ഞായറാഴ്ച അർധരാത്രിക്കുശേഷമുള്ള പരാതികളിൽ കേസ് രജിസ്റ്റർ ചെയ്യുന്നതും തുടർനടപടികൾ സ്വീകരിക്കുന്നതുമൊക്കെ പുതിയ നിയമവ്യവസ്ഥപ്രകാരമായിരിക്കും. അതിനുമുൻപുണ്ടായ എല്ലാ കുറ്റകൃത്യങ്ങളിലും നിലവിലെ നിയമപ്രകാരമായിരിക്കും നടപടി. ഇപ്പോൾ രജിസ്റ്റർചെയ്തിരിക്കുന്ന കേസുകളിലെ നടപടിക്രമം എല്ലാം പൂർത്തിയാക്കേണ്ടത് നിലവിലുള്ള നിയമപ്രകാരംതന്നെയായിരിക്കും.

കഴിഞ്ഞവർഷം ഓഗസ്റ്റ് 12-നാണ് ആഭ്യന്തരമന്ത്രി അമിത് ഷാ പാർലമെന്റിൽ നിയമത്തിന്റെ കരട് അവതരിപ്പിച്ചത്. അപാകം പരിഹരിച്ച് ഡിസംബർ 13-ന് പുതുക്കി അവതരിപ്പിച്ചു. ഡിസംബർ 25-ന് രാഷ്ട്രപതി അംഗീകാരം നൽകി.

ഓഗസ്റ്റ് 11-ന് കേന്ദ്ര ആഭ്യന്തരമന്ത്രി അമിത് ഷാ പാർലമെന്റിൽ അവതരിപ്പിച്ച ആദ്യ ബില്ലുകൾ സ്റ്റാൻഡിങ് കമ്മിറ്റിക്ക് വിട്ടിരുന്നു. കമ്മിറ്റി നവംബർ പത്തിന് റിപ്പോർട്ട് സമർപ്പിച്ചതിന് പിന്നാലെ ഡിസംബർ 11-ന് ബില്ലുകൾ പിൻവലിച്ചു. പിന്നീട് ശീതകാല സമ്മേളനത്തിൽ അവതരിപ്പിച്ച പുതിയ ബില്ലുകളായിരുന്നു സഭകൾ പാസാക്കിയത്. ഡിസംബർ അവസാനം രാഷ്ട്രപതി ദ്രൗപദി മുർമു അംഗീകാരം നൽകിയതോടെ ബില്ലുകൾ നിയമങ്ങളായി മാറി.

കോടതിയില്‍ ഒരു കേസിന്റെ വാദം നടക്കുന്നതിനിടയിലാണ് ജസ്റ്റിസിന്റെ പരാമര്‍ശം. അഭിഭാഷകര്‍ ഐ.പി.സി, സി.ആര്‍.പി.സി സംബന്ധിച്ച് ചില പരാമര്‍ശങ്ങള്‍ നടക്കുന്നതിനിടയില്‍ പുതിയ ആക്ട് പരിശോധിക്കണമെന്ന അഭിപ്രായം ഉയര്‍ന്നു.

തുടര്‍ന്ന് ആക്ടിന്റെ പുതിയ പേര് പറയാമോ എന്ന് അഭിഭാഷകനോട് ചോദിച്ചു. എന്നാല്‍ അഭിഭാഷകന്‍ അത് പറയാന്‍ പ്രയാസപ്പെട്ട സാഹചര്യത്തിലാണ് താന്‍ ഇനിയും ഐ.പി.സി എന്നും സി.ആര്‍.പി.സി എന്നും പറയുമെന്നും തനിക്ക് ഹിന്ദി അറിയില്ലെന്നും ജസ്റ്റിസ് ആനന്ദ് വെങ്കിടേഷ് വ്യക്തമാക്കിയത്.

അഭിഭാഷകര്‍ക്കും സര്‍ക്കാര്‍ ജീവനക്കാര്‍ക്കും പോലും പുതിയ പേരുകള്‍ പറയാന്‍ പ്രയാസമുണ്ട് എന്നും അദ്ദേഹം ചൂണ്ടിക്കാട്ടി. ഡി.എം.കെ മന്ത്രിമാരെ വെറുതെവിട്ടതിനെതിരെ സ്വമേധയാ പുനപരിശോധന നടപടികള്‍ സ്വീകരിച്ച് ശ്രദ്ധേയനായിരുന്നു ആനന്ദ് വെങ്കിടേഷ്. ഇതുപോലെയുള്ള ജഡ്ജിമാര്‍ ഉണ്ടെന്നതില്‍ ദൈവത്തോട് നന്ദി പറയുന്നു എന്ന് ആഴ്ചകള്‍ക്ക് മുമ്പ് സുപ്രീം കോടതി ചീഫ് ജസ്റ്റിസ് ഡി.വൈ. ചന്ദ്രചൂഡ് അദ്ദേഹത്തെ കുറിച്ച് പറഞ്ഞിരുന്നു.

ബില്ലുകള്‍ പാര്‍ലമെന്ററി സ്റ്റാന്റിങ് കമ്മിറ്റിക്ക് വിടും. രാജ്യത്തെ നിലവിലുള്ള ക്രിമിനല്‍ നിയമങ്ങള്‍ ബ്രിട്ടീഷുകാരുണ്ടാക്കിയതാണെന്ന് ചൂണ്ടിക്കാട്ടിയാണ് അമിത് ഷാ പാര്‍ലമെന്റില്‍ പുതിയ ബില്ലുകള്‍ അവതരിപ്പിച്ചത്.