isl 2019 – Chandrika Daily https://www.chandrikadaily.com Sun, 17 Mar 2019 18:29:36 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg isl 2019 – Chandrika Daily https://www.chandrikadaily.com 32 32 ബ്ലാസ്‌റ്റേഴ്‌സിന്റെ സഹല്‍ അബ്ദുള്‍ സമദ് മികച്ച യുവതാരം https://www.chandrikadaily.com/sahal-abdul-samad-wins-the-award-for-the-emerging-player-of-the-season.html https://www.chandrikadaily.com/sahal-abdul-samad-wins-the-award-for-the-emerging-player-of-the-season.html#respond Sun, 17 Mar 2019 18:29:21 +0000 http://www.chandrikadaily.com/?p=121523 മുംബൈ: കേരളാ ബ്ലാസ്‌റ്റേഴ്‌സ് സീസണില്‍ ഏറെ നിരാശപ്പെടുത്തിയെങ്കിലും ഇന്ത്യന്‍ സൂപ്പര്‍ ലീഗ് അഞ്ചാം സീസണിലെ മികച്ച യുവ താരമായി തെരഞ്ഞെടുക്കപ്പെട്ടത് ബ്ലാസ്‌റ്റേഴ്‌സ് മധ്യനിരക്കാരന്‍ സഹല്‍ അബ്ദുള്‍ സമദ്. തകര്‍പ്പന്‍ പ്രകടനവുമായി മൈതാനങ്ങളെ ത്രസിപ്പിച്ച പയ്യന്നൂര്‍ കവ്വായിക്കാരന്‍ ഒരു സൂപ്പര്‍ ഗോളും സീസണില്‍ നേടിയിരുന്നു.

നിലവില്‍ ഇന്ത്യന്‍ അണ്ടര്‍ 23 ടീമില്‍ അംഗമാണ് സഹല്‍. വേഗതയിലും തന്ത്രങ്ങളിലും കരുത്തനായി നിലകൊള്ളുന്ന 19 കാരന് കരിയറിലെ ഏറ്റവും വലിയ പുരസ്‌ക്കാരമാണ് ഇന്നലെ ഐ.എസ്.എല്‍ ചെയര്‍പഴ്‌സണ്‍ നിത അംബാനി നല്‍കിയത്. രണ്ടര ലക്ഷരം രൂപയാണ് പ്രൈസ് മണി

]]> https://www.chandrikadaily.com/sahal-abdul-samad-wins-the-award-for-the-emerging-player-of-the-season.html/feed 0 ഐഎസ്എല്‍ കിരീടം ബെംഗളൂരുവിന്; സഹല്‍ മികച്ച യുവതാരം https://www.chandrikadaily.com/the-moment-that-changed-it-all-bangalore.html https://www.chandrikadaily.com/the-moment-that-changed-it-all-bangalore.html#respond Sun, 17 Mar 2019 18:13:50 +0000 http://www.chandrikadaily.com/?p=121518 മുംബൈ: ആവേശം അതിരുവിട്ട ഐഎസ്എല്‍ അഞ്ചാം സീസണല്‍ ഫൈനലില്‍ വീറും വാശിയും എക്സ്ട്രാ ടൈമിലേക്ക് നീണ്ടപ്പോള്‍ ബെംഗളൂരു എഫ്സിക്ക് കിരീടം. എഫ്സി ഗോവയെ 117-ാം മിനുറ്റില്‍ കോര്‍ണറില്‍ നിന്ന് രാഹുല്‍ ഭേക്കേ നേടിയ ബുള്ളറ്റ് ഹെഡറില്‍ ബെംഗളൂരു 1-0ന് വീഴ്ത്തുകയായിരുന്നു. കഴിഞ്ഞ തവണ ഫൈനലില്‍ കൈവിട്ട കിരീടമാണ് ബെംഗളൂരു ഇക്കുറി ഉയര്‍ത്തിയത്.

പന്തിനൊപ്പം തമ്മിലടിയും കാര്‍ഡുകളും ഉയര്‍ന്ന മത്സരത്തിലെ ആദ്യ 90 മിനുട്ടില്‍ ഇരു ടീമുകള്‍ക്കും ഗോള്‍ കണ്ടെത്താന്‍ സാധിച്ചിരുന്നില്ല. 110 ലും ഗോളില്ല. ഒടുവില്‍ കളിയുടെ 117-ാം മിനുറ്റില്‍ രാഹുല്‍ ബെക്കെ എന്ന മധ്യനിരക്കാരന്റെ തലയില്‍ നിന്നും ബുള്ളറ്റ് വേഗതയില്‍ പറന്ന പന്തില്‍ ബംഗളൂരുവിന്റെ നീലപ്പട ഉച്ചത്തില്‍ ഉയര്‍ന്നു. ആദ്യം പോസ്റ്റില്‍ തട്ടി പിന്നെ ഗോവന്‍ കാവല്‍ക്കാരന്‍ നിഖിലിനെയും പരാജിതനാക്കി വലയില്‍ വീണ പന്ത് ഗോവയെ തകര്‍ത്തുകളഞ്ഞു.

ഫൈനല്‍ പോരാട്ടത്തിന്റെ മുഴുസമയ ആവേശവമുണ്ടായിരുന്നു 90 മിനുട്ട്് അങ്കത്തിന്. രണ്ട് ടീമുകള്‍ക്കും അവസരങ്ങള്‍ ലഭിച്ചു. പക്ഷേ ഗോള്‍ക്കീപ്പര്‍മാരുടെ മികവില്‍ പന്ത് ഗോള്‍ വലയത്തിലെത്തിയില്ല. അധികസമയത്തേക്ക് പോയപ്പോഴും വേഗതയാര്‍ന്ന നീക്കങ്ങള്‍ പലതുണ്ടായി. ക്യാപ്റ്റന്‍ സുനില്‍ ഛേത്രി കര്‍ക്കശമായി നിയന്ത്രിക്കപ്പെട്ടപ്പോള്‍ മിക്കുവായിരുന്നു ബംഗളൂരുവിന്റെ മുന്നണി പോരാളി. മല്‍സരത്തില്‍ നിര്‍ണായക ഗോള്‍ നേടിയ രാഹുല്‍ ബേക്കെയാണ് കളിയിലെ കേമന്‍. ചാമ്പ്യന്‍ഷിപ്പിലെ ഏറ്റവും മികച്ച താരമായി തെരഞ്ഞെടുക്കപ്പെട്ടത് ഗോവയുടെ ഫെറാന്‍ കോറോമിനസാണ്. ടോപ് സ്‌ക്കോറര്‍ക്കുള്ള ഗോള്‍ഡന്‍ ബൂട്ടും അദ്ദേഹത്തിന് തന്നെ. മികച്ച ഗോള്‍ക്കീപ്പറായി ബംഗളൂരുവിന്റെ വല കാത്ത ഗുര്‍പ്രീത് സിംഗ് തെരഞ്ഞെടുക്കപ്പെട്ടപ്പോള്‍ കേരളത്തിന് അഭിമാനിക്കാന്‍ മികച്ച യുവതാരമായി കേരളാ ബ്ലാസ്‌റ്റേഴ്‌സിന്റെ സഹല്‍ അബ്ദുള്‍ സമദ് തെരഞ്ഞെടുക്കപ്പെട്ടു.

]]> https://www.chandrikadaily.com/the-moment-that-changed-it-all-bangalore.html/feed 0 ഇന്ത്യന്‍ ക്ലബ്ബിനെ റാഞ്ചാനൊരുങ്ങി മാഞ്ചസ്റ്റര്‍ സിറ്റി https://www.chandrikadaily.com/manchester-city-owners-likely-to-invest-in-indian-club-this-year.html https://www.chandrikadaily.com/manchester-city-owners-likely-to-invest-in-indian-club-this-year.html#respond Wed, 06 Mar 2019 07:03:38 +0000 http://www.chandrikadaily.com/?p=120427 ലണ്ടന്‍: ഇംഗ്ലീഷ് പ്രീമിയര്‍ ലീഗിലെ കരുത്തരായ മാഞ്ചസ്റ്റര്‍ സിറ്റി ഇന്ത്യയിലെ ക്ലബ്ബിനെ വാങ്ങാനൊരുങ്ങുന്നു. ചീഫ് എക്‌സിക്യൂട്ടീവ് ഫെറാന്‍ സോറിയാനോ ആണ് ഇക്കാര്യം വ്യക്തമാക്കിയത്. വിവിധ രാജ്യങ്ങളിലായി മാഞ്ചസ്റ്റര്‍ സിറ്റിയടക്കം ഏഴ് ക്ലബ്ബുകള്‍ സ്വന്തമായുള്ള സിറ്റി ഫുട്‌ബോള്‍ ഗ്രൂപ്പ് അടുത്ത സീസണോടെ തന്നെ ഇന്ത്യയിലും സാന്നിധ്യമറിയിക്കുമെന്നാണ് സൂചന.

ചൈനീസ് മൂന്നാം ഡിവിഷനിലെ സിച്ചുവാന്‍ ജ്യുനിയു ക്ലബ്ബിനെ ഏറ്റെടുത്തതിനു പിന്നാലെയാണ് സോറിയാനോ ഇന്ത്യന്‍ മണ്ണിലേക്ക് കടന്നുവരാനുള്ള പദ്ധതികള്‍ വ്യക്തമാക്കിയത്: ‘ചൈനയില്‍ മാത്രമല്ല, ഫുട്‌ബോളിനോട് യഥാര്‍ത്ഥ ആവേശമുള്ള ഇന്ത്യ പോലുള്ള വിപണികളിലും രാജ്യങ്ങളിലും ഞങ്ങള്‍ക്ക് താല്‍പര്യമുണ്ട്. ഏഷ്യയില്‍ മറ്റ് അവസരങ്ങള്‍ കൂടി ഞങ്ങള്‍ പരിഗണിക്കുന്നുണ്ട്.’ സോറിയാനോ പറഞ്ഞു. രണ്ടു വര്‍ഷത്തിലേറെയായി ഇന്ത്യയിലേക്ക് നോക്കുന്നുണ്ടെന്നും നിക്ഷേപം നടത്താനാണ് നോക്കുന്നതെന്നും അദ്ദേഹം വ്യക്തമാക്കി.

ഐ.എസ്.എല്‍ ക്ലബ്ബ് മുംബൈ സിറ്റി എഫ്.സിയുമായി മാഞ്ചസ്റ്റര്‍ സിറ്റി ചര്‍ച്ചകള്‍ ആരംഭിച്ചു കഴിഞ്ഞതായി റിപ്പോര്‍ട്ടുകളുണ്ട്. ജംഷഡ്പൂരിനെതിരായ മുംബൈയുടെ മത്സരം കാണാന്‍ സിറ്റി അധികൃതര്‍ നേരിട്ടെത്തിയിരുന്നു. സിറ്റി ഫുട്‌ബോള്‍ ഗ്രൂപ്പിന്റെ അധീനതയിലുള്ള മെല്‍ബണ്‍ സിറഅറി താരമായ ആരോണ്‍ മൂയ് 2017-ല്‍ മുംബൈക്കു വേണ്ടി കളിച്ചിരുന്നു.
മാഞ്ചസ്റ്റര്‍ സിറ്റിക്കു പുറമെ അമേരിക്കയിലെ മേജര്‍ ലീഗ് സോക്കര്‍ ക്ലബ്ബായ ന്യൂയോര്‍ക്ക് സിറ്റി, ഓസ്‌ട്രേലിയയിലെ മെല്‍ബണ്‍ സിറ്റി, ജപ്പാനിലെ യോകോഹാമ മറിനോസ് തുടങ്ങിയവയും സിറ്റി ഗ്രൂപ്പിന്റെ ഉടമസ്ഥതയിലുള്ള ക്ലബ്ബുകളാണ്.

]]> https://www.chandrikadaily.com/manchester-city-owners-likely-to-invest-in-indian-club-this-year.html/feed 0