IndvsSri – Chandrika Daily

നിധാസ് ട്രോഫി : കുശാല്‍ പെരേര ഇന്ത്യയെ അടിച്ചു മെരുക്കി

chandrika — Tue, 06 Mar 2018 18:18:22 +0000

കൊളംബോ: കുശാല്‍ പെരേരയുടെ വെടിക്കെട്ടിന് മുന്നില്‍ രോഹിത് ശര്‍മ്മയും ഇന്ത്യയും തല താഴ്ത്തി. തട്ടുതകര്‍പ്പന്‍ ഷോട്ടുകളുമായി പ്രേമദാസ സ്‌റ്റേഡിയത്തെ ഇളക്കിമറിച്ച യുവതാരത്തിന്റെ അതിവേഗ ബാറ്റിംഗില്‍ നിസ്സഹായനായി മാറിയ ഇന്ത്യന്‍ സീമര്‍ ശ്രാദ്ധൂല്‍ ഠാക്കൂര്‍ തന്റെ ആദ്യ ഓവറില്‍ 26 റണ്‍സ് വഴങ്ങിയപ്പോള്‍ പതറിയ ഇന്ത്യക്ക് പിന്നെ തിരിച്ചുവരാന്‍ കഴിഞ്ഞില്ല.

ഒമ്പത് പന്തുകള്‍ ബാക്കിനില്‍ക്കെ അഞ്ച് വിക്കറ്റിന്റെ തകര്‍പ്പന്‍ വിജയവുമായി ലങ്കന്‍ യുവനിര നിധാസ് ട്രോഫി ത്രിരാഷ്ട്ര ടി-20 ക്രിക്കറ്റിലെ ആദ്യ മല്‍സരം സുന്ദരമായി നേടി. ഇന്ത്യക്കായിരുന്നു ആദ്യ ബാറ്റിംഗ്. നായകന്‍ രോഹിത് നേരിട്ട നാലാം പന്തില്‍ പൂജ്യനായി മടങ്ങിയെങ്കിലും ശിഖര്‍ ധവാന്‍ മിന്നി തിളങ്ങി. രോഹിതിന് പിറകെ സുരേഷ് റൈനയും (1) വേഗം പുറത്തായെങ്കിലും അത് കാര്യമാക്കാതെ അടി പൊളി ബാറ്റിംഗിയിരുന്നു ഇന്ത്യന്‍ വൈസ് ക്യാപ്റ്റന്റെ വക. 49 പന്തില്‍ 90 റണ്‍സാണ് അദ്ദേഹം വാരിക്കൂട്ടിയത്. ആറ് കൂറ്റന്‍ സിക്‌സറുകളും ആറ് സുന്ദര ബൗണ്ടറികളും. ഇടം കൈയ്യന്‍ ബാറ്റിംഗിന്റെ ശക്തിസൗന്ദര്യം ആവാഹിക്കപ്പെട്ട ഇന്നിംഗ്‌സില്‍.

#ShikharDhawan continues his rich vein of form, scores a beautiful 90 runs to guide #India to 174/5 in 20 overs.#TriSeries – #NidahasTrophy2018
For live scores: https://t.co/qiQLTrT50j #SLvsIND #SLvIND #INDvSL #cricnation pic.twitter.com/t67YPZR94C

— Match Dekho (@match_dekho) March 6, 2018

മനീഷ് പാണ്ഡെ 37 റണ്‍സുമായി ധവാന് ഉറച്ച പിന്തുണ നല്‍കി. മനീഷ് പുറത്തായതിന് പിറകെയെത്തിയ റിഷാഭ് പന്ത് 23 പന്തില്‍ 23 റണ്‍സുമായി അവസാനം ഗംഭീരമാക്കി. 174 റണ്‍സായിരുന്നു ഇന്ത്യന്‍ സമ്പാദ്യം. വലിയ ലക്ഷ്യം പിന്തുടരാനെത്തിയ ലങ്കക്ക് ഓപ്പണര്‍മാരായ ഗുണതിലക (19), മെന്‍ഡിസ് (11) എന്നിവരെ വേഗത്തില്‍ നഷ്ടമായെങ്കിലും കുശാല്‍ വന്നതോടെ അദ്ദേഹം ആഞ്ഞടിക്കാന്‍ തുടങ്ങി. ഠാക്കൂറിന് ഇന്ത്യന്‍ നായകന്‍ പന്ത് നല്‍കിയപ്പോള്‍ ആ ഓവറില്‍ പിറന്നത് രണ്ട് സിക്‌സറുകളും നാല് ബൗണ്ടറികളും. അക്ഷരാര്‍ത്ഥത്തില്‍ ഈ ഓവറായിരുന്നു കളിയുടെ ഗതി മാറ്റിയത്.

Kusal Perera smashed 4 fours & 4 sixes in his knock of 66(37). #SLvIND #SLvsIND #INDvSL #INDvsSL #SriLanka #NidahasTrophy pic.twitter.com/mTuBOGsUfB

— Abhishek Pathak (@iAbhishekPathak) March 6, 2018

ഒരു കരുണയും കാട്ടാത്ത ഇന്നിംഗ്‌സ്. ടീമിന്റെ വിജയം ഉറപ്പാക്കിയാണ് യുവതാരം മടങ്ങിയത്. 37 പന്തില്‍ 66 റണ്‍സുമായി കണ്ണഞ്ചിപ്പിക്കുന്ന പ്രകടനം. നാല് പന്തുകള്‍ ഗ്യാലറിയില്‍ വിശ്രമിച്ചപ്പോള്‍ ആറ് വട്ടം കുശാല്‍ പന്തിനെ അതിര്‍ത്തിയും കടത്തി. കുശാല്‍ പുറത്തായതിന് ശേഷം ഇന്ത്യ പിടിമുറുക്കിയെങ്കിലും തിസാര പെരേരയുടെ അനുഭവസമ്പത്ത് ടീമിന് ഗുണം ചെയ്തു. കുശാലാണ് കളിയിലെ കേമന്‍

Finally, Sri Lanka wins by 5 wickets against “new” #TeamIndia on 70th Independence Day of #SriLanka!
MoM – Shardul/Unadkat #SLvIND #SLvsIND #INDvSL #INDvsSL #SriLanka #NidahasTrophy #NidahasTrophy2018 pic.twitter.com/VrP47IQ7yO

— Vikrant Yadav (@vik21_yadav) March 6, 2018

മൊഹാലി ഏകദിനത്തില്‍ രോഹിത് ശര്‍മ്മക്ക് ഇരട്ട സെഞ്ച്വറി

chandrika — Wed, 13 Dec 2017 10:12:05 +0000

മൊഹാലി:ശ്രീലങ്കക്കെതിരായ മൊഹാലി ഏകദിനത്തില്‍ രോഹിത്ശര്‍മ്മക്ക് ഇരട്ടസെഞ്ച്വറി. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യ നാലുവിക്കറ്റ് നഷ്ടത്തില്‍ 392 റണ്‍സെന്ന കൂറ്റന്‍ സ്‌കോര്‍ നേടി. മൊഹാലി പഞ്ചാബ് ക്രിക്കറ്റ് അസോസിയേഷന്‍ സ്‌റ്റേഡിയത്തില്‍ ഒരു ടീം നേടുന്ന ഏറ്റവും ഉയര്‍ന്ന സ്‌കോറാണിത്. 208 റണ്‍സ് നേടിയ രോഹിത് ശര്‍മ്മ 153ബോളില്‍ 13ബൗണ്ടറികളും 12 സിക്‌സുകളും നേടി. ശിഖര്‍ ധവാന്‍ (68) റണ്‍സും ശ്രേയസ് അയ്യര്‍(88) റണ്‍സും നേടി. രോഹിതിന്റെ മൂന്നാം ഇരട്ട സെഞ്ച്വറിയാണിത്. തുടക്കം ബുദ്ധിമുട്ടിയെങ്കിലും രോഹിതും ധവാനും ഇന്ത്യന്‍ സ്‌കോര്‍ 100 ലേക്ക് ഉയര്‍ത്തി. പിന്നീട് 67 പന്തില്‍ നിന്ന് 68 റണ്‍സെടുത്ത് ധവാന്‍ പുറത്താവുമ്പോള്‍ ഇന്ത്യന്‍ സ്‌കോര്‍ 115 ആയിരുന്നു. രോഹിതിനൊപ്പം ശ്രേയസ് അയ്യര്‍ ഇറങ്ങിയതോടെ സ്‌കോര്‍ 213 ലേക്ക് ഉയര്‍ന്നു. 88റണ്‍സെടുത്ത് ശ്രേയസ് മടങ്ങിയപ്പോള്‍ മഹേന്ദ്രസിങ് ധോണി ഏഴും, ഹാര്‍ദ്ദിക് പാണ്ഡ്യ എട്ട് റണ്‍സും നേടി.

ധര്‍മശാല ഏകദിനം:സുരങ്ക ലക്മലിനു മുന്നില്‍ മുട്ടിടിച്ചു, ഇന്ത്യക്ക് ബാറ്റിങ് തകര്‍ച്ച

chandrika — Sun, 10 Dec 2017 07:57:29 +0000

ധര്‍മശാല : നായകന്‍ കോഹ്‌ലിയില്ലാത്ത ശ്രീലങ്കക്കെതിരെ ഏകദിന പരമ്പരക്കിറങ്ങിയ ഇന്ത്യക്ക് തുടക്കത്തിലെ കാലിടറി. ടോസ് നഷ്ടമായി ആദ്യമത്സരത്തില്‍ രോഹിതിന് കീഴില്‍ ബാറ്റിങിനിങ്ങിയ ഇന്ത്യക്ക് ലങ്കന്‍ ഫാസ്റ്റ് ബൗളര്‍ സുരങ്ക ലക്മലിനു മുന്നില്‍ മുട്ടിടിച്ചു.

സ്‌കോര്‍ ബോര്‍ഡില്‍ 27 റണ്‍സു ചേര്‍ക്കുന്നിടെ ഏഴു മുന്‍നിര ബാറ്റ്‌സ്മാന്‍മാരെയാണ് ആതിഥേയര്‍ക്ക് നഷ്ടമായത്. ഒടുവില്‍ വിവരം ലഭിക്കുമ്പോള്‍ 19 ഓവറില്‍ ഏഴിന് 29 എന്ന ദയനീയ അവസ്ഥയിലാണ് ടീം ഇന്ത്യ. രണ്ടു റണ്‍സുമായി മുന്‍ നായകന്‍ എം.സ് ധോണിയും കുല്‍ദീപ് യാദവു(പൂജ്യം )മാണ് ക്രീസില്‍

പേരുകേട്ട ഇന്ത്യന്‍ ബാറ്റിങ്നിര സുരങ്ക ലക്മലിന്റെ വേഗതയേറിയ പന്തിനു മുന്നില്‍ പിടിച്ചുനില്‍ക്കാനായില്ല , രണ്ടാം ഓവറിന്റെ അവസാന പന്തില്‍ റണ്‍സൊന്നും എടുക്കാത്ത ഓപണര്‍ ശിഖര്‍ ധവാനെ മടക്കി ആഞ്ചലോ മാത്യൂസ് ലങ്കയുടെ വിക്കറ്റ് വേട്ടക്ക് തുടക്കമിട്ടു. ആറാം ഓവറില്‍ നിലവിലെ നായകനായ രോഹിത് ശര്‍മയ (രണ്ട്) റണ്‍സുമായി മടങ്ങിയതോടെ ഇന്ത്യ അപകടം മണത്തു. കീപ്പര്‍ ഡിക്‌വെല്ലയുടെ കൈകളില്‍ എത്തിച്ചാണ് രോഹിതിനെ സുരങ്ക ലക്മല്‍ മടക്കിയത്. പിന്നീട് ക്രീസിലെത്തിയ ഓരോരുത്തരായി പെട്ടെന്ന് കൂട്ടാരം കയറുന്ന കാഴ്ചയാണ് ധര്‍മശാലയില്‍ തട്ടിച്ചു കൂട്ടിയ ഇന്ത്യന്‍ ആരാധകര്‍ക്ക് കാണാന്‍ സാധിച്ചത്. ശ്രയസ്സ് അയ്യര്‍ (ഒന്‍പത്), ദിനേശ് കാര്‍ത്തിക് (പൂജ്യം), മനീഷ് പാണ്ഡ്യ (രണ്ട്), ഹര്‍ദ്ദിക് പാണ്ഡെ (10) ഭുവനേശ്വര്‍ കൂമാര്‍ (പൂജ്യം) എന്നിവരാണ് പുറത്തായത്. തുടക്കത്തിലെ പത്തു ഓവര്‍ പൂര്‍ത്തിയാക്കിയ ലക്മല്‍ 13 റണ്‍സു മാത്രം വഴങ്ങി നാല് വിക്കറ്റുകള്‍ സ്വന്തമാക്കി. നൂവാന്‍ പ്രദീപിനാണ് രണ്ട് വിക്കറ്റ്.

ടെസ്റ്റ് പരമ്പരയില്‍ പിന്നോക്കം പോയ അജിന്‍ക്യ രഹാനയെ പുറത്തിരുത്തി പകരം പകുതി മലയാളികൂടിയായ ശ്രയസ്സ് അയ്യറിന് അരങ്ങേറ്റത്തിന് അവസരം നല്‍കിയാണ് ഇന്ത്യ ടീമിനെ ഇറക്കിയത്. എന്നാല്‍ കന്നി മത്സരത്തില്‍ അവസരത്തിനൊത്ത് ഉയരാന്‍ ശ്രയസ്സിനായില്ല.

ഡല്‍ഹി ടെസ്റ്റ്: അവസാനം ലങ്ക തോറ്റില്ല, ഇന്ത്യക്ക് പരമ്പര റെക്കോര്‍ഡ്

chandrika — Wed, 06 Dec 2017 13:24:53 +0000

ന്യൂഡല്‍ഹി: ഫിറോസ് ഷാ കോട്‌ലയില്‍ അവസാന ദിനം സില്‍വ മാരുടെ കരുത്തില്‍ ഇന്ത്യക്കെതിരെ ശ്രീലങ്കക്ക് അഭിമാനകരമായ സമനില . നേരത്തെ നാഗ്പൂരിലെ രണ്ടാം ടെസ്റ്റ് വിജയിച്ച ഇന്ത്യ പരമ്പര 1-0ന് സ്വന്തമാക്കി. ഇതോടെ ടെസ്റ്റ് ക്രിക്കറ്റില്‍ തുടര്‍ച്ചയായ ഏറ്റവും കൂടുതല്‍ പരമ്പരകള്‍ വിജയിക്കുന്ന ടീമെന്ന റെക്കോര്‍ഡിന് ഓസ്‌ട്രേലിയക്കൊപ്പമെത്താന്‍ ഇന്ത്യക്കായി.

Test series champions for a record-equalling ninth consecutive time! Congratulations India! #INDvSL pic.twitter.com/D0FhlqsdBH

— ICC (@ICC) December 6, 2017

ഒമ്പതു പരമ്പരകള്‍ വീതമാണ് ഇരുവരും തുടരെ വിജയിച്ചത്. 2015 ശ്രീലങ്കന്‍ പര്യടനം മുതലാണ് ഇന്ത്യ തുടര്‍ച്ചയായി പരമ്പര വിജയിച്ചു തുടങ്ങുന്നത്. 2005-2008 കാലഘട്ടത്തിലായിരുന്നു ഓസീസ് തുടരെ ഒമ്പതു പരമ്പരകള്‍ നേടിയത്. ആദ്യ ഇന്നിങ്‌സില്‍ ഡബിള്‍ സെഞ്ച്വറി നേടിയ ഇന്ത്യന്‍ നായകന്‍ വിരാട് കോഹ്‌ലിയാണ് കളിയിലേയും പരമ്പരയിലേയും താരം. പരമ്പരയിലെ എല്ലാ മത്സരങ്ങളിലും സെഞ്ച്വറി നേടിയ കോഹ്‌ലി പരമ്പരയിലാകെ 610 റണ്‍സാണ് നേടിയത്. സ്‌കോര്‍: ഇന്ത്യ536/7 ഡിക് & 246/5 ഡിക് ( ശിഖര്‍ ധവാന്‍ 67, വിരാട് കോഹ്‌ലി 50*, ധനഞ്ജയ ഡി സില്‍വ 31/1) , ശ്രീലങ്ക 373/10 & 299/5 ( ധനഞ്ജയ ഡി സില്‍വ119 , റോഷെന്‍ സില്‍വ 74*, രവീന്ദ്ര ജഡേജ 81/3 )

മൂന്നിന് 31 റണ്‍സെന്ന നിലയില്‍ അഞ്ചാം ദിനം ബാറ്റിങ് പുനരാരംഭിച്ച സന്ദര്‍ശകര്‍ക്ക് നായകന്‍ ദിനേശ് ചണ്ഡിമലിന്റെ(36)യും മുന്‍ നായകന്‍ ആന്‍ഞ്ചലോ മാത്യൂസി(ഒന്ന്)ന്റെയും വിക്കറ്റുകള്‍ മാത്രമാണ് നഷ്ടമായത്. 219 പന്തില്‍ 119 റണ്‍സു നേടിയ ധനഞ്ജയ ഡി സില്‍വയും അരങ്ങേറ്റ മത്സരത്തില്‍ സാഹചര്യത്തിനനുസരിച്ച് കളി പുറത്തെടുത്ത റോഷെന്‍ സില്‍വയും ക്രീസില്‍ നിലയുറപ്പിച്ചതോടെ വിജയം ഇന്ത്യന്‍ ടീമിന് അകലുകയായിരുന്നു.

ആദ്യ ഇന്നിങ്‌സില്‍ റണ്‍സെന്നുമെടുക്കാതെ പുറത്തായ റോഷെന്‍ സില്‍വ154 പന്തില്‍ 74 റണ്‍സാണ് രണ്ടാം ഇന്നിങ്‌സില്‍ നേടിയത്. വിക്കറ്റ് കീപ്പര്‍ ബാറ്റ്‌സ്മാന്‍ നിരോഷന്‍ ഡിക്‌വെല്ല പുറത്താവാതെ 44 റണ്‍സ് നേടി. രവീന്ദ്ര ജഡേജ മൂന്ന് വിക്കറ്റ് നേടിയപ്പോള്‍ മുഹമ്മദ് ഷമിയും അശ്വിനും ഓരോ വീതം വിക്കറ്റുകള്‍ സ്വന്തമാക്കി.

ശിഖര്‍ ധവാന്‍ (67), വിരാട് കോഹ് ലി (50*), രോഹിത് ശര്‍മ (50*) എന്നിവരുടെ അര്‍ധ സെഞ്ച്വറി മികവില്‍ രണ്ടാം ഇന്നിങ്‌സില്‍ അഞ്ചിന് 246 എന്ന നിലയില്‍ ഡിക്ലയര്‍ ചെയ്ത ഇന്ത്യ 410 റണ്‍സിന്റെ കൂറ്റന്‍ വിജയലക്ഷ്യമായിരുന്നു ലങ്കക്ക് നല്‍കിയിരുന്നത്.

കോഹ്‌ലിക്കും വീണ്ടും ഡബിള്‍ സെഞ്ച്വറി: റെക്കോര്‍ഡ്

chandrika — Sun, 03 Dec 2017 05:55:34 +0000

ന്യൂഡല്‍ഹി: പ്രതീക്ഷകള്‍ തെറ്റിയില്ല, ആദ്യ ദിവസം 156 റണ്‍സുമായി പുറത്താകാതെ നിന്ന ഇന്ത്യ നായകന്‍ വിരാട് കോഹ്‌ലി തന്റെ ആറാം ഡബിള്‍ സെഞ്ച്വറി ഡല്‍ഹിയില്‍
തികച്ചു. ഇതോടെ ക്യാപ്റ്റനെന്ന നിലയില്‍ ഏറ്റവും കൂടുതര്‍ ഡബിള്‍ നേടുന്ന താരമെന്ന റെക്കോര്‍ഡ് വിന്‍ഡീസ് ഇതിഹാസം ബ്രയിന്‍ ലാറയെ പിന്നിലാക്കി കോഹ്‌ലി തന്റെ പേരിലാക്കി. കൂടാതെ ഇന്ത്യക്കായി ഏറ്റവും കൂടുതല്‍ ഡബിള്‍ നേടുന്ന താരം എന്ന റെക്കോര്‍ഡില്‍ വിരേന്ദര്‍ സെവാഗിനും സച്ചിന്‍ തെണ്ടുള്‍ക്കറിനും (ആറ്) ഒപ്പമെത്താനും ഇന്ത്യന്‍ നായകനായി. വിനോദ് കാംബ്ലിക്കു ശേഷം തുടരെ രണ്ടു ഡബിള്‍ നേടുന്ന ആദ്യ ഇന്ത്യന്‍ താരമെന്ന ഖ്യാതിയും കോഹ്‌ലിയെ തേടിയെത്തി. തുടരെ രണ്ടു കലണ്ടര്‍ വര്‍ഷം 3 ഡബിള്‍ നേടുന്ന ആദ്യതാരമെന്ന റെക്കോര്‍ഡും കോഹ്‌ലിയുടെതാണ്. 238 പന്തില്‍ നിന്നാണ് വിരാട് ഡല്‍ഹിയില്‍ ഡബിള്‍ സെഞ്ച്വറി പൂര്‍ത്തിയാക്കിയത്. ഇരുപത് ഫോറാണ് കോഹ്‌ലിയുടെ ബാറ്റില്‍ നിന്ന് പിറന്നത്. കഴിഞ്ഞ 17 മാസത്തിനിടെയാണ് വിരാട് കോഹ്‌ലി തന്റെ ടെസ്റ്റ് കരിയറിലെ ഇരട്ട സെഞ്ച്വറിയെല്ലാം നേടിയതെന്നും ശ്രദ്ധേയമാണ്‌

Last Sunday: double century!
This Sunday: double century!@imVkohli has reached 200 in back to back Test innings against Sri Lanka! Simply outstanding! #INDvSL pic.twitter.com/RaRQ6RMoEP

— ICC (@ICC) December 3, 2017

ആദ്യ ടെസ്റ്റില്‍ കൊല്‍ക്കത്തയില്‍ സെഞ്ച്വിയും നാഗ്പൂരിലെ രണ്ടാം മത്സരത്തില്‍ ഡബിളും തികച്ച കോഹ്‌ലി ഡല്‍ഹിയിലും തന്റെ ഫോം നിലനിര്‍ത്തുന്ന കാഴ്ചയാണ് കാണാന്‍ സാധിക്കുന്നത്. ഇന്നലെ ടെസ്റ്റില്‍ അയായിരം ക്ലബില്‍ കോഹ്‌ലി ഇടം പിടിച്ചു. 105 ഇന്നിങ്‌സുകളില്‍ നിന്നാണ് ഇന്ത്യന്‍ നായകന്‍ 5000 റണ്‍സ് നേടുന്നത്. ഇന്ത്യക്കായി വേഗത്തില്‍ അയായിരം റണ്‍സു നേടുന്ന നാലാമത്തെ താരമാണ് കോഹ്‌ലി. സുനില്‍ ഗവാസ്‌കര്‍ (95 ഇന്നിങ്‌സ്), വീരേന്ദര്‍ സെവാഗ് (99) സച്ചിന്‍ തെന്‍ണ്ടുക്കര്‍ (103) എന്നിവരാണ് കോഹ്‌ലി മുന്നില്‍.

ഡല്‍ഹിയിലും കോഹ്‌ലി മയം, ലങ്കക്കെതിരെ ഇന്ത്യ കൂറ്റന്‍ സ്‌കോറിലേക്ക്

chandrika — Sat, 02 Dec 2017 13:48:06 +0000

ന്യൂഡല്‍ഹി: ശ്രീലങ്കക്കെതിരായ അവസാന ടെസ്റ്റിലും ഇന്ത്യന്‍ നായകന്‍ വിരാട് കോഹ്‌ലിയുടെ ബാറ്റിങ് വിസ്മയം. ടോസ് നേടി ബാറ്റിങ് തെരഞ്ഞെടുത്ത ഇന്ത്യ വിരാട് കോഹ്‌ലിയുടെ അപാരിജിത 156 റണ്‍സിന്റെ മികവില്‍ നാലിന് 371 റണ്‍സ് നേടി. ആറു റണ്‍സുമായി രോഹിത് ശര്‍മയാണ് കോഹ്‌ലിക്കൊപ്പം ക്രീസില്‍.
സ്‌കോര്‍ ഇന്ത്യ- 371/4 , 90 ഓവര്‍ ( വിരാട് കോഹ്‌ലി 156*, മുരളി വിജയ് 155, ലക്ഷന്‍ സന്ദാഗന്‍ 110/2)

ആദ്യ ടെസ്റ്റില്‍ കൊല്‍ക്കത്തയില്‍ സെഞ്ച്വിയും നാഗ്പൂരിലെ രണ്ടാം മത്സരത്തില്‍ ഡബിളും തികച്ച കോഹ്‌ലി ഡല്‍ഹിയിലും തന്റെ ഫോം നിലനിര്‍ത്തി.ഏകദിന ശൈലിയില്‍ ബാറ്റു ചെയ്ത കോഹ്‌ലി 178 പന്തില്‍ നിന്നാണ് 150 കടന്നത്.ഇതു എട്ടാം തവണയാണ് ടെസ്റ്റില്‍ 150 പ്ലസ് സ്‌കോര്‍ കോഹ്‌ലി സ്വന്തമാക്കുന്നത്. ഡല്‍ഹിയില്‍ 110 പന്തുകളില്‍ പതിനാലു ഫോറിന്റെ സഹായത്തോടെയാണ് ടെസ്റ്റ് കരിയറിലെ ഇരുപതാം ശതകം പൂര്‍ത്തിയാക്കി. നാഗ്പൂരില്‍ ഡബിള്‍ തികച്ച നായകന്‍ തന്റെ ഫോമിന്റെ കൊടുമുടിയിലാണ്. ഇതിനിടയില്‍ ടെസ്റ്റില്‍ അയായിരം ക്ലബില്‍ കോഹ്‌ലി ഇടം പിടിച്ചു. 105 ഇന്നിങ്‌സുകളില്‍ നിന്നാണ് ഇന്ത്യന്‍ നായകന്‍ 5000 റണ്‍സ് നേടുന്നത്. ഇന്ത്യക്കായി വേഗത്തില്‍ അയായിരം റണ്‍സു നേടുന്ന നാലാമത്തെ താരമാണ് കോഹ്‌ലി. സുനില്‍ ഗവാസ്‌കര്‍ (95 ഇന്നിങ്‌സ്), വീരേന്ദര്‍ സെവാഗ് (99) സച്ചിന്‍ തെന്‍ണ്ടുക്കര്‍ (103) എന്നിവരാണ് കോഹ്‌ലി മുന്നില്‍.

It's the eighth time he's scored 150! Well played @imVkohli! #INDvSL pic.twitter.com/P80wWotcFA

— ICC (@ICC) December 2, 2017

നായകനൊപ്പം ക്രീസില്‍ നിലയുറപ്പിച്ച ഓപണര്‍ മുരളി വിജയും ഗംഭീര പ്രകടനമാണ് ഇന്ന് പുറത്തെടുത്ത്. 267 പന്തുകള്‍ നേരിട്ട വിജയ് 155 റണ്‍സുമായാണ് പിരിഞ്ഞത്. ഇതിനിടയില്‍ 163 പന്തില്‍ ഒമ്പതു ഫോറിന്റെ അകമ്പടിയോടെ കരിയറിലെ 11ാം ടെസ്റ്റ് സെഞ്ച്വറി നേടി. ഒരിടവേളക്കു ശേഷം ടീമില്‍ മടങ്ങിയെത്തിയ വിജയ് തുടരെ രണ്ടു മത്സരങ്ങളിലും സെഞ്ച്വറി നേടി ടീമില്‍ തന്റെ സ്ഥാനം ഉറപ്പിക്കുകയാണ്. മൂന്നാം വിക്കറ്റില്‍ വിജയ്- കോഹ്‌ലി സംഖ്യം 283 റണ്‍സിന്റെ കൂട്ടുകെട്ടാണ് പടുത്തുയര്‍ത്തിയത്. ഒടുവില്‍ ഒന്നാം ദിനത്തിലെ അവസാന ഓവറുകളില്‍ സന്ദാഗനാണ് ഈ സംഖ്യം പിരിച്ചത്.

23 റണ്‍സ് വീതമെടുത്ത ശിഖര്‍ ധവാന്റേയും ചേതേശ്വര്‍ പൂജാരയുടേയും വിക്കറ്റാണ് ഇന്ത്യയ്ക്ക് ആദ്യം നഷ്ടപ്പെട്ടത്ത്. ഒന്നാം ദിവസത്തെ കളി അവസാനിക്കാന്‍ മിനുറ്റുകള്‍ ശേഷിക്കെ ക്രീസിലെത്തിയെ അജിന്‍ക്യ രഹാനെ ഒരു റണ്‍സുമായി മടങ്ങിയത് മാത്രമാണ് ഇന്ത്യക്ക് ആദ്യ ദിവസത്തെ തിരിച്ചടി. ലക്ഷന്‍ സന്ദാഗന്‍ ലങ്കക്കായി രണ്ടു വിക്കറ്റ് നേടിയപ്പോള്‍ ലഹിരു ഗാമേജും ദില്‍റുവാന്‍ പെരേരയും ഓരോ വിക്കറ്റ് വീതം സ്വന്തനമാക്കി.

രണ്ട് മാറ്റങ്ങളോടെയാണ് ടീം ഇന്ത്യ ശ്രീലങ്കയെ നേരിടുന്നത്. കെ.എല്‍ രാഹുലിന് പകരം ശിഖര്‍ ധവാന്‍ ഓപ്പണിംഗ് സ്ഥാനത്ത് തിരിച്ചെത്തിയപ്പോള്‍ ഉമേശ് യാദവിന് പകരം മുഹമ്മദ് ഷമ്മിയും ടീമില്‍ മടങ്ങിയെത്തി.കാന്‍പൂരില്‍ വമ്പന്‍ തോല്‍വി പിണഞ്ഞ ലങ്ക ലഹ്‌റു തിരിമന്നയ്ക്കും ദാസുന്‍ ഷാകയ്ക്കും പകരമായി ധനഞ്ജയ സില്‍വയും റോഷന്‍ സില്‍വയും ഉള്‍പെടുത്തിയാണ് അവസാന ടെസ്റ്റിനിറങ്ങിയത്. മധ്യനിര ബാറ്റ്‌സ്മാനായ റോഷന്‍ സില്‍വയുടെ അരങ്ങേറ്റ മത്സരമാണിത്. മൂന്നു മത്സരങ്ങള്‍ അടങ്ങിയ പരമ്പരയില്‍ 1-0ന് മുന്നിലാണ് ഇന്ത്യ.

നാഗ്പൂര്‍ ടെസ്റ്റ് : രോഹിതിനും സെഞ്ച്വറി; ഇന്ത്യ 610/6

chandrika — Sun, 26 Nov 2017 10:46:55 +0000

നാഗ്പൂര്‍ : നായകന്‍ വിരാട് കോഹ് ലിയുടെ ഇരട്ട ശതകത്തിനു പിന്നാലെ രോഹിത് ശര്‍മക്കും നാഗ്പൂര്‍ ടെസ്റ്റില്‍ സെഞ്ച്വറി. എട്ടു ഫോറും ഒരു സിക്‌സും അടങ്ങുന്നതാണ് രോഹിതിന്റെ ശതകം.നാലു വര്‍ഷത്തിനിടെ രോഹിതിന്റെ ആദ്യ സെഞ്ച്വറിയാണിത്. 600 റണ്‍സ് കടന്ന ഇന്ത്യ രോഹിതിന്റെ സെഞ്ച്വറിക്കായി ഡിക്ലയര്‍ ചെയ്യാന്‍ കാത്തിരുക്കുകയായിരുന്നു. സെഞ്ച്വറി പൂര്‍ത്തിയായതോടെ ഇന്ത്യ ആറിന് 610 എന്ന നിലയില്‍ ഒന്നാം ഇന്നിങ്‌സ് അവസാനിപ്പിച്ചു. 405 റണ്‍സിന്റെ ലീഡാണ് ലങ്കക്കെതിരെ ഇന്ത്യ ഒന്നാം ഇന്നിങ്‌സില്‍ നേടിയത്.

Rohit Sharma joins the party with a century of his own! His 3rd hundred in Tests #INDvSL pic.twitter.com/4cGgUcktzC

— ICC (@ICC) November 26, 2017

നാഗ്പൂരില്‍ ആദ്യ ഇന്നിങ്‌സില്‍ ഇന്ത്യക്കു വേണ്ടി സെഞ്ച്വറി നേടുന്ന നാലാമത്തെ കളിക്കാരനാണ് രോഹിത്. നേരത്തെ ഓപണര്‍ മുരളി വിജയും (128), ചേതേശ്വര്‍ പൂജാരയും (143) കോഹ്‌ലിയെ കൂടാതെ സെഞ്ച്വറി നേടിയിരുന്നു. കരിയറില്‍ അഞ്ചാം ഡബിള്‍ തികച്ച കോഹ് ലി 213 റണ്‍സുമായാണ് പുറത്തായത്. ഇത് മൂന്നാം തവണയാണ് നാലു ഇന്ത്യന്‍ താരങ്ങള്‍ ഒരു ഇന്നിങ്‌സില്‍ സെഞ്ച്വറി നേടുന്നത്.

Rohit Sharma scores his first hundered in over 4 years..

Well played #INDvSL pic.twitter.com/AdK5L3Uv47

— Krithika Chauhan (@KrithikaChauhan) November 26, 2017

നോണ്‍സ്‌റ്റോപ്പ് കോഹ്‌ലി 200*

chandrika — Sun, 26 Nov 2017 09:56:22 +0000

നാഗ്പൂര്‍: കരിയറില്‍ തന്റെ അഞ്ചാം ഡബിള്‍ സെഞ്ച്വറി നേടി ഇന്ത്യന്‍ നായകന്‍ വിരാട് കോഹ്‌ലി ബാറ്റിങ് ഫോം തുടരുന്നു. ഓരോ ഇന്നിങ്‌സ് കഴിയുന്തോറും റെക്കോര്‍ഡുകള്‍ തന്റെ പേരിലാക്കുന്ന കോഹ്‌ലി നാഗ്പൂരില്‍ ലങ്കക്കെതിരെ 259 പന്തില്‍ ഇരട്ട ശതകം പൂര്‍ത്തിയാക്കിയതോടെ നായകനെന്ന നിലയില്‍ ഏറ്റവും കൂടുതല്‍ ഡബിള്‍ നേടുന്ന കളിക്കാരന്‍ എന്ന റെക്കോര്‍ഡിന് വിന്‍ഡീസ് ബാറ്റിങ് ഇതിഹാസം ബ്രയിന്‍ ലാറക്കൊപ്പമെത്തി. കൂടാതെ ഇന്ത്യക്കു വേണ്ടി ഏറ്റവും കൂടുതല്‍ ഡബിള്‍ നേടുന്ന രണ്ടാമത്തെ താരവുമായി. താന്‍ തന്നെയാണ് നിലവിലെ ക്രിക്കറ്റ് ബാറ്റ്‌സ്മാരില്‍ മികച്ചവനെന്ന് വീണ്ടും വീണ്ടും ക്രിക്കറ്റ് നിരൂപകരോട് തന്റെ ബാറ്റുകൊണ്ടു പറയിപ്പിക്കുകയാണ് കോഹ്‌ലി.

Quite simply a run machine! A 5th double century for @imVkohli in Tests and his 1st against Sri Lanka! What a player! #INDvSL pic.twitter.com/ssXZdiQLeH

— ICC (@ICC) November 26, 2017

നേരത്തെ മുരളി വിജയ്ക്കും ചേതേശ്വര്‍ പൂജാരക്കും പിന്നാലെ ഇന്ത്യന്‍ നായകന്‍ വിരാട് കോഹ്‌ലിയും ശ്രീലങ്കക്കെതിരായ നാഗ്പുര്‍ ടെസ്റ്റില്‍ സെഞ്ചുറിനേടുകയായിരുന്നു. ടെസ്റ്റ് ക്രിക്കറ്റില്‍ 19–ാം സെഞ്ചുറി നേടിയ കോഹ്‌ലി നായകനെന്ന നിലയില്‍ ഒരു കലണ്ടര്‍ വര്‍ഷം മൂന്നു ഫോര്‍മാറ്റുകളിലായി 10 ശതകം നേടുന്ന ആദ്യതാരമെന്ന റെക്കോര്‍ഡിനാണ് ഉടമയായത്.

King Kohli scores his 5th double ton in Test cricket #INDvSL pic.twitter.com/k21iKvOZvg

— BCCI (@BCCI) November 26, 2017

കലണ്ടര്‍ വര്‍ഷത്തില്‍ കൂടുതല്‍ സെഞ്ചുറി നേടിയ റെക്കോര്‍ഡില്‍ റിക്കിപോണ്ടിങ്ങിനെയും, ഗ്രേയാം സ്മിത്തിനെയുമാണ് കോഹ്‌ലി മറികടന്നത്. 2005ലും 2006ലും റിക്കി പോണ്ടിങ്, 2005ല്‍ ഗ്രേയം സ്മിത്ത് എന്നിവര്‍ നേടിയ ഒന്‍പതു സെഞ്ചുറികളുടെ റെക്കോര്‍ഡാണ് ഇതോടെ കോഹ്‌ലി പഴങ്കഥയായത്.ഇന്ത്യന്‍ നായകനെന്ന നിലയില്‍ ടെസ്റ്റില്‍ ഏറ്റവും കൂടുതല്‍ സെഞ്ചുറി നേടിയ താരമെന്ന റെക്കോര്‍ഡും കോഹ്‌ലി സ്വന്തമാക്കി. സുനില്‍ ഗവാസ്‌കറുടെ 11 സെഞ്ചുറികളുടെ റെക്കോര്‍ഡാണ് നിലവില്‍ ക്യാപ്റ്റനെന്ന നിലയില്‍ 12 സെഞ്ചുറികളുമായി കോഹ്‌ലി ഇതുമറികടന്നു. പത്ത് ഫോറിന്റെ അകമ്പടിയോടെ 130 പന്തിലാണ് നാഗ്പൂരില്‍ ചരിത്ര സെഞ്ച്വറി കോഹ്‌ലി നേടിയത്.

നാഗ്പൂര്‍ ടെസ്റ്റ് : കോഹ്‌ലിക്ക് സെഞ്ച്വറി, റെക്കോര്‍ഡ് ; പഴങ്കഥയാക്കിയത് ഗവാസ്‌കര്‍, പോണ്ടിങ്, സ്മിത്ത് എന്നിവരുടെ റെക്കോര്‍ഡുകള്‍

chandrika — Sun, 26 Nov 2017 07:23:58 +0000

നാഗ്പൂര്‍: ശ്രീലങ്കക്കെതിരായ നാഗ്പുര്‍ ടെസ്റ്റില്‍ മുരളി വിജയ്ക്കും ചേതേശ്വര്‍ പൂജാരക്കും പിന്നാലെ ഇന്ത്യന്‍ നായകന്‍ വിരാട് കോഹ്‌ലിക്കും സെഞ്ചുറി. ടെസ്റ്റ് ക്രിക്കറ്റില്‍ 19–ാം സെഞ്ചുറി നേടിയ കോഹ്‌ലി നായകനെന്ന നിലയില്‍ ഒരു കലണ്ടര്‍ വര്‍ഷം മൂന്നു ഫോര്‍മാറ്റുകളിലായി 10 ശതകം നേടുന്ന ആദ്യതാരമെന്ന റെക്കോര്‍ഡിനാണ് ഉടമയായത്.

It’s yet another @imVkohli century! It’s his 19th in Tests, fourth against Sri Lanka, and his tenth in internationals in 2017! Outstanding! #INDvSL pic.twitter.com/Yy7S9AY9Fe

— ICC (@ICC) November 26, 2017

India captain @imVkohli has also broken the record of Ricky Ponting (9 in 2005 and 2006) and @GraemeSmith49 (9 in 2005) for the most centuries by a captain in a calendar year! #INDvSL #howzstat pic.twitter.com/IdBaUlVs2R

— ICC (@ICC) November 26, 2017

കൊല്‍ക്കത്ത ടെസ്റ്റ് ; ലങ്ക ശക്തമായ നിലയില്‍, ഹെരാത്തിനും അര്‍ധ സെഞ്ച്വറി

chandrika — Sun, 19 Nov 2017 08:00:39 +0000

കൊല്‍ക്കത്ത : ഇന്ത്യ-ശ്രീലങ്ക പരമ്പരയിലെ ആദ്യ ടെസ്റ്റില്‍ ഹെരാത്തിന്റെ അര്‍ധ സെഞ്ച്വറി മികവില്‍ നൂറിലധികം റണ്‍സിന്റെ ലീഡുമായി ലങ്ക ശക്തമായ നിലയില്‍ . ഇന്ത്യയുടെ ഒന്നാം ഇന്നിങ്‌സ് സ്‌കോറായ 172 റണ്‍സ് പിന്തുടര്‍ന്ന ലങ്ക പത്തുവിക്കറ്റ് നഷ്ടത്തില്‍ 294 റണ്‍സും വിലയേറിയ 122 റണ്‍സിന്റെ ഒന്നാം ഇന്നിങ്‌സ് ലീഡും സ്വന്തമാക്കി. 2010നു ശേഷം ആദ്യമായാണ് ലങ്ക ആദ്യ ഇന്നിങ്‌സില്‍ ഇന്ത്യക്കെതിരെ ലീഡു നേടുന്നത്. സ്‌കോര്‍ ശ്രീലങ്ക 294/10(രഗണ ഹെരാത്ത് 67, ആന്‍ജലോ മാത്യൂസ് 52, ഭുവനേശ്വര്‍ കുമാര്‍ 4/88),ഇന്ത്യ 172/10 (ചേതേശ്വര്‍ പുജാര 52, സുരങ്ക ലക്മല്‍ 4/26).

ഇന്ത്യന്‍ ബാറ്റ്‌സ്മാന്‍മാര്‍ റണ്ണെടുക്കാന്‍ വിഷമിച്ച ഈഡന്‍ ഗാര്‍ഡനിലെ പിച്ചില്‍ ലഹിരു തിരുമനെ(51)യും ആന്‍ജലോ മാത്യൂസിനേയും(52) കൂടാതെ നാലാം ദിനം ലങ്കന്‍ ബൗളര്‍ രഗണ ഹെരാത്ത് (67) വാലറ്റത്ത് നടത്തിയ പ്രകടനമാണ് ലങ്കയുടെ ലീഡ് നൂറു കടത്തിയത്. ഒമ്പതു ഫോറുകള്‍ അടിച്ച ഹെരാത്ത് 83 പന്തില്‍ നിന്നാണ് അര്‍ധ ശതകം നേടിയത്. ഇന്ത്യക്കായി ഭുവനേശ്വര്‍ കുമാറും മുഹമ്മദ് ഷെമിയും നാലു വീതം വിക്കറ്റ് നേടി.നാലു വിക്കറ്റ് നഷ്ടത്തില്‍ 165 റണ്‍സുമായി നാലാം ദിവസം ബാറ്റിങ് പുനഃരാരംഭിച്ച ലങ്കക്ക് നിരോഷന്‍ ഡിക് വെല്ല(35),ദിനേഷ് ചണ്ഡിമല്‍ (28),ദസുണ്‍ ശനേങ്ക (പൂജ്യം), ദില്‍രുവാന്‍ പെരേര (അഞ്ച്) ഹെരാത്ത് (67), സുരങ്ക ലക്മല്‍ (16) എന്നിവരുടെ വിക്കറ്റുകളാണ് ഇന്നു നഷ്ടമായത്

ഒന്നാം ഇന്നിങ്‌സില്‍ കരുത്തുറ്റ ഇന്ത്യന്‍ ബാറ്റിങ് നിരയെ സുരങ്ക ലക്മലിന്റെ ബൗളിങ് നേതൃത്വത്തില്‍ 172 റണ്‍സിന് എറിഞ്ഞിടുകയായിരുന്നു ലങ്ക. ചേതേശ്വര്‍ പുജാര(52) ഒഴികെയുള്ള ഇന്ത്യന്‍ ബാറ്റിങ് നിര ബൗളര്‍മാരെ നേരിടുന്നതില്‍ പരാജയമായി. നായകന്‍ വിരാട് കോഹ്‌ലി ഉള്‍പ്പെടെ ആറു കളിക്കാര്‍ക്ക് ഇന്ത്യന്‍ നിരയില്‍ രണ്ടക്കം കാണാനായില്ല. ഒരു ഘട്ടത്തില്‍ ആറിന് 79 എന്ന് ദയനീയ നിലയിലുണ്ടായുരുന്ന ഇന്ത്യയെ വിക്കറ്റ് കീപ്പര്‍ വൃദ്ധിമന്‍ സാഹ(29)യും രവീന്ദ്ര ജഡേജ(22)യും ഏട്ടാം വിക്കറ്റില്‍ ചേര്‍ത്ത 58 റണ്‍സിന്റെ കൂട്ടുകെട്ടാണ് നൂറുകടത്തിയത്. അവസാനംമുഹമ്മദ് ഷെമി 24 റണ്‍സുമായി ചെറുത്തു നില്‍പ്പിന് ശ്രമിച്ചെങ്കിലും സുരങ്ക ലക്മല്‍ ഷെമിയെ പുറത്താക്കിയതോടെ ഇന്ത്യയുടെ ഒന്നാം ഇന്നിങ്‌സ് അവസാനിച്ചു. ഉമേഷ് യാദവ് ആറു റണ്‍സുമായി പുറത്താകാതെ നിന്നു.

ലങ്കക്കു വേണ്ടി 26 റണ്‍സ് വിട്ടുകൊടുത്ത് ലക്മല്‍ നാലു വിക്കറ്റ് നേടിയപ്പോള്‍ ലഹിരു ഗാമേജ്, ദസുണ്‍ ശനങ്ക, ദില്‍റുവാന്‍ പെരേര എന്നിവര്‍ രണ്ടു വിക്കറ്റ് വീതം നേടി. ശ്രീലങ്കക്കെതിരെ സ്വന്തം മണ്ണില്‍ ഇന്ത്യ നേടുന്ന ഏറ്റവും കുറഞ്ഞ രണ്ടാമത്തെ സ്‌കോറാണിത്.