രാഷ്ട്രീയ പൊതുവേദികളില്‍ അധികം പ്രത്യക്ഷപ്പെട്ടിട്ടില്ലാത്ത അജിത്ത് അണികള്‍ക്കിടയിലും പ്രിയങ്കരനാണ്. എന്നാല്‍ അമ്മയുടെ സ്ഥാനത്തേക്ക്, പെട്ടെന്നുള്ള രാഷ്ട്രീയ പ്രവേശനത്തില്‍ അജിത്ത് മുഖ്യമന്ത്രിയാകാന്‍ തയാറാകില്ലെന്നാണ് വിവരം. ജയയുടെ പിന്‍ഗാമിയായി തോഴി ശശികലയുടെ പേരും ഉയര്‍ന്നു വരുന്നുണ്ട്. ജയലളിതയോട് വിശ്വാസവഞ്ചന നടത്തിയതിന്റെ പേരില്‍ പാര്‍ട്ടിയില്‍ നിന്നും പോയസ് ഗാര്‍ഡിനില്‍ നിന്നും പുറത്താക്കപ്പെട്ട ശശികലക്ക് അണികള്‍ക്കിടയില്‍ അത്ര സ്വീകാര്യതയില്ലെന്നതാണ് പിന്‍ഗാമി സ്ഥാനത്തേക്ക് അജിത്തിന്റെ പേര് ഉയരുന്നത്.

പോയസ് ഗാര്‍ഡനില്‍ ഒരേ സമയത്തായിരുന്നു ഇരുവരും വീടുകള്‍ വെച്ചത്. അതും തൊട്ടുടത്തായി. വാട്ടര്‍ഫാളിനും ലിഫ്റ്റിനും താന്‍ പ്രാധാന്യം നല്‍കിയപ്പോള്‍ ജയ ലൈബ്രറിക്കായിരുന്നു വീട്ടില്‍ വലിയ സ്ഥാനം നല്‍കിയിരുന്നതെന്നും ഷീല ഓര്‍ത്തെടുത്തു. ഇച്ഛാശക്തിയുള്ള വ്യക്തിയാണ് ജയലളിത. തമിഴ്‌നാടിന്റെ വികസന പ്രവര്‍ത്തനങ്ങള്‍ക്ക് വേഗം പകര്‍ന്ന ജയയുടെ വേര്‍പ്പാട് നികത്താനാവാത്തതാണെന്നും ഷീല പറഞ്ഞു.

സിനിമാ തിരക്കിലായിരുന്ന അമ്മ വേദവല്ലിയുടെ അസാന്നിധ്യമായിരുന്നു കുഞ്ഞു ജയയെ അത്യന്തം വേദനിപ്പിച്ചത്. വീട്ടുജോലിക്കാരിക്കൊപ്പം തനിച്ചായി പോയ ജയയെ തേടി അമ്മ വരാറുണ്ടായിരുന്നു. എന്നാല്‍ നിമിഷ നേരം കൊണ്ട് അവര്‍ സിനിമയുടെ ലോകത്തേക്ക് തിരിച്ചുപോകുന്നത് നിറകണ്ണുകളോടെയായിരുന്നു കുഞ്ഞു ജയ നോക്കിയിരുന്നത്. അമ്മക്കൊപ്പം കളിക്കാനും സംസാരിക്കാനും കൊതിച്ച ജയക്ക് കൂട്ടായിരുന്നത് വീട്ടുജോലിക്കാരി മാത്രമായിരുന്നു.

ഉറക്കത്തില്‍ എഴുന്നേറ്റ് തന്നെ വിട്ടു പോകാതിരിക്കാന്‍ അമ്മയുടെ സാരിത്തുമ്പ് തന്റെ കൈയില്‍ കെട്ടിയിടുമായിരുന്നുവെന്ന് ജയലളിത അഭിമുഖത്തില്‍ ഓര്‍ക്കുന്നുണ്ട്. ഇത്രയേറെ ശ്രദ്ധ ആ കുഞ്ഞ് മനസ്സ് നല്‍കിയിരുന്നെങ്കിലും അമ്മ പോകും. താനുടുത്ത സാരി അതേപടി അഴിച്ച് വീട്ടുജോലിക്കാരിയെ ഉടുപ്പിച്ച് അവരെ കുഞ്ഞു ജയയുടെ അടുത്ത് കിടത്തിയായിരുന്നു അമ്മ സിനിമാ അഭിനയത്തിനായി പോയിരുന്നത്. ഉണരുമ്പോള്‍ അമ്മയുടെ സാരിത്തലക്കല്‍ വീട്ടുജോലിക്കാരിയുടെ ഉടല്‍. കരഞ്ഞു തീര്‍ത്ത പകലുകളുടെ എണ്ണം സിമി ഗര്‍വാളിനോട് പറയുമ്പോഴും ജയലളിതയുടെ മനസ്സ് വിങ്ങിപ്പൊട്ടുന്നുണ്ടായിരുന്നു.

ആ കുഞ്ഞ് വളര്‍ന്ന് ഒരു നാടിന്റെ തന്നെ നേതാവായി മാറി. ജീവിതത്തില്‍ അമ്മയായില്ലെങ്കിലും അവള്‍ തമിഴരുടെ ഒന്നടങ്കം അമ്മയായി. പ്രായമേറിയവരുടെ പോലും അമ്മയായി. മക്കള്‍ ഓരോരുത്തരുടെയും അമ്മ വിളി കേള്‍ക്കുമ്പോള്‍ അറിയാതെയാണെങ്കിലും ജയയുടെ മനസ്സ് വിതുമ്പിയിരുന്നു, സ്വന്തം അമ്മയുടെ സ്‌നേഹത്തിനായി…

Watch Video: 

https://www.youtube.com/watch?v=Cf2bU9xD-3E

മകനും കരുണാനിധിയുടെ പിന്‍ഗാമിയുമായ സ്റ്റാലിനും ജയലളിതയുടെ വിയോഗത്തില്‍ അനുശോചിച്ചു. തമിഴ്‌നാട് ജനതക്കു നികത്താനാവത്ത നഷ്ടമാണ് മുഖ്യമന്ത്രി സെല്‍വി ജയലളിതയുടെ മരണത്തിലൂടെയുണ്ടായിരിക്കുന്നതെന്ന് സ്റ്റാലിന്‍ ട്വിറ്ററില്‍ കുറിച്ചു. ജനപ്രിയ നേതാവും തമിഴ്‌നാടിന്റെ ഉരുക്കുവനിതയുമായിരുന്നു അവരെന്നും സ്റ്റാലിന്‍ അനുസ്മരിച്ചു.