സമൂഹമാധ്യമം വഴി യുവതിയുമായി പ്രണയത്തിലാവുകയായിരുന്നെന്നും അവരെ നേരില്‍ കാണണമെന്ന ആഗ്രഹത്തില്‍ വിസയോ യാത്രാ രേഖകളോ ഇല്ലാതെയാണ് രാജ്യത്തേക്ക് കടന്നതെന്നും ചോദ്യം ചെയ്യലില്‍ ബാദല്‍ ബാബു സമ്മതിച്ചതായി പാകിസ്താന്‍ അധികൃതര്‍ പറഞ്ഞു.

യാത്രാരേഖകള്‍ ഹാജരാക്കാത്തതിനെ തുടര്‍ന്ന് ഡിസംബര്‍ 27നാണ് ബാദലിനെ അറസ്റ്റ് ചെയ്തത്. 1946ലെ പാകിസ്താന്‍ ഫോറിനേഴ്‌സ് ആക്ടിന്റെ 13, 14 വകുപ്പുകള്‍ പ്രകാരമാണ് കേസെടുത്തത്. പിന്നീട് കോടതിയില്‍ ഹാജരാക്കി. കോടതി ഇയാളെ 14 ദിവസത്തേക്ക് ജുഡീഷ്യല്‍ കസ്റ്റഡിയില്‍ വിട്ടു. 2025 ജനുവരി 10ന് വീണ്ടും കോടതിയില്‍ ഹാജരാകണം.

ബാദല്‍ മുമ്പ് രണ്ട് തവണ ഇന്ത്യപാക് അതിര്‍ത്തി കടക്കാന്‍ മൂന്നാമത്തെ ശ്രമത്തിലാണ് പാകിസ്താന്‍ അതിര്‍ത്തി കടന്നതെന്ന് പ്രാഥമിക അന്വേഷണത്തില്‍ കണ്ടെത്തി. മണ്ടി ബഹാവുദ്ദീനില്‍ എത്തി യുവതിയെ കണ്ടുമുട്ടുകയും ചെയ്തു. ബാദല്‍ ബാബുവിന്റെ പാകിസ്താനിലേക്കുള്ള അനധികൃത പ്രവേശനം പ്രണയ ബന്ധം കൊണ്ടാണോ അതോ അതിര്‍ത്തി കടന്നതിന് മറ്റെന്തെങ്കിലും പ്രേരണകള്‍ ഉണ്ടോയെന്നാണ് ഇപ്പോള്‍ അധികൃതര്‍ അന്വേഷിക്കുന്നത്.

ജോദ്പൂരിലെ വീട്ടില്‍ നിന്ന് വരനും കറാച്ചിയിലെ വസിതിയില്‍ നിന്ന് യുവതിയും വിവാഹ വേഷത്തിലെത്തി ഓണ്‍ലൈനായി കല്യാണം കഴിയ്ക്കുകയായിരുന്നു. ഇരുവരുടേയും ബന്ധുക്കളും ഓണ്‍ലൈനായി തന്നെ ചടങ്ങില്‍ പങ്കെടുത്തു. വിവാഹം ഓണ്‍ലൈനായിട്ടാണെങ്കിലും ചടങ്ങുകളും ആഘോഷങ്ങളുമെല്ലാം ഇരുകൂട്ടരും ഓണ്‍ലൈനായി തന്നെ കൊണ്ടാടി. ഇരുവരുടേയും വീടുകളില്‍ സ്ഥാപിച്ച വലിയ എല്‍ഇഡി സ്‌ക്രീനുകളില്‍ ചടങ്ങുകള്‍ എല്ലാവര്‍ക്കും കാണാനായി പ്ലേ ചെയ്യപ്പെട്ടു.

അമീനയ്ക്ക് ഇന്ത്യയിലെത്താന്‍ വിസ വൈകുന്നത് കൊണ്ടാണ് തങ്ങള്‍ ഇത്തരമൊരു തീരുമാനം എടുത്തതെന്ന് വരന്റെ പിതാവ് മുഹമ്മദ് അഫ്‌സല്‍ പറഞ്ഞു. രാജ്യങ്ങള്‍ തമ്മില്‍ അകന്നാലും മനുഷ്യര്‍ തമ്മില്‍ അകലില്ലെന്നും അദ്ദേഹം കൂട്ടിച്ചേര്‍ത്തു. വിവാഹം കൂടി കഴിഞ്ഞതോടെ അമീനയ്ക്ക് കുറച്ചുകൂടി എളുപ്പത്തില്‍ ഇന്ത്യയിലേക്കുള്ള വിസ ലഭിക്കുമെന്നാണ് ഇരുകുടുംബങ്ങളും പ്രതീക്ഷിക്കുന്നത്.