indian super league – Chandrika Daily

ബംഗളൂരുവും മോഹന്‍ ബഗാനും ഒപ്പത്തിനൊപ്പം; പെനാല്‍റ്റി ഗോളാക്കി ഇരു ടീമുകളും

webdesk14 — Sat, 18 Mar 2023 15:22:09 +0000

ഗോവയില്‍ വച്ച് നടക്കുന്ന ഇന്ത്യന്‍ സൂപ്പര്‍ ലീഗ് ഫൈനലില്‍ ആദ്യ പകുതി പിന്നിടുമ്പോള്‍ ബംഗളൂരു എഫ്.സിയും എ.ടി.കെ മോഹന്‍ ബഗാനും ഓരോ ഗോള്‍ വീതം നേടി ഒപ്പത്തിനൊപ്പം. എ.ടി.കെയുടെ ആസ്‌ട്രേലിയന്‍ താരം ദിമിത്രി പെട്രാറ്റോസിന്റെ പെനാല്‍റ്റി ഗോളിലൂടെ മത്സരത്തില്‍ ആദ്യം ലീഡെടുത്തത്.

ആദ്യപകുതിയുടെ ഇന്‍ജുറി ടൈമില്‍ ബംഗളൂരുവിന് അനുകൂലമായി ലഭിച്ച പെനാല്‍റ്റി ഗോളാക്കി സുനില്‍ ഛേത്രി ടീമിനെ സമനിലയില്‍ എത്തിച്ചു.

ഏഴാം മത്സരത്തില്‍ ബ്ലാസ്റ്റേഴ്‌സിന് പവര്‍ വന്നു

web desk 1 — Sun, 27 Dec 2020 16:37:15 +0000

പനാജി : ഐഎസ്എലില്‍ പുതിയ സീസണിലെ ആദ്യ ജയം സ്വന്തമാക്കി കേരള ബ്ലാസ്റ്റേഴ്‌സ്. ഹൈദരബാദ് എഫ്‌സിയെയാണ് തോല്‍പിച്ചത്. ലീഗിലെ ഏഴാമത്തെ ഈ മത്സരം വരെ കാത്തിരിക്കേണ്ടി വന്നു ഒരു ജയം കാണാന്‍. ഏകപക്ഷീയമായ രണ്ടു ഗോളിന്റെ ആധിപത്യത്തോടെയാണ് ബ്ലാസ്റ്റേഴ്‌സിന്റെ മിന്നുംജയം.

സീസണില്‍ ഇതുവരെ ഇറങ്ങാതിരുന്ന മലയാളി താരം അബ്ദുല്‍ ഹക്കുവാണ് മലയാളി ടീമിന്റെ വിജയ കുതിപ്പിന് നാന്ദി കുറിച്ചത്. 29ാം മിനിറ്റില്‍ ഫകുണ്ടോ പെരേര എടുത്ത കോര്‍ണര്‍ ഒരത്യുഗ്രന്‍ ഹെഡറിലൂടെ ഹക്കു ഗോളാക്കി. ജോര്‍ദന്‍ മറെയാണ് രണ്ടാമത് വല കുലുക്കിയത്. രണ്ടാം പകുതിയില്‍ കേരളാ ബ്ലാസ്റ്റേഴ്‌സ് കൂടുതല്‍ അക്രമിച്ചു കളിക്കാന്‍ ആരംഭിച്ചു. സഹലും ജോര്‍ദന്‍ മറെയും നിരവധി അവസരങ്ങള്‍ കിട്ടിയത് മുതലെടുത്തില്ല.

ടീം ഒന്നു ഉടച്ചുവാര്‍ത്താണ് ഇന്ന് ബ്ലാസ്‌റ്റേഴ്‌സ് കളത്തിലിറങ്ങിയത്. അതിന്റെ ഗുണം കാണാനുണ്ടായിരുന്നു. കോസ്റ്റയും കോനെയും ഹൂപ്പറും ഇന്ന് പുറത്തിരുന്നു. ഹക്കുവും സന്ദീപും കളത്തിലേക്കും വന്നു. മൂന്ന് വിദേശ താരങ്ങള്‍ മാത്രം കളത്തിലിറങ്ങിയ മത്സരത്തില്‍ ബ്ലാസ്റ്റേഴ്‌സ് അഭിമാന ജയം നേടി.

ഐഎസ്എല്‍ ഗോവയില്‍; നവംബറില്‍ ആരംഭിക്കും

web desk 1 — Sun, 16 Aug 2020 12:02:17 +0000

ഇന്ത്യൻ സൂപ്പർ ലീഗ് ഏഴാം സീസൺ ഗോവയിൽ നടക്കും. നവംബർ 21നാണ് ലീഗ് ആരംഭിക്കുക. ഗോവയിലെ മൂന്ന് സ്റ്റേഡിയങ്ങളിലാവും മത്സരം. സ്റ്റേഡിയത്തിലേക്ക് കാണികൾക്ക് പ്രവേശനം ഉണ്ടാവില്ല. കേരളം അടക്കമുള്ള സ്ഥലങ്ങളെ ലീഗ് നടത്താൻ പരിഗണിച്ചിരുന്നു എങ്കിലും ഒടുവിൽ ഗോവക്ക് നറുക്ക് വീഴുകയായിരുന്നു.

രാജ്യത്ത് കൊവിഡ് കേസുകൾ താരതമ്യേന കുറഞ്ഞിരിക്കുന്ന സ്ഥലം എന്നതിനാലാണ് ഗോവയെ ലീഗ് നടത്താനായി തെരഞ്ഞെടുത്തത്. ഒപ്പം, മതിയായ സ്റ്റേഡിയങ്ങൾ ഉണ്ടെന്നുള്ളതും ഗോവയ്ക്ക് ഗുണമായി. ഫറ്റോർഡയിലെ ജവഹർലാൽ നെഹ്റു സ്റ്റേഡിയം, ബാംബോലിമിലെ ജിഎംസി അത്‌ലറ്റിക് സ്റ്റേദിയം, വാസ്കോയിലെ തിലക് മൈദാൻ സ്റ്റേഡിയം എന്നിവിടങ്ങളിലാണ് മത്സരങ്ങൾ നടക്കുക. ടീമുകളുടെ പരിശീലനത്തിനായി 10 സ്റ്റേഡിയങ്ങൾ കൂടി ഒരുക്കും.

ഇന്ത്യന്‍ ഫുട്‌ബോള്‍ പൂരത്തിന് ഇന്ന് കൊടിയേറ്റം; വിജയത്തോടെ തുടങ്ങാന്‍ ബ്ലാസ്‌റ്റേഴ്‌സ്

Test User — Sun, 20 Oct 2019 07:17:26 +0000

ഇന്ത്യന്‍ സൂപ്പര്‍ ലീഗ് ഫുട്‌ബോള്‍ ആറാം പതിപ്പിന് ഇന്ന് കൊച്ചിയില്‍ തുടക്കമാവും. രാത്രി ഏഴരയ്ക്ക് തുടങ്ങുന്ന ആദ്യ മത്സരത്തില്‍ കേരള ബ്ലാസ്‌റ്റേഴ് എടികെയെ നേരിടും. പുത്തന്‍ ഉണ്‍വോടെയാണ് മഞ്ഞപ്പട എത്തുന്നത്. കളത്തിന് പുറത്തെ അവകാശവാദങ്ങളില്‍ ഉതുങ്ങേണ്ടി വന്ന മഞ്ഞപ്പടയ്ക്ക് ഈ സീസണിലെ കിരീട ധാരണം നിര്‍ണായകമാണ്.

പരിശീലകന്‍ എല്‍ക്കോ ഷാറ്റോറിയെയും നൈജീരിയന്‍ ഗോളടിയന്ത്രം ബര്‍ത്തലോമിയോ ഓഗ്‌ബെച്ചേയെയും മഞ്ഞപ്പടയിലെത്തിച്ചാണ് ബ്ലാസ്‌റ്റേഴ്‌സ് മാനേജ്‌മെന്റ് ആറാം സീസണ് കോപ്പുകൂട്ടിയത്. പ്രതിരോധകോട്ടയിലെ വിശ്വസ്തന്‍ സന്ദേശ് ജിംഗാന്റെ വെല്ലുവിളിയാണെങ്കിലും സഹലിനെ പോലെയുള്ള യുവപ്രതിഭകളിലാണ് ബ്ലാസ്റ്റേഴ്‌സിന്റെ വിശ്വാസം.

കേരള ബ്ലാസ്‌റ്റേഴ്‌സിനെ ഇനി എല്‍ക്കോ ഷറ്റോരി പരിശീലിപ്പിക്കും

Test User — Mon, 20 May 2019 07:37:44 +0000

ഇന്ത്യന്‍ സൂപ്പര്‍ ലീഗിന്റെ അടുത്ത സീസണില്‍ കേരള ബ്ലാസ്‌റ്റേഴ്‌സിന് പുതിയ പരിശീലകന്‍. കഴിഞ്ഞ വര്‍ഷം നോര്‍ത്ത് ഈസ്റ്റ് യുനൈറ്റഡിന്റെ പരിശീലകനായിരുന്ന എല്‍ക്കോ ഷറ്റോരിയാണ് ബ്ലാസ്‌റ്റേഴ്‌സിനെ പരിശീലിപ്പിക്കുക. യുവേഫ പ്രഫഷനല്‍ ലൈസന്‍സ് നേടിയ ഏറ്റവും പ്രായം കുറഞ്ഞ പരിശീലകനാണ് എല്‍കോ (47). 20 വര്‍ഷത്തെ പരിശീലന പരിചയമുണ്ട് ഡച്ചുകാരനായ ഷറ്റോരിക്ക്. ഇന്ത്യയില്‍ പ്രയാഗ് യുണൈറ്റഡ്, ഈസ്റ്റ് ബംഗാള്‍, നോര്‍ത്ത് ഈസ്റ്റ് യുണൈറ്റഡ് എന്നീ ടീമുകളെ മുന്‍പ് പരിശീലിപ്പിച്ചു.
കഴിഞ്ഞ ഐഎസ്എല്‍ സീസണില്‍ നോര്‍ത്ത് ഈസ്റ്റിനെ സെമിയില്‍ എത്തിക്കുകയും ചെയ്തു. കഴിഞ്ഞ സീസണില്‍ ഡേവിഡ് ജയിംസിന്റെ പിന്‍ഗാമിയായി എത്തിയ പോര്‍ച്ചുഗീസുകാരന്‍ നെലോ വിന്‍ഗാദയ്ക്കു പകരമാണ് ഷറ്റോരി കോച്ചാകുന്നത്.
ഷാട്ടോരിയുടെ നിയമനം കേരള ബ്ലാസ്‌റ്റേഴ്‌സ് ഫേസ്ബുക്ക് പേജിലൂടെ പുറത്തുവിട്ടിട്ടുണ്ട്.

Swagatham, Eelco Schattorie! #wEELCOme #NammudeSwantham pic.twitter.com/pPY0KW1FTM
— Kerala Blasters FC (@KeralaBlasters) May 19, 2019