ipl auction – Chandrika Daily

അന്ന് പൊന്നിന്‍ വില ഇന്ന് ആര്‍ക്കും വേണ്ട; ഐപിഎൽ താരലേലത്തിൽ ഇന്ത്യൻ യുവ ഓപ്പണർ പൃഥ്വി ഷായ്ക്ക് കനത്ത നിരാശ

webdesk18 — Tue, 16 Dec 2025 16:52:14 +0000

ഐപിഎൽ 2026 മിനി താരലേലത്തിൽ ഇന്ത്യൻ യുവ ഓപ്പണർ പൃഥ്വി ഷായ്ക്ക് കനത്ത നിരാശ. തുടർച്ചയായി രണ്ടാം വർഷമാണ് താരത്തെ സ്വന്തമാക്കാൻ ഒരു ഫ്രാഞ്ചൈസിയും രംഗത്തെത്താതെ പോയത്.

75 ലക്ഷം രൂപ അടിസ്ഥാന വിലയുമായാണ് പൃഥ്വി ഷാ അബുദാബിയിൽ നടന്ന ലേലത്തിനെത്തിയത്. കാപ്ഡ് ബാറ്റ്‌സ്മാൻമാർ ഉൾപ്പെട്ട പ്രാരംഭ സെറ്റിൽ താരത്തിന്റെ പേര് അവതരിപ്പിച്ചെങ്കിലും ലേലത്തിൽ പങ്കെടുത്ത 10 ടീമുകളും താരത്തിനായി വിളിച്ചില്ല. 2025ലെ ഐപിഎൽ ലേലത്തിലും താരത്തെ ആരും എടുത്തിരുന്നില്ല. ഈ തുടർച്ചയായ തിരിച്ചടി ഇന്ത്യൻ ക്രിക്കറ്റ് ലോകത്തെയും പൃഥ്വിയുടെ ആരാധകരെയും അമ്പരപ്പിച്ചു.

2018ൽ അണ്ടർ 19 ലോകകപ്പ് കിരീടം നേടിയ ടീമിന്റെ നായകനായിരുന്ന പൃഥ്വി ഷാ ഇന്ത്യൻ ക്രിക്കറ്റിന്റെ ഭാവി വാഗ്ദാനമായാണ് അറിയപ്പെട്ടിരുന്നത്. 1.2 കോടിക്ക് ഡൽഹി ക്യാപിറ്റൽസിൽ എത്തിയ താരം 2021 ഐപിഎല്ലിൽ കാഴ്ചവെച്ചിരുന്നു. ഇതേത്തുടർന്ന് തൊട്ടടുത്ത വർഷം 7.5 കോടി രൂപയ്ക്കാണ് ഡൽഹി ഷായെ നിലനിർത്തിയത്. എന്നാൽ, ഫിറ്റ്നസ് പ്രശ്നങ്ങളും ഫോമില്ലായ്മയും കാരണം താരത്തിന് അവസരങ്ങൾ കുറഞ്ഞു. ഇതോടെ 2025 സീസണിനു മുമ്പായി ഡൽഹി താരത്തെ കൈയൊഴിഞ്ഞു.

ആഭ്യന്തര ക്രിക്കറ്റിൽ മുംബൈയ്ക്കു വേണ്ടി കളിച്ചിരുന്ന താരത്തിന് കഴിഞ്ഞ സീസണിൽ ടീമിലെ സ്ഥാനവും നഷ്ടമായി. എന്നാൽ ആഭ്യന്തര ക്രിക്കറ്റിൽ മഹാരാഷ്ട്രക്കായി കളിച്ച താരം ഫോം വീണ്ടെടുത്തു. രഞ്ജി ട്രോഫിയിൽ 470 റൺസ് നേടിയെങ്കിലും ആ പ്രകടനങ്ങൾ ഐപിഎൽ ലേലത്തിൽ താരത്തിന് തുണയായില്ല.

അതേസമയം, ലേലത്തിലെ ഏറ്റവും ഉയർന്ന വില നേടിയ താരം ഓസ്ട്രേലിയയുടെ കാമറൂൺ ഗ്രീൻ ആണ്. 25.20 കോടി രൂപയ്ക്ക് കൊൽക്കത്ത നൈറ്റ് റൈഡേഴ്‌സ് ഗ്രീനിനെ സ്വന്തമാക്കി. ദക്ഷിണാഫ്രിക്കൻ താരം ഡേവിഡ് മില്ലറെ രണ്ട് കോടി രൂപ അടിസ്ഥാന വിലയ്ക്ക് ഡൽഹി ക്യാപിറ്റൽസ് ടീമിലെത്തിച്ചു. പൃഥ്വി ഷായെ കൂടാതെ ഡെവോൺ കോൺവേ, ജേക്ക് ഫ്രേസർ-മെക്ക്ഗർക്ക്, സർഫറാസ് ഖാൻ തുടങ്ങിയ ശ്രദ്ധേയ താരങ്ങൾക്കും ആദ്യ ഘട്ടത്തിൽ ആവശ്യക്കാരുണ്ടായില്ല. ലേലത്തിന്റെ അവസാന റൗണ്ടിൽ, അൺസോൾഡ് ആയ താരങ്ങൾക്കായി വീണ്ടും ലേലം നടത്തുമ്പോൾ പൃഥ്വിയുടെ പേര് വീണ്ടും പരിഗണിക്കാൻ സാധ്യതയുണ്ട്.

വമ്പൻ താരങ്ങളെ ഒഴിവാക്കി ഐ.പി.എൽ ഫ്രാഞ്ചൈസികൾ

adil — Thu, 21 Jan 2021 08:17:20 +0000

പുതിയ സീസണിലേക്കുള്ള ഐ.പി.എൽ ടൂർണ്ണമെന്റിന് മുന്നോടിയായി വമ്പൻ താരങ്ങളെ ഒഴിവാക്കി ഐ.പി.എൽ ഫ്രാഞ്ചൈസികൾ. 2021 ഐ.പി.എൽ സീസണിനു മുമ്പാണ് ലോകോത്തര താരങ്ങളെയടക്കം ഒഴിവാക്കി ഫ്രാഞ്ചൈസികൾ പുതിയ പരീക്ഷണത്തിനൊരുങ്ങുന്നു. വലിയ വിലക്ക് വിദേശ താരങ്ങളെ ലേലത്തിനെടിത്ത് ടീമിന് ബാധ്യതയാവുന്നു എന്ന തിരിച്ചറിവിലാണ് പല ഫ്രാഞ്ചൈസികളും കടുത്ത തീരമാനമെടുത്തത്. ഒഴിവാക്കപ്പെട്ടവരിൽ സ്റ്റീവ് സ്മിത്ത്, ആരോൺ ഫിഞ്ച്, ഗ്ലെൻ മാക്‌സ്‌വെൽ, കേദാർ ജാദവ്, മൊയ്ൻ അലി, നഥാൻ കോൾട്ടർനിൽ തുടങ്ങിയവർ ഉൾപ്പെടും. രാജ്യാന്തര മത്സരങ്ങളിൽ നിന്ന് വിരമിച്ച ഷെയിൻ വാച്‌സൺ, ലസിത് മലിംഗ്, പാർത്ഥിവ് പട്ടേൽ എന്നിവരും ഒഴിവാക്കിയവരിൽ പെടും.

പുതിയ സീസണിലേക്കായി നിലവിലെ താരങ്ങളെ ഒഴിവാക്കേണ്ട അവസാന തിയ്യതി ഇന്നലെ അവസാനിച്ചിരുന്നു. രാജസ്ഥാൻ റോയൽസ് നിലവിലെ ക്യാപ്റ്റനും മുൻ ഓസ്‌ട്രേലിയൻ ക്യാപ്റ്റനുമായിരുന്ന സ്റ്റീമ് സ്മിത്തിനെ ഒഴിവാക്കി മലയാളിയായ സഞ്ജു സാംസണെ പുതിയ നായകനായി കഴിഞ്ഞ ദിവസം നിയമിക്കുകയും ചെയ്തു.

2021 ഐ.പി.എൽ സീസണിനു മുമ്പ് ടീമുകൾ ഒഴിവാക്കിയ താരങ്ങൾ

ചെന്നൈ സൂപ്പർ കിങ്‌സ്: കേദാർ ജാദവ്, പിയൂഷ് ചൗള, മോനു കുമാർ, മുരളി വിജയ്, ഹർഭജൻ സിങ്, ഷെയ്ൻ വാട്‌സൺ(റിട്ടേഡ്)

ഡൽഹി ക്യാപിറ്റൽസ്: മോഹിത് ശർമ, സന്ദീപ് ലാമിഷെയ്ൻ, അലക്‌സ് ക്യാരി, ഡാനിയേൽ സാംസ്, കീമോ പോൾ, തുഷാർ ദേശ്പാണ്ഡെ, ജേസൺ റോയ്, ഹർഷൽ പട്ടേൽ

കിങ്‌സ് ഇലവൻ പഞ്ചാബ്: ഗ്ലെൻ മാക്‌സ്‌വെൽ, ഷെൽട്ടൻ കോട്ട്രൽ, കൃഷ്ണപ്പ ഗൗതം, മുജീബ് ഉർ റഹ്മാൻ, തജീന്ദർ സിങ്, ജിമ്മി നീഷാം, ഹാർഡസ് വിൽജോൺ, കരുൺ നായർ, ജെ സുജിത്

കൊൽക്കത്ത നൈറ്റ് റൈഡേഴ്‌സ്: ടോം ബാന്റൻ, ക്രിസ് ഗ്രീൻ, നിഖിൽ നായ്ക്, സുദേശ് ലാഡ്, എം സിദ്ധാർത്ഥ്

രാജസ്ഥാൻ റോയൽസ്: സ്റ്റീവ് സ്മിത്ത്, അങ്കിത് രജ്പുത്, ഓഷെയ്ൻ തോമസ്, ശശാങ്ക് സിങ്, ആകാശ് സിങ്, വരുൺ ആരോൺ, ടോം കറൺ, അനിരുദ്ധ് ജോഷി

മുംബൈ ഇന്ത്യൻസ്: ലസിത് മലിംഗ(റിട്ടേഡ്), നഥാൻ കോൾട്ടർനിൽ, ജെയിംസ് പാറ്റിൻസൺ, ഷെർഫെയ്ൻ റുഥർഫോർഡ്, ദ്വിഗ്‌വിജയ് ദേഷ്മുഖ്, പ്രിൻസ് റായ്, മഗ്ലെനെഹ്ന്!

റോയൽ ചലഞ്ചേഴ്‌സ് ബാംഗ്ലൂർ: ഗുർകിറാത് സിങ്, മൊയ്ൻ അലി, ആരോൺ ഫിഞ്ച്, ക്രിസ് മോറിസ്, പവൻ നേഗി, ശിവം ദുബെ, ഇസുറു ഉദാനെ, പാർഥിവ് പട്ടേൽ( റിട്ടേഡ്), ഡെയ്ൽ സ്റ്റെയിൻ, ഉമേഷ് യാദവ്

സൺറൈസേഴ്‌സ് ഹൈദരാബാദ്: ബില്ലി സ്റ്റാൻലേക്ക്, ഫാബിയാൻ അലൻ, സഞ്ജയ് യാദവ്, ബി സന്ദീപ്, യാറ പാർഥിവ്.

ഐ. പി.എല്‍ ലേലം ഒന്നാംദിനം: ടീമുകള്‍ സ്വന്തമാക്കിയ താരങ്ങള്‍, വിശദമായ വിവരങ്ങള്‍

chandrika — Sat, 27 Jan 2018 14:51:44 +0000

ഐ.പി. എല്‍ താരലേലം ഒന്നാം ദിനം പിന്നിടുമ്പോള്‍ തങ്ങള്‍ക്കുവേണ്ട കളിക്കാരെ ടീമിലെത്തിച്ച് വരുന്ന സീസണില്‍ കരുത്തു കാണിക്കാന്‍ ഒരുങ്ങുകയാണ് ഓരോ ടീമും. സൂപ്പര്‍ താരങ്ങളെല്ലാം വമ്പന്‍ വിലയ്ക്കാണ് ചൂടപ്പം പോലെ വിറ്റുപോയപ്പോള്‍ വെസ്റ്റ് ഇന്‍ഡീസ് വെടിക്കെട്ട് ബാറ്റ്‌സ് മാന്‍ ക്രിസ് ഗെയിലും ഇന്ത്യന്‍ ഫാസ്റ്റ് ബൗളര്‍ ഇഷാന്ത് ശര്‍മയും സ്വന്തമാക്കാന്‍ ആരും രംഗത്തെത്തിയില്ല എന്നത് ശ്രദ്ധേയമായി. ഐ.പി.എല്‍ തുടക്കം മുതല്‍ കഴിഞ്ഞ സീസണ്‍ വരെ ചെന്നൈ സൂപ്പര്‍ കിങ്‌സിനു വേണ്ടി കളിച്ച ആര്‍. അശ്വിനേയും മുംബൈ ഇന്ത്യന്‍സിനു വേണ്ടി കളിച്ച ഹര്‍ജനേയും ഇരു ക്ലബുകളും കൈവിട്ടതും ആരാധകരെ ഞെട്ടിച്ചു. ഹര്‍ഭജനെ ചെന്നൈ സൂപ്പര്‍ കിങ്‌സ് വാങ്ങിയപ്പോള്‍ 7.6 കോടിക്ക് അശ്വിനെ കിങ്‌സ് ഇലവന്‍ പഞ്ചാബ് സ്വന്തമാക്കി.

മലയാളി താരം സഞ്ജു സാംസണാണ് ആദ്യദിനത്തിലെ മറ്റൊരു ഹൈലെറ്റ്. എട്ടു കോടി നല്‍കി സഞ്ജുവിനെ രാജസ്ഥാന്‍ റോയല്‍സ് സ്വന്തമാക്കുകയായിരുന്നു. ഒരു ഇന്ത്യന്‍ വിക്കറ്റ് കീപ്പര്‍ ലഭിക്കുന്ന ഏറ്റവും വലിയ വിലയെന്ന റെക്കോര്‍ഡാണിത്. ഇംഗ്ലണ്ടിന്റെ ഔള്‍ റൗണ്ടര്‍ ബെന്‍ സ്‌റ്റോക്‌സാണ് താരലേലത്തിലെ ഏറ്റവും വിലപ്പിടിപ്പുള്ള താരം. 12.5 കോടി നല്‍കി അദ്ദേഹത്തേയും രാജസ്ഥാന്‍ റോയല്‍സ് തന്നെയാണ് സ്വന്തമാക്കിയത്.

ഒരു ടീമിന് ചുരങ്ങിയത് 18 താരങ്ങളേയും പരമാവധി 25 താരങ്ങളേയും സ്വന്തമാക്കാം. കളിക്കാരെ വാങ്ങുന്നതിനായി പരമാവധി ചിലവിടാനാവുന്ന തുക 80 കോടി രൂപയാണ്. ഈ 80 കോടിയല്‍ താരങ്ങളെ നിലനിര്‍ത്താന്‍ ചെലവഴിച്ച തുക കഴിച്ച് ബാക്കിയാണ് ലേലത്തിന് വിനിയോഗിക്കാനാവുക. ഒന്നാം ദിനം ലേലം പിന്നിടുമ്പോള്‍ ഓരോ ടീമുകള്‍ സ്വന്തമാക്കിയ താരങ്ങല്‍ ആരൊക്കെയാണെന്ന് നോക്കാം.

ചെന്നൈ സൂപ്പര്‍ കിങ്‌സ്

ലേലത്തില്‍ വാങ്ങിയവര്‍

ഫാഫ് ഡുപ്ലേസി – 1.6 കോടി
ഹര്‍ഭജന്‍ സിങ് 2 കോടി
ഡ്വെയിന്‍ ബ്രാവോ – 6.4 കോടി
ഷെയ്ന്‍ വാട്‌സന്‍ – 4 കോടി
കേദാര്‍ ജാദവ് – 7.8 കോടി
അമ്പാട്ടി റായിഡു – 2.2 കോടി
ഇമ്രാന്‍ താഹിര്‍ 1 കോടി
കരണ്‍ ശര്‍മ – 5 കോടി

നിലനിര്‍ത്തിയ താരങ്ങള്‍:

ധോണി, സുരേഷ് റെയ്‌ന, രവീന്ദ്ര ജഡേജ

ഡല്‍ഹി ഡെയര്‍ ഡെവിള്‍സ്

ലേലത്തില്‍ വാങ്ങിയവര്‍

ഗ്ലെന്‍ മാക്‌സ്‌വെല്‍ – 9 കോടി
ഗൗതം ഗംഭീര്‍ – 2.8 കോടി
ജേസണ്‍ റോയി – 1.5 കോടി
കോളിന്‍ മണ്‍റോ – 1.9 കോടി
മുഹമ്മദ് ഷാമി – 3 കോടി
കഗീസോ റബാഡ – 4.2 കോടി
അമിത് മിശ്ര 4 കോടി

നിലനിര്‍ത്തിയ താരങ്ങള്‍:

ക്രിസ് മോറിസ്, ഋഷഭ് പന്ത്, ശ്രേയസ് അയ്യര്‍

കിങ്‌സ് ഇലവന്‍ പഞ്ചാബ്

ലേലത്തില്‍ വാങ്ങിയവര്‍

യുവരാജ് സിങ് – 2 കോടി
ആര്‍.അശ്വിന്‍ 7.6 കോടി
കരുണ്‍ നായര്‍ – 5.6 കോടി
ലോകേഷ് രാഹുല്‍ – 11 കോടി
ഡേവിഡ് മില്ലര്‍ – 3 കോടി
ആരോണ്‍ ഫിഞ്ച് – 6.2 കോടി
മാര്‍ക്കസ് സ്‌റ്റോയ്‌നിസ് – 6.2 കോടി

നിലനിര്‍ത്തിയ താരങ്ങള്‍:

അക്ഷര്‍ പട്ടേല്‍

കൊല്‍ക്കത്ത നൈറ്റ് റൈഡേഴ്‌സ്

ലേലത്തില്‍ വാങ്ങിയവര്‍

മിച്ചല്‍ സ്റ്റാര്‍ക്ക് – 9.4 കോടി
ക്രിസ് ലിന്‍ – 9.6 കോടി ദിനേഷ് കാര്‍ത്തിക് – 7.4 കോടി
റോബിന്‍ ഉത്തപ്പ – 6.4 കോടി
പിയൂഷ് ചാവ്‌ല 4.2 കോടി
കുല്‍ദീപ് യാദവ് – 5.8 കോടി

നിലനിര്‍ത്തിയ താരങ്ങള്‍:

സുനില്‍ നാരായണന്‍, ആന്ദ്രെ റസല്‍

മുംബൈ ഇന്ത്യന്‍സ്

.ലേലത്തില്‍ വാങ്ങിയവര്‍

കിറോണ്‍ പൊള്ളാര്‍ഡ് – 5.4 കോടി
മുസ്താഫിസുര്‍ റഹ്മാന്‍ – 2.2 കോടി
പാറ്റ് കുമ്മിന്‍സ് – 5.4 കോടി

നിലനിര്‍ത്തിയ താരങ്ങള്‍:

രോഹിത് ശര്‍മ, ഹാര്‍ദിക് പാണ്ഡ്യ, ജസ്പ്രീത് ബുമ്ര

രാജസ്ഥാന്‍ റോയല്‍സ്

ലേലത്തില്‍ വിളിച്ചെടുത്തവര്‍

ബെന്‍ സ്‌റ്റോക്‌സ് – 12.5 കോടി
അജിങ്ക്യ രഹാനെ – 4 കോടി
സ്റ്റ്യുവാര്‍ട്ട് ബിന്നി – 50 ലക്ഷം
സഞ്ജു സാംസണ്‍ – എട്ടു കോടി
ജോസ് ബട്‌ലര്‍ – 4.4 കോടി

നിലനിര്‍ത്തിയ താരങ്ങള്‍: സ്റ്റീവ് സ്മിത്ത്

റോയല്‍ ചാലഞ്ചേഴ്‌സ് ബാംഗ്ലൂര്‍

ലേലത്തില്‍ വിളിച്ചെടുത്തവര്‍

ബ്രണ്ടന്‍ മക്കല്ലം – 3.6 കോടി
ക്രിസ് വോക്‌സ് – 7.4 കോടി
കോളിന്‍ ഡി ഗ്രാന്‍ഡ്‌ഹോം – 2.2 കോടി
മൊയീന്‍ അലി – 1.7 കോടി
ക്വിന്റണ്‍ ഡികോക്ക് – 2.8 കോടി
ഉമേഷ് യാദവ് 4.2 കോടി
യുസ്‌വേന്ദ്ര ചാഹല്‍ – 6 കോടി

നിലനിര്‍ത്തിയ താരങ്ങള്‍:

വിരാട് കോഹ്‌ലി, എബി ഡിവില്ലിയേഴ്‌സ്, സര്‍ഫ്രാസ് ഖാന്‍

സണ്‍റൈസേഴ്‌സ് ഹൈദരാബാദ്

ലേലത്തില്‍ വിളിച്ചെടുത്തവര്‍

ശിഖര്‍ ധവാന്‍ – 5.2 കോടി
ഷാക്കിബ് അല്‍ ഹസന്‍ – 2 കോടി
കെയ്ന്‍ വില്യംസന്‍ – 3 കോടി
മനീഷ് പാണ്ഡെ – 11 കോടി
കാര്‍ലോസ് ബ്രാത്‌വയ്റ്റ് 2 കോടി
യൂസഫ് പത്താന്‍ – 1.9 കോടി
വൃദ്ധിമാന്‍ സാഹ – 5 കോടി
റാഷിദ് ഖാന്‍ – 9 കോടി

നിലനിര്‍ത്തിയ താരങ്ങള്‍:

ഡേവിഡ് വാര്‍ണര്‍, ഭുവനേശ്വര്‍ കുമാര്‍

580 താരങ്ങളെയാണ് ലേലത്തില്‍ ഉള്‍പ്പെട്ടിട്ടുള്ളത്. ഇതില്‍ 361 ഇന്ത്യന്‍ കളിക്കാരാണ്.
ഇംഗ്ലണ്ട് (26) ഓസ്‌ട്രേലിയ (58) ന്യൂസിലന്‍ഡ് (30) ദ.ആഫ്രിക്ക (57) തുടങ്ങി വിദേശ രാജ്യങ്ങളിലെ താരങ്ങളും ലേലത്തില്‍ അണി നിരക്കുന്നുണ്ട്.