islands – Chandrika Daily https://www.chandrikadaily.com Mon, 03 Dec 2018 12:33:50 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg islands – Chandrika Daily https://www.chandrikadaily.com 32 32 കുറുവ ദ്വീപ് തുറന്നു: നിയന്ത്രണങ്ങളില്‍ ഇളവില്ല https://www.chandrikadaily.com/kuruva-island-started-with-short-number-of-people.html https://www.chandrikadaily.com/kuruva-island-started-with-short-number-of-people.html#respond Mon, 03 Dec 2018 12:27:32 +0000 http://www.chandrikadaily.com/?p=112676 കാട്ടിക്കുളം: കാലവര്‍ഷത്തെ തുടര്‍ന്ന് മെയ് 31 ന് അടച്ച കുറുവ ദ്വീപ് വിനോദ സഞ്ചാരികള്‍ക്കായി തുറന്നു. എന്നാല്‍ മുമ്പുണ്ടായിരുന്ന നിയന്ത്രണങ്ങളില്‍ ഇളവ് വരുത്താതെ പ്രവേശിപ്പിക്കാവുന്ന ആളുകളുടെ എണ്ണം 950 ആയി കുറച്ച് കൊണ്ടാണ് ആറുമാസത്തിന് ശേഷം ദ്വീപ് തുറന്നത്. 2017 ഡിസംമ്പര്‍ 16നാണ് വനം വകുപ്പ് കര്‍ശന നിയന്ത്രണങ്ങള്‍ ഏര്‍പ്പെടുത്തി കൊണ്ട് ദ്വീപ് തുറന്നത്.
പാല്‍വെളിച്ചം പാക്കം ഭാഗങ്ങളിലൂടെ ആകെ 400 പേര്‍ക്ക് മാത്രം പ്രവേശനം നല്‍കാന്‍ പാടുള്ളു എന്ന ഉത്തരവ് പ്രകാരമാണ് ദ്വീപ് തുറന്നത്. ഇത് വ്യാപക പ്രതിഷേധങ്ങള്‍ക്കിടയാക്കിയിരുന്നു.
കൂടാതെ നിത്യേന നിരവധി സഞ്ചാരികള്‍ ദ്വീപ് സന്ദര്‍ശിക്കാനാകാതെ നിരാശയോടെ മടങ്ങുകയും ചെയ്തിരുന്നു. ദ്വീപിനെ ആശ്രയിച്ച് കഴിയുന്ന നിരവധി പേര്‍ക്ക് തീരുമാനം കനത്ത തിരിച്ചടിയായി മാറുകയും ചെയ്തിരുന്നു. ഇതിനെ തുടര്‍ന്ന് നോര്‍ത്ത് വയനാട് ഡി എഫ് ഒ ഓഫീസിന് മുമ്പില്‍ എം എല്‍ എ യുടെ അനിശ്ചിതകാല സമരം, ദ്വീപിലേക്ക് ബഹുജന മാര്‍ച്ച് തുടങ്ങിയ ശക്തമായ പ്രക്ഷോഭ പരിപാടികള്‍ അരഞ്ഞേറുകയും ഭരണകക്ഷിയിലെ ഘടകകക്ഷികളായ സി.പി.എമ്മും, സി.പി.ഐ യും തമ്മില്‍ രൂക്ഷമായ അഭിപ്രായ ഭിന്നത ഉടലെടുക്കുകയും ചെയ്തിരുന്നു. കേരളത്തിലെ പ്രധാന വിനോദസഞ്ചാര കേന്ത്രങ്ങളില്‍ ഒന്നാണ് കുറുവ ദ്വീപ്.
ദ്വീപ് അടച്ച സമയങ്ങളില്‍ ജില്ലാ ടൂറിസം പ്രമോഷന്‍ കൗണ്‍സില്‍ ചങ്ങാട സവാരി ഏര്‍പ്പെടുത്തിയിരുന്നു. ഇത് ദ്വീപ് സന്ദര്‍ശിക്കാന്‍ കഴിയാത്ത വിനോദ സഞ്ചാരികള്‍ക്ക് ഏറെ അനുഗ്രഹമായി മാറിയിരുന്നു.

]]> https://www.chandrikadaily.com/kuruva-island-started-with-short-number-of-people.html/feed 0 ചെങ്കടലിലെ ദ്വീപുകള്‍ സഊദിക്ക് കൈമാറാന്‍ ഈജിപ്ത് സുപ്രീംകോടതി വിധി https://www.chandrikadaily.com/egypt-court-upholds-tiran-sanafir-transfer-to-saudi-arabia.html https://www.chandrikadaily.com/egypt-court-upholds-tiran-sanafir-transfer-to-saudi-arabia.html#respond Sun, 04 Mar 2018 15:14:39 +0000 http://www.chandrikadaily.com/?p=72896 കെയ്‌റോ: ചെങ്കടലിലെ രണ്ട് ദ്വീപുകള്‍ സഊദി അറേബ്യക്ക് കൈമാറാനുള്ള കരാറിന് ഈജിപ്ഷ്യന്‍ പരമോന്നത കോടതിയുടെ അംഗീകാരം. രാജ്യന്തര കപ്പല്‍ ചാലിന് സമീപം ഈജിപ്തിന്റെ അധീനതയിലായിരുന്ന തിറാന്‍, സനാഫീര്‍ ദ്വീപുകളാണ് സഊദിക്ക് കൈമാറുന്നത്. സഊദി രാജാവ് സല്‍മാന്‍ രാജാവ് കെയ്‌റോയില്‍ ഔദ്യോഗിക സന്ദര്‍ശനത്തിന് എത്തിയപ്പോഴാണ് ദ്വീപുകള്‍ വിട്ടുകൊടുക്കാന്‍ ഈജിപ്ത് സമ്മതിച്ചത്. പകരം ഈജിപ്തിനുവേണ്ടി സല്‍മാന്‍ രാജാവ് കോടികളുടെ സഹായ, നിക്ഷേപ പാക്കേജുകള്‍ പ്രഖ്യാപിച്ചിരുന്നു.

ദ്വീപ് കൈമാറ്റ കരാറില്‍ ഒപ്പുവെച്ചതിനെതിരെ ഈജിപ്തില്‍ വ്യാപക പ്രതിഷേധങ്ങള്‍ അരങ്ങേറി. രാജ്യത്തിന്റെ പരമാധികാരം വില്‍ക്കുന്നതിന് തുല്യമാണ് ഇതെന്നും അതിര്‍ത്തി അടിയറവെക്കുന്നത് ഭരണഘടനാ ലംഘനമാണെന്നും വിമര്‍ശകര്‍ പറയുന്നു. ദ്വീപുകള്‍ സഊദിക്ക് വിട്ടുകൊടുക്കുന്ന കാര്യത്തില്‍ രണ്ട് കീഴ്‌കോടതികള്‍ വ്യത്യസ്ത നിലപാടാണ് സ്വീകരിച്ചിരുന്നത്. അടിയന്തര വിഷയങ്ങള്‍ കൈകാര്യം ചെയ്യുന്ന കോടതി കരാറിനെ അനുകൂലിച്ചപ്പോള്‍ സുപ്രീം അഡ്മിനിസ്‌ട്രേറ്റീവ് കോടതി എതിര്‍ത്തു. സുപ്രീംകോടതി അനുകൂല നിലപാടെടുത്തതോടെ കരാറിനുള്ള തടസങ്ങളെല്ലാം നീങ്ങിയിരിക്കുകയാണ്. 1950കളില്‍ ഈജിപ്തിന് പാട്ടത്തിന് ലഭിച്ച തിറാന്‍, സനാഫീര്‍ ദ്വീപുകള്‍ സഊദി അറേബ്യയുടേതാണെന്ന് ഭരണകൂടം പറയുന്നു. പ്രസിഡന്റ് അബ്ദുല്‍ ഫത്താഹ് അല്‍ സിസിയുടെ നേതൃത്വത്തിലുള്ള ഭരണകൂടത്തോടൊപ്പമാണ് സുപ്രീംകോടതിയെന്ന് തെളിയിക്കുന്നതാണ് ദ്വീപ് കൈമാറ്റം സംബന്ധിച്ച വിധി.

]]> https://www.chandrikadaily.com/egypt-court-upholds-tiran-sanafir-transfer-to-saudi-arabia.html/feed 0