മണ്ഡല പുനര്‍നിര്‍ണയ നീക്കത്തിനെതിരെ വിവിധ രാഷ്ട്രീയകക്ഷികളുടെ യോഗം ചെന്നെയില്‍ തുടങ്ങി. യോഗത്തില്‍ 7 സംസ്ഥാനങ്ങളിലെ വിവിധ കക്ഷിനേതാക്കള്‍ പങ്കെടുക്കുന്നു. തമിഴ്‌നാട് മുഖ്യമന്ത്രി എം.കെ.സ്റ്റാലിനാണ് യോഗം വിളിച്ചു ചേര്‍ത്തത്. തെലങ്കാന മുഖ്യമന്ത്രി രേവന്ത് റെഡ്ഡി, പഞ്ചാബ് മുഖ്യമന്ത്രി ഭഗവന്ത് മാന്‍ കര്‍ണാടക ഉപമുഖ്യമന്ത്രി ഡി കെ ശിവ കുമാര്‍, കേരള മുഖ്യമന്ത്രി പിണറായി വിജയന്‍, തുടങ്ങിയവര്‍ പങ്കെടുക്കുന്നു. ഇതു കൂടാതെ കെപിസിസി അധ്യക്ഷന്‍ കെ.സുധാകരന്‍, സിപിഐ സംസ്ഥാന സെക്രട്ടറി ബിനോയ് വിശ്വം, മുസ്‌ലിം ലീഗിലെ പി.എം.എസലാം തുടങ്ങിയവരും കേരളത്തില്‍ നിന്ന് പങ്കെടുക്കുന്നു. ബിജെപി ഒഴികെയുള്ള 123 കക്ഷികള്‍ യോഗത്തിന് പിന്തുണ പ്രഖ്യാപിച്ചിട്ടുണ്ട്.

വരാനിരിക്കുന്ന മണ്ഡല പുനര്‍ നിര്‍ണയം ദക്ഷിണേന്ത്യയിലെ ലോക്‌സഭാ മണ്ഡലങ്ങളുടെ എണ്ണത്തെ ബാധിക്കുമെന്നാണ് സ്റ്റാലിന്‍ കുറ്റപ്പെടുത്തി. നിലവിലുള്ള സീറ്റുകള്‍ കുറയ്ക്കാന്‍ അനുവദിക്കില്ലെന്ന് സ്റ്റാലിന്‍ വ്യക്തമാക്കി. സംസ്ഥാനങ്ങളുടെ ഫെഡറല്‍ അധികാരങ്ങള്‍ വെട്ടിക്കുറയ്ക്കാന്‍ അനുവദിക്കില്ലെന്നും തമിഴ് നാട് മുഖ്യമന്ത്രി പറഞ്ഞു. സ്റ്റാലിന്റെ പ്രവര്‍ത്തനങ്ങളെ ഡി കെ ശിവകുമാര്‍ അഭിനന്ദിച്ചു.

മാര്‍ച്ച് 5 ന് ചെന്നൈയില്‍ ഇതേ വിഷയത്തില്‍ നടന്ന സര്‍വകക്ഷി യോഗത്തിന് ശേഷമാണ് ചെന്നൈയിലെ ഐടിസി ചോളയില്‍ യോഗം ചേരുന്നത്. അതിര്‍ത്തി നിര്‍ണ്ണയം ബാധിക്കുന്ന സംസ്ഥാനങ്ങള്‍ക്കായുള്ള ആദ്യ സംയുക്ത ആക്ഷന്‍ കമ്മിറ്റി (ജെഎസി)യാണ് യോഗത്തിന് ആതിഥേയത്വം വഹിക്കുന്നത്. ഫെയര്‍ ഡീലിമിറ്റേഷന്‍ ഉറപ്പാക്കി ഫെഡറല്‍ ഘടന സംരക്ഷിക്കാന്‍ സംസ്ഥാനങ്ങള്‍ ഒന്നിച്ച ദിവസമായി ഇന്ന് ചരിത്രത്തില്‍ രേഖപ്പെടുത്തപ്പെടുമെന്ന് സ്റ്റാലിന്‍ സാമൂഹ്യ മാദ്ധ്യമങ്ങളില്‍ കുറിച്ചു. ചെന്നൈ കോര്‍പ്പറേഷന്‍ കെട്ടിടത്തിന് പുറത്ത് ‘ഫെയര്‍ ഡീലിമിറ്റേഷന്‍’ എന്ന വലിയ ബോര്‍ഡ് പ്രദര്‍ശിപ്പിച്ചിട്ടുണ്ട്. കുടുംബാസൂത്രണം വിജയകരമായി നടപ്പിലാക്കിയ സംസ്ഥാനങ്ങളെ അതിര്‍ത്തി നിര്‍ണ്ണയം ബാധിക്കും. അതുകൊണ്ടാണ് ഈ സംസ്ഥാനങ്ങള്‍ അതിനെ എതിര്‍ക്കുന്നത്.

ചെന്നൈയിലെ നാമക്കല്‍ കവിഗ്‌നര്‍ ഹാളില്‍ ഈ വിഷയത്തില്‍ സര്‍വ്വകക്ഷി യോഗം ചേര്‍ന്നിരുന്നു. 123 രാഷ്ട്രീയ പാര്‍ട്ടികളില്‍ നിന്നുള്ള നേതാക്കള്‍ അതിര്‍ത്തി നിര്‍ണ്ണയത്തിനെതിരായ തമിഴ്നാടിന്റെ നിലപാടിന് പിന്തുണ അറിയിച്ചു. എന്നാല്‍ ബിജെപി യോഗം ബഹിഷ്‌കരിച്ചു.

ആധികാരിക രേഖകളും പാർലിമെന്റിൽ തന്നെ വെളിവാക്കിയ കണക്കും പ്രകാരം തന്നെ 2022 ഡിസംബറിൽ ഇന്ത്യയിലെ ജയിലുകളിൽ ഒരു വർഷം മുതൽ 5 വർഷത്തിലധികവും നോക്കിയാൽ 1,34,799 വിചാരണ തടവുകാർ ഇന്ത്യയിലെ വിവിധ ജയിലുകളിലുണ്ട്. ഇന്ത്യൻ ജയിലുകളിൽ ആകെയുള്ള തടവുകാരിൽ 76 ശതമാനം വിചാരണ തടവുകാരാണ്.

ഡൽഹിയിൽ 2020ന് ശേഷം വിചാരണ തടവുകാരുടെ എണ്ണം 90 ശതമാനം ഉയർന്നു. ഒരു തടവുകാരന്റെ പേരിൽ ആരോപിക്കപ്പെട്ട കുറ്റത്തിന് നൽകാവുന്ന ശിക്ഷയുടെ പകുതി കാലഘട്ടം പിന്നിട്ടാൽ അവർക്ക് നിർബന്ധമായും ജാമ്യം കൊടുക്കണമെന്ന് ഇന്ത്യൻ സി.ആർ.പി.സി 406 എ പ്രകാരം ഭേദഗതി വരുത്തിയിട്ടുള്ളതാണ്. പക്ഷെ അത് പോലും പാലിക്കപ്പെടുന്നില്ല.

ഇത്തരം തടവുകാരിൽ ബഹുഭൂരിപക്ഷവും പ്രാന്തവത്കരിക്കപ്പെട്ടവരും എസ്. സി, എസ്. ടി, ഒ. ബി. സി വിഭാഗത്തിൽ പെട്ടവരുമാണ്. നീതിന്യായ വ്യവസ്ഥക്കു ഇവിടെ വിലയില്ലാതാവുകയാണ്.

ഇന്ത്യയിലെ പരമോന്നത കോടതികൾ പോലും ഇതിനെ ശക്തമായി ചൂണ്ടിക്കാണിച്ച്‌ ഈ ദുസ്ഥിതി അടിയന്തിരമായി പരിഹരിക്കണമെന്ന് പറഞ്ഞിട്ടുണ്ട്. ഗവണ്മെന്റ് ഇക്കാര്യത്തിൽ സത്വര നടപടികൾ കൈകൊള്ളാൻ മുന്നോട്ട് വരണമെന്നും ഇ. ടി ആവശ്യപ്പെട്ടു.

വളരെ ഗുരുതരമായ ഈ വിഷയം പ്രധാനമന്ത്രി പ്രൊപഗണ്ടയുടെ മൂടുപടം കൊണ്ട് മറച്ചുപിടിക്കുകയാണെന്നും അസമില്‍ ഭാരത് ജോഡോ ന്യായ് യാത്രയില്‍ രാഹുല്‍ ഗാന്ധി പറഞ്ഞു. ‘ഇന്ത്യയിലെ ഏത് കോണില്‍ പോയി ചോദിച്ചാലും നിങ്ങള്‍ക്ക് തൊഴിലില്ലായ്മ കാണാം.

രണ്ടോ മൂന്നോ ആളുകള്‍ക്ക് വേണ്ടിയാണ് സര്‍ക്കാര്‍ പ്രവര്‍ത്തിക്കുന്നത്. ഇന്ത്യയിലെ എയര്‍പോര്‍ട്ടുകളും തുറമുഖങ്ങളും കൃഷിയും അടിസ്ഥാന സൗകര്യങ്ങളുമെല്ലാം ഇന്ന് അദാനിയുടെ കൈയിലാണ്.

ഇവിടെ അസമിലെ മുഖ്യമന്ത്രിയും എല്ലാം തന്റെ കൈയിലാക്കിയിരിക്കുന്നു,’ രാഹുല്‍ ഗാന്ധി പറഞ്ഞു.
തങ്ങള്‍ അധികാരത്തില്‍ വന്നാല്‍ ആദ്യം തന്നെ ഒഴിഞ്ഞു കിടക്കുന്ന സര്‍ക്കാര്‍ തസ്തികകളില്‍ നിയമനം നടത്തുമെന്നും ചെറുകിട വ്യവസായങ്ങളെ ശക്തിപ്പെടുത്തുന്ന നയങ്ങളിലൂടെ രാജ്യത്ത് തൊഴിലുകള്‍ സൃഷ്ടിക്കുന്നതിന് മുന്‍തൂക്കം നല്‍കുമെന്നും അദ്ദേഹം പറഞ്ഞു.

ഇന്ത്യയില്‍ പ്രത്യശാസ്ത്രങ്ങള്‍ തമ്മിലുള്ള യുദ്ധം നടക്കുകയാണെന്നും ആര്‍.എസ്.എസും ബി.ജെ.പിയും എല്ലാ വ്യത്യസ്തമായ സംസ്‌കാരങ്ങളെയും ആക്രമിക്കുകയാണെന്നും കഴിഞ്ഞ ദിവസം നാഗാലാന്‍ഡില്‍ വെച്ച് അദ്ദേഹം പറഞ്ഞിരുന്നു.

സാധാരണ വാഹനാപകടം മാത്രമായി സംഭവം ഒതുങ്ങുകയാണ്. കേസ് അട്ടിമറിക്കാന്‍ ഉന്നതതലത്തില്‍ നടന്ന കരുനീക്കങ്ങളാണ് മൂന്ന് വര്‍ഷത്തിന്‌ശേഷം കോടതിയില്‍ വിജയിച്ചിരിക്കുന്നത്. പൊതുഖജനാവിലെ പണം തിന്ന് കൊഴുക്കുന്ന ഉദ്യോഗസ്ഥവര്‍ഗം വലിയൊരു അധോലോക ലോബിയായി വളര്‍ന്നതിന്റെ ബീഭത്സമുഖം കേരളീയര്‍ കണ്ടു. ഉദ്യോഗസ്ഥതലത്തിലും പൊലീസിലും ക്രിമിനലുകള്‍ വാഴുന്നുണ്ടെന്ന് ഒരിക്കല്‍കൂടി തെളിയിക്കപ്പെട്ടിരിക്കുന്നു. 2019 ഓഗസ്റ്റ് മൂന്ന് പുലര്‍ച്ചെ 1.45ന് ബഷീറിനെ വാഹനമിടിപ്പിച്ച് കൊലപ്പെടുത്തിയ നിമിഷം മുതല്‍ തുടങ്ങിയിരുന്നു കേസ് അട്ടിമറിക്കാനുള്ള ശ്രമങ്ങള്‍. വാഹനം ഓടിച്ച ആളെ പൊലീസ് ആദ്യം കസ്റ്റഡിയിലെടുത്തെങ്കിലും ഐ. എ.എസ് പട്ടം ചൂടിയ ആളാണെന്ന് അറിഞ്ഞതോടെ മട്ടും മാതിരിയും മാറി. ഉദ്യോഗസ്ഥ പ്രമാണിയെ രക്ഷിക്കാനായിരുന്നു തുടര്‍ന്നങ്ങോട്ട് പൊലീസിന്റെ ശ്രമം. വാഹനത്തിലുണ്ടായിരുന്ന ‘കൂട്ടുകാരി’യെ വീട്ടിലെത്തിച്ചു. ഐ.എ.എസിലും ഐ.പി.എസിലുമുള്ള സഹജീവികളൊക്കെയും സ്വന്തക്കാരനെ രക്ഷിക്കാന്‍ രംഗത്തിറങ്ങി. വിദഗ്ധമായി തെളിവുകള്‍ എങ്ങനെ നശിപ്പിക്കണമെന്ന് സിവില്‍ സര്‍വീസ് ബുദ്ധികള്‍ ഒന്നിച്ച് ആലോചിച്ചു. ശ്രീറാം വെങ്കിട്ടരാമന്‍ മദ്യലഹരിയിലായിരുന്നുവെന്ന് സാക്ഷികള്‍ മൊഴി നല്‍കിയെങ്കിലും പൊലീസ് ചെവി കൊണ്ടില്ല. രക്തപരിശോധന നടത്താതെ അയാളെ സ്വകാര്യ ആശുപത്രിയിലേക്ക് അയച്ചു. വാഹനം ഓടിച്ചത് കൂടെയുണ്ടായിരുന്ന സ്ത്രീയാണെന്ന് സ്ഥാപിക്കാന്‍ പൊലീസ് കൂട്ടുനിന്നു. പരിശോധനയില്‍നിന്ന് രക്ഷപ്പെട്ട് സ്വകാര്യ ആശുപത്രിയിലെത്തിയ ശ്രീറാമില്‍നിന്ന് അടുത്ത ദിവസമാണ് രക്തസാമ്പിള്‍ എടുത്തത്. ആവശ്യമായതൊക്കെ ചെയ്തതിന്‌ശേഷം മണിക്കൂറുകള്‍ വൈകി നടത്തിയ പരിശോധനയില്‍ മദ്യത്തിന്റെ അംശം കണ്ടെത്തിയില്ല. ശ്രീറാം മദ്യലഹരിയിലായിരുന്നുവെന്ന് ആദ്യം പരിശോധിച്ച ഡോക്ടര്‍ മൊഴി നല്‍കിയിട്ടുകൂടി കേസ് അട്ടിമറിക്കാന്‍ പൊലീസ് ഏറെ വൈദഗ്ധ്യത്തോടെയാണ് പ്രവര്‍ത്തിച്ചത്.

ശാസ്ത്രീയ തെളിവുകള്‍ ഉള്‍പ്പെടെ ഹാജരാക്കി പ്രോസിക്യൂഷന്‍ കോടതിയില്‍ കേസ് വാദിച്ചെങ്കിലും പ്രതികള്‍ രക്ഷപ്പെട്ടിടത്താണ് അട്ടിമറിയുടെ കുബുദ്ധി ഒളിഞ്ഞിരിക്കുന്നത്. പൊലീസിന്റെ ഒത്താശയോടെ കേസ് അട്ടിമറിച്ചതോടൊപ്പം സംഭവത്തിന്റെ ഗൗരവ സ്വഭാവം നഷ്ടപ്പെടുത്താനും ആസൂത്രിത ശ്രമങ്ങളുണ്ടായി. കവടിയാറിന് സമീപമുള്ള ഐ.എ.എസ് ക്ലബ്ബില്‍നിന്നും മദ്യപിച്ചിറങ്ങിയ ശ്രീറാമിനോടൊപ്പം വാഹനത്തില്‍ അന്യ സ്ത്രീയുണ്ടായിരുന്നുവെന്ന വസ്തുത ലാഘവത്തോടെ കാണാനാവില്ല. രാത്രി ഒരു സിവല്‍ സര്‍വീസ് ഉദ്യോഗസ്ഥനോടൊപ്പം എന്തിനാണ് അവര്‍ യാത്ര ചെയ്തതെന്നോ അവരുടെ പശ്ചാത്തലം എന്താണെന്നോ അന്വേഷണത്തിന്റെയും ചര്‍ച്ചയുടെയും പരിധിയില്‍ വരാത്തത് ദുരൂഹതയായി അവശേഷിക്കുന്നു.

ശ്രീറാമിനെ രക്ഷിക്കാനുള്ള ചരടുവലികള്‍ ഉദ്യോഗസ്ഥരിലും പൊലീസിലും മാത്രമായി ഒതുങ്ങുന്നില്ല. കുറ്റക്കാരെ നിയമത്തിന് മുന്നില്‍ കൊണ്ടുവരുമെന്ന് പ്രഖ്യാപിച്ചിരുന്ന മുഖ്യമന്ത്രി പിണറായി വിജയന്‍ പല സന്ദര്‍ഭങ്ങളിലായി തനിനിറം പുറത്തുകാട്ടി. അടിമുടി കരിനിഴലില്‍ നില്‍ക്കുന്ന ശ്രീറാമിനെ ചട്ടങ്ങളും മാനദണ്ഡങ്ങളും കാറ്റില്‍ പറത്തി ആലപ്പുഴ കലക്ടറായി നയമിച്ചു. മത, രാഷ്ട്രീയ, സാംസ്‌കാരിക സംഘടനകളുടെ കടുത്ത എതിര്‍പ്പിനെ തുടര്‍ന്നാണ് സര്‍ക്കാര്‍ നിയമനം റദ്ദാക്കിയത്. നരഹത്യാ കേസ് നിലവിലിരിക്കെയാണ് ശ്രീറാമിന് ജില്ലാ കലക്ടര്‍ ഉള്‍പ്പെടെയുള്ള ഉന്നത തസ്തികകളില്‍ നിയമനം നല്‍കിയതെന്ന് അറിയുമ്പോള്‍ മനസിലാക്കാം സര്‍ക്കാറിന്റെ കപടമുഖം. ഭരണ സംവിധാനങ്ങളില്‍ ക്രിമിനലുകള്‍ വളര്‍ന്നുവരുന്നത് സംസ്ഥാനത്തിന്റെ സാമൂഹിക ഭദ്രതയെ തകര്‍ക്കും. അധികാരത്തിന്റെ അമരത്തിരുന്ന് എന്തുമാകാമെന്ന മനോഭാവം ഉദ്യോഗസ്ഥ സമൂഹത്തില്‍നിന്ന് തുടച്ചുനീക്കേണ്ട സമയം അതിക്രമിച്ചിരിക്കുന്നു.