എത്ര വലിയ മഴ പെയ്താലും മാച്ചിനെ ബാധിക്കാത്ത തരത്തില്‍ അര മണിക്കൂറിനുള്ളില്‍ ഉണങ്ങുന്ന ഗ്രൗണ്ടാണ് സ്റ്റേഡിയത്തിലുള്ളത്, എന്നാണ് അദ്ദേഹം അന്ന് പറഞ്ഞത്. ഈ വീഡിയോയാണ് ഇപ്പോള്‍ പ്രചരിക്കുന്നത്.

ഇന്നലെ നടന്ന ഐപിഎല്‍ ഫൈനല്‍ മത്സരത്തില്‍ ചെന്നൈ സൂപ്പര്‍കിങ്‌സും ഗുജറാത്ത് ടൈറ്റന്‍സ് തമ്മിലുള്ള ഐ.പി.എല്‍ മത്സരത്തിനിടയിലായിരുന്നു മഴ പെയ്തത്. തുടര്‍ന്ന് പുറത്തെ ചെളി വെള്ളവും മലിന ജലവും സ്റ്റേഡിയത്തിലേക്ക് ഒലിച്ചെത്തി. സ്റ്റേഡിയം മൊത്തത്തില്‍ ചോര്‍ന്നൊലിക്കുകയായിരുന്നു.

എന്നാല്‍ ഗ്രൗണ്ട് ഉണക്കാന്‍ വേണ്ടി അത്യാധുനിക സംവിധാനവും ഉണ്ടായിരുന്നില്ല. ഗ്രൗണ്ട് സ്റ്റാഫുകള്‍ പെയിന്റ് ബക്കറ്റില്‍ വെള്ളം മുക്കി ഒഴിച്ചും സ്‌പോഞ്ചും ഹെയര്‍ ഡ്രൈയറും ഇസ്തിരി പെട്ടിയും ഉപയോഗിച്ചാണ് പിച്ച് ഡ്രൈയാക്കിയത്. ഇത്തരത്തില്‍ ഗ്രൗണ്ട് വൃത്തിയാക്കുന്ന വീഡിയോ ഇന്നലെ തന്നെ വിമര്‍ശനത്തിന് വിധേയമായിരുന്നു.

മുമ്പ് സര്‍ദാര്‍ വല്ലഭായ് പട്ടേലിന്റെ പേരിലായിരുന്നു അറിയപ്പെട്ടിരുന്നത്. 2015ല്‍ അറ്റകുറ്റപ്പണികള്‍ ആരംഭിച്ച സ്റ്റേഡിയത്തിന് 2021ലാണ് നരേന്ദ്ര മോദിയുടെ പേര് നല്‍കിയത്. ഇതിനെതിരെ വ്യാപക വിമര്‍ശനങ്ങശളും നടന്നിരുന്നു.

പ്രസിഡന്റ് രാംനാഥ് കോവിന്ദാണ് ഭൂമി പൂജ നടത്തി നവീകരിച്ച് മൊട്ടേര സ്റ്റേഡിയം ഉദ്ഘാടനം ചെയ്തത്.

കനത്ത മഴയെ തുടര്‍ന്ന് ഫൈനല്‍ പോരാട്ടത്തിന്റെ ടോസ് വൈകിയിരുന്നു. ഒടുവില്‍ രാത്രി 10.54ന് മൈതാനത്ത് അവസാനഘട്ട പരിശോധന നടത്തിയ അമ്പയര്‍മാരും മാച്ച് റഫറിയും ഇന്നലെ ഇനി മത്സരം നടക്കില്ലെന്ന് അറിയിക്കുകയായിരുന്നു.

ചെന്നൈ സൂപ്പര്‍ കിംഗ്‌സും ഗുജറാത്ത് ടൈറ്റന്‍സും തമ്മിലുള്ള പോരാട്ടമാണ് ഐപിഎല്‍ ആരാധകര്‍ കാത്തിരിക്കുന്നത്.

ഞായറാഴ്ച്ച ഇതേ വേദിയില്‍ ചെന്നൈ സൂപ്പര്‍ കിംഗ്‌സിനെതിരായ ഫൈനലില്‍ പങ്കെടുക്കുക ഇന്നത്തെ വിജയികളാവും. പോയ സീസണില്‍ കരീടം സ്വന്തമാക്കിയവരാണ് ഗുജറാത്ത്. ഈ സീസണിലും കരുത്തോടെ കളിച്ചവര്‍. പത്ത് ടീമുകള്‍ മല്‍സരിച്ച ചാമ്പ്യന്‍ഷിപ്പില്‍ ആദ്യ സ്ഥാനം നിലനിര്‍ത്തിയവര്‍. പക്ഷേ ആദ്യ ക്വാളിഫയറിലെ തോല്‍വിയോടെ ഇന്ന് ജിവന്മരണ മൈതാനത്താണ് ഹാര്‍ദിക്കിന്റെ സംഘം. മികച്ച താരങ്ങളുടെ സാന്നിദ്ധ്യത്തിലും ചെപ്പോക്കില്‍ എന്താണ് ടീമിന് സംഭവിച്ചതെന്ന് വ്യക്തമല്ല. ആദ്യം ബാറ്റ് ചെയ്ത ചെന്നൈക്കാര്‍ വലിയ സ്‌ക്കോര്‍ സ്വന്തമാക്കിയിരുന്നില്ല.

പക്ഷേ ആ സ്‌ക്കേര്‍ പിന്തുതരന്‍ കഴിയാതെ ഹാര്‍ദിക്കും സംഘവും പതറിയതാണ് ഇന്ന് മുംബൈക്ക് ആത്മവിശ്വാസം നല്‍കുന്നത്. സീസണിന്റെ തുടക്കത്തില്‍ നിരാശപ്പെടുത്തിയവരാണ് രോഹിത് സംഘം. പക്ഷേ അനുയോജ്യ സമയത്ത് അവസരോചിതമായി അവര്‍ കരുത്തരായി മാറുന്നു. രോഹിത് ഇത് വരെ സ്വതസിദ്ധമായ സിക്‌സറുകളിലേക്ക് വന്നിട്ടില്ല. പക്ഷേ കാമറുണ്‍ വൈറ്റ് തുടര്‍ച്ചയായി രണ്ട് മല്‍സരങ്ങളില്‍ കരുത്ത് പ്രകടിപ്പിച്ചു. ബാറ്റിംഗില്‍ മാത്രമല്ല ഫീല്‍ഡിംഗിലും ഓസ്‌ട്രേലിയക്കാരന്റെ മികവാണ് ലക്‌നൗക്കെതിരെ മുംബൈക്ക് കരുത്തായത്. ബാറ്റിംഗില്‍ ഇഷാന്‍ കിഷനും സുര്യകുമാര്‍ യാദവും ഫോമിലാണ്. പക്ഷേ ഹാര്‍ദിക് സംഘത്തിലും കരുത്തരായ ബാറ്റര്‍മാരുണ്ട്. ഡേവിഡ് മില്ലര്‍, ശുഭ്മാന്‍ ഗില്‍, റാഷിദ് ഖാന്‍ എന്നിവരെല്ലാം ഗംഭീരമായി കളിക്കുമ്പോള്‍ സ്വന്തം വേദിയില്‍ കളിക്കാനിറങ്ങുന്നു എന്ന ആനുകുല്യവും അവര്‍ക്കുണ്ട്. ബൗളിംഗില്‍ മുഹമ്മദ് ഷമിയും റാഷിദും ഗുജറാത്തിന് കരുത്താവുമ്പോള്‍ അഞ്ച് റണ്‍ മാത്രം നല്‍കി അഞ്ച് വിക്കറ്റ് സ്വന്തമാക്കി മിന്നിയ ആകാശ് മധ്‌വാല്‍ എന്ന യുവ സീമര്‍ മുംബൈയുടെ പ്രതീക്ഷയാണ്. ജോഫ്രെ ആര്‍ച്ചറെ പോലുള്ളവര്‍ ടീം വിട്ടതിനെ തുടര്‍ന്ന് മികച്ച ബൗളറുടെ അഭാവം മുംബൈയെ അലട്ടിയിരുന്നു. മല്‍സരം 7-30 മുതല്‍.

ആദ്യ മല്‍സരത്തില്‍ ഹൈദരാബാദുമായി കളിക്കുന്ന മുംബൈ ഇന്ത്യന്‍സിന് ജയം അനിവാര്യം. ജയിച്ചാല്‍ പ്രതീക്ഷകളുണ്ട്. ഹൈദരാബാദ് പുറത്തായവരാണ്. രണ്ടാം മല്‍സരത്തില്‍ ഗുജറാത്തിനെ നേരിടുന്ന ബെംഗളുരുവിനും ജയിക്കണം. അങ്ങനെ വന്നാല്‍ റണ്‍റേറ്റ് മുഖ്യമാവും. എന്തായാലും ഇന്നലെ ലക്‌നൗ ജയിച്ചതോടെ രാജസ്ഥാന്റെ സാധ്യതകള്‍ അവസാനിച്ചു.

ഇതിനകം ചാമ്പ്യന്‍ഷിപ്പില്‍ നിന്നും പുറത്തായ അവര്‍ക്ക് നഷ്ടപ്പെടാന്‍ ഒന്നുമില്ല. അവസാന മല്‍സരത്തില്‍ രാജസ്ഥാന്‍ റോയല്‍സിനെ 112 റണ്‍സിന് കശക്കി റണ്‍റേറ്റ് ഉയര്‍ത്തിയ ബെംഗളുരു സംഘത്തിന് വര്‍ധിത ആത്മവിശ്വാസമുണ്ട്. നായകന്‍ ഫാഫ് ഡുപ്ലസി, ഗ്ലെന്‍ മാക്‌സ്‌വെല്‍ എന്നിവര്‍ മികച്ച ഫോമില്‍ നില്‍ക്കുമ്പോള്‍ പ്രതീക്ഷകൡലാണ് ഉദ്യാന സംഘം. മല്‍സരം രാത്രി 7-30 മുതല്‍.

13 മല്‍സരങ്ങളില്‍ 15 പോയിന്റുമായി രണ്ടാം സ്ഥാനത്തുളളവര്‍ മഹേന്ദ്രസിംഗ് ധോണിയുടെ ചെന്നൈ സൂപ്പര്‍ കിംഗ്‌സാണ്. ഒരു മല്‍സരം ശേഷിക്കുമ്പോള്‍ അതില്‍ ജയിച്ചാല്‍ നാലിലൊന്ന് ഉറപ്പ്. മൂന്നാം സ്ഥാനത്തുള്ളത് മുംബൈ ഇന്ത്യന്‍സാണ്. 12 മല്‍സരങ്ങളില്‍ 14 പോയിന്റ്. ഇന്ന് മുംബൈ പതിമൂന്നാമത് മല്‍സരത്തില്‍ ലക്‌നൗ സൂപ്പര്‍ ജയന്റ്‌സുമായി കളിക്കുന്നു. ലക്‌നൗവിലെ ഈ അങ്കത്തില്‍ ജയിച്ചാല്‍ മുംബൈക്ക് 16 പോയിന്റാവും. പ്ലേ ഓഫ് കളിക്കാനാവും. 12 കളികളില്‍ 13 പോയിന്റാണ് ലക്‌നൗ നേടിയിരിക്കുന്നത്. ഇന്ന് ജയിച്ചാല്‍ അവരുടെ സമ്പാദ്യം 15 ലെത്തും. അപ്പോള്‍ അവര്‍ക്കും സാധ്യത കൈവരും. അഞ്ചാമതുള്ളവര്‍ ഫാഫ് ഡുപ്ലസിയുടെ ബെംഗളുരു റോയല്‍ ചാലഞ്ചേഴ്‌സാണ്. രണ്ട് കളികള്‍ ശേഷിക്കുമ്പോള്‍ അവര്‍ക്ക് വളരെ വ്യക്തമായ സാധ്യതയുണ്ട്. രണ്ട് കളികളും ജയിക്കണമെന്ന് മാത്രം.
അങ്ങനെ വരുമ്പോള്‍ സമ്പാദ്യം 16 ലെത്തും.

ആറാം സ്ഥാനത്ത് നില്‍ക്കുന്നത് രാജസ്ഥാന്‍ റോയല്‍സിന് ഇനി ഒരു മല്‍സരം മാത്രമാണ് ബാക്കി. നിലവില്‍ 12 ല്‍ നില്‍ക്കുന്ന അവര്‍ക്ക്് അവസാന മല്‍സരത്തില്‍ പഞ്ചാബ് കിംഗ്‌സിനെ തോല്‍പ്പിച്ചാലും മറ്റ് മല്‍സര ഫലങ്ങളെ കാത്തിരിക്കേണ്ടി വരും. ഏഴാം സ്ഥാനത്താണ് കൊല്‍ക്കത്ത നൈറ്റ് റൈഡേഴ്‌സ്. പതിമൂന്ന് മല്‍സരങ്ങളില്‍ നിന്നായി 12 പോയിന്റാണ് അവര്‍ക്ക്. അവസാന മല്‍സരത്തില്‍ ജയിക്കാനായാല്‍ കൊല്‍ക്കത്തക്കും നെഞ്ചിടിപ്പോടെ കാത്തിരിക്കാം. എട്ടാമതാണ് പഞ്ചാബ് കിംഗ്‌സ്. രണ്ട് കളികള്‍ ശേഷിക്കുന്നു. രണ്ടിലും ജയിച്ചാല്‍ പഞ്ചാബ് 16 ലെത്തും. വ്യക്തമായ സാധ്യത കൈവരും. ഇന്നലെ നടന്ന മല്‍സരത്തില്‍ 34 റണ്‍സിന്റെ തകര്‍പ്പന്‍ വിജയമാണ് ഗുജറാത്ത് ടൈറ്റന്‍സ് സ്വന്തമാക്കിയത്. ഓപ്പണര്‍ ശുഭ്മാന്‍ ഗില്ലിന്റെ സെഞ്ച്വറിയില്‍ അവര്‍ ആദ്യം ബാറ്റ് ചെയ്ത് 188 റണ്‍സ് നേടി. ഹൈദരാബാദ് 154 ല്‍ ഒതുങ്ങി. 58 പന്തില്‍ 101 റണ്‍സാണ് ഗില്‍ നേടിയത്. ഐ.പി.എല്ലിലെ കന്നി സെഞ്ച്വറി. 30 റണ്‍സിന് അഞ്ച് വിക്കറ്റ് നേടിയ ഭുവനേശ്വര്‍ കുമാറിന് ഹൈദരാബാദിനെ രക്ഷിക്കാനായില്ല. മറുപടി ബാറ്റിംഗില്‍ മുഹമ്മദ് ഷമിയുടെ കിടിലന്‍ പേസില്‍ ഹൈദരാബാദ് ബാറ്റിംഗ് തകര്‍ന്നു. 21 റണ്‍സ് മാത്രം നല്‍കി മുന്‍നിരയിലെ നാല് വിക്കറ്റ് നേടി. ഹെന്‍ട്രിച്ച് കാള്‍സണ്‍ (64) മാത്രമാണ് പൊരുതിയത്. നായകന്‍ ഐദന്‍ മാര്‍ക്ക്‌റാം പത്ത് റണ്‍സിന് പുറത്തായി. തോല്‍വിയോടെ ഹൈദരാബാദിന്റെ അവശേഷിക്കുന്ന എല്ലാ സാധ്യതകളും അവസാനിച്ചു. ഡല്‍ഹിക്കൊപ്പം അവരും പുറത്തായി.

ബാക്കി മല്‍സരങ്ങള്‍

ഇന്ന് ലക്‌നൗ-മുംബൈ
ബുധന്‍-: പഞ്ചാബ്-ഡല്‍ഹി
വ്യാഴം-ഹൈദരാബാദ്-ബെംഗളുരു
വെള്ളി-പഞ്ചാബ്-രാജസ്ഥാന്‍
ശനി-ഡല്‍ഹി-ചെന്നൈ, കൊല്‍ക്കത്ത-ലക്‌നൗ
ഞായര്‍-മുംബൈ-ഹൈദരാബാദ്,ബെംഗളുരു-ഗുജറാത്ത്

രാജസ്ഥാനും ബെംഗളുരുവും തമ്മിലുള്ള അകലം കേവലം രണ്ട് പോയിന്റ് മാത്രമാണ്. സഞ്ജു സാംസണും സംഘവും അഞ്ചാമത് നില്‍ക്കുമ്പോള്‍ ഏഴാം സ്ഥാനത്താണ് ഫാഫ് ഡുപ്ലസിയും സംഘവും. രാജസ്ഥാന്‍ ഒരു മല്‍സരം കൂടുതല്‍ കളിച്ചവരാണ്. ഇന്ന് ജയിക്കാനായാല്‍ അവര്‍ക്ക് മൂന്നാം സ്ഥാനത്തേക്ക് കയറാനാവും. പതിനൊന്ന് മല്‍സരങ്ങളില്‍ നിന്നായി 10 ലാണ് ബെംഗളുരു സംഘം. പ്ലേ ഓഫ് ബെര്‍ത്തിനായി എല്ലാവരും മല്‍സരിക്കുന്ന ഘട്ടത്തില്‍ ഓരോ പോയന്റും നിര്‍ണായകമാണ്. സഞ്ജു ആവര്‍ത്തിക്കുന്നത് ഇക്കാര്യമാണ്. അവസാന മല്‍സരത്തില്‍ നേടിയ തകര്‍പ്പന്‍ ജയം രാജസ്ഥാന് നല്‍കുന്നത് വര്‍ധിത ആത്മവിശ്വാസമാണ്. യശ്‌സവി ജയ്‌സ്‌വാള്‍, യൂസവേന്ദ്ര ചാഹല്‍ എന്നിവരുടെ മികവില്‍ കൊല്‍ക്കത്തയെ തകര്‍ത് സംഘത്തിന് അതേ വീര്യത്തില്‍ കളിക്കാനാവണം. പക്ഷേ മികവിനൊത്ത ആധികാരികതയില്‍ ടീം പിറകില്‍ പോവാറുണ്ട്. ചാമ്പ്യന്‍ഷിപ്പിന്റെ തുടക്കത്തില്‍ അഞ്ചില്‍ നാല് വിജയങ്ങളും സ്വന്തമാക്കി ടേബിളില്‍ ഒന്നാം സ്ഥാനത്തേക്ക് കയറിയ അവര്‍ പിന്നീട് തുടര്‍ച്ചയായി തോറ്റു. പല തോല്‍വികളും അവസാന പന്തിലുമായിരുന്നു. ജയ്‌സ്‌വാള്‍-ജോസ് ബട്‌ലര്‍ സഖ്യം നല്‍കുന്ന തുടക്കമാണ് ടീമിന് പ്രധാനം. എല്ലാ മല്‍സരങ്ങളിലും ഒന്നുങ്കില്‍ ജയ്‌സ്‌വാളോ, അല്ലെങ്കില്‍ ബട്‌ലറോ മിന്നാറുണ്ട്. കൊല്‍ക്കത്തക്കെതിരെ 13 പന്തില്‍ അര്‍ധ സെഞ്ച്വറി നേടി ചരിത്രം രചിച്ച ജയ്‌സ്‌വാളിനെ ഒതുക്കാന്‍ ഇന്ന് ബെംഗളുരുവിന് കഴിയാത്തപക്ഷം രാജസ്ഥാന്‍ വലിയ സ്‌ക്കോറിലേക്ക് പോവും. ബട്‌ലര്‍ അവസാന മല്‍സരത്തില്‍ ജയ്‌സ്‌വാളിന് വേണ്ടി റണ്ണൗട്ടാവുകയായിരുന്നു. അദ്ദേഹവും നിര്‍ണായക മല്‍സരത്തില്‍ വലിയ ഇന്നിംഗ്‌സിന് ശ്രമിക്കും.

സഞ്ജുവും കൊല്‍ക്കത്തക്കെതിരെ തകര്‍ത്തടിച്ചിരുന്നു. ബാറ്റിംഗില്‍ ആശങ്കപ്പെടാനില്ലാത്ത വിധം ദേവ്ദത്ത് പടിക്കല്‍, ഷിംറോണ്‍ ഹെത്തിമര്‍, രവിചന്ദ്രന്‍ അശ്വിന്‍, ധ്രുവ് ജൂറല്‍ എന്നിവരെല്ലാം ബാറ്റിംഗ് വിലാസമുളളവരാണ്. ജോ റൂട്ടിന് ഇത് വരെ അവസരം കിട്ടിയിട്ടുമില്ല. ബൗളിംഗില്‍ ട്രെന്‍ഡ് ബോള്‍ട്ട് നല്‍കുന്ന ഞെട്ടിക്കുന്ന തുടക്കം പ്രയോജനപ്പെടുത്താന്‍ ചാഹലിനെ പോലുള്ള അനുഭവ സമ്പന്നരുണ്ട്. ഐ.പി.എല്‍ ചരിത്രത്തിലെ വിക്കറ്റ് വേട്ടയില്‍ ഒന്നാമനായി നില്‍ക്കുന്ന ചാഹലിനൊപ്പം അശ്വിനുമാവുമ്പോള്‍ പേടിക്കാനില്ല. ബെംഗളുരു സംഘം പൊട്ടിത്തെറിക്കുന്നവരാണ്. ഫാഫ് ഡുപ്ലസി അപാര ഫോമില്‍ കളിക്കുന്നു. റണ്‍വേട്ടയില്‍ സീസണില്‍ ദക്ഷിണാഫ്രിക്കന്‍ ബാറ്റര്‍ മുന്‍പന്തിയിലാണ്. വിരാത് കോലിയും ഫോമിലെത്തിയാല്‍ രാജസ്ഥാന്‍ ബൗളര്‍മാര്‍ വിയര്‍ക്കും. ഗ്ലെന്‍ മാക്‌സ്‌വെല്ലാണ് ബാറ്റര്‍മാരിലെ അപകടകാരി. ഈ മൂന്ന് പേരെ നിയന്ത്രിക്കാനായാല്‍ വലിയ സ്‌ക്കോറില്‍ നിന്നും ടീമിനെ തടയാനാവും.

മുഹമ്മദ് ഷമി തുടക്കമിടുന്ന ബൗളിംഗിലെ വില്ലന്‍ അഫ്ഗാന്‍ സ്പിന്നര്‍ റാഷിദ് ഖാനാണ്. അവസാന മല്‍സരത്തില്‍ വിരാത് കോലിയുടെ റോയല്‍ ചാലഞ്ചേഴ്‌സ് നല്‍കിയ 200 റണ്‍സ് ലക്ഷ്യം 17 ഓവറിനിടെ സ്വന്തമാക്കിയാണ് മുംബൈ തിരികെ വന്നത്. സുര്യകുമാര്‍ യാദവും നേഹാല്‍ വധേരയും കരുത്തരായി കളിക്കുന്നു. പരുക്കില്‍ മുക്തനായി തിലക് വര്‍മയും ഇന്ന് കളത്തിലുണ്ട്.