രൂപയുടെ വ്യാപാരം ഇന്ന് ആരംഭിച്ചത് 84.38ലാണ്. 84.37ലായിരുന്നു വെള്ളിയാഴ്ച രൂപ വ്യാപാരം അവസാനിപ്പിച്ചത്. ഏഷ്യന്‍ കറന്‍സികളില്‍ തായ്‌ലാന്‍ഡിന്റെ ബാത്ത് 0.5 ശതമാനം നഷ്ടം രേഖപ്പെടുത്തി.

ട്രംപിന്റെ തിരിച്ചുവരവോടെ യു.എസ് വ്യാപാരനയം അഴിച്ചുപണിയുമെന്ന വിവരങ്ങലും പുറത്തുവരുന്നുണ്ട്. കൂടുതല്‍ നികുതി ചുമത്തി ട്രംപ് മറ്റ് രാജ്യങ്ങളെ സമ്മര്‍ദത്തിലാക്കുമെന്നതാണ് ഊഹിക്കാനാവുന്നത്. എന്തായാലും ട്രംപിന്റെ തിരിച്ചുവരവ് പല രാജ്യങ്ങളിലെ കറന്‍സികളെയും പ്രതിസന്ധിയിലാക്കുമെന്നതില്‍ സംശയമില്ല. ഏറ്റവുമധികം പ്രതിസന്ധിയിലാവുക ചൈനയുടെ യുവാനായിരിക്കും.

അതേസമയം, ചൈനയുടെ യുവാന്‍ ഇന്ന് നേരിയ നേട്ടത്തോടെ വ്യപാരം ആരംഭിച്ചു. വെള്ളിയാഴ്ച 0.7 ശതമാനം നഷ്ടത്തോടെ വെള്ളിയാഴ്ച വ്യാപാരം അവസാനിപ്പിച്ച ചൈനീസ് യുവാനിന് ഇന്ന് നേരിയ പ്രതീക്ഷയുണ്ട്. എന്നാല്‍, നാല് മാസത്തിനിടയിലെ ഏറ്റവും ഉയര്‍ന്ന നിരക്കിലാണ് ഡോളര്‍ ഉള്ളത്.

മുമ്പത്തെ റെക്കോര്‍ഡ് താഴ്ന്ന നിലവാരമായ 84.0900 ആണ് ഇന്ന് ഭേദിച്ചത്. ഡോളര്‍ ശക്തിയാര്‍ജിക്കുന്നതും ഇന്ത്യന്‍ ഓഹരി വിപണിയില്‍ വിദേശ നിക്ഷേപത്തിന്റെ പുറത്തേയ്ക്കുള്ള ഒഴുക്കുമാണ് ഇത്ന്‍രെ കാരണങ്ങള്‍. അടുത്തയാഴ്ച നടക്കുന്ന അമേരിക്കന്‍ തെരഞ്ഞെടുപ്പും മറ്റൊരു പ്രധാന കാരണമാണ്. എന്നാല്‍ കൂടുതല്‍ താഴ്ചയിലേക്ക് പോവാതിരിക്കാന്‍ ആര്‍ബിഐ ഇടപെടല്‍ നടത്തുമെന്ന പ്രതീക്ഷയിലാണ് വിപണി വിദഗ്ധര്‍.

ഒക്ടോബറില്‍ മാത്രം ഇന്ത്യന്‍ ഓഹരി വിപണിയില്‍ നിന്ന് 1100 കോടി ഡോളര്‍ മൂല്യമുള്ള ഓഹരികളാണ് വിദേശ നിക്ഷേപകര്‍ വിറ്റൊഴിഞ്ഞത്. തൊട്ടുമുന്‍പത്തെ മാസം 700 കോടി ഡോളറിന്റെ നിക്ഷേപം നടത്തിയ സ്ഥാനത്താണ് ഈ യൂ ടേണ്‍.

മൂലധന നേട്ടത്തിന്മേലുള്ള നികുതി നിരക്ക് വർധിപ്പിക്കാനുള്ള സർക്കാർ തീരുമാനം വിപണിയെ ബാധിച്ചതോടെയാണ് രൂപയിലും ഓഹരി വിപണിയിലും റെക്കോർഡ് ഇടിവുണ്ടായത്.വിദേശ നിക്ഷേപകർ ഇന്ത്യൻ ഓഹരികളില്‍ നിന്ന് 350 മില്യണ്‍ ഡോളർ പിൻവലിച്ചതിനാല്‍ ഓഹരിവിപണിയില്‍ ഇടിവുണ്ടായി.

അതെസമയം സെൻസെക്സ് 0.3 ശതമാനവും നിഫ്റ്റി 0.2 ശതമാനവും ഇടിഞ്ഞു. വിദേശ വിപണിയിലെ അമേരിക്കൻ ഡോളറിന്റെ ആവശ്യകതയും രാജ്യത്തുനിന്ന് വിദേശ ഫണ്ടിന്റെ ഒഴുക്കും കാരണമാണ് ഇന്ത്യൻ രൂപയുടെ വിലയിടിഞ്ഞത്. കഴിഞ്ഞ ദിവസവും ഓഹരി വിപണികളില്‍ നഷ്ടമായിരുന്നു രേഖപ്പെടുത്തിയത്. 5,130.90 കോടി രൂപയുടെ ഓഹരികളാണ് വിദേശ നിക്ഷേപകർ വിറ്റഴിച്ചത്. ബജറ്റ് ദിവസത്തിലും രൂപയുടെ മൂല്യം ഇടിഞ്ഞിരുന്നു.

രാജ്യത്തെ ഓഹരി സൂചികകള്‍ കനത്തനഷ്ടം നേരിട്ടതും രൂപയുടെ മൂല്യത്തെ ബാധിച്ചു. 12മണിയോടെ സെന്‍സെക്സ് 700ലേറെ പോയന്റാണ് താഴെപ്പോയത്. യൂറോപ്പിലും ബ്രിട്ടനിലും കോവിഡ് വ്യാപനം വീണ്ടും കൂടിയതും മറ്റ് കറന്‍സികള്‍ ദുര്‍ബലമാകാനും യുഎസ് ഡോളര്‍ കരുത്താര്‍ജിക്കാനും കാരണമായിട്ടുണ്ട്. കോവിഡ് വാക്സിന്‍ സംബന്ധിച്ച പ്രതീക്ഷകള്‍ നിലനില്‍ക്കുമ്പോള്‍തന്നെ രണ്ടാംഘട്ട വ്യാപനമുണ്ടായത് നിക്ഷേപകരുടെ ആത്മവിശ്വാസം തകര്‍ത്തു.

കോവിഡിന്റെ രണ്ടാംഘട്ട വ്യാപനവും ചിലയിടങ്ങളില്‍ ലോക്ക്ഡൗണ്‍ തുടരുന്നതും യുഎസിലെ തെരഞ്ഞെടുപ്പ് സംബന്ധിച്ച അനിശ്ചിതത്വവുമെല്ലാം ഏഷ്യന്‍ വിപണികളില്‍ പ്രതിഫലിച്ചു. കോവിഡ് പ്രതിസന്ധിയില്‍ നിന്ന് സമ്പദ് വ്യവസ്ഥകള്‍ കരകയറാന്‍ വൈകുന്നതും വിപണിയില്‍ വലിയ അനിശ്ചിതത്വമാണ് സൃഷ്ടിച്ചിരിക്കുന്നത്.

ഉത്തേജന പാക്കേജ് കൊണ്ട് ഒന്നുമാകില്ല

അടുത്ത സാമ്പത്തിക വര്‍ഷത്തില്‍ നെഗറ്റീവ് ജി.ഡി.പി വളര്‍ച്ചയാണ് ആര്‍.ബി.ഐ പ്രവചിക്കുന്നത്. വിപണിയില്‍ നിന്നുള്ള കടമെടുക്കല്‍ പരിധി 7.8 ലക്ഷം കോടിയില്‍ നിന്ന് 12 ലക്ഷം കോടിയാക്കി സര്‍ക്കാര്‍ ഉയര്‍ത്തിയെങ്കിലും (54%) അതൊന്നും ഖജനാവിന്റെ സ്ഥിതിയെ മെച്ചപ്പെടുത്തില്ല. ഈ സാഹചര്യത്തില്‍ ധനക്കമ്മി രണ്ടക്കത്തിലെത്തിയാലും അത്ഭുതപ്പെടേണ്ടതില്ല.

കോവിഡ് പ്രതിരോധത്തിന്റെ ഭാഗമായി സര്‍ക്കാര്‍ പ്രഖ്യാപിച്ച 20 ലക്ഷം കോടിയുടെ ഉത്തേജന പാക്കേജ് സമ്പദ് വ്യവസ്ഥയെ പുനരുജ്ജീവിപ്പിക്കാന്‍ പ്രാപ്തമല്ല. കാരണം അതിലെ നിരവധി കാര്യങ്ങള്‍ പണലഭ്യതയ്ക്ക് വേണ്ടി ആര്‍.ബി.ഐ നേരത്തെ തന്നെ പ്രഖ്യാപിച്ചതാണ്. ധനസ്ഥിതി മോശമായി നില്‍ക്കുന്നത് കൂടുതല്‍ പണം അനുവദിക്കാന്‍ സര്‍ക്കാറിന് മുമ്പില്‍ തടസ്സമായി നില്‍ക്കുകയും ചെയ്യുന്നു. ഈ സാഹചര്യത്തിലാണ് കമ്മി നികത്താന്‍ പണമാക്കലിനെ കുറിച്ചുള്ള (monetisation) ആലോചനകള്‍ നടക്കുന്നത്.

കൂടുതല്‍ പണം അച്ചടിക്കുമോ?

സാധാരണക്കാരന്റെ ഭാഷയില്‍, കമ്മി പണമാക്കുക എന്നതിന്റെ അര്‍ത്ഥം കൂടുതല്‍ പണം അച്ചടിക്കുക എന്നതാണ്. സര്‍ക്കാര്‍ ചെലവുകള്‍ക്കായി ഫണ്ട് ചെയ്യാന്‍ പ്രാഥമിക വിപണികളില്‍ നിന്ന് സര്‍ക്കാര്‍ സെക്യൂരിറ്റികള്‍ ആര്‍.ബി.ഐ നേരിട്ടു വാങ്ങുകയാണ് ഇതിനായി ചെയ്യുക.

1997 വരെ കമ്മി നികത്താന്‍ പണം അച്ചടിക്കുന്ന പതിവ് രാജ്യത്തുണ്ടായിരുന്നു. ആഡ്‌ഹോക് ട്രഷറി ബില്ലുകള്‍ വഴി കമ്മിയെ കേന്ദ്രബാങ്ക് പണമാക്കുകയാണ് ചെയ്യുക. 1994ലും 1997ലും കേന്ദ്രസര്‍ക്കാര്‍ ഇതിനായി രണ്ടു ധാരണാപത്രങ്ങള്‍ ആര്‍.ബി.ഐയുമായി ഒപ്പുവച്ചിട്ടുണ്ട്. 2003ല്‍ ഫിസ്‌കല്‍ റെസ്‌പോണ്‍സിബിലിറ്റി ആന്‍ഡ് ബജറ്റ് മാനേജ്‌മെന്റ് നിയമം പ്രാബല്യത്തില്‍ വന്നതോടെ ഈ പതിവ് ഇതില്ലാതായി.

കമ്മി പണമാക്കുന്നത് ചെലവുള്ള ഏര്‍പ്പാടാണ്. നാണയപ്പെരുപ്പം കൂടുമെന്നതാണ് ഇതിന്റെ പ്രധാന പ്രത്യാഘാതം. ഡിമാന്‍ഡ് കുറഞ്ഞു നില്‍ക്കുന്ന നിലവിലെ ഘട്ടത്തില്‍ അത് എളുപ്പത്തില്‍ പ്രകടമാവില്ല. എന്നാല്‍ സാമ്പത്തിക രംഗം വളര്‍ച്ചയിലേക്ക് തിരിച്ചുവരുമ്പോള്‍ നാണയപ്പെരുപ്പം വെല്ലുവിളി ഉയര്‍ത്തും.

ഉപഭോക്തൃ വില സൂചിക (സി.പി.ഐ) പ്രകാരമുള്ള വിലപ്പെരുപ്പം മാര്‍ച്ച് മാസത്തില്‍ 5.84 ശതമാനമാണ്. കോര്‍ ഇന്‍ഫ്‌ളേഷന്‍ (ഭക്ഷ്യവസ്തുക്കളും ഇന്ധനവും ഒഴികെ) 4.1 ശതമാനവും. കോര്‍ ഇന്‍ഫ്‌ളേഷന്‍ വര്‍ദ്ധിക്കുന്ന വേളയില്‍ മൊത്തം വിലപ്പെരുപ്പത്തിലും വര്‍ദ്ധനയുണ്ടാകും. ഇത് ആര്‍.ബി.ഐക്ക് വെല്ലുവിളി ഉയര്‍ത്തും.

ഡോളറല്ല, രൂപ!

ഇന്ത്യന്‍ രൂപയ്ക്ക് ആഗോള വിപണിയില്‍ ഡിമാന്‍ഡില്ലാത്തത് പണമാക്കലിന് തടസ്സമാകും. നിക്ഷേപകരുടെ സുരക്ഷിത കറന്‍സിയല്ല രൂപ. യു.എസ് ഫെഡറല്‍ റിസര്‍വ് കൂടുതല്‍ ഡോളര്‍ അച്ചടിക്കാന്‍ തീരുമാനിച്ചാല്‍ അതില്‍ വലിയ പ്രശ്‌നങ്ങളുണ്ടാകില്ല. കാരണം യു.എസ് ഡോളറിന് ആഗോള ഡിമാന്‍ഡുണ്ട്.

കൂടുതല്‍ കറന്‍സിയുണ്ടാകുന്നത് രൂപയുടെ മൂല്യം ഇടിയുന്നതിന് കാരണാകും. ഇത് വിദേശ നിക്ഷേപങ്ങള്‍ പിന്‍വലിക്കപ്പെടുന്നതിനും ഇടയാക്കും. നിലവിലെ സാഹചര്യത്തില്‍ രൂപയുടെ മൂല്യമിടിയുന്നത് കയറ്റുമതി മേഖലയ്ക്ക് മാത്രമേ ഗുണകരമാകൂ. ആഗോള സമ്പദ് വ്യവസ്ഥയും ഡിമാന്‍ഡില്‍ ഇടിവ് നേരിടുന്നുണ്ട്. 2020ല്‍ നെഗറ്റീവ് വളര്‍ച്ചയാണ് ആഗോള സമ്പദ് വ്യവസ്ഥയില്‍ ഐ.എം.എഫ് പ്രവചിക്കുന്നത്. അതുകൊണ്ടു തന്നെ രൂപയിടിഞ്ഞാല്‍ അത് സമ്പദ് വ്യവസ്ഥയ്ക്ക് വെല്ലുവിളിയാകും.

ഇത്തരം സന്ദര്‍ഭങ്ങളില്‍ രൂപയുടെ മൂല്യം പിടിച്ചു നിര്‍ത്താന്‍ ഡോളറുകള്‍ വിറ്റ് ആര്‍.ബി.ഐക്ക് ഫോറക്‌സ് വിപണിയില്‍ ഇടപെടേണ്ടി വരും. നിലവില്‍ 487 ബില്യണ്‍ ഡോളറിന്റെ മികച്ച ഫോറിന്‍ എക്‌സ്‌ചേഞ്ച് കരുതല്‍ ഇന്ത്യയ്ക്കുണ്ട്. ഇതിനര്‍ത്ഥം അനിശ്ചിതമായി ഫോറക്‌സ് വിപണിയില്‍ ആര്‍.ബി.ഐ ഇടപെടും എന്നല്ല.

മലപ്പുറം: ഇന്ത്യന്‍ രൂപയുടെ മൂല്യം ഇടിഞ്ഞതിനു ഹാജിമാരില്‍ നിന്നും തുക പിടിച്ചെടുക്കാന്‍ കേന്ദ്രസര്‍ക്കാര്‍ നീക്കം. മൂല്യ ഇടിവിനെ തുടര്‍ന്ന് വിമാനയാത്രക്കൂലിയിലാണ് വ്യത്യാസം വന്നത്. ഇത് സംബന്ധിച്ച് കേന്ദ്ര ഹജ്ജ് കമ്മിറ്റി നിര്‍ദേശങ്ങള്‍ പുറപ്പെടുവിച്ചു. കേരളത്തിലെ ഹജ്ജ് എമ്പാര്‍ക്കേഷന്‍ പോയിന്റായ കൊച്ചിയില്‍ നിന്നും ഇന്ത്യയിലെ മറ്റു കേന്ദ്രങ്ങളില്‍ നിന്നും വിമാനത്തില്‍ യാത്ര തിരിച്ചവര്‍ അധിക തുക നല്‍കേണ്ടി വരുന്നതിന്റെ ഭാഗമായാണ് സര്‍ക്കുലര്‍ പുറപ്പെടുവിച്ചിരിക്കുന്നത്. മൂല്യ ഇടിവ് കണക്ക് പ്രകാരം കേരളത്തില്‍ നിന്നും ഹജ്ജ് യാത്ര പുറപ്പെട്ടവര്‍ 6205 രൂപ അധികമായി നല്‍കേണ്ടി വരും. വൈകാതെ ഇത് അറിയിപ്പായി വരും. 74.443 രൂപയാണ് ആദ്യം ഹജ്ജ് യാത്രക്ക് വിമാനയാത്രായിനത്തില്‍ അറിയിച്ചിരുന്നത്. എന്നാല്‍ ഇപ്പോള്‍ ഇന്ത്യന്‍ രൂപയുടെ മൂല്യഇടിവ് മൂലം 80648 രൂപയാണ് ഒരു ഹാജിയില്‍ നിന്നും കണക്കാക്കിയിരിക്കുന്നത്.

ഇക്കഴിഞ്ഞ തവണ പോയ ഹാജിമാര്‍ തങ്ങളുടേതല്ലാത്ത കാരണത്താല്‍ അധിക തുക നല്‍കേണ്ടി വരുന്നത് നീതീകരിക്കാനാവില്ലെന്ന് ഹാജിമാര്‍ ചൂണ്ടിക്കാട്ടി. കേന്ദ്ര സര്‍ക്കാര്‍ വരുത്തിയ വീഴ്ച്ച മൂലം ഹാജിമാര്‍ ഭാരം ഏല്‍ക്കണമെന്ന് പറയുന്നത് ശരിയല്ല. അഞ്ച് ഘട്ടങ്ങളിലായാണ് കേന്ദ്രസര്‍ക്കാര്‍ വിമാനക്കമ്പനികള്‍ക്ക് പണം കൈമാറിയത്.
2018 ജൂലൈ 8ന് 30 ശതമാനവും ഒഗസ്റ്റ് 22ന് 20 ശതമാനവും സെപ്തംബര്‍ 2ന് 25 ശതമാനവും ഒക്‌ടോബര്‍ 1ന് 15 ശതമാനവും ഒക്‌ടോബര്‍ 8ന് 10 ശതമാനവുമാണ് തുക കേന്ദ്രം അടച്ചത്. ആദ്യ ഘട്ടത്തില്‍ കേന്ദ്രം പണം അടക്കുമ്പോള്‍ 68.72 ആയിരുന്നു ഇന്ത്യന്‍ രൂപയുടെ മൂല്യം. രണ്ടാം ഘട്ടത്തില്‍ 69.745 രൂപയും തുടര്‍ന്ന് 71.12 രൂപയും നാലാം ഘട്ടത്തില്‍ 72.89, അവസാനഘട്ടത്തില്‍ 74.13 ആയി മൂല്യം കുത്തനെ ഇടിഞ്ഞു. ഓരോ തവണയും മൂല്യം തകരുകയായിരുന്നു. മൂല്യം തകരുന്നതിനു അനുസരിച്ച് തുക ഈടാക്കുമെന്ന് കേന്ദ്ര സര്‍ക്കാര്‍ വ്യക്തമാക്കിയിരുന്നില്ല.

യാത്രാ തുക 65,318. 83 രൂപയും ജി.എസ്.ടി 11.757.39 രൂപയും എയര്‍പോര്‍ട്ട് നികുതി 3,572 രൂപയുമായാണ് കേന്ദ്ര കണക്ക്. ആകെ 80,648രൂപ. കുറവ് വരുന്ന 6205 രൂപ ഹാജിമാരില്‍ നിന്നും ഈടാക്കുന്നതിന്റെ ഭാഗമായാണ് വ്യത്യാസം പ്രസിദ്ധീകരിച്ചിരിക്കുന്നത്. ഓരോ എമ്പാര്‍ക്കേഷന്‍ പോയിന്റിലെയും വ്യത്യാസങ്ങള്‍ വിവിധ നിരക്കിലാണ്. ഹജ്ജ് യാത്രക്ക് സബ്‌സിഡി എടുത്തു കളഞ്ഞതിനു പിന്നാലെയാണ് കേന്ദ്ര സര്‍ക്കാറിന്റെ തെറ്റായ സാമ്പത്തിക നയത്തിന്റെ ഭാഗമായി ഹാജിമാരെ പിഴിയുന്നത്. ഹാജിമാരില്‍ നിന്നും വാങ്ങിയ തുക ആദ്യഘട്ടത്തില്‍ തന്നെ ഒന്നിച്ച് വിമാനക്കമ്പനിക്ക് നല്‍കിയിരുന്നുവെങ്കില്‍ മൂല്യത്തകര്‍ച്ച മൂലമുള്ള ഭാരം ഒഴിവാക്കാമായിരുന്നുവെന്ന് ഹാജിമാര്‍ പറഞ്ഞു.

2018 വര്‍ഷത്തില്‍ രൂപയുടെ മൂല്യത്തില്‍ 13.5 ശതമാനം ഇടിവാണ് ഉണ്ടായിരിക്കുന്നത്. കറന്‍സികളുടെ മൂല്യത്തിന്റെ കാര്യത്തില്‍ ഏഷ്യയിലെ തന്നെ ഏറ്റവും മോശം പ്രകടനമാണ് ഇന്ത്യയുടെ രൂപയില്‍ നടക്കുന്നത്.

വിപണികളുമായി താരതമ്യപ്പെടുത്തുമ്പോള്‍ രൂപയുടെ ഇടിവ് ചെറുതാണെന്നായിരുന്നു ആര്‍.ബി.ഐ ഗവര്‍ണര്‍ ഉര്‍ജിത്ത് പട്ടേലിന്റെ അഭിപ്രായം. പോളിസി സമ്മേളനം കഴിഞ്ഞ് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. ആഗോള വിപണിയില്‍ ക്രൂഡ് ഓയില്‍ വില ഉയരുന്നതാണ് രൂപക്ക് തിരിച്ചടിയാവുന്നതെന്നാണ് കേന്ദ്രസര്‍ക്കാര്‍ പറയുന്നത്.

ഇതിന് പിന്നാലെയാണ് നോട്ട് അസാധുവാക്കലും, തന്റെ കൈവശം 13,860 കോടി രൂപയുടെ അനധികൃത സ്വത്തുണ്ടെന്ന റിയല്‍ എസ്റ്റേറ്റ് വ്യവസായി മഹേഷ് ഷായുടെ വെളിപ്പെടുത്തലും വന്നത്. മഹേഷ് ഷായുടെ ഐ.ഡി.എസ് പിന്നീട് റദ്ദാക്കിയിരുന്നു. നികുതി ആദ്യ ഘടു നല്‍കിയില്ലെന്നതാണ് കാരണം.

ഇതു സംബന്ധിച്ച് ആദായ നികുതി വകുപ്പിന് വിവരാവകാശ നിയമപ്രകാരം 2016 ഡിസംബറില്‍ വിവരാവകാശം വഴി നല്‍കിയ അപേക്ഷക്ക് രണ്ട് വര്‍ഷത്തിന് ശേഷമാണ് ആദായ നികുതി വകുപ്പ് മറുപടി നല്‍കിയത്. രാഷ്ട്രീയ നേതാക്കള്‍ ഉന്നത ഉദ്യോഗസ്ഥര്‍ പൊലീസുകാര്‍ എന്നിവര്‍ ഇത്തരത്തില്‍ എത്ര പണം നികുതി അടച്ച് വെളുപ്പിച്ചെന്നത് സംബന്ധിച്ച് ആദായ നികുതി വകുപ്പ് മറുപടി നല്‍കിയിട്ടില്ല.

ചൈന, കാനഡ തുടങ്ങി പല രാജ്യങ്ങളുമായും അമേരിക്ക വ്യാപാര യുദ്ധത്തിലേക്ക് നീങ്ങുകയാണെന്ന ആശങ്ക ആഗോള നിക്ഷേപകരെ സ്വാധിനിക്കുന്നതാണ് മൂല്യത്തകര്‍ച്ചക്ക് കാരണമെന്നാണ് വിലയിരുത്തല്‍. നിക്ഷേപകര്‍ ഇവിടങ്ങളില്‍ നിന്ന് പണം പിന്‍വലിച്ച് സുരക്ഷിത നിക്ഷേപമെന്ന നിലയില്‍ അമേരിക്കയിലേക്കും ഡോളറിലേക്കും മാറ്റാന്‍ തുടങ്ങിയതോടെ ഡോളര്‍ കരുത്താര്‍ജ്ജിച്ചതാണ് രൂപക്ക് തിരിച്ചടിയായത്.