അതേസമയം ഐപിഎല്‍ ഫൈനലില്‍ ചെന്നൈ സൂപ്പര്‍ കിംഗ്‌സിന് മുന്നില്‍ കൂറ്റന്‍ സ്‌കോര്‍ തീര്‍ത്ത് ഗുജറാത്ത്. ടോസ് നഷ്ടമായി ആദ്യം ബാറ്റ് ചെയ്ത ഗുജറാത്ത് 20 ഓവറില്‍ നാലു വിക്കറ്റ് നഷ്ടത്തില്‍ 214 റണ്‍സ് നേടി.

94 റണ്‍സ് നേടിയ സായി സുദര്‍ശന്‍ ആണ് ഗുജറാത്തിനായി കൂറ്റന്‍ സ്‌കോര്‍ നേടിയത്. ഗില്ലും(39) വൃദിമാന്‍ സഹായും (54) മികച്ച തുടക്കം സമ്മാനിച്ചു. ക്യാപ്റ്റന്‍ ഹര്‍ദിക് 21 റണ്‍സ് എടുത്ത് പുറത്താകാതെ നിന്നു.ചെന്നൈക്ക് വേണ്ടി മതീഷ് പതിരാന രണ്ടും രവീന്ദ്ര ജഡേജ, ദീപക് ചാഹാര്‍ എന്നിവര്‍ ഒരോ വിക്കറ്റും നേടി.

സീസണിന്റെ തുടക്കത്തില്‍ നിരാശപ്പെടുത്തിയിരുന്നു രോഹിത് ശര്‍മയും സംഘവും. പക്ഷേ അവസാനത്തില്‍ സൂര്യകുമാര്‍ യാദവ്, കാമറുണ്‍ ഗ്രീന്‍ തുടങ്ങിയവരുടെ മികവില്‍ ഏത് സ്‌ക്കോറും ചേസ് ചെയ്ത് വിജയിക്കുന്നവരായി മാറിയ മുംബൈക്ക് ബൗളിംഗില്‍ തലവേദനയുണ്ട്. ഇംഗ്ലീഷുകാരന്‍ ജോഫ്രെ ആര്‍ച്ചറെ കോടികള്‍ക്ക് സ്വന്തം കൂടാരത്തിലെത്തിച്ച മുംബൈക്ക് ആ താരത്തിന്റെ സേവനം കിട്ടിയില്ല. പരുക്കില്‍ അദ്ദേഹം നാട്ടിലേക്ക് മടങ്ങിയ ശേഷം ക്രിസ് ജോര്‍ദ്ദാന്‍ വന്നുവെങ്കിലും വിശ്വസ്തനല്ല. ജാസോണ്‍ ബെഹറന്‍ഡോഫാണ് ന്യുബോള്‍ ബൗളര്‍. പക്ഷേ മുംബൈയുടെ ചാമ്പ്യന്‍ ബൗളറായി മാറിയിരിക്കുന്നത് പിയുഷ് ചാവ്‌ല എന്ന സീനിയര്‍ സ്പിന്നറാണ്. എല്ലാ മല്‍സരരങ്ങളിലും വിക്കറ്റ് നേടുന്ന ബൗളറായി അദ്ദേഹം പ്രതിയോഗികളില്‍ അങ്കലാപ്പുണ്ടാക്കുന്നു. ഇഷാന്‍ കിഷനും രോഹിതുമാണ് മുംബൈ ഇന്നിംഗ്‌സിന് തുടക്കമിടാറ്. അതില്‍ ഇന്നും മാറ്റമുണ്ടാവില്ല. മധ്യനിരയില്‍ കാമറുണ്‍ ഗ്രീന്‍ എന്ന ഓസ്‌ട്രേലിയക്കാരന്റെ കിടിലന്‍ ഇന്നിംഗ്‌സ് അവസാന മല്‍സരത്തില്‍ കണ്ടതാണ്.

മികച്ച ഫോമിലുള്ള സുര്യകുമാര്‍ യാദവുമാവുമ്പോള്‍ ഏത് സ്‌ക്കോറും പിന്തുടരാന്‍ മുംബൈക്ക് ധൈര്യമുണ്ട്. ബാറ്റിംഗ് തന്നെയാണ് ലക്‌നൗയുടെയും കരുത്ത്. കെ.എല്‍ രാഹുല്‍ പരുക്കില്‍ പുറത്തായ ശേഷം ടീമിനെ നയിക്കുന്ന ക്രുനാല്‍ പാണ്ഡ്യക്ക് ആത്മവിശ്വാസം മധ്യനിരയിലാണ്. മാര്‍ക്കസ് സ്റ്റോനിസും നിക്കോലാസ് പുരാനുമുള്ളപ്പോള്‍ വേഗതയില്‍ പേടിക്കാനില്ല. സ്റ്റോനിസ് അപാര മികവില്‍ കളിക്കുമ്പോള്‍ പുരാന്‍ നല്ല ഫീനിഷറാണ്. കൈല്‍ മേയേഴ്‌സ്, ക്വിന്റണ്‍ ഡി കോക്ക് എന്നിവരാണ് ഇന്നിംഗ്‌സിന് തുടക്കമിടാറ്. ദക്ഷിണാഫ്രിക്കക്കാരനായ ഡികോക്കിന് ഇത് വരെ പതിവ് ഫോമിലേക്ക് എത്താനായിട്ടില്ല. ബൗളിംഗില്‍ രവി ബിഷ്‌ണോയി, യാഷ് താക്കൂര്‍ എന്നിവരുണ്ട്.

സ്വന്തം വേദിയില്‍ കാണികളുടെ നിറഞ്ഞ പിന്തുണയിലും ചെന്നൈക്ക് പ്രശ്‌നങ്ങളുണ്ട്. റിഥുരാജ് ഗെയിക്‌വാദും ഡിവോണ്‍ കോണ്‍വേയും നല്‍കുന്ന നല്ല തുടക്കത്തെ പ്രയോജനപ്പെടുത്തുന്നതില്‍ മധ്യനിര പലപ്പോഴും പ്രകടിപ്പിക്കുന്ന ആലസ്യം പ്രശ്‌നമാണ്. അമ്പാട്ട് റായിഡു, അജിങ്ക്യ രഹാനേ, ശിവം ദുബേ എന്നിവരാണ് മധ്യനിരയുടെ കരുത്ത്. ഇവരില്‍ ആരും സ്ഥിരത പ്രകടിപ്പിക്കുന്നില്ല. തമ്മില്‍ ഭേദം ദുബേയാണ്. നായകന്‍ മഹേന്ദ്രസിംഗ് ധോണി നേരത്തെ വരണമെന്നത് ഗ്യാലറിയുടെ ആവശ്യമാണ്.

പക്ഷേ ഇത് വരെയുള്ള മല്‍സരങ്ങളില്‍ അദ്ദേഹം രവിന്ദു ജഡേജയും കഴിഞ്ഞ് ഏഴാമനായോ എട്ടാമനായോ ആണ് വരുന്നത്. പ്ലേ ഓഫില്‍ മഹി നേരത്തെ വന്നാല്‍ ടീമിന് വലിയ സ്‌ക്കോര്‍ സ്വന്തമാക്കാന്‍ കഴിയുമെന്നാണ് ആരാധകരുടെ വിശ്വാസം. ബൗളിംഗില്‍ ദീപക് ചാഹര്‍ പരുക്കില്‍ നിന്ന് മുക്തനായി വന്നപ്പോവും എതിരാളികളെ പേടിപ്പിക്കുന്ന സീമര്‍മാരില്ല. ലസിത് മലിങ്കയെ അനുസ്മരിപ്പിക്കുന്ന യുവ സീമര്‍ മതീഷ പതിരാന, തുഷാര്‍ ദേശ്പാണ്ഡെ എന്നിവരായിരുന്നു ചാഹറിന്റെ അഭാവത്തില്‍ പേസ് ഡിപ്പാര്‍ട്ട്‌മെന്റ്് നോക്കിയിരുന്നത്. അപാര മികവിലാണ് ഗുജറാത്ത് കളിക്കുന്നത്. അവസാന മല്‍സരത്തില്‍ വിജയം അപ്രസക്തമായിട്ടും പ്രതികൂല സാഹചര്യത്തിലും ശുഭ്മാന്‍ ഗില്‍ നടത്തിയ വെടിക്കെട്ട് പ്രകടനത്തില്‍ അവര്‍ രണ്ട് പന്ത് ബാക്കി നില്‍ക്കെ ജയിച്ചു. വൃദ്ധിമാന്‍ സാഹ മാത്രമാണ് അസ്ഥിരക്കാരന്‍. നായകന്‍ ഹാര്‍ദിക് പാണ്ഡ്യ, ഡേവിഡ് മില്ലര്‍, വിജയ് ശങ്കര്‍ എന്നിവരെല്ലാം വലിയ സ്‌ക്കോര്‍ നേടാന്‍ മിടുക്കരാണ്. ബൗളിംഗില്‍ ചെന്നൈയെക്കാള്‍ ബഹുദൂരം മുന്നിലാണ് ഗുജറാത്ത്. റാഷിദ് ഖാന്റെ സാന്നിദ്ദ്യമാണ് ടീമിന്റെ വലിയ ബൗളിംഗ് ആയുധം. മുഹമ്മദ് ഷമി പവര്‍ പ്ലേ ഘട്ടത്തില്‍ പ്രതിയോഗികള്‍ക്ക് ഭീഷണിയാണ്. മല്‍സരം വൈകീട്ട് 7-30 മുതല്‍.

ചെന്നൈ എളുപ്പത്തില്‍ പ്ലേ ഓഫ് ഉറപ്പിക്കുമെന്ന ഘട്ടത്തിലായിരുന്നു അവസാന മല്‍സരത്തില്‍ കൊല്‍ക്കത്തക്ക് മുന്നില്‍ തോറ്റത്. 13 മല്‍സരങ്ങളില്‍ നിന്ന് 15 പോയിന്റാണ് ചെന്നൈക്കുള്ളത്. ഗുജറാത്ത്് ടൈറ്റന്‍സിന് പിറകില്‍ നിലവില്‍ രണ്ടാം സ്ഥാനത്ത്. ഇന്ന് ജയിച്ചാല്‍ സമ്പാദ്യം 17 ലെത്തും. വലിയ അട്ടിമറികള്‍ നടക്കാത്തപക്ഷം യോഗ്യത നേടാം. തോറ്റാല്‍ പിന്നെയും കാത്തിരിക്കേണ്ടി വരും. ബെംഗളുരു, മുംബൈ ഇന്ത്യന്‍സ് എന്നിവര്‍ അവസാന മല്‍സരത്തില്‍ തോറ്റാല്‍ മാത്രമാണ് പിന്നെ സാധ്യത. രണ്ടാം മല്‍്‌സരത്തില്‍ ലക്‌നൗ ജയിച്ചാല്‍ ചെന്നൈയുടേത് പോലെ സമാനമായ സാഹചര്യം വരും. നിലവില്‍ 15 പോയിന്റാണ് സമ്പാദ്യം. ജയിച്ചാലത് 17 ആയി ഉയരും. കൊല്‍ക്കത്തക്ക് ജയിച്ചാലും 14 ലാണ് എത്തുക. അപ്പോഴും കാത്തിരിക്കണം.

2014 ലാണ് അവസാനമായി പഞ്ചാബുകാര്‍ ഇന്ത്യന്‍ പ്രീമിയര്‍ ലീഗില്‍ പ്ലേ ഓഫ് കളിച്ചത്. അതിന് ശേഷം കൈവരുന്ന അവസരം ഉപയോഗപ്പെടുത്താന്‍ ശിഖര്‍ ധവാനും സംഘത്തിനുമാവുമോ എന്നാണ് ഇന്ന് അറിയേണ്ടത്. നിലവില്‍ എട്ടാം സ്ഥാനത്താണ് ടീം. പക്ഷേ അവസാന രണ്ട് മല്‍സരങ്ങള്‍ ജയിക്കാനായാല്‍ മുന്നോട്ട് വരാനാവും. റണ്‍റേറ്റിലും ടീമിന് പ്രശ്‌നങ്ങളുണ്ട്. ബാറ്റിംഗില്‍ ടീമിനിപ്പോള്‍ രണ്ട് നല്ല യുവതാരങ്ങളുണ്ട്. അവസാന മല്‍സരത്തില്‍ സെഞ്ച്്വറി സ്വന്തമാക്കിയ പ്രഭ്‌സിംറാന്‍ സിംഗും ജിതേഷ് ശര്‍മയും. അനുഭവ സമ്പന്നനായ ഇംഗ്ലീഷ് താരം ലിയാം ലിവിങ്സ്റ്റണും ഫോമിലെത്തിയാല്‍ പേടിക്കാനില്ല. പുറത്തായെങ്കിലും ഡല്‍ഹിക്ക് മാനം കാക്കേണ്ടതുണ്ട്. തോല്‍വികളുടെ പടുക്കുഴിയില്‍ നിരാശപ്പെടുത്തിയപ്പോഴും വിജയത്തോടെ മടങ്ങാനാണ് വാര്‍ണറും സംഘവും ആഗ്രഹിക്കുന്നത്.

സണ്‍റൈസേഴ്‌സിനും ഇന്നത്തെ അഹമ്മദാബാദ് അങ്കം വളരെ പ്രധാനമാണ്. അവരുടെ സാധ്യതകള്‍ നൂലില്‍ തൂങ്ങി നില്‍ക്കുകയാമ്. ഇന്ന് ജയിച്ചാല്‍ പ്രതീക്ഷ*യോടെ കാത്തിരിക്കാം. പതിനൊന്ന് മല്‍സരങ്ങളില്‍ നിന്നായി എട്ട് പോയിന്‍ര് മാചത്രമാണ് ഹൈദരാബാദ് സമ്പാദ്യം. നിലവിലെ ഫോമില്‍ ടൈറഅറന്‍സിനെ വിറപ്പിക്കാന്‍ അവര്‍ക്കാവില്ല. അവസാന മല്‍സരത്ില്‍ മുംബൈ ഇന്ത്യന്‍സിന് മുന്നില്‍ തല താവ്ത്തിയെങ്കി ലും റആഷിദ് ഖാനെ പോലുള്‌ലവരുടെ ബലം ടീമിന് നല്‍കുന്നത് വര്‍ദിത വിശ്വാസമാണ്. മുംബൈക്കെതിരെ ടീം തകര്‍ന്നിട്ടും ഒറഅരയാള്‍ പ്രകടനത്തിലുടെ റാഷിദ് ടീമിനെ വിജയത്തിന് 27 റണ്‍സ് അരികെ എത്തിച്ചിരുന്നു.

കൊല്‍ക്കത്തയുടെ പ്രശ്നങ്ങള്‍ ബാറ്റിംഗില്‍ തന്നെയാണ്. നല്ല തുടക്കം ടീമിന് ലഭിക്കുന്നില്ല. ജാസോണ്‍ റോയ്, ഗുര്‍ബാസ് സഖ്യമാണ് സ്ഥിരമായി ഇന്നിംഗ്സ് തുടങ്ങുന്നത്. ഇവര്‍ക്ക് സ്ഥിരത പ്രകടിപ്പിക്കാനാവുന്നില്ല. തുടര്‍ന്ന് വരുന്നവരില്‍ നായകന്‍ നീതിഷ് റാണ, ആന്ദ്രെ റസല്‍, റിങ്കു സിംഗ് എന്നിവര്‍ അപകടകാരികളാണ്. ഇവരില്‍ ആരെങ്കിലുമൊരാള്‍ വലിയ ഇന്നിംഗ്സ് കളിച്ചാല്‍ പേടിക്കാനില്ല

െകാല്‍ക്കത്തക്കാര്‍ക്കും ഇതേ പ്രശ്‌നമുണ്ട്. ടീം എന്ന നിലയില്ലല്ല, വ്യക്തിഗത പ്രകടന മികവിലാണ് അവരുടെ സമീപകാല നേട്ടങ്ങള്‍. അപ്പോളും പ്ലേ ഓഫ് കസേര അകലെ നില്‍ക്കുന്നു. രാജസ്ഥാന് എന്താണ് സംഭവിച്ചു കൊണ്ടിരിക്കുന്നത് എന്ന ചോദ്യത്തിന് ഹെഡ് കോച്ച് കുമാര്‍ സങ്കക്കാരക്ക് തന്നെ ഉത്തരമില്ല. ഓപ്പണര്‍മാരായ യശ്‌സവി ജയ്‌സ്‌വാളും ജോസ് ബട്‌ലറും ഗംഭീരമായി കളിക്കുന്നു. മൂന്നാം നമ്പറില്‍ സഞ്ജു സാംസണും മോശമല്ല. ബൗളിംഗില്‍ ട്രെന്‍ഡ് ബോള്‍ട്ടും യൂസവേന്ദ്ര ചാഹലും അശ്വിനുമെല്ലാമുണ്ട്. അവസാന മല്‍സരത്തില്‍ ഹൈദരാബാദിനെതിരെ ടീം വിജയം ഉറപ്പിച്ചതാണ്. പക്ഷേ സന്ദിപ് ശര്‍മയുടെ അവസാന ഓവറിലെ അവസാന പന്ത് നോബോളായി മാറിയപ്പോള്‍ അബ്ദുള്‍ സമദ് എന്ന ഓള്‍റൗണ്ടര്‍ അവസരം പ്രയോജനപ്പെടുത്തി പായിച്ച സിക്‌സറില്‍ സഞ്ജുവും സംഘവും തല താഴ്ത്തി. ഇത്തരത്തില്‍ ഫീല്‍ഡില്‍ സംഭവിക്കുന്ന പിഴവുകളാണ് ടീമിനെ അലട്ടുന്നത്. സഞ്ജുവിന്റെ പല തീരുമാനങ്ങളും മണ്ടത്തരങ്ങളായി മാറുന്നുണ്ട്. ബാറ്റിംഗ് ഓര്‍ഡറില്‍ ജെയ്്‌സണ്‍ ഹോള്‍ഡര്‍ക്ക്് മുകളില്‍ അശ്വിന് അവസരം നല്‍കുന്നതും ഇംപാക്ട്് താരത്തെ തെരഞ്ഞെടുക്കുന്നതിലുമെല്ലാം പിഴവുകള്‍ സംഭവിക്കുന്നുണ്ട്.

ബൗളര്‍മാരെ തെരഞ്ഞെടുക്കുന്നതില്‍ സഞ്ജു വിമര്‍ശനങ്ങള്‍ നേരിടുന്നു. സന്ദീപ് ശര്‍മ മികച്ച ന്യുബോള്‍ ബൗളറാണ്. പക്ഷേ സമ്മര്‍ദ്ദത്തില്‍ അദ്ദേഹം പതറുമ്പോള്‍ പുതിയ പന്ത് കൈകാര്യം ചെയ്യാന്‍ ആളില്ലാത്ത അവസ്ഥ. ഒബേദ് മക്കോയി, ബാറ്റര്‍ ജോ റൂട്ട് തുടങ്ങിയവരെയൊന്നും ഇത് വരെ പ്രയോജനപ്പെടുത്താനായിട്ടില്ല. മധ്യനിരയില്‍ ഹെത്തിമര്‍ വിശ്വസ്തനായിരുന്നു തുടക്കത്തില്‍. പക്ഷേ വിന്‍ഡീസുകാരന് അവസാന മല്‍സരങ്ങളില്‍ ആ മികവ് ആവര്‍ത്തിക്കാനാവുന്നില്ല. ഇന്ന് ശുഭവാര്‍ത്ത മുഖ്യ സിമര്‍ ട്രെന്‍ഡ് ബോള്‍ട്ട് പരുക്കില്‍ നിന്ന് മുക്തനായി എന്നതാണ്. കൊല്‍ക്കത്താ സംഘത്തില്‍ നിറയെ കൂറ്റനടിക്കാരാണ്. അതിനാല്‍ ഏത് വലിയ സ്‌ക്കോറും ഈഡനില്‍ സുരക്ഷിതമല്ല. ആറാം നമ്പറില്‍ വരുന്ന റിങ്കുസിംഗ്, ആന്ദ്രെ റസല്‍ എന്നിവരുടെ മികവിലായിരുന്നു അവസാന മല്‍സരത്തില്‍ കൊല്‍ക്കത്തക്കാര്‍ വിജയിച്ചത്. ഇന്നിംഗ്‌സിന് തുടക്കമിടുന്ന ജാസോണ്‍ റോയ്, റഹ്മത്തുല്ല ഗുര്‍ബാസ് എന്നിവര്‍ അക്രമകാരികളാണ്. വെങ്കടേഷ് അയ്യര്‍, നായകന്‍ നിതീഷ് റാണ എന്നിവരും മികച്ച ഫോമില്‍ കളിക്കുന്നവരാണ്. മല്‍സരം രാത്രി 7-30 മുതല്‍.

എട്ട് മല്‍സരങ്ങള്‍ പൂര്‍ത്തിയാക്കിയ ലക്‌നൗ 10 പോയന്റുമായി മൂന്നാം സ്ഥാനത്താണ്. എട്ട് കളികളില്‍ എട്ട് പോയിന്റുള്ള ബെംഗളുരുവാകട്ടെ അഞ്ചാമതും. ആദ്യ നാല് സ്ഥാനക്കാര്‍ക്ക് മാത്രമാണ് പ്ലേ ഓഫ് എന്നിരിക്കെ ഇനി സംഭവിക്കാവുന്ന തോല്‍വികള്‍ എല്ലാ ടീമുകള്‍ക്കും ആഘാതമാവും. നിലവില്‍ ചാമ്പ്യന്മാരായ ഗുജറാത്ത്് ടൈറ്റന്‍സ് 12 പോയന്റുമായി ഒന്നാമതാണ്. മുന്‍നിരക്കാരുടെ മികച്ച പ്രകടനമാണ് നായകന്‍ വിരാത് കോലി പ്രതീക്ഷിക്കുന്നത്.

ഇത് വരെയുള്ള ടീമിന്റെ കരുത്ത് കോലിയെ കൂടാതെ ഗ്ലെന്‍ മാക്‌സ്‌വെല്‍, ഫാഫ് ഡുപ്ലസി എന്നിവരാണ്. ഇവരില്‍ ആരെങ്കിലുമൊരാള്‍ ക്ലിക് ചെയ്താല്‍ വലിയ സ്‌ക്കോര്‍ നേടാന്‍ ടീമിനാവും. പക്ഷേ അതിനേക്കാളും വലിയ സ്‌ക്കോര്‍ സമ്പാദിക്കാന്‍ കഴിയുന്നവര്‍ ലക്‌നൗ സംഘത്തിലുണ്ട്. മാരക ഫോമിലാണ് മാര്‍ക്കസ് സ്‌റ്റോനിസ്, നിക്കോളാസ് പുരാന്‍ തുടങ്ങിയ ബാറ്റര്‍മാര്‍. ഏത് ബൗളിംഗിനെയും അനായാസം നേരിടുന്ന ഇവര്‍ക്കൊപ്പം യുവതാരം ബദോനിയും ചേരുമ്പോള്‍ ലക്‌നൗവിനെ പേടിക്കണം. മല്‍സരം 7-30 മുതല്‍.

രാഹുല്‍ അവസാന മല്‍സരത്തില്‍ നിരാശ സമ്മാനിച്ചിരുന്നു. ചൈന്നൈ സ്പിന്നിന് മുന്നില്‍ പതറി പോയ നായകന് നിരാശ ആവര്‍ത്തിക്കാന്‍ താല്‍പ്പര്യമില്ല. നല്ല തുടക്കം ടീമിന് നല്‍കാന്‍ നിയോഗിതനായ അദ്ദേഹത്തിനൊപ്പം ഡികോക്ക് കളിക്കുമെന്നാണ് കരുതപ്പെടുന്നത്. കൈല്‍ മേയേഴ്‌സ്, ദിപക് ഹുദ, ക്രുനാല്‍ പാണ്ഡ്യ, നിക്കോളാസ് പുരാന്‍ തുടങ്ങിയ ബാറ്റിംഗ് നിരക്ക് ആവേശം നല്‍കാന്‍ നായകനാവുമ്പോള്‍ വലിയ സ്‌ക്കോര്‍ നേടാനാവും. ഹൈദരാബാദ് സംഘത്തിലെ അതിവേഗക്കാരന്‍ ഉംറാന്‍ മാലിക്കിനെ പോലുളളവരെ നേരിട്ട് വേണം സ്‌ക്കോര്‍ ഉയര്‍ത്താന്‍. ഹൈദരാബാദ് സംഘത്തിനും പ്രതീക്ഷിച്ച തുടക്കം കിട്ടിയിട്ടില്ല. ആദ്യ മല്‍സരത്തില്‍ ശക്തരായ രാജസ്ഥാന്‍ റോയല്‍സിന് മുന്നില്‍ തകര്‍ന്നു പോയിരുന്നു.

ആദ്യ മല്‍സരത്തില്‍ ഭുവനേശ്വര്‍ കുമാറാണ് ടീമിനെ നയിച്ചതെങ്കില്‍ ഇന്ന് സ്ഥിരം നായകന്‍ ഐദന്‍ മാര്‍ക്ക്‌റാം ടീമിനൊപ്പമുണ്ട്. അനുഭവ സമ്പന്നരായ മായങ്ക് അദഗര്‍വാള്‍, ഹാരി ബ്രുക് തുടങ്ങിയവരുടെ ബാറ്റ് ഗര്‍ജ്ജിച്ചാല്‍ മാത്രമാണ് വലിയ സ്‌ക്കോര്‍ നേടാനാവുക. മുന്‍നിരയില്‍ രാഹുല്‍ ത്രിപാഠി ആദ്യ മല്‍സരത്തില്‍ നിരാശപ്പെടുത്തിയിരുന്നു.