ഭൂമിയില്‍നിന്ന് കുതിച്ചുയര്‍ന്ന് 28ാം ദിവസം ചന്ദ്രന്റെ ഭ്രമണ പഥത്തില്‍ എത്തുന്ന ചാന്ദ്രയാന്‍ രണ്ട് 47ാമത്തെ ദിവസമാണ് ചന്ദ്രോപരിതലത്തിലിറങ്ങുക.
കുറഞ്ഞത് 30 കിലോമീറ്ററും കൂടിയത് 100 കിലോമീറ്ററും ദൈര്‍ഘ്യംവരുന്ന ഭ്രമണപഥത്തിലാണ് പേടകം ഈ ദിവസങ്ങളില്‍ ചന്ദ്രനെ വലംവെക്കുക. ഭ്രമണ പഥത്തില്‍ വെച്ച് ഓര്‍ബിറ്ററുമായി വേര്‍പെട്ട ശേഷമായിരിക്കും ലാന്‍ഡറും റോവറും മാത്രം ചന്ദ്രനിലെത്തുക. 15 മിനുട്ടാണ് ലാന്റിങിന് വേണ്ടി വരുന്ന സമയം. സാവകാശമായിരിക്കും(സോഫ്റ്റ്‌ലാന്റിങ്) ലാന്‍ഡര്‍ ചന്ദ്രന്റെ നിലംതൊടുക. പിന്നെയും നാലു മണിക്കൂര്‍ കാത്തിരിക്കണം പ്രഗ്യാന്‍ എന്ന് വിളിപ്പേരുള്ള റോവര്‍ പുറത്തിറങ്ങാന്‍. ഈ നിമിഷം വരേയും ശാസ്ത്രലോകത്തിന്റെ നെഞ്ചിടിപ്പ് തുടര്‍ന്നുകൊണ്ടേയിരിക്കും.
ലാന്‍ഡറില്‍ സ്ഥാപിച്ചിട്ടുള്ള ത്രിവര്‍ണ പതാക അമ്പിളിമുറ്റത്ത് പാറിപ്പറക്കുന്ന അഭിമാന നിമിഷത്തിന് 48 ദിവസത്തെ കാത്തിരിപ്പാണ് വേണ്ടത്. ഒരുദിവസം പിന്നിട്ടു കഴിഞ്ഞു. ഇനി 47 ദിവസം. കാത്തിരിക്കാം. സെപ്തംബര്‍ 7,

ചാന്ദ്രരഹസ്യങ്ങള്‍ തേടിയുള്ള ഇന്ത്യയുടെ സ്വപ്‌ന യാത്രക്ക് ഒരിക്കല്‍കൂടി വിജയത്തുടക്കമായാണ് വിക്ഷേപണ വാഹനമായ ജി.എസ്.എല്‍.വി മാര്‍ക്ക് 3 എം. 1ല്‍നിന്ന് വേര്‍പ്പെട്ട് ചാന്ദ്രയാന്‍ രണ്ട് ഭൂമിയുടെ ഭ്രമണപഥത്തിലെത്തിയത്.
ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്റര്‍ രണ്ടാം വിക്ഷേപണത്തറയില്‍നിന്ന് ഇന്നലെ ഉച്ചക്ക് 2.43നാണ് ചാന്ദ്രയാന്‍ രണ്ട് സ്വപ്‌നക്കുതിപ്പ് തുടങ്ങിയത്. 16 മിനുട്ട് പിന്നിട്ടതോടെ സങ്കീര്‍ണമായ ദൗത്യത്തിന്റെ ആദ്യഘട്ടം വിജയിച്ചതിന്റെ സന്തോഷം ശാസ്ത്രലോകത്ത് കരഘോഷമായി മുഴങ്ങി. നൂറു കോടി ജനതയുടെ അഭിമാനമാണ് പേടകം ആകാശം തൊട്ടത്.
സാങ്കേതിക തകരാറിനെതുടര്‍ന്ന് കഴിഞ്ഞയാഴ്ച മാറ്റിവെച്ച ദൗത്യത്തിനാണ് ഇന്നലെ തുടക്കം കുറിച്ചത്. ആദ്യ ദൗത്യം മാറ്റിവെച്ച് 24 മണിക്കൂറിനകം തന്നെ സാങ്കേതിക തകരാറുകള്‍ പരിഹരച്ചിരുന്നതായു എല്ലാ സുരക്ഷാ പരിശോധനകളും പൂര്‍ത്തിയാക്കിയാണ് വീണ്ടും വിക്ഷേപണത്തിന് തയ്യാറെടുത്തതെന്നും ഐ.എസ്.ആര്‍.ഒ ചെയര്‍മാന്‍ കെ ശിവന്‍ പറഞ്ഞു.
സ്‌പേസ് സെന്ററില്‍നിന്ന് കുതിച്ചുയര്‍ന്ന് 16 മിനുട്ടും 33 സെക്കന്റും പിന്നിട്ടതോടെയാണ് പേടകം ഭൂമിയുടെ ഭ്രമണപഥത്തില്‍ എത്തിയത്. 18 മിനുട്ടും 30 സെക്കന്റും പിന്നിട്ടതോടെ ഭൂമിയിലെ കണ്‍ട്രോള്‍ സ്‌റ്റേഷനില്‍ ആദ്യ സിഗ്നല്‍ ലഭിച്ചു. ഇതോടെയാണ് സ്വപ്‌നസഞ്ചാരത്തിന്റെ തുടക്കം വിജയിച്ചെന്ന് ഉറപ്പിച്ചത്. നേരത്തെ നിശ്ചയിച്ചതിലും 6000 കിലോമീറ്റര്‍ അകലെയുള്ള ഭൂമിയുടെ ഭ്രമണപഥത്തിലേക്ക് നേരിട്ട് ചാന്ദ്രയാന്‍ രണ്ടിനെ എത്തിക്കാന്‍ കഴിഞ്ഞതും ഐ.എസ്.ആര്‍.ഒക്ക് നേട്ടമായി. ചാന്ദ്രോപരിതലത്തില്‍ കൂടുതല്‍ സമയം ചെലവഴിക്കാനുള്ള ആയുസ്സും ഇന്ധനവും ഇതുവഴി പേടകത്തിന് ലഭിക്കും.

23 ദിവസം ഭൂമിയെ വലംവെച്ച ശേഷമായിരിക്കും ചാന്ദ്രയാന്‍ രണ്ടിന്റെ അടുത്ത സ്വപ്‌ന സഞ്ചാരം തുടങ്ങുക. ഭൂമിയുടെ ആകര്‍ഷണ വലയം ഭേദിച്ച് കടന്ന് ചന്ദ്രന്റെ ഭ്രമണപഥത്തിലേക്ക് കടക്കുന്നത് ഈ ഘട്ടത്തിലാണ്. 47 ദിവസം പിന്നിടുമ്പോള്‍ ചാന്ദ്രയാന്‍ രണ്ട് ചന്ദ്രോപരിതലത്തിലിറങ്ങും. തമോഗര്‍ത്തങ്ങള്‍ക്കിടയിലെ സമതല പ്രദേശത്തായിരിക്കും ലാന്റിങ്. ചന്ദ്രന്റെ ദക്ഷിണ ധ്രുവത്തില്‍ ഇറങ്ങുന്ന ആദ്യ പേടകമെന്ന ഖ്യാതിയാണ് ചാന്ദ്രയാന്‍ രണ്ടിനെ കാത്തിരിക്കുന്നത്. ലാന്‍ഡറിന്റെ സഹായത്തോടെ സോഫ്റ്റ്‌ലാന്റിങ് ആണ് നിശ്ചയിച്ചിട്ടുള്ളത്. 15 മിനുട്ട് സമയമാണ് ലാന്റിങിന് വേണ്ടി വരിക. രണ്ടാം ചാന്ദ്രയാന്‍ ദൗത്യത്തിലെ ഏറ്റവും സങ്കീര്‍ണമായ ഘട്ടവും ഇതാണ്. ചാന്ദ്രോപരിതലത്തില്‍ ഇറങ്ങിക്കഴിഞ്ഞാല്‍ പേടകത്തിനുള്ളില്‍നിന്ന് റോവര്‍ പുറത്തുവരും. പതിയെ ചന്ദ്രോപരിതലത്തിലൂടെ നീങ്ങുന്ന റോവര്‍ നിര്‍ണായക വിവരങ്ങള്‍ ഭൂമിയിലെ കേന്ദ്രത്തിലേക്ക് കൈമാറും. ഭൂമിയിലെ 14 ദിവസമാണ് റോവറിന് ആയുസ്സ് നിശ്ചയിച്ചിരിക്കുന്നത്. ഇതിനുള്ളില്‍ പരമാവധി വിവരങ്ങള്‍ ശേഖരിക്കുന്നതിനുള്ള സംവിധാനങ്ങളാണ് റോവറിലുള്ളത്.

ഇന്ത്യന്‍ ശാസ്ത്ര കോണ്‍ഗ്രസിനെ പറ്റി പ്രമുഖ ശാസ്ത്രജ്ഞനും നോബേല്‍ സമ്മാന ജേതാവുമായ വെങ്കിട്ടരാമന്‍ രാമകൃഷ്ണന്‍ സര്‍ക്കസ് എന്നാണ് ഒരഭിമുഖത്തില്‍ അഭിപ്രായപ്പെട്ടത്. മതവും രാഷ്ട്രീയവും കൂട്ടി കലര്‍ത്തികൊണ്ടുള്ള ശാസ്ത്ര കോണ്‍ഗ്രസ്സില്‍ താന്‍ ഒരിക്കലും തന്നെ പങ്കെടുക്കില്ലന്നും അദ്ദേഹം തീര്‍ത്തു പറയുകയുണ്ടായി.ഇന്ത്യയില്‍ കെട്ടുകഥകള്‍ ശാസ്ത്രമാവുന്ന അധര വ്യായാമമാണ് നടക്കുന്നതെന്നായിരുന്നു ന്യൂയോര്‍ക്ക് ടൈംസ് മുഖപ്രസംഗത്തില്‍ കുറ്റപ്പെടുത്തിയത്. നരേന്ദ്ര മോദിയുടെ ഭരണ കാലയളവില്‍ തിരുപ്പതി, മുംബൈ, മൈസൂര്‍ എന്നിവിടങ്ങളില്‍ നടന്ന ശാസ്ത്ര കോണ്‍ഗ്രസ്സുകളുടെ നിലവാരം വിലയിരുത്തിയാണ് ഇത്തരം അഭിപ്രായപ്രകടനങ്ങള്‍ നടത്തിയിട്ടുള്ളത്.വിവാദങ്ങളും വിദൂഷക പ്രഭാഷണങ്ങളും മാത്രം ബാക്കി വെച്ചാണ് ഈ വര്‍ഷം ജലന്ധറിലെ ലവ് ലി സര്‍വ്വകലാശാല ആതിഥേയത്വം അരുളിയ നൂറ്റിയാറാമത് ശാസ്ത്ര കോണ്‍ഗ്രസിനും തിരശ്ശീല വീണത്.
ലോകത്തിലെ ഏറ്റവും വലിയ ശാസ്ത്ര സംഗമമായിരുന്നു പഞ്ചാബിലെ ജലന്ധറില്‍ നടന്നത്.തോമസ് സുഥോഫ്. അവ്രാം ഹെര്‍ഷ്‌കോ. ഡങ്കണ്‍ ഹാര്‍ഡെയ്ന്‍ തുടങ്ങിയ നോബേല്‍ ജേതാക്ക ളടക്കം അമേരിക്ക. ബ്രിട്ടന്‍ തുടങ്ങിയ 60 രാജ്യങ്ങളില്‍ നിന്ന് 30000 ശാസ്ത്ര പ്രതിഭകളാണ് ശാസ്ത്ര കോണ്‍ഗ്രസില്‍ സംബന്ധിച്ചത്.ഡി ആര്‍ ഡി ഒ, ഐ എസ് ആര്‍ ഒ, എയിംസ്, യു ജി സി, ഐ ഐ സി ടി ഇ, എന്നീ സ്ഥാപനങ്ങളിലെ വിദഗ്ധരും ഭാഗവാക്കാവുകയുണ്ടായി.ലവ് ലി സര്‍വ്വകലാശാലയിലെ വിദ്യാര്‍ത്ഥികള്‍ പാഴ് വസ്തുക്കള്‍ കൊണ്ട് നിര്‍മിച്ചതും 55 അടി ഉയരവും 25 ടണ്‍ ഭാരമുള്ളതുമായ മെറ്റല്‍മാഗ്‌ന എന്ന യന്ത്രമനുഷ്യന്‍ എല്ലാവരെയും വിസ്മയിപ്പിക്കുകയുണ്ടായി.കണ്ണില്‍ പതിയാത്ത ചെറിയ വസ്തുക്കളെ പോലും വലുതാക്കി കാണിക്കുന്നതും അഞ്ചാള്‍ പൊക്കമുള്ളതുമായ മൈക്രോസ്‌കോപിനു ചുറ്റും സെല്‍ഫിയെടുക്കാന്‍ ഓരോരുത്തരും അവിടെ മത്സരിക്കുകയായിരുന്നു. ലവ് ലി സര്‍വ്വകലാശാല വിദ്യാര്‍ത്ഥികള്‍ പ്രകടിപ്പിച്ച കരവിരുതുകളാലോ പ്രതിഭകളുടെ സാന്നിധ്യം കൊണ്ടോ ശാസ്ത്ര കുതുകികളുടെ മുടിനാരിഴ കീറിയ സംവാദങ്ങളാലോ സംഘാടക മികവിനാലോ അല്ല ജലന്ധറിലെ ശാസ്ത്ര കോണ്‍ഗ്രസ്സ് ശ്രദ്ധിക്കപ്പെട്ടത്. യുക്തിക്ക് നിരക്കാത്തതും അസംബന്ധങ്ങള്‍ നിറഞ്ഞതുമായ പ്രസംഗങ്ങളുടെ പേരില്‍ ശാസ്ത്രലോകത്തിന് മുന്നില്‍ ഇന്ത്യ മഹാരാജ്യം പരിഹാസപാത്രമായിരിക്കുകയാണ്.
ഭാവി ഇന്ത്യ ശാസ്ത്രവും സാങ്കേതിക വിദ്യയും എന്ന തലക്കെട്ടില്‍ നടത്തിയ ശാസ്ത്ര കോണ്‍ഗ്രസ്സില്‍ ആന്ധ്ര യൂണിവേഴ്‌സിറ്റി വൈസ് ചാന്‍സലര്‍ ജി. നാഗേശ്വരര്‍ റാവുവിവിന്റെ പ്രബന്ധമാണ് ഏറെ കോളിളക്കം സൃഷ്ടിച്ചിട്ടുള്ളത്. പുഷ്പകവിമാനങ്ങള്‍ കൂടാതെ രാവണന് 24 വിമാനങ്ങളും ശ്രീലങ്കയില്‍ എയര്‍പോര്‍ട്ടും ഉണ്ടായിരുന്നുവെന്നാണ് പ്രബന്ധത്തില്‍ പരാമര്‍ശിച്ചിട്ടുള്ളത്. മനുഷ്യോത്പത്തി സംബന്ധിച്ച് ഡാര്‍വിന്റെ പരിണാമസിദ്ധാന്തത്തേക്കാളും വിഷ്ണുവിന്റെ ദശാവതാരമാണ് മികച്ചതെന്നും അദ്ദേഹം ചുണ്ടികാട്ടി. കൗരവര്‍ ടെസ്റ്റ്യൂബ് ശിശുവാണെന്നതിനും പ്രാചീന ഇന്ത്യയില്‍ മിസൈല്‍ ടെക്‌നോളജി നിലനിന്നിരുന്നുവെന്നുമുള്ള അവകാശവാദവും ഉന്നയിച്ചു. തമിഴ്‌നാട്ടിലെ ആളിയാറിലെ വേള്‍ഡ് കമ്മ്യൂണിറ്റി സെന്ററിലെ ശാസ്ത്രജ്ഞന്‍ കണ്ണന്‍ ജഗദല ക്യഷ്ണന്‍ എ.പി.ജെ കലാമിനേക്കാളും മികച്ച ശാസ്ത്രജ്ഞനായി കേന്ദ്രമന്ത്രി ഡോ. ഹര്‍ഷ് വര്‍ദ്ധനന്‍ ആണെന്ന അഭിപ്രായമാണ് രേഖപ്പെടുത്തിയത്. ഐന്‍സ്റ്റീന്‍ന്റെ ആപേക്ഷിക സിദ്ധാന്തത്തേക്കാളും ഒന്നാന്തരം തിയറി ഭാരതീയ വേദങ്ങളിലുണ്ടെന്നും അത് വിഖ്യാത ശാസ്ത്രജ്ഞന്‍ സ്റ്റീഫന്‍ ഹോക്കിങ്ങ്‌സ് ശരിവെച്ചതാണെന്നും തട്ടിവിട്ട വിദ്വാന്‍ എന്ന നിലയിലാണ് കേന്ദ്രമന്ത്രിക്ക് താമ്രപത്രം നല്‍കാന്‍ പ്രേരണയായത്. ഗുരുത്വാകര്‍ഷണ സിദ്ധാന്തത്തില്‍ ന്യൂട്ടനും ആപേക്ഷിക സിദ്ധാന്തത്തില്‍ ഐന്‍സ്റ്റീനും തെറ്റുപറ്റിയെന്നും തിരുത്താനായി പുരാണങ്ങളിലേക്ക് മടക്കയാത്ര നടത്തണമെന്നുമാണ് കണ്ണന്‍ ആഹ്വാനം നല്‍കിയിട്ടുള്ളത്. ന്യൂട്ടന്റെ ഗുരുത്വതരംഗത്തിന് പകരം മോദി തരംഗമെന്ന് പുനര്‍നാമകരണം വേണമെന്ന് ആവശ്യപ്പെടാനും അദ്ദേഹം മറന്നിട്ടില്ല. ഒരു നുണ നൂറ് തവണ ആവര്‍ത്തിച്ചാല്‍ സത്യമാവുമെന്ന ഗീബല്‍സിയന്‍ തത്വത്തിന്റെ അടിസ്ഥാനത്തില്‍ ബി ജെ പി നേതാക്കള്‍ പുരാണ ത്തിലെ കഥാപാത്രങ്ങള്‍ക്ക് ശാസ്ത്രത്തിന്റെ മേമ്പൊടി ചേര്‍ത്ത് ഒട്ടേറെ പ്രസ്താവനകളാണ് ഇതിനകം നടത്തിയിട്ടുള്ളത്.ഐ എസ് ആര്‍ ഒ റോക്കറ്റുകളെ രാമന്റെ അമ്പിനോടായിരുന്നു ഗുജറാത്ത് മുഖ്യമന്ത്രി ഉപമിച്ചത്. പശുവിന്റെ സാമീപ്യം പോലും പനിക്കും ജലദോഷത്തിനും ആശ്വാസകരമായി മാറുമെന്നാണ് രാജസ്ഥാന്‍ വിദ്യാഭ്യാസ മന്ത്രി വാസുദേവ് ദേവനാനി വിളംബരം നടത്തിയത്. പൂര്‍വ്വജന്മങ്ങളിലെ പാപങ്ങളുടെ ഫലമാണ് ക്യാന്‍സര്‍ ബാധയെന്നാണ് സംഘ്പരിവാര്‍ കുഴലുത്തുകാരന്‍ ഹിമാന്ത ബിശ്വശര്‍മ്മ നടത്തിയ പരാമര്‍ശത്തിലുള്ളത്.ഇവരെല്ലാം ശാസ്ത്ര വിഷയത്തില്‍ അല്‍പജ്ഞാനികളും രാഷ്ട്രീയത്തിലെ ട്രപ്പീസ് കളിക്കാരും മാത്രമാണ്. എന്നാല്‍ ജലന്‍ധര്‍ ശാസ്ത്ര കോണ്‍ഗ്രസില്‍ വങ്കത്തം വിളിച്ചു കൂവിയവര്‍ പ്രഗത്ഭ ശാസ്ത്രജ്ഞരാണെന്നത് ഗൗരവത്തോടെ നോക്കി കാണേണ്ടതാണ്.
കഴിഞ്ഞ നാലു വര്‍ഷത്തെ ശാസ്ത്ര കോണ്‍ഗ്രസുകളിലെല്ലാം തന്നെ പല ശാസ്ത്രജ്ഞരും ഗവേഷകരും ആന മണ്ടത്തരങ്ങളാണ് വിളമ്പിയത്. പൗരാണിക ശാസ്തം സംസ്‌കൃതിയിലൂടെ എന്ന പേരില്‍ ശാസ്ത്ര കോണ്‍ഗ്രസില്‍ ഒരു സെഷന്‍ ഇടം പിടിച്ചതു പോലും അതിന്റെ തെളിവാണ്. ലോകത്തിലെ ആദ്യത്തെ വിമാനം രാവണന്റെ പുഷ്പകവിമാനം. ഗണപതിയുടെ ആനത്തലമാറ്റി വെച്ചതാണ് ആദ്യത്തെ പ്ലാസ്റ്റിക് സര്‍ജറി. എഴായിരം വര്‍ഷങ്ങള്‍ക്ക് മുമ്പേ നടന്ന ഗ്രഹാന്തര യാത്രകള്‍. ശസ്ത്രക്രിയയെ സംബന്ധിച്ചുള്ള ഋഗ്വേദ പരാമര്‍ശം. ഇത്തരം അസംബന്ധങ്ങളാണ് ശാസ്ത്ര കോണ്‍ഗ്രസ്സുകളില്‍ മുഴങ്ങിയത്.മരിച്ചവരെ പുനര്‍ജീവിപ്പിക്കുന്ന മ്യത സഞ്ജീവിനിക്കായും 110 വയസ്സുവരെ യൗവ്വനം നിലനിര്‍ത്താനും പറ്റുന്ന ശിവ ഗുളികകളുടെയും കണ്ടെത്തലുകള്‍ക്കായും കോടികളാണ് കേന്ദ്ര ഭരണകൂടം മാറ്റി വെച്ചിട്ടുള്ളത്. വേദങ്ങള്‍ക്കും പുരാണങ്ങള്‍ക്കും നിരന്തരമായ പ്രചാരണങ്ങളിലൂടെ ശാസ്ത്രീയത സ്ഥാപിച്ചെടുക്കാനാണ് തീവ്രഹിന്ദുത്വവാദികള്‍ ശ്രമിച്ചുകൊണ്ടിരിക്കുന്നത്
ഇന്ത്യയില്‍ മാത്രല്ല ഈജിപ്തിലെയും ചൈനയിലെയും പുരാണ ഗ്രന്ഥങ്ങളിലും ഇത്തരം മിത്തുകള്‍ ധാരാളമായി കാണാന്‍ കഴിയും. വിവിധമത ഗ്രന്ഥങ്ങളിലും പല അത്ഭുങ്ങളെ കുറിച്ച് പരാമര്‍ശിച്ചിട്ടുണ്ട്. വിശ്വാസങ്ങള്‍ക്കെല്ലാം ശാസ്ത്രീയത കൈവരിക്കാനുള്ള നീക്കം ഒരിക്കലും അംഗീകരിക്കാനോ പ്രോത്സാഹിപ്പിക്കാനോ പാടില്ലാത്തതാണ്. കാള്‍ സാഗന്റെയും എച്ച്.ജിവെല്‍സിന്റെയും ശാസ്ത്രീയ നോവലുകളിലും ശാസ്ത്ര സാങ്കേതികതയിലേക്ക് വെളിച്ചം വീശുന്ന ഒട്ടേറെ സൂചകങ്ങള്‍ കാണാന്‍ കഴിയും. ഭാവനകള്‍ക്കപ്പുറം അതിനെ ആരും ശാസ്ത്രമായി പരിഗണിക്കാറില്ല. ശാസ്ത്ര വിജ്ഞാനത്തിന്റെ അടിസ്ഥാനം പുനരാവര്‍ത്തനവും പരിശോധന വിധേയത്വവുമാണ്. അതിനപ്പുറം കാല്പനികതയ്ക്ക് ശാസ്ത്രീയമായ നിറം ചാര്‍ത്താനുള്ള നീക്കം ഭാവിതലമുറയോടുള്ള കൊടും പാതകം കൂടിയാണ്.
ആര്യഭട്ടയും മൈത്രിയും അപ്‌സരയും ബുദ്ധന്റെ ചിരിയും ആകാശ് ടാബ് ലെറ്റും നിര്‍മിച്ചു കൊണ്ട് ശാസ്ത്രലോകത്ത് സ്വന്തമായി കയ്യൊപ്പ് ചാര്‍ത്താന്‍ ഇന്ത്യക്ക് കഴിഞ്ഞിട്ടുണ്ട്. മനുഷ്യനെ ബഹിരാകാശത്തേക്ക് എത്തിക്കാനുള്ള ഇന്ത്യയുടെ സ്വപ്‌ന പദ്ധതിയായ ഗഗന്‍യാന്റെ പ്രവര്‍ത്തനങ്ങളും നടന്നു വരികയാണ്.മലയാളി ശാസ്ത്രജ്ഞനായ എസ്. ഉണ്ണിക്കഷ്ണന്‍ നായരാണ് ഇതിന് ചുക്കാന്‍ പിടിക്കുന്നത്. പ്രധാനമന്ത്രിയായിരുന്ന ജവഹര്‍ലാല്‍ നെഹ്‌റു 1958ല്‍ നടപ്പിലാക്കിയ സയന്റിഫിക് പോളിസി റവല്യൂഷന്റെ ഫലമായിട്ടാണ് ശാസ്ത്രിയ നേട്ടങ്ങള്‍ ദ്രുതഗതിയില്‍ കൈവരിക്കാനായത്. ബഹിരാകാശ ഗവേഷണം. ആണവ ഗവേഷണം. നാനോ ടെക്‌നോളജി.ബയോടെക്‌നോളജി എന്നീ മേഖലകളില്‍ വലിയ രീതിയില്‍ കുതിച്ചു ചാട്ടം നടത്താന്‍ കഴിഞ്ഞു ട്ടുണ്ടെങ്കിലും ഇനിയും ഇന്ത്യക്ക് ഒട്ടേറെ ദൂരം താണ്ടേണ്ടതുണ്ട്.ശുദ്ധവായു. ശുദ്ധജലം. വസ്ത്രം. പാര്‍പ്പിടം. ഭക്ഷ്യ ഉത്പാദനം. ആരോഗ്യരംഗം എന്നിവയിലെല്ലാം സ്വയംപര്യാപ്തരായി തീരേണ്ടതുണ്ട്. അമേരിക്ക.ജപ്പാന്‍. ബ്രിട്ടന്‍ തുടങ്ങിയ വന്‍കിട രാജ്യങ്ങളിലെ പത്തുലക്ഷം പേരുടെ കണക്കെടുപ്പില്‍ ശാസ്ത്രജ്ഞരുടെ എണ്ണം അയ്യായിരമാണ്.ഇന്ത്യയില്‍ അത് കേവലം 137 മാത്രമാണ്. ഇന്ത്യയിലെ ശാസ്ത്രജ്ഞര്‍ക്ക് അന്താരാഷ്ട്ര തലത്തിലെ ശാസ്ത്ര പ്രതിഭകളോടൊപ്പം അറിവും ആശയങ്ങളും കണ്ടു പിടുത്തങ്ങളും പങ്കിടാനുള്ള വേദി എന്ന നിലയിലാണ് രാഷ്ട്രശിലപികള്‍ ശാസ്ത്ര കോണ്‍ഗ്രസിനെ നോക്കി കണ്ടിട്ടുള്ളത്.രാഷ്ട്രീയ ലക്ഷ്യങ്ങളോട് എക്കാലവും അകലം പാലിച്ചുവെന്നതാണ് ശാസ്ത്ര കോണ്‍ഗ്രസിന്റെ സവിശേഷതകളില്‍ പ്രധാനവും. ലക്ഷ്യം മറന്നുള്ള മോദി ഭരണകൂടത്തിന്റെ ഇടപെടലുകളാണ് ശാസ്ത്ര കോണ്‍ഗ്രസിന്റെ നക്ഷത്ര തിളക്കം ഇല്ലാതാക്കിയത്.

ഗുരുത്വാകര്‍ഷണ തരംഗങ്ങള്‍ക്ക് നരേന്ദ്ര മോദി തരംഗങ്ങളെന്ന് പേരിടണമെന്നും എ.പി.ജെ അബ്ദുല്‍ കലാമിനേക്കാള്‍ മികച്ച ശാസ്ത്രജ്ഞന്‍ കേന്ദ്ര മന്ത്രി ഡോ.ഹര്‍ഷവര്‍ദ്ധന്‍ ആണെന്നും കണ്ണന്‍ കൃഷ്ണന്‍ പറഞ്ഞു. പഞ്ചാബിലെ ഫഗ്വാരയില്‍ ലവ്‌ലി പ്രൊഫഷണല്‍ സര്‍വകലാശാലയിലാണ് 106ാമത് ഇന്ത്യന്‍ ശാസ്ത്ര കോണ്‍ഗ്രസ് നടക്കുന്നത്.

ഐന്‍സറ്റീന്റെ സിദ്ധാന്തങ്ങള്‍ ശാസ്ത്ര ലോകത്തെ തെറ്റിദ്ധരിപ്പിക്കുന്നതാണ്. താന്‍ തന്റെ സ്വന്തം ഫിസിക്‌സ് തിയറികള്‍ അവതരിപ്പിക്കുമ്പോള്‍ ഗുരുത്വാകര്‍ഷണ തരംഗങ്ങള്‍ക്ക് നരേന്ദ്ര മോദി വേവ്‌സ് എന്ന് പേരിടുമെന്നും കണ്ണന്‍ പറഞ്ഞു. എന്നാല്‍ കണ്ണന്‍ കൃഷ്ണന്റെ അഭിപ്രായത്തെ സദസ്സിലെ വിദ്യാര്‍ഥികള്‍ ചോദ്യം ചെയ്യുന്നതും കാണാമായിരുന്നു.

നേരത്തെ ആന്ധ്രാപ്രദേശ് സര്‍വകലാശാല വി.സി നടത്തിയ പ്രസംഗവും വിവാദമായിരുന്നു. കൗരവര്‍ ടെസ്റ്റ്യൂബ് ശിശുക്കളായിരുന്നു എന്നായിരുന്നു അദ്ദേഹത്തിന്റെ പ്രധാന വാദം. രാവണന് വിമാനത്താവളമുണ്ടായിരുന്നു, രാമന് മിസൈല്‍ സാങ്കേതിക വിദ്യ അറിയാമായിരുന്നു തുടങ്ങിയ വാദങ്ങളും അദ്ദേഹം ഉന്നയിച്ചിരുന്നു.

വെ​ള്ളി​യാ​ഴ്ച ‌ഇ​ന്ത്യ​ൻ ശാ​സ്ത്ര കോ​ൺ​ഫ്ര​ൻ​സി​ൽ സം​സാ​രി​ക്കു​ക​യാ​യി​രു​ന്ന ആ​ന്ധ്രാ സ​ർ​വ​ക​ലാ​ശാ​ല വൈ​സ് ചാ​ന്‍​സ​ല​ർ പ്ര​ഫ. ജി. ​നാ​ഗേ​ശ്വ​ര റാ​വു​വാ​ണ് മ​ണ്ട​ത്ത​രം വി​ള​മ്പി​യ​ത്. ഇ​ന്ത്യ​യു​ടെ പു​രാ​ത​ന ശാ​സ്ത്രം ആ​ധു​നി​ക ശാ​സ്ത്ര​ത്തി​നു സ​മാ​ന​മാ​ണെ​ന്ന് അ​ദ്ദേ​ഹം പ​റ​ഞ്ഞു. ടെ​സ്റ്റ് ട്യൂ​ബ് ശി​ശു, സ്റ്റെം ​സെ​ൽ ഗ​വേ​ഷ​ണം എ​ന്നി​വ ചൂ​ണ്ടി​ക്കാ​ട്ടി​യാ​യി​രു​ന്നു റാ​വു ത​ന്‍റെ ക​ണ്ടെ​ത്ത​ൽ അ​വ​ത​രി​പ്പി​ച്ച​ത്.

എ​ങ്ങ​നെ​യാ​ണ് ഗാ​ന്ധാ​രി 100 കു​ട്ടി​ക​ൾ​ക്ക് ജ​ന്മം ന​ൽ​കി​യ​തെ​ന്ന​ത് ഏ​വ​ർ​ക്കും അ​വി​ശ്വ​സ​നീ​യ​വും അ​ദ്ഭു​ത​പ്പെ​ടു​ത്തു​ന്ന​തു​മാ​ണ്. ഒ​രു ജ​ന്മ​ത്തി​ൽ മ​നു​ഷ്യ സ്ത്രീ​ക്ക് 100 കു​ട്ടി​ക​ളെ പ്ര​സ​വി​ക്കാ​നാ​കു​മോ​യെ​ന്ന് എ​ല്ലാ​വ​രും ചോ​ദി​ക്കും. ആ​ളു​ക​ൾ പ​റ​യു​ന്ന​ത് കൗ​ര​വ​ർ കെ​ട്ടു​ക​ഥ​യാ​ണെ​ന്നാ​ണ്. ടെ​സ്​റ്റ് ട്യൂ​ബ് ശി​ശു​ക്ക​ൾ ഉ​ണ്ടാ​യ​തോ​ടെ ഇ​ത് വി​ശ്വ​സി​ക്കാ​ൻ തു​ട​ങ്ങി​യി​രി​ക്കു​ന്നു. ഇ​തേ കാ​ര്യം ത​ന്നെ മ​ഹാ​ഭാ​ര​ത​ത്തി​ൽ പ​റ​യു​ന്നു, 100 അ​ണ്ഡ​ങ്ങ​ൾ 100 മ​ൺ​പാ​ത്ര​ങ്ങ​ളി​ൽ നി​ക്ഷേ​പി​ച്ചി​രി​ക്കു​ന്നു എ​ന്ന്. ഇ​ത് ടെ​സ്റ്റ് ട്യൂ​ബ് ശി​ശു​വി​നും സ്റ്റെം ​സെ​ൽ ഗ​വേ​ഷ​ണ​ത്തി​നും സ​മാ​ന​മാ​ണ്.

സ്റ്റെം ​സെ​ൽ ഗ​വേ​ഷ​ണം രാ​ജ്യം ആ​യി​ര​ക്ക​ണ​ക്കി​നു വ​ർ​ഷ​ങ്ങ​ൾ​ക്കു മു​മ്പ് ആ​രം​ഭി​ച്ച​താ​ണ്. എ​ന്നാ​ൽ ഇ​പ്പോ​ൾ പോ​ലും ഭൂ​രി​പ​ക്ഷം ആ​ളു​ക​ൾ​ക്കും സ്റ്റെം ​സെ​ൽ ഗ​വേ​ഷ​ണം എ​ന്താ​ണെ​ന്ന് അ​റി​യി​ല്ല. എ​ന്നാ​ൽ ആ​യി​രം വ​ർ​ഷ​ങ്ങ​ൾ​ക്കു മു​മ്പ് ന​മ്മ​ൾ ഈ ​സാ​ങ്കേ​തി​ക​വി​ദ്യ സ്വാ​യ​ത്ത​മാ​ക്കി​യി​രു​ന്നു. ആ​യി​ര​ക്ക​ണ​ക്കി​നു വ​ർ​ഷ​ങ്ങ​ൾ​ക്കു മു​മ്പ് ഈ ​സ​ങ്കേ​തി​ക വി​ദ്യ ഉ​പ​യോ​ഗി​ച്ച് ഒ​രു അ​മ്മ​യി​ൽ​നി​ന്നും 100 കൗ​ര​വ​ൻ​മാ​ർ ജ​നി​ച്ചു- റാ​വു കൂ​ട്ടി​ച്ചേ​ർ​ത്തു.

ശ​ത്രു​ക്ക​ളെ തു​ര​ത്തി, പി​ന്തു​ട​ര്‍​ന്ന് പി​ടി​ച്ച് ആ​ക്ര​മി​ച്ച് ശേ​ഷം തി​രി​ച്ചു വ​രു​ന്ന അ​സ്ത്ര​ങ്ങ​ളാ​ണ് രാ​മ​ന്‍ ഉ​പ​യോ​ഗി​ച്ചി​രു​ന്ന​ത്. ഇ​ത് ഗൈഡഡ് മി​സൈ​ലു​ക​ളു​ടെ ച​രി​ത്ര​മാ​ണ് പ​റ​യു​ന്ന​ത്. രാ​വ​ണ​ന് 24 ത​രം വി​മാ​ന​ങ്ങ​ള്‍ സ്വ​ന്ത​മാ​യി ഉ​ണ്ടാ​യി​രു​ന്നു. പ​ല ത​ര​ത്തി​ലും പ​ല വ​ലി​പ്പ​ത്തി​ലു​മു​ള്ള​താ​യി​രു​ന്നു അ​വ. മാ​ത്ര​മ​ല്ല രാ​വ​ണ​ന് ല​ങ്ക​യി​ല്‍ എ​യ​ര്‍​പോ​ര്‍​ട്ടു​ക​ള്‍ ഉ​ണ്ടാ​യി​രു​ന്നെ​ന്നും റാ​വു പ​റ​ഞ്ഞു.