്‍

Test User — Fri, 06 Sep 2019 14:38:18 +0000

ദിബിന്‍ ഗോപന്‍

ഹൃദയം തകര്‍ക്കുന്ന കാഴ്ച്ച തന്നെയായിരുന്നു കഴിഞ്ഞ ദിവസം ഗുവാഹത്തിയിലെ ഇന്ദിരാഗാന്ധി സ്റ്റേഡിയം ഇന്ത്യക്ക് സമ്മാനിച്ചത്. മത്സരത്തിന്റെ അവസാന പത്ത് മിനിറ്റിലെ പതര്‍ച്ച വീണ്ടും ഇന്ത്യക്ക് ശാപമായി.
ഇത് ആദ്യമായല്ല ഇന്ത്യ ലീഡ് നേടിയതിന് ശേഷം എതിര്‍ ടീമിന് വിജയത്തിന് വഴിയൊരുക്കുന്നത്. 2019- ല്‍ യുഎഇ യില്‍ നടന്ന ഏഷ്യന്‍ കപ്പിലെ അവസാന മത്സരത്തില്‍ സമനില മാത്രം മതിയായിട്ടും അവസാന മിനിറ്റില്‍ നല്‍കിയ പെനാല്‍ട്ടി തട്ടി തെറിപ്പിച്ചത് വലിയ പ്രതീക്ഷകളായിരുന്നു. മത്സരത്തിന്റെ അവസാന നിമിഷങ്ങളിലേക്കടുക്കുമ്പോള്‍ നഷ്ടപ്പെടുത്തുന്ന ആത്മവിശ്വാസം തന്നെയാണ് തോല്‍വിയിലേക്ക് നയിക്കുന്നത്.

ഗോളടിച്ചാല്‍ മാറുന്ന ശൈലി

ലീഡ് നേടിയാല്‍ ശൈലി മാറ്റുന്നത് ഇന്ത്യ ഇതാദ്യമായല്ല. പലപ്പോളും പ്രതിരോധത്തിലേക്ക് ഊന്നുമ്പോഴാണ് ഇന്ത്യ ഗോളുകള്‍ വഴങ്ങുന്നതും. പുതിയ കോച്ച് ഇഗോര്‍ സ്റ്റിമാച്ച് അക്രമണ ശൈലിയാണ് ഇഷ്ടപ്പെടുന്നതെന്ന് പറയുമ്പോഴും കഴിഞ്ഞ ദിവസവും നമ്മള്‍ കണ്ടത് പഴയ ശൈലിയില്‍ കളിക്കുന്ന ടീമിനെ തന്നെയാണ്. എതിര്‍ ടീമിനെ പ്രതിരോധിക്കാന്‍ മാത്രം ശ്രമിക്കുമ്പോള്‍ കൂടെ സമ്മര്‍ദ്ദവും വര്‍ധിക്കുന്നു. ഇത് ഉണ്ടാക്കുന്ന പിഴവുകള്‍ ഗോളുകളും.

ഇനി വരുന്ന മത്സരങ്ങള്‍

സെപ്തംബര്‍ 10, 2019- ഖത്തര്‍ (away)
ഒക്‌ടോബര്‍ 15, 2019 – ബംഗ്ലാദേശ് (home)
നവംബര്‍ 14, 2019 – അഫ്ഗാനിസ്ഥാന്‍ (away)
നവംബര്‍ 19, 2019 – ഒമാന്‍ (away)
മാര്‍ച്ച് 26, 2020 – ഖത്തര്‍ (home)
ജൂണ്‍ 4, 2020 – ബംഗ്ലാദോശ് (away)
ജൂണ്‍ 9, 2020 – അഫ്ഗാനിസ്ഥാന്‍ (home)

ലോകകപ്പ് യോഗ്യത; ഒമാനെ നേരിടാന്‍ ഇന്ത്യന്‍ ടീം ഗുവാഹത്തിയില്‍

Test User — Tue, 03 Sep 2019 09:27:39 +0000

ലോകകപ്പ് യോഗ്യതാ മത്സരത്തിനായി ഇന്ത്യന്‍ ഫുട്‌ബോള്‍ ടീം ഗുവാഹത്തിയിലെത്തി. സെപ്തംബര്‍ 5 ന് ഗുവാഹത്തിയിലെ ഇന്ദിരാഗാന്ധി അത്‌ലറ്റിക്ക് സ്റ്റേഡിയത്തില്‍ ഒമാനെതിരെയാണ് ഇന്ത്യയുടെ ആദ്യ മത്സരം. ആഗസ്റ്റ് 20 മുതല്‍ ഗോവയില്‍ നടന്ന പരിശീലനത്തിന് ശേഷമാണ് ഇന്ത്യന്‍ ടീം ഗുവാഹത്തിയിലെത്തിയത്. പരിക്കേറ്റതിനാല്‍ യുവതാരം അമര്‍ജിത്ത് സിംങ് ലോകകപ്പ് യോഗ്യതാ മത്സരങ്ങലെ ആദ്യ രണ്ട് മത്സരങ്ങള്‍ കളിക്കില്ല. ഇന്ത്യന്‍ സമയം രാത്രി 7.30 നാണ് മത്സരം ആരംഭിക്കുക.

https://twitter.com/IndianFootball/status/1168812718792380422

ഇന്ത്യന്‍ ടീം

ഡിഫെന്‍ഡര്‍മാര്‍: രാഹുല്‍ ഭെകെ, നിഷു കുമാര്‍, പ്രീതം കോട്ടാല്‍, അനസ് എടത്തൊടിക, സന്ദേശ് ജിംഗന്‍, നരേന്ദര്‍ ഗഹ്‌ലോട്ട്, സര്‍തക് ഗോലുയി, ആദില്‍ ഖാന്‍, സുഭാഷിഷ് ബോസ്, മന്ദര്‍ റാവു ദെസായി.

ഗോള്‍കീപ്പര്‍മാര്‍: ഗുര്‍പ്രീത് സിംഗ് സന്ധു, അമൃന്ദര്‍ സിംഗ്, കമല്‍ജിത് സിംഗ്, വിശാല്‍ കൈത്ത്.

മിഡ്ഫീല്‍ഡര്‍മാര്‍: നിഖില്‍ പൂജാരി, ഉദാന്ത സിംഗ്, അനിരുദ്ധ് ഥാപ്പ, റെയ്‌നിയര്‍ ഫെര്‍ണാണ്ടസ്, വിനിത് റായ്, സഹാല്‍ അബ്ദുള്‍ സമദ്, റൗളിന്‍ ബോര്‍ജസ്, ബ്രാന്‍ഡന്‍ ഫെര്‍ണാണ്ടസ്, ലാലിയാന്‍സുവാല ചാങ്‌ടെ, ആഷിക് കുരുനിയന്‍.

ഫോര്‍വേഡ്‌സ്: ബല്‍വന്ത് സിംഗ്, സുനില്‍ ഛേത്രി, മന്‍വീര്‍ സിംഗ്.

അണ്ടര്‍ 15 സാഫ് കപ്പ് കിരീടം നേപ്പാളിനെ തകര്‍ത്ത് ഇന്ത്യക്ക്

Test User — Sat, 31 Aug 2019 14:46:14 +0000

അണ്ടര്‍15 സാഫ് കപ്പ് കിരീടം ഇന്ത്യയ്ക്ക്. നേപ്പാളിനെ എതിരില്ലാത്ത ഏഴ് ഗോളിനാണ് ഇന്ത്യന്‍ ചുണക്കുട്ടികള്‍ വീഴ്ത്തിയത്.
ഹാട്രിക്കുമായി ശ്രീദര്‍ത്ത് ആണ് ഇന്ത്യയുടെ മികച്ച താരമായത്. രണ്ടാം പകുതിയില്‍ ആയിരുന്നു ശ്രീദര്‍ത്തിന്റെ ഹാട്രിക്. മഹേസണ്‍, അമന്ദീപ്, സിബജിത്, ഹിമാന്‍ഷ് എന്നിവരാണ് ഇന്ത്യയുടെ മറ്റു സ്‌കോറേഴ്‌സ്.

നേരത്തെ ഗ്രൂപ്പ് ഘട്ടത്തില്‍ നാലു മത്സരങ്ങളില്‍ നാലു വിജയവുമായി 12 പോയന്റു നേടിയാണ് ഇന്ത്യ ഫൈനലിലേക്ക് എത്തിയത്. കൊല്‍ക്കത്തയിലായിരുന്നു മത്സരം.

ലോകകപ്പ് യോഗ്യത;മലയാളി താരമടക്കം ആറ് പേര്‍ ടീമിന് പുറത്ത്

Test User — Fri, 23 Aug 2019 14:15:46 +0000

സെപ്തംബര്‍ 5 ന് ആരംഭിക്കുന്ന ഇന്ത്യയുടെ ലോകകപ്പ് യോഗ്യതാ മത്സരങ്ങള്‍ക്കുള്ള അവസാനഘട്ട ടീമിന് പ്രഖ്യാപിച്ച് കോച്ച് ഇഗോര്‍ സ്റ്റിമാച്ച്. മലയാളി താരം ജോബി ജെസ്റ്റിന്‍ അടക്കം ആറ് താരങ്ങളെയാണ് സ്റ്റിമാച്ച് ഒഴിവാക്കിയത്.

സലാം രജ്ജന്‍ സിംങ്, അന്‍വര്‍ അലി, ജെറി ലാല്‍രിന്‍സുവാല,പ്രണോയ് ഹല്‍ദാര്‍,ഫറൂഖ് ചൗധരി എന്നിവരാണ് പുറത്തായ മറ്റ് താരങ്ങള്‍. ഒമാനെതിരെ ഗുവാഹത്തിയിലാണ് ഇന്ത്യയുടെ ആദ്യ മത്സരം.

ലോകകപ്പ് യോഗ്യതാ മത്സരത്തിനുള്ള ഇന്ത്യന്‍ ടീം

ഗോള്‍കീപ്പര്‍ : ഗുര്‍പ്രീത് സിംങ് സന്തു,അമരീന്ദ്രര്‍ സിംങ്,കമല്‍ജിത്ത് സിംങ്,വിഷാല്‍ കെയ്ത്ത്

ഡിഫെന്‍ഡേര്‍സ് : രാഹുല്‍ ബെക്കെ,നിഷു കുമാര്‍,പ്രീതം കോത്തല്‍,അനസ് എടത്തൊടിക,സന്ദേശ് ജിംഗാന്‍,നരേന്ദ്രര്‍ ഗെലോട്ട്,സര്‍ത്തക്ക് ഗൗലി,ആദില്‍ ഖാന്‍,സുബാഷിഷ് ബോസ്, മന്ദാര്‍ റാവു ദേശായി.

മിഡ്ഫീല്‍ഡേര്‍സ് : നിഖില്‍ പൂജാരി,ഉദാന്ത സിംങ്,അനിരുദ് ഥാപ,റയിനെര്‍ ഫെര്‍ണാന്‍ഡസ്,വിനീത് റായ്,സഹല്‍ അബ്ദുല്‍ സമദ്,അമര്‍ജിത്ത് സിംങ്, ബ്രണ്ടന്‍ ഫെര്‍ണാണ്ടസ്, ലാലിന്‍സ്വാല ചാങ്‌ത്തെ, ഹാലിചരന്‍ നര്‍സാരി,ആഷിക്ക് കുരുണിയന്‍.

ഫോര്‍വേഡ്: ബല്‍വന്ത് സിംങ്, സുനില്‍ ചേത്രി,മന്‍വീര്‍ സിംങ്.

ലോകകപ്പ് യോഗ്യതാ മത്സരം ; സാധ്യതാ ടീമില്‍ നാല് മലയാളികള്‍

Test User — Mon, 05 Aug 2019 14:24:31 +0000

നാല് മലയാളി താരങ്ങളെ ഉള്‍പ്പെടുത്തി ലോകകപ്പ് യോഗ്യതാ മത്സരങ്ങള്‍ക്കുള്ള 34 അംഗ സാധ്യതാ ടീമിനെ ഇന്ത്യന്‍ പരിശീലകന്‍ ഇഗോര്‍ സ്റ്റിമാച് പ്രഖ്യാപിച്ചു. അനസ് എടത്തൊടിക, ആഷിഖ് കുരുണിയന്‍, സഹല്‍ അബ്‌ദുല്‍ സമദ്, ജോബി ജസ്റ്റിന്‍ എന്നിവരാണ് സ്റ്റിമാച്ചിന്‍റെ ടീമിലിടംപിടിച്ച മലയാളികള്‍.

(contd.) Anwar Ali (Jr.), Narender Gahlot, Sarthak Golui, Adil Khan, Salam Ranjan Singh, Subhasish Bose, Jerry Lalrinzuala, Mandar Rao Dessai

MIDFIELDERS: Nikhil Poojary, Udanta Singh, Anirudh Thapa, Raynier Fernandes, Vinit Rai#IndianFootball #BackTheBlue #BlueTigers (3/4)
— Indian Football Team (@IndianFootball) August 5, 2019

(contd.) Sahal Abdul Samad, Amarjit Singh, Pronay Halder, Brandon Fernandes, Lallianzuala Chhangte, Halicharan Narzary, Ashique Kuruniyan

FORWARDS: Balwant Singh, Sunil Chhetri, Jobby Justin, Farukh Choudhary, Manvir Singh#IndianFootball #BackTheBlue #BlueTigers (4/4)
— Indian Football Team (@IndianFootball) August 5, 2019

ഫിഫയുടെ നിര്‍ദേശങ്ങള്‍ നടപ്പിലാക്കാന്‍ സാധിക്കില്ലെന്ന് അഖിലേന്ത്യാ ഫുട്‌ബോള്‍ ഫെഡറേഷന്‍

Test User — Sat, 27 Jul 2019 13:32:52 +0000

ഇന്ത്യന്‍ ഫുട്‌ബോളിലെ പ്രശ്‌നങ്ങളില്‍ ഇടപെട്ടുകൊണ്ട് ഫിഫ നല്‍കിയ നിര്‍ദ്ദേശങ്ങള്‍ നടപ്പാക്കാന്‍ കഴിയില്ലെന്ന വിശദീകരണവുമായി അഖിലേന്ത്യാ ഫുട്‌ബോള്‍ ഫെഡറേഷന്‍ . ഇന്ത്യയിലെ ലീഗുകളായ ഐ ലീഗും ഐ എസ് എല്ലും ലയിപ്പിച്ച് ഒരൊറ്റ ലീഗ് ആക്കണമെന്നതായിരുന്നു ഫിഫയുടെ നിര്‍ദേശം. എന്നാല്‍ ഈ നിര്‍ദ്ദേശം നിലവില്‍ നടപ്പിലാക്കാന്‍ ആവില്ലെന്നാണ് എഐഎഫ്എഫ് ജനറല്‍ സെക്രട്ടറി കുശാല്‍ ദാസ് വ്യക്തമാക്കിയത്.

2018ല്‍ ഫിഫയും എ എഫ് സിയുമാണ് ഇന്ത്യയിലെ ലീഗുകള്‍ ലയിപ്പിച്ച് ഒരൊറ്റ ലീഗ് ആക്കണമെന്ന നിര്‍ദേശം നല്‍കിയത്. അന്ന് ആ തീരുമാനത്തെ എ ഐ എഫ് എഫ് അംഗീകരിക്കുകയും ചെയ്തിരുന്നു. എന്നാല്‍ ഐ ലീഗും ഐഎസ്എല്ലും നിലവില്‍ ലയിപ്പിക്കാന്‍ കഴിയില്ല എന്ന് കുശാല്‍ ദാസ് വിശദീകരിക്കുന്നു.

ഇന്ത്യയില്‍ നിലവിലെ രണ്ട് ലീഗുകളും ലയിപ്പിച്ച് റിലഗേഷനു പ്രൊമോഷനും ഉള്ള ഒരു ലീഗ് ആക്കണമെന്നാണ് എഐഎഫ്എഫിന്റെ ആഗ്രഹം. എന്നാല്‍ ഇത്തരമൊരു നടപടിക്ക് ഐ എസ് ല്‍ അധികൃതര്‍ സമ്മതിക്കുമോ എന്ന് അറിയില്ല എന്നും കുശാല്‍ ദാസ് കൂട്ടിച്ചേര്‍ത്തു.

ഐ ലീഗ് ക്ലബ്ബുകളുടെ പരാതി ലഭിച്ചതായി വ്യക്തമാക്കിയ ഫിഫ വിഷയത്തില്‍ എത്രയും പെട്ടെന്ന് ഫിഫയെ ബന്ധപ്പെടണമെന്ന് അഖിലേന്ത്യാ ഫുട്‌ബോള്‍ ഫെഡറേഷന് നിര്‍ദ്ദേശം നല്‍കിയിട്ടുണ്ട്. ഇതിന് പിന്നാലെ കത്തിന് അനുകൂലമായി എഐഎഫ്എഫും രംഗത്തെത്തിയിരുന്നു. ഫിഫ പറഞ്ഞ പ്രകാരമുള്ള ലീഗ് ലയനം തന്നെയാണ് നടപ്പാക്കുകയെന്നും എന്നാല്‍ ഇതിന് മൂന്ന് വര്‍ഷം സമയം വേണ്ടിവരുമെന്നുമാണ് എഐഎഫ്എഫിന്റെ നിലപാട്. എന്നാല്‍ പിന്നീട് നിലപാട് മാറ്റുകയായിരുന്നു

ഇന്ത്യന്‍ ഫുട്‌ബോളില്‍ അസ്ഥിത്വ പ്രശ്‌നം നേരിടുന്ന ഐ ലീഗിനെ രക്ഷപ്പെടുത്തണമെന്നാവശ്യപ്പെട്ടാണ് ഐ ലീഗ് മുന്‍നിര ക്ലബ്ബുകള്‍ ഫിഫ പ്രസിഡന്റ് ജിയാനി ഇന്‍ഫാന്റിനോയ്ക്ക് കത്തയച്ചത്.
ഇന്ത്യന്‍ ഫുട്‌ബോളിനെ രക്ഷിക്കാന്‍ അടിയന്തിര ഇടപെടല്‍ വേണമെന്ന് ആവശ്യപ്പെട്ട് ഐ ലീഗ് ക്ലബ്ബുകള്‍ നേരത്തേ പ്രധാനമന്ത്രി നരേന്ദ്ര മോദിക്കും കത്തയച്ചിരുന്നു. അഖിലേന്ത്യാ ഫുട്‌ബോള്‍ ഫെഡറേഷന്റെ പ്രവര്‍ത്തനങ്ങള്‍ പക്ഷപാതപരമാണെന്നും ഫെഡറേഷന്റെ പ്രവര്‍ത്തനങ്ങള്‍ സംബന്ധിച്ച് വിശദമായ അന്വേഷണം നടത്തണമെന്നും ആവശ്യപ്പെട്ടാണ് കത്ത്. ഫിഫയെ സമീപിച്ച ആറ് ഐ ലീഗ് ക്ലബ്ബുകളാണ് എഎൈഎഫ്എഫിനെതിരെ പ്രധാനമന്ത്രിയെയും സമീപിച്ചത്.