നായകന്‍ വിരാട് കോഹ്‌ലിയുടെ അഭാവത്തിലാണ് ടീം ഇന്ത്യയെ നയിക്കാന്‍ ഒരിക്കല്‍ കൂടി രോഹിത്തിന് അവസരം ലഭിച്ചത്. ഐ.പി.എല്ലില്‍ മുംബൈ ഇന്ത്യന്‍സിന്റെ നായകനായ രോഹിത് നേരത്തെ തന്റെ നേതൃപാടവം തെളിയിച്ചതാണ്. നിര്‍ണായ മത്സരത്തില്‍ ബാറ്റിങില്‍ തന്റെ മികവ് പുറത്തെടുക്കായില്ലെങ്കിലും ബൗളിങില്‍ കൃത്യമായ സാഹചര്യത്തില്‍ ബൗളര്‍മാരെ ഉപയോഗിച്ച് ഇന്ത്യക്ക് വിജയം സമ്മാനിക്കാന്‍ രോഹിത്തിനായി. ഇതില്‍ ശ്രദ്ധേയമായത് അക്‌സര്‍ പട്ടേലിനെ പകരമായി പാര്‍ട്ട് ടൈം ബൗളറായ സുരേഷ് റെയ്‌നയെ അവസരിത്തിനൊത്ത് ഉപയോഗിച്ചാണ്. ഇതിലൂടെ തന്റെ നായകപാടവം ഒരിക്കല്‍കൂടി രോഹിത് ക്രിക്കറ്റ് ലോകത്തിന് കാട്ടികൊടുക്കുകയായിരുന്നു. ഇതോടെ സൂപ്പര്‍ നായകന്‍ കോഹ് ലിയുടെ അഭാവം ടീമിന് ബാധിക്കില്ലെന്നും തെളിയിച്ചിരിക്കുകയാണ്.

ന്യൂലാന്‍ഡില്‍ നടന്ന പരമ്പരയിലെ അവസാന മത്സരത്തില്‍ ഏഴ് റണ്‍സിന് ജയിച്ച ഇന്ത്യ പരമ്പര സ്വന്തമാക്കിയിരുന്നു. അന്ന് കോഹ്‌ലിക്ക് വിശ്രമം അനുവദിച്ചപ്പോളു നായകന്‍ രോഹിത് തന്നെയായിരുന്നു. പാക്കിസ്ഥാന്റെ മിസ്ബാഹുല്‍ ഹഖ്, ശാഹിദ് അഫ്രീദി, സര്‍ഫാസ് അഹമ്മദ്, ശ്രീലങ്കയുടെ കുമാര്‍ സങ്കക്കാര, ലസിത് മലിങ്ക എന്നിവരാണ് ആദ്യ നാലു മത്സരങ്ങളില്‍ വിജയം നേടുന്ന നായകന്‍ എന്ന നേട്ടം ഇതിന് മുമ്പ് കരസ്ഥമാക്കിയ ക്യാപ്റ്റന്‍മാര്‍.

Virat Kohli scores nearly half of India’s runs in their first inningshttps://t.co/uDRDFgd8FL #SAvIND pic.twitter.com/oxgqD7biMU

— ESPNcricinfo (@ESPNcricinfo) January 15, 2018

ആദ്യ ടെസ്റ്റില്‍ അമ്പേ പരാജയമായ നായകന്‍ കോഹ്‌ലിയുടെ ഇന്നിങ്‌സാണ് ഇന്ത്യയെ മുന്നൂറ് കടത്തിയത്. 153 റണ്‍സ് നേടിയ കോഹ്‌ലി, രണ്ടു റെക്കോര്‍ഡാണ് സെഞ്ചൂറിയന്‍ ക്രിക്കറ്റ് ഗ്രൗണ്ടില്‍ സ്വന്തമാക്കിയത്. തന്റെ 109-ാം ടെസ്റ്റ് ഇന്നിംഗ്‌സില്‍ ഇരുപത്തിയൊന്നാം സെഞ്ചുറിയിലെത്തിയ താരം ഏറ്റവും വേഗത്തില്‍ ഇരുപത്തിയൊന്ന് സെഞ്ചുറികള്‍ നേടുന്ന കാര്യത്തില്‍ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കറെ മറികടന്നു. 110 ഇന്നിങ്‌സുകളില്‍ നിന്നാണ് സച്ചിന്‍ ഇത്രയും സെഞ്ച്വറി നേടിയത്. ഇതോടെ അന്താരാഷ്ട്ര ടെസ്റ്റ് മത്സരങ്ങളില്‍ ഏറ്റവും വേഗത്തില്‍ ഇരുപത്തിയൊന്ന് സെഞ്ചുറികളടിക്കുന്ന നാലാം താരമായി മാറാനും ഇന്ത്യന്‍ നായകനായി. കൂടാതെ 1997 ല്‍ നായനെന്ന നിലയില്‍ കേപ്ടൗണില്‍ സച്ചിന്‍ നേടിയ സെഞ്ച്വറിക്കു ശേഷം സൗത്താഫ്രിക്കയില്‍ സെഞ്ച്വറി നേടുന്ന ആദ്യ താരമായി മാറാനും കോഹ്‌ലിക്കായി.

Leading from the front and breaking records at the same time is Virat Kohli, and the skipper now holds the record for the most s (13) by an Indian captain away from home! #SAvIND pic.twitter.com/drTS59wPNA

— Star Sports (@StarSportsIndia) January 15, 2018

മൂന്നാം ദിവസം അഞ്ചിന് 183 എന്ന നിലയില്‍ ബാറ്റിംഗ് പുനരാരംഭിച്ച ഇന്ത്യയ്ക്ക് നഷ്ടമാവുകയായിരുന്നു. ഹര്‍ദിക് പാണ്ട്യ (15) , രവിചന്ദ്രന്‍ അശ്വിന്‍ (38 ) മാത്രമാണ് കോഹ്‌ലിക്ക് കുറച്ചെങ്കിലും പിന്തുണ നല്‍കിയത്. ദക്ഷിണാഫ്രിക്കയ്ക്ക് വേണ്ടി മോര്‍നെ മോര്‍ക്കല്‍ രണ്ട് വിക്കറ്റെടുത്തു.

Nothing worth having was ever achieved without effort.#keepthegamestrong#SAvsIND pic.twitter.com/v16Ed0w1bO

— Jasprit bumrah (@Jaspritbumrah93) January 9, 2018

സ്‌കോര്‍: ദക്ഷിണാഫ്രിക്ക 286 & 130, ഇന്ത്യ 209&135

1st Test. It's all over! South Africa won by 72 runs https://t.co/XYC5wpFbLx #SAvInd #TeamIndia

— BCCI (@BCCI) January 8, 2018

മഴ കാരണം മൂന്നാം ദിനം പൂര്‍ണമായി നഷ്ടമായ ടെസ്റ്റില്‍, രണ്ടിന് 65 എന്ന നിലയില്‍ ബാറ്റിങ് പുനരാരംഭിച്ച ആതിഥേയരുടെ ശേഷിക്കുന്ന എട്ട് വിക്കറ്റുകള്‍ 65 റണ്‍സിനുള്ളില്‍ ഇന്ത്യ വീഴ്ത്തിയപ്പോള്‍ കളി ആവേശകരമായിരുന്നു. മൂന്നു വീതം വിക്കറ്റ് വീഴ്ത്തിയ ജസ്പ്രിത് ബുംറ, മുഹമ്മദ് ഷമി, രണ്ടു വീതം വിക്കറ്റ് വീവ്ത്തിയ ഭുവനേശ്വര്‍ കുമാര്‍, ഹര്‍ദിക് പാണ്ഡ്യ എന്നിവരാണ് ദക്ഷിണാഫ്രിക്കന്‍ ഇന്നിങ്‌സ് ചുരുട്ടിക്കെട്ടിയത്.

ഒന്നാം ഇന്നിങ്‌സിലെ ലീഡടക്കം ആതിഥേയര്‍ മുന്നോട്ടു വെച്ച 208 എന്ന ലക്ഷ്യം ലോകോത്തര ബാറ്റ്‌സ്മാന്മാരടങ്ങുന്ന ഇന്ത്യക്ക് പ്രാപ്യമാകുമെന്ന് ആരാധകര്‍ മോഹിച്ചു. ദക്ഷിണാഫ്രിക്കയുടെ പേസ് കുന്തമുനയായ ഡെയ്ല്‍ സ്റ്റെയ്ന്‍ പരിക്കു കാരണം കളിക്കാതിരുന്നതും ഇന്ത്യക്ക് അനുഗ്രഹമായി.

എന്നാല്‍, ജീവനുള്ള പിച്ചില്‍ ജീവനില്ലാത്ത ബാറ്റിങ് കാഴ്ച വെച്ച ഇന്ത്യ ജയിക്കാമായിരുന്ന മത്സരം അടിയറ വെക്കുകയായിരുന്നു. ക്യാപ്ടന്‍ വിരാട് കോലിയും (28) രവിചന്ദ്രന്‍ അശ്വിനും (37) ഒഴികെ ആരും വലിയ ഇന്നിങ്‌സുകള്‍ കളിക്കാന്‍ തയാറാവാതിരുന്നപ്പോള്‍ അര്‍ധാവസരങ്ങള്‍ പോലും മുതലെടുത്ത ദക്ഷിണാഫ്രിക്ക ജയം പിടിച്ചു വാങ്ങി. ഏഴിന് 82 എന്ന നിലയില്‍ തകര്‍ച്ച നേരിട്ട ഘട്ടത്തില്‍ അശ്വിനും ഭുവനേശ്വര്‍ കുമാറും (13 നോട്ടൗട്ട്) ചേര്‍ന്നു നേടിയ 49 റണ്‍സായിരുന്നു ഇന്ത്യന്‍ ഇന്നിങ്‌സിലെ വലിയ കൂട്ടുകെട്ട്. പന്ത്രണ്ട് ഓവറിലധികം ആതിഥേയരെ പരീക്ഷിച്ച ഈ സഖ്യം അശ്വിനെ പുറത്താക്കി ഫിലാന്റര്‍ പിളര്‍ത്തിയതോടെ ഇന്ത്യ പരാജയത്തിലേക്ക് കൂപ്പുകുത്തി.

ഫിലാന്റര്‍ക്കു പുറമെ മോണി മോര്‍ക്കലും കഗിസോ റബാഡയും രണ്ടു വീതം വിക്കറ്റുകളെടുത്തു. ഇവര്‍ക്കു പുറമെ കേശവ് മഹാരാജ് മാത്രമാണ് പന്തെറിഞ്ഞത്.