ഇംഗ്ലണ്ട് ബാറ്റ്‌സ്മാന്‍ ഡേവിഡ് മലാന്റെ വിക്കറ്റ് നേടിയ ശേഷമുള്ള ഇശാന്തിന്റെ ആഘോഷപ്രകടനമാണ് ശിക്ഷക്ക് കാരണമായത്. വിക്കറ്റ് നേടിയ ശേഷം ഇശാന്ത് മലന് നേരെ നടത്തിയ ആഘോഷപ്രകടനവും പദപ്രയോഗവും തികഞ്ഞ അച്ചടക്ക ലംഘനമാണെന്ന് മാച്ച് റഫറി കണ്ടെത്തി.

ഐ.സി.സി പെരുമാറ്റച്ചട്ടം അനുസരിച്ച് ലെവല്‍ ഒന്ന് കുറ്റമാണ് ഇശാന്ത് ചെയ്തത്. ഐ.സി.സിയുടെ 2.1.7 വകുപ്പിന്റെ ലംഘനമാണ് ഇശാന്തിന്റെ ഭാഗത്ത് നിന്നുണ്ടായത്. വിക്കറ്റ് നേടിയ ശേഷം മറ്റ് താരങ്ങളെ പ്രകോപിപ്പിക്കുന്ന തരത്തിലുള്ള പെരുമാറ്റമോ പദപ്രയോഗമോ പാടില്ലെന്നാണ് ഈ വകുപ്പ് പറയുന്നത്.