കാറില്‍ സഞ്ചരിക്കുകയായിരുന്ന ഫറൂഖിനെയും രണ്ട് സുഹൃത്തുക്കളെയും നാട്ടുകാര്‍ വഴിയില്‍ തടഞ്ഞു നിര്‍ത്തുകയും മോഷ്ടാക്കളെന്നാരോപിച്ച് മര്‍ദ്ദിക്കുകയുമായിരുന്നു. മര്‍ദ്ദനത്തിനിടെ രണ്ട് സുഹൃത്തുക്കള്‍ ഓടി രക്ഷപ്പെട്ടെങ്കിലും ഫറൂഖ് സംഘത്തിന്റെ കയ്യിലകപ്പെടുകയായിരുന്നു.ഫറൂഖും സുഹൃത്തുക്കളും ബൈക്ക് മോഷ്ടിക്കുന്നത് കണ്ടെന്നും അതിനാലാണ് മര്‍ദ്ദിച്ചതെന്നുമാണ് നാട്ടുകാര്‍ പറയുന്നത്.

സംഭവത്തില്‍ പൊലീസ് അഞ്ച് പേരെ പൊലീസ് അറസ്റ്റ് ചെയ്തിട്ടുണ്ട്. തുടര്‍ന്ന് അറസ്റ്റ് ചെയ്തവരെ വിട്ടയയ്ക്കണമെന്നാവശ്യപ്പെട്ട് നാട്ടുകാര്‍ പൊലീസ് സ്റ്റേഷന്‍ ഉപരോധിച്ചു.

അതേസമയം, ഫറൂഖ് നിരപരാധിയാണെന്നും ഫറൂഖിനെതിരെ നടന്ന ആക്രമണം ന്യൂനപക്ഷത്തിനെതിരായ അക്രമമാണെന്നും ആരോപിച്ച് ആളുകള്‍ രംഗത്തെത്തിയിട്ടുണ്ട്. പ്രദേശത്ത് സംഘര്‍ഷാവസ്ഥ നിലനില്‍ക്കുന്നതിനാല്‍ കനത്ത പൊലീസ് കാവലാണ് ഏര്‍പ്പെടുത്തിയിരിക്കുന്നത്.

മത്സരത്തിനിടെ ഒരു ഓസ്ട്രേലിയന്‍ താരം ” ടേക് ദാറ്റ്, ഒസാമ” എന്ന് തന്നോട് പറഞ്ഞതായാണ് മോയിന്‍ അലി വെളിപ്പെടുത്തിയിരിക്കുന്നത്. കാര്‍ഡിഫില്‍ നടന്ന ആദ്യ ടെസ്റ്റിനിടെയാണ് സംഭവം. മത്സരത്തില്‍ 77 റണ്‍സും, 5 വിക്കറ്റും നേടി മോയിന്‍ അലി മികച്ച പ്രകടനം നടത്തിയിരുന്നു. പരമ്പര ഇംഗ്ലണ്ട് 3-2ന് സ്വന്തമാക്കുകയും ചെയ്തിരുന്നു. ഈ പരാമര്‍ശം തന്നെ ഏറെ വിഷമിപ്പിച്ചെന്നും ചില സഹകളിക്കാരോടും ഇംഗ്ലണ്ട് കോച്ച് ട്രെവര്‍ ബെയിലിസിനോടും  സംഭവം പറഞ്ഞിരുന്നു.

ഇംഗ്ലണ്ട് കോച്ച് ട്രെവര്‍ ബെയിലിസ് ഇത് അന്നത്തെ ഓസ്ട്രേലിയന്‍ കോച്ചായ ഡാരന്‍ ലേമാനൊട് പറഞ്ഞിരുന്നു. എന്നാല്‍ ലേമാന്‍ താരത്തിനോട് വിശദീകരണം തേടിയപ്പോള്‍ താരം ഇത് നിഷേധിക്കുകയായിരുന്നു എന്ന് അലി പറയുന്നു.

അതേസമയം സംഭവം ഗൗരമായി കാണുന്നുവെന്നും കളികളത്തിലെ ഇത്തരം പെരുമാറ്റം ഒരിക്കലും ന്യായീകരിക്കാനാവില്ലയെന്നും തങ്ങളുടെ രാജ്യത്തിനെ പ്രതിനിധീകരിച്ച് കളിക്കുന്നവര്‍ രാജ്യത്തിന്റെ മൂല്യങ്ങള്‍ ഉയര്‍ത്തിപ്പിടിക്കേണ്ടവരാണെന്നും അത്തരം കളിക്കാരിയില്‍ നിന്നും ഇത്തരം പെരുമാറ്റം ഉണ്ടായിട്ടുണ്ടെങ്കില്‍ നടപടി സ്വീകരിക്കുമെന്നും ക്രിക്കറ്റ് ഓസ്്‌ട്രേലിയ വക്താവ് അറിയിച്ചു. സംഭവത്തില്‍ അന്വേഷണത്തിന് ഉത്തരവിട്ടിട്ടുണ്ട, സംഭവത്തില്‍ ഇംഗ്ലണ്ട് ക്രിക്കറ്റ് ബോര്‍ഡിന്റെ വിശദീകരണം തേടുമെന്നും ക്രിക്കറ്റ് ഓസ്്‌ട്രേലിയ വക്താവ് വ്യക്തമാക്കി.

എതിരാളികളെ മാനസികമായി തളര്‍ത്താന്‍ ഏതറ്റം വരേയും പോകുന്നവരാണ് ഓസ്‌ട്രേലിയന്‍ ക്രിക്കറ്റ് താരങ്ങള്‍. പലപ്പോഴും ഇത് പരിധി വിടാറുമുണ്ട്. എന്നാല്‍ മോയിന്‍ അലിയുടെ പുതിയ വെളിപ്പെടുത്തല്‍ ക്രിക്കറ്റ് ലോകത്ത് ചൂടേറിയ ചര്‍ച്ചയ്ക്ക് വഴിയൊരുക്കിയിരിക്കുകയാണ്. നേരത്തെ ദക്ഷിണാഫ്രിക്കന്‍ താരം ഹാഷിം അംലയെ ഭീകരവാദി എന്ന വിളിച്ചതിന് ടിവി കമന്റേറ്റര്‍ ഡീന്‍ ജോണ്‍സിന് ജോലി നഷ്ടമായിരുന്നു. ഓസ്‌ട്രേലിയന്‍ മുന്‍ ടെസ്റ്റ് ബാറ്റ്‌സ്മാനായ ഡീന്‍ ജോണ്‍സ് വിരമിച്ച ശേഷം ടിവി കമന്റേറ്ററായി പ്രവര്‍ത്തിച്ചു വരികയായിരുന്നു.

പുറംലോകവുമായുള്ള ബന്ധം വിച്ഛേദിച്ച് വൈഗൂര്‍ വിഭാഗക്കാരെ ഒറ്റപ്പെടുത്തുന്നതായുള്ള നിരവധി റിപോര്‍ട്ടുകള്‍ ലഭിച്ചതായി യുഎന്‍ സമിതി അംഗമായ ഗെമക്ഡഗല്‍ അറിയിച്ചു. ഭീകരവാദവും മതതീവ്രവാദവും തടയാനുള്ള കരുതല്‍ നടപടിയെന്ന പേരിലാണ് വിചാരണയോ, കുറ്റപത്രമോ ഇല്ലാതെ ആളുകളെ തടവില്‍ പാര്‍പ്പിക്കുന്നതെന്നും അദ്ദേഹം പറഞ്ഞു. അതേസമയം യു.എന്‍ റിപ്പോര്‍ട്ട് ചൈന നിഷേധിച്ചു. ഭീകരവാദ പ്രവര്‍ത്തനങ്ങളില്‍ കുറ്റക്കാരാണെന്ന് കണ്ടെത്തുന്നവര്‍ക്ക് സ്വയം പരിവര്‍ത്തനത്തിന് സാധ്യമാക്കുന്ന തരത്തിലുള്ള അവധിക്കാല വിദ്യാഭ്യാസവും തൊഴില്‍ പരിശീലനവുമാണ് ഇത്തരം കേന്ദ്രങ്ങളില്‍ നല്‍കുന്നതെന്നായിരുന്നു ചൈനയുടെ ന്യായീകരണം

മത്സരത്തിന്റെ പേരില്‍ ഗീര്‍റ്റ് വില്‍ഡേഴ്‌സിനെതിരെ വധഭീഷണി മുഴക്കിയ 26 കാരനെ ഈയാഴ്ച ഹേഗില്‍ വെച്ച് പൊലീസ് അറസ്റ്റ് ചെയ്തിരുന്നു. ഇയാള്‍ പാക് പൗരനാണെന്നാണ് റിപ്പോര്‍ട്ടുകള്‍. ഡെന്‍മാര്‍ക്കിലെ മുസ്‌ലിംകുടിയേറ്റ വിരുദ്ധ മുന്നണിയുടെ നേതാവാണ് വില്‍ഡേഴ്‌സ്. ഇയാളുടെ മുസ്‌ലിം വിരുദ്ധ ഫ്രീഡം പാര്‍ട്ടി ഡെന്‍മാര്‍ക്കിലെ പൊതുതെരഞ്ഞെടുപ്പില്‍ രണ്ടാമത്തെ വലിയ കക്ഷിയായിരുന്നു.

മത്സരം നടത്തുന്നതിനെതിരെ പാകിസ്താനിലടക്കം ലോകത്തിന്റെ വിവിദ കോണുകളില്‍ വിവിധ മതസംഘടനകളുടെ നേതൃത്വത്തില്‍ പ്രതിഷേധമുണ്ടായിരുന്നു. പാകിസ്ഥാനില്‍ റാലി നടത്തിയ തെഹ്‌രീക്കെ ലബ്ബൈക്ക് എന്ന സംഘടന സര്‍ക്കാരിനോടും മറ്റു മുസ്‌ലിം രാഷ്ട്രങ്ങളോടും നെതര്‍ലന്‍സുമായുള്ള നയതന്ത്ര ബന്ധം വിച്ഛേദിക്കണമെന്ന് ആവശ്യപ്പെട്ടിരുന്നു.

അതേസമയം മുസ്‌ലിം ലോകത്തിന്റെ കൂട്ടായ പരാജയമാണ് കാര്‍ട്ടൂണ്‍ മത്സരം വ്യക്തമാക്കുന്നതെന്നും ദൈവനിന്ദ മുസ്‌ലിംകള്‍ക്കുണ്ടാക്കുന്ന വേദന പാശ്ചാത്യ ലോകത്ത് ചിലര്‍ മനസ്സിലാക്കുന്നുണ്ടെന്നുമാണ് സംഭവത്തില്‍ പാക് പ്രധാനമന്ത്രി ഇമ്രാന്‍ ഖാന്‍ പറഞ്ഞത്.

കഴിഞ്ഞയാഴ്ച ഡച്ച് അംബസാഡറെ വിളിച്ചുവരുത്തി പാക് വിദേശകാര്യ മന്ത്രാലയം പ്രവാചകനെ നിന്ദിക്കുന്ന കാര്‍ട്ടൂണ്‍ മത്സരത്തോടുള്ള പ്രതിഷേധം അറിയിച്ചിരുന്നു.അഫ്ഗാനിസ്ഥാനില്‍ തുടരുന്ന ഡച്ച് സൈന്യത്തെ ആക്രമിക്കണമെന്ന് താലിബാനും അഫ്ഗാന്‍ സൈന്യത്തിനോട് ആവശ്യപ്പെട്ടിരുന്നു.

മുസ്‌ലിം ലോകത്ത് കനത്ത പ്രതിഷേധങ്ങള്‍ക്ക് വഴിയൊരുക്കിയ ഡച്ച് കാര്‍ട്ടൂണ്‍ മത്സര വിഷയം സെപ്തംബറില്‍ യു.എന്‍ ജനറല്‍ അസംബ്ലിയില്‍ ഉന്നയിക്കുമെന്ന് പ്രധാനമന്ത്രി ഇമ്രാന്‍ഖാന്‍ പാക് സെനറ്റിനെ അറിയിച്ചു. മുസ്്‌ലിം ലോകത്തിന്റെ കൂട്ടായ പരാജയമാണ് കാര്‍ട്ടൂണ്‍ മത്സരം വ്യക്തമാക്കുന്നതെന്നും ദൈവനിന്ദ മുസ്്‌ലിംകള്‍ക്കുണ്ടാക്കുന്ന വേദന പാശ്ചാത്യ ലോകത്ത് ചിലര്‍ മനസ്സിലാക്കുന്നുണ്ടെന്നും അദ്ദേഹം പറഞ്ഞു.

ഓര്‍ഗനൈസേഷന്‍ ഓഫ് ഇസ്‌ലാമിക് കോഓപ്പറേഷനില്‍(ഒ.ഐ.സി) വിഷയം ഉന്നയിച്ച് മറ്റ് മുസ്‌ലിം രാജ്യങ്ങളുടെ പിന്തുണയോടെ അന്താരാഷ്ട്ര വേദികളില്‍ പ്രശ്‌നം അവതരിപ്പിക്കാന്‍ തന്റെ ഭരണകൂടത്തിന് പദ്ധതിയുണ്ട്. കുറച്ച് മുമ്പ് തന്നെ അതെല്ലാം ചെയ്യേണ്ടിയിരുന്നു. ദീര്‍ഘകാലം പാശ്ചാത്യരോടൊപ്പം ചെലവഴിച്ചതുകൊണ്ട് അവരുടെ മാനസികാവസ്ഥ എനിക്ക് അറിയാം. പ്രവാചകനോട് മുസ്്‌ലിംകള്‍ക്ക് തോന്നുന്ന സ്‌നേഹമൊന്നും അവര്‍ക്ക് മനസ്സിലാകില്ല-ഇമ്രാന്‍ ഖാന്‍ പറഞ്ഞു. കഴിഞ്ഞയാഴ്ച ഡച്ച് അംബസാഡറെ വിളിച്ചുവരുത്തി പാക് വിദേശകാര്യ മന്ത്രാലയം പ്രവാചകനെ നിന്ദിക്കുന്ന കാര്‍ട്ടൂണ്‍ മത്സരത്തോടുള്ള പ്രതിഷേധം അറിയിച്ചിരുന്നു.

നെതര്‍ലന്‍സുമായുള്ള നയതന്ത്ര ബന്ധം വിച്ഛേദിക്കണമെന്ന് പാകിസ്താനില്‍ ആവശ്യമുയര്‍ന്നിട്ടുണ്ട്. ഈ ആവശ്യമുന്നയിച്ച് ലാഹോറില്‍നിന്ന് തലസ്ഥാനമായ ഇസ്്‌ലാമാബാദിലേക്ക് പ്രതിഷേധ റാലി നടത്തുമെന്ന് തെഹ്‌രീകെ ലബ്ബൈക് പാകിസ്താന്‍ പാര്‍ട്ടി ഭീഷണി മുഴക്കി. കാര്‍ട്ടൂണ്‍ മത്സരത്തിനെതിരെ തങ്ങള്‍ തെരുവിലിറങ്ങുമെന്നും പ്രവാചകനെതിരെ കടന്നാക്രണമുണ്ടാകുമ്പോള്‍ ഒരു മുസ്്‌ലിമിന് എങ്ങനെ വീട്ടിലിരിക്കാന്‍ സാധിക്കുമെന്നും പാര്‍ട്ടി നേതാവ് ഇജാഷ് അഷറഫി ചോദിച്ചു.

ചൈനയില്‍ രണ്ട് ദിവസമായി നടക്കുന്ന യു.എന്‍ മനുഷ്യാവകാശ സമിതി യോഗത്തില്‍ അവതരിപ്പിച്ച റിപ്പോര്‍ട്ടിലെ പല വിവരങ്ങളും ആശങ്കയുണ്ടാക്കുന്നതാണ്. ആരോപണത്തോട് ചൈനീസ് ഭരണകൂടം ഇതുവരെ പ്രതികരിച്ചിട്ടില്ല. അത്തരം തടങ്കല്‍ പാളയങ്ങള്‍ രാജ്യത്തില്ലെന്ന് ചൈന നേരത്തെ വ്യക്തമാക്കിയിട്ടുണ്ട്. ചൈനയിലെ ഷിന്‍ജിയാങ് പ്രവിശ്യയിലാണ് ന്യൂനപക്ഷമായ ഉയ്ഗൂര്‍ മുസ്്‌ലിംകള്‍ ഏറെയുള്ളത്. പ്രവിശ്യയുടെ ജനസംഖ്യയില്‍ 45 ശതമാനം ഉയ്ഗൂര്‍ മുസ്്‌ലിംകളാണ്. തിബറ്റിനെപ്പോലെ ഷിന്‍ജിയാങ്ങും ചൈനക്ക് കീഴിലുള്ള സ്വയംഭരണ മേഖലയാണ്.

മാസങ്ങളായി പതിനായിരക്കണക്കിന് ഉയ്ഗൂര്‍ വംശജരെയും മറ്റ് മുസ്്‌ലിംകളെയും ചൈന കസ്റ്റഡിയിലെടുത്തുകൊണ്ടിരിക്കുന്നതായി ആരോപണമുണ്ട്. ഹ്യൂമന്‍ റൈറ്റ്‌സ് വാച്ച്, ആംസ്റ്റി ഇന്റര്‍നാഷണല്‍ തുടങ്ങിയ അന്താരാഷ്ട്ര മനുഷ്യാവാകശ സംഘടനകളും യു.എന്‍ മനുഷ്യാവകാശ സമിതി റിപ്പോര്‍ട്ടിലെ വാദങ്ങളെ ശരിവെക്കുന്നു. കുറ്റംചുമത്താതെ തടവില്‍ പാര്‍പ്പിച്ചിരിക്കുന്ന മുസ്്‌ലിംകളെ കമ്യൂണിസ്റ്റ് മുദ്രാവാക്യങ്ങള്‍ മുഴക്കാന്‍ നിര്‍ബന്ധിക്കുന്നതായി വേള്‍ഡ് ഉയ്ഗൂര്‍ കോണ്‍ഗ്രസ് ആരോപിച്ചു.

ഭക്ഷണം കിട്ടാതെ നരകിക്കുന്ന തടവുകാര്‍ തടങ്കലില്‍ പീഡിപ്പിക്കപ്പെടുകയാണ്. മത തീവ്രവാദത്തോട് പൊരുതുകയെന്ന പേരിലാണ് ചൈന തടങ്കല്‍ പാളയങ്ങള്‍ സ്ഥാപിച്ചിരിക്കുന്നത്. ഉയ്ഗൂര്‍ മുസ്്‌ലിം വംശജരെ അടിച്ചമര്‍ത്തുന്നതിന്റെ ഭാഗമായി പതിനായിരക്കണക്കിന് ആളുകളെ ചൈന തടവില്‍ പാര്‍പ്പിച്ചതായി യു.എസ് സ്റ്റേറ്റ് ഡിപ്പാര്‍ട്‌മെന്റിലെ ഉന്നത ഉദ്യോഗസ്ഥന്‍ ലോറ സ്‌റ്റോണ്‍ ആരോപിച്ചിരുന്നു. ഷിന്‍ജിയാങില്‍ എല്ലാ വംശജരും സമാധാനത്തോടെ ജോലി ചെയ്ത് ജീവിക്കുന്നുണ്ടെന്നായിരുന്നു ചൈനീസ് വിദേശകാര്യ മന്ത്രാലയം ഇതിന് മറുപടി നല്‍കിയത്. ചൈനയില്‍ മുസ്്‌ലിംകള്‍ വ്യാപകമായി അടിച്ചമര്‍ത്തപ്പെടുകയാണ്. വെള്ളിയാഴ്ച പുതുതായി നിര്‍മിച്ച പള്ളി പൊളിക്കാനുള്ള ശ്രമം നൂറുകണക്കിന് മുസ്്‌ലിംകള്‍ ചേര്‍ന്ന് തടഞ്ഞിരുന്നു. നിര്‍മാണ അനുമതി വാങ്ങിയിരുന്നില്ലെന്ന് ചൂണ്ടിക്കാട്ടിയാണ് അധികാരികള്‍ പള്ളി തകര്‍ക്കാന്‍ ശ്രമിക്കുന്നത്.

ചില അയല്‍ക്കാരാണ് പ്രശ്‌നങ്ങളുണ്ടാക്കുന്നത്. ഡോക്ടര്‍മാരുടെ ഒരു സുഹൃത്ത് സന്ദര്‍ശിക്കാനെത്തിയപ്പോള്‍ അവര്‍ തടഞ്ഞുവെച്ച് തിരിച്ചറിയല്‍രേഖ ചോദിച്ചതോടെയാണ് പ്രശ്‌നങ്ങള്‍ കൂടുതല്‍ രൂക്ഷമായത്. വാടകക്ക് വീട് ലഭിക്കാന്‍ ആദ്യം മുതലേ മതം വലിയ പ്രശ്‌നമായിരുന്നുവെന്നാണ് ഡോക്ടര്‍മാര്‍ പറയുന്നത്. മുസ്‌ലിമാണെന്നതിന്റെ പേരില്‍ പലരും വീട് നല്‍കാന്‍ തയ്യാറായില്ല. കുറേ നാളത്തെ അന്വേഷണത്തിന് ശേഷമാണ് ഈ ഫ്‌ളാറ്റ് ലഭിച്ചത്. ഫ്‌ളാറ്റില്‍ നിന്നും മാറാന്‍ തീരുമാനിച്ചിട്ടില്ലെന്നും പരാതി നല്‍കുമെന്നും ഡോക്ടര്‍മാര്‍ പറയുന്നു.

പ്രതിഷേധവുമായി മെഡിക്കല്‍ കോളജ് ആസ്പത്രി അധികൃതരും രംഗത്ത് വന്നിട്ടുണ്ട്. സമാധാനത്തോടെയാണ് ഞങ്ങള്‍ ഇവിടെ ജീവിക്കുന്നതെന്നും എന്നാല്‍ ചില അയല്‍വാസികള്‍ പ്രശ്‌നമുണ്ടാക്കുകയാണെന്നും ബെലിഗട്ടാ ഇന്‍ഫെക്ഷ്യസ് ഡിസീസ് ആസ്പത്രി ജീവനക്കാരനായ ആലം പറയുന്നു. ഡോക്ടര്‍മാരെ ഒഴിപ്പിക്കാന്‍ ഇതുവരെ തീരുമാനിച്ചിട്ടില്ലെന്നാണ് ഫ്‌ളാറ്റുടമ സുദീപ്താ മിത്ര പറയുന്നത്.

ബുധനാഴ്ച പുലര്‍ച്ചെയാണ് കൊലപാതകം നടക്കുന്നത്. കാലിക്കടത്ത് നടക്കുന്നതായി വിവരം ലഭിച്ചതിന്റെ അടിസ്ഥാനത്തിലെത്തിയ പൊലീസിനെ കണ്ട് കാലികളുമായി വന്ന വാഹനം നിറുത്തി. നാലുപേരാണ് വാഹനത്തിലുണ്ടായിരുന്നത്. നാലുപേരും വാഹനത്തില്‍ നിന്നിറങ്ങി ഓടി. മൂന്നുപേര്‍ ഒരുവഴിക്കും കൊല്ലപ്പെട്ട ഹുസൈനബ്ബ മറ്റൊരു വഴിക്കുമാണ് ഓടിയത്. ഹുസൈനബ്ബയെ പൊലീസും ബജറംഗ്ദള്‍ സംഘവും പിന്തുടര്‍ന്ന് മര്‍ദിക്കുകയായിരുന്നു. പിന്നീട് ഹുസൈനബ്ബയുടെ മൃതദേഹം കുന്നിന്‍മുകളില്‍ കണ്ടെത്തിയപ്പോഴാണ് കൊലപാതക വിവരം പുറത്താവുന്നത്.
സംഭവവുമായി ബന്ധപ്പെട്ട് ഹരിയടുക്ക പൊലീസ് സബ് ഇന്‍സ്‌പെക്ടര്‍ ഡി.എന്‍.കുമാറിനെ സസ്‌പെന്റ് ചെയ്തിരുന്നു.

ലോകത്തിലെ ഏറ്റവും വലിയ കമ്മ്യൂണിസ്റ്റ് രാജ്യമെന്ന് വാഴ്ത്തപ്പെടുന്ന ചൈന ഞങ്ങള്‍ക്ക് എതിരായി ആരോപിക്കപ്പെട്ട കുറ്റത്തില്‍ വിചാരണ പോലും നടത്താന്‍ തയ്യാറാകാതെയാണ് തടവിലാക്കിയത്. ജയിലില്‍ ഞാനടക്കമുള്ള ഇസ്‌ലാം മത വിശ്വാസികള്‍ക്ക് ഭക്ഷിക്കാന്‍ പന്നിയിറച്ചിയും മദ്യവും നല്‍കി. ഇത്തരം ഭക്ഷണങ്ങള്‍ കഴിക്കുന്നത് ഞങ്ങളുടെ മത വിശ്വാസങ്ങള്‍ക്ക് എതിരാണെന്ന് പറഞ്ഞപ്പോള്‍, നിര്‍ബന്ധിച്ച് കഴിപ്പിച്ചു. തടവറയിലെ ജീവിതം നരകതുല്ല്യമായിരുന്നു. നാലു ദിവസം അവര്‍ എന്നെ കെട്ടിതൂക്കി. ഉറങ്ങാന്‍ പോലും സമ്മതിച്ചില്ല. ആത്മഹത്യ ചെയ്യുന്നതിനെക്കുറിച്ചു പോലും  ഒരു സമയത്ത് ആലോച്ചിട്ടുണ്ട്. ഇപ്പോഴും തടവറയില്‍ ഒരുപാട് നിരപരാധികള്‍ ജിവീതം ദുസ്സഹമായി തള്ളി നീക്കുന്നുണ്ട്- ഒമിര്‍ ബെക്കാലി പറഞ്ഞു.

കഴിഞ്ഞ വര്‍ഷം ചൈന ഭരണകൂടം പുറത്തുവിട്ട കണക്കുപ്രകാരം പതിനായിരത്തിലധികം മുസ്‌ലീംകളാണ് ഷിന്‍ജിയാങ് മേഖലയിലെ ജയിലില്‍ കഴിയുന്നത്. ഇതില്‍ വിദേശികളും ഉള്‍പ്പെടും. അതേസമയം ഒമിറിന്റെ ആരോപണം ഗുതുതരമാണെന്നും ഇത് സത്യമാണോയെന്ന് അന്വേഷിക്കുമെന്നും ചൈനീസ് വിദേശകാര്യ മന്ത്രി അറിയിച്ചു.

പൊതുസ്ഥലത്ത് നമസ്‌കാരം സംഘടിപ്പിക്കുകയാണെങ്കില്‍ ഇതിന്റെ വിവരങ്ങള്‍ കൈമാറണമെന്ന് ഇന്റലിജന്‍സ് വിഭാഗം ആവശ്യപ്പെട്ടിരുന്നു. തുടര്‍ന്ന് നിസ്‌കാരം സംഘടിപ്പിച്ച 13 മൈതാനങ്ങളുടെ വിവരങ്ങള്‍ കൈമാറിയിരുന്നു. ഇവിടങ്ങളില്‍ 76 ഉദ്യോഗസ്ഥരുടെ മോല്‍നോട്ടത്തിലാണ് ജുമുഅ നടന്നത്.

പൊതുസ്ഥലങ്ങളില്‍ വെള്ളിയാഴ്ച മുസ്‌ലിങ്ങള്‍ നമസ്‌കരിക്കുന്നത് ഹിന്ദുസംഘടനകളുടെ എതിര്‍പ്പ് തുടരുമ്പോഴും ഗുര്‍ഗാവിലെ ചില പൊതുസ്ഥലങ്ങളില്‍ മുസ്‌ലിംകള്‍ക്ക് ജുമുഅ പ്രാര്‍ഥനയ്ക്ക് ആവശ്യമായ സൗകര്യമൊരുക്കണമെന്ന് പ്രദേശത്തെ പ്രമുഖരായ ഹിന്ദു മത വിശ്വാസികള്‍ അധികൃതരോട് ആവശ്യപ്പെട്ടിരുന്നു.