ഇതിനിടെ ഭീകരര്‍ സ്‌ഫോടക വസ്തുക്കള്‍ സൈന്യത്തിന് നേര്‍ക്ക് എറിഞ്ഞു. സ്‌ഫോടകവസ്തു പൊട്ടിത്തെറിച്ച് 2 സൈനികര്‍ സംഭവസ്ഥലത്തുവച്ചു തന്നെ കൊല്ലപ്പെട്ടിരുന്നു. പരിക്കേറ്റവരെ ഉദംപൂരിലെ ആശുപത്രിയിലേക്ക് മാറ്റുകയും ചെയ്തു. ഈ മാസം 20ന് അഞ്ച് സൈനികരെയെങ്കിലും കൊല്ലപ്പെട്ട സൈനിക ട്രക്കിന് നേരെയുണ്ടായ ആക്രമണത്തിലെ അതേ ഗ്രൂപ്പില്‍പ്പെട്ടവരാണ് ഈ ആക്രമണത്തിന് പിന്നിലെന്നും സൈനിക ഉദ്യോഗസ്ഥര്‍ പറഞ്ഞു.

സൈനികന്‍ സുരക്ഷിതനാണ്. അതിനാല്‍ വ്യാജ പ്രചരണങ്ങള്‍ ഒഴിവാക്കണമെന്നും പ്രതിരോധ മന്ത്രാലയം ആവശ്യപ്പെട്ടു. ജവാന്‍ മുഹമ്മദ് യാസീന്‍ ഭട്ടിനെബദ്ഗാം ജില്ലയിലെ ഖാസിപൊര ചദൂരയിലെ വീട്ടില്‍നിന്ന് തട്ടിക്കൊണ്ടുപോയെന്നായിരുന്നു വാര്‍ത്ത പരന്നിരുന്നത്. വെള്ളിയാഴ്ച്ച വൈകുന്നേരമാണ് സംഭവം.

ജമ്മു കശ്മീര്‍ ലൈറ്റ് ഇന്‍ഫെന്ററി സൈനികനാണ് മുഹമ്മദ് യാസീന്‍. കഴിഞ്ഞ ആഴ്ച അവധിക്ക് വീട്ടിലെത്തിയതായിരുന്നു അദ്ദേഹം. വീട്ടില്‍നിന്ന് ഏതാനും കിലോമീറ്റര്‍ അകലെയുള്ള വനമേഖലയിലേക്കാണ് മുഹമ്മദ് യാസീനെ കൊണ്ടുപോയതെന്ന് സംശയിക്കുന്നതായി കുടുംബാംഗങ്ങള്‍ പോലീസിനോട് പറഞ്ഞിരുന്നു. സൈന്യവും പ്രത്യേക ദൗത്യ സംഘവും മേഖലയില്‍ തിരച്ചില്‍ നടത്തിവരികയാണെന്നും റിപ്പോര്‍ട്ടിലുണ്ടായിരുന്നു.

കഴിഞ്ഞ വര്‍ഷം ജൂണ്‍ 14ന് സൈനികനായ ഔറംഗസേബിനെ പുല്‍വാമ ജില്ലയിലെ വീട്ടില്‍നിന്ന് തട്ടിക്കൊണ്ടുപോവുകയും കൊലപ്പെടുത്തുകയും ചെയ്തിരുന്നു.

ഇന്ത്യയിലേക്ക് കടക്കാനായി ഗൂഡ ലക്ഷ്യങ്ങളോടെ എത്തുന്ന അഞ്ചോ ആറോ തീവ്രവാദികളെയാണ് സൈനികര്‍ ദിവസവും അതിര്‍ത്തിയില്‍ വധിക്കുന്നത്. അതേസമയം, പാകിസ്താന്‍ മേഖലകളിലേക്ക് പ്രകോപനപരമായി വെടിയുതിര്‍ക്കരുതെന്ന് സൈനികര്‍ക്ക് നിര്‍ദ്ദേശം നല്‍കിയിട്ടുണ്ടെന്നും രാജ്‌നാഥ് സിങ് പറഞ്ഞു.

‘ഇപ്പോള്‍ ഇന്ത്യ ദുര്‍ബലമായ ഒരു രാജ്യമല്ല. ചൈനയുമായുള്ള അതിര്‍ത്തി വിഷയം ഇന്ത്യ കൈകാര്യം ചെയ്ത രീതി അത് തെളിയിക്കുന്നതാണ്. ഇരു രാജ്യങ്ങളും തമ്മില്‍ പരസ്പരാക്രമണം വരെ ഉണ്ടായേക്കുമെന്ന സമയത്താണ് ലോക രാജ്യങ്ങളെ ഞെട്ടിച്ച് ചൈനയുമായുള്ള ഡാക്ലാം വിഷയം ഇന്ത്യ പക്വതയോടെ കൈകാര്യം ചെയ്ത്്. വളരെ ശക്തമായ രാജ്യമായതു കൊണ്ടാണ് ഇന്ത്യക്ക് ഇതിന് സാധിച്ചതെന്നും, രാജ്നാഥ് സിങ് അഭിപ്രായപ്പെട്ടു.
എന്നാല്‍ പാകിസ്താന്റെ ഭാഗത്ത് നിന്നും ഏതെങ്കിലും തരത്തിലുള്ള പ്രകോപനം ഉണ്ടായാല്‍ എണ്ണമില്ലാത്ത ബുള്ളറ്റുകള്‍ കൊണ്ട് ഉചിതമായ മറുപടി നല്‍കാന്‍ സൈനികര്‍ക്ക് നിര്‍ദ്ദേശിച്ചിട്ടുണ്ടെന്നും രാജ്നാഥ് സിങ് പറഞ്ഞു.

Modiji, once you’re done thumping your chest, could you please explain this?https://t.co/oSuC7bZ82x

— Office of RG (@OfficeOfRG) October 6, 2017

അതേസമയം ചൈന വിഷയത്തില്‍ കേന്ദ്ര സര്‍ക്കാര്‍ പരാജയമാണെന്നും, നെഞ്ച് വീര്‍പ്പിച്ചു കഴിഞ്ഞാല്‍ ഡോക്‌ലാം വിഷയത്തില്‍ മോദി വീശദീകരണം നല്‍കണമെന്നും കോണ്‍ഗ്രസ് ഉപാധ്യാക്ഷന്‍ രാഹുല്‍ ഗാന്ധി കുറ്റപ്പെടുത്തിയിരുന്നു. അതിര്‍ത്തി പ്രശ്‌നം നിലനില്‍ക്കുന്ന ഡോക്‌ലാമില്‍ ചൈനീസ് സൈന്യം നിലയുറപ്പിച്ചതാണ് കേന്ദ്രസര്‍ക്കാറിനെ പ്രതിരോധത്തിലാക്കിയത്.

സ്വാതന്ത്ര്യദിനത്തില്‍ ജമ്മു കശ്മീരിലെ ലഡാക്കില്‍ ചൈനീസ് സൈന്യം ഇന്ത്യന്‍ സൈന്യവുമായി ഏറ്റുമുട്ടിയത് വന്‍ വാര്‍ത്താപ്രാധാന്യം നേടിയിരുന്നു. ഈ റിപ്പോര്‍ട്ടുകള്‍ ശരിവെച്ചാണ് ഇരു സൈന്യവും പരസ്പരം സംഘട്ടനത്തില്‍ ഏര്‍പ്പെടുന്നതിന്റെ ദൃശ്യങ്ങള്‍ സാമൂഹ്യ മാധ്യമങ്ങളില്‍ പ്രചരിക്കുന്നത്. ലഡാക്കിലെ പോങ്കോങ് തടാകത്തിനരികിലാണ് സംഭവം. രണ്ട് ഡസനോളം വരുന്ന ഇന്ത്യ-ടിബറ്റന്‍ അതിര്‍ത്തി പൊലീസും മൂന്ന് ഡസനോളം വരുന്ന അതിര്‍ത്തി സേനയുമാണ് ചൈനീസ് സൈന്യവുമായി ഏറ്റുമുട്ടിയത്. സൈനികര്‍ പരസ്പരം ചവിട്ടുന്നതും കല്ലെറിയുന്നതും ദൃശ്യങ്ങളില്‍ നിന്ന് വ്യക്തമാണ്. പോങ്കോങ് തടാകത്തിനരികിലൂടെ അതിര്‍ത്തിക്കകത്തേക്ക് പ്രവേശിക്കാന്‍ ചൈനീസ് സൈന്യം ശ്രമിച്ചതാണ് സംഘര്‍ഷത്തിന് കാരണം. തടയാനുള്ള ഇന്ത്യയുടെ ശ്രമം ഏറ്റുമുട്ടലില്‍ കലാശിക്കുകയായിരുന്നു. രണ്ട് മണിക്കൂര്‍ നീണ്ട് നിന്ന സംഘര്‍ഷാവസ്ഥക്ക് ശേഷം പ്രദേശത്തിന്മേലുള്ള അവകാശവാദമുന്നയിച്ചുള്ള ബാനറുകള്‍ ഇരു വിഭാഗവും ഉയര്‍ത്തി. തുടര്‍ന്ന് ബ്രിഗേഡിയര്‍ തലത്തിലുള്ള ഉദ്യോഗസ്ഥര്‍ തമ്മില്‍ ചര്‍ച്ച നടത്തിയാണ് പ്രദേശത്ത് നിന്ന് ഇരു സൈന്യവും പിന്മാറിയത്. വര്‍ഷങ്ങള്‍ക്ക് ശേഷമാണ് ലഡാക്കില്‍ ഇത്തരത്തിലുള്ള സംഘര്‍ഷം നടക്കുന്നത്. സിക്കിമിലെ ദോക്‌ലാമില്‍ ചൈന അതിര്‍ത്തി ലംഘിച്ച് റോഡ് നിര്‍മിക്കുന്നത് ഇന്ത്യന്‍ സൈന്യം തടഞ്ഞിരുന്നു. തുടര്‍ന്ന് മേഖലയില്‍ ഇരു സൈന്യവും ഒരു മാസമായി മുഖാമുഖം നിലയുറപ്പിച്ചിരിക്കുകയാണ്. സംഘര്‍ഷം മറ്റ് അതിര്‍ത്തികളിലേക്കും പടരുന്നത് മേഖലയിലെ സമാധാനന്തരീക്ഷത്തിന് വലിയ തിരിച്ചടിയുണ്ടാക്കുമെന്നാണ് വിലയിരുത്തല്‍.