irctc – Chandrika Daily

ഇന്ത്യന്‍ റെയില്‍വേയുടെ വെബ്‌സൈറ്റ് തകരാര്‍ പരിഹരിച്ചു

webdesk18 — Mon, 09 Dec 2024 07:37:20 +0000

ന്യൂഡല്‍ഹി: ഇന്ത്യന്‍ റെയില്‍വേയുടെ വെബ്‌സൈറ്റ് തകരാര്‍ പരിഹരിച്ചു. ഉപഭോക്താക്കള്‍ക്ക് സൈറ്റ് തുറക്കാനാകുന്നില്ലെന്ന വ്യാപക പരാതിയെ തുടര്‍ന്നാണ് പരിഹാരം കണ്ടത്. ഒരു മണിക്കൂറോളം സെര്‍വര്‍ തകരാറിലായിരുന്നു. ഒരു മണിക്കൂര്‍ പ്രവര്‍ത്തിക്കില്ലെന്നും ബുക്കിംഗ് നടക്കില്ലെന്നും അറിയിപ്പുണ്ടായിരുന്നു.

എന്നാല്‍ സൈറ്റ് നിലച്ചതിന് പിന്നില്‍ ഏതെങ്കിലും തരത്തിലുള്ള സൈബര്‍ ആക്രമണമാണോ എന്ന ചോദ്യവും ഉയര്‍ന്നിരുന്നു. സാധാരണ രാത്രി 11 മണിക്ക് ശേഷമാണ് അറ്റകുറ്റപ്പണികള്‍ നടത്തുന്നത്. ഇത്തരമൊരു സാഹചര്യത്തിലാണ് സൈബര്‍ ആക്രമണമാണോ എന്നതു സംബന്ധിച്ച് സംശയമുയര്‍ന്നത്. നിരവധി ഉപഭോക്താക്കള്‍ സോഷ്യല്‍ മീഡിയയില്‍ തകരാറിനെക്കുറിച്ച് പരാതിപ്പെടുകയും ചെയ്തിരുന്നു.

ട്രെയിനുകള്‍ക്ക് നേരെ വീണ്ടും കല്ലേറ്; ഇത്തവണ വന്ദേഭാരതിനും രാജധാനിക്കും നേരെ

webdesk11 — Mon, 21 Aug 2023 14:54:00 +0000

സംസ്ഥാനത്തെ ട്രെയിനുകള്‍ക്ക് നേരെ വീണ്ടും കല്ലേറ്. ഇന്ന് വൈകിട്ട് നാലുമണിക്കും അഞ്ചുമണിക്കും ഇടയില്‍ മലപ്പുറം താനൂരിനും പരപ്പനങ്ങാടിക്കും ഇടയില്‍ വച്ച് വന്ദേ ഭാരതിന് നേരെ കല്ലേറുണ്ടായി. ട്രെയിനിന്റെ ചില്ല് പൊട്ടിയിട്ടുണ്ട്. ഇത് രണ്ടാം തവണയാണ് ഇവിടെവെച്ച് ആക്രമണം ഉണ്ടാവുന്നത്.

കാസര്‍കോട് കാഞ്ഞങ്ങാട് വെച്ച് 3:45 ഓടുകൂടി തിരുവനന്തപുരത്തേക്കുള്ള രാജധാനി എക്‌സ്പ്രസിന് നേരെ കല്ലേറുണ്ടായി.

പൊലീസ് വിശദമായ അന്വേഷണം ആരംഭിച്ചിട്ടുണ്ട്.

ട്രെയിനിലെ വിദ്വേഷക്കൊല; പ്രതി ചേതന്‍ സിങ്ങിനെ ആര്‍.പിഫ് പിരിച്ചുവിട്ടു

webdesk11 — Thu, 17 Aug 2023 06:16:43 +0000

ജയ്പൂര്‍- മുംബൈ സൂപ്പര്‍ഫാസ്റ്റ് എക്‌സ്പ്രസില്‍ എഎസ്‌ഐയെയും മൂന്നു മുസ്ലീം യാത്രക്കാരെയും വെടിവെച്ച് കൊലപ്പെടുത്തിയ ആര്‍പിഎഫ് കോണ്‍സ്റ്റബിള്‍ ചേതന്‍ സിങ്ങിനെ സര്‍വീസില്‍ നിന്ന് പിരിച്ചുവിട്ടു. ഇയാള്‍ നേരത്തെയും മൂന്നുതവണ ഗുരുതര അച്ചടക്കലംഘനം നടത്തിയിട്ടുണ്ടെന്ന് മുതിര്‍ന്ന റെയില്‍വേ ഉദ്യോഗസ്ഥന്‍ പറഞ്ഞു.

ജൂലൈ 31നാണ് ചേതന്‍സിംഗ് തന്റെ മേല്‍ ഉദ്യോഗസ്ഥനായ എഎസ്‌ഐ ടിക്കറാം മീണയയേും 3 മുസ്ലിം യാത്രക്കാരെയും വെടിവെച്ച് കൊലപ്പെടുത്തിയത്.

മലബാര്‍, മാവേലി ഉള്‍പ്പെടെ 12 ട്രെയിനുകള്‍ക്ക് അധിക സ്റ്റോപ്പുകള്‍

webdesk11 — Mon, 14 Aug 2023 11:18:52 +0000

കൊച്ചി: കേരളത്തിലൂടെ സര്‍വീസ് നടത്തുന്ന വിവിധ ട്രെയിനുകള്‍ക്ക് റെയില്‍വേ ബോര്‍ഡ് പരീക്ഷണാടിസ്ഥാനത്തില്‍ അധിക സ്‌റ്റോപ്പുകള്‍ അനുവദിച്ചു. അഞ്ച് ട്രെയിനുകളുടെ അധിക സ്റ്റോപ്പുകള്‍ നാളെ മുതല്‍ പ്രാബല്യത്തില്‍ വരും. ട്രെയിനും, പുതിയതായി സ്റ്റോപ്പ് ആരംഭിക്കുന്ന തീയതിയും, സ്റ്റേഷനും എത്തിച്ചേരുന്ന സമയവും: ഹാത്തിയ-എറണാകുളം ജങ്ഷന്‍ പ്രതിവാര എക്‌സ്പ്രസ് (22837) ഇന്ന് മുതല്‍ തൃശൂര്‍ സ്റ്റേഷനില്‍ (വൈകിട്ട് 05.42), എറണാകുളം ജങ്ഷന്‍ -ഹാതിയ എക്‌സ്പ്രസ് (22838) 16 മുതല്‍ തൃശൂര്‍ സ്റ്റേഷനില്‍ (രാത്രി 12.22). തിരുവനന്തപുരം സെന്‍ട്രല്‍-മംഗളൂരു സെന്‍ട്രല്‍ എക്‌സ്പ്രസ് (16347) ആഗസ്ത് 15 മുതല്‍ എഴിമല സ്റ്റേഷനില്‍ (രാവിലെ 08.28), മംഗളൂരു സെന്‍ട്രല്‍-തിരുവനന്തപുരം സെന്‍ട്രല്‍ എക്‌സ്പ്രസ് (16348) 15 മുതല്‍ എഴിമല സ്റ്റേഷനില്‍ (വൈകിട്ട് 04.16). കൊച്ചുവേളി-നിലമ്പൂര്‍ റോഡ് രാജ്യറാണി എക്‌സ്പ്രസ് (16349) 15 മുതല്‍ ആലുവ സ്റ്റേഷനില്‍ (രാത്രി 12.40), നിലമ്പൂര്‍ റോഡ് -കൊച്ചുവേളി രാജ്യറാണി എക്‌സ്പ്രസ് (16350) 15 മുതല്‍ ആലുവ സ്റ്റേഷനില്‍ (രാത്രി 01.20). മംഗളൂരു സെന്‍ട്രല്‍-നാഗര്‍കോവില്‍ ജങ്ഷന്‍ ഏറനാട് എക്‌സ്പ്രസ് (16605) 15 മുതല്‍ പഴയങ്ങാടി സ്റ്റേഷനില്‍ (രാവിലെ 09.10), നാഗര്‍കോവില്‍ ജങ്ഷന്‍-മംഗലാപുരം സെന്‍ട്രല്‍ ഏറനാട് എക്‌സ്പ്രസ് (16606) 15 മുതല്‍ പഴയങ്ങാടി സ്റ്റേഷനില്‍ (ഉച്ചക്ക് 02.37). തിരുവനന്തപുരം സെന്‍ട്രല്‍-മംഗളൂരു സെന്‍ട്രല്‍ മലബാര്‍ എക്‌സ്പ്രസ് (16629) 16 മുതല്‍ ചാലക്കുടി (രാത്രി 12.59), കുറ്റിപ്പുറം (പുലര്‍ച്ചെ 03.09), സ്റ്റേഷനുകളില്‍. മംഗളൂരു സെന്‍ട്രല്‍-തിരുവനന്തപുരം സെന്‍ട്രല്‍ മലബാര്‍ എക്‌സ്പ്രസ് (16630) 16 മുതല്‍ കുറ്റിപ്പുറം (രാത്രി 11.37), ചാലക്കുടി (പുലര്‍ച്ചെ 02.10).

പുനലൂര്‍-ഗുരുവായൂര്‍ എക്‌സ്പ്രസ് (16327) 16 മുതല്‍ കുരി സ്റ്റേഷനില്‍ (വൈകിട്ട് 6.41), ഗുരുവായൂര്‍-പുനലൂര്‍ എക്‌സ്പ്രസ് (16328) 16 മുതല്‍ കുരി സ്റ്റേഷനില്‍ (ഉച്ചക്ക് 01.13). തിരുനെല്‍വേലി ജങ്ഷന്‍- ഗാന്ധിധാം ജങ്ഷന്‍ ഹംസഫര്‍ വീക്ക്‌ലി എക്‌സ്പ്രസ് (20923) 17 മുതല്‍ കാസര്‍കോട് സ്റ്റേഷനില്‍ (രാത്രി 7.04), ഗാന്ധിധാം ജങ്ഷന്‍-തിരുനെല്‍വേലി ജങ്്ഷന്‍ ഹംസഫര്‍ എക്‌സ്പ്രസ് (20924) 21 മുതല്‍ കാസര്‍കോട് സ്റ്റേഷനില്‍ (രാവിലെ 10.29). എറണാകുളം ജങ്ഷന്‍-കായംകുളം ജങ്ഷന്‍ എക്‌സ്പ്രസ് (16309) 17 മുതല്‍ തൃപ്പൂണിത്തുറ (രാവിലെ 09.02), മാവേലിക്കര (11.08) സ്റ്റേഷനുകളില്‍. കായംകുളം ജങ്ഷന്‍-എറണാകുളം ജങ്ഷന്‍ എക്‌സ്പ്രസ് (16310) 17 മുതല്‍ മാവേലിക്കര (വൈകിട്ട് 03.09), തൃപ്പൂണിത്തുറ (04.56) സ്റ്റേഷനുകളില്‍. തിരുവനന്തപുരം സെന്‍ട്രല്‍-മംഗളൂരു സെന്‍ട്രല്‍ മാവേലി എക്‌സ്പ്രസ് (16604) 18 മുതല്‍ തിരൂര്‍ സ്റ്റേഷനില്‍ (പുലര്‍ച്ചെ 2.43). ചെന്നൈ എഗ്‌മോര്‍-ഗുരുവായൂര്‍ എക്‌സ്പ്രസ് (16127) 18 മുതല്‍ ചേര്‍ത്തല സ്റ്റേഷനില്‍ (പുലര്‍ച്ചെ 03.24), ഗുരുവായൂര്‍-ചെന്നൈ എഗ്‌മോര്‍ എക്‌സ്പ്രസ് (16128) 18 മുതല്‍ ചേര്‍ത്തല സ്റ്റേഷനില്‍ (പുലര്‍ച്ചെ 01.52). മധുര ജങ്ഷന്‍-പുനലൂര്‍ എക്‌സ്പ്രസ് (16729) 18 മുതല്‍ കുരി സ്റ്റേഷനില്‍ (വൈകിട്ട് 5.35) പുനലൂര്‍-മധുരൈ ജങ്ഷന്‍ എക്‌സ്പ്രസ് (16730) കുരി േേസ്റ്റഷനില്‍ (രാവിലെ 09.25). തിരുനെല്‍വേലി ജങ്ഷന്‍-പാലക്കാട് ജങ്ഷന്‍ പാലരുവി എക്‌സ്പ്രസ് (16791) 18 മുതല്‍ അങ്കമാലി സ്റ്റേഷനില്‍ (രാവിലെ 09.17), പാലക്കാട് ജങ്ഷന്‍-തിരുനെല്‍വേലി ജങ്ഷന്‍ പാലരുവി എക്‌സ്പ്രസ് (16792) 18 മുതല്‍ അങ്കമാലി സ്റ്റേഷനില്‍ (വൈകിട്ട് 05.50).

ട്രെയിനിലെ കൂട്ടക്കൊല; പ്രതിക്ക് മാനസിക പ്രശ്‌നമില്ലെന്ന് റെയില്‍വേ പൊലീസ്

webdesk11 — Wed, 09 Aug 2023 03:17:36 +0000

മുംബൈ: ഓടുന്ന ട്രെയിനില്‍ എ.എസ്.ഐ യെയും മൂന്ന് മുസ്‌ലിം യാത്രക്കാരെയും വെടിവെച്ചു കൊലപ്പെടുത്തിയ ആര്‍.പി.എഫ് കോണ്‍സ്റ്റബിള്‍ ചേതന്‍ സിങിന് മാനസിക പ്രശ്‌നങ്ങളില്ലെന്ന് റെയില്‍വേ പൊലീസ് കോടതിയെ അറിയിച്ചു. ചേതന്‍ സിങിന് മാനസിക പ്രശ്‌നങ്ങളില്ല, അതിനുവേണ്ടി ചികിത്സ തേടുന്നുമില്ല ആര്‍.പി.എഫ് വ്യക്തമാക്കി. നാലുപേരെ കൊലപ്പെടുത്തിയ പ്രതിക്ക് മാനസിക പ്രശ്‌നങ്ങളുണ്ടെന്നായിരുന്നു അഭിഭാഷകന്റെ വാദം.

ചികിത്സ തേടുന്നുണ്ടെന്നും അവകാശപ്പെട്ടിരുന്നു. മതവിദ്വേഷം പരത്തല്‍ ഉള്‍പ്പെടെയുള്ള അധിക വകുപ്പുകള്‍ ഇയാള്‍ക്ക് മേല്‍ ചുമത്തിയിട്ടുണ്ട്. ട്രെയിനിലെ ആക്രമണത്തിന്റെ ദൃശ്യങ്ങള്‍ ഉള്‍പ്പെടെ പരിശോധിച്ചാണ് കുറ്റം ചുമത്തിയത്. സിങിന്റെ കസ്റ്റഡി മുംബൈയിലെ ബോറിവാലി മജിസ്‌ട്രേറ്റ് കോടതി ആഗസ്റ്റ് 11 വരെ നീട്ടിയിരിക്കുകയാണ്. ജൂലായ് 31ന് പുലര്‍ച്ചെയാണ് ജയ്പുര്‍- മുംബൈ സെന്‍ട്രല്‍ എക്‌സ്പ്രസില്‍ ആര്‍.പി.എഫ് കോണ്‍സ്റ്റബിള്‍ യു.പി സ്വദേശിയായ ചേതന്‍ സിങ് മേലുദേ്യാഗസ്ഥനായ എ.എസ്.ഐ ടിക്കാറാം മീണയെയും തുടര്‍ന്ന് മൂന്ന് മുസ്‌ലിം യാത്രക്കാരെയും വെടിവെച്ചു കൊന്നത്. ഇന്ത്യയില്‍ ജീവിക്കണമെങ്കില്‍ ‘മോദി ക്കും യോഗിക്കും വോട്ടു ചെയ്യുക’ എന്ന് പ്രതി പറയുന്ന വിഡിയോ പുറത്തുവന്നിരുന്നു.

മെഡിക്കല്‍ വിദ്യാര്‍ഥിനിക്കു നേരെ ട്രെയിനില്‍ ലൈംഗികാതിക്രമം; ഫോട്ടോ പുറത്തുവിട്ട് പൊലീസ്

webdesk11 — Tue, 23 May 2023 12:54:47 +0000

ട്രെയിന്‍ യാത്രക്കാരിയായ മെഡിക്കല്‍ വിദ്യാര്‍ഥിക്ക് നേരെ ലൈംഗിക അതിക്രമം ഉണ്ടായതായി പരാതി. ചെന്നൈയില്‍നിന്ന് മംഗലാപുരത്തേക്ക് പോവുകയായിരുന്നു ചെന്നൈ- മംഗളൂരു എക്‌സ്പ്രസ് ട്രെയിനില്‍ വെച്ചാണ് അതിക്രമം നടന്നത്. പ്രതിയാണെന്ന് സംശയിക്കുന്ന ആളുടെ ചിത്രം പൊലീസ് പുറത്തുവിട്ടു.

തലശ്ശേരിയില്‍ നിന്നാണ് പ്രതി കയറിയത്. നീലേശ്വരത്ത് പ്രതി ഇറങ്ങുകയും ചെയ്തു. സംഭവം വിദ്യാര്‍ഥിനി റെയില്‍വേ പൊലീസിനെ അറിയിച്ചു. വിദ്യാര്‍ഥിനിയുടെ പരാതിയില്‍ കാസര്‍കോട് റെയില്‍വേ പൊലീസ് ആണ് കേസ് രജിസ്റ്റര്‍ ചെയ്തത്.

ശനിയാഴ്ച മുതല്‍ തിങ്കള്‍ വരെ വിവിധ ട്രെയിനുകള്‍ റദ്ദാക്കി

webdesk11 — Mon, 15 May 2023 14:28:51 +0000

ഈ മാസം 20 മുതല്‍ 22 വരെയുള്ള വിവിധ ട്രെയിനുകള്‍ റദ്ദാക്കി. ഇരുപതാം തീയതിയിലെ മംഗളൂരു-നാഗര്‍കോവില്‍ പരശുറാം എക്സ്പ്രസ്, 21-ാംതീതയി കൊച്ചുവേളി-ലോക്മാന്യതിലക് ഗരീബ്രഥ് എക്സപ്രസ്, നാഗര്‍കോവില്‍-ബംഗളൂരു പരശുറൂം എക്സ്പ്രസ്, കൊച്ചുവേളി-നിലമ്പൂര്‍ രാജ്യറാണി, തിരുവനന്തപുരം- മധുര അമൃത എക്സ്പ്രസ്, 22ലെ ലോക്മാന്യതിലക്-കൊച്ചുവേളി ഗരീബ്രഥ് എക്സ്പ്രസ്, നിലമ്പൂര്‍-കൊച്ചുവേളി രാജ്യറാണി, മധുര-തിരുവനന്തപുരം അമൃത എക്സ്പ്രസ് എന്നിവയാണ് റദ്ദാക്കിയത്

21-ാംതീയതിയിലെ വേണാട് എക്സ്പ്രസ് എറണാകുളത്തും ഷൊര്‍ണൂരിനുമിടയില്‍ ഭാഗികമായി റദ്ദാക്കി.

നിലമ്പൂര്‍-കോട്ടയം ഇന്റര്‍സിറ്റി ഭാഗിക റദ്ദാക്കല്‍ പിന്‍വലിച്ചു

webdesk11 — Fri, 24 Mar 2023 03:46:31 +0000

കൊച്ചി: തൃപ്പൂണിത്തുറ-മുളന്തുരുത്തി സെക്ഷനിലെ ട്രാക്ക് അറ്റകുറ്റപ്പണികള്‍ റദ്ദാക്കിയതിനാല്‍. നിലമ്പൂര്‍ റോഡ്-കോട്ടയം അണ്‍റിസര്‍വ്ഡ് ഡെയ്ലി എക്സ്പ്രസിന് (16325) ഏര്‍പ്പെടുത്തിയ ഭാഗിക നിയന്ത്രണം പിന്‍വലിച്ചു. മാര്‍ച്ച് 12നും 31നും ഇടയിലായിരുന്നു നേരത്തെ നിയന്ത്രണം ഏര്‍പ്പെടുത്തിയിരുന്നത്. ട്രെയിന്‍ പതിവു ഷെഡ്യൂള്‍ പ്രകാരം സര്‍വീസ് നടത്തുമെന്ന് റെയില്‍വേ അറിയിച്ചു.

ട്രെയിനിലെ രാത്രി യാത്രക്കാര്‍ക്ക് പുതിയ നിര്‍ദേശങ്ങള്‍ വരുന്നു

webdesk11 — Mon, 06 Mar 2023 14:37:07 +0000

രാത്രിയില്‍ ട്രെയിനില്‍ പാലിക്കേണ്ട നിര്‍ദേശവുമായി റെയില്‍വേ. രാത്രി പത്ത് മണിക്ക് ശേഷമുള്ള നിയന്ത്രണങ്ങളാണ് റെയില്‍വേ പുതിയ നിയന്ത്രണത്തില്‍ പറയുന്നത്. നിയമം ലംഘിച്ചാല്‍ കര്‍ശന നടപടിയെടുക്കുമെന്നും റെയില്‍വേ മുന്നറിയിപ്പ് നല്‍കുന്നു. ട്രെയിനുകളില്‍ പൊതു മര്യാദ പാലിക്കണം. പുകവലി, മദ്യപാനം, യാത്രക്കാരുടെ സ്വീകാര്യതക്കെതിരായ പ്രവര്‍ത്തനങ്ങള്‍ എന്നിവ യാത്രയില്‍ അനുവദനീയമല്ലെന്നും റെയില്‍വേ നിയമത്തില്‍ സൂചിപ്പിക്കുന്നു.

രാത്രി യാത്രക്കാര്‍ക്കായുള്ള റെയില്‍വേയുടെ നിയമങ്ങള്‍:

1. രാത്രി 10 മണിക്ക് ശേഷം ടിക്കറ്റ് പരിശോധിക്കാന്‍ ടിടിഇക്ക് വരാന്‍ കഴിയില്ല.

2. രാത്രിയില്‍ തെളിച്ചിരിക്കുന്ന ലൈറ്റുകള്‍ ഒഴികെ മറ്റു ലൈറ്റുകള്‍ അണക്കണം.

3. കൂട്ടമായി യാത്ര ചെയ്യുന്നവര്‍ക്ക് രാത്രി 10മണിക്ക് ശേഷം ആശയവിനിമയം നടത്താന്‍ കഴിയില്ല.

4. മിഡില്‍ ബെര്‍ത്ത് യാത്രക്കാരന്‍ സീറ്റ് നിവര്‍ത്തണമെന്ന ആവശ്യം ഉന്നയിച്ചാല്‍ താഴെ ബര്‍ത്തിലിരിക്കുന്നവര്‍ എതിര്‍ക്കാന്‍ പാടുള്ളതല്ല.

5. രാത്രി 10 മണിക്ക് ശേഷം ട്രെയിനില്‍ ഭക്ഷണം വില്‍ക്കാന്‍ പാടില്ല. എന്നാല്‍ ഇ- കാറ്ററിംഗ് സേവനങ്ങള്‍ ഉപയോഗിച്ച് ഭക്ഷണം ഓര്‍ഡര്‍ ചെയ്യാവുന്നതാണ്.

ട്രെയിനില്‍ കാപ്പിക്കും ചായക്കും ഇനി കൂടുതല്‍ വില നല്‍കണം

chandrika — Thu, 20 Sep 2018 14:54:26 +0000

ന്യൂഡല്‍ഹി: ട്രെയിനിലെ ചായയുടെയും കാപ്പിയുടെയും വില ഐ.ആര്‍.സി.ടി.സി വര്‍ധിപ്പിച്ചു. നിലവിലെ ഏഴു രൂപയില്‍ നിന്ന് പത്തുരൂപയായാണ് വര്‍ധിപ്പിച്ചത്. ഔദ്യോഗിക പ്രഖ്യാപനം വന്നിട്ടില്ലെങ്കിലും ട്രെയിനുകളിലും ഇപ്പോള്‍ തന്നെ പത്തു രൂപ ഈടാക്കുന്നുണ്ടെന്ന് ആരോപണം ഉയര്‍ന്നിട്ടുണ്ട്. രാജ്യത്ത് 350 തീവണ്ടികളിലാണ് ഐ.ആര്‍.സി.ടി.സിയുടെ പാന്‍ട്രി കാറുള്ളത്. ട്രെയിന്‍ യാത്രക്കാര്‍ക്ക് ഉപകാരപ്രദമായ രീതിയില്‍ അഞ്ചിന്റെ ഗുണിതങ്ങളായി ഭക്ഷണസാധനങ്ങള്‍ക്ക് വില നിശ്ചയിക്കണമെന്ന് കോര്‍പ്പറേഷന്‍ ആവശ്യപ്പെട്ടിരുന്നു. ഊണ്, കുപ്പിവെള്ളം, ചായ, കാപ്പി തുടങ്ങിയവക്ക് വില്‍പനക്കാര്‍ കൂടുതല്‍ നിരക്ക് ഈടാക്കുന്നതായി പരാതി ഉയര്‍ന്നപ്പോഴാണ് ഈ നിര്‍ദേശം മുന്നോട്ടുവെച്ചത്. ഇതിന് പിന്നാലെയാണ് ചായയുടെയും കാപ്പിയുടെയും വില ഐ.ആര്‍.സി.ടി.സി വര്‍ധിപ്പിക്കാന്‍ തീരുമാനിച്ചത്.