പാകിസ്താനിലെ തിയേറ്റര്‍ വരുമാനത്തിന്റെ എഴുപത് ശതമാനവും ലഭിക്കുന്നത് ബോളിവുഡ്, ഹോളിവുഡ് സിനിമകളുടെ പ്രദര്‍ശനത്തില്‍ നിന്നാണ്. പ്രധാന വരുമാന മാര്‍ഗമായ ബോളിവുഡ് സിനിമകള്‍ക്ക് വന്ന വിലക്കാണ് അടഞ്ഞുകിടക്കലിനും വന്‍ നഷ്ടത്തിനും കാരണമായത്. നാലു മാസത്തിനിടെ ഏതാണ്ട് 15 കോടി രൂപയുടെ നഷ്ടമാണ് തിയേറ്ററുകള്‍ക്ക് ഉണ്ടായിരിക്കുന്നതെന്ന് കണക്കുകള്‍ പറയുന്നു. തിയേറ്ററുകള്‍ പ്രതിസന്ധിയിലായതോടെ നൂറിലേറെ തിയേറ്റര്‍ ജീവനക്കാര്‍ക്ക് തൊഴില്‍ നഷ്ടപ്പെടുകയും ചെയ്തു. വരുമാനം നിലച്ചതോടെ ബോളിവുഡ് സിനിമകള്‍ക്കുള്ള നിരോധനം നീക്കണമെന്ന ആവശ്യവുമായി തിയേറ്റര്‍ ഉടമകള്‍ തന്നെയാണ് സര്‍ക്കാരിനെ സമീപിച്ചത്.

ഉറി ഭീകരാക്രമണത്തിന്റെ പശ്ചാത്തലത്തില്‍ ഇന്ത്യയില്‍ പാക് കലാകാരന്മാര്‍ക്ക് അപ്രഖ്യാപിത വിലക്ക് വന്നതിന് മറുപടിയായാണ് പാക് സര്‍ക്കാര്‍ രാജ്യത്ത് ബോളിവുഡ് സിനിമകള്‍ പ്രദര്‍ശിപ്പിക്കുന്നതിന് നിരോധനം ഏര്‍പ്പെടുത്തിയത്. പാകിസ്താന്‍ ഇലക്ട്രോണിക് മീഡിയ റെഗ്യുലേറ്ററി അതോറിറ്റി ഇന്ത്യന്‍ ടി.വി ചാനലുകള്‍ക്കും നിരോധനം ഏര്‍പ്പെടുത്തിയിരുന്നു.

അതേസമയം, തിയ്യറ്റര്‍ ഉടമകളുടെ പരാതിയെ തുടര്‍ന്ന് പ്രധാനമന്ത്രി നവാസ് ഷെരീഫ് വിഷയത്തില്‍ ഗൗരവമായ പഠനത്തിനായി പ്രത്യേക കമ്മിറ്റിയെ നിയോഗിച്ചു. വാര്‍ത്താവിതരണ പ്രക്ഷേപണ വകുപ്പ് മന്ത്രി മറിയം ഔറംഗസേബിന്റെ നേതൃത്വത്തില്‍ നാലംഗ കമ്മിറ്റിയാണ് രൂപവത്കരിച്ചത്. പ്രധാനമന്ത്രിയുടെ ഉപദേഷ്ടാവ് ഇര്‍ഫന്‍ സിദ്ധിഖി, വാണിജ്യവകുപ്പ് സെക്രട്ടറി, ഒരു രഹസ്യാന്വേഷണ വിഭാഗം ഉദ്യോഗസ്ഥന്‍ എന്നിവരാണ് കമ്മിറ്റിയിലെ മറ്റംഗങ്ങള്‍.
ഇതോടെയാണ്, ഷാറൂഖ് ഖാനും പാക് നടി മഹിറാ ഖാനും ചേര്‍ന്നഭിനയിച്ച റയീസിന്റെ പ്രദര്‍ശന സാധ്യതകള്‍ക്ക് പാക്ക് ആരാധകരില്‍ പ്രതീക്ഷയുയര്‍ന്നത്. ജനുവരി ഇരുപത്തിയഞ്ചിനാണ് ചിത്രത്തിന്റെ റിലീസ് നിശ്ചയിച്ചിരിക്കുന്നത്.
അതേസമയം, റയീസ് സിനിമയുടെ പ്രചാരണത്തിനായി ഇന്ത്യയിലെത്താന്‍ സാധിക്കാത്തത്തില്‍ പാക് നടി മാഹിറാ ഖാന് കടുത്ത നിരാശ അറിയിച്ചു.

പാക് താരങ്ങള്‍ക്ക് ഇന്ത്യയില്‍ അപ്രഖ്യാപിത വിലക്ക് നിലനില്‍ക്കുന്നതാണ് മഹീറക്ക് ഷാറൂഖ് ഖാനോടൊപ്പം പ്രചാരണത്തിന് പങ്കെടുക്കാന്‍ സാധിക്കാത്തത്. നേരത്തെ ശിവസേന നേതാവ് രാജ് താക്കറയുമായി നടന്ന ചര്‍ച്ചയില്‍ ഷാറൂഖ് എടുത്ത നിലപാടും മഹീറാ ഖാന് വിനയായി. റയീസിന്റെ പ്രചാരണത്തിനായി പാക് നടിയെ ഇന്ത്യയിലേക്ക് ക്ഷണിക്കില്ലെന്നും ഭാവില്‍ തന്റെ സിനിമകളില്‍ പാക് താരങ്ങളെ പങ്കെടുപ്പില്ലെന്നുമാണ് ഷാരൂഖ് ഖാന്‍ രാജ് താക്കറക്ക് ഉറപ്പു നല്‍കിയത്.

കഴിഞ്ഞ രാത്രി ഇന്ത്യന്‍ സൈന്യം നിയന്ത്രണ രേഖക്ക് സമീപം ഭീമ്പര്‍ സെക്ടറില്‍ നടത്തിയ വെടിവെപ്പില്‍ ഏഴ് പാക് സൈനികര്‍ കൊല്ലപ്പെട്ടതായാണ് പാക് സൈനിക മാധ്യമ വിങായ ഐ.എസ്.പി.ആറിന്റെ പ്രസ്താവനയില്‍ പറയുന്നത്.

ഒരു പ്രകോപനമില്ലാതെ ഇന്ത്യ നടത്തിയ വെടിവെയ്പിനെതിരെ പാകിസ്താന്‍ തിരിച്ചടിച്ചെതായും പാക് വെടിവെപ്പില്‍ ഇന്ത്യന്‍ പോസ്റ്റുകള്‍ക്ക് സാരമായ കേടുപാടുകള്‍ സംഭവിച്ചെന്നും പ്രസ്താവനയില്‍ വ്യക്തമാക്കുന്നുണ്ട്.

അതിനിടെ, ഇന്ത്യന്‍ സൈന്യം പ്രകോപനമില്ലാതെ നടത്തിയ തുടര്‍ച്ചയായ അക്രമത്തില്‍ പ്രതികരിച്ച് പാക് വിദേശകാര്യ മന്ത്രാലയം വ്യക്താവ് നഫീസ് സകറിയ ട്വീറ്റ് ചെയ്തു.

Pakistan Army responding in befitting manner. We salute our valiant soldiers who render ultimate sacrifices for national cause

— M. Nafees Zakaria (@ForeignOfficePk) November 14, 2016

നേരത്തെ നവംബര്‍ 7 ന് പ്രകോപനമില്ലാതെ ഇന്ത്യന്‍ സൈന്യം വെടിനിര്‍ത്തല്‍ കരാര്‍ ലംഘിച്ച് എന്ന് ചൂണ്ടിക്കാട്ടി ഇന്ത്യന്‍ ഡെപ്യൂട്ടി ഹൈക്കമ്മീഷണറെ പാകിസ്താന്‍ വിളിച്ച് പ്രതിഷേധം അറിയിച്ചിരുന്നു.

അതേസമയം, പാകിസ്താന്റെ നിരന്തരമായ വെടിനിര്‍ത്തല്‍ ലംഘനത്തെത്തുടര്‍ന്ന് അതിര്‍ത്തിയിലെ നൂറുകണക്കിന് ഗ്രാമവാസികളെ ഇന്ത്യ ഒഴിപ്പിച്ചിട്ടുള്ളത്. പാക് അധീന കശ്മീരില്‍ ഇന്ത്യ നടത്തിയ മിന്നലാക്രമണത്തിന് ശേഷം പാകിസ്താന്‍ 100 ല്‍ അധികം വെടിനിര്‍ത്തല്‍ കരാര്‍ ലംഘനങ്ങളാണ് നടത്തിയിട്ടുള്ളത്.

Pakistan says its 7 soldiers killed in ceasefire violation at #LOC in Bhimber sector by Indian troops late last night

— ANI (@ANI_news) November 14, 2016

എന്നു നിന്റെ മൊയ്തീനിലെ ശ്രേയ ഘോഷാല്‍ ആലപിച്ച കാത്തിരുന്നു കാത്തിരുന്നു എന്ന ഗാനമാണ് ഏറ്റവുമൊടുവിലായി നാസിയ അമിന്‍ മുഹമ്മദ് മലയാളി സുഹൃത്തുക്കള്‍ക്കായി ആലപിച്ചിരിക്കുന്നത്.

ഇന്ത്യ-പാക് ബന്ധം വഷളായ സാഹചര്യത്തില്‍ ഇന്തക്കാര്‍ക്കു വേണ്ടുയുള്ള പാക് യുവതിയുടെ പാട്ട് രാഷ്ടീയം കൂടിയാവുന്നു.

ലോകസമാധാനത്തിനും മനുഷ്യസ്‌നേഹത്തിനും അനേകത്തിനും വൈവിധ്യത്തിനും വേണ്ടിയാണ് തന്റെ പാട്ടെന്ന് നാസിയ ഹാഷ് ടാഗുകള്‍ നല്‍കി അര്‍ത്ഥമാക്കുന്നുണ്ട്.

ഇന്ത്യയില്‍ നിന്നും തനിക്ക് ലഭിച്ച സ്നേഹത്തിന് നന്ദി പറഞ്ഞു കൊണ്ടാണ് വീഡിയോ ആരംഭിക്കുന്നത്. ഈ ഗാനം ഇന്ത്യയിലേയും കേരളത്തിലെയും സുഹൃത്തുക്കള്‍ക്കായി സമര്‍പ്പിക്കുന്നു.

തന്റെ ഇഷ്ടഗായികയായ ശ്രേയ ഘോഷാലിന്റെ ഗാനം താന്‍ ആലപിക്കുകയാണ്. തെറ്റു പറ്റിയെങ്കില്‍ ക്ഷമിക്കണം എന്ന അഭ്യര്‍ത്ഥനയോടെയാണ് വീഡിയോ തുടങ്ങുന്നത്.

പകിസ്താനിലെ കറാച്ചി സ്വദേശിയാണ് നാസിയ നേരത്തെ പാടിയ പ്രേമം സിനിമയിലെ മലരേ എന്ന പാട്ടിന് വന്‍ സ്വീകരണമാണ് യൂട്യൂബിലും നവമാധ്യമങ്ങളിലും ലഭിച്ചത്.

പാകിസ്താന്റെ രാജ്യാര്‍തിര്‍ത്തി സേനയിലെ രണ്ട് സൈനികരും 13 റേഞ്ചഴ്സ് സൈനികരുമാണ് കൊല്ലപ്പെട്ടിത്. നേരത്തെ കത്വയില്‍ ഇന്ത്യ നടത്തിയ തിരിച്ചടില്‍ ഏഴ് പാക് സൈനികര്‍ കൊല്ലപ്പെട്ടിരുന്നു.

തുടര്‍ച്ചയായ വെടിനിര്‍ത്തല്‍ കരാര്‍ ലംഘനങ്ങള്‍ക്ക് നമ്മള്‍ ശക്തമായ മറുപടി നല്‍കിയതായി മുതിര്‍ന്ന് ബിഎസ്എഫ് ഉദ്യോഗസ്ഥന്‍ അരുണ്‍ കുമാര്‍ അറിയിച്ചു.

കഴിഞ്ഞ 12 മണിക്കൂറിനിടെ പാകിസ്താന്റെ ഭാഗത്തുനിന്ന് ആറു തവണയാണ് വെടിനിര്‍ത്തല്‍ കരാര്‍ ലംഘനമുണ്ടായത്. പ്രകോപനമില്ലാതെ പാക് ആക്രമണം തുടരുന്ന സാഹചര്യത്തില്‍ ഉചിതമായ മറുപടി നല്‍കാന്‍ ആഭ്യന്തരമന്ത്രി രാജ്നാഥ് സിങ് ബിഎസ്എഫിന് വ്യാഴാഴ്ച നിര്‍ദേശം നല്‍കിയിരുന്നു.

രജോരി, സാംബ, ആര്‍എസ് പുര, സചേത്ഗഡ് തുടങ്ങിയ മേഖലയില്‍ കഴിഞ്ഞ 24 മണിക്കൂറായി വെടിവെപ്പ് തുടരുകയാണ്. ഇതുവരെ 15 പാക് സൈനികര്‍ കൊല്ലപ്പെട്ടതായാണ് കരുതുന്നത്. പാക് വെടിവെപ്പില്‍ ഇന്നലെ ഒരു ബിഎസ്എഫ് സൈനികനും കൊല്ലപ്പെട്ടിരുന്നു.

വെള്ളിയാഴ്ച പുലര്‍ച്ചെ മുതല്‍ നൗഷെറ, സുന്ദര്‍ബനി, പല്ലന്‍വാല എന്നിവിടങ്ങളില്‍ പാക് ഷെല്ലാക്രമണം ആരംഭിച്ചിട്ടുണ്ട്.

അതിര്‍ത്തിയില്‍ സംഘര്‍ഷാവസ്ഥ തുടരുന്ന സാഹചര്യത്തില്‍ അതിര്‍ത്തി ഗ്രാമങ്ങളില്‍ നിന്ന് ജനങ്ങളെ ഒഴിപ്പിക്കുകയും മേഖലയില്‍ അതീവ ജാഗ്രതാ നിര്‍ദേശവും നല്‍കിയിട്ടുണ്ട്.

രാഷ്ട്രത്തിന് വേണ്ടി സ്വജീവന്‍ ബലികഴിച്ച മുഴുവന്‍ സൈനികരെയും ഓര്‍ത്ത് തനിക്ക് അഭിമാനമാണുള്ളത്. തന്റെ മകന് മെച്ചപ്പെട്ട വൈദ്യ സഹായം ലഭിക്കണമെന്ന് ആഗ്രഹിച്ചിരുന്നു. ബക്ഷി നഗറിലെ ആസ്പത്രിയിലേക്ക് കൊണ്ടു പോകാനാണ് ബിഎസ്എഫ് തീരുമാനിച്ചത്.

എന്നാല്‍ ബിഎസ്എഫിന് സ്വന്തമായി ആസ്പത്രിയും ഡോക്ടര്‍മാരുമുണ്ടായിരുന്നുവെങ്കില്‍ തന്റെ മകന്‍ രക്ഷപെട്ടേനെ ‘-ജസ്‌വന്ത് കൗര്‍ പറഞ്ഞു. സൈനികര്‍ക്കായി മികച്ച ചികില്‍സാ സംവിധാനം ഒരുക്കണമെന്ന് കേന്ദ്രസര്‍ക്കാരിനോട് അഭ്യര്‍ത്ഥിക്കുന്നതായി ഗുര്‍നാമിന്റെ പിതാവ് കുല്‍ബീര്‍ സിങ് പറഞ്ഞു. ഗുര്‍നാമിന്റെ വീരമൃത്യുവില്‍ അഭിമാനിക്കുന്നതായി സഹോദരിയും പ്രതികരിച്ചു.