പ്രമുഖ എഴുത്തുകാരുടെ പുസ്തകങ്ങളുമായി പന്ത്രണ്ടോളം പ്രമുഖ പ്രസാധകര്‍ പങ്കാളികളാവുന്ന പുസ്തക സ്റ്റാളുകള്‍, പുസ്തക പ്രകാശനം, പ്രമുഖര്‍ പങ്കെടുക്കുന്ന പുസ്തക ചര്‍ച്ച, സാഹിത്യ സംവാദങ്ങള്‍, പൈതൃക – ചരിത്ര പ്രദര്‍ശനം, ഇന്തോ – അറബ് സാംസ്‌കാരിക സദസ്സ്, അറബി – മലയാള സാഹിത്യ ചര്‍ച്ചകള്‍ പ്രമുഖ മാധ്യമ പ്രവര്‍ത്തകര്‍ പങ്കെടുക്കുന്ന മീഡിയാ ടോക്ക്, സാഹിത്യ രംഗത്തേക്ക് കൂടുതല്‍ വനിതകളെ ആകര്‍ഷിക്കുന്നതിനായി ഷീ ടോക്ക്, എന്നിവ നടക്കും.

ഇരുപത്തഞ്ചോളം സാഹിത്യകാരന്മാരെ ആദരിക്കല്‍, വിദ്യാര്‍ത്ഥികളെയും മുതിര്‍ന്നവരെയും ഉള്‍പ്പെടുത്തി വൈവിധ്യമാര്‍ന്ന മത്സരങ്ങള്‍, കലാ സാംസ്‌കാരിക പരിപാടികള്‍, ഗസല്‍ നൈറ്റ്, ഖവാലി, ദഫ്, കോല്‍ക്കളി തുടങ്ങിയ വിവിധ കലാ പരിപാടികള്‍ ലിറ്ററേച്ചര്‍ ഫെസ്റ്റിവലിന്റെ ഭാഗമായി നടക്കും.

വാര്‍ത്താ സമ്മേളനത്തില്‍ ഇന്ത്യന്‍ ഇസ്ലാമിക് സെന്റര്‍ പ്രസിഡണ്ട് പി.ബാവ ഹാജി, ജനറല്‍ സെക്രട്ടരി അഡ്വ: കെ.വി. മുഹമ്മദ് കുഞ്ഞി, ട്രഷറര്‍ ഹിദായത്തുള്ള, സാഹിത്യവിഭാഗം സെക്രട്ടരി യു.കെ. മുഹമ്മദ് കുഞ്ഞി, ഹംസ നടുവില്‍, ഹാരിസ് ബാഖവി എന്നിവര്‍ പങ്കെടുത്തു.

പുതിയ പ്രസിഡന്റായി പി ബാവഹാജിയും ജനറല്‍ സെക്രട്ടറിയായി അഡ്വകറ്റ് കെ വി മുഹമ്മദ് കുഞ്ഞിയും ട്രഷററായി എം ഹിദായത്തുള്ളയും തിരഞ്ഞെടുത്തു.
അബ്ദുല്‍ റഹൂഫ് അഹ്സനി, ഇബ്രാഹിം ബഷീര്‍, അബ്ദുല്ല നദ്വി, ഹാരിസ് ബാഖവി, യു കെ മുഹമ്മദ് കുഞ്ഞി, അഷറഫ് ഹാജി വാരം, പിപി സുലൈമാന്‍, ഹൈദര്‍ ബിന്‍ മൊയ്തു, അബ്ദുറഹിമാന്‍ കംബള, സ്വാലിഹ് വാഫി, നൗഫല്‍ പട്ടാമ്പി, ജലീല്‍ കാര്യാടത്ത് എന്നിവര്‍ മാനേജിംഗ് കമ്മിറ്റി അംഗങ്ങളാണ്.

മലപ്പുറം ജില്ലയിലെ കക്കിടിപ്പുറം സ്വദേശിയാണ് ബാവഹാജി, തുടര്‍ച്ചയായി 19-ാം തവണയാണ് പ്രസിഡന്റായി തിരഞ്ഞെടുക്കപ്പെടുന്നത്. നേരത്തെ 12 തവണ സെന്റര്‍ ജനറല്‍ സെക്രട്ടറി പദവിയും വഹിച്ചിട്ടുണ്ട്.
അബുദാബി കെഎംസിസി മുന്‍ ജനറല്‍ സെക്രട്ടറിയാണ് അഡ്വക്കറ്റ് കെവി മുഹമ്മദ് കുഞ്ഞി. അബുദാബി മലപ്പുറം ജില്ലാ കെഎംസിസി മുന്‍ പ്രസിഡന്റാണ് ട്രഷററായി തെരഞ്ഞെടുക്കപ്പെട്ട എം ഹിദായത്തുള്ള.

അബുദാബി കമ്മ്യൂണിറ്റി ഡെവലപ്‌മെന്റ് ഡിപ്പാര്‍ട്‌മെന്റ് മേധാവികളായ അബ്ദുള്ള അഹ്‌മദ്, ഉമര്‍ അല്‍ മന്‍സൂറി,മുഹമ്മദ് അല്‍ അംറി,മിനിസ്ട്രി ഓഫ് കമ്മ്യൂണിറ്റി മേധാവി മെഹ്ര അല്‍ അംറി എന്നിവര്‍ സന്നിഹിതരായിരുന്നു.
കെഎംസിസി നേതാക്കളായ അബ്ദുള്ള ഫാറൂഖി, അഷ്റഫ് പൊന്നാനി, സുന്നി സെന്റര്‍ ജനറല്‍ സെക്രട്ടറി കബീര്‍ ഹുദവി എന്നിവര്‍ ആശംസാ പ്രസംഗം നടത്തി. മുന്‍ ജനറല്‍ സെക്രട്ടറി അബ്ദുല്‍ സലാം ടി കെ സ്വാഗതവും അഡ്വക്കറ്റ് കെ വി മുഹമ്മദ് കുഞ്ഞി നന്ദിയും പറഞ്ഞു.

തുടര്‍ന്ന് പുതിയ ഭാരവാഹികള്‍ക്കുവേണ്ടിയുള്ള തെരഞ്ഞെടുപ്പ് നടക്കും. ഭാരവാഹികളുടെ നാമനിര്‍ദ്ദേശ പത്രിക സമര്‍പ്പണവും സൂക്ഷ്മപരിശോധനയും ഉള്‍പ്പെടെയുള്ള നടപടിക്രമങ്ങള്‍ ഇതിനകം പൂര്‍ത്തിയായിക്കഴിഞ്ഞിട്ടുണ്ട്.
റസാഖ് ഒരുമനയൂര്‍ ചീഫ് എലക്ഷന്‍ ഓഫീസറും റഷീദലി മമ്പാട്, അഡ്വ. ഷറഫുദ്ദീന്‍ എന്നിവര്‍ അസിസ്റ്റന്റുമാരുമായുള്ള സംഘമാണ് തെരഞ്ഞെടുപ്പ് സംബന്ധമായ കാര്യങ്ങള്‍ നിര്‍വ്വഹിക്കുന്നത്.

മൊത്തം അംഗങ്ങളുടെ ക്വാറം നോക്കിയാണ് കമ്മ്യൂണിറ്റി ഡവലപ്‌മെന്റ് ഉദ്യോഗസ്ഥര്‍ ജനറല്‍ബോഡി യോഗം നടത്താന്‍ അനുമതിനല്‍കുക. ഇന്ത്യ സോഷ്യല്‍ ആന്റ് കള്‍ച്ചറല്‍ സെന്റര്‍ ജനറല്‍ ബോഡി യോഗം ക്വാറം തികയാത്തതുമൂലം ഉദ്യോഗസ്ഥര്‍ മാറ്റിവെപ്പിച്ചിരുന്നു.
അത്തരം സാഹചര്യം ഇല്ലാതിരിക്കാന്‍ മുഴുവന്‍ അംഗങ്ങളും കൃത്യസമയത്ത് എത്തിച്ചേരണമെന്ന് ഭാരവാഹികള്‍ അഭ്യര്‍ത്ഥിച്ചു.

അബുദാബി നഗരത്തിന്റെ ഹൃദയഭാഗത്ത് യുഎഇ രാഷ്ട്രപിതാവ് ശൈഖ് സായിദ് ബിന്‍ സുല്‍ത്താന്‍ അല്‍നഹ്യാന്‍ സൗജന്യമായി നല്‍കിയ സ്ഥലത്താണ് ഇസ്ലാമിക് സെന്റര്‍ ആസ്ഥാനം പ്രവര്‍ത്തിക്കുന്നത്.

അന്നത്തെ പ്രധാനമന്ത്രി ഇന്ദിരാഗാന്ധി ശിലാസ്ഥാപനം നടത്തുകയും പിന്നീട് രാഷ്ട്രപതി പ്രതിഭാപാട്ടീല്‍ ഉല്‍ഘാടനം നിര്‍വ്വഹിക്കുകയും ചെയ്ത വിദേശരാജ്യത്തെ ഏക സംഘടനാ ആസ്ഥാനമെന്ന ബഹുമതി ഇസ്ലാമിക് സെന്ററിന് മാത്രം അവകാശപ്പെട്ടതാണ്. രാഷ്ട്രപതി ഫക്രുദ്ദീന്‍ അലി അഹമ്മദ് മുതല്‍ നിരവധി രാഷ്ട്രനേതാക്കളും അന്താരാഷ്ട്ര പ്രമുഖരും ഇവിടെ സന്ദര്‍ശനം നടത്തിയിട്ടുണ്ട്.