INDvsWI – Chandrika Daily

ഇന്ത്യ-വെസ്റ്റിന്‍ഡീസ് ഏകദിനം: ടിക്കറ്റ് നിരക്കുകള്‍ നിശ്ചയിച്ചു, വരുമാന വിഹിതം മുഖ്യമന്ത്രിയുടെ ദുരിതാശ്വാസ നിധിയിലേക്ക്

chandrika — Sat, 08 Sep 2018 14:33:44 +0000

തിരുവനന്തപുരം: നവംബര്‍ ഒന്നിന് തിരുവനന്തപുരം സ്പോര്‍ട്്സ് ഹബ്ബില്‍ നടക്കുന്ന ഇന്ത്യ-വെസ്റ്റിന്‍ഡീസ് ഏകദിന ക്രിക്കറ്റ് മത്സരത്തിന്റെ ടിക്കറ്റ് നിരക്കുകള്‍ നിശ്ചയിച്ചു. 1000, 2000, 3000, 6000 എന്നിങ്ങനെയാണ് നിരക്കുകള്‍. കേരള ക്രിക്കറ്റ് അസോസിയേഷന്‍ സ്പെഷ്യല്‍ ജനറല്‍ ബോഡി യോഗമാണ് നിരക്കുകള്‍ തീരുമാനിച്ചത്.

സ്പോര്‍ട്സ് ഹബ്ബിന്റെ മുകളിലത്തെ നിരയിലെ ടിക്കറ്റ് നിരക്ക് 1000 രൂപയാണ്. ഇവിടെ വിദ്യാര്‍ഥികള്‍ക്കും ക്ലബുകള്‍ക്കും ടിക്കറ്റ് നിരക്കില്‍ 50 ശതമാനം ഇളവ് നല്‍കും. താഴത്തെ നിരയില്‍ 2000, 3000, 6000 രൂപയാണ് ടിക്കറ്റ് നിരക്ക്. ഇതില്‍ 6000 രൂപയുടെ ടിക്കറ്റുകള്‍ ഭക്ഷണമുള്‍പ്പടെയാണ്. മത്സര വരുമാനത്തില്‍ നിന്നുള്ള നിശ്ചിത തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യും

പ്രതിഷേധങ്ങള്‍ ഫലം കണ്ടു : ഏകദിനം തിരുവനന്തപുരത്തേക്ക് മാറ്റി, കൊച്ചിയിലെ ടര്‍ഫ് കുത്തിപ്പൊളിക്കില്ല;

chandrika — Thu, 22 Mar 2018 06:41:37 +0000

ഇന്ത്യ-വെസ്റ്റ്ഇന്‍ഡീസ് ഏകദിന മത്സരത്തിനായി കൊച്ചി ജവഹര്‍ലാല്‍ നെഹ്‌റു സ്‌റ്റേഡിയത്തിലെ ഫിഫ അംഗീകാരമുള്ള ടര്‍ഫ് കുത്തിപ്പൊളിക്കുന്നനെതിരെയുള്ള പ്രതിഷേധം ഫലം കണ്ടു. മത്സരം തിരുവനന്തപുരം ഗ്രീന്‍ഫീ്ല്‍ഡ് സ്‌റ്റേഡിയത്തില്‍ നടത്താന്‍ തീരുമാനമായി. ഇന്ത്യ-വിന്‍ഡീസ് ഏകദിനം നവംബര്‍ ഒന്നിന് കൊച്ചി ജവഹര്‍ലാല്‍ നെഹ്‌റു സ്‌റ്റേഡിയത്തില്‍ നടക്കുമെന്നായാരുന്നു ആദ്യം പ്രഖ്യാപിച്ചിരുന്നത്. എന്നാല്‍ ക്രിക്കറ്റ് മത്സരത്തിനായി അന്താരാഷ്ട്ര നിലവാരമുള്ള ടര്‍ഫ് കുത്തിപ്പൊളിക്കുന്നതിനെതിരെ സമൂഹ മാധ്യമങ്ങളിലും മറ്റും വന്‍ പ്രതിഷേധമായിരുന്നു ഉയര്‍ന്നിരുന്നത്. തുടര്‍ന്ന് കായികമന്ത്രിയും കേരള ക്രിക്കറ്റ് അസോസിയേഷനും നടത്തിയ ചര്‍ച്ചയിലാണ് വേദിമാറ്റാന്‍ തീരുമാനമായത. അന്തിമതീരുമാനം ശനിയാഴ്ച നടക്കുന്ന കെ സി എ ജനറല്‍ബോഡിയിലുണ്ടാകും

കേരള ക്രിക്കറ്റ് അസോസിയേഷനുമായി നടത്തിയ ചര്‍ച്ചയില്‍ കായികമന്ത്രി എ സി മൊയ്ദീന്‍ വേദി മാറ്റണമെന്ന് ആവശ്യപ്പെടുകയായിരുന്നു. ഇതോടെ മത്സരം തിരുവന്തപുരത്ത് നടത്തണമെന്ന് കെ സി എ തത്വത്തില്‍ തീരുമാനിയ്ക്കുകയായിരുന്നു. ഫിഫ ലോകകപ്പിനായി സജ്ജീകരിച്ച കലൂര്‍ സ്‌റ്റേഡിയം ക്രിക്കറ്റ് മത്സരത്തിനായി വിട്ടുകൊടുക്കുന്നതിനെതിരെ സച്ചിന്‍ ടെണ്ടുല്‍ക്കറടക്കമുള്ള താരങ്ങള്‍ രംഗത്തെത്തിയിരുന്നു. സച്ചിന്റെതടക്കമുള്ള പ്രതികരണങ്ങളുടെ അടിസ്ഥാനത്തിലാണ് ബിസിസിഐ കളി കാര്യവട്ടത്തേക്ക് മാറ്റാനായി നിശ്ചയിച്ചിരിക്കുന്നത് എന്നാണ് പുറത്തു വരുന്ന റിപ്പോര്‍ട്ടുകള്‍

വെസ്റ്റ്ഇന്‍ഡീസ് പര്യടനത്തിനിടെ പൊലീസ് അറസ്റ്റു ചെയ്ത രഹസ്യം വെളിപ്പെടുത്തി ഹര്‍ദ്ദിക് പാണ്ഡ്യ

chandrika — Sat, 02 Dec 2017 11:58:06 +0000

വെസ്റ്റ്ഇന്‍ഡീസ്-ഇന്ത്യ ഏകദിന പര്യടനത്തിനിടെ തന്നെ വിന്‍ഡീസ് പൊലീസ് അറ്സ്റ്റു ചെയ്ത രഹസ്യം ഓര്‍ത്തെടുത്ത് ഇന്ത്യന്‍ ഓള്‍ റൗണ്ടര്‍ ഹര്‍ദ്ദിക് പാണ്ഡ്യ. ഇന്ത്യയുടെ വെസ്റ്റിന്‍ഡീസ് ഏകദിന പരമ്പരയ്ക്കിടെയാണ് സംഭവം. വെസ്റ്റീന്‍ഡീസ് താരവും മുംബൈ ഇന്ത്യന്‍സിലെ സഹകളിക്കാരുനുമായ കീറോണ്‍ പൊള്ളാര്‍ഡിന്റെ കൂടെ കറങ്ങുന്നതിനിടയിലാണ് പൊലീസ് പാണ്ഡ്യയെ അറസ്റ്റു ചെയ്യാന്‍ ഒരുങ്ങിയത്. സംഭവം മനസ്സിലാവാഞ്ഞ പാണ്ഡ്യ ആദ്യം പേടിച്ചെങ്കിലും തമാശയ്ക്കായി പൊള്ളാഡ് ഒപ്പിച്ച ഒരു പണിയായിരുന്നെന്ന് പിന്നീട് അറിയുകയായിരുന്നു.

നഗരത്തില്‍ കറങ്ങുന്നതിനിടെ പൊള്ളാര്‍ഡ് കൂടെയുണ്ടെങ്കില്‍ തനിക്കൊന്നും സംഭവിക്കില്ലെന്ന് ഹാര്‍ദ്ദിക്ക് പറഞ്ഞു. തുടര്‍ന്ന് ഹര്‍ദ്ദിക്കിനെ ഭയപ്പെടുത്താന്‍ പൊള്ളാഡ് അറസ്റ്റ് നാടകം ഒരുക്കിയത്. ഹാര്‍ദ്ദിക്കിനെ പേടിപ്പിക്കാന്‍ പൊലീസുകാരനായ തന്റെ സഹോദരനെയാണ് പൊള്ളാഡ് ഇതിനായി ഉപയോഗിച്ചത്.

ആദ്യം പൊലീസു അറസ്റ്റിനായി വന്നപ്പോള്‍ കാര്യം മനസ്സിലാവാതെ പേടിച്ചെങ്കിലും അവസാനം കേസിനെ കുറിച്ച് സംസാരിക്കാന്‍ പൊലീസ് ആരെയോ വിളിക്കുമ്പോള്‍ ഫോണ്‍ തല തിരിച്ച് പിടിച്ചത് കണ്ടപ്പോഴാണ് തനിക്ക് കാര്യം മനസ്സിലായതെന്നും ഹാര്‍ദിക് വ്യക്തമാക്കി. ബ്രേക്ക് ഫാസ്റ്റ് വിത്ത് ചാമ്പ്യന്‍സ് എന്ന ടെലിവിഷന്‍ ഷോയിലാണ് ഹര്‍ദ്ദിക്ക് രസകരമായ സംഭവം വെളിപ്പെടുത്തിയത്.

ധോണിയുടെ മികവ്, വെസ്റ്റന്‍ഡീസിനെതിരെ ഇന്ത്യയക്ക് 93 റണ്‍സ് ജയം

ചന്ദ്രിക വെബ് ഡെസ്‌ക്‌ — Fri, 30 Jun 2017 16:02:21 +0000

വെസ്റ്റ്ന്‍ഡീസിനെതിരായ മൂന്നാം ഏകദിനത്തില്‍ മുന്‍ക്യാപ്റ്റന്‍ എം എസ് ധോണിയുടെയും(79 പന്തില്‍ പുറത്താവാതെ 78) ഓപ്പണര്‍ അജിങ്ക്യാ രഹാനെയുടെയും(72) മികവില്‍ ഇന്ത്യക്ക് ഗംഭീര വിജയം. ഇന്ത്യ അടിച്ചുകൂട്ടിയ 252 റണ്‍സ് വിജയ ലക്ഷ്യം പിന്തുടര്‍ന്ന വിന്‍ഡീസ് പക്ഷേ 38.1 ഓവറില്‍ 158 റണ്‍സിന് എല്ലാവരും പുറത്തായി.

ഇന്ത്യയുടെ കുല്‍ദീപ് യാദവും, അശ്വിനും മൂന്ന്് വിക്കറ്റ് വീതവും ഹാര്‍ദിക് പാണ്ഡ്യ രണ്ടു വിക്കറ്റും നേടി.വന്‍ഡീസ് നിരയില്‍ ജോസന്‍ മുഹമ്മദ് മാത്രമേ പിടിച്ചു 70 റണ്‍സെടുത്ത് പിടിച്ചു നിന്നുള്ളൂ.

പരമ്പരയില്‍ ഇന്ത്യ 2-0 മുന്നിട്ട് നില്‍ക്കുന്നു. ആദ്യ മത്സരം മഴ മൂലം ഉപേക്ഷിച്ചിരുന്നു. അടുത്ത മത്സരത്തില്‍ ജയിച്ചാല്‍ ഇന്ത്യക്ക് പരമ്പര സ്വന്തമാക്കാം.