അതേ സമയം തന്റെ വിഷാദ രോഗത്തിന്റെ കാരണം എന്താണെന്ന് ഇപ്പോഴും മനസിലായിട്ടില്ലെന്നും ഇറ വീഡിയോയില്‍ പറയുന്നു. അതിന്റെ പിന്നിലെ യഥാര്‍ത്ഥ കാരണം കണ്ടു പിടിക്കാനുള്ള ശ്രമത്തിലാണെന്നും ഇറ പറഞ്ഞു. കഴിഞ്ഞ മാസമാണ് താന്‍ വിഷാദത്തിന് അടിമയാണെന്ന് ഇറ ഖാന്‍ പറഞ്ഞത്. നാലു വര്‍ഷത്തോളം വിഷാദ രോഗത്തിന് ചികിത്സ തേടിയിരുന്നുവെന്നും താരം വ്യക്തമാക്കിയിരുന്നു. എന്നാല്‍ അതേ തുടര്‍ന്ന് പിന്തുണച്ചവരേക്കാള്‍ കൂടുതല്‍ പേര്‍ ഇറക്കെതിരെ വിമര്‍ശനവുമായി രംഗത്തു വരികയായിരുന്നു.

മാതാപിതാക്കളുടെ വിവാഹ മോചനമാണ് ഇറയുടെ വിഷാദ രോഗത്തിന്റെ കാരണമെന്ന് കങ്കണ റണാവത്ത് പറഞ്ഞു. എന്നാല്‍ അത് തന്നെ ബാധിച്ചില്ലെന്നാണ് ഇറ പറയുന്നത്. മാതാപിതാക്കളുടെ വിവാഹ മോചനം അത്ര അസ്വസ്ഥപ്പെടുത്തുന്ന ഒന്നായിരുന്നില്ല. കാരണം വളരെ സൗഹൃദത്തോടെയാണ് ആമിര്‍ ഖാനും റീന ദത്തയും പിരിഞ്ഞത്. എന്നാല്‍ അവരെപ്പോഴും തന്റെയും ജുനൈദിന്റെയും കാര്യത്തില്‍ കൂടെ ഉണ്ടായിരുന്നു. അവരിപ്പോഴും സുഹൃത്തുക്കളായി തന്നെ തുടരുന്നുണ്ട്. തങ്ങളുടെ കാര്യത്തില്‍ അവര്‍ എപ്പോഴും ശ്രദ്ധ ചെലുത്തുകയും ചെയ്യുന്നു. അത് തന്നെ വേദനിപ്പിച്ചിട്ടില്ല-ഇറ ഖാന്‍ വ്യക്തമാക്കി.

രോഗത്തെക്കുറിച്ചുള്ള എന്റെ സന്ദേശത്തിനു ചുവട്ടില്‍ വിദ്വേഷ കമന്റിട്ടാല്‍ എനിക്കത് മായ്‌ക്കേണ്ടിവരും. വീണ്ടും അതുതന്നെ തുടര്‍ന്നാല്‍ അങ്ങനെയുള്ളവരെ ഒഴിവാക്കി എനിക്കു മുന്നോട്ടുപോകേണ്ടിവരും എന്നാണ് ഇറ ഖാന്റെ പുതിയ മുന്നറിയിപ്പ്. തന്റെ സന്ദേശത്തിനു താഴെ വിദ്വേഷ കമന്റുകള്‍ എഴുതിയവരുടെ പോസ്റ്റുകള്‍ ഡിലീറ്റ് ചെയ്യണോ വേണ്ടയോ എന്നകാര്യത്തില്‍ ഇറ ഓണ്‍ലൈനില്‍ വോട്ടെടുപ്പും നടത്തിയിരുന്നു. വിദ്വേഷ കമന്റുകള്‍ തന്നെ ഒരു തരത്തിലും ബാധിക്കാറില്ലെന്നാണ് ഇറ പറയുന്നത്.
തന്റെ പോസ്റ്റുകള്‍ക്ക് ഹിന്ദി സബ് ടൈറ്റിലുകള്‍ വേണോ എന്ന വിഷയത്തിലും ഇറ ഓണ്‍ലൈന്‍ വോട്ടെടുപ്പ് നടത്തിയിരുന്നു. 53 ശതമാനം പേര്‍ അനുകൂലമായാണ് പ്രതികരിച്ചത്.

https://www.instagram.com/p/CGK5pCuAqdG/?utm_source=ig_web_copy_link

ഡോക്ടറെ കാണുകയും മരുന്ന് കഴിക്കുകയും ചെയ്തിരുന്നു. മാനസിക ആരോഗ്യവുമായി ബന്ധപ്പെട്ട് എന്തെങ്കിലും ചെയ്യണമെന്ന് തനിക്ക് അതിയായ ആഗ്രഹമുണ്ടെന്നും എന്നാല്‍ എന്താണ് ചെയ്യേണ്ടത് എന്നതിനെക്കുറിച്ച് തനിക്ക് അറിയില്ലെന്നും ഇറ പറഞ്ഞിരുന്നു.സംവിധാനത്തില്‍ താല്‍പര്യമുള്ള ഇറ ചില തിയറ്റര്‍ നാടകങ്ങള്‍ ഇതിനോടകം സംവിധാനം ചെയ്തിട്ടുമുണ്ട്. ഫൊട്ടോഗ്രഫിയിലും താല്‍പര്യമുള്ള ഇറ മോഡലായും പേരുടെുത്തിരുന്നു. സമൂഹ മാധ്യമങ്ങളില്‍ ഇറ പോസ്റ്റ് ചെയ്യുന്ന സന്ദേശങ്ങള്‍ക്ക് ഒട്ടേറെ ആരാധകരുണ്ട്.