ഡിസംബറില്‍ ലീഗ് ആരംഭിക്കുമെന്ന പ്രഖ്യാപനം ഉണ്ടായിരുന്നെങ്കിലും, ടെന്‍ഡറിന് അപേക്ഷകള്‍ ലഭിക്കാത്തതോടെ ഈ സീസണ്‍ റദ്ദാകാന്‍ സാധ്യതയുണ്ട്. ഇതോടെ കേരള ബ്ലാസ്റ്റേഴ്സ് എഫ്സി ഉള്‍പ്പെടെയുള്ള ചില പ്രമുഖ ക്ലബ്ബുകള്‍ ടീമിന്റെ പ്രവര്‍ത്തനം താത്കാലികമായി നിര്‍ത്തിവെച്ചത് വലിയ ഞെട്ടലായി. പരിശീലന ക്യാംപുകളും അടച്ചുപൂട്ടിയതോടെ താരങ്ങളുടെയും ജീവനക്കാരുടെയും ഭാവി അനിശ്ചിതത്വത്തിലാണ്.

”ഏറെ തളര്‍ന്ന അവസ്ഥയിലാണ് ഞങ്ങള്‍. ടീമുമായി ബന്ധപ്പെട്ട എല്ലാ ആളുകളും ഭാവിയെക്കുറിച്ച് ആശങ്കയിലാണ്. കാര്യങ്ങള്‍ ഇതേപോലെ തുടര്‍ന്നാല്‍ സ്ഥിതി കൂടുതല്‍ ഭയാനകമാകും,” എന്ന് കേരള ബ്ലാസ്റ്റേഴ്സ് സിഇഒ അഭിക് ചാറ്റര്‍ജി ദേശീയ മാധ്യമങ്ങളോട് പറഞ്ഞു.

ഐഎസ്എല്‍ റദ്ദായാല്‍ ഇന്ത്യന്‍ ഫുട്ബോളിന് വലിയ തിരിച്ചടിയാകുമെന്നാണ് വിദഗ്ധരുടെ അഭിപ്രായം.

സംപ്രേഷണം, സ്‌പോണ്‍സര്‍ഷിപ്പ്, മാര്‍ക്കറ്റിംഗ് അവകാശങ്ങള്‍ എന്നിവ കൈകാര്യം ചെയ്യാനായിരുന്നു ടെന്‍ഡര്‍. ഒക്ടോബര്‍ 16ന് പുറത്തിറക്കിയ റിക്വസ്റ്റ് ഫോര്‍ പ്രൊപ്പോസല്‍ (RFP) പ്രകാരം കുറഞ്ഞത് 250 കോടി ആസ്തിയുള്ള കമ്പനികള്‍ക്ക് മാത്രമേ ലേലത്തില്‍ പങ്കെടുക്കാന്‍ യോഗ്യതയുണ്ടായിരുന്നുള്ളൂ. ഫെഡറേഷനെ പ്രതിവര്‍ഷം 37.5 കോടി നല്‍കണമെന്നതും വ്യവസ്ഥയായിരുന്നു. മുന്‍ കരാറില്‍ ഗ്യാരണ്ടി തുക 50 കോടി ആയിരുന്നെങ്കിലും, അതില്‍ നിന്നും 12.5 കോടി കുറച്ചിട്ടും ആരും മുന്നോട്ട് വന്നില്ല.

ആദ്യഘട്ടത്തില്‍ നാല് കമ്പനികള്‍ താല്‍പര്യം പ്രകടിപ്പിച്ചിരുന്നെങ്കിലും അന്തിമ ബിഡ് സമര്‍പ്പിക്കാതെ പിന്മാറി.

മുമ്പ് ISL നടത്തിയത് റിലയന്‍സ്-സ്റ്റാര്‍ സംയുക്ത സംരംഭമായ ഫുട്‌ബോള്‍ സ്‌പോര്‍ട്‌സ് ഡെവലപ്‌മെന്റ് ലിമിറ്റഡ് (FSDL) ആയിരുന്നു. പത്ത് വര്‍ഷം നീണ്ട മാസ്റ്റര്‍ റൈറ്റ് കരാര്‍ ഈ ഡിസംബറോടെ അവസാനിക്കും. എന്നാല്‍ AIFF FSDL കരാര്‍ പുതുക്കാന്‍ താത്പര്യം കാണിക്കാതിരുന്നതോടെയാണ് ഇപ്പോഴത്തെ പ്രതിസന്ധി രൂപപ്പെട്ടത്.

AIFF അറിയിച്ചു, ”അപേക്ഷ ലഭിക്കാത്തതിനാല്‍ ഇവാലുവേഷന്‍ കമ്മിറ്റി ഉടന്‍ യോഗം ചേരും; ഭാവി നടപടികള്‍ അതില്‍ തീരുമാനിക്കും.”

പന്ത്രണ്ടാം സീസണ്‍ അനിശ്ചിതമായതോടെ കേരളാ ബ്ലാസ്റ്റേഴ്‌സ് ഉള്‍പ്പെടെയുള്ള ക്ലബുകള്‍ വലിയ സാമ്പത്തിക പ്രതിസന്ധിയിലാണ്. താരങ്ങളുടെ പ്രതിഫലം ഉള്‍പ്പെടെ ചെലവുകള്‍ കുറയ്‌ക്കേണ്ടി വരുന്ന സാഹചര്യമാണിപ്പോള്‍.

തേര്‍ഡ് കിറ്റിന് നീലക്കുറിഞ്ഞി പൂക്കളുടെ നിറമാണ് പ്രചോദനം. പന്ത്രണ്ടാം സീസണിലേക്കുള്ള പ്രവേശനവുമായി ബന്ധപ്പെട്ട്, 12 വര്‍ഷത്തില്‍ ഒരിക്കല്‍ മാത്രം പൂക്കുന്ന നീലക്കുറിഞ്ഞിയെ കിറ്റിന്റെ ഭാഗമാക്കിയതിലൂടെ ടീമിന്റെ പാരമ്പര്യത്തെയും പ്രകൃതിസൗന്ദര്യത്തെയും ഒരുമിച്ച് പ്രതിനിധീകരിക്കുകയാണ് ബ്ലാസ്റ്റേഴ്സ്.

കഴിഞ്ഞ സീസണിലെയും പോലെ സിക്സ് ഫൈവ് സിക്‌സ് ആണ് ജേഴ്‌സി നിര്‍മിച്ചിരിക്കുന്നത്.

എവേ കിറ്റില്‍ വെള്ളയും നീലയും നിറങ്ങള്‍ ചേര്‍ന്നതാണ് മുഖ്യ ആകര്‍ഷണം. നീല സ്ലീവില്‍ ‘ഒന്നിച്ച് ഒന്നായി പോരാടാം’ എന്ന വാചകം വെള്ള നിറത്തില്‍ അച്ചടിച്ചിരിക്കുന്നു. അതേ വാചകം തന്നെ ജേഴ്‌സിയിലുടനീളം പാറ്റേണ്‍ രൂപത്തിലും ഉള്‍പ്പെടുത്തിയിട്ടുണ്ട്.

ടീമും ആരാധകരും തമ്മിലുള്ള വൈകാരികബന്ധവും ഐക്യവും ഈ ഡിസൈന്‍ പ്രതിനിധീകരിക്കുന്നതായി ക്ലബ് വ്യക്തമാക്കി.

നാടകീയതകള്‍ നിറഞ്ഞ ഐ ലീഗ് സീസണില്‍ ആദ്യം ചര്‍ച്ചില്‍ ബ്രദേഴ്‌സിനെ ചാമ്പ്യന്മാരായി പ്രഖ്യാപിച്ചതിനെതിരെ ഇന്റര്‍ കാശി അപ്പീലുകള്‍ നല്‍കിയിരുന്നു. പിന്നീട് കായിക തര്‍ക്ക പരിഹാര കോടതിയുടെ വിധി പ്രകാരം ജൂണ്‍ മാസത്തില്‍ ഇന്റര്‍ കാശിയെ ചാമ്പ്യന്മാരായി പ്രഖ്യാപിച്ചു.

ഇന്റര്‍ കാശി, രണ്ട് കേസുകളിലും വിജയം നേടിയ ശേഷം ഐ ലീഗ് കിരീടം സ്വന്തമാക്കി. ആദ്യ കേസ് നാമധാരി എഫ് സിക്കെതിരെ അയോഗ്യനായ കളിക്കാരനെ ഇറക്കിയതുമായി ബന്ധപ്പെട്ട് ഉണ്ടായിരുന്നു, രണ്ടാം കേസ് എഐഎഫ്എഫിന്റെ തുടര്‍ വിധിക്കെതിരെ ആണ്. ലീഗിലെ അവസാന മത്സരത്തില്‍ രാജസ്ഥാന യുണൈറ്റഡ്‌നെ തോല്‍പിച്ചാണ് ഇന്റര്‍ കാശി പട്ടികയില്‍ ഒന്നാമതെത്തിയത്.

ഇന്റര്‍ കാശിയുടെ ഐഎസ്എല്‍ പ്രവേശത്തോടെ ടീമുകളുടെ എണ്ണം പതിനാലായി ഉയര്‍ന്നു. ടീമിന്റെ അടുത്ത മത്സരം സൂപ്പര്‍ കപ്പില്‍ നോര്‍ത്ത് ഈസ്റ്റ് യുണൈറ്റഡ്‌ക്കെതിരെ ആണ്.

കഴിഞ്ഞമത്സരത്തില്‍ നോര്‍ത്ത് ഈസ്റ്റ് യുണൈറ്റഡിനോട് പത്തുപേരുമായി പൊരുതി ഗോള്‍രഹിത സമനിലനേടാന്‍ കഴിഞ്ഞത് ബ്ലാസ്‌റ്റേഴ്‌സിന് ആത്മവിശ്വാസം നല്‍കുന്നുണ്ട്. അവസാന മൂന്നുകളികളില്‍ രണ്ടു വിജയവും ടീം നേടി. സ്വന്തം തട്ടകത്തില്‍ ഈസ്റ്റ് ബംഗാളിനെ 21 സ്‌കോറില്‍ തോല്‍പ്പിച്ചതും ടീമിന് പ്രതീക്ഷപകരുന്നു.

ടീമില്‍ പുതുതായെത്തിയ മോണ്ടനെഗ്രൊ പ്രതിരോധതാരം ദുസാന്‍ ലഗാത്തോറിന്റെ പ്രകടനമാണ് ബ്ലാസ്‌റ്റേഴ്‌സ് ഉറ്റുനോക്കുന്നത്. മോണ്ടനെഗ്രൊ ദേശീയതാരമായ ലഗാത്തോര്‍ ടീമിന്റെ പ്രതിരോധം ശക്തിപ്പെടുത്തുമെന്നാണ് കോച്ച് ടി.ജി. പുരുഷോത്തമന്റെ പ്രതീക്ഷ. എന്നാല്‍, ചെന്നൈയിന്‍ എഫ്.സി.യില്‍നിന്ന് പുതുതായെത്തിയ യുവ ഡിഫന്റര്‍ ബികാഷ് യുംനാമിന്റെ പരിക്ക് ടീമിന് തിരിച്ചടിയാണ്. കഴിഞ്ഞകളിയില്‍ ചുവപ്പുകാര്‍ഡ് കിട്ടിയ ഐബാന്‍ഭ ധോലിങ്ങിനും കളിക്കാന്‍ കഴിയില്ല.

ബ്ലാസ്‌റ്റേഴ്‌സ് 17 കളികളില്‍ 21 പോയിന്റുമായി എട്ടാം സ്ഥാനത്താണ്. അവശേഷിക്കുന്ന ഏഴുകളികളില്‍ നാലോ അഞ്ചോ ജയംനേടിയാല്‍ ആദ്യ ആറുസ്ഥാനങ്ങളില്‍ ഇടംനേടി പ്ലേ ഓഫിന് യോഗ്യതനേടാന്‍ ടീമിന് സാധ്യതതെളിഞ്ഞേക്കും. ഈസ്റ്റ് ബംഗാള്‍ 16 കളികളില്‍ 14 പോയിന്റുമായി 11ാം സ്ഥാനത്താണ്.

2029 വരെയുള്ള കരാറിലാണ് മണിപ്പൂരുകാരനായ ബികാശ് കരാറൊപ്പിട്ടത്. ഏറെ പരിചയ സമ്പത്തുള്ള ഇന്ത്യൻ ഡിഫൻഡറായ കോട്ടൽ കഴിഞ്ഞ ദിവസം നടന്ന നോർത്ത് ഈസ്റ്റിനെതിരായ മത്സരത്തിൽ ബ്ലാസ്റ്റേഴ്സ് സ്ക്വാഡിലുണ്ടായിരുന്നില്ല.

നേരത്തേ അലക്സാന്‍ഡ്രേ കോയെഫ് ടീം വിട്ടിരുന്നു. തൊട്ടു പിറകെ മോണ്ടിനെഗ്രിയന്‍ താരം ദുസാന്‍ ലെഗാറ്റോര്‍ ടീമിനൊപ്പം ചേര്‍ന്നു. ഇന്നലെ കൊച്ചിയില്‍ നോര്‍ത്ത് ഈസ്റ്റ് യുണൈറ്റഡിനെതിരായ മത്സരത്തില്‍ ലഗാറ്റോര്‍ കളത്തിലിറങ്ങിയിരുന്നു.

കലൂര്‍ ജവഹര്‍ലാല്‍ നെഹ്‌റു സ്റ്റേഡിയത്തില്‍ ആവേശത്തില്‍ മുന്നേറിയ വാശിയേറിയ പോരാട്ടത്തിനിടയിലാണ് ബ്ലാസ്റ്റേഴ്‌സ് ആരാധകരെ നിരാശരാക്കി അയ്ബന്‍ ചുവപ്പ് കാര്‍ഡ് നേടിയത്. നോര്‍ത്ത് ഈസ്റ്റ് മുന്നേറ്റ നിര താരം അലാദീന്‍ അജാരയുമായുള്ള വാഗ്വാദത്തിനിടെ തലകൊണ്ട് ഇടിച്ചതിനാണ് അയ്ബന് റഫറി ചുവപ്പ് കാര്‍ഡ് വിധിച്ചത്.

അവസരം മുതലെടുത്ത് ജയം പിടിച്ചെടുക്കന്‍ ഗോള്‍മുഖത്തേക്ക് നോര്‍ത്ത് ഈസ്റ്റ് ആക്രമണങ്ങള്‍ നടത്തിയെങ്കിലും ബ്ലാസ്റ്റേഴ്‌സ് പൊരുതിനിന്നു. ഗോള്‍കീപ്പര്‍ സച്ചിന്‍ സുരേഷിന്റെ മികച്ച സേവുകളും ബ്ലാസ്റ്റേഴ്‌സിന് തുണയായി. നിലവില്‍ 18 മത്സരങ്ങളില്‍ നിന്നും 21 പോയന്റുള്ള ബ്ലാസ്റ്റേഴ്‌സ് എട്ടാം സ്ഥാനത്താണ്. ജനുവരി 24ന് ഈസ്റ്റ് ബംഗാളിനെതിരെയാണ് അടുത്ത മത്സരം.

എന്നാല്‍ കഴിഞ്ഞ കളികളില്‍ ടീമിന്റെ മോശം പ്രകടനവും പരാജയവും ആരാധകരെ ചൊടിപ്പിച്ചിരുന്നു. ശേഷമുള്ളആദ്യ കളിയായിരുന്നു ഇന്ന്. മത്സരത്തിലുടനീളം ബ്ലാസ്റ്റേഴ്‌സിന്റെ ആധിപത്യമായിരുന്നു.

ഗോള്‍രഹിതമായിരുന്നു ആദ്യ പകുതി. ക്യാപ്റ്റന്‍ അഡ്രിയാന്‍ ലൂണ എടുത്ത കോര്‍ണര്‍ കിക്കിലൂടെ ബ്ലാസ്റ്റേഴ്‌സ് ആദ്യ ഗോള്‍ നേടി. 80ാം മിനിറ്റില്‍ നോഹ സദോയിലൂടെ രണ്ടാം ഗോളും നേടി. 90ാം മിനിറ്റില്‍ അലക്‌സാണ്ട്രെ കോഫിന്റെതായിരുന്നു ഗോള്‍.

കൊച്ചിയില്‍ നടന്ന മത്സരത്തില്‍ ആദ്യ പുകതിയില്‍ മികച്ച പ്രകടനമാണ് ബ്ലാസ്‌റ്റേഴസ് കാഴ്ചവെച്ചത്. മത്സരത്തിന്റെ 13 ആം മിനിറ്റില്‍ തന്നെ ബ്ലാസ്‌റ്റേഴ്‌സ് വല കുലുക്കി. ഹെസൂസ് ഹിമെനെയിലൂടെയാണ് ബ്ലാസ്‌റ്റേഴ്‌സ് ലീഡ് നേടിയത്.

രണ്ടാം പകുതിയുടെ 43 ആം മിനിറ്റില്‍ ആല്‍ഡ്രി ആല്‍ബെയിലൂടെയാണ് ഹൈദരാബാദ് സമനില ഗോള്‍ നേടിയത്. തിരിച്ചടിക്കാന്‍ ബ്ലാസ്‌റ്റേഴസ് ശ്രമിച്ചെങ്കിലും ഗോള്‍ വീണില്ല. പിന്നീട് 70 ആം മിനിറ്റില്‍ ഹൈദരാബാദ് രണ്ടാമത്തെ ഗോളും നേടി ആധിപത്യം ഉറപ്പിച്ചു.

വിവാദത്തോടെ ആയിരുന്നു ആ ഗോള്‍. ഹൈദരാബാദ് താരങ്ങള്‍ ബ്ലാസ്റ്റേഴ്‌സ് ബോക്‌സിലേക്കു നടത്തിയ മുന്നേറ്റത്തില്‍ എഡ്മില്‍സന്റെ ഗോള്‍ശ്രമം തടയാന്‍ ബോക്‌സില്‍ വീണുകിടന്ന ഹോര്‍മിപാമിനെതിരെ റഫറി ഹാന്‍ഡ്‌ബോള്‍ വിളിച്ചു. ഹോര്‍മിപാമിന് മഞ്ഞക്കാര്‍ഡും ഹൈദരാബാദിന് അനുകൂലമായി പെനല്‍റ്റിയും. പെനല്‍റ്റിക്കെതിരെ ബ്ലാസ്റ്റേഴ്‌സ് താരങ്ങള്‍ വാദിച്ചെങ്കിലും ഫലമുണ്ടായില്ല. ഹൈദരാബാദിനായി കിക്കെടുത്ത ആന്ദ്രെ ആല്‍ബ അനായാസം ലക്ഷ്യം കണ്ടു.

വിജയത്തോടെ ഏഴു കളികളില്‍നിന്ന് രണ്ടു ജയവും ഒരു സമനിലയും സഹിതം 7 പോയിന്റുമായി ഹൈദരാബാദ് എഫ്‌സി 11ാം സ്ഥാനത്തുതന്നെ തുടരുന്നു. എട്ടു മത്സരങ്ങളില്‍നിന്ന് സീസണിലെ നാലാം തോല്‍വി വഴങ്ങിയ ബ്ലാസ്റ്റേഴ്‌സ് എട്ടു പോയിന്റുമായി 10ാം സ്ഥാനത്തും.