അതുകൊണ്ട് തന്നെ ബിജെപിയുടെ രാജ്യസഭാംഗമായ സുരേഷ് ഗോപിക്കും ലോകസഭയിലെ ആംഗ്ലോഇന്ത്യന്‍ പ്രതിനിധി റിച്ചാര്‍ഡ് ഹേക്കും നിയമസഭയിലെ ആംഗ്ലോഇന്ത്യന്‍ പ്രതിനിധി ജോണ്‍ ഫെര്‍ണാണ്ടസിനും വോട്ടില്ല. മൂവരും നാമനിര്‍ദേശം ചെയ്യപ്പെട്ടവരാണ്. ജെഡിയു ദേശീയ തലത്തില്‍ കോവിന്ദിന് വോട്ട് ചെയ്യാന്‍ തീരുമാനിച്ചിട്ടുണ്ടെങ്കിലും കേരളത്തില്‍ ജെഡിയു മീരാകുമാറിനാണ് പിന്തുണ പ്രഖ്യാപിച്ചിട്ടുളളത്. അതേ സമയം സംസ്ഥാനത്ത് നിന്ന് ബിജെപിക്ക് കൂടുതല്‍ വോട്ട് ലഭിക്കുമെന്നാണ് പാര്‍ട്ടി നേതൃത്വത്തിന്റ അവകാശവാദം.

കേരളത്തിലെ എംഎല്‍എമാര്‍ നിയമസഭ മന്ദിരത്തിലും എംപിമാര്‍ പാര്‍ലമെന്റിലുമാണ് വോട്ട് ചെയ്യുക.നിയമസഭാ മന്ദിരത്തില്‍ തയ്യാറാക്കുന്ന പ്രത്യേക ബൂത്തില്‍ രാവിലെ പത്തു മുതല്‍ വൈകിട്ട് അഞ്ച് വരെ വോട്ട് രേഖപ്പെടുത്താം. വോട്ടെടുപ്പ് കഴിഞ്ഞാലുടന്‍ ബാലറ്റ്‌പെട്ടി ഡല്‍ഹിയിലേക്ക് അയക്കും.