വീണ്ടും ഹഹഹ നിലപാട് തുടര്‍ന്ന് മുഖ്യമന്ത്രി. പി.ആര്‍. ഏജന്‍സി വിവാദത്തില്‍ വിവരാവകാശ നിയമപ്രകാരമുള്ള ചോദ്യങ്ങളില്‍ നിന്ന് മുഖ്യമന്ത്രിയുടെ ഓഫീസ് ഒഴിഞ്ഞുമാറി. വിവരാവകാശ നിയമത്തിന്റെ പരിധിയില്‍ മലപ്പുറം വിരുദ്ധ പരാമര്‍ശം അടങ്ങിയ അഭിമുഖത്തേക്കുറിച്ചുള്ള ചോദ്യങ്ങള്‍ വരുന്നതല്ലെന്ന് മറുപടി.  വാര്‍ത്താസമ്മേളനത്തിനിടെ കടന്നുവന്ന മൂന്നാമനേക്കുറിച്ചും അഭിമുഖത്തിന്റെ ഇടനിലക്കാരേക്കുറിച്ചും മൗനമാണ്.

അഭിമുഖത്തിന് ബന്ധപ്പെട്ടത് ഹരിപ്പാട് മുന്‍ എം.എല്‍.എ ദേവകുമാറിന്റെ മകന്‍ സുബ്രഹ്മണ്യനാണെന്ന് മുഖ്യമന്ത്രി പറഞ്ഞിരുന്നു.  മൂന്നാമതൊരാള്‍ അഭിമുഖത്തിനിടെ കയറിവന്നെന്നും മുഖ്യമന്ത്രി സമ്മതിച്ചിരുന്നു.  എന്നാല്‍ അതാരാണെന്ന് അന്വേഷിക്കുമോ എന്നതിലും ഉത്തരമില്ല. പി.ആര്‍.ഏജന്‍സി മുഖ്യമന്ത്രിയുടെ ഏതെങ്കിലും അഭിമുഖത്തിന് പിന്നില്‍ ഉണ്ടോയെന്ന ചോദ്യത്തിന് മാത്രമാണ് മറുപടി.  പി.ആര്‍ ഏജന്‍സിയെ നിയോഗിച്ചിട്ടില്ല.

മലപ്പുറം വിരുദ്ധ പരാമര്‍ശം അടങ്ങിയ മുഖ്യമന്ത്രിയുടെ അഭിമുഖത്തിന് പിന്നില്‍ പി.ആര്‍ ഏജന്‍സിയെന്ന ദ് ഹിന്ദു പത്രത്തിന്റെ വിശദീകരണം ഈ അവകാശവാദങ്ങളെല്ലാം തകര്‍ക്കുന്നതായിരുന്നു.  വാര്‍ത്താസമ്മേളനം വിളിച്ച് മുഖ്യമന്ത്രി ആരോപണം നിഷേധിച്ചെങ്കിലും പ്രധാന ചോദ്യങ്ങള്‍ക്കെല്ലാം ഇതായിരുന്നു മറുപടി.

തനിക്കെതിരെ നടി ലൈംഗിക പീഡനാരോപണം ഉന്നയിച്ചതിന് പിന്നാലെ കൊച്ചി സിറ്റി പൊലീസ് കമ്മിഷണർക്കാണ് ബാലചന്ദ്രമേനോൻ പരാതി നൽകിയത്. ലൈംഗിക ചുവയുള്ള ഉള്ളടക്കമാണ് വിഡിയോയിൽ ഉണ്ടായിരുന്നതെന്നും ഇതിനെതിരെ കേസെടുക്കണമെന്നുമാണ് പരാതിയിൽ ഉണ്ടായിരുന്നത്.

കൂടാതെ ആലുവ സ്വദേശിയായ നടിക്കും അഭിഭാഷകനുമെതിരെ നടൻ പരാതി നൽകിയിട്ടുണ്ട്. മൂന്ന് ലൈംഗിക ആരോപണങ്ങള്‍ ഉടന്‍ വരുമെന്ന് ഭീഷണിപ്പെടുത്തിയെന്ന് നടന്‍ ബാലചന്ദ്രമേനോന്‍ പരാതിയില്‍ പറയുന്നു. ഫോണിലൂടെ ഭീഷണിപ്പെടുത്തിയത് നടിയുടെ അഭിഭാഷകനാണെന്നും പരാതിയിലുണ്ട്.

ഫോൺകോൾ വിവരങ്ങൾ ഉൾപ്പെടെയുള്ള തെളിവുകൾ സഹിതമാണ് മുഖ്യമന്ത്രിക്കും ഡിജിപിക്കും പരാതി നൽകിയത്. തനിക്കെതിരെയുള്ള ആരോപണങ്ങൾ ഉന്നയിക്കും മുൻപു നടിയുടെ അഭിഭാഷകൻ സംഗീത് ലൂയീസ് ഫോണിൽ വിളിച്ചാണു ഭീഷണിപ്പെടുത്തിയതെന്ന് ബാലചന്ദ്ര മോനോൻ പരാതിയിൽ പറയുന്നു. മൂന്നു ലൈംഗിക ആരോപണങ്ങൾ ഉടൻ വരുമെന്നായിരുന്നു ഭീഷണി.

എറണാകുളം, കോഴിക്കോട്, മലപ്പുറം, പാലക്കാട് ബ്രാഞ്ചുകളിലെ താഴെ പറയുന്ന വിവിധ തസ്തികകളിലേക്കാണ് നിയമനം. ബി.ഡി.എം (ടാസ്‌ക് ആന്റ് ഓപ്പറേഷന്‍സ് മാനേജര്‍ (3), ബി.ഡി.എം അസിസ്റ്റന്റ് (10), എച്ച്.ആര്‍ മാനേജര്‍ (10), എച്ച്.ആര്‍ അസിസ്റ്റന്റ് (10), മാര്‍ക്കറ്റിങ് മാനേജര്‍ (3), അസി.മാര്‍റ്റിങ് മാനേജര്‍ (10), സെയില്‍സ് ്മാന്‍ 100+ (മൊബൈല്‍, ലാപ്‌ടോപ് ആന്റ് ഇലക്ട്രോണിക്‌സ്), അക്കൗണ്ടന്റ് (10 +), വിശ്വല്‍ മര്‍ക്കന്റൈസര്‍ (20), ഫ്്‌ളോര്‍ മാനേജര്‍ (15+), ടെക്‌നീഷ്യന്‍സ് -30+ (മൊബൈല്‍ ആന്റ് ലാപ്‌ടോപ്), അസി. അഡ്മിനിസ്‌ട്രേറ്റര്‍ (20+), മാര്‍ക്കറ്റിങ് ആന്റ് സെയില്‍സ് പ്രമോഷന്‍ ആക്ടിവിറ്റീസ്(30+), ടെലി സെയില്‍സ് ആന്റ് കസ്റ്റമര്‍ റിലേഷന്‍ഷിപ്പ് (50+), ഡിജിറ്റല്‍ മാര്‍ക്കറ്റങി, എഡിറ്റര്‍, ഗ്രാഫിക് ഡിസൈനര്‍. അഭിമുഖത്തില്‍ പങ്കെടുക്കുന്നവര്‍ സി.വി വാട്‌സാപ്പ് ചെയ്യണം. നമ്പര്‍: 7594000450,9745890009

മലപ്പുറം ജില്ലയിലെ കരുവാരക്കുണ്ട് സ്വദേശിയായ ത്രിപുര കേഡര്‍ ഐ.എ.എസ് ഉദ്യോഗസ്ഥന്‍. ത്രിപുരയിലെ ടെലിയമുറ സബ് ഡിവിഷണല്‍ മജിസ്‌ട്രേറ്റായി ഔദ്യോഗിക ജീവിത്തിന് തുടക്കം. നിലവില്‍ അഗര്‍ത്തല മുനിസിപ്പല്‍ കമ്മീഷണറും, അഗര്‍ത്തല സ്മാര്‍ട്ട് സിറ്റി സി.ഇ.ഒയുമായി പ്രവര്‍ത്തിക്കുന്നു. ഫാറൂഖ് കോളജ്, ഡല്‍ഹി ജാമിഅ മില്ലിയ്യ പൂര്‍വ്വ വിദ്യാര്‍ത്ഥി. സിവില്‍ സര്‍വ്വീസില്‍ എസ്.എസ്.എല്‍.സി പരീക്ഷ മാര്‍ക്ക് വലിയ ഘടകമല്ലെന്ന് പറയുന്നു ഈ യുവ ഐ.എ.സുകാരന്‍.

ഐ.എ.എസ് പ്രതീക്ഷ?

ഐ.എ.എസ് എന്ന സ്വപ്‌നത്തിനു സ്‌കൂള്‍ അധ്യാപകന്‍ കൂടിയായ എന്റെ ഉപ്പയാണ് പ്രധാനമായും പ്രചോദനം നല്‍കിയത്. കലക്ടര്‍ എന്ന പദം ഞാന്‍ ആദ്യമായി കേട്ടത് പിതാവില്‍ നിന്നാണ്. സ്‌കൂളില്‍ പഠിക്കുന്ന സമയം പിതാവ് എന്നോട് പതിവായി കലക്ടര്‍ ആവണം എന്ന് പറയുമായിരുന്നു. പത്താം തരത്തില്‍ സയന്‍സില്‍ മാര്‍ക്ക് കുറഞ്ഞപ്പോള്‍ ഹ്യൂമാനിറ്റിസ് ആയിരുന്നു തിരഞ്ഞെടുത്തത്. ഹ്യൂമാനിറ്റീസ് സിവില്‍ സര്‍വീസിനു ഉപകരിക്കും എന്ന അറിവ് അന്നേ കിട്ടിയതും പ്രചോദിപ്പിച്ചിട്ടുണ്ട്. കോഴിക്കോട് ജില്ലാ കലക്ടര്‍ ആയിരുന്ന പി.ബി സലീം ഐ.എ.എസ് ഉള്‍പ്പെടെയുള്ളവരുടെ സേവനപ്രവര്‍ത്തനങ്ങളും സ്വാധീനിച്ചിട്ടുണ്ട്.

മാതൃഭാഷ പകര്‍ന്ന ആത്മവിശ്വാസം.

മലയാളത്തിന് മുമ്പ് തെരഞ്ഞെടുത്ത ഐഛിക വിഷയം എന്നെ സംബന്ധിച്ച് കഠിനമായിരുന്നു. എന്നാല്‍ മലയാളത്തിലേക്ക് മാറിയതോടെ ആത്മവിശ്വാസമായി. മലയാളം ഐശ്ചിക വിഷയമായി തെരഞ്ഞെടുത്ത സുഹൃത്തുക്കളുടെ വിജയമാണ് എനിക്ക് പ്രേരണയായത്. സിലബസ് പരിശോധനയില്‍ മലയാളം ഗുണം ചെയ്യുമെന്ന് ബോധ്യമായി. അറിയുന്ന ഭാഷയായതിനാല്‍ എളുപ്പത്തില്‍ കൈപ്പിടിയിലൊതുക്കാനും നല്ല മാര്‍ക്ക് വാങ്ങാനും കഴിയുമെന്ന് ഉറപ്പുണ്ടായിരുന്നു. കുറേ പേപ്പറുകള്‍ പഠിക്കാനുള്ള സിവില്‍ സര്‍വീസ് പരീക്ഷയില്‍ താല്പര്യമുള്ള വിഷയം എടുക്കുന്നത് പഠനത്തിന്റെ സാധ്യതകള്‍ വര്‍ദ്ധിപ്പിക്കും. പഠനപ്രക്രിയകളെ അത് കൂടുതല്‍ എളുപ്പമാക്കുകയും ചെയ്യും.

സിവില്‍ സര്‍വീസിലെ ഐഛിക വിഷയങ്ങള്‍.

അഗ്രികള്‍ച്ചര്‍, വെറ്ററിനറി സയന്‍സ്, നരവംശശാസ്ത്രം, സസ്യശാസ്ത്രം, കെമിസ്ട്രി, സിവില്‍ എഞ്ചിനീയറിംഗ്, കൊമേഴ്സ് ആന്റ് അക്കൗണ്ടന്‍സി, സാമ്പത്തികശാസ്ത്രം, ഇലക്ട്രിക്കല്‍ എഞ്ചിനീയറിംഗ്, ജോഗ്രഫി, ജിയോളജി, ഹിസ്റ്ററി, ലോ, മാനേജ്‌മെന്റ്, ഗണിതം, മെക്കാനിക്കല്‍ എഞ്ചിനീയറിംഗ്, മെഡിക്കല്‍ സയന്‍സ്, ഫിലോസഫി, ഫിസിക്‌സ്, പൊളിറ്റിക്കല്‍ സയന്‍സ്, ഇന്റര്‍നാഷണല്‍ റിലേഷന്‍സ്, സൈക്കോളജി, പബ്ലിക് അഡ്മിനിസ്‌ട്രേഷന്‍, സോഷ്യോളജി, സ്റ്റാറ്റിസ്റ്റിക്‌സ് തുടങ്ങി ഇരുപതിലധികം ഐശ്ചിക വിഷയങ്ങലാണുള്ളത്. അതേസമയം പൊതുവേ ഹിസ്റ്ററി, സോഷ്യോളജി, പബ്ലിക് അഡ്മിനിസ്‌ട്രേഷന്‍, ആന്ത്രോപ്പോളജി, ജോഗ്രഫി, ലിറ്ററേച്ചര്‍ മുതലായ വിഷയങ്ങളാണ് വിദ്യാര്‍ത്ഥികള്‍ കൂടുതലായും തെരഞ്ഞെടുക്കുന്നത്. മലയാളം, കന്നഡ, എഞ്ചിനീയറിംഗ് വിഷയങ്ങള്‍ തെരഞ്ഞെടുക്കുന്നവരും കുറവല്ല.

ഐഛിക വിഷയത്തിലെ തെരഞ്ഞെടുപ്പ്

പ്രധാനമായും ശ്രദ്ധിക്കണ്ടത് മൂന്ന് കാര്യങ്ങളാണ്. എഴുതിയാല്‍ പാസാവുമോയെന്നും മുന്‍പ് ജയിച്ചവര്‍ മാര്‍ക്ക് സ്‌കോര്‍ ചെയ്തിട്ടുണ്ടോ എന്നും പരിശോധിക്കണം. വിഷയം പഠിപ്പിച്ചു തരാന്‍ ആളുകളുണ്ടോ എന്ന് ഉറപ്പു വരുത്തണം. ഏറ്റവും പ്രധാനം വിഷയത്തോടുള്ള സ്വന്തം താല്പര്യമാണ്. സിലബസും മുന്‍കാല ചോദ്യപേപ്പറുകളും പരിശോധിച്ചാല്‍ സാധ്യതകള്‍ മനസ്സിലാവും.

ടെന്‍ഷന്‍ എങ്ങിനെ മറികടക്കാം?.

ടെന്‍ഷന്‍ മറികടക്കാനുള്ള ഒറ്റമൂലി ഒന്നുമില്ല. ഇതൊരു പരീക്ഷയാണെന്നും അതിലെ ജയപരാജയങ്ങള്‍ അല്ല ജീവിതം നിര്‍ണയിക്കുന്ന ഘടകങ്ങള്‍ എന്നും മനസ്സിലാക്കിയാല്‍ ടെന്‍ഷന്‍ മറികടക്കാം. പക്ഷെ ചെറിയ പ്രായത്തില്‍ ഇതു മനസിലാക്കുന്നവര്‍ നന്നേ കുറവായിരിക്കും. ടെന്‍ഷന്‍ മറികടക്കുക എന്നതിനുള്ള ഒരു വഴി നന്നായി പഠിക്കുക എന്നതാണ്. ഒപ്പം മുന്‍കാലത്തെ ചോദ്യപേപ്പറുകള്‍ പരമാവധി കലക്ട് ചെയ്ത് പഠിക്കുന്നതും മോക് ടെസ്റ്റുകളിലും മോക് ഇന്റര്‍വ്യൂകളിലും പങ്കെടുക്കുന്നതും ആത്മവിശ്വാസം വര്‍ധിപ്പിക്കും.

എന്‍.സി.ഇ.ആര്‍.ടി പുസ്തകങ്ങളുടെ പ്രാധാന്യം.

എന്‍.സി.ഇ.ആര്‍.ടി ബുക്കുകള്‍ സിവില്‍ സര്‍വീസ് പരീക്ഷാ തയ്യാറെടുപ്പിന്റെ ഒരു പ്രധാന ഭാഗമാണ്. പരീക്ഷക്ക് മുമ്പ് ശക്തമായ അടിത്തറ ഉണ്ടാക്കാന്‍ ഇത് സഹായിക്കുന്നു. സ്‌കൂള്‍ വിദ്യാര്‍ത്ഥികള്‍ക്കായി രൂപകല്‍പ്പന ചെയ്തതാണെങ്കിലും, പ്രിലിമിനറികള്‍ക്കും മെയിന്‍സിനും വേണ്ടിയുള്ള യു.പി.എസ്.സി സിലബസിലെ ഏറ്റവും പ്രധാനപ്പെട്ട ചില ഭാഗങ്ങള്‍ എന്‍.സി.ഇ.ആര്‍.ടി പുസ്തകങ്ങളിലുണ്ട്. ഐ.എ.എസ് ടോപ്പര്‍മാരും പരീക്ഷാ വിദഗ്ധരും ശുപാര്‍ശ ചെയ്യുന്ന പുസ്തകങ്ങളാണിത്. സിവില്‍ സര്‍വീസ് പരീക്ഷയുടെ അടിത്തറ തന്നെ എന്‍.സി.ഇ.ആര്‍.ടി പുസ്തകങ്ങളാണ്. അതില്‍ നിന്നും നിരവധി ചോദ്യങ്ങള്‍ വരാറുണ്ട്.

സ്റ്റഡി പ്ലാന്‍

ഒരു വര്‍ഷത്തിനുള്ളിലോ അതിനു ശേഷമാണോ പരീക്ഷ എഴുതുന്നത് എന്നതിനനുസരിച്ചാണ് പ്ലാന്‍ തയ്യാറാക്കേണ്ടത്. സിലബസ് പൂര്‍ണമായും വായിക്കുക, മുന്‍കാല ചോദ്യപേപ്പറുകളുടെ സഹായത്തോടെ അവ റിവൈസ് ചെയ്യുക, പരമാവധി മോക് ടെസ്റ്റില്‍ പങ്കാളിയാവുക, പഠനത്തിന് കൃത്യമായ സമയക്രമീകരണം പാലിക്കുക. ശരാശരി വിദ്യാര്‍ത്ഥിക്ക് ചുരുങ്ങിയത് രണ്ടു വര്‍ഷം വേണ്ടിവരും. കുറഞ്ഞ സമയം കൊണ്ട് പാസായവര്‍ ചുരുക്കമാണ്.

സിവില്‍ സര്‍വീസ് എത്ര ഭാഷകളില്‍ എഴുതാം.

ഭരണ ഘടനയുടെ എട്ടാം ഷെഡ്യുളില്‍ പരാമര്‍ശിക്കുന്ന 22ഓളം ഭാഷകളില്‍ പരീക്ഷ എഴുതാം. മലയാളത്തില്‍ എഴുതാന്‍ കഴിയും. അത്യാവശ്യം നന്നായി ഇംഗ്ലീഷ് എഴുതാനും വായിക്കാനും അറിയുന്നവര്‍ ഇംഗ്ലീഷില്‍ എഴുതുന്നതാണ് അഭികാമ്യം.

കറന്റ് അഫേഴ്‌സ് പഠനരീതികള്‍.

രാജ്യത്ത് പ്രചാരത്തിലുള്ള ഒരു ദേശീയ ഇംഗ്ലീഷ് പത്രമെങ്കിലും പതിവായി വായിക്കണം. വായിക്കുന്ന പ്രധാന കാര്യങ്ങള്‍ നോട്ടു ചെയ്തു വെച്ചാല്‍ പിന്നീട് ഉപകരിക്കും. മാഗസിനുകള്‍, വീഡിയോകള്‍ ഉപയോഗപെടുത്താം. എല്ലാം പരക്കെ പഠിക്കുന്നതിനു പകരം ഒന്നില്‍ കേന്ദ്രീകരിക്കണം. സിവില്‍ സര്‍വീസ് പരീക്ഷയ്ക്ക് തയ്യാറെടുക്കുന്നവര്‍ക്ക് ഒഴിച്ചുനിര്‍ത്താന്‍ പറ്റാത്തതാണ് കറന്റ് അഫയേഴ്‌സ് പഠനം. പ്രിലിമിനറി പേപ്പറിലെ ഒബ്ജക്റ്റീവ് ടൈപ്പ് ചോദ്യങ്ങളിലും മെയിന്‍ പരീക്ഷയിലെ വിവരണാത്മക ചോദ്യങ്ങളിലും കറന്റ് അഫയേഴ്‌സ് പഠനം സഹായിക്കും. സമകാലിക സംഭവങ്ങളില്‍ നിന്നുള്ള ചോദ്യങ്ങള്‍ പേഴ്‌സണാലിറ്റി ടെസ്റ്റിലും ഉള്‍പ്പെടും.

സിവില്‍ സര്‍വീസ് നിയമനങ്ങളിലെ സംവരണം.

ഇന്ത്യന്‍ സമൂഹത്തില്‍ പിന്നാക്കം നില്‍ക്കുന്ന വിഭാഗങ്ങളെ ഉയര്‍ത്തുന്നതിനാണ് സംവരണം ഏര്‍പ്പെടുത്തിയിരിക്കുന്നത്. യു.പി.എസ്.സി പരീക്ഷ ഉള്‍പ്പെടെ വിവിധ മത്സര പരീക്ഷകളിലും ജോലികളിലും സംവരണം ഏര്‍പ്പെടുത്തിയിട്ടുണ്ട്. പട്ടികജാതി 15 ശതമാനം, പട്ടിക വര്‍ഗം 7.5 ശതമാനം, ഒ.ബി.സി 27 ശതമാനം, സാമ്പത്തികമായി പിന്നോക്കം നില്‍ക്കുന്ന വിഭാഗങ്ങള്‍ 10 ശതമാനം, ഭിന്നശേഷിക്കാര്‍ 4 ശതമാനം എന്നിങ്ങനെയാണ് സിവില്‍ സര്‍വീസിലെ സംവരണം. അപേക്ഷ പ്രായപരിധി, അപേക്ഷ ഫീസ്, പരീക്ഷ അവസരങ്ങളുടെ എണ്ണം തുടങ്ങിയ കാര്യത്തില്‍ ഈ വിഭാഗങ്ങള്‍ക്ക് ഇളവ് ലഭിക്കും.

ത്രിപുര വിശേഷങ്ങള്‍?

ഭൂമിശാസ്ത്രപരമായും സാംസ്‌കാരികമായും കേരളത്തോട് സാമ്യമുള്ള സംസ്ഥാനമണ് ത്രിപുര. വടക്കുകിഴക്കന്‍ സംസ്ഥാനം എന്ന നിലക്കുള്ള ഭൂമിശാസ്ത്രപരമായ പരിമിതികള്‍ കാരണം സാമ്പത്തികമായും വികസനകാര്യത്തിലും താരതമ്യേന പിന്നിലാണ്. ബംഗ്ലാദേശുമായി മൂന്ന് അതിര്‍ത്തികളും പങ്കിടുന്ന ഇന്ത്യയുടെ കിഴക്കേ അറ്റമാണ് ഈ നാട്. കടലില്ലാത്ത സംസ്ഥാനം. അരക്കോടിയില്‍ താഴെ മാത്രമാണ് ജനസംഖ്യ. അതേസമയം ഒരു ഐ.എ.എസ് ഓഫീസര്‍ എന്ന രീതിയില്‍ ജോലി ചെയ്യാന്‍ വലിയ സാധ്യതയുള്ള ഒരു നാട് കൂടിയാണ്. ജനങ്ങളെ സേവിക്കാനും അവരുടെ പുരോഗതിക്കായി നിരവധി കാര്യങ്ങള്‍ ചെയ്യാനും അവസരം ലഭിക്കും.

അര്‍ജന്റീന ഫാന്‍?

ഏറ്റവും ഇഷ്ടപ്പെട്ട കളിയാണ് ഫുട്ബാള്‍. നന്നേ ചെറുപ്പത്തിലേ കാല്‍പന്തുകളിയോടെയുള്ള ആ ഇഷ്ടം മറ്റെല്ലാ മലപ്പുറത്തുകാരെയും പോലെ കൂടെ കൂടിയിരുന്നു. കളിമികവില്‍ ഞാന്‍ പക്ഷെ ശരാശരിയായിരുന്നു. ഏറ്റവും മികച്ച 11 പേരെ പ്ലേയിംഗ് ഇലവനിലേക്ക് തെരഞ്ഞെടുക്കപ്പെടുന്നതോടെ ജഴ്‌സിയണിഞ്ഞ് ഗ്രൗണ്ടിലിറങ്ങാനുള്ള ഏക വഴി കോച്ചോ മാനേജറോ ആവുക എന്നാണെന്ന് തിരച്ചറിഞ്ഞു. നാട്ടിലും പിന്നീട് ഫറൂഖ് കോളജിലും ഡല്‍ഹി ജാമിയയിലും ഇങ്ങനെ ഫുട്ബാള്‍ മാനേജറായി പല ഗ്രൗണ്ടുകളില്‍ ജഴ്‌സിയണിഞ്ഞിട്ടുണ്ട്. എന്റെ കൂടെ പഠിച്ചവരില്‍ പലരും പിന്നീട് സന്തോഷ് ട്രോഫിയിലും രാജ്യത്തെ മികച്ച ക്ലബുകളിലും പന്തുതട്ടിയിട്ടുണ്ട്. ഇഷ്ട ടീം എക്കാലവും അര്‍ജന്റീനയും താരം മെസിയുമാണ്. ഇത്തവണത്തെ ഖത്തര്‍ ലോകകപ്പില്‍ മെസി കപ്പില്‍ മുത്തമിട്ടപ്പോള്‍ സിവില്‍ സര്‍വ്വീസ് നേടിയ സന്തോഷം പോലെയൊരു ആഹ്ലാദമാണുണ്ടായത്.

സിവില്‍ സര്‍വീസിലെ വിവിധ സര്‍വീസുകള്‍

ഇന്ത്യന്‍ അഡ്മിനിസ്‌ട്രേറ്റീവ് സര്‍വീസ് (ഐഎഎസ്), ഇന്ത്യന്‍ പോലീസ് സര്‍വീസ് (ഐ.പി.എസ്),
ഇന്ത്യന്‍ ഫോറിന്‍ സര്‍വീസ് (ഐ.എഫ്.എസ്), തുടങ്ങിയ സര്‍വ്വീസുകള്‍ക്കൊപ്പം ഇന്ത്യന്‍ ഫോറസ്റ്റ് സര്‍വീസ് (ഐ.എഫ്.ഒ.എസ്), ഇന്ത്യന്‍ ഓഡിറ്റ് ആന്‍ഡ് അക്കൗണ്ട്‌സ് സര്‍വീസ് (ഐ.എ.എ.എസ്), ഇന്ത്യന്‍ കമ്മ്യൂണിക്കേഷന്‍ ഫിനാന്‍സ് സര്‍വീസസ് (ഐ.സി.എഫ്.എസ്), ഇന്ത്യന്‍ പോസ്റ്റല്‍ സര്‍വീസ് (ഐ.പി.ഒ.എസ്), ഇന്ത്യന്‍ റെയില്‍വേ ട്രാഫിക് സര്‍വീസ് (ഐ.ആര്‍.ടി.എസ്), ഇന്ത്യന്‍ റവന്യൂ സര്‍വീസ് (ഐ.ആര്‍.എസ്), റെയില്‍വേ സംരക്ഷണ സേന (ആര്‍പിഎഫ്), ഇന്ത്യന്‍ സിവില്‍ അക്കൗണ്ട്‌സ് സര്‍വീസ് (ഐ.സി.എ.എസ്), ഇന്ത്യന്‍ റെയില്‍വേ അക്കൗണ്ട്‌സ് സര്‍വീസ് (ഐ.ആര്‍.എ.എസ്), ഇന്ത്യന്‍ റെയില്‍വേ പേഴ്‌സണല്‍ സര്‍വീസ് (ഐ.ആര്‍.പി.എസ്), ഇന്ത്യന്‍ ട്രേഡ് സര്‍വീസ് (ഐ.ടി.എസ്), ഇന്ത്യന്‍ കോര്‍പ്പറേറ്റ് ലോ സര്‍വീസ് (ഐ.സി.എല്‍.എസ്), ഇന്ത്യന്‍ ഡിഫന്‍സ് അക്കൗണ്ട്‌സ് സര്‍വീസ് (ഐ.ഡി.എ.എസ്), ഇന്ത്യന്‍ ഡിഫന്‍സ് എസ്റ്റേറ്റ് സര്‍വീസ് (ഐ.ഡി.ഇ.എസ്), ഇന്ത്യന്‍ ഇന്‍ഫര്‍മേഷന്‍ സര്‍വീസ് (ഐ.ഐ.എസ്), ഇന്ത്യന്‍ ഓര്‍ഡനന്‍സ് ഫാക്ടറി സര്‍വീസ് (ഐ.ഒ.എഫ്.എസ്).

കേരളത്തിന്റെ പച്ചപ്പ് നിലനിര്‍ത്താനുള്ള പോരാട്ടത്തില്‍ മലയാളിയുടെ കയ്യടി നേടി സര്‍വ്വീസില്‍ വരവറിയിച്ച ഐ.എ.എസുകാരി. സ്‌റ്റെതസ്‌കോപ്പുമായി സിവില്‍ സര്‍വ്വീസ് പടവുകളിലേക്ക് ഒന്നാമൂഴത്തില്‍ തന്നെ രണ്ടാം റാങ്കിന്റെ തിളക്കവുമായി നടന്നുകയറിയ പ്രതിഭ. എറണാകുളം അസിസ്റ്റന്റ് കലക്ടര്‍, തൃശൂര്‍ സബ്കലക്ടര്‍, ദേവീകുളം സബ് കലക്ടര്‍, കേന്ദ്ര പട്ടികവര്‍ഗ മന്ത്രാലയം അസിസ്റ്റന്റ് സെക്രട്ടറി, ചീഫ് സെക്രട്ടറി സ്റ്റാഫ് ഓഫീസര്‍, നഗരകാര്യ വകുപ്പ് ഡയറക്ടര്‍ തുടങ്ങിയ പദവികള്‍, ആലപ്പുഴ, എറണാകുളം, വയനാട് ജില്ലകളില്‍ കലക്ടര്‍.

സിവില്‍ സര്‍വീസ് പരീക്ഷ ഒരു യാത്രയായി മാറുന്നത്?

ജൂണില്‍ ആരംഭിക്കുന്ന പ്രിലിമിനറിയും ഡിസംബര്‍ ജനുവരി മാസങ്ങളിലായി നടക്കുന്ന മെയിന്‍സും ഏപ്രില്‍ മെയ് മാസങ്ങളിലെ അഭിമുഖവും ജൂലൈയിലെ റിസള്‍ട്ടും വരെ ഒരു വര്‍ഷം നീണ്ടു നില്‍ക്കുന്ന വിവിധഘട്ടങ്ങളിലെ പരീക്ഷാ തയ്യാറെടുപ്പുകള്‍ കൗതുകകരമായ ഒരു യാത്രയാണ്. യാത്രയില്‍ പോകേണ്ട സ്ഥലങ്ങളെകുറിച്ചും സഞ്ചരിക്കേണ്ട വഴികളെ കുറിച്ചും കൃത്യമായ ധാരണ ആവശ്യമാണ്. ലക്ഷ്യത്തിലേക്കുള്ള ഏറ്റവും അനുയോജ്യവും സുഗമവുമായ വഴി തെരഞ്ഞെടുക്കാനായാലേ യാത്ര യഥാസമയത്ത് ലക്ഷ്യസ്ഥാനത്തെത്തൂ. പലയിടങ്ങളിലും വഴി ചോദിക്കേണ്ട സാഹചര്യത്തില്‍ മുന്‍നടന്നവരുടെ അനുഭവങ്ങള്‍ നമുക്ക് വഴികാട്ടിയാവും. സിവില്‍ സര്‍വീസിനെ കുറിച്ച് അറിവുള്ളവരും മുമ്പ് ആ വഴിയില്‍ സഞ്ചരിച്ചവരോടുമാണ് ഉപദേശം തേടേണ്ടത്. കൃത്യമായ വഴിയറിയാത്തവര്‍ നല്‍കുന്ന വിവരങ്ങള്‍ നമ്മുടെ വഴി തെറ്റിച്ചേക്കും. അതുപോലെ തന്നെയാണ് സിവില്‍ സര്‍വ്വീസ് പരീക്ഷയും. കൃത്യമായ തയ്യാറെടുപ്പുകളുമായി നടത്തുന്ന യാത്ര പോലെയാണത്. വ്യക്തമായ ലക്ഷ്യബോധം സിവില്‍ സര്‍വീസ് പരീക്ഷക്ക് അനിവാര്യമാണ്. യാത്ര രസകരമാക്കുന്നത് മനോഹരമായ കാഴ്ചകളും അനുഭവങ്ങളുമാണ്. യാത്രയിലേതുപോലെ പുതിയ അറിവുകളും സൗഹൃദങ്ങളും പ്രദാനം ചെയ്യുനതിനാലാണ് സിവില്‍ സര്‍വീസ് പരീക്ഷയും യാത്രയായി മാറുന്നത്.

വിജയ രഹസ്യം?

കൂടുതല്‍ സമയം പഠിക്കുന്നത് കൊണ്ട് സിവില്‍ സര്‍വീസ് പരീക്ഷ പാസാവണമെന്നില്ല. ചിട്ടയായ തയ്യാറെടുപ്പാണ് പ്രധാനം. സൂര്യന് കീഴിലെ എല്ലാ വിഷയങ്ങളും പഠിക്കുകയെന്നത് സാധ്യമല്ല. ഗ്രാജുവേഷന്‍ കഴിഞ്ഞ ഒരാള്‍ക്ക് പരമാവധി ഒരു വര്‍ഷത്തില്‍ താഴെ മാത്രമാണ് പരീക്ഷക്കൊരുങ്ങാന്‍ സമയം ലഭിക്കുക. ഈ സമയത്തിനുള്ളില്‍ എന്ത് പഠിക്കണം എന്ന് കൃത്യമായി മനസ്സിലാക്കി അതില്‍ ഫോക്കസ് ചെയ്യണം. ഹാര്‍ഡ് വര്‍ക്കിനെക്കാളും സ്മാര്‍ട്ട് വര്‍ക്കാണ് ഗുണം ചെയ്യുക. പരീക്ഷക്ക് സമാനമായി എഴുതി പഠിക്കുന്നതും അഭിമുഖത്തിന് മുന്നൊരുക്കമായി മോക് ഇന്റര്‍വ്യൂവില്‍ പങ്കാളികളാവുന്നതും വഴി എളുപ്പമാക്കും. പഠിക്കുന്നതിനും വായിക്കുന്നതിനുമപ്പുറം ഏത് വിഷയത്തിലും സ്വന്തമായ കാഴ്ചപാടുകള്‍ വളര്‍ത്തി എടുക്കുന്നതും സിവില്‍ സര്‍വീസിലേക്കുളള ദൂരം കുറയ്ക്കും.

ഐഛിക വിഷയം മലയാളമായതിന് പിന്നില്‍?

സിവില്‍ പരീക്ഷ എഴുതിയത് ഇംഗ്ലീഷിലാണെങ്കിലും ഐഛിക വിഷയമായി തെരഞ്ഞെടുത്തത് മലയാളമായിരുന്നു. ഇംഗ്ലീഷ് മീഡിയം സ്‌കൂളിലായിരുന്നതിനാല്‍ മലയാളം കൂടുതലായി പഠിക്കാന്‍ അവസരം കുറവായിരുന്നു. പത്താം തരം വരെ ഒരു വിഷയം മാത്രമാണ് മലയാളത്തില്‍ പഠിച്ചത്. പ്ലസ്ടുവില്‍ ഹിന്ദിയാണ് തെരഞ്ഞെടുത്തത്. എം.ബി.ബി.എസില്‍ ഭാഷാപഠനം ആവശ്യവുമുണ്ടായിരുന്നില്ല. എന്നാലും ഈ പരിമിതികളെ മറികടക്കാനായത് ചെറുപ്പം മുതലേ തുടര്‍ന്നുപോന്നിരുന്ന മലയാള പുസ്തകങ്ങളോടുള്ള ചങ്ങാത്തമാണ്. നല്ല വായനയും ചെറിയ രീതിയില്‍ എഴുത്തും വശമുണ്ടായിരുന്നതിനാല്‍ നന്നായി ശോഭിക്കാന്‍ കഴിയുമെന്ന ആത്മവിശ്വാസം കൊണ്ടാണ് മലയാളം തെരഞെടുത്തത്.

പത്രവായന ശീലിച്ചതും ഉപകരിച്ചതും?

പത്രം മുഴുവനായും കൃത്യമായും മുടങ്ങാതെയും വായിക്കുന്ന ശീലം അച്ഛനുണ്ടായിരുന്നു. അമ്മയും പുസ്തകങ്ങളും ലേഖനങ്ങളും വായിക്കാറുണ്ടായിരുന്നു. പത്രം വായിക്കാന്‍ ഇരുവരും പ്രോത്സാഹിപ്പിച്ചിരുന്നു. സ്‌കൂള്‍ തലത്തില്‍ പഠിക്കുമ്പോള്‍ സാധാരണ രീതിയിലുള്ള വായനയാണ് നടന്നിരുന്നത്. കോളജില്‍ എത്തിയതിന് ശേഷമാണ് ആഴത്തിലുള്ള പത്രവായന ശീലിച്ചത്. ചുറ്റുപാടുകളും നടക്കുന്ന കാര്യങ്ങളെക്കുറിച്ചുള്ള അടിസ്ഥാന ധാരണ പത്രവായനയില്‍ നിന്ന് ലഭിച്ചിരുന്നു. ഇംഗ്ലീഷ് – മലയാളം പത്രങ്ങളിലെ എഡിറ്റോറിയലുകളും ലേഖനങ്ങളും പരീക്ഷക്ക് ഉപകരിച്ചിട്ടുണ്ട്. സിവില്‍ സര്‍വീസ് തയ്യാറെടുപ്പില്‍ പത്രവായനക്ക് വലിയ പ്രാധാന്യമുണ്ട്. ലോക്കല്‍ ന്യൂസുകളോ സെന്‍സേഷനല്‍ വാര്‍ത്തകളോ അത്തരം ചിത്രങ്ങളോ സിവില്‍ സര്‍വ്വീസ് പരീക്ഷക്ക് പ്രധാനപ്പെട്ടവയല്ല. സര്‍ക്കാരിന്റെ വിവിധ പോളിസികള്‍, പ്രോജക്ടുകള്‍, സാമൂഹിക ചലനങ്ങള്‍, രാഷ്ട്രങ്ങള്‍ തമ്മിലുള്ള നയതന്ത്ര ബന്ധങ്ങള്‍ തുടങ്ങിയ കാര്യങ്ങളാണ് പത്രവായനയില്‍ ശ്രദ്ധിക്കേണ്ടത്.

അഭിമുഖം; അനുഭവം?

ചോദ്യവും ഉത്തരവും എന്ന ശൈലിയിലുള്ള മറ്റു ഇന്റര്‍വ്യൂകളില്‍ നിന്നും വിഭിന്നമാണ് സിവില്‍ സര്‍വീസിലെ അഭിമുഖം. പ്രിലിംസ് – മെയിന്‍സ് പരീക്ഷകളില്‍ നമ്മുടെ അറിവ് പരീക്ഷിച്ചു കഴിഞ്ഞതിനാല്‍ ഇന്റര്‍വ്യൂവില്‍ നമ്മുടെ വ്യക്തിത്വമാണ് അളക്കപെടുക. ചെറിയ പ്രായത്തില്‍ തന്നെ സമൂഹത്തിലെ വലിയ പദവിയിലേക്ക് ഉദ്യോഗാര്‍ത്ഥികള്‍ യോഗ്യരാണോ എന്നാണ് യു.പി.എസ്.സി പരിശോധിക്കുന്നത്. അത് കൊണ്ട് തന്നെ പക്വതയും സമൂഹത്തിലെ എല്ലാ വിഭാഗത്തില്‍ പെട്ടവരോടും നിഷ്പക്ഷമായി ഇടപെടാന്‍ കഴിവുണ്ടോയെന്നും പ്രതിസന്ധി ഘട്ടത്തില്‍ മികച്ച പരിഹാരം നിര്‍ദേശിക്കാനുള്ള കാര്യശേഷിയുണ്ടോ എന്നുമാണ് പരീക്ഷാ ബോര്‍ഡ് അംഗങ്ങള്‍ നോക്കാറുളളത്. ചോദ്യങ്ങള്‍ മനസിലാക്കി ഉത്തരങ്ങള്‍ പറയാനാണ് ശ്രമിക്കേണ്ടത്. അറിയില്ല എന്ന് പറയുന്നതിന് പകരം വിഷയത്തെക്കുറിച്ച് അറിയുമെന്ന പ്രകടനപരത തിരിച്ചടിയാവും. സത്യസന്ധമായി ചോദ്യങ്ങളോട് പ്രതികരിക്കുക എന്നത് പ്രധാനമാണ്. മുക്കാല്‍ മണിക്കൂര്‍ മാത്രം നീളുന്ന ഒരു അഭിമുഖത്തില്‍ വലിയ ഉത്തരവാദിത്വം നിര്‍വ്വഹിക്കാനുള്ള പ്രാപ്തി നമുക്കുണ്ടോ എന്നതാണ് പ്രധാനമായും പരിഗണിക്കുക. എന്നെ സംബന്ധിച്ച് അഭിമുഖം ജീവിതത്തിലെ ഏറ്റവും മനോഹരമായ നിമിഷമായിരുന്നു.

ബയോഡാറ്റയില്‍ നിന്നുള്ള ചോദ്യസാധ്യതകള്‍?

ഇന്റര്‍വ്യൂ ബോര്‍ഡിന് മുന്നിലുള്ള ബയോഡാറ്റയാണ് പരീക്ഷാര്‍ത്ഥിയെക്കുറിച്ചുള്ള പ്രാഥമികമായ വിവരം. ഉദ്യോഗാര്‍ത്ഥി യു.പി.എസ്.സി ബോര്‍ഡിന് സമര്‍പ്പിക്കുന്ന ഈ ബയോഡാറ്റയുടെ അടിസ്ഥാനത്തില്‍ നിന്നാണ് പ്രധാനമായും ചോദ്യങ്ങള്‍ തുടങ്ങുന്നത്. പരീക്ഷാര്‍ത്ഥിയുടെ പ്രധാനപ്പെട്ട വിവരങ്ങളെല്ലാം സത്യസന്ധമായി വേണം ബയോഡാറ്റയില്‍ ഉള്‍ക്കൊള്ളിക്കാന്‍. പഠിച്ച വിദ്യാലയങ്ങള്‍, കോളജുകള്‍, തെരഞ്ഞെടുത്ത വിഷയം, ഹോബികള്‍, കുടുംബം, ആഗ്രഹങ്ങള്‍ തുടങ്ങിയ കാര്യങ്ങള്‍ കൃത്യമായി വിവരിക്കണം. നല്‍കിയ വിവരങ്ങളെക്കുറിച്ച് വ്യക്തമായ ധാരണയുണ്ടാവേണ്ടത് അത്യാവശ്യമാണ്. മറ്റൊരു പ്രധാനപ്പെട്ട കാര്യം ബയോഡാറ്റ നൂറുശതമാനം സത്യസന്ധമായിരിക്കണം. ഇല്ലാത്ത കാര്യങ്ങളെപറ്റി എഴുതിയാല്‍, അതേക്കുറിച്ചുള്ള ആഴത്തിലുള്ള ചോദ്യങ്ങളെ നേരിടാന്‍ എത്ര മുന്‍കരുതലെടുത്താലും നമുക്ക് കഴിയാതെ വരും.

എസ്സേ പേപ്പര്‍ മികവുറ്റതാക്കാനുള്ള മാര്‍ഗങ്ങള്‍?

എസ്സേ എഴുത്ത് ഒരു കലയാണ്. പരീക്ഷാര്‍ത്ഥിയുടെ ഇംഗ്ലീഷ് ഭാഷയിലുള്ള വൈദഗ്ധ്യത്തിന് പ്രാധാന്യം ലഭിക്കുന്ന പേപ്പര്‍ കൂടിയാണിത്. നേരത്തേ 250 മാര്‍ക്കിനുള്ള എസ്സേക്ക് ഒരു വിഷയമാണ് ഉണ്ടായിരുന്നത്. ചില വര്‍ഷങ്ങളില്‍ രണ്ടോ മൂന്നോ വിഷയങ്ങളായി വിഭജിക്കാറുണ്ട്. ചോദ്യം കണ്ടാലുടന്‍ എഴുതുന്നതിന് പകരം ചോദ്യത്തെക്കുറിച്ച് അപഗ്രഥനം ചെയ്ത് മനസ്സില്‍ ഒരാശയം രൂപപ്പെടുത്താനാണ് ശ്രമിക്കേണ്ടത്. കുറേയേറെ എഴുതിയത് കൊണ്ട് കൂടുതല്‍ മാര്‍ക്ക് കിട്ടണമെന്നില്ല. അടുക്കും ചിട്ടയോടും ഓരോ പാരഗ്രാഫാക്കി ആശയങ്ങളുടെ തുടര്‍ച്ച ചോരാതെ വേണം എഴുതാന്‍. ഒരു കഥ വായിക്കും പോലെ നാമെഴുതുന്നത് വായിക്കുന്നയാള്‍ക്ക് കാര്യങ്ങള്‍ ഗ്രാഹ്യമാവുന്ന രീതിയില്‍ എഴുതേണ്ടത് പ്രധാനമാണ്. ഇംഗ്ലീഷില്‍ പരന്ന വായനയും എഴുതാനുള്ള കഴിവും വളര്‍ത്തിയെടുക്കുന്നത് എസ്സേ എളുപ്പമാക്കും.

സിവില്‍ സര്‍വീസില്‍ മലയാളി മുന്നേറ്റം?

മുന്‍വര്‍ഷങ്ങളില്‍ വിരലിലെണ്ണാവുന്ന മലയാളികള്‍ മാത്രം ജയിച്ചിരുന്ന സിവില്‍ സര്‍വ്വീസ് പരീക്ഷയില്‍ ആദ്യ റാങ്കുകളടക്കം നേടുന്ന അവസ്ഥയിലേക്കുള്ള മാറ്റമാണ് ഇപ്പോള്‍ കാണാന്‍ കഴിയുന്നത്. ജനസംഖ്യയും ഭൂവിസ്തൃതിയും താരതമ്യാടിസ്ഥാനത്തില്‍ പരിശോധിക്കുമ്പോള്‍ മലയാളികളുടെ നേട്ടം ബോധ്യമാവും. അതേ സമയം ഭൂരിപക്ഷം പേരും അഭിമുഖത്തിലാണ് തട്ടിത്തടഞ്ഞുവീഴുന്നത്. നല്ല അറിവുണ്ടെങ്കിലും കൃത്യമായ ആശയവിനിമയത്തിന്റെ പോരായ്മയാണ് കൂടുതല്‍ പേര്‍ക്കും വിനയാവുന്നത്. ഒരേസമയം പല പരീക്ഷകള്‍ക്കും വേണ്ടിയുള്ള തയ്യാറെടുപ്പും പ്രതികൂലമാവും. ഈ പോരായ്മകള്‍ പരിഹരിക്കാനായാല്‍ മലയാളികള്‍ക്ക് ഇതിലും മികച്ച മുന്നേറ്റം സാധ്യമാവും.

സിവില്‍ സര്‍വീസ് പരീക്ഷയും മറ്റു പരീക്ഷകളും തമ്മിലുള്ള വ്യത്യാസം?

ഒരേ വിഷയമാണെങ്കില്‍ പോലും യൂനിവേഴ്‌സിറ്റി – സിവില്‍ സര്‍വ്വീസ് പരീക്ഷകളിലെ ചോദ്യങ്ങള്‍ തമ്മില്‍ പ്രകടമായ വ്യത്യാസമുണ്ടാവും. നേരിട്ടൊരു ചോദ്യവും ഉത്തരവും എന്ന രീതിയില്‍ ഒരിക്കലും സിവില്‍ സര്‍വ്വീസ് പരീക്ഷയില്‍ ചോദ്യങ്ങളുണ്ടാവില്ല. ആദ്യ നോട്ടത്തില്‍ ഒരേ ചോദ്യമാണെന്ന് തോന്നുമെങ്കിലും രണ്ടാംവായനയില്‍ വ്യത്യാസം മനസ്സിലാവും. നമ്മളില്‍ നിന്ന് കുറേ വിവരങ്ങളല്ല, മറിച്ച് ഒരു വിഷയത്തില്‍ നമ്മളില്‍ നിന്നും അപഗ്രഥനവും കാഴ്ചപ്പാടുമാണ് ചോദ്യമായി വരുന്നത്. ചോദ്യങ്ങള്‍ മനസ്സിലാക്കാതെ എത്ര ഗംഭീരമായി ഉത്തരമെഴുതിയാലും മാര്‍ക്ക് ലഭിക്കാതെ വരും. യൂനിവേഴ്‌സിറ്റി പരീക്ഷയില്‍ ചോദ്യവുമായി ബന്ധപ്പെട്ട ഏകദേശ വിവരങ്ങള്‍ക്ക് ആനുപാതികമായി മാര്‍ക്ക് ലഭിക്കുന്നിടത്ത്, സിവില്‍ സര്‍വ്വീസ് പരീക്ഷയില്‍ വ്യക്തമായ ഉത്തരമല്ലെങ്കില്‍ യാതൊരു മാര്‍ക്കും കിട്ടില്ല. മറ്റ് പരീക്ഷകളെല്ലാം ദിവസങ്ങള്‍ക്കകം അവസാനിക്കുമെങ്കിലും സിവില്‍ സര്‍വ്വീസ് പരീക്ഷ ഒരു വര്‍ഷം നീണ്ടുനില്‍ക്കുന്നതിനാല്‍ അതിന്റെ ഒരു ഘട്ടത്തിലും പരീക്ഷയോടുള്ള താല്‍പര്യം കുറഞ്ഞ് പിന്‍മാറാന്‍ കഴിയില്ല. മറ്റെല്ലാ പരീക്ഷകളിലും ഒരു നിയതമായ മാര്‍ക്കുണ്ടെങ്കില്‍ വിജയിക്കും. എന്നാല്‍ സിവില്‍ സര്‍വ്വീസ് എലിമിനേഷന്‍ സ്ട്രാറ്റജിയിലുള്ള പരീക്ഷയായതിനാല്‍ നിശ്ചിത ആളുകളുടെ എണ്ണം തികഞ്ഞാല്‍ മറ്റെല്ലാവരും പുറത്താക്കപ്പെടും.

പഠനത്തിന് സോഷ്യല്‍ മീഡിയകള്‍ മാത്രം മതിയാവുമോ?

മാതാ പിതാ ഗൂഗിള്‍ ദൈവം എന്നാണല്ലോ ന്യുജന്‍ ആപ്തവാക്യം. എന്നാല്‍ പഠനകാര്യത്തില്‍ സോഷ്യല്‍ മീഡിയക്ക് വളരെ ചെറിയ ഒരു റോള്‍മാത്രമാണുള്ളത്. സോഷ്യല്‍ മീഡിയയില്‍ വരുന്ന വാര്‍ത്തകളും മറ്റും ശരിയാണന്നതിന് യാതൊരു തെളിവുമില്ല. അതേസമയം പുസ്തകങ്ങളും, പത്രങ്ങളും മാസികകളും ഇപ്പോഴും വിവരശേഖരണത്തിനുള്ള പ്രധാനപ്പെട്ട മാര്‍ഗങ്ങളാണ്. അതോടൊപ്പം ഇന്റര്‍നെറ്റ് നല്ലരീതിയില്‍ സഹായകമാവും. സിവില്‍ സര്‍വ്വീസ് കേന്ദ്രീകരിച്ച് വരുന്ന മികച്ച ബ്ലോഗുകളും വലിയ ജേണലുകളുടെ ഓണ്‍ലൈന്‍ പതിപ്പുകളും വായിക്കാന്‍ കിട്ടും. ഇവ പരീക്ഷയെ നല്ല രീതിയില്‍ സഹായിക്കും. പരീക്ഷക്കൊരുങ്ങുന്നവരുമായി ആശയവിനിമയത്തിന് മാത്രം സോഷ്യല്‍ മീഡിയയെ ആശ്രയിക്കുന്നതായിരിക്കും ഉചിതം.

ഹിമവാനെ തൊട്ടപ്പോള്‍..

മസൂറി അക്കാദമിയിലെ ഏറ്റവും ആകര്‍ഷകമായ ഒന്നാണ് ഹിമാലയന്‍ ട്രക്കിംഗ്. സിംപിള്‍, ഡിഫിക്കല്‍റ്റ് ട്രക്കിംഗ് എന്നിങ്ങനെയുള്ള രണ്ട് തരത്തിലുള്ള ട്രക്കില്‍ ഞാന്‍ തെരഞ്ഞെടുത്തത് ഡിഫിക്കല്‍റ്റ് ട്രക്കാണ്. വലിയ ട്രക്കിംഗിന്റെ മുന്നൊരുക്കത്തിന്റെ ഭാഗമായി ചെറിയ ട്രക്കിംഗുകള്‍ നേരത്തേ നടക്കും. പങ്കെടുക്കുന്നവരുടെ ശാരീരിക ക്ഷമതക്കനുസരിച്ചാണ് ട്രക്കിംഗ് തെരഞ്ഞെടുക്കാറുള്ളത്. പത്ത് ദിവസത്തോളം നീളുന്നതാണ് ഹിമാലയന്‍ ട്രക്ക്. 19 പേരടങ്ങുന്ന എന്റെ ഗ്രൂപ്പ് പ്രധാനമായും കേദാര്‍നാഥ്, ഗംഗോത്രി എന്നിവിടങ്ങളിലേക്ക് നടന്നുകയറിയത്. മഞ്ഞുമലയില്‍ നിന്നുരുകി ഗംഗയുല്‍ഭവിക്കുന്നയിടമാണ് ഗംഗോത്രി. ജീവിതത്തിലെ ഏറ്റവും സാഹസികം നിറഞ്ഞ ഈ യാത്ര നല്‍കിയ ആത്മവിശ്വാസം വലുതായിരുന്നു. ഹിമാലയം മഞ്ഞില്‍പൊതിഞ്ഞിരുന്ന നവംബറിലായിരുന്നു യാത്ര.

പ്രളയത്തിലെ മലവെള്ളപ്പാച്ചിലും ബ്രഹ്മപുരത്തെ തീച്ചൂടും മെയ്‌വഴക്കത്തോടെ നേരിട്ട ഇലക്ട്രിക് എഞ്ചിനയറായ ഐ.എ.എസ് ഉദ്യോഗസ്ഥന്‍. 2015 ഐ.എ.എസ് ബാച്ച്. പാലക്കാട് അസിസ്റ്റന്റ് കലക്ടര്‍, വയനാട് സബ് കലക്ടര്‍, ചീഫ് സെക്രട്ടറി സ്റ്റാഫ് ഓഫീസര്‍, ഇന്‍ഡസ്ര്ടിയില്‍ ഡവലെപ്‌മെന്റ് കോര്‍പറേഷന്‍ എക്‌സിക്യൂട്ടീവ് ഡയറക്ടര്‍ തുടങ്ങിയ പദവികള്‍. നിലവില്‍ എറണാകുളം ജില്ലാ കലക്ടര്‍.

എന്‍.എസ്.കെ ഉമേഷ് ഐ.എ.എസ്/
പി. ഇസമായില്‍

സിവില്‍ സര്‍വ്വീസ് യാത്ര?

2010ല്‍ എഞ്ചിനീയറിംഗിനു പഠിക്കുന്ന സമയത്ത് ഹോസ്റ്റലില്‍ എന്റെ സീനിയറായ അരുണ്‍ കുമാറില്‍ നിന്നാണ് സിവില്‍ സര്‍വീസ് പരീക്ഷയെകുറിച്ച് അറിയുന്നത്. പ്രയാസമേറിയ ഇലക്ട്രോണിക് എഞ്ചിനീയറിങ് പഠി ക്കുന്ന കൂട്ടത്തില്‍ ജോഗ്രഫിയും ഹിസ്റ്ററിയും പഠിക്കുന്ന അരുണ്‍ കുമാറിനെ കണ്ടപ്പോള്‍ എനിക്ക് ആശ്ചര്യം തോന്നി. അരുണ്‍ സിവില്‍ സര്‍വീസ് പരീക്ഷക്കുള്ള തയ്യാറെടുപ്പിലായിരുന്നു. സിവില്‍ സര്‍വീസ് പരീക്ഷയെ കുറിച്ചും സിലബസിനെ സംബന്ധിച്ചും മനസിലായപ്പോള്‍ എനിക്കും എഴുതണമെന്നു തോന്നി. ജോലിയെക്കുറിച്ചല്ല സിവില്‍സര്‍വ്വീസ് പരീക്ഷയെക്കുറിച്ചായിരുന്നു അപ്പോള്‍ ചിന്തിച്ചത്. ചെറിയ പ്രായത്തില്‍ തന്നെ ഹിസ്റ്ററിയും പൊളിറ്റിക്സും എനിക്ക് ഇഷ്ടമായിരുന്നു. സിലബസ് പരിശോധനയില്‍ ആ വിഷയങ്ങളുടെ പ്രാധാന്യം തിരിച്ചറിയുകയും ചെയ്തു. കോളജില്‍ വെച്ച് ക്യാമ്പസ് ഇന്റര്‍വ്യു നടക്കുന്ന സമയത്തായിരുന്നു ഇത്. ആ സമയത്ത് തന്നെ നിര്‍ണായകമായ ഒരു തീരുമാനം എനിക്ക് എടുക്കേണ്ടിവന്നു. കൂട്ടുകാരെല്ലാം ക്യാമ്പസ് ഇന്റര്‍വ്യുവില്‍ പങ്കെടുത്തു ജോലി തരപ്പെടുത്തിയപ്പോള്‍ സിവില്‍സര്‍വ്വീസ് പരീക്ഷ എഴുതാനായിരുന്നു എന്റെ തീരുമാനം.

കുടുംബത്തിന്റെ പിന്തുണ

ക്യാമ്പസ് ഇന്റര്‍വ്യു അറ്റന്‍ഡ് ചെയ്താല്‍ ഉറപ്പായും കിട്ടുമായിരുന്ന ജോലി വേണ്ടന്നു വെച്ചാണ് ഞാന്‍ സിവില്‍ സര്‍വീസ് പരീക്ഷയുടെ തയ്യാറെടുപ്പ് തുടങ്ങിയത്. 2011ലും 2012ലും പരീക്ഷയില്‍ പരാജയപെട്ടു. കൂട്ടുകാരാണെങ്കില്‍ വലിയ ജോലി നേടി യൂറോപ്പിലേക്കും അമേരിക്കയിലേക്കും കൂടുമാറി. പക്ഷെ അപ്പോഴും എന്റെ മാതാപിതാക്കള്‍ പൂര്‍ണ്ണമായും എന്നോടൊപ്പം നിന്നു. ആ പിന്തുണ കൊണ്ടാണ് ജോലി ഇല്ലാതെ മൂന്ന് കൊല്ലം പരീക്ഷക്കൊരുങ്ങാന്‍ എനിക്ക് കഴിഞ്ഞത്. ഒരു ഘട്ടത്തിലും അവര്‍ ജോലിയെ കുറിച്ച് ചോദിച്ചു സമ്മര്‍ദം ഉണ്ടാക്കിയിട്ടില്ല. ബാങ്ക് ജോലിക്കാരായ അച്ഛനും അമ്മയ്ക്കും ഐ.എ.എസിന്റെ മഹത്വം അറിയാമായിരുന്നു. സിവില്‍ എഞ്ചിനീയറായ മൂത്ത സഹോദരന്‍ ഓംകാറും കൂടെ നിന്നു. അവര്‍ അനുവദിച്ച സ്വാതന്ത്രവും എന്നില്‍ അര്‍പ്പിച്ച വിശ്വാസവും വിജയത്തില്‍ നിര്‍ണായകമായിട്ടുണ്ട്.

റിസള്‍ട്ട് ദിവസത്തെ അനുഭവങ്ങള്‍

റിസള്‍ട്ട് വരുന്ന ദിവസം സഹോദരനും അദ്ദേഹത്തിന്റെ ഭാര്യക്കുമൊപ്പം കോയമ്പത്തൂരിലായിരുന്നു. അന്ന് ഉച്ചക്ക് ഫലം പ്രഖ്യാപിക്കുമെന്ന് രാവിലെ വെബ്‌സൈറ്റില്‍ നിന്നും അറിഞ്ഞു. ഫലം വന്നപ്പോള്‍ ദേശീയതലത്തില്‍ 77ാം റാങ്കോടെ പാസായിരിക്കുന്നു. മൂന്ന് കൊല്ലത്തെ തൊഴില്‍ രഹിതനെ സംബന്ധിച്ചു ജയം എല്ലാം കൊണ്ടും വലിയ ആശ്വാസമായിരുന്നു. 2015 ജൂലൈ നാലിനായിരുന്നു അത്. പത്രങ്ങളില്‍ വലിയ വാര്‍ത്ത വന്നു. എന്റെ അഛനുമമ്മയും ആ സമയം മധുരയിലായിരുന്നു. മധുരയില്‍ നിന്ന് അക്കൊല്ലം ഐ.എ.എസ് നേടിയ രണ്ടുപേരാണുണ്ടായിരുന്നത്. പിറ്റേന്ന് പത്രത്തില്‍ എന്റെ ഫോട്ടോയോട് ചേര്‍ന്നു ജയിച്ച വിഘ്‌നേശ്വരിയുടെ ഫോട്ടോയും കൂടെ ഉണ്ടായിരുന്നു. ജീവിത യാത്രയില്‍ അവള്‍ എന്റെ ഭാര്യയായി (നിലവില്‍ കോട്ടയം ജില്ലാ കലക്ടറാണ് വിഘ്‌നേശ്വരി). ഫലം വന്ന ഉടനെ സിവില്‍ സര്‍വ്വീസ് ലോകത്തേക്ക് പ്രചോദനമായ അരുണ്‍ കുമാറിനെ വിളിച്ചു. എന്റെ കാര്യത്തില്‍ അരുണിന് എന്നെക്കാളും വിശ്വാസമായിരുന്നു. അവനിപ്പോള്‍ ബെംഗലൂരുവില്‍ ഐ.ആര്‍.എസുകാരനായി സേവനമനുഷ്ടിക്കുകയാണ്.

മസൂറി ഇന്ത്യയായി മാറുന്ന അനുഭവം.

മസൂറിയില്‍ ഫൗണ്ടേഷന്‍ കോഴ്‌സ് ആണ് നടക്കാറുള്ളത്. ഐ.എ.എസ്, ഐ.പി.എസ്, ഐ.എഫ്.എസ് തുടങ്ങിയ സര്‍വീസിലേക്ക് തെരഞ്ഞെടുക്കപെട്ട 350 പേരായിക്കും ആദ്യഘട്ട പരിശീലനത്തിലുണ്ടാവുക. പിന്നീട് ഐ.എ.എസുകാര്‍ക്ക് മാത്രമായി പരിശീലനം മാറും. ഭാഷയിലും വേഷത്തിലും ഭക്ഷണത്തിലും ഏറെ വ്യത്യാസം പുലര്‍ത്തുന്ന കന്യാകുമാരി മുതല്‍ കശ്മീര്‍ വരെയുള്ള സ്ഥലങ്ങളില്‍ നിന്ന് വരുന്നവരാണ് മൂന്ന് മാസം ഒന്നിച്ചു ജീവിക്കുന്നത്. ഏതെങ്കിലും ഒരു സംസ്ഥാനത്തിന്റെ ആളുകളല്ല. നമ്മള്‍ എല്ലാവരും ഇന്ത്യക്കാരാണ് എന്ന അവബോധം പകരല്‍ കൂടിയാണ് പരിശീലനത്തിന്റെ ലക്ഷ്യം.

കേരളത്തോടുള്ള ഇഷ്ടം

കേരളവും തമിഴ്‌നാടും തമ്മില്‍ ഹൃദയബന്ധമുള്ള സംസ്ഥാനങ്ങളാണ്. കേരളത്തിന്റെ കുറെ ഭാഗങ്ങള്‍ നേരത്തെ തമിഴ്‌നാടിനൊപ്പം ആയിരുന്നു. മലയാളം ഭാഷയുടെ വേര് തമിഴാണ്. കേരളത്തിന്റെ സംസ്‌കാരവും ടൂറിസവും ഭക്ഷണവും നേരത്തെ ഇഷ്ടമാണ്. വയനാട്ടില്‍ ജോലി ചെയ്യുമ്പോഴാണ് കേരളീയരുടെ സ്‌നേഹവും കൂട്ടായ്മയും കൂടുതലായി അറിഞ്ഞത്. എല്ലാകാര്യങ്ങളും പഠിച്ച് ചെയ്യുന്ന, നല്ല പെരുമാറ്റവും സൗഹൃദമനോഭാവവുമുള്ളവരാണ് കേരളീയര്‍. ഭാര്യ വിഘ്‌നേശ്വരി ഉത്തര്‍പ്രദേശ് കേഡറില്‍ ആയിരുന്നു. വെവ്വേറെ കേഡറുകളിലുള്ള ഐ.എ.എസ് ദമ്പതികള്‍ക്ക് ഏതെങ്കിലും ഒരു സംസ്ഥാനത്തേക്ക് മാറാനുള്ള അവസരമുണ്ട്. എനിക്ക് വേണമെങ്കില്‍ യു.പി യിലേക്ക് പോകാമായിരുന്നു. പകരം ഭാര്യ കേരള കേഡറിലേക്ക് വരാന്‍ കാരണം രണ്ടു പേര്‍ക്കും കേരളത്തോടുള്ള ഇഷ്ടം കൊണ്ടാണ്.

കളക്ടറുടെ മറ്റ് പദവികള്‍

ജില്ലാ ദുരന്ത നിവാരണ അതോറിറ്റി ചെയര്‍മാന്‍, തദ്ദേശ സ്വയം ഭരണ സ്ഥാപനങ്ങളുടെ പദ്ധതികള്‍ക്ക് അംഗീകാരം നല്‍കുന്ന ജില്ലാ ആസൂത്രണ സമിതി മെമ്പര്‍ സെക്രട്ടറി, എം.എ.എല്‍മാരുടെ പദ്ധതി വിലയിരുത്തുന്ന ജില്ലാ വികസന സമിതി കണ്‍വീനര്‍, പി.ഡബ്ല്യൂ.ഡി ഇപ്ലിമെന്റേഷന്‍ കമ്മിറ്റി ചെയര്‍മാന്‍, ജില്ലാ നിര്‍മിതി കേന്ദ്രം ചെയര്‍മാന്‍, വേസ്റ്റ് മാനേജ്‌മെന്റ് കമ്മിറ്റി ചെയര്‍മാന്‍, ഡിജിറ്റല്‍ സര്‍വേ ചെയര്‍മാന്‍, കാപ്പ കമ്മിറ്റി മെമ്പര്‍ തുടങ്ങിയ നിരവധി സര്‍ക്കാര്‍ വകുപ്പുകളുടെ തലവന്‍ കളക്ടര്‍ ആയിരിക്കും.

ഐ.എ.എസുകാര്‍ പണി മുടക്കാറുണ്ടോ?

സര്‍ക്കാരിന്റെ നയരൂപീകരണത്തില്‍ മുഖ്യപങ്കുവഹിക്കുന്നവരാണ് ഐ.എ.എസുകാര്‍. ഡോക്ടര്‍മാരും മറ്റു സര്‍വീസില്‍ ജോലി ചെയ്യുന്നവരും ഒരേ സര്‍വീസില്‍ ജോലി ചെയ്യുന്നവരാണ്. ഐ എ എസുകാര്‍ വിവിധ ഡിപ്പാര്‍ട്ടുമെണ്ടുകളിലായി ജോലി ചെയ്യുന്നവരാണ്. സര്‍ക്കാരുമായി ഏറ്റുമുട്ടുന്നതിനു പകരം ചീഫ് സെക്രട്ടറി മുഖാന്തരം കാര്യങ്ങള്‍ സര്‍ക്കാരിനെ അറിയിക്കുകയാണ് ചെയ്യാറുള്ളത്. അതിനപ്പുറം മറ്റ് മേഖലകളിലേതുപോലെ പണി മുടക്കോ സമരമോ ചെയ്യാറില്ല. ഐ.എ.എസുക്കാര്‍ക്ക് അസോസിയേഷന്‍ ഉണ്ട്. ഓണ്‍ലൈന്‍ മുഖാന്തരമാണ് ഭാരവാഹികളെ തിരഞ്ഞെടുക്കുന്നത്.

സംതൃപ്തിയാണ് ശമ്പളം.

ശമ്പളമല്ല, മറിച്ചു ജോലിയിലെ വ്യതിരിക്തതയാണ് ഐ.എ.എസിന്റെ സവിശേഷത. അതുകൊണ്ടാണ് വലിയ തുക ശമ്പളത്തില്‍ ജോലി ചെയ്യുന്നവര്‍ പോലും രാജിവെച്ച് സിവില്‍ സര്‍വ്വീസ് തെരഞ്ഞെടുക്കുന്നത്. ഒരു സിവില്‍ സര്‍വ്വന്റ് സര്‍വീസില്‍ നിന്നും വിരമിക്കുന്നതിന് മുന്‍പ് പല തസ്തികകളില്‍ ജോലി ചെയ്യും. സാധാരണ ഒരു പ്രൊഫഷണലിലെ എല്ലാ ജോലിക്കും സാലറി മാത്രമാണുള്ളത്. ഐ.എ.എസിനു അത് രണ്ടാണ്. സാലറിയും കൂടെ സമൂഹത്തിന് വേണ്ടി ചെയ്യുന്ന സേവനങ്ങളിലൂടെ ലഭിക്കുന്ന ആത്മസംതൃപ്തിയും.
ഏഴാം ശമ്പള കമ്മീഷന്‍ അനുസരിച്ച് സിവില്‍ സര്‍വീസിലെ തുടക്കകാരന് ലഭിക്കുന്ന കുറഞ്ഞ വേതനം 56,100 രൂപയാണ്. ജൂനിയര്‍ സ്‌കെയില്‍, സീനിയര്‍ ടൈം സ്‌കെയില്‍, ജൂനിയര്‍ അഡ്മിനിസ്‌ട്രേറ്റീവ് തുടങ്ങിയ ഗ്രേഡില്‍ എത്ര വര്‍ഷത്തെ സര്‍വീസ് എന്നത് കണക്കാക്കി ഒന്നര ലക്ഷം വരെ തുക ഉയരും. സൂപ്പര്‍ ടൈം സ്‌കെയിലിലേക്ക് ഉയരുമ്പോള്‍ രണ്ട് ലക്ഷം വരെയാവും. അപ്പെക്‌സ് സ്‌കെയില്‍ കാബിനറ്റ് സെക്രട്ടറി നിലയിലേക്ക് എത്തുമ്പോള്‍ രണ്ടര ലക്ഷം രൂപ വരെ മാസശമ്പളം ലഭിക്കും.

ഐ.എ.എസ് ആകര്‍ഷണയീമാകുന്നത്?

ഐ.എ.എസുകാര്‍ സര്‍ക്കാരിന്റെ പോളിസി മേക്കര്‍മാരാണ്. ഉദാഹരണമായി ടൂറിസം എടുത്താല്‍ ഒരു പദ്ധതിയുടെ ആശയരൂപീകരണത്തില്‍ പങ്ക് വഹിക്കുന്ന ടൂറിസം സെക്രട്ടറിയും പദ്ധതി നടപ്പിലാക്കുന്ന ഡയറക്ടറും മോണിറ്ററിംഗ് ചെയ്യുന്ന കളക്ടറും ഐ.എ.എസുകാരാണ്. ജനപ്രതിനിധികള്‍ കഴിഞ്ഞാല്‍ ജനങ്ങള്‍ക്കൊപ്പം നിന്ന് ഏറ്റവും കൂടുതല്‍ സമയം ജോലി ചെയ്യുന്നവര്‍ ഇന്ത്യന്‍ അഡ്മിനിസ്‌ട്രേറ്റീവ് സര്‍വ്വീസാണ്. അടയാളപെടുത്തലുകള്‍ നടത്തിയ ഐ.എ.എസുകാര്‍ പുതിയ തലമുറയെ സിവില്‍ സര്‍വ്വീസിലേക്ക് ആകര്‍ഷിക്കുന്നുണ്ട്. ഡോക്ടര്‍, അധ്യാപകന്‍, എഞ്ചിനീയര്‍, അഭിഭാഷകന്‍ ഉള്‍പ്പെടെ മറ്റ് മേഖലകളില്‍ ജോലിചെയ്യുന്നവര്‍ വിരമിക്കുന്നത് വരെ അതേ മേഖലയില്‍ തന്നെ തുടരുന്നവരാണ്. അതേസമയം ഒരു ഐ.എ.എസുകാരന് അണിയാനുള്ളത് വിവിധ വേഷങ്ങളാണ്. മുന്‍കാലങ്ങളില്‍ നിന്ന് വിഭിന്നമായി ഐ.എ.എസുകാരുമായി ഇടപഴകാനും നവമാധ്യമങ്ങളിലൂടെ അവരെ കൂടുതല്‍ അറിയാന്‍ കഴിയുന്നതും സിവില്‍ സര്‍വ്വീസിനെ അഡ്മിനിസ്‌ട്രേറ്റീവ് സര്‍വ്വീസില്‍ നിന്ന് അട്രാക്റ്റീവ് സര്‍വ്വീസിലേക്ക് മാറ്റാന്‍ സഹായിച്ചിട്ടുണ്ട്.

വിദ്യാലയങ്ങളുടെ അവധി

സ്‌കൂളുകള്‍ക്ക് അവധി നല്‍കാന്‍ സ്‌കൂള്‍ ഡയരക്ടര്‍, ഡി.ഡി.ഇ, ഡി ഇ ഒ എന്നിവര്‍ക്ക് അധികാരമില്ല. കലക്ടരുടെ പ്രത്യേക അധികാരം ഉപയോഗിച്ചാണ് അവധി പ്രഖ്യപിക്കുന്നത്. ദുരന്ത നിവാരണ ലഘൂകരണത്തില്‍ സ്വീകരിക്കേണ്ട നടപടിയുടെ ഭാഗമായാണ് അവധി നല്‍കാറുള്ളത്. സ്‌കൂളുകളില്‍ നേരത്തേ ഷെഡ്യൂള്‍ ചെയ്ത പരീക്ഷകള്‍ സംബന്ധിച്ച കാര്യങ്ങളില്‍ സ്‌കൂള്‍ ഡയറക്ടരുമായി അവധി കൊടുക്കും മുമ്പേ ആശയവിനിമയം നടത്താറുണ്ട്.

വി.വി.ഐ.പി പ്രോട്ടോകോള്‍

ഇന്ത്യന്‍ പ്രസിഡന്റ്, പ്രധാനമന്ത്രി പോലെയുള്ള വി.വി.ഐ.പികളും വി.ഐ.പികളും വരുന്ന ജില്ലയില്‍ അവരെ സ്വീകരിക്കേണ്ട പ്രോട്ടോകോള്‍ ചുമതല ജില്ലാ കളക്ടര്‍ക്കാണ്. സെക്യൂരിറ്റി, താമസം, ഭക്ഷണം, ഭക്ഷണ പരിശോധന, ഉച്ചഭാഷിണി തുടങ്ങിയ കാര്യങ്ങളില്‍ മേല്‍നോട്ടം വഹിക്കുന്നതും കലക്ടറാണ്. പ്രധാന മന്ത്രി വരുന്ന സ്ഥലത്ത് താത്കാലിക ഓഫിസ് സംവിധാനം ഒരുക്കണം. ഓഫിസില്‍ കമ്പ്യൂട്ടര്‍, ലാപ്‌ടോപ്, ഇന്റര്‍നെറ്റ് സംവിധാനം തുടങ്ങിയവ ഉറപ്പു വരുത്തണം. അടിയന്തര ഘട്ടത്തില്‍ രാജ്യത്തെ അഭിസംബോധന ചെയ്യേണ്ടി വരുന്ന സാഹചര്യം കണക്കിലെടുത്താണ് ഓഫീസ് സംവിധാനം ഒരുക്കുന്നത്.

പ്രളയകാലത്തെ മറക്കാനാവാത്ത അനുഭവം

ഉരുള്‍ പൊട്ടലില്‍ 17 മനുഷ്യരുടെ ജീവന്‍ നഷ്ടപ്പെട്ട പുത്തുമലയില്‍ വയനാട് സബ് കലക്ടര്‍ എന്ന നിലയില്‍ ചിലവഴിച്ച ഇരുപത് ദിവസം എനിക്ക് മറക്കാനാവില്ല. മണ്ണിനടിയില്‍ കുടുങ്ങിയ മൃതദേഹങ്ങള്‍ക്കായി ദിവസങ്ങള്‍ നീണ്ട തിരച്ചിലുകള്‍. ഉറ്റവരില്‍ നിന്നും കിടപ്പാടമടക്കം നഷ്ടപെട്ടവരില്‍ നിന്നും ക്ഷമയുടെ ആഴം പഠിച്ചു. ഇന്നും മറക്കാനാവാത്ത പേരുകളിലൊന്നാണ് ദുരന്തത്തില്‍ കാണാതായ അണ്ണയ്യന്‍. ദുരന്തം നടന്ന് പത്താംനാള്‍ പുത്തുമലയില്‍ നിന്നും ആറു കിലോമീറ്റര്‍ മാറി സൂചിപ്പാറ വെള്ളച്ചാട്ടത്തിന് സമീപത്ത് നിന്നും ഒരു പുരുഷന്റെ മൃതദേഹം ലഭിച്ചു. തിരിച്ചറിയാന്‍ പാകത്തില്‍ കാര്യമായൊന്നുമില്ലാത്ത, മണ്ണില്‍ പൂണ്ടൊട്ടിയ മനുഷ്യശരീരാവശിഷ്ടങ്ങള്‍. സാധ്യതകള്‍ പ്രകാരം അത് കര്‍ണാടക സ്വദേശിയും പുത്തുമല എസ്റ്റേറ്റിലെ ജീവനക്കാരുനുമായ അണ്ണയ്യന്റെതാണെന്ന് മകന്‍ സുനിലും സഹോദരന്‍ ഗൗരിങ്കനും അറിയിച്ചതിനെ തുടര്‍ന്ന് മൃതദേഹം ബന്ധുക്കള്‍ക്ക് വിട്ടുകൊടുക്കുകയും ചെയ്തു.
സന്ധ്യയോടെ മേപ്പാടി മാരിയമ്മന്‍ ക്ഷേത്ര വക ശ്മശാനത്തില്‍ അവസാനവട്ട പൂജകളും പ്രാര്‍ത്ഥനകളും കഴിഞ്ഞ് മൃതദേഹം ചിതയിലേക്കെടുക്കാന്‍ നേരമാണ് മൃതദേഹത്തെക്കുറിച്ച് അവകാശവാദവുമായി അപകടത്തില്‍ കാണാതായ തമിഴ്‌നാട് സ്വദേശി ഗൗരീശങ്കറിന്റെ ബന്ധുക്കള്‍ എത്തുന്നത്. ഇതോടെ മൃതദേഹം ആരുടേതെന്നറിയാന്‍ ഡി.എന്‍.എ ടെസ്റ്റ് നടത്തേണ്ടിവന്നു. ആത്മസംഘര്‍ഷങ്ങളുടെ എട്ടുനാളുകള്‍ക്ക് ശേഷം ഫലം വന്നത് ഗൗരിശങ്കറിന്റെ ബന്ധുക്കള്‍ക്ക് അനുകൂലമായായിരുന്നു. അതോടെ മൃതദേഹം ഗൗരിശങ്കറിന്റെ ബന്ധുക്കള്‍ക്ക് വിട്ടുകൊടുക്കേണ്ടിവന്നു. അത് വരെ പ്രാര്‍ത്ഥനയോടെ കാത്തുനിന്നിരുന്ന അണ്ണയ്യന്റെ ഭാര്യ യശോദയുടെയും മകന്റെയും മുഖം ഇന്നും നോവോര്‍മ്മയായി മനസ്സിലുണ്ട്.

മാനുഷിക പരിഗണനകൊണ്ടും മാതൃകാ പദ്ധതികള്‍കൊണ്ടും മലയാളികളുടെ ഹൃദയത്തിലിടം നേടിയ ആന്ധ്രപ്രദേശ് സ്വദേശി. കുട്ടികളുടൈ കൂട്ടുകാരനും പ്രചോദകനും. സംസ്ഥാനത്തെ മികച്ച തെരഞ്ഞെടുപ്പ് ഓഫീസര്‍ക്കുള്ള പുരസ്‌കാര ജേതാവ്. 2015 ബാച്ച് ഐ.എ.എസ് ഉദ്യോഗസ്ഥന്‍. തൃശൂര്‍ അസിസ്റ്റന്റ് കലക്ടറായി തുടക്കം. ആലപ്പുഴ സബ് കലക്ടര്‍, ആലപ്പുഴ ജില്ലാ കലക്ടര്‍, ടൂറിസം വകുപ്പ് ഡയറക്ടര്‍, പട്ടികജാതി വികസന വകുപ്പ് ഡയറക്ടര്‍, കെ.ടി.ഡി.സി മാനേജിംഗ് ഡയറക്ടര്‍ തുടങ്ങിയ പദവികള്‍. നിലവില്‍ തൃശൂര്‍ ജില്ലാ കലക്ടര്‍.

കൃഷ്ണ തേജ ഐ.എ.എസ്/
പി. ഇസ്മായില്‍

ഐ.എ.എസ് സ്വപ്‌നത്തിലേക്ക്?

ഞങ്ങളുടെ ഗ്രാമത്തിലെ ആദ്യപഞ്ചായത്ത് പ്രസിഡന്റായിരുന്നു എന്റെ മുത്തഛന്‍ മൈലവരപ് ഗുണ്ടയ്യ. മുത്തഛന്റെ സേവനമികവിനുള്ള അംഗീകാരമായി എന്റെ നാട്ടിലെ പ്രധാന റോഡിനും ക്ലോക് ടവറിനും മുനിസിപ്പാലിറ്റിക്കുമൊക്കെ അദ്ദേഹത്തിന്റെ പേരാണുള്ളത്. സ്വന്തം പണവും സമയവും നാടിന് വേണ്ടി സമര്‍പ്പിച്ച രാഷ്ട്രീയക്കാരനായിരുന്നു അദ്ദേഹം. എന്റെ ഒരു കസിന്‍ ബ്രദറായ നരേന്ദ്രനാഥ് ഐ.എഫ്.എസ് ഓഫീസറുമായിരുന്നു. ഇവരുടെയൊക്കെ ജനസേവനപ്രവര്‍ത്തനങ്ങളും അതിലൂടെ അവര്‍ക്ക് ജനം ചാര്‍ത്തിക്കൊടുത്ത സ്‌നേഹവായ്പകുകളും എന്നെ ചെറുപ്പത്തിലേ ആകര്‍ഷിച്ചു. സിവില്‍ സര്‍വ്വീസ് തെരഞ്ഞെടുപ്പിലേക്കുള്ള എന്റെ തീരുമാനത്തിന് പിന്നില്‍ ഇവരുടെയൊക്കെ സ്വാധീനമുണ്ട്.

തോല്‍വിയില്‍ വഴിത്തിരിവായത്?

ഡല്‍ഹിയില്‍ സിവില്‍ എഞ്ചിനീയറായി ജോലി ചെയ്യുന്ന സമയത്ത് എന്റെ റൂംമേറ്റില്‍ നിന്നാണ് ഐ.എ.എസിനെകുറിച്ച് കൂടുതല്‍ അറിയുന്നത്. ഐ.എ.എസ് നേടി കലക്ടറായാല്‍ ഏതൊക്കെ രീതിയില്‍ ജനങ്ങളെ സേവിക്കാന്‍ കഴിയുമെന്നതിനെക്കുറിച്ചും ഈ കൂട്ടുകാരനില്‍ നിന്നാണ് ഞാനറിഞ്ഞത്. അതുവരെ എന്നെ സംബന്ധിച്ച ഏറ്റവും വലിയ സര്‍ക്കാര്‍ ഉദ്യോഗസ്ഥന്‍ തഹസില്‍ദാരായിരുന്നു. സിവില്‍ സര്‍വ്വീസ് പരിശീലനം നടത്തുകയായിരുന്ന കൂട്ടുകാരന്റെ ഒരു മണിക്കൂര്‍ നീളുന്ന കോച്ചിംഗ് സെന്ററിലേക്കുള്ള യാത്രയില്‍ കൂട്ട് പോവുന്നതിനിടെ എന്നെയും അദ്ദേഹം പ്രചോദിപ്പിച്ചു. അങ്ങനെ ഞാനും സിവില്‍ സര്‍വ്വീസ് എഴുതാന്‍ തീരുമാനിച്ചു. എന്നാല്‍ ആദ്യത്തെ മൂന്ന് ശ്രമങ്ങളിലും പരാജയമായിരുന്നു ഫലം. അതുവരെ എഴുതിയിരുന്ന പരീക്ഷകളിലെല്ലാം മികച്ച വിജയം നേടിയിട്ടും സിവില്‍ സര്‍വ്വീസ് പരീക്ഷയിലെ തുടര്‍തോല്‍വി എനിക്ക് വലിയ ആഘാതമായി. തോല്‍വിയുടെ യഥാര്‍ത്ഥ കാരണമെന്താണെന്ന് എത്ര ആലോചിച്ചിട്ടും മനസ്സിലായില്ല. ഐ.എ.എസ് ഉപേക്ഷിച്ച് വീണ്ടും പഴയ ജോലിക്ക് തന്നെ കയറി. ഈ വിവരങ്ങള്‍ സൗഹൃദവലയങ്ങളിലൊക്കെ എത്തി. സിവില്‍ സര്‍വ്വീസ് ഉപേക്ഷിക്കാനുള്ള തീരുമാനത്തെ സുഹൃത്തുക്കളെല്ലാം വിമര്‍ശിച്ചപ്പോള്‍ മൂന്ന് പേര്‍ മാത്രം അതിനെ ശരിവെക്കുകയും പ്രോത്സാഹിപ്പിക്കുകയും ചെയ്തു. തോല്‍വിയിലെ നിരാശ അവരോടും പങ്കുവെച്ചിരുന്നു. അവരാണ് മൂന്ന് പോരായ്മകളെ കുറിച്ച് എന്നോട് പറയുന്നത്. മോശം കയ്യക്ഷരമായിരുന്നു അതിലൊന്ന്. സയന്‍സ് സ്റ്റുഡന്റ് എന്ന നിലയില്‍ ചുരുക്കി എഴുതുന്നത് എസ്സേ പരീക്ഷയില്‍ തിരിച്ചടിയായിരിക്കാമെന്നതായിരുന്നു രണ്ടാമത്തെ പോരായ്മ. മൂന്നാമത്തേത് സംസാരത്തില്‍ പിശുക്ക് കാണിക്കുന്ന കാരണത്താല്‍ അഭിമുഖത്തില്‍ വേണ്ടത്ര ശോഭിക്കാന്‍ കഴിഞ്ഞിട്ടുണ്ടാവില്ലെന്നതുമായിരുന്നു. ഈ തെറ്റുകള്‍ തിരുത്തി എഴുതിയ പരീക്ഷയില്‍ മികച്ച വിജയം നേടാനായി. ജീവിതത്തില്‍ തിരുത്താനുള്ള കാര്യങ്ങള്‍ നമ്മെ സ്‌നേഹിക്കാത്തവരില്‍ നിന്നുപോലും ലഭിച്ചേക്കുമെന്നാണ് ഇതില്‍ നിന്ന് എനിക്ക് പഠിക്കാനായത്.

കയ്യക്ഷരത്തിന്റെ പ്രാധാന്യം?

നിങ്ങളാരാണെന്ന് നിങ്ങളുടെ കയ്യക്ഷരം പറയും. ഇന്ത്യയിലെ പ്രധാന മത്സര പരീക്ഷകളെല്ലാം കയ്യെഴുത്തിലൂടെയാണ് നടത്തുന്നത്. അതുകൊണ്ട് തന്നെ പരീക്ഷാവിജയത്തിലെ താക്കോല്‍സ്ഥാനമാണ് കയ്യക്ഷരത്തിനുള്ളത്. കുറിപ്പുകള്‍ തയ്യാറാക്കുന്നതിനും ഗൃഹപാഠം ചെയ്യുന്നതിലും ടെസ്റ്റുകളിലും ഏറ്റവും അടിസ്ഥാനമാണ് കയ്യക്ഷരം. ഉത്തരങ്ങള്‍ എഴുതുമ്പോള്‍ മൂല്യനിര്‍ണയം നടത്തുന്നയാള്‍ക്കും വായിക്കാവുന്ന വിധം കയ്യക്ഷരം നന്നാവല്‍ പ്രധാനമാണ്. എന്താണ് അറിയിക്കാന്‍ ആഗ്രഹിക്കുന്നതെന്ന് പ്രതിഫലിപ്പിക്കാന്‍ കയ്യെഴുത്തിലൂടെ സാധിക്കണം. എഴുതിയ ഉത്തരങ്ങളെല്ലാം സൂക്ഷ്മമായി പരിശോധിക്കേണ്ടതിനാല്‍ കയ്യക്ഷരത്തിന്റെ മികവ് നിര്‍ണായകമാണ്. മോശം കയ്യക്ഷരമാവുമ്പോള്‍ ഉത്തരം തെറ്റായി വ്യാഖ്യാനിക്കാന്‍ വരെ കാരണമായേക്കും. തീരേ ചെറിയ അക്ഷരങ്ങളില്‍ എഴുതുന്നത് ഒഴിവാക്കി, മിതമായി വലിപ്പത്തില്‍ എഴുതി ശീലിക്കണം. മത്സര പരീക്ഷയില്‍ പങ്കെടുക്കുന്ന വിദ്യാര്‍ത്ഥികള്‍, ഒരു മിനിറ്റില്‍ 30-35 വാക്കുകളെങ്കിലും എഴുതാന്‍ കഴിയുന്നവരായിരിക്കണം. ഇതിന് വായനക്കൊപ്പം തന്നെ കുറിപ്പുകളെഴുതിയും ശീലിക്കണം. വളവുകളും കോണുകളും വരികളുടെ നിലവാരവും വിശകലനം ചെയ്ത് പോരായ്മകള്‍ പരിഹരിക്കണം. സിവില്‍ സര്‍വ്വീസിലെ പ്രധാന കടമ്പകളിലൊന്നും കൂടുതല്‍ മാര്‍ക്കുള്ളതും മെയിന്‍സ് പരീക്ഷയിലാണ്. ഇതാവട്ടേ എഴുത്തുപരീക്ഷയുമാണ്. സിവില്‍ സര്‍വ്വീസ് പരീക്ഷയിലെ ആദ്യ മൂന്ന് ശ്രമങ്ങളിലും എനിക്ക് ജയിക്കാന്‍ കഴിയാതെ പോയതില്‍ എന്റെ മോശം കയ്യക്ഷരവും ഒരു ഘടകമായിരുന്നു. 25ാം വയസ്സില്‍ കയ്യക്ഷരം നന്നാക്കാനുള്ള പരിശീലനം നേടിയതിന് ശേഷമാണ് എനിക്ക് വിജയം ഉറപ്പിക്കാനായത്.

മോക് ഇന്റര്‍വ്യൂ?

ഓരോ മാര്‍ക്കും വിലപ്പെട്ടതിനാല്‍ ഉദ്യോഗാര്‍ത്ഥിയുടെ അന്തിമ റാങ്ക് നിര്‍ണയത്തിലും കേഡര്‍ പരിഗണിക്കുന്നതിലും ഇന്റര്‍വ്യൂവിലെ പ്രകടനം ഏറ്റവും പ്രധാനമാണ്. പേഴ്‌സണാലിറ്റി ടെസ്റ്റ് ഗൗരവമായി സമീപിക്കുകയും കൂടുതല്‍ തയ്യാറെടുപ്പുകള്‍ നടത്തുകയും ചെയ്താല്‍ കൂടുതല്‍ മാര്‍ക്ക് സ്‌കോര്‍ ചെയ്യാന്‍ കഴിയും. ചോദ്യങ്ങള്‍ ശരിയാം വണ്ണം മനസ്സിലാക്കാനും വിശകലനം ചെയ്യാനും തെറ്റുകള്‍ ഒഴിവാക്കിയും പരിശീലിക്കാന്‍ മോക് ഇന്റര്‍വ്യൂകള്‍ ഗുണം ചെയ്യും. ശരീര ഭാഷ, അനവസരത്തിലെ ആംഗ്യങ്ങള്‍, ആശയവിനിമയത്തിലെ പോരായ്മ, ആത്മവിശ്വാസക്കുറവ് തുടങ്ങിയ പ്രശ്‌നങ്ങള്‍ മറികടക്കാന്‍ മോക് ഇന്റര്‍വ്യൂവിലൂടെ സാധിക്കും. ഒരു ഇന്റര്‍വ്യൂവില്‍ പങ്കെടുത്തുകഴിഞ്ഞ് അല്‍പം ഇടവേള എടുത്തതിന് ശേഷമാണ് അടുത്ത മോക് ഇന്റര്‍വ്യൂവില്‍ പങ്കെടുക്കേണ്ടത്. ഈ ഇടവേളകള്‍ തെറ്റുകള്‍ തിരുത്താനുള്ള അവസരമാക്കി മാറ്റണം. പരമാവധി മൂന്ന് തവണയില്‍ മോക് ഇന്റര്‍വ്യൂ അവസാനിപ്പിക്കാനും ശ്രദ്ധിക്കണം.

സിവില്‍ സര്‍വ്വീസിലെ എലിമിനേഷന്‍ റൗണ്ട്?

സിവില്‍ സര്‍വ്വീസ് പരീക്ഷക്കായി ഓരോ വര്‍ഷവും പത്ത് ലക്ഷത്തിനും പതിനഞ്ച് ലക്ഷിത്തിനുമിടയില്‍ വിദ്യാര്‍ത്ഥികള്‍ അപേക്ഷിക്കാറുണ്ട്. ഇവരില്‍ ഒമ്പത് ലക്ഷത്തിനും 12 ലക്ഷത്തിനും ഇടയില്‍ ഉദ്യോഗാര്‍ത്ഥികളാണ് പരീക്ഷ എഴുതാറ്. ഓരോ വര്‍ഷവും യു.പി.എസ്.സി പുറപ്പെടുവിക്കുന്ന ഒഴിവുകളുടെ പത്ത് മുതല്‍ 13 ഇരട്ടി വരെയാണ് പ്രിലിംസ് പരീക്ഷയില്‍ നിന്ന് രണ്ടാംഘട്ടമായ മെയിന്‍സിലേക്ക് പരിഗണിക്കാറുള്ളത്. ഏകദേശം മെയിന്‍സ് പരീക്ഷക്ക് പരമാവധി പതിമൂവായിരത്തോളം പേര്‍ക്കാണ് അവസരം ലഭിക്കാറ്. തുടര്‍ന്ന് ഒഴിവിന്റെ മൂന്നിരട്ടി പേരാണ് പേഴ്‌സണാലിറ്റി ടെസ്റ്റിന് യോഗ്യത നേടുക. അതായത് ആകെ ആയിരം ഒഴിവാണെങ്കില്‍ രണ്ടായിരത്തി അഞ്ഞൂറിനും മൂവായിരത്തിനും ഇടയില്‍ ഉദ്യോഗാര്‍ത്ഥികളെ പേഴ്‌സണാലിറ്റി ടെസ്റ്റിന് പരിഗണിക്കും. ലക്ഷങ്ങളില്‍ നിന്ന് തുടങ്ങി ആയിരത്തിലേക്ക് ചുരുക്കുന്ന പ്രക്രിയ ആയതുകൊണ്ടാണ് സിവില്‍ സര്‍വ്വീസ് പരീക്ഷയെ എലിമിനേഷന്‍ റൗണ്ടെന്ന് വിശേഷിപ്പിക്കുന്നത്.

ഡീറ്റെയില്‍ഡ് ആപ്ലിക്കേഷന്‍ ഫോമില്‍ (ഡാഫ്) ശ്രദ്ധിക്കേണ്ടത്?

സിവില്‍ സര്‍വ്വീസ് പരീക്ഷയില്‍ പ്രിലിമിനറി കടമ്പ കടന്ന് മെയിന്‍സിലേക്ക് യോഗ്യത നേടിയ ഉദ്യോഗാര്‍ത്ഥി യു.പി.എസ്.സി ബോര്‍ഡിന് മുമ്പാകെ സമര്‍പ്പിക്കുന്ന രേഖയാണ് ഡീറ്റെയില്‍ഡ് ആപ്ലിക്കേഷന്‍ ഫോം (ഡാഫ്). വളരെ ശ്രദ്ധയോടെയായിരിക്കണം ഓരോ ഉദ്യോഗാര്‍ത്ഥിയും ഡാഫ് പൂരിപ്പിക്കേണ്ടത്. കരിയര്‍ മുതല്‍ കേഡര്‍ വരെ തീരുമാനിക്കപ്പെടുന്നത് ഡാഫിനെ അടിസ്ഥാനപ്പെടുത്തിയായിരിക്കും. വിദ്യാഭ്യാസ യോഗ്യതകള്‍, പഠിച്ച സ്ഥാപനങ്ങള്‍, ഹോബികള്‍, കുടുംബവിവരങ്ങള്‍ ഉള്‍പ്പെടെ സമഗ്രമായ വിവരങ്ങളാണ് ഫോമില്‍ പൂരിപ്പിച്ച് നല്‍കേണ്ടത്. പേഴ്‌സണാലിറ്റി ടെസ്റ്റിലെ പ്രധാന ചോദ്യങ്ങളിലടക്കം ഡാഫ് ഇടംപിടിക്കുന്നതിനാല്‍ കൃത്രിമമായോ, അവാസ്തവമായോ ആയ കാര്യങ്ങള്‍ ഉള്‍പ്പെടുത്തുന്നത് പ്രതികൂലമായി ബാധിക്കും.

കലക്ടറായതിന് ശേഷമുള്ള ആദ്യ ഉത്തരവ്

ആലപ്പുഴ കലക്ടറായി ചുമതലയേറ്റെടുത്തതിന് പിന്നാലെ കനത്ത മഴയെ തുടര്‍ന്ന് ജില്ലയിലെ സ്‌കൂളുകള്‍ക്ക് അവധി നല്‍കിയതായിരുന്നു ആദ്യ ഉത്തരവ്. സ്വാഭാവികമായും എല്ലാ കലക്ടര്‍മാരും ദുരന്ത നിവാരണ അതോറിറ്റി തലവന്‍ എന്ന നിലയില്‍ സ്‌കൂളുകള്‍ക്ക് അവധി നല്‍കാറുണ്ട്. എന്നാല്‍ അവധി നല്‍കിക്കൊണ്ട് കുട്ടികളോട് സോഷ്യല്‍ മീഡിയ വഴി നടത്തിയ ഉപദേശമാണ് ആദ്യത്തെ ഉത്തരവിനെ സവിശേഷമാക്കിയത്. ‘കനത്ത മഴയില്‍ വെള്ളത്തില്‍ ചാടാനോ ചൂണ്ടയിടാനോ പോവല്ലേ, എല്ലാവരും വീട്ടില്‍ തന്നെ ഇരിക്കണം. അഛനമ്മമാര്‍ ജോലിക്കുപോയിരിക്കും. അവരില്ലെന്ന് കരുതി പുറത്തേക്കൊന്നും പോകരുത്. പകര്‍ച്ചവ്യാധിയടക്കം പകരുന്ന സമയമാണ്. പ്രത്യേകം ശ്രദ്ധിക്കണം. കൃത്യസമയത്ത് ഭക്ഷണം കഴിക്കണം. അവധിയെന്ന് കരുതി മടിപിടിച്ച് ഇരിക്കാതെ പാഠഭാഗങ്ങള്‍ മറിച്ചുനോക്കണം. നന്നായി പഠിച്ച് മിടുക്കരാവൂ.’ കുട്ടികളുടെ ഭാഷയില്‍ നല്‍കിയ ഉപദേശത്തില്‍ ഒരു രക്ഷിതാവിന്റെ സാന്നിധ്യം തിരിച്ചറിയാനായത് കൊണ്ടായിരിക്കും ആ ഉത്തരവ് ശ്രദ്ധിക്കപ്പെട്ടത്.

ആദ്യത്തെ ശമ്പളം

ആലപ്പുഴയില്‍ കലക്ടറായി ചുമതലയേറ്റെടുത്തതിന് ശേഷമുള്ള ആദ്യ ശമ്പളം പാലിയേറ്റീവ് സംഘടനയായ സ്‌നേഹജാലകത്തിനാണ് കൈമാറിയത്. ആതുരസേവന രംഗത്ത് സ്തുത്യര്‍ഹമായ സേവനം കാഴ്ചവെക്കുന്ന കൂട്ടായ്മയാണ് സ്‌നേഹജാലകം. കിടപ്പുരോഗികള്‍ ഉള്‍പ്പെടെ ദിനേന നൂറ്റിഅമ്പതോളം പേര്‍ക്ക് ഇവര്‍ ഭക്ഷണം എത്തിച്ചു നല്‍കാറുണ്ട്. സബ്കലക്ടറായിരിക്കുമ്പോള്‍ തന്നെ ഇവരുടെ പ്രവര്‍ത്തനങ്ങള്‍ ശ്രദ്ധയില്‍പെട്ടിരുന്നു. ജീവിതത്തില്‍ നിരവധി പ്രാരാബ്ദങ്ങള്‍ താണ്ടിക്കയറിയ എനിക്ക് അശരണരുടെയും ബുദ്ധിമുട്ട് അനുഭവിക്കുന്നവരുടെയും വേദന നന്നായറിയാം. അവരുടെ കണ്ണീരൊപ്പാന്‍ കൂടെ നില്‍ക്കുക എന്നത് എന്റെ ബാധ്യതയാണ്. സ്വപ്‌നസാഫല്യമായി നേടിയെടുത്ത കലക്ടര്‍ പദവിയിലെ ആദ്യശമ്പളം അതുകൊണ്ട് തന്നെ പുണ്യം പ്രതീക്ഷിച്ച് സ്‌നേഹജാലകത്തിന് കൈമാറിയത്. ഭാര്യ രാഗദീപക്കും മകന്‍ റിഷിത് നന്ദക്കുമൊപ്പം സ്‌നേഹജാലകത്തിലെത്തി മകനാണ് ആദ്യശമ്പളം കൈമാറിയത്.

ആരാവണം സിവില്‍ സര്‍വന്റ്?

സര്‍ക്കാരിനും ജനങ്ങള്‍ക്കുമിടയില്‍ പാലമായി വര്‍ത്തിക്കേണ്ടവരാണ് സിവില്‍ സര്‍വ്വന്റുകള്‍. സര്‍ക്കാരിന്റെ വിവിധ പദ്ധതികള്‍ താഴെ തട്ടിലുള്ള ജനങ്ങള്‍ക്ക് വരെ ലഭിക്കുന്നു എന്ന് ഉറപ്പുവരുത്തലാണ് സിവില്‍ സര്‍വ്വന്റിന്റെ ഉത്തരവാദിത്വം. ഐ.എ.എസ് കരസ്ഥമാക്കിയ ഉദ്യോഗാര്‍ത്ഥികളെ ഈ ലക്ഷ്യത്തിന് വേണ്ടിയാണ് വിവിധ സര്‍ക്കാര്‍ തസ്തികകളിലേക്ക് നിയമിക്കുന്നത്. നയങ്ങള്‍ രൂപീകരിക്കുന്നതിനും നടപ്പിലാക്കുന്നതിനും മോണിറ്ററിംഗ് ചെയ്യുന്നതിലും സിവില്‍ സര്‍വ്വന്റിന് വലിയ റോളുണ്ട്. രാജ്യത്തെ ഏത് സംസ്ഥാനത്ത് ജോലി ചെയ്യുകയാണെങ്കിലും പക്ഷപാതിത്വം ഇല്ലാതെ നാടിനോടുള്ള കൂറും അര്‍പ്പണമനോഭാവവും പൂര്‍ണമായും സമര്‍പ്പിക്കാന്‍ ഒരു സിവില്‍ സര്‍വ്വന്റിന് കഴിയണം. അപ്പോള്‍ മാത്രമേ പൂര്‍ണ മനസ്സോടെയും തുറന്ന ഇടപെടലോടെയും നാടിനെ സേവിക്കാന്‍ കഴിയൂ. അഡ്മിനിസ്‌ട്രേറ്റീവ്, ഫണ്ട് മാനേജ്‌മെന്റ്, ലോ എന്‍ഫോഴ്‌സ്‌മെന്റ്, വികസനപദ്ധതികള്‍ ഇതെല്ലാം ഉത്തരവാദിത്വത്തോടെയും കാര്യക്ഷമതയോടെയും നിര്‍വ്വഹിക്കേണ്ടതാണ്. അതിനായി ഓരോ സിവില്‍ സര്‍വ്വന്റും കഠിനാധ്വാനവും സാമൂഹ്യപ്രതിബദ്ധതയും പ്രകടിപ്പിക്കണം. പരിമിതമായ സമരപരിധിക്കുള്ളില്‍ പരിഹരിക്കേണ്ട മര്‍മ്മപ്രധാനമായ പല വിഷയങ്ങളും നേരിടാനുണ്ടാവും. വ്യവസ്ഥാപിത നിയമങ്ങളും ചട്ടങ്ങളും പാലിക്കുന്നതോടൊപ്പം വിവേകത്തോടെ പെരുമാറാനും മാനുഷിക പരിഗണനയില്‍ കാര്യങ്ങള്‍ തീര്‍പ്പാക്കാനും സിവില്‍ സര്‍വ്വന്റിന് കഴിയണം.

വിരമിച്ചതിന് ശേഷമുള്ള ഐ.എ.എസ് നിയമനങ്ങള്‍?

ഐ.എ.എസ് ഓഫീസറുടെ വിരമിക്കല്‍ പ്രായം 60 വയസ്സാണ്. വിരമിച്ചതിന് ശേഷവും നിരവധി തസ്തികകളിലേക്ക് അവരെ റിക്രൂട്ട് ചെയ്യാറുണ്ട്. ട്രിബ്യൂണലുകളുടെയും കമ്മീഷണറുകളുടെയും ചുമതലകളിലേക്കാണ് സാധാരണഗതിയില്‍ പരിഗണിക്കപ്പെടാറുള്ളത്.

കുട്ടികളുടെ കലക്ടര്‍ മാമന്‍?

ആലപ്പുഴ കലക്ടറായിരുന്ന ഏഴ് മാസക്കാലം കുട്ടികള്‍ക്ക് വേണ്ടി ചിലതെല്ലാം ചെയ്യാന്‍ കഴിഞ്ഞതിന്റെ ചാരിതാര്‍ത്ഥ്യമുണ്ട്. ചുമതലയേറ്റെടുത്തതിന് ശേഷമുള്ള ആദ്യ ഉത്തരവ് തന്നെ കുട്ടികള്‍ക്ക് വേണ്ടിയായിരുന്നു. അവസാനത്തെ ഒപ്പും അവര്‍ക്ക് വേണ്ടി തന്നെയായത് ഒത്തിരി സന്തോഷം പകര്‍ന്ന ഓര്‍മ്മയാണ്. ജില്ലയിലെ അതിദരിദ്ര കുട്ടികളെ സഹായിക്കാന്‍ കുട്ടിപ്പട്ടാളത്തിന്റെ സഹായത്തോടെ ആവിഷ്‌കരിച്ച ‘ഒരുപിടി നന്മ’ എന്ന പദ്ധതിയിലൂടെ ഭക്ഷണവും ഭക്ഷ്യവസ്തുക്കളും വസ്ത്രങ്ങളും ശേഖരിച്ച് കിടപ്പുരോഗികള്‍ക്ക് വീട്ടിലെത്തിച്ചുകൊടുക്കാനായി. പദ്ധതിയില്‍ എണ്ണൂറിലധികം സ്‌കൂളുകളിലെ കുട്ടികള്‍ കൈകോര്‍ത്തത് അഭിമാനത്തോടെ ഓര്‍ക്കുന്നു. എം.ബി.ബി.എസിന് അഡ്മിഷന്‍ ലഭിച്ച ഒരു വിദ്യാര്‍ത്ഥിനി വെറ്റിലയും അടക്കയും നാണയവുമായി എന്റെ ചേംബറില്‍ കാണാനെത്തിയത് അമൂല്യമായ സമ്മാനമായി. എന്റെ അധ്യാപിക ബാലലത ടീച്ചറാണ് കുട്ടിയുടെ പഠനം സ്‌പോണ്‍സര്‍ ചെയ്തത്. കേരളത്തിലെ പവിത്രമായ ഒരു ആചാരരീതി ആ കുട്ടിയിലൂടെ അറിയാനും അനുഭവിക്കാനും ഭാഗ്യമുണ്ടായി.
കലക്ടര്‍ പദവി ഒഴിയുന്ന ദിവസവും മനോഹരമാക്കിയത് കുട്ടികളാണ്. കോവിഡ് കാലത്ത് രക്ഷിതാക്കളെ നഷ്ടപ്പെട്ട ആറു കുട്ടികള്‍ക്ക് വീടൊരുക്കാനുള്ള കരാറില്‍ അവരെ ഒപ്പമിരുത്തി ഒപ്പിട്ടുകൊണ്ടാണ് ആലപ്പുഴയിലെ എന്റെ സേവനം അവസാനിപ്പിച്ചത്. വി ആര്‍ ഫോര്‍ ആലപ്പി പദ്ധതിയില്‍ ഉള്‍പ്പെടുത്തി മണപ്പുറം ഫൗണ്ടേഷന്റെ സഹായത്തോടെയാണ് വീട് വെച്ച് നല്‍കുന്നത്.

തലക്കൊപ്പമെത്തിയ പ്രളയജലത്തില്‍ മലയാളി മുങ്ങിത്താഴുമ്പോള്‍ പ്രത്യാശയുടെ മുഖവും ഊര്‍ജ്ജവും പകര്‍ന്ന് കേരളീയമനസ്സില്‍ കൂടുകെട്ടിയ തങ്കതമിഴ് ഐ.എ.എസ് ഓഫീസര്‍. സിവില്‍ സര്‍വ്വീസ് സെലക്ഷന്‍ ചട്ടങ്ങളുടെ ജാതകം തിരുത്തിയെഴുതിച്ച 2008 മധ്യപ്രദേശ് കേഡര്‍ സിവില്‍ സര്‍വ്വന്റ്. കേരളത്തില്‍ പാലക്കാട് സബ് കലക്ടറായി തുടക്കം. അനര്‍ട്ട് ഡയറക്ടര്‍, നഗരകാര്യ ഡയറക്ടര്‍, കൃഷിവകുപ്പ് ഡയറക്ടര്‍, ശുചിത്വമിഷന്‍ എക്‌സിക്യൂട്ടീവ് ഡയറക്ടര്‍, തിരുവനന്തപുരം ജില്ലാ കലക്ടര്‍ തുടങ്ങിയ പദവികള്‍. നിലവില്‍ ലേബർ കമ്മീഷണര്‍.

സിവില്‍ സര്‍വീസ് തെരഞ്ഞെടുക്കാനുള്ള പ്രേരണ?

ലീഡറാവണം എന്നായിരുന്നു കുഞ്ഞിലേയുള്ള ആഗ്രഹം. സമൂഹത്തില്‍ മാറ്റങ്ങള്‍ സൃഷ്ടിക്കാന്‍ കഴിയുന്ന ഒരു ലീഡര്‍. നമ്മുടെ നാട്ടില്‍ എങ്ങിനെ ഡോക്ടറും എഞ്ചിനീയറും ആവാം എന്നത് സംബന്ധിച്ചു ഇഷ്ടം പോലെ ഗൈഡന്‍സ് ഉണ്ട്. എന്നാല്‍ എങ്ങിനെ ഒരു നല്ല ലീഡറാവാം എന്ന കാര്യത്തില്‍ ഒരു ക്ലാസും കിട്ടാറില്ല. ഡോക്ടറായാല്‍ സോഷ്യല്‍ സ്റ്റാറ്റസ് കൂടും. ഒരു പാട് സാമൂഹ്യ ഇടപെടലുകള്‍ നടത്താന്‍ കഴിയും. മറ്റുള്ളവരെ സഹായിക്കാനുള്ള പൊസിഷനായി മാറും എന്ന ചിന്തയില്‍ നിന്നാണ് ഡോക്ടര്‍ ആയത്. സര്‍ക്കാര്‍ ആശുപത്രിയില്‍ സേവനം നടത്തി കൊണ്ടിരിക്കുമ്പോള്‍ അവിടെ എത്തുന്ന സാധാരണ ജനങ്ങളെ കണ്ടപ്പോള്‍ അവര്‍ക്ക് വേണ്ടി എന്ത് ചെയ്യാന്‍ കഴിയും എന്ന ആലോചനയില്‍ നിന്നാണ് ഐ.എ.എസ് എന്ന ആഗ്രഹമുണ്ടായത്. ജനങ്ങള്‍ക്ക് വേണ്ടി ഇടപെടാനും അവരെ സഹായിക്കാനും കഴിയണമെന്ന ആഗ്രഹം ഐ.എ.എസിലേക്കുള്ള പ്രേരണയായിട്ടുണ്ട്. പാവപെട്ടവര്‍ക്ക് വേണ്ടി നല്ല രീതിയില്‍ പ്രവര്‍ത്തിച്ച തമിഴ്‌നാട്ടിലെ ഐ.എ.എസ് ഓഫീസര്‍മാറുടെ സ്വാധീനവും സിവില്‍സര്‍വ്വീസിലേക്കുള്ള താല്‍പര്യം വര്‍ധിപ്പിച്ചു.

കേരളത്തിലേക്കുള്ള മാറ്റം?

മധ്യപ്രദേശ് കേഡറിലായിരുന്നു ജോലി ചെയ്തുകൊണ്ടിരുന്നത്. ഭര്‍ത്താവ് (കാര്‍ത്തികേയന്‍ ഐ.എ.എസ്) കേരള കേഡറിലുമായിരുന്നു. ഭാര്യ ഭര്‍ത്താക്കന്മാര്‍ ഐ.എ.എസുകാരാണെങ്കില്‍ സ്ഥലം മാറ്റത്തിന് പരിഗണിക്കുന്ന ഇന്റര്‍ കേഡര്‍ ട്രാന്‍സ്ഫര്‍ മുഖാന്തരമാണ് ഞാന്‍ കേരളത്തില്‍ എത്തിയത്. സൗത്ത് ഇന്ത്യന്‍ ജീവിത രീതിയില്‍ നിന്നും വലിയ വ്യത്യാസങ്ങള്‍ ഉള്ളതിനാല്‍ മധ്യപ്രദേശില്‍ ഒരു കള്‍ച്ചറല്‍ ഷോക്ക് അനുഭവിച്ചിരുന്നു. കേരളത്തിലേക്ക് വരുമ്പോഴും ആ ഉള്‍ഭയം എനിക്കുണ്ടായിരുന്നു. ഭാഷ അറിയില്ല എന്നതും വെല്ലുവിളിയായിരുന്നു. മലയാളികള്‍ക്കൊക്കെ തമിഴ് മനസ്സിലാവുമെന്നതിനാല്‍ എനിക്ക് മലയാളം പഠിച്ചെടുക്കാന്‍ ഹിന്ദി പഠിച്ചതിനേക്കാള്‍ കൂടുതല്‍ സമയം ആവശ്യമായി വന്നു. ഒരു വികസിത നാട് എങ്ങനെയായിരിക്കണമെന്നതിന്റെ നേര്‍സാക്ഷ്യമാണ് കേരളം. ആര്‍ക്കും ചൂഷണം ചെയ്യാന്‍ കഴിയാത്ത വിധം പ്രബുദ്ധത ആര്‍ജിച്ചവരാണ് കേരളീയര്‍. നേരായ വഴിയില്‍ ജീവിക്കുന്ന, മറ്റുള്ളവരുടെ അവകാശങ്ങളെ ബഹുമാനിക്കുന്ന കേരളത്തില്‍ ജോലി ചെയ്യുന്നത് സന്തോഷകരമാണ്.

ഇന്റര്‍വ്യൂവിലെ വസ്ത്രധാരണം: ശ്രദ്ധിക്കേണ്ട കാര്യങ്ങള്‍

സിവില്‍ സര്‍വീസ് പരീക്ഷയുടെ അവസാന ഘട്ടമാണ് പേഴ്‌സണാലിറ്റി ടെസ്റ്റ്. രേഖാമൂലമുള്ള ഉത്തരങ്ങളുടെ അടിസ്ഥാനത്തിലല്ല മാര്‍ക്ക് നിര്‍ണ്ണയിക്കുന്നത്. എന്ത് പറയുന്നു, എങ്ങിനെ പറയുന്നു. പെരുമാറുന്നു തുടങ്ങി ഉദ്യോഗാര്‍ത്ഥിയുടെ വ്യക്തിത്വത്തെയാണ് പരീക്ഷ ബോര്‍ഡ് അളക്കുന്നത്. ഒരാളെ ആദ്യ കാഴ്ചയില്‍ വസ്ത്രത്തിന്റെ അടിസ്ഥാനത്തിലാണ് പൊതുവേ വിലയിരുത്താറുള്ളത്. വസ്ത്ര ധാരണവും വിലാസവും നിങ്ങള്‍ ആരാണെന്നു പറയും. സ്ത്രീകളുടെ വസ്ത്രത്തെ കുറിച്ച് പറയുമ്പോള്‍ ഇറുകിയതോ അയഞ്ഞതോ ഒഴിവാക്കലാണ് ഉത്തമം. സാരി പോലുള്ള പാരമ്പര്യ വസ്ത്രം ധരിക്കുമ്പോള്‍ കൂടുതല്‍ പക്വതയും കരുത്തും ലഭിക്കുമെന്നാണ് എന്റെ വിശ്വാസം. അതേസമയം സാരി അത്ര കംഫര്‍ട്ടബിള്‍ അല്ലാത്തവരുമുണ്ടാവും. ക്യാഷ്വലിന് പകരം ഫോര്‍മല്‍ ഡ്രസ് കോഡായിരിക്കും പേഴ്‌സണാലിറ്റി ടെസ്റ്റിന് കൂടുതല്‍ അനുയോജ്യം.

പരീക്ഷക്ക് ശേഷമുള്ള പരീക്ഷണം?

ഐ.എ.എസ് നേട്ടത്തില്‍ എനിക്ക് ഏറ്റവും സഹായകമായത് ഭര്‍ത്താവിന്റെ സപ്പോര്‍ട്ടായിരുന്നു. ഞങ്ങള്‍ ഒരുമിച്ചായിരുന്നു തയ്യാറെടുപ്പുകള്‍ നടത്തിയിരുന്നതെങ്കിലും എനിക്ക് വേണ്ട സഹായങ്ങളൊക്കെ അദ്ദേഹം ചെയ്തുതന്നു. എന്നാല്‍ പരീക്ഷയില്‍ രണ്ട് മാര്‍ക്ക് വ്യത്യാസത്തില്‍ അദ്ദേഹത്തിന് ഐ.എ.എസ് നഷ്ടമായി. ഫോറിന്‍ സര്‍വ്വീസിലേക്കാണ് തെരഞ്ഞെടുക്കപ്പെട്ടത്. ഇത് പരീക്ഷയുടെ വിജയത്തിനൊപ്പം പുതിയ വെല്ലുവിളിയായി. ചട്ടപ്രകാരം ഐ.എ.എസോ ഐ.എഫ്.എസോ കിട്ടുന്നവര്‍ക്ക് പിന്നീട് പരീക്ഷ എഴുതാന്‍ അവസരമുണ്ടാവില്ല. ഒരാള്‍ക്ക് ഇന്ത്യയിലും മറ്റൊരാള്‍ക്ക് വിദേശത്തും ജോലിയാവുന്നത് കുടുംബജീവിത്തെ ബാധിക്കുന്നതിനാല്‍ ഫോറിന്‍സ് സര്‍വ്വീസ് തെരഞ്ഞെടുക്കാന്‍ ഭര്‍ത്താവ് തയ്യാറായില്ല. പക്ഷെ, തുടര്‍ന്ന് പരീക്ഷയെഴുതാന്‍ അവകാശപോരാട്ടം നടത്തേണ്ടിവന്നു. ഇതിനായി നിരവധി ഓഫീസുകളില്‍ പലതവണ കയറിയിറങ്ങി. കിട്ടിയ ഐ.എഫ്.എസിന് ജോയിന്‍ ചെയ്യാതെ ഭര്‍ത്താവ് വീണ്ടും ഭാഗ്യപരീക്ഷണത്തിന് തയ്യാറായി. ഇന്ത്യന്‍ സിവില്‍ സര്‍വ്വീസ് ചരിത്രത്തില്‍ ആദ്യ സംഭവമായിരുന്നു ഇത്. നീണ്ട പോരാട്ടത്തിന് ശേഷം നടത്തിയ പരീക്ഷയിലും ഐ.ആര്‍.എസാണ് ലഭിച്ചത്. തൊട്ടടുത്ത തവണയും ഐ.ആര്‍.എസ് തന്നെ. പക്ഷെ പോരാട്ടം അവസാനിപ്പിക്കാന്‍ ഞങ്ങള്‍ തയ്യാറായില്ല. നാലാമൂഴത്തില്‍ ഞങ്ങള്‍ ആഗ്രഹിച്ച പോലെ ഐ.എ.എസ് നേടാനായി.

ഗ്രീന്‍ പ്രോട്ടോകോള്‍ പദ്ധതികള്‍?

മാലിന്യമുക്തമായ അവസ്ഥ സൃഷ്ടിക്കാനുള്ള ചെറിയ ചുവടുവെപ്പുകളാണ് ഗ്രീന്‍ പ്രോട്ടോകോള്‍. ഇതിനായി സംസ്ഥാനത്ത് കുറെയേറെ പദ്ധതികളുണ്ട്. കലാവസ്ഥ വൃതിയാനം, ആരോഗ്യ പ്രശ്‌നം തുടങ്ങിയ പ്രതിസന്ധികള്‍ സമ്മാനിക്കുന്ന കള്‍ച്ര്‍ ഓഫ് എക്‌സസ് കുറക്കാന്‍ ഒരു പുതിയ കള്‍ച്ചര്‍ തന്നെ രൂപപ്പെടേണ്ടതുണ്ട്. തിരുവനന്തപുരത്ത് വെച്ചു നടന്ന നാഷണല്‍ ഗെയിംസില്‍ ഒരു തവണ ഉപയോഗിച്ച് വലിച്ചെറിയുന്ന സാധനങ്ങള്‍ പൂര്‍ണമായും ഒഴിവാക്കിയിരുന്നു. നാഷണല്‍ ഗെയിംസ് പോലുള്ള വലിയ ഇവന്റില്‍ ഇതു സാധ്യമാണെങ്കില്‍ എവിടെയും ഈ രീതി പരിക്ഷിക്കാവുന്നതാണെന്ന ആത്മവിശ്വാസം അതെനിക്ക് പകര്‍ന്നു. മറ്റുള്ളവര്‍ക്ക് ഈ രീതി കാണിച്ചുകൊടുക്കാനും കഴിഞ്ഞു. ഏത് മാറ്റവും ജനങ്ങള്‍ ആദ്യം ഉള്‍കൊള്ളണമെന്നില്ല. ആ മാറ്റം നല്ലതിനാണെന്നു തോന്നുമ്പോള്‍ വേദനയോടാണെങ്കിലും അവര്‍ സ്വീകരിക്കും. നാഷണല്‍ ഗെയിംസിലും എതിര്‍പ്പുകള്‍ ഉണ്ടായിരുന്നു. വളണ്ടിയിയേഴ്‌സ് ബോധവല്‍ക്കരണം നടത്തിയപ്പോള്‍ ആശയം സ്വീകാര്യമായി. ഈ സംഭവം പകര്‍ന്ന ആത്മവിശ്വാസത്തിലാണ് ഉപയോഗയോഗ്യമായ പഴയ വസ്തുക്കള്‍ ശേഖരിച്ച് പുനരുപയോഗിക്കുന്ന ആശയം അവതരിപ്പിച്ചത്. പല വിദേശരാജ്യങ്ങളിലും ഇത് ചെയ്ത് പോരുന്നുണ്ട്. ഈ ആശയം ഉള്‍ക്കൊണ്ട് സംഘടിപ്പിച്ച ക്യാമ്പുകളില്‍ വെച്ച് സാരി, കളിപ്പാട്ടങ്ങള്‍, ടീവി തുടങ്ങിയ ഒട്ടേറെ വസ്തുക്കള്‍ കൈമാറ്റത്തിനും പുനരുപയോഗത്തിനും സാഹചര്യമുണ്ടായി. റീ സൈക്ലിംഗിന്റെ പ്രാധാന്യം ജനങ്ങളിലെത്തിക്കാന്‍ വര്‍ക്കുഷോപ്പുകളിലൂടെ സാധിച്ചു.

വൈറല്‍ പ്രസംഗങ്ങള്‍ക്ക് പിന്നില്‍?

പ്രസംഗത്തിനു കാര്യമായ മുന്നൊരുക്കങ്ങള്‍ നടത്താറില്ല. എന്റെ ചിന്തകളും ആശയങ്ങളും സത്യത്തോട് നീതി പുലര്‍ത്തും വിധം സംസാരിക്കാറാണുള്ളത്. തയ്യാറായി വന്ന് പ്രസംഗിക്കാന്‍ എനിക്കാവാറുമില്ല. പ്രളയസമത്ത് ഞാന്‍ ഹൃദയം കൊണ്ടാണ് പ്രസംഗിച്ചത്. പ്രളയത്തില്‍ ജീവനും സമ്പത്തും ജീവനോപാധികളും നഷ്ടമായി വേദനിക്കുന്നവരുടെ മുന്നില്‍, ആ വേദന എന്റേതു കൂടിയായി ഏറ്റെടുത്ത് നടത്തിയ പ്രസംഗമാണ് ജനങ്ങള്‍ക്കിഷ്ടമായത്. വാക്കുകളിലെ സത്യസന്ധതയും ആത്മാര്‍ത്ഥതയും പ്രസംഗങ്ങളെ മികവുറ്റതാക്കും.

എഴുത്തു പരീക്ഷയും പേഴ്‌സണാലിറ്റി ടെസ്റ്റും തമ്മിലുള്ള വ്യത്യാസം

എഴുത്തുപരീക്ഷാ രീതിയില്‍ ഇപ്പോള്‍ ഒട്ടേറെ മാറ്റങ്ങള്‍ വന്നിട്ടുണ്ട്. എത്രമാത്രം വായിച്ചും എഴുതിയും നമ്മള്‍ തയ്യാറെടുപ്പ് നടത്തുന്നുവോ അത്രമാത്രം മികച്ച പ്രകടനം നടത്താന്‍ കഴിയും. എന്നാല്‍ നിങ്ങളെന്താണെന്ന് തിരിച്ചറിയപ്പെടുന്നതാണ് പേഴ്‌സണാലിറ്റി ടെസ്റ്റ്. ആശങ്കയും ഭയവും ഒഴിവാക്കി, സത്യസന്ധമായി പാനലിസ്റ്റുകളെ അഭിമുഖീകരിക്കുക എന്നതാണ് പ്രധാനം. ജീവിതത്തില്‍ തന്നെ ജനുവിനിറ്റി ഇല്ലാത്തവര്‍ സിവില്‍ സര്‍വ്വീസിന് യോഗ്യരല്ലെന്നാണ് എന്റെ അഭിപ്രായം.

ആരോഗ്യ ശ്രദ്ധ

ലോകത്തിലെ തന്നെ ഏറ്റവും ദുഷ്‌കരമായ പരീക്ഷയെന്ന് വിവക്ഷിക്കപ്പെടുന്ന സിവില്‍ സര്‍വ്വീസ്, അത്യധികം സമ്മര്‍ദ്ദങ്ങള്‍ നിറഞ്ഞതാണ്. അതിനാല്‍ തന്നെ എന്റെ അഭിപ്രായത്തില്‍ പരീക്ഷാഘട്ടത്തിലെ ഏറ്റവും ശ്രദ്ധിക്കേണ്ട കാര്യം സമ്മര്‍ദ്ദങ്ങളെ അതിജയിക്കുക എന്നതാണ്. സിവില്‍ സര്‍വ്വീസ് പരീക്ഷക്ക് തയ്യാറാവുന്നവര്‍ക്ക് യോഗയും ധ്യാനവും ഗുണം ചെയ്യുമെന്നാണ് എന്റെ അനുഭവം. ഒരു വര്‍ഷം നീണ്ടു നില്‍ക്കുന്ന പരീക്ഷയുടെ തയ്യാറെടുപ്പില്‍ ആരോഗ്യ പരിപാലനം ശ്രദ്ധിക്കണം. അധിക പേരും ഇതേ കുറിച്ച് പറയാറില്ല. സുഹൃത്തുക്കളില്‍ നിന്നും കുടുംബത്തില്‍ നിന്നും ഉണ്ടാവുന്ന സമ്മര്‍ദ്ധങ്ങള്‍ മറി കടക്കാനും മണിക്കൂറുകള്‍ നീണ്ടു നില്‍ക്കുന്ന പഠനം ആയാസരഹിതമാക്കാനും ദിവസവും വ്യായാമത്തില്‍ ഏര്‍പ്പെടണം. പച്ചക്കറിയും പഴവര്‍ഗ്ഗങ്ങളും ഭക്ഷണത്തിന്റെ ഭാഗമാവണം. കൃത്യ സമയത്ത് ഭക്ഷണം കഴിക്കണം. ജംഗ് ഫുഡ്, ലഹരി തുടങ്ങിയ ഒഴിവാക്കണം, ധാരാളം വെള്ളം കുടിക്കണം, ആറു മണിക്കൂര്‍ ഉറങ്ങണം. മതിയായ ഉറക്കം ഒഴിച്ചു കൂടാനാവാത്തതാണ്.

സിലബസ്?

ഏത് പരീക്ഷയുടെയും ആത്മാവാണ് സിലബസ്. സിലബസ് അറിയുക എന്നതാണ് നിങ്ങള്‍ പുസ്തകങ്ങളിലൂടെ കടന്നുപോകുന്നതിന് മുമ്പ് ചെയ്യേണ്ട പ്രധാന കാര്യം. യു.പി.എസ്.സി സിവില്‍ സര്‍വീസ് പ്രിലിമിനറി, മെയിന്‍ പരീക്ഷകളുടെ സിലബസ് വിശദമായി തയ്യാറാക്കിയിട്ടുണ്ട്. സിലബസ് ചില വര്‍ഷങ്ങളില്‍ മാറ്റം വരുത്താറുണ്ട്. സിലബസ് അറിയുന്നത് പ്രസക്തമായ പഠന സാമഗ്രികള്‍ തിരഞ്ഞെടുക്കാനും വിഷയങ്ങള്‍ക്ക് മുന്‍ഗണന നല്‍കാനും സഹായിക്കും.

എഴുത്തു പരീക്ഷയില്‍ പാലിക്കേണ്ട കാര്യങ്ങള്‍?

എന്താണ് എഴുതുന്നത് എന്ന് തിരിച്ചറിയേണ്ടത് പ്രധാനമാണ്. നിങ്ങള്‍ പ്രതീക്ഷിക്കുന്ന ഉത്തരമെന്താണെന്ന് മനസ്സിലാക്കിയതിന് ശേഷം മാത്രമേ എഴുതിത്തുടങ്ങാവൂ. സമയനിഷ്ടയും പ്രധാനമാണ്. നന്നായി എഴുതണമെങ്കില്‍ നന്നായി വായിക്കണം. പത്രങ്ങളും മാസികകളും വായിക്കുമ്പോള്‍ എഴുത്തു ശൈലി ശ്രദ്ധിക്കുകയും അത് വഴി പോരായ്മകള്‍ നികത്തുകയും ചെയ്യണം. ഉപമകള്‍, ഉദ്ധരണികള്‍ അമിതമാവരുത്. തെറ്റ് കൂടാതെയും വൃത്തിയായും എഴുതി ഫലിപ്പിക്കണമെങ്കില്‍ കയ്യക്ഷരം നന്നാവണം. മോശം കയ്യക്ഷരം ഉള്ളവര്‍ അത് മാറ്റുന്നതിനായി പരിശീലിക്കണം.

മെഡിക്കല്‍ ടെസ്റ്റ്?

പേഴ്‌സണാലിറ്റി ടെസ്റ്റിന് മുന്നോടിയായി ഉദ്യോഗാര്‍ത്ഥികള്‍ക്ക് മെഡിക്കല്‍ ടെസ്റ്റ് നടത്താറുണ്ട്. ഒരു ഉദ്യോഗാര്‍ത്ഥിയുടെ ശാരീരികവും മാനസികവുമായ നില അറിയുക എന്നതാണ് ടെസ്റ്റ് കൊണ്ട് ഉദ്ദേശിക്കുന്നത്. ടെസ്റ്റ് സമയത്ത് എന്തെങ്കിലും സങ്കീര്‍ണതകള്‍ നേരിടാതിരിക്കാന്‍ ഉദ്യോഗാര്‍ത്ഥികള്‍ അവരുടെ ആരോഗ്യകാര്യത്തില്‍ നേരത്തേ ശ്രദ്ധാലുക്കളാവണം. മെഡിക്കല്‍ ടെസ്റ്റിനായി ഉദ്യോഗാര്‍ത്ഥികള്‍ ആശുപത്രിയില്‍ പ്രവേശിക്കുമ്പോള്‍ അവര്‍ ഒരു ഫോം പൂരിപ്പിക്കേണ്ടതുണ്ട്. പ്രതിരോധ കുത്തിവയ്പ്പുകള്‍, ശസ്ത്രക്രിയ നടന്നിട്ടുണ്ടെങ്കില്‍ അതിന്റെ വിശദാംശങ്ങള്‍, അവരുടെ കുടുംബത്തിന്റെ ആരോഗ്യസ്ഥിതിയുടെ വിശദാംശങ്ങള്‍ എന്നിവ ഈ ഫോമില്‍ ഉള്‍പ്പെടുന്നു. നേത്രപരിശോധന, ഉയരം, ഭാരം, രക്തസമ്മര്‍ദ്ദം, ഹെര്‍ണിയ, എക്‌സറേ മുതലായവ പരിശോധിക്കപ്പെടും.

കുട്ടികള്‍ക്കിടയിലെ ആത്മഹത്യ?

ഉപഭോക ലോകത്തെ നമ്മുടെ ജീവിതം ഏത് രീതിയിലാണെന്ന് തിരിച്ചറിയുക പ്രധാനമാണ്. മത്സരാധിഷ്ഠിത കാലത്ത് നമ്മള്‍ പരുവപ്പെടുത്തിയെടുത്ത ജീവിതം ശരിയായ രീതിയിലാണോ എന്ന് ഓരോരുത്തരും ആത്മപരിശോധന നടത്തേണ്ടതുണ്ട്. നമ്മുടെ വൈകാരിക മാനസിക ആരോഗ്യത്തിനും കുടുംബത്തിന്റെയും സമൂഹത്തിന്റെയും രാഷ്ട്രത്തിന്റെയും ലോകത്തിന്റെയും തന്നെ നിലനില്‍പ്പിനും നല്ല ജീവിതം ആവശ്യമാണ്. നമ്മളനുഭവിക്കുന്ന സമ്മര്‍ദ്ദങ്ങളത്രയും ആവശ്യമുള്ളതാണോ എന്ന് ആത്മവിമര്‍ശനം നടത്തണം. പരീക്ഷകളില്‍ ഒന്നാമതായേ തീരൂ എന്ന നിര്‍ബന്ധബുദ്ധി ചിലപ്പോള്‍ പ്രത്യാഘാതങ്ങളുണ്ടാക്കും. പരീക്ഷയിലെ ജയാപരാജയങ്ങള്‍ ഒന്നിന്റെയും അവസാനമല്ല. തോറ്റവരുടെയും കൂടിയാണ് ഈ ലോകം. പരീക്ഷകളില്‍ ജയിക്കാന്‍ സര്‍വ്വകലാശാലകളില്‍ പഠിക്കാത്തവരുടെയും പരീക്ഷകളില്‍ തോറ്റവരുടെയും ജീവചരിത്രം ഉള്‍പ്പെടെ പഠിക്കേണ്ടതുണ്ട്. പരീക്ഷയില്‍ ജയിക്കുക എന്നത് ലോകത്തെ ആയിരക്കണക്കിന് മികവുകളില്‍ ഒന്നുമാത്രമാണ്. ഒരു തോല്‍വിയും വിജയങ്ങളെ പാടേ ഇല്ലാതാക്കുന്നില്ല എന്ന ശുഭാപ്തി വിശ്വാസമാണ് കുട്ടികള്‍ ആര്‍ജ്ജിച്ചെടുക്കേണ്ടത്. ദിവസത്തിലെ ക്വാളിറ്റി ടൈം മക്കള്‍ക്കൊപ്പം ചിലവഴിക്കുന്നതിന് പകരം സോഷ്യല്‍മീഡിയകള്‍ക്ക് പകുത്ത് നല്‍കുമ്പോള്‍ കുട്ടികളനുഭവിക്കുന്ന അനാഥത്വം അവരെ ആത്മഹത്യയിലേക്കും ലഹരിയുടെ ലോകത്തേക്കും എത്തിച്ചേക്കും. മക്കളെ തലോടാനും അവരെ കേള്‍ക്കാനും ആശ്വാസം പകരാനും രക്ഷിതാക്കള്‍ തയ്യാറാവണം.

ഡോ. ദിവ്യ എസ്. അയ്യര്‍ ഐ.എ.എസ്

സര്‍വ്വീസ് തിരക്കുകള്‍ക്കൊപ്പം സാഹിത്യത്തിലും കലയിലും വ്യക്തിമുദ്ര പതിപ്പിച്ച റാങ്കുകളുടെ കൂട്ടുകാരിയായ ഐ.എ.എസ് ഉദ്യോഗസ്ഥ. പത്താം ക്ലാസ് പരീക്ഷയില്‍ സംസ്ഥാനത്ത് ഒന്നാം റാങ്ക് നേടി അക്കാദമിക് നേട്ടങ്ങള്‍ക്ക് സ്വപ്‌ന തുടക്കം. പാട്ട്, നൃത്തനൃത്യങ്ങള്‍, അഭിനയം, പ്രസംഗം, എഴുത്ത് തുടങ്ങിയവയിലൂടെ അരങ്ങിലും സജീവം. വോട്ടവകാശത്തെ കുറിച്ച് അവബോധം സൃഷ്ടിക്കാനായി ‘വിരല്‍തുമ്പില്‍ നമ്മുടെ ഭാവി’ എന്ന ഗാനമെഴുതി ചിട്ടപ്പെടുത്തി ആലപിച്ചു. കോട്ടയം അസിസ്റ്റന്റ് കളക്ടര്‍, തിരുവനന്തപുരം സബ് കലക്ടര്‍, തദ്ദേശ സ്വയംഭരണ സെക്രട്ടറി, എന്‍.ആര്‍.ഇ.ജി മിഷന്‍ ഡയറക്ടര്‍ പദവികള്‍. നിലവില്‍ പത്തനംതിട്ട ജില്ലാ കലക്ടര്‍. പാത്ത് ഫൈന്റര്‍, എത്രയും പ്രിയപ്പെട്ടവര്‍ക്ക് (ഒരു ഫെമിനിസ്റ്റ് മാനിഫെസ്റ്റോ), അപ്ലൈഡ് ഡിപ്ലോമസി, കയ്യൊപ്പിട്ട വഴികള്‍ എന്നിവ കൃതികള്‍.

ഡോക്ടറില്‍ നിന്ന് ഐ.എ.എസിലേക്ക്?

ഇന്ത്യയിലെ പ്രശസ്ത മെഡിക്കല്‍ കോളജുകളിലൊന്നായ വെല്ലൂരിലെ സി.എം.സിയിലായിരുന്നു എം.ബി.ബി.എസ് പഠനം. സമൂഹവുമായി നേരിട്ട് ബന്ധം പുലര്‍ത്തുന്ന മേഖല കൂടിയാണല്ലോ മെഡിക്കല്‍ പഠനം. മികച്ച ചികിത്സയോടൊപ്പം വിദ്യാര്‍ത്ഥികളില്‍ സാമൂഹ്യ ബോധം വളര്‍ത്തുന്ന പദ്ധതികള്‍ കൂടി കോളേജിന്റെ സവിശേഷതയായിരുന്നു. പഠനത്തിന്റെ ഭാഗമായുള്ള മെഡിക്കല്‍ ക്യാമ്പുകളും വില്ലേജ് വിസിറ്റിംഗും രാവിലെ പോയി വൈകിട്ട് തിരിച്ചുവരുന്ന രീതിയിലായിരുന്നില്ല. പാര്‍ശ്വവല്‍ക്കരിക്കപെട്ടവരും അവശത അനുഭവിക്കുന്നവരുമായ ഗ്രാമീണര്‍ക്കൊപ്പം ഒരാഴ്ച താമസിച്ചു അവരുടെ പ്രശ്‌നങ്ങള്‍ നേരിട്ട് മനസിലാക്കുന്ന രീതിയിലായിരുന്നു ക്യാമ്പുകള്‍. ആ ഗ്രാമ സന്ദര്‍ശനങ്ങള്‍, ശാസ്ത്ര രംഗത്തെ പുരോഗതി താഴെ തട്ടില്‍ ഉള്ളവര്‍ക്ക് എത്തുന്നില്ലെന്നും ആ വിടവ് എങ്ങനെ നികത്താന്‍ കഴിയുമെന്നുമുള്ള ഗൗരവമായ ആചോലന പകര്‍ന്നു. കമ്മ്യൂണിറ്റി മെഡിസിന്‍ എനിക്ക് മുന്നിലെ സാധ്യതകളിലൊന്നായിരുന്നു. എന്നാല്‍ ജനജീവിതത്തിന്റെ സര്‍വ മേഖലയിലും സ്പര്‍ശിക്കാന്‍ അവസരം ലഭിക്കുന്നത് സിവില്‍ സര്‍വ്വീസിലാണെന്ന് മനസ്സിലാക്കിയാണ് ഐ.എ.എസ് തെരഞ്ഞെടുക്കാന്‍ തീരുമാനിച്ചത്. ചെറുപ്പം തൊട്ടേ മനസ്സില്‍ കൊണ്ട് നടന്ന ആഗ്രഹം കൂടിയായിരുന്നു അത്.

ആദ്യമായി കേട്ട കളക്ടറുടെ പ്രസംഗം?

അച്ഛന്‍ ഐ.എസ്.ആര്‍.ഒ ജീവനക്കാരനായിരുന്നു. അവിടത്തെ സ്റ്റാഫിന്റെ മക്കളില്‍ കൂടുതല്‍ മാര്‍ക്ക് വാങ്ങിയ കുട്ടികളെ ആദരിക്കുന്ന ചടങ്ങിലെ മുഖ്യാഥിതി ഡോക്ടര്‍ ബി. ബാബു പോള്‍ ഐ എ എസ് ആയിരുന്നു. ഉത്ഘാടകനായി എത്തിയ അദ്ദേഹത്തിന് നിലവിളക്ക് കൈമാറാനും അവാര്‍ഡ് ഏറ്റുവാങ്ങാനും പ്രസംഗം കേള്‍ക്കാനും ഭാഗ്യമുണ്ടായി. കളക്ടര്‍ വന്നപ്പോഴുള്ള പ്രൗഢിയും അദ്ദേഹത്തിന്റെ വാക്ചാരുതയും എന്നിലും ഒരു ഐ.എ.സുകാരിയാവണമെന്ന ചിന്ത ജനിപ്പിച്ചു. പത്താം തരം പരീക്ഷ റിസള്‍ട്ട് കാത്തിരിക്കുമ്പോഴും മറ്റൊരു അനുഭവമുണ്ടായി. റിസള്‍ട്ട് വന്ന ദിവസം രാവിലെ വീട്ടിലെ ഫോണിലേക്ക് ഇപ്പോഴത്തെ ചീഫ് സെക്രട്ടറി വി. പി ജോയ് ഐ.എ.എസ് (അന്നദ്ദേഹം ഡി.പി.ഐ ആയിരുന്നു) വിളിച്ചു. പരീക്ഷയില്‍ ഞാന്‍ ഒന്നാം റാങ്കുകാരിയാണെന്ന വിവരം ആദ്യം പറഞ്ഞത് സാറാണ്. അന്ന് അഭിനന്ദനമറിയിച്ച ചീഫ് സെക്രട്ടറിക്കൊപ്പം അന്നത്തെ ആ പത്താംക്ലാസുകാരി കലക്ടറായി ജോലി ചെയ്യുന്നു എന്നത് ദൈവനിയോഗമായാണ് കാണുന്നത്.

ഒന്നാം റാങ്കുകാരിക്ക് ആരാവാനായിരുന്നു മോഹം?

പത്താം തരത്തിലെ റാങ്കുകാരിയെ തേടി വീട്ടില്‍ ചാനലുകാരും പത്രക്കാരും വന്നു. ആരാവാനാണു ആഗ്രഹമെന്ന പതിവ് ചോദ്യത്തിന് ഡോക്ടര്‍ ആവണം അതിനു ശേഷം ഐ.എ.എസും നേടണം എന്ന ആഗ്രഹമാണ് പ്രകടിപ്പിച്ചത്. പത്രത്തില്‍ അത് പ്രിന്റ് ചെയ്തു വന്നതോടെ അത് രേഖയായി. പത്രം അച്ഛന്‍ സൂക്ഷിച്ചിരുന്നു. വീണ്ടും വീണ്ടും അത് എടുത്ത് വായിക്കുമായിരുന്നു. ദിസ് ബ്രറ്റ് യങ് ഗേള്‍ വുഡ് ലൈക്ക് റ്റു ടേക്ക് എം.ബി. ബി.എസ് ബിഫോര്‍ ട്രെയിന്‍ ടു മസൂരി എന്നായിരുന്നു പിറ്റേദിവസമിറങ്ങിയ ദി ഹിന്ദുവിന്റെ തലക്കെട്ട്. ഐ.എ.എസ് അക്കാദമി മസൂറിയിലാണെന്ന് അന്നാണ് മനസ്സിലായത്. ആ വാര്‍ത്ത എന്റെ ലക്ഷ്യത്തിലേക്കുള്ള പ്രാചോദനം കൂടിയായി.

ഐ.എ.എസില്‍ ശോഭിക്കുന്നവര്‍?

ഐ.എ.എസ് എന്നത് ഒരു സ്‌പെഷ്യലൈസ്ഡ് ജോലിയല്ല. നൈസര്‍ഗികമായി സേവനമേഖലയില്‍ പ്രവര്‍ത്തിക്കാന്‍ താല്പര്യമുള്ളവരും വിവിധ സാഹചര്യങ്ങളോട് കൃത്യമായി ഇടപെടാന്‍ കഴിയുന്നവരുമാണ് സിവില്‍ സര്‍വന്റാവേണ്ടത്. ആരുടെയെങ്കിലും സ്വപ്‌നം പേറി വരുന്നവര്‍ക്ക് കാലിടറും. ഇന്നയിന്ന കാര്യങ്ങള്‍ പഠിച്ചാല്‍ മാത്രം നിങ്ങള്‍ക്ക് ഐ.എ.എസ് ആവാന്‍ പറ്റും എന്ന പറയാനാവില്ല. എപ്പോഴും പുതിയ കാര്യങ്ങള്‍ പഠിക്കുക എന്നതും പുതിയ വെല്ലുവിളികളെ അതിജയിക്കുക എന്നതും സിവില്‍ സര്‍വ്വീസില്‍ പ്രധാനമാണ്. പതിവ് രീതികളോ, നിയതമായ സാഹചര്യങ്ങളോ ആയിരിക്കില്ല ഈ സേവനമേഖലയില്‍. ഏതു സാഹചര്യത്തിലും കാര്യക്ഷമമായി ഇടപെടാനും പ്രവര്‍ത്തിക്കാനും കഴിയുന്നവര്‍ ഈ രംഗത്ത് ശോഭിക്കും.

എന്‍ട്രന്‍സ് ഇല്ലാത്ത പരീക്ഷ

മെഡിക്കല്‍, എന്‍ജിനീയറിങ്, സി.എ തുടങ്ങിയ പ്രൊഫഷണല്‍ കോഴ്‌സിന് ചെറിയ സ്ട്രീമില്‍ പെട്ടവരാണ് പരീക്ഷ എഴുതാറുള്ളത്. പല കോഴ്‌സുകള്‍ക്കും അഡ്മിഷന്‍ കിട്ടാന്‍ എന്‍ട്രന്‍സ് പരീക്ഷയുമുണ്ട്. എന്നാല്‍ ബിരുദം നേടിയ ഏതൊരു വിദ്യാര്‍ത്ഥിക്കും എന്‍ട്രന്‍സില്ലാതെ സിവില്‍ പരീക്ഷ എഴുതാന്‍ സാധിക്കും. സിവില്‍ സര്‍വ്വീസ് എന്നത് വലിയൊരു മൈതാനമാണ്. അവിടെ വലിയ സാധ്യകളുണ്ട്. ഏറ്റവും മികവ് പ്രകടിപ്പിക്കുന്നവരാണ് അവിടെ നിന്നും മുന്നിലെത്തുന്നത്. നമ്മുടെ നാട്ടിലെ യുവജന വിദ്യാര്‍ത്ഥി പ്രസ്ഥാനങ്ങളും ഗ്രന്ഥശാലകളും പരീക്ഷകളില്‍ ജയിച്ചവരെ ആദരിക്കുന്നത് കാണുമ്പോള്‍ സന്തോഷം തോന്നാറുണ്ട്. അതേ വിധം സിവില്‍ സര്‍വീസ് മേഖലയെ കുറിച്ച് അവബോധം സൃഷ്ടിക്കാനുള്ള ക്യാമ്പയിനുകള്‍ കൂടി ഏറ്റെടുത്താല്‍ നമ്മുടെ നാടിനു അത് വലിയ മുതല്‍കൂട്ടാവും.

സിവില്‍ സര്‍വീസ് പരീക്ഷയിലെ കഠിനഘട്ടം.

ഓരോരുത്തര്‍ക്കും വ്യത്യസ്ത അനുഭവമായിരിക്കും. പ്രിലിംസ് ജയിച്ചാല്‍ മതി സിവില്‍ സര്‍വീസ് നേടാനാവുമെന്ന് ആത്മവിശ്വാസം പ്രകടിപ്പിച്ച പലരേയും ഞാന്‍ കണ്ടിട്ടുണ്ട്. എന്നെ സംബന്ധിച്ച് മെയിന്‍സായിരുന്നു പ്രധാന വെല്ലുവിളി. പ്രിലിംസില്‍ ടിക്ക് ചെയ്യാനുള്ള അവസരം മാത്രമാണുള്ളത്. ഇന്റര്‍വ്യുവിലാണെങ്കില്‍ കുറഞ്ഞ സമയം മാത്രമാണ് ഉദ്യോഗാര്‍ത്ഥിക്ക് ലഭിക്കുക. പ്രിലിംസ് രണ്ടു പേപ്പറിന്റെ പരീക്ഷ ആയതിനാലും ഒബ്‌ജെക്റ്റീവ് ടൈപ് ആയത് കൊണ്ടും നമുക്ക് കിട്ടാവുന്ന മാര്‍ക്ക് മനകണക്ക് കൂട്ടാന്‍ പറ്റും. മെയിന്‍സില്‍ ഒമ്പത് പേപ്പര്‍ ആയതു കൊണ്ടും എഴുതുന്ന ആളുടെയും വായിക്കുന്ന ആളുടെയും സബ്ജക്റ്റീവ് അസസ്‌മെന്റ് ഉള്ളതിനാല്‍ ഒന്നും പറയാന്‍ പറ്റില്ല. അതേസമയം മെയിന്‍സ് വെല്ലുവിളി ആണെങ്കിലും നമ്മുടെ ആശയം പ്രകടിപ്പിക്കാനുള്ള ഏക ഘട്ടം അത് മാത്രമാണ്.

എഴുത്തു പരീക്ഷ എങ്ങനെ എളുപ്പമാക്കാം

സ്‌കൂള്‍ തലത്തില്‍ തന്നെ കുട്ടികളുടെ കമ്മ്യൂണിക്കേഷന്‍ സ്‌കില്‍ കണ്ടെത്തി വളര്‍ത്തണം. പ്രസംഗം, ക്വിസ്, ഉപന്യാസം, സംവാദം തുടങ്ങിയ മത്സരങ്ങളില്‍ പങ്കെടുത്ത് ആശയ വിനിമയം ആര്‍ജിച്ചെടുക്കണം. പുതിയ കഥകളും കവിതകളും നവമാധ്യമങ്ങളില്‍ പ്രത്യക്ഷപ്പെടുന്ന കാലത്ത് അത്തരം ഇടങ്ങളിലൂടെ ആശയ വിനിമയം കൂട്ടാന്‍ കഴിയും. ആശയവിനിമയം എന്നാല്‍ പ്രകടിപ്പിക്കുക എന്നത് മാത്രമല്ല. മനസിലാക്കുക, അറിവ് ആര്‍ജിച്ചെടുക്കുക, വിശകലനം ചെയ്യുക തുടങ്ങിയ ഗുണങ്ങള്‍ ശീലിക്കുകയും അവ എഴുത്തിലൂടെയോ വാക്കിലൂടെയോ പ്രകടിപ്പിക്കുക എന്നതും കൂടിയാണ്. ഇതിന്റെ എല്ലാം അടിസ്ഥാനം പരന്ന വായനയാണ്.

സ്വന്തം പഠന രീതി?

കുട്ടിക്കാലത്ത് എനിക്ക് മികച്ച അധ്യാപികമാരുണ്ടായിരുന്നു. സ്‌കൂള്‍ പഠന കാലത്ത് വീട്ടില്‍ എത്തിയാല്‍ ടീച്ചര്‍മാരെ അനുകരിച്ചു ക്ലാസ് എടുക്കുന്ന രീതി സിവില്‍ സര്‍വീസ് പരിശീലനത്തിന് എനിക്ക് ഗുണം ചെയ്തിട്ടുണ്ട്. മറ്റുള്ളവര്‍ക്ക് പറഞ്ഞു കൊടുക്കണമെങ്കില്‍ ആദ്യം പറയുന്നയാള്‍ നന്നായി പഠിക്കേണ്ടിവരും. അന്നത്തെ ക്ലാസ് മുറിയും ടീച്ചറും സാങ്കല്പികം ആയിരുന്നുവെങ്കില്‍ സിവില്‍ സര്‍വീസ് പരിശീലന കാലത്ത് ഈ രീതി യാഥാത്ഥ്യമായി. സമാന മനസുള്ള സുഹൃത്തുക്കള്‍ തമ്മില്‍ മെയിന്‍സ് പരീക്ഷയിലെ എസേക്കുവേണ്ടിയുള്ള പരിശീലനത്തില്‍ ബ്ലാക് ബോര്‍ഡില്‍ ഓരോരുത്തരും പോയിന്റ്‌സ് എഴുതിയായിരുന്നു പഠനം.
സിവില്‍ സര്‍വ്വീസിലെ എന്റെ പഠനം എളുപ്പമാക്കാനായി സ്വയം ഒരു സിലബസ് തയ്യാറാക്കിയിരുന്നു. ഇത് വിദേശകാര്യ സെക്രട്ടറിയായിരുന്ന ടി.പി ശ്രീനിവാസന്‍ സാറിനെ കാണിച്ചു. ഇത് നിങ്ങള്‍ക്ക് ഒരാള്‍ക്കുമാത്രമായി ചുരുക്കരുതെന്നും മറ്റുള്ള കുട്ടിക്കള്‍ക്കും ഇത് ഗുണം ചെയ്യും എന്നായിരുന്നു അദ്ദേഹത്തിന്റെ അഭിപ്രായം. പ്രോത്സാഹനം നിറഞ്ഞ ആ വാക്കുകളില്‍ നിന്നാണ് പാത്ത് ഫൈന്റര്‍ എന്ന പുസ്തകത്തിന്റെ പിറവി. ഇന്നും സിവില്‍ സര്‍വ്വീസിന് തയ്യാറെടുക്കുന്ന പല കുട്ടികളും പാത്ത് ഫൈന്ററിനെക്കുറിച്ച് നല്ലത് പറയുന്നത് കേള്‍ക്കുമ്പോള്‍ അഭിമാനം തോന്നാറുണ്ട്.

ഇന്റര്‍വ്യൂ ദിനത്തിലെ ജന്തര്‍മന്ദര്‍ കാഴ്ച

ഇന്റര്‍വ്യൂവിനെ കുറിച്ച് അമിത ഭീതി ജനിപ്പിക്കുന്നത് കാണാറുണ്ട്. എന്നെ സംബന്ധിച്ച് ആസ്വാദ്യകരമായ അനുഭവമായിരുന്നു. ഇന്റര്‍വ്യൂവിനു പോകുമ്പോള്‍ ഡോക്ടര്‍ ബാബു പോള്‍ ഐ.എ.എസിനെ ഞാന്‍ സന്ദര്‍ശിച്ചിരുന്നു. അന്നദ്ദേഹത്തിന്റെ പിറന്നാളായിരുന്നു. ഇപ്പോള്‍ എന്നോട് സംസാരിക്കും പോലെ അവിടെയും സംസാരിച്ചാല്‍ മതി എന്നായിരുന്നു സാറിന്റെ ഉപദേശം. ഇന്റര്‍വ്യൂ എങ്ങനെ അഭിമുഖീകരിക്കണമെന്നതിന്റെ മര്‍മ്മം ആ വാക്കുകളിലുണ്ടായിരുന്നു. നമ്മള്‍ ആദരിക്കുന്നവരോട് സംസാരിക്കുമ്പോള്‍ എങ്ങനെ സംസാരിക്കുന്നുവോ അതേ രീതിയില്‍ ഇന്റര്‍വ്യൂ ബോഡിനെ നേരിട്ടാല്‍ മതിയാവും. എന്നുവെച്ച് നമ്മുടെ അഭിപ്രായങ്ങള്‍ അടിയറ വെക്കേണ്ടതുമില്ല. എല്ലാം പഠിച്ചു കൊണ്ട് ഒരു ഇന്റര്‍വ്യൂവിലും പങ്കെടുക്കാന്‍ കഴിയില്ല. അഭിമുഖത്തിനായി കേരള ഹൗസില്‍ നിന്നും ജന്തര്‍മന്ദിര്‍ വഴി നടന്നായിരുന്നു യു.പി.എസ്.സി ആസ്ഥാനത്തേക്ക് പോയത്. സമരപന്തലില്‍ അണ്ണാ ഹസാരെയേ കണ്ടിരിന്നോ എന്നായിരുന്നു ആദ്യ ചോദ്യം. പിന്നീട് പതിനഞ്ചു മിനുട്ട് അദ്ദേഹം നടത്തുന്ന സമരം സംബന്ധിച്ച് സംവാദമാണ് നടന്നത്. ആ ദിവസത്തെ സംഭവം പോലും ഇന്റര്‍വ്യൂവില്‍ ചോദിക്കപെടും. അതിനാല്‍ കണ്ണും കാതും തുറന്നു പിടിക്കണം. എന്നോട് തുടര്‍ന്ന് കേരളത്തെ കുറിച്ചും ജില്ലയെ കുറിച്ചും ഹിന്ദി പാട്ടുകളെ സംബന്ധിച്ചും ലതാ മാങ്കേഷ്‌ക്കറെ പറ്റിയും ചോദിച്ചിരുന്നു.

കളക്ടറുടെ ഒരു ദിവസം

ഒരു പുഴയെ രണ്ടു തവണ തൊടാന്‍ പറ്റില്ല എന്ന് പറയാറുള്ളത് പോലെ കലക്ടറുടെ ഓരോ ദിവസവും വ്യത്യസ്തമാണ്. രാവിലെ 9 മണി മുതല്‍ കര്‍മ നിരതയാവണം. ജില്ലയിലെ പല പ്രശ്‌നങ്ങളും ചര്‍ച്ച ചെയ്യാനും പരിഹാരം കാണാനുമായി മീറ്റിംഗുകള്‍ കൂടും. മന്ത്രിമാരുടെ വീഡിയോ കോണ്‍ഫ്രന്‍സില്‍ പങ്കെടുക്കും. കോളനികളില്‍ സന്ദര്‍ശനം നടത്തേണ്ടി വരും. റേഷന്‍ കടകളില്‍ പരിശോധന നടത്തും. ജയിലുകളില്‍ സന്ദര്‍ശനം നടത്തും. ഓഫീസില്‍ ദിവസവും നിശ്ചിത സമയം പൊതു ജനങ്ങളുടെ പരാതി കേള്‍ക്കാനും തീര്‍പ്പു കല്‍പിക്കാനും മാറ്റി വെക്കും. അദാലത്തുകള്‍ സംഘടിപ്പിക്കും. മഴ, പ്രളയം പോലുള്ള അപ്രതീക്ഷിത സാഹചര്യങ്ങളെ നേരിടാനുള്ള സംവിധാനങ്ങള്‍ ഏര്‍പെടുത്തും. ലോക്‌സഭാ- നിയമസഭാ ജനപ്രതിനിധികളുടെ വികസന പദ്ധതികളെ കുറിച് അവലോകനം നടത്തും. ജില്ലാ ആസൂത്രണ സമിതി യോഗത്തിലും പൊതു പരിപാടികളിലും പങ്കെടുക്കും. വൈകുന്നേരത്തോടെയാണ് ഫയലുകള്‍ നോക്കി തുടങ്ങുന്നത്. പല ദിവസവും അത് രാത്രി 9 മണി വരെ നീളും.

ഭാരത് ദര്‍ശന്‍ യാത്ര അനുഭവം

ആയിരം മൈല്‍ യാത്ര ആരംഭിക്കുന്നത് ഒരൊറ്റ ചുവടുവെപ്പില്‍ നിന്നാണ്. ജീവിത യാത്രയില്‍ എന്നും ഓര്‍മിക്കാനുള്ള ഒട്ടേറെ പാഠങ്ങളാണ് മസൂറിയില്‍ ആരംഭിച്ച ഭാരത് ദര്‍ശന്‍ യാത്ര അനുഭവം പകര്‍ന്നത്. സിക്കിം, അരുണാചല്‍ പ്രദേശ് ഉള്‍പ്പെടെ ഒമ്പതു സംസ്ഥാനങ്ങളിലൂടെ ഇന്ത്യയുടെ ഹൃദയം തൊട്ടറിഞ്ഞൊരു യാത്ര. 18 പേരടങ്ങുന്ന സംഘമായിരുന്നു യാത്രയില്‍. സംസ്‌കാരത്തിലും ഭാഷയിലും ഭക്ഷണത്തിലും വസ്ത്രത്തിലുമടക്കം ഇന്ത്യയിലെ വൈവിധ്യങ്ങള്‍ നേരില്‍കണ്ടും അനുഭവിച്ചും മൈനസ് 16 തണുപ്പിലൂടെയടക്കം സഞ്ചരിച്ച ജീവിതത്തിലെ ഏറ്റവും സംഭവബഹുലമായ 72 ദിവസങ്ങളായിരുന്നു അത്. കര-വ്യോമ-നാവിക സേനാ ആസ്ഥാനങ്ങളും ആന്‍ഡമാന്‍ ഉള്‍പ്പെടെ കേന്ദ്രഭരണ പ്രദേശങ്ങള്‍ സന്ദര്‍ശിച്ചുമായിരുന്നു യാത്ര. മിലിട്ടറി ബങ്കറുകളിലടക്കം താമസിച്ചും ശാരീരികവും മാനസികവുമായ വെല്ലുവിളികളെ മറികടക്കാന്‍ സിവില്‍ സര്‍വന്റിനെ പ്രാപ്തമാക്കുക കൂടിയാണ് ഭാരത് ദര്‍ശന്‍ യാത്രയുടെ ഉദ്ദേശ്യം.

നിയമലംഘനങ്ങള്‍ക്കെതിരെ കര്‍ക്കശ നിലപാടുകള്‍കൊണ്ട് പേരെടുത്ത ഐ.എ.എസുകാരി. ഭൂമികയ്യേറ്റക്കാര്‍ക്കും ഭക്ഷ്യവസ്തുക്കളില്‍ മായം കലര്‍ത്തുന്നവര്‍ക്കുമെതിരെ ലക്ഷമണരേഖ വരച്ച 2010 ബാച്ചിലെ നാലാം റാങ്കുകാരി. നോക്കുകൂലിക്കെതിരെ പോരാട്ടം നടത്തിക്കൊണ്ട് വരവറിയിച്ചു. കോഴിക്കോട് അസിസ്റ്റന്റ് കലക്ടര്‍, കാഞ്ഞങ്ങാട് സബ് കലക്ടര്‍, തൃശൂരിലും ആലുപ്പുഴയിലും ജില്ലാ കലക്ടര്‍, വനിതാ ശിശുവികസന വകുപ്പ് ഡയറക്ടര്‍, പട്ടികവര്‍ഗ വികസന വകുപ്പ് ഡയറക്ടര്‍ പദവികള്‍ വഹിച്ചു. നിലവില്‍ ലാന്റ് റവന്യൂ കമ്മീഷണറാണ് എസ്.എസ്.എല്‍.സി, പ്ലസ്ടു പരീക്ഷകളിലെ ഈ റാങ്ക് ജേത്രി.

ഐ എ എസ് മോഹം?

ഐ.എ.എസ് കുട്ടിക്കാലം മുതല്‍ക്കേയുളള മോഹമായിരുന്നു. അമ്മയും അച്ഛനും ഇതേപ്പറ്റി എനിക്ക് പറഞ്ഞുതന്നിരുന്നു. പൊലീസ് ഉദ്യോഗസ്ഥരുടെ മക്കളില്‍ ഉയര്‍ന്ന മാര്‍ക്കില്‍ പത്താം ക്ലാസ് പാസ്സായവരെ അനുമോദിക്കുന്ന ഒരു ചടങ്ങില്‍ വച്ച് ഉയര്‍ന്ന ഉദ്യോഗസ്ഥരെ കണ്ടതോടെ ആ ഇഷ്ടം കൂടുതല്‍ ശക്തമായി. മുന്‍ ഡി.ജി.പി ജേക്കബ് പുന്നൂസ് സാറിനെ പോലെയുളള സീനിയര്‍ ഓഫിസര്‍മാരുടെ പ്രസംഗങ്ങളും അഭിമുഖസംഭാഷണങ്ങളും എന്നില്‍ സ്വാധീനം സൃഷ്ടിച്ചു. ഗ്രാജുവേഷന്‍ ഗോവയിലെ ബീറ്റ്സ് പിലാനിയിലായിരുന്നു. എഞ്ചിനീയറിംഗ് മേഖലയില്‍ ജോലി ലഭിച്ചിരുന്നു. സിവില്‍ സര്‍വീസ് പരീക്ഷയില്‍ വിജയിക്കുമെന്ന് പൂര്‍ണ ഉറപ്പുമുണ്ടായിരുന്നില്ല. എന്നിട്ടും സിവില്‍ സര്‍വ്വീസെന്ന കുട്ടിക്കാലം തൊട്ടേയുള്ള ആഗ്രഹത്തിനൊപ്പം നില്‍ക്കാന്‍ ഞാന്‍ തീരുമാനിച്ചു. സിവില്‍ സര്‍വ്വീസില്‍ മലയാളവും ജ്യോഗ്രഫിയുമായിരുന്നു പ്രധാന വിഷയങ്ങള്‍. ആദ്യ ചാന്‍സില്‍ നാലാം റാങ്കോടെ പാസായി.

ടൈംടേബിള്‍ ക്രമീകരണം

സിവില്‍ സര്‍വീസിനു തയ്യാറെടുപ്പ് നടത്തുന്നത് വരെ ചിട്ടയായ പഠന രീതി ഉണ്ടായിരുന്നില്ല. ക്ലാസെടുക്കുന്നത് പരമാവധി ശ്രദ്ധിച്ച് കേട്ടുപഠിക്കുന്നതായിരുന്നു രീതി. കോളജിലായിരുന്നപ്പോഴും പരീക്ഷക്ക് വേണ്ടിയുള്ള പഠനമാണ് അവലംബിച്ചിരുന്നത്. സിവില്‍ സര്‍വീസ് പരിശീലനത്തില്‍  ഓരോ തവണയും ഓരോ സിലബസ് എപ്പോള്‍ പഠിച്ചു തീര്‍ക്കണമെന്ന് കൃത്യമായി ഷെഡ്യൂള്‍ ചെയ്തു തുടങ്ങി.

അഭിമുഖത്തിലെ ചോദ്യങ്ങള്‍?

ഇന്റര്‍വ്യൂവില്‍ പ്രധാനമായും കേരളത്തെ കുറിച്ചായിരുന്നു ചോദ്യം. എന്റെ ജീവിത പശ്ചാത്തലവും എഞ്ചിനീയറിങ് കാലത്തെ കുറിച്ചും അഭിരുചികളെ കുറിച്ചും ചോദിച്ചിരുന്നു. വായനയെ കുറിച്ചും വായിച്ച പുസ്തകങ്ങള്‍ സംബന്ധിച്ചും ഇന്ത്യയുടെ വികസനവും സാമ്പത്തിക സ്ഥിതി തുടങ്ങിയ പ്രസക്തമായ ഭാഗങ്ങളില്‍ നിന്നുള്ള മറ്റുപല ചോദ്യങ്ങളുമുണ്ടായിരുന്നു.

വിജയ മന്ത്രങ്ങള്‍?

ചുറ്റും നടക്കുന്ന കാര്യങ്ങള്‍ അറിയാന്‍ ശ്രമിക്കണം. പത്രവായന മുടങ്ങരുത്. മികച്ച ലൈബ്രറയില്‍ അംഗത്വം എടുക്കണം. വായിക്കുന്ന കാര്യങ്ങളില്‍ പ്രധാനപ്പെട്ടവ കുറിച്ച് വെക്കണം. ഐഛിക വിഷയങ്ങള്‍ സ്വന്തം താല്പര്യത്തിന് അനുസരിച്ചു തെരഞ്ഞെടുക്കണം. സിവില്‍ സര്‍വീസ് പരീക്ഷകള്‍ക്ക് വസ്തുതകള്‍ മാത്രം അറിഞ്ഞാല്‍ മതിയാവില്ല. ഉത്തരം എഴുതാന്‍ സഹായിക്കുന്ന അഭിപ്രായങ്ങളും വിശകലനങ്ങളും വായിക്കണം. ദേശീയ സംഭവവികാസങ്ങള്‍, സമ്പദ് വ്യവസ്ഥ, പരിസ്ഥിതി, അന്തര്‍ദേശീയ വിഷയങ്ങള്‍ എന്നിവ സംബന്ധിച്ചു ധാരണയുണ്ടായിരിക്കണം.

കേഡര്‍ നിര്‍ണ്ണയ രീതികള്‍

മുന്‍ വര്‍ഷങ്ങളിലെ കേഡര്‍ നിര്‍ണയത്തില്‍ സിവില്‍ സര്‍വ്വീസ് ഉദ്യോഗാര്‍ത്ഥിക്ക് ഓരോ സംസ്ഥാനത്തെയും തെരഞ്ഞെടുക്കാന്‍ കഴിയുമായിരുന്നു. മൂന്ന് വേക്കന്‍സിയില്‍ രണ്ടെണ്ണം മറ്റു സംസ്ഥാനക്കാര്‍ക്കും ഒരെണ്ണം സ്വന്തം സംസ്ഥാനക്കാര്‍ക്കും എന്ന ഇന്‍സൈഡര്‍ വേക്കന്‍സിയിലെ വണ്‍ തേഡ് സിസ്റ്റത്തില്‍ വന്നാല്‍ മാത്രമാണ് സ്വന്തം സംസ്ഥാനത്തില്‍ ജോലി ചെയ്യാന്‍ അവസരം ലഭിക്കുക. എല്ലാവര്‍ക്കും സ്വന്തം സംസ്ഥാനത്ത് ജോലി ചെയ്യാന്‍ ഇഷ്ടമുണ്ടാവും. നാടിനെ അറിഞ്ഞു സേവനം ചെയ്യാന്‍ കഴിയും എന്നതാണ് അതിന്റെ നേട്ടം. മറ്റു സംസ്ഥാനങ്ങളില്‍ മുന്‍വിധിയും സമ്മര്‍ദവുമില്ലാതെ  ജോലി ചെയ്യാന്‍ കഴിയും എന്നത് ഔട്ട് സൈഡര്‍ വേകന്‍സിയുടെ ഗുണമാണ്. ഏത് കേഡറാണെങ്കിലും അതിന്റേതായ മേന്മകളുണ്ട്. വേര്‍തിരിച്ച് കാണേണ്ടതില്ല.

കേഡര്‍ സോണുകള്‍ ഏതെല്ലാം?

നിലവിലെ കേഡര്‍ നിര്‍ണയത്തില്‍ സോണുകളാക്കി തിരിക്കുന്ന രീതിയാണുള്ളത്. ഒരു ഭാഗത്തു മാത്രം കേന്ദ്രീകരിച്ചു ഓപ്ഷന്‍ കൊടുക്കുന്ന രീതി തടയലാണ് സോണ്‍ വിഭജനത്തിന്റെ ലക്ഷ്യം.
വിവിധ കേഡര്‍ സോണുകള്‍
1. ഹിമാചല്‍ പ്രദേശ്, ഉത്തരാഖണ്ഡ്, പഞ്ചാബ്, രാജസ്ഥാന്‍, ഹരിയാന.
2. ഉത്തര്‍ പ്രേദേശ്, ബീഹാര്‍, ഛാര്‍ഖണ്ഡ്, ഒഡിഷ.
3. ഗുജറാത്ത്, മഹാരാഷ്ട്ര, മധ്യപ്രദേശ്. ഛത്തിസ്ഘട്ട്
4. വെസ്റ്റ് ബംഗാള്‍, സിക്കിം, അസം, മേഘാലയ, മണിപ്പൂര്‍. നാഗാലാന്റ്, ത്രിപുര
5. തെലങ്കാന, ആന്ധ്രാ പ്രദേശ്, കര്‍ണാടക, തമിഴ്‌നാട്, കേരളം.
ഉദ്യോഗാര്‍ഥികള്‍ അഞ്ചു സോണിലും പ്രിഫറന്‍സ് കൊടുക്കണം. അത് കൂടാതെ ഓരോ സോണിലും പ്രിഫ്രന്‍സ് കൊടുക്കണം. കേരളത്തില്‍ നിന്നുള്ള ഒരാള്‍ക്ക് സ്വന്തം സംസ്ഥാനത്ത് അവസരം കിട്ടാന്‍ മെറിറ്റിനോടൊപ്പം സോണ്‍ പ്രിഫറന്‍സും സോണിലെ കേഡര്‍ പ്രിഫറന്‍സും നിര്‍ബന്ധമാണ്.

കളക്ടറുടെ ഇലക്ഷന്‍ റോള്‍

പാര്‍ലിമെന്റ്, അസംബ്ലി, തദ്ദേശ തെരഞ്ഞെടുപ്പുകളില്‍ ജില്ലാ ഇലക്ഷന്‍ ഓഫീസര്‍ എന്ന നിലയില്‍ കളക്ടറാണ് പ്രവര്‍ത്തനങ്ങള്‍ ഏകോപിപ്പിക്കേണ്ടത്. ലോകസഭ ഇലക്ഷനിലെ റിട്ടേണിങ് ഓഫിസറും കളക്ടറാണ്. അതിനാല്‍ ഏകോപനത്തിനൊപ്പം നടത്തിപ്പും കലക്ടറുടെ ചുമതലയാണ്. തെരഞ്ഞെടുപ്പ് നടത്തിപ്പിന് നല്ല ഒരു സിസ്റ്റം രാജ്യത്തുണ്ട്. ഇലക്ഷന്‍ പ്രവര്‍ത്തനങ്ങള്‍ ഏകോപിപ്പിക്കുന്നതില്‍ കേരളം മുന്‍പന്തിയിലാണ്. ഇവിടെ മികച്ച ഉദ്യോഗസ്ഥരുണ്ട്. തെരഞ്ഞെടുപ്പ് സമയത്ത് ഉത്തരവാദിത്വത്തോടെ എല്ലാവരും പ്രവര്‍ത്തിക്കുന്നത് കാണാറുണ്ട്. ഉദ്യോഗസ്ഥരെ വിശ്വാസത്തിലെടുക്കുകയും പ്രവര്‍ത്തനങ്ങള്‍ ഏകോപിപ്പിക്കുകയും ചെയ്യേണ്ടത് കലക്ടറാണ്. വീഴ്ച സംഭവിക്കാന്‍ സാധ്യതയുള്ള വോട്ടിംഗ് മെഷീന്‍ വിതരണം, സൂക്ഷിപ്പ് തുടങ്ങിയ കാര്യങ്ങളില്‍ ജാഗ്രത ആവശ്യമാണ്.

ഐ.എ.എസ് വേണ്ടായിരുന്നു എന്ന തോന്നല്‍?

ഐ.എ.എസ് ഒട്ടേറെ സമ്മര്‍ദമുള്ള ജോലിയാണെങ്കിലും ഒരിക്കലും ഇത് തെരഞ്ഞുടുത്തതു തെറ്റായി എന്നോ വേണ്ടിയിരുന്നില്ല എന്ന തോന്നലുകളോ ഉണ്ടായിട്ടില്ല. എല്ലാ ജോലികള്‍ക്കുമുള്ളത് പോലെ നല്ലതും ചീത്തയും സിവില്‍ സര്‍വീസിലുമുണ്ട്. നല്ല രീതിയില്‍ പെര്‍ഫോം ചെയ്യാന്‍ പറ്റുന്ന സമയവും ചെയ്യാന്‍ പറ്റാത്ത സാഹചര്യവും ഈ ജോലിയിലുമുണ്ട്. വിഷമങ്ങള്‍ക്കൊപ്പം കുറെയേറെ സന്തോഷമുഹൂര്‍ത്തങ്ങളും അനുഭവിക്കാറുണ്ട്. തിരക്ക് പിടിച്ച പല ദിവസങ്ങളിലും ജീവിതം ആസ്വദിക്കാന്‍ കൂടിയുളളതല്ലേ എന്നു തോന്നും. പക്ഷേ, സിവില്‍ സര്‍വീസ് ഇങ്ങനെയൊക്കെയാണെന്നറിഞ്ഞാണ് എല്ലാവരും വരുന്നത്. അത്രയും ഉത്തരവാദിത്തവും ക്ഷമയും സമര്‍പ്പണവും ഈ പ്രൊഫഷന്‍ ആവശ്യപ്പെടുന്നുണ്ട്. അവധി ദിവസങ്ങള്‍ കുടുംബത്തോടൊപ്പം ചെലവഴിക്കണമെന്ന് കരുതുമ്പോഴായിരിക്കും ഔദ്യോഗിക പരിപാടികളില്‍ പങ്കെടുക്കേണ്ടി വരിക.

വിഷ രഹിത കേരളം: പോരാട്ടത്തിലെ ഓര്‍മ്മകള്‍

ഭക്ഷണ ശാലകളുടെ എണ്ണക്കൂടുതല്‍ കേരളീയരുടെ ഭക്ഷണ രീതിയിലെ മാറ്റങ്ങളാണ് പ്രകടിപ്പിക്കുന്നത്. സ്ഥല പരിമിതിയും സമയ കുറവും മൂലം പുറത്തു നിന്ന് ഭക്ഷണം കഴിക്കാന്‍ നിര്‍ബന്ധിതരാവുകയാണ്. ഈ അവസരം മുതലെടുത്തു മായം കലര്‍ത്തി ഭക്ഷണം രുചികരവും ആകര്‍ഷവുമാക്കാനുള്ള ശ്രമവും കൂടിവരികയാണ്. ഭക്ഷ്യ വസ്തുക്കളില്‍ മായം ചേര്‍ക്കുന്ന അപകടം നിറഞ്ഞ പ്രവണതക്കെതിരെ ഭക്ഷ്യ വകുപ്പിന്റെ ചുമതല വഹിച്ച സമയത്ത് ചില ഇടപെടലുകള്‍ നടത്തിയിരുന്നു. പരിശോധന റിപ്പോര്‍ട്ടുകളുടെ പശ്ചാത്തലത്തില്‍ കടകളില്‍ കയറിയും സാമ്പിളുകള്‍ പരിശോധിച്ചുമാണ് മായം പിടികൂടിയത്. എന്നെ സംബന്ധിച്ച് അത് ഭക്ഷ്യവകുപ്പ് ചുമതലകളുടെ തുടക്കമായിരുന്നു. എന്നാല്‍ വര്‍ഷങ്ങളായി ആ വകുപ്പില്‍ ഉണ്ടായിരുന്ന ഉദ്യോഗസ്ഥര്‍ മാര്‍ഗനിര്‍ദ്ദേശങ്ങളുമായി കൂടെയുണ്ടായിരുന്നു. ചെറിയ ഡിപ്പാര്‍ട്‌മെന്റ് ആയതിനാല്‍ നല്ല ഒത്തിണക്കവും സാധ്യമായി. ഉന്നത ഉദ്യോഗസ്ഥരുടെ നിര്‍ലോഭമായ പിന്തുണയും ലഭിച്ചു. ഭക്ഷണശാലകളുടെ എണ്ണത്തിനനുസരിച്ചുള്ള ഉദ്യോസ്ഥരില്ലാത്തത് പോരായ്മകള്‍ക്ക് കാരണമായിട്ടുണ്ടാവാം.

മറക്കാനാവാത്ത സ്വാതന്ത്ര്യ ദിനം

സ്വാതന്ത്ര്യ ദിനം കലക്ടര്‍മാരുടെ തിരക്കുപിടിച്ച ദിവസമാണ്. എന്നാല്‍ 2018ലെ സ്വാതന്ത്ര്യ ദിനം എന്നെ സംബന്ധിച്ച് ജീവിതത്തിലെ മറക്കാന്‍ കഴിയാത്ത ഓര്‍മ്മയാണ്. ശക്തമായ മഴയെത്തുടര്‍ന്ന് ഗ്രൗണ്ടില്‍ വെച്ച് പരേഡ് പൂര്‍ണമായും നടത്താനായില്ല. പവലയിന്റെ അടുത്തുവെച്ച് തന്നെ സല്യൂട്ട് സ്വീകരിക്കലും ഫ്‌ളാഗ് സെറിമണിയും നടത്തേണ്ടിവന്നു. അന്ന് വൈകുന്നേരത്തോടെ പരേഡ് ഗ്രൗണ്ടിലടക്കം വെള്ളം കയറി. നിര്‍ത്താതെ പെയ്ത മഴയില്‍ തൃശൂരിലെ പല ഭാഗങ്ങളേയും വെള്ളത്തിനടിയിലായി. നൂറ്റാണ്ട് കണ്ട പ്രളയത്തിലേക്ക് നീങ്ങുകയായിരുന്നു തൃശൂര്‍ ജില്ലയും. മുന്നനുഭവമില്ലാത്ത മഹാദുരന്തം നേരിടേണ്ടിവന്നതും അതിനെ അതിജയിക്കാനായി നടത്തിയ പോരാട്ടങ്ങളും ജീവിതത്തിലെ മറക്കാനാവാത്ത അനുഭവമാണ്. സ്വന്തം വീട്ടിലടക്കം വെള്ളംകയറിയിട്ടും സേവനനിരതരായ ഉദ്യോഗസ്ഥരും പൊതുജനങ്ങളും നടത്തിയ പ്രവര്‍ത്തനങ്ങള്‍ നല്‍കിയ അഭിമാനവും സന്തോഷവും ചെറുതല്ല.

ജനപ്രതിനിധികളും ഉദ്യോഗസ്ഥരും തമ്മിലെ ബന്ധം

സര്‍ക്കാരിന്റെ ഏതൊരു പദ്ധതിയും പൂര്‍ത്തിയാക്കാന്‍ ജനപ്രതിനിധികളുടെ പിന്തുണ ആവശ്യമാണ്. എല്ലാത്തിനുമുപരി, അവര്‍ ജനങ്ങളുമായി കൂടുതല്‍ അടുത്ത് നില്‍ക്കുന്നവരാണ്. നാടിന്റെ പുരോഗതിക്കായി ഉദ്യോഗസ്ഥരും ജനപ്രതിനിധികളും ഒരുമിച്ച് പ്രവര്‍ത്തിക്കണം. അതേസമയം ഇത്തരം കൂട്ടായ പ്രവര്‍ത്തനങ്ങള്‍ റിപ്പോര്‍ട്ട് ചെയ്യപ്പെടുന്നത് അപൂര്‍വമാണ്. അഭിപ്രായവ്യത്യാസങ്ങള്‍ മാത്രമാണ് വാര്‍ത്തകളില്‍ നിറയുന്നത്.

പടവുകളായി മാറിയ ലൈബ്രറികള്‍

മലപ്പുറം ജില്ലയിലെ മാറഞ്ചേരി പഞ്ചായത്തിലെ പനമ്പാടാണ് എന്റെ സ്വദേശം. അവിടെ മികച്ച ഒരു വായനശാല ഉണ്ടായിരുന്നു. അവിടത്തെ നവോദയ വായന ശാലയില്‍ ഞാന്‍ ഇഷ്ടം പോലെ സമയം ചിലവഴിച്ചിട്ടുണ്ട്. മലയാളം ഫിക്ഷനോടായിരുന്നു ഇഷ്ടം. യാത്ര വിവരണങ്ങളും വായിച്ചിരുന്നു. അച്ഛനും അമ്മയും നല്ല വായന ശീലമുള്ളവരായതിനാല്‍  വീട്ടിലും കുറെ പുസ്തകങ്ങള്‍ ഉണ്ടായിരുന്നു. കോളേജ് ലൈബ്രറിയില്‍ നിന്നാണ് സിവില്‍ സര്‍വീസ് സംബന്ധിച്ചുള്ള പുസ്തകങ്ങള്‍ വായിച്ചത്. സിവില്‍ സര്‍വീസ് പരിശീലനത്തിന് തിരുവനന്തപുരത്തെ യൂണിവേഴ്‌സിറ്റി ലൈബ്രറി ഉപകരിച്ചിട്ടുണ്ട്. എന്റെ പ്രൊഫസറായ രാജശേഖരന്‍ സാറാണ് യൂണിവേഴ്‌സിറ്റി ലൈബ്രറി നിര്‍ദ്ദേശിച്ചത്. കോഴിക്കോട് അസിസ്റ്റന്റ് കളക്ടറായ സമയത്തും ലൈബ്രറിയില്‍ മെമ്പര്‍ഷിപ്പ് ഉണ്ടായിരുന്നു. വീട്ടിലെ വായന കുറവാണിപ്പോള്‍. യാത്രയിലാണ് കൂടുതലായി വായിക്കാറുള്ളത്. ഇ ബുക്ക് റീഡിംഗും കൂടെയുണ്ട്..