ഹെല്‍ത്ത് കെയര്‍ ഉത്പന്നങ്ങളുടെ വിതരണവും അതുമായി ബന്ധപ്പെട്ട സേവനവും നല്‍കുകയെന്നതാണ് കമ്പനിയിലെ നിക്ഷേപത്തിലൂടെ ലക്ഷ്യമിടുന്നതെന്ന് ഡയറക്ടര്‍ ഇഷ അംബാനി വ്യക്തമാക്കി. റിലയന്‍സിന്റെ ഓണ്‍ലൈന്‍ റീട്ടെയില്‍ സ്റ്റോറായ ജിയോമാര്‍ട്ടുമായി സഹകരിച്ച് മരുന്നുകളുടെ വിതരണവും സുഗമമായി നടത്താമെന്നാണ് കമ്പനി പ്രതീക്ഷിക്കുന്നത്.

കുറഞ്ഞ വിലയ്ക്ക് മരുന്നുകള്‍ സമയബന്ധിതമായി വീട്ടിലെത്തിക്കുന്ന സംവിധാനങ്ങളാണ് ഓണ്‍ലൈന്‍ മേഖലയിലുള്ളത്. അതേസമയം, ഈ മേഖലയില്‍ കൂടുതല്‍ കമ്പനികളെത്തുന്നതോടെ ഇത് കടുത്ത പ്രാരംഭ മല്‍സരം സൃഷ്ടിക്കുമെന്നും ഉപഭോക്താക്കള്‍ക്കു വലിയ തോതില്‍ ഗുണകരമാകുമെന്നുമുള്ള വിലയിരുത്തലാണ് നിരീക്ഷകര്‍ പറയുന്നത്.