ഈ വര്‍ഷവും ബോളീവുഡും ക്രിക്കറ്റും ഈ രംഗത്തെപ്രധാന രണ്ടു വിഷയങ്ങളെന്ന സ്ഥാനത്തു തുടരുന്നുണ്ട്. നിരവധി ബോക്സോഫീസ് റെക്കോര്‍ഡുകള്‍ ഭേദിച്ച ഇന്ത്യയിലെ ഏറ്റവും ചെലവു ചെയ്തു നിര്‍മിച്ച ചിത്രമായ വിവിധ ഭാഷകളിലുള്ള ബാഹുബലി 2 ദി കണ്‍ക്ലൂഷന്‍ ഗൂഗിളില്‍ ഈ വര്‍ഷത്തെ ട്രെന്‍ഡുകളുടെ കാര്യത്തില്‍ ഏറ്റവും മുന്നിലെത്തിയതു സ്വാഭാവികം മാത്രം. ഇന്ത്യന്‍ പ്രീമിയര്‍ ലീഗിനെക്കുറിച്ചുള്ള സെര്‍ച്ചുകളാണ് ഇതിനു പിന്നാലെയുള്ളത്.

ലൈവ് ക്രിക്കറ്റ് ആണ് മൂന്നാം സ്ഥാനത്തു നില്‍ക്കുന്നത്. ഏഴു ബോളീവുഡ് ചിത്രങ്ങളാണ് ആദ്യ പത്തു സ്ഥാനങ്ങളില്‍ ഇടം പിടിച്ചിട്ടുള്ളതെന്നും ഗൂഗിള്‍ ഇന്ത്യയുടെ കണക്കുകള്‍ സൂചിപ്പിക്കുന്നു. ബോളീവുഡ് ഗാനങ്ങളും വന്‍ തോതില്‍ സെര്‍ച്ചു ചെയ്യപ്പെട്ടിട്ടുണ്ട്.

ഹവാ ഹവാ ആണ് ഈ വര്‍ഷം ഏറ്റവും കൂടുതല്‍ തെരഞ്ഞ ഗാനം. മേരേ രക്ഷേ ഖ്വമാര്‍ എന്ന സൂഫി ട്രാക്കാണ് ഇതിനു പിന്നില്‍. പാശ്ചാത്യ സംഗീതത്തിലുള്ള താല്‍പ്പര്യം നിലനില്‍ക്കുന്നതിനെ സൂചിപ്പിക്കുന്നതാണ് ലാറ്റിന്‍ ഹിറ്റ് ആയ ഡെസ്പാസിറ്റോയ്ക്കായുള്ള തെരച്ചില്‍.

എന്റര്‍ടെയ്നര്‍മാരില്‍ ഈ വര്‍ഷവും സണ്ണി ലിയോണ്‍ തന്നെയാണ് മുന്നില്‍. ആര്‍ഷി ഖാന്‍, സപ്ന ചൗധരി, വിദ്യ വോക്സ് എന്നിവര്‍ പിന്നാലെയുണ്ട്.

അഖിലേന്ത്യാ തലത്തിലെ വാര്‍ത്തകളുടെ കാര്യത്തില്‍ സി.ബി.എസ്.ഇ. ഫലങ്ങള്‍, യു.പി. തെരഞ്ഞെടുപ്പ്, ജി.എസ്.ടി., ബജറ്റ് എന്നിവയാണ് മുന്നിലുള്ളത്. ആഗോള തലത്തില്‍ ബിറ്റ്കോയിന്‍ വിലയെക്കുറിച്ചും റാന്‍സംവെയറിനെക്കുറിച്ചുമാണ് കൂടുതല്‍ അന്വേഷണങ്ങള്‍ ഉണ്ടായത്. ലോക സുന്ദരി പട്ടം ലഭിച്ചത് സ്വാഭാവികമായും മാനുഷി ചില്ലറേയും കൂടുതല്‍ ശ്രദ്ധേയയാക്കിയിട്ടുണ്ട്.

പ്രത്യേക കാര്യങ്ങള്‍ എന്താണെന്നറിയാനുള്ള ചോദ്യങ്ങള്‍ തെരഞ്ഞെവയുടെ കൂട്ടത്തില്‍ ജി.എസ്.ടി, ബിറ്റ്കോയിന്‍, ജെല്ലിക്കെട്ട്, ബി.എസ്.3 വാഹനങ്ങള്‍ എന്നിവയും ഉള്‍പ്പെടുന്നു.

A post shared by @mahi7781 on Jul 14, 2017 at 9:24pm PDT

ചെന്നൈ സൂപ്പര്‍ കിങ്സിന്റെ മഞ്ഞക്കുപ്പായത്തില്‍ വീടിന് മുന്നില്‍ നില്‍ക്കുന്ന ചിത്രം ഇന്‍സ്റ്റഗ്രാമില്‍ പോസ്റ്റ് ചെയ്തുകൊണ്ടായിരുന്നു ധോനിയുടെ വേറിട്ട ആഘോഷം. തമിഴില്‍ നായകന്‍ എന്നര്‍ത്ഥം വരുന്ന ‘തല’ എന്നെഴുതിയ ഏഴാം നമ്പറില്‍ ജെഴ്സിയില്‍ തന്റെ പട്ടിക്ക് മുന്നില്‍ നില്‍ക്കുന്ന പടം, പലതും അര്‍ത്ഥം വെക്കുന്നതായാണ് വിലയിരുത്തല്. ചിത്രത്തില്‍ പട്ടി ധോനിയുടെ ആജ്ഞ കേട്ട് രണ്ടു കാലിലാണ് ഇരിക്കുന്നത്. കുറിപ്പുകളൊന്നുമില്ലാത്ത പോസ്റ്റ് സമൂഹ്യ മാധ്യമങ്ങളില്‍ ഇതിനകം വലിയ ചര്‍ച്ചയായിരിക്കുകയണ്.

ഐ.പി.എല്ലില്‍ ചെന്നൈ സൂപ്പര്‍ കിങ്സിന്റെ വിലക്ക് മാറിയതാണ് വേറിട്ട രീതിയില്‍ ധോനി ആഘോഷിച്ചത്. കഴിഞ്ഞ രണ്ടു വര്‍ഷമായി റൈസിങ് പുണെ സൂപ്പര്‍ ജയന്റിനായായാണ് കളിക്കുന്നതെങ്കിലും തന്റെ ഇഷ്ടം ചെന്നൈയോടാണ് എന്ന് മറ നീക്കി പുറത്തുവരുന്നതായി പോസ്റ്റ്.

Lions, start the whistles… Guess who’s back! #whistlepodu #CSKReturns pic.twitter.com/5eVUZSEBKa

— Chennai Super Kings (@ChennaiIPL) July 15, 2017

ഒത്തുകളി ആരോപണത്തെ തുടര്‍ന്ന് ചെന്നൈ സൂപ്പര്‍ കിംഗ്‌സിനേയും രാജസ്ഥാന്‍ റോയല്‍സിനേയും ഐ.പി.എല്ലില്‍ നിന്ന് രണ്ട് വര്‍ഷത്തേക്ക് വിലക്കിയത് ക്രിക്കറ്റ് ആരാധകരെ നടുക്കിയ വാര്‍ത്തയായിരുന്നു. സുപ്രീം കോടതി നിയോഗിച്ച ജസ്റ്റിസ് ലോധ കമ്മിറ്റി ചെന്നൈ ടീമിന് വിലക്ക് ഏര്‍പ്പെടുത്തിയതോടെയാണ് പുതിയ ടീമായ പൂനെ സൂപ്പര്‍ ജയന്റിലേക്ക് പോവുകയാണ് ധോണി ചെയ്തത്.

എന്നാല്‍ ആദ്യ ഐ.പി.എല്‍ ടീമായ ചെന്നൈ സൂപ്പര്‍ കിങ്സിനോട് ഒരു പ്രത്യേക ഇഷ്ടം മനസ്സില്‍ സൂക്ഷിക്കുകയായ്ിരുന്നു ക്യാപ്റ്റന്‍ കൂള്‍.
ഐ.പി.എല്‍ ആദ്യ സീസണില്‍ ടീമിനെ നയിച്ച മുന്‍ ഇന്ത്യന്‍ നായകന്‍ കൂടിയായ ധോനിക്ക്, എന്നാല്‍ രണ്ടാം സീസണില്‍ പൂനെയുടെ ക്യാപ്റ്റന്‍ സ്ഥാനം നഷ്ടപ്പെടുകയായിരുന്നു. ഇതിന് പുറമെ പൂനെ ടീമിന്റെ സഹ ഉടമ ഹര്‍ഷ ഗോയങ്ക ധോനിക്കെതിരെ പരസ്യമായി ഉടക്കുകയും ചെയ്തു. ഇതിനിടെയാണ് ചെന്നൈ ടീമിന്റെ തിരിച്ചുവരവ് ധോനിടെ സന്തോഷിപ്പിക്കുന്നത്.

#throwback !!

A post shared by Sakshi (@sakshisingh_r) on Apr 9, 2017 at 11:40am PDT

നേരത്തെ പൂനെ ടീമുമായുള്ള അസ്വാരസ്യങ്ങള്‍ക്കിയടില്‍ ധോനിയുടെ ഭാര്യ സാക്ഷി ഇന്‍സ്റ്റഗ്രാമില്‍ പ്രതികരിച്ചിരുന്നു. ചെന്നൈയുടെ ജെഴ്സിയും ഹെല്‍മെറ്റുമെല്ലാമുള്ള ഒരു സെല്‍ഫി ഇന്‍സ്റ്റഗ്രാമില്‍ പോസ്റ്റ് ചെയ്തുകൊണ്ടായിരുന്നു സാക്ഷിയുടെ പരിഹാസം. തങ്ങളുടെ ഹൃദയം ഇപ്പോഴും ചെന്നൈയില്‍ തന്നെയാണെന്ന് ആ പോസ്റ്റിലൂടെ പറയാതെ പറയുകയായിരുന്നു സാക്ഷി. ഇതിനുശേഷമാണ് ഇപ്പോള്‍ ധോനിയുടെ വേറിട്ട ചെന്നൈ ഭ്രമത്തിന്റെ പോസ്റ്റ്.

പ്ലേഓഫിലെ ക്വാളിഫയര്‍ ഒന്നില്‍ മുംബൈക്കെതിരെ നേടിയ നിര്‍ണായക വിജയം പുണെയുടെ ആത്മവിശ്വാസം കൂട്ടുന്നതാണെന്നും ഈ പ്രകടനം ഫൈനലില്‍ ആവര്‍ത്തിക്കാനുള്ള കഴിവ് പൂനെക്കുണ്ടെന്നും അസ്ഹറുദ്ദീന്‍ പറഞ്ഞു. ഫൈനലില്‍ ബെന്‍ സ്റ്റോക്ക്സിന്റെ അഭാവം പുണെക്ക് ക്ഷീണമാകുമെന്ന് അഭിപ്രായപ്പെട്ട അസ്ഹര്‍, ധോനിയുടെ ബാറ്റിങ് പ്രതീക്ഷ നല്‍കുന്നതാണെന്നും പറഞ്ഞു. അവസാന രണ്ട് ഓവറുകളില്‍ 40 റണ്‍സടിച്ച ധോനിയുടെ പ്രകടനമാണ് അസ്ഹര്‍ ഉയര്‍ത്തി കാട്ടുന്നത്. ക്യാപ്റ്റനെന്ന നിലയില്‍ ഐ.പി.എല്‍ കിരീടമുയര്‍ത്തിയ ധോനിക്ക് കളിക്കാരനായും കിരീടം നേടാനാകുമെന്നും അസ്ഹറുദ്ദീന്‍ വിലയിരുത്തി.

അതേസമയം പുനെയുടെ ക്യാപ്റ്റന്‍ സ്ഥാനത്ത് നിന്ന് ധോനിയെ നീക്കിയ നടപടിയെ അസ്ഹറുദ്ദീന്‍ വിമര്‍ശിച്ചു. ധോനിയുടെ വിശ്വാസ്യതയും നിലയും നോക്കാതെ പൂനെ ഉടമസ്ഥരെടുത്ത തീരുമാനം അപമാനകരവും മൂന്നാംകിടയുമായെന്ന് അസ്ഹറുദ്ദീന്‍ വ്യക്തമാക്കി

നാല് ഓവറില്‍ 18 റണ്‍സ് മാത്രം വഴങ്ങി രണ്ടു വിക്കറ്റെടുത്ത രാഹുല്‍ തെവാട്ടിയയും മൂന്ന് ഓവറില്‍ 24 റണ്‍സ് വഴങ്ങി രണ്ടു വിക്കറ്റ് വീഴ്ത്തിയ മോഹിത് ശര്‍മയുമാണ് കൊല്‍ക്കത്തയെ പിടിച്ചിട്ടത്. കൊല്‍ക്കത്ത നിരയില്‍ ക്രിസ് ലിന്‍ (52 പന്തില്‍ 84) ഉജ്വലമായി കളിച്ചെങ്കിലും കൂട്ടു നല്‍കാന്‍ ആരുമുണ്ടായില്ല

നേരത്തെ ബാറ്റിങിനിറങ്ങിയ പഞ്ചാബ് കൊല്‍ക്കത്തക്കായി 168 റണ്‍സിന്റെ വിജയലക്ഷ്യം വെച്ചത്. ടോസ് നേടി ഫീല്‍ഡിങ് തെരഞ്ഞെടുത്ത ഗൗതം ഗംഭീറിന്റെ ടീം എതിരാളികളെ 6 വിക്കറ്റിന് എതിരാളികളെ 167 റണ്‍സില്‍ ഒതുക്കുകയായിരുന്നു.
25 പന്തില്‍ 44 റണ്‍സ് നേടിയ ക്യാപ്ടന്‍ ഗ്ലെന്‍ മാക്‌സ്‌വെല്ലും 38 റണ്‍സെടുത്ത വൃദ്ധിമന്‍ സാഹയും പഞ്ചാബ് ബാറ്റിങില്‍ തിളങ്ങി്. മനന്‍ വോറ 25 റണ്‍സ് നേടി.
രണ്ടു വീതം വിക്കറ്റെടുത്ത ക്രിസ് വോക്‌സിന്റെയും കുല്‍ദീപ് യാദവിന്റെയും ബൗളിങാണ് പഞ്ചാബിനെ വന്‍ സ്‌കോറില്‍ നിന്നു തടഞ്ഞത്. ഉമേഷ് യാദവ്, സുനില്‍ നരെയ്ന്‍ എന്നിവര്‍ ഓരോ വിക്കറ്റെടുത്തു.

നിലവില്‍ ഒരു സംസ്ഥാനത്തിന് പുറത്തുനിന്നുള്ള മൂന്നു താരങ്ങളെ ടീമിലുള്‍പ്പെടുത്താം. ഉത്തപ്പക്ക് പുറമേ മറ്റൊരു വമ്പന്‍താരവും കേരള ടീമില്‍ എത്തുമെന്നാണ് സൂചന. കഴിഞ്ഞ സീസണില്‍ കേരളം പുറത്ത് നിന്നും താരങ്ങളെ എടുത്തിരുന്നു. ഇവരില്‍ ഒരാളെ നിലനിര്‍ത്തി പുതുതായി രണ്ടുപേരെ കൊണ്ടുവരാനാണ് അസോസിയേഷന്റെ ശ്രമം. ഓസ്‌ട്രേലിയന്‍ പരിശീലകന്‍ ഡേവ് വാട്ട്‌മോറിനെ കൊണ്ടുവന്നതിനെ തുടര്‍ന്ന് വലിയ വന്‍ മാറ്റങ്ങള്‍ക്കാണ് സംസ്ഥാന ക്രിക്കറ്റ് അസോസിയേഷന്‍ ഒരുങ്ങുന്നത്.രഞ്ജി ട്രോഫിയില്‍ എലൈറ്റ് ഗ്രൂപ്പിലേക്ക് എത്തുകയാണ് കേരളത്തിന്റെ ലക്ഷ്യം.
ഇന്ത്യന്‍ ക്രിക്കറ്റ് ടീമില്‍ അവസരം ലഭിച്ചക്കുന്നില്ലെങ്കിലും ഐ.പി.എല്ലില്‍ ഗംഭിറിനൊപ്പം കൊല്‍ക്കത്ത നൈറ്റ്‌റൈഡേഴ്‌സിനുവേണ്ടി മികച്ച ഫോമിലാണ് ഉത്തപ്പ. രാജ്യത്തിനായി 46 ഏകദിനങ്ങളിലും 13 ടി ട്വന്റി മത്സരങ്ങളിലും ഉത്തപ്പ പാടണിഞ്ഞിട്ടുണ്ട്.

നായകന്‍ ഗംഭീറൂം ഉത്തപ്പയും ചേര്‍ന്ന് നടത്തിയ സെഞ്ച്വറി കൂട്ടുകെട്ടില് ഡല്‍ഹി ഉയര്‍ത്തിയ വിജയലക്ഷ്യം ദുര്‍ബലമായിപ്പോയി. ഫലം, കൊല്‍ക്കത്തയുടെ സ്വന്തം തട്ടകമായ ഈഡന്‍ ഗാര്‍ഡനില്‍ നൈറ്റ് റൈഡേഴ്‌സിന് 7 വിക്കറ്റ് വിജയം.

സഞ്ജു വി സാംസണ്‍ ബാറ്റിങ് മികവില്‍ കൊല്‍ക്കത്ത നൈറ്റ് റൈഡേഴ്സിനെതിരെ ഡല്‍ഹി ഡെയര്‍ഡെവിള്‍സ 160 റണ്‍സ് നേടിയിരുന്നു. 38 പന്തില്‍ നാല് ഫോറിന്റെയും മൂന്ന് സിക്സിന്റെയും അകമ്പടിയോടെ 60 റണ്‍സ് അടിച്ച സഞ്ജു ഡല്‍ഹിയെ 160ന്റെ പോരാടാനുള്ള സ്‌കോറില്‍ എത്തിച്ചത്.

റെയ്സിങ് പുണെ സൂപ്പര്‍ജയന്റിനെതിരയ സെഞ്ചുറിക്ക് ശേഷം പത്താം സീസണിലെ സഞ്ജുവിന്റെ ആദ്യ അര്‍ധസെഞ്ചുറിയാണിത്. മത്സരത്തില്‍ 34 പന്തില്‍ 47 റണ്‍സ് നേടിയ ശ്രേയസ് അയ്യര്‍ സഞ്ജുവിന് മികച്ച പിന്തുണയാണ് നല്‍കിയത്.

ടോസ് നേടിയ കൊല്‍ക്കത്തന്‍ നായകന്‍ ഗംഭീര്‍ ഡല്‍ഹിയെ ബാറ്റിങ്ങിനയക്കുകയായിരുന്നു.

ഐ.പി.എല്ലിലെ അവതാരകയായ അര്‍ച്ചന വിജയയുടെ ഒപ്പമിരിക്കുന്ന ചിത്രമാണിപ്പോള്‍ കോലിയെ വിവാദത്തിലേക്കെത്തിച്ചത്. എഐ.പി.എല്ലില്‍ റോയല്‍ ചലെഞ്ചേഴ്‌സിന്റെ ക്യാപ്റ്റനായ വിരാട് കോലി, അര്‍ച്ചന വിജയയുടെ കീറിയ മോഡലിലുള്ള ജീന്‍സിലേക്ക് നോക്കുന്ന തരത്തിലുള്ള ചിത്രമാണ് ഇപ്പോള്‍ സാമൂഹമാധ്യങ്ങളില്‍ ചര്‍ച്ചയായത്.

വാര്‍ത്താ പത്രമായ ഡി.എന്‍.എയാണ് ചിത്രം പുറത്തുവിട്ടത്. അര്‍ച്ചന വിജയിയുടെ കീറിയ ജിനിലേക്ക് നോക്കുന്ന കോലിയുടെ ഈ ചിത്രം കണ്ടാല്‍ അനുഷ്‌ക ശര്‍മ്മ എന്തു വിചാരിക്കും എന്ന ചോദ്യത്തോടെയാണ് ഫോട്ടോ പോസ്റ്റ് ചെയ്തത്.

എന്നാല്‍ യഥാര്‍ത്ഥത്തില്‍ കോലി നോക്കുന്നത് അര്‍ച്ചനയുടെ ജീന്‍സിലേക്ക് അല്ലായിരുന്നു. അവതാരിക കൂടിയായ അര്‍ച്ചനയുടെ കൈയിലുള്ള ചോദ്യങ്ങളടങ്ങിയ പേപ്പര്‍ ബോര്‍ഡിലേക്കാണ് കോലിയുടെ നോട്ടമെത്തുന്നത്. ഐ.പി.എല്ലിലെ അഭിമുഖത്തിനിടയില്‍ എടുത്ത ഈ ഫോട്ടോ തെറ്റിദ്ധാരണ ഉണ്ടാക്കുന്ന തരത്തിലാണ് പത്രം പോസ്റ്റ് ചെയ്തിരിക്കുന്നത്.

#DNAreporting Virat Kohli tries to point out towards a hot girl at the stands as Rohit Sharma fails to locate her. pic.twitter.com/pJcZaGnaya

— Sameer Allana (@HitmanCricket) April 21, 2017

@HitmanCricket #DNAReporting
Enemies in test series.
Now more than friends
Unlikely to please there respective GFs pic.twitter.com/t57jB3IXZK

— Anku Tyagi (@sh_atyagi) April 21, 2017

#DNAreporting Rohit Sharma watches something of Harbhajan Singh which we couldn’t..unlikely to please Ritika and Geeta both. pic.twitter.com/j9NeY1C4tp

— Sameer Allana (@HitmanCricket) April 21, 2017

#DNAreporting MS Dhoni waving towards a hot girl after the game is unlikely to please Sakshi Singh Dhoni pic.twitter.com/WKoBhsc3tx

— Sameer Allana (@HitmanCricket) April 21, 2017

#DNAreporting Forgotten pacer VRV Singh tries to take undue advantage of Sreesanth by approaching to kiss him pic.twitter.com/KizoKtHpX2

— Sameer Allana (@HitmanCricket) April 21, 2017

#DNAreporting be like
‘Ravi Shastri staring the cheerleaders from the commentary box.’ pic.twitter.com/m2ole0BEPv

— Sameer Allana (@HitmanCricket) April 21, 2017

അതേസമയം, വിവാദ ഫോട്ടോയുമായി ബന്ധപ്പെട്ട് കോലിയെ അനുകൂലിച്ചും പാപ്പരാസി പത്രപ്രവര്‍ത്തനത്തെ എതിര്‍ത്തും നിരവധി ട്രോളുകള്‍ വന്നു. പത്ര പ്രവര്‍ത്തനത്തിലെ മാന്യതക്ക് നിരക്കാത്ത പ്രവര്‍ത്തനമാണ് ഈ ഫോട്ടോയിലൂടെ ചെയ്തതെന്നും സമൂഹ മാധ്യമങ്ങള്‍ വിലയിരുത്തി.

നേരത്തെ യൂസുഫ് പഠാന്‍ (59), മനീഷ് പാണ്ഡെ (69 നോട്ടൗട്ട്) എന്നിവര്‍ നാലാം വിക്കറ്റില്‍ ചേര്‍ത്ത 110 റണ്‍സാണ് കൊല്‍ക്കത്ത ഇന്നിങ്‌സില്‍ നിര്‍ണായകമായത്. അവസാന ഓവറിലെ സമ്മര്‍ദ ഘട്ടത്തില്‍ അമിത് മിശ്രയെ സിക്‌സറിനു പറത്തി വിജയമുറപ്പിച്ച മനീഷ് പാണ്ഡെയാണ് കളിയിലെ കേമന്‍.
40 ഡിഗ്രി സെല്‍ഷ്യസിലധികം ചൂടുള്ള അന്തരീക്ഷത്തില്‍ ടോസ് നേടിയ ഡല്‍ഹി ക്യാപ്ടന്‍ സഹീര്‍ ഖാന്‍ ബാറ്റിങ് തെരഞ്ഞെടുക്കുകയായിരുന്നു. ഷഹബാസ് നദീമിന് പകരം മുഹമ്മദ് ഷമിയും കോറി ആന്‍ഡേഴ്‌സന് പകരം എയ്ഞ്ചലോ മാത്യൂസും പ്ലെയിങ് ഇലവനില്‍ ഇടംനേടി.
കൊല്‍ക്കത്തക്കു വേണ്ടി അരങ്ങേറുന്ന നതാന്‍ കൗള്‍ട്ടര്‍നെയ്‌ലിനെ ആദ്യ ഓവറില്‍ തന്നെ രണ്ട് ബൗണ്ടറിയടിച്ച് സഞ്ജു സാംസണ്‍ (39) കൂറ്റന്‍ സ്‌കോറിലേക്കുള്ള സൂചന നല്‍കിയെങ്കിലും കൃത്യമായ ഇടവേളകളില്‍ വിക്കറ്റ് വീഴ്ത്തിയ കൊല്‍ക്കത്ത ബൗളര്‍മാര്‍ ആതിഥേയരെ 168-ല്‍ കുരുക്കുകയായിരുന്നു. സാം ബില്ലിങ്‌സ് (21), കരുണ്‍ നായര്‍ (21), ശ്രേയസ് അയ്യര്‍ (26) എന്നിവര്‍ക്കെല്ലാം മികച്ച തുടക്കം ലഭിച്ചെങ്കിലും വലിയ ഇന്നിങ്‌സുകള്‍ കളിക്കാന്‍ കഴിയാതിരുന്നത് തിരിച്ചടിയായി. അവസാന ഘട്ടത്തില്‍ ഋഷഭ് പന്ഥും (16 പന്തില്‍ 38) ക്രിസ് മോറിസും (9 പന്തില്‍ 16) നടത്തിയ ആക്രമണാത്മക ബാറ്റിങാണ് ഡല്‍ഹിയെ പൊരുതാവുന്ന ടോട്ടലില്‍ എത്തിച്ചത്. 4 ഓവറില്‍ 22 റണ്‍സിന് മൂന്നു വിക്കറ്റ് വീഴ്ത്തി കൗള്‍ട്ടര്‍നീല്‍ അരങ്ങേറ്റം ഗംഭീരമാക്കിയപ്പോള്‍ ക്രിസ് വോക്‌സ്, ഉമേഷ് യാദവ്, സുനില്‍ നരെയ്ന്‍ എന്നിവര്‍ ഓരോ വിക്കറ്റ് വീതം വീഴ്ത്തി.
മറുപടി ബാറ്റിങില്‍ 21 റണ്‍സെടുക്കുന്നതിനിടെ മൂന്നു വിക്കറ്റ് നഷ്ടമായി പ്രതിസന്ധി നേരിട്ട ഘട്ടത്തില്‍ നിന്നാണ് യൂസുഫ് പഠാന്റെയും (59) മനീഷ് പാണ്ഡെയുടെയും അര്‍ധസെഞ്ച്വറികളുടെ കരുത്തില്‍ സന്ദര്‍ശകര്‍ കരകയറിയത്. കഴിഞ്ഞ രണ്ട് മത്സരങ്ങളിലും ഓപണ്‍ ചെയ്ത സുനില്‍ നരെയ്‌ന് പകരം ഇന്നിങ്‌സ് തുടങ്ങിയ കോളിന്‍ ഡെ ഗ്രാന്റോം (1) ആദ്യ ഓവറില്‍ സഹീര്‍ ഖാന്റെ പന്തില്‍ മാത്യൂസിന് ക്യാച്ച് നല്‍കി മടങ്ങിയപ്പോള്‍ റോബിന്‍ ഉത്തപ്പയെ (4) പാറ്റ് കമ്മിന്‍സ് ഋഷഭ് പന്തിന്റെ കൈകളിലെത്തിച്ചു. ഗൗതം ഗംഭീറിനെ (14) കൂടി സഹീര്‍ മടക്കിയപ്പോള്‍ കൊല്‍ക്കത്ത പരാജയം മണത്തെങ്കിലും യൂസുഫിന്റെയും പാണ്ഡെയുടെയും സെഞ്ച്വറി കൂട്ടുകെട്ട് ഡല്‍ഹിയുടെ കൈകളില്‍ നിന്ന് മത്സരം റാഞ്ചി. മോറിസിനെ ഉയര്‍ത്തിയടിക്കാനുള്ള യൂസുഫിന്റെ ശ്രമം കോട്ട് ആന്റ് ബൗള്‍ഡ് ആയെങ്കിലും അവസരോചിതമായ ബാറ്റിങോടെ പാണ്ഡെ ടീമിനെ വിജയതീരമടുപ്പിച്ചു.അവസാന ഓവറുകളിലെ അവധാനതയോടെയുള്ള ബാറ്റിങ് കൊല്‍ക്കത്ത നിരയില്‍ സമ്മര്‍ദമുയര്‍ത്തിയെങ്കിലും അമിത് മിശ്ര എറിഞ്ഞ അവസാന ഓവറിലെ നാലാം പന്ത് സിക്‌സറിനു പറത്തി പാണ്ഡെ സമ്മര്‍ദമകറ്റി.
ഡല്‍ഹിക്കു വേണ്ടി സഹീര്‍ ഖാന്‍, പാറ്റ് കമ്മിന്‍സ് എന്നിവര്‍ രണ്ടുവീതം വിക്കറ്റുകള്‍ വീഴ്ത്തി.

ഹൈദരാബാദ് രാജീവ്ഗാന്ധി രാജ്യാന്തര സ്‌റ്റേഡിയത്തില്‍ നടന്ന രാത്രി പോരാട്ടത്തില്‍ ആദ്യം ബാറ്റ് ചെയ്ത സണ്‍റൈസേഴ്‌സ് 159 റണ്‍സാണ് നേടിയത്. നല്ല തുടക്കമായിരുന്നില്ല ടീമിന് ലഭിച്ചത്. സ്‌ക്കോര്‍ 25 ല്‍ ശിഖര്‍ ധവാനും 50 ല്‍ ഹെന്‍ട്രികസും അതേ സ്‌ക്കോറില്‍ യുവരാജും പുറത്തായപ്പോള്‍ വന്‍ സമ്മര്‍ദ്ദത്തിലായിരുന്നു നായകന്‍ ഡേവിഡ് വാര്‍ണര്‍. പതിവ് ശൈലിയിലുള്ള ആക്രമണത്തിന് നില്‍ക്കാതെ അദ്ദേഹം പക്വമതിയായി. നമാന്‍ ഒജയെ കൂട്ടുപിടിച്ചാണ് സ്‌ക്കോര്‍ നായകന്‍ ഉയര്‍ത്തിയത്. 20 പന്തില്‍ 34 റണ്‍സുമായി ഒജ പുറത്തായശേഷം ആക്രമണത്തിന്റെ ചുക്കാന്‍ ഏറ്റെടുത്ത വാര്‍ണര്‍ പുറത്താവാതെ 54 പന്തില്‍ നിന്നും 70 റണ്‍സ് നേടി. പഞ്ചാബ് ബൗളിംഗില്‍ മോഹിത് ശര്‍മയും അക്ഷര്‍ പട്ടേലും രണ്ട് വീതം വിക്കറ്റ് നേടി. മറുപടി ബാറ്റിംഗില്‍ നേരിട്ട ആദ്യ പന്തില്‍ തന്നെ ഓപ്പണര്‍ ഹാഷിം അംലയെ പഞ്ചാബിന് നഷ്ടമായി. ഭുവനേശ്വറിന്റെ പന്തില്‍ വിക്കറ്റിന് മുന്നില്‍ കുരുങ്ങുകയായിരുന്നു ദക്ഷിണാഫ്രിക്കന്‍ താരം. ക്യാപ്റ്റന്‍ മാക്‌സ്‌വെലിന്റെ ശനിദശ തുടര്‍ന്നു. പത്ത് റണ്‍സാണ് അദ്ദേഹം നേടിയത്. ഇയാന്‍ മോര്‍ഗന്‍ (13), മില്ലര്‍ (1) സാഹ (0) എന്നിവരെല്ലാം പുറത്തായപ്പോഴും ഓപ്പണര്‍ വോറ അര്‍ദ്ധ സെഞ്ച്വറിയുമായി പ്രതീക്ഷ കാത്തു. പക്ഷേ അവസാനത്തില്‍ വോറ മടങ്ങിയപ്പോള്‍ ആറ് പന്തില്‍ ജയിക്കാന്‍ വേണ്ടത് 10 റണ്‍സായിരുന്നു. പക്ഷേ രണ്ട് പന്ത് ബാക്കി നില്‍ക്കെ അവസാന വിക്കറ്റ് വീണു.

ബാംഗ്ലൂര്‍: ഇന്ത്യന്‍ പ്രീമിയര്‍ ലീഗ് പത്താം സീസണിലെ ബാംഗ്ലൂരും ഡല്‍ഹിയും തമ്മിലുള്ള മത്സരത്തില്‍ ജയം ബാംഗ്ലൂരിന്. 15 റണ്‍സിനാണ് വാട്‌സണ്‍ നായകനായ ടീം വിജയിച്ചത്. ബാംഗ്ലൂര്‍ ഉയര്‍ത്തിയ 158 റണ്‍സ് വിജയലക്ഷ്യം കീഴടക്കാന്‍ സഹീര്‍ ഖാന്റെ നേതൃത്വത്തിലിറങ്ങിയ ഡല്‍ഹി ടീമിനായില്ല. ഡല്‍ഹിയുടെ പോരാട്ടം 9 വിക്കറ്റിന് 142 എന്ന നിലയില്‍ അവസാനിച്ചു.

നേരത്തെ വീരനടിക്കാരന്‍ ക്രിസ്‌ഗെയ്‌ലിനെയും നായകന്‍ വാട്‌സണെയും തുടക്കത്തിലേ നഷ്ടപ്പെട്ട ബാംഗ്ലൂരിന് ജാദവിന്റെ ബാറ്റിങ് മികവാണ് 158 എന്ന സ്‌കോറിലെത്താനായത്. 37 പന്തില്‍ 69 റണ്‍സ് നേടിയ ജാദവിന്റെ ബാറ്റില്‍ നിന്നും 5 ഫോറുകളും 5 സിക്‌സറുകളാണ് പറന്നത്. പക്ഷേ ജാദവ് കൊളുത്തിയ വീര്യം ഏറ്റെടുക്കാന്‍ ശേഷം വന്ന ബാറ്റ്‌സ്മാന്മാര്‍ക്കായില്ല. 7 വിക്കറ്റ് നഷ്ടത്തില്‍ 157 റണ്‍സിലൊടുങ്ങി ബാംഗ്ലൂരിന്റെ ഇന്നിങ്‌സ്.

37 പന്തില്‍ 69 റണ്‍സ് നേടിയ കേദര്‍ ജാദവാണ് കളിയിലെ താരം.