കാന്റീനിൽ നിന്നു പുക ഉയരുന്നത് ശ്രദ്ധയിൽപ്പെട്ട ആശുപത്രി സുരക്ഷാ ജീവനക്കാർ ഉടൻ പൊലീസിനെയും ഫയർ ആൻഡ് റെസ്ക്യൂ വിഭാഗത്തെയും വിവരം അറിയിച്ചു. തുടർന്ന് ഇരിങ്ങാലക്കുട, ചാലക്കുടി എന്നിവിടങ്ങളിൽ നിന്നെത്തിയ മൂന്ന് യൂണിറ്റ് ഫയർഫോഴ്‌സ് സംഘം ഏകദേശം ഒരു മണിക്കൂർ നീണ്ട പരിശ്രമത്തിലൂടെയാണ് തീ പൂർണമായി നിയന്ത്രണ വിധേയമാക്കിയത്.

താഴത്തെ വാതിൽ തകർത്ത് അകത്ത് പ്രവേശിച്ചപ്പോൾ തീ മുകൾനിലയിൽ നിന്നു താഴേക്ക് പടരുകയായിരുന്നുവെന്ന് ഫയർഫോഴ്‌സ് ഉദ്യോഗസ്ഥർ പറഞ്ഞു. അപകടം ഗുരുതരമാകാതിരിക്കാൻ താഴത്തെ അടുക്കളയിൽ ഉണ്ടായിരുന്ന ഗ്യാസ് സിലിണ്ടറുകൾ അടിയന്തരമായി പുറത്തേക്ക് മാറ്റി, ഇതുവഴി വലിയ ദുരന്തം ഒഴിവാക്കാൻ സാധിച്ചു.

ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. ഏകദേശം അഞ്ചുലക്ഷം രൂപയുടെ നഷ്ടം സംഭവിച്ചതായി കണക്കാക്കുന്നു. ആശുപത്രി അധികൃതർ വിലക്കിയിരുന്നിട്ടും കാന്റീനിൽ പ്ലാസ്റ്റിക് ഉൽപ്പന്നങ്ങൾ സൂക്ഷിച്ചിരുന്നതായും സൂചനയുണ്ട്. പറപ്പൂക്കര സ്വദേശി ജോയ് ആണ് വർഷങ്ങളായി കാന്റീൻ നടത്തിവരുന്നത്. ‘ജി.എച്ച്. കിച്ചൻ’ എന്ന പേരിൽ 2024-ലാണ് നവീകരിച്ച കിച്ചൻ പ്രവർത്തനം ആരംഭിച്ചത്. ഫയർ ആൻഡ് റെസ്ക്യൂ ഓഫീസർ പ്രസാദ് കുമാർയുടെ നേതൃത്വത്തിൽ പതിനഞ്ചോളം ജീവനക്കാർ രക്ഷാപ്രവർത്തനങ്ങളിൽ പങ്കെടുത്തു.

ഇരിങ്ങാലക്കുടയിലാണ് വന്ദേ ഭാരത് എക്‌സ്പ്രസ് ഒരു മണിക്കൂറിലധികം പിടിച്ചിട്ടത്. പുതുക്കാട് സ്റ്റേഷനിലെ ട്രാക്ക് മാറുന്ന സിഗ്‌നല്‍ പോയിന്റ് തകരാറിലായതിനെ തുടര്‍ന്നാണ് വന്ദേ ഭാരതിനടക്കം ട്രാക്കില്‍ ഒരു മണിക്കൂറിലധികം കിടക്കേണ്ടിവന്നു.

വന്ദേ ഭാരത് മാത്രമല്ല നിരവധി ട്രെയിനുകളാണ് പുതുക്കാട് സ്റ്റേഷനിലെ ട്രാക്ക് മാറുന്ന സിഗ്‌നല്‍ പോയിന്റ് തകരാറിലായതിനെ തുടര്‍ന്ന് വഴിയില്‍ കിടക്കേണ്ടിവന്നത്. തൃശൂര്‍ സിഗ്‌നലിലെ എഞ്ചിനിയറിങ് വിഭാഗങ്ങള്‍ എത്തി പ്രശ്‌നം പരിഹരിച്ച ശേഷമാണ് വന്ദേ ഭാരത് അടക്കമുള്ള ട്രെയിനുകള്‍ കടന്നുപോയത്.

പുതുക്കാടിനു സമീപമുണ്ടായ സിഗ്‌നല്‍ തകരാറിനെ തുടര്‍ന്ന് എറണാകുളം തൃശൂര്‍ റൂട്ടില്‍ മൊത്തം ട്രെയിന്‍ ഗതാഗതം ഒരു മണിക്കൂറിലെറെ സമയം തടസ്സപ്പെട്ടു.വന്ദേ ഭാരത് എക്സപ്രസിന് പുറമേ കന്യാകുമാരി – ബംഗ്ളൂരു ഐലന്‍ഡ് എക്സ്പ്രസ്, തിരുവനന്തപുരം – ചെന്നൈ സൂപ്പര്‍ഫാസ്റ്റ് മെയില്‍ , തിരുവനന്തപുരം നിസാമുദ്ദീന്‍ സൂപ്പര്‍ഫാസ്റ്റ് , എന്നീ ട്രെയിനുകള്‍ വൈകിയാണ് ഓടുന്നത്.