വെടിനിര്‍ത്തല്‍ കരാര്‍ മറയാക്കി ക്രൂരമായ നടപടികള്‍ തുടരുന്ന ഇസ്രാഈലിനെതിരെ അന്താരാഷ്ട്ര സമൂഹം രംഗത്തെത്തണമെന്ന് ഹമാസ് ആവശ്യപ്പെട്ടു. നിലവിലെ അവസ്ഥ അതീവ ഗുരുതരമാണെന്ന് യു.എന്‍ ഏജന്‍സികളും ചൂണ്ടിക്കാട്ടി. ഗസ്സയില്‍ കൂടുതല്‍ സഹായം എത്താഞ്ഞാല്‍ മാനുഷിക പ്രതിസന്ധി വഷളാകുമെന്ന് യു.എന്‍ അഭയാര്‍ഥി ഏജന്‍സി മേധാവി ഫിലിപ്പെ ലസ്സാരിനി മുന്നറിയിപ്പ് നല്‍കി.

അതേസമയം അധിനിവിഷ്ട ദക്ഷിണ സിറിയന്‍ പ്രദേശത്ത് ഇസ്രാഈല്‍ പ്രധാനമന്ത്രി ബിന്യമിന്‍ നെതന്യാഹു നടത്തിയ സന്ദര്‍ശനത്തിനെതിരെ സിറിയ, ജോര്‍ദാന്‍ ഉള്‍പ്പെടെ അറബ് രാഷ്ട്രങ്ങള്‍ ശക്തമായ പ്രതിഷേധം രേഖപ്പെടുത്തി. നെതന്യാഹുവിന്റെ നടപടി ആശങ്കാജനകമാണെന്ന് യു.എന്‍ സെക്രട്ടറി ജനറല്‍ ആന്റോണിയോ ഗുട്ടറസ് വിലയിരുത്തി.

തെക്കന്‍ ലബനാനിലെ ഐനുല്‍ ഹില്‍വ ഫലസ്തീന്‍ അഭയാര്‍ഥി ക്യാമ്പില്‍ ഇസ്രാഈല്‍ നടത്തിയ ബോംബാക്രമണത്തില്‍ 14 പേര്‍ കൊല്ലപ്പെട്ടു. മസ്ജിദിന്റെ പാര്‍ക്കിങ്ങിനോടു ചേര്‍ന്ന പ്രദേശത്താണ് ആക്രമണം നടന്നത്. ഏകദേശം 64,000 പേര്‍ താമസിക്കുന്ന രാജ്യത്തിലെ ഏറ്റവും വലിയ അഭയാര്‍ഥി ക്യാമ്പുകളിലൊന്നാണിത്. ഇത്, ഹിസ്ബുല്ലയുമായി ഒരു വര്‍ഷം മുമ്പുണ്ടായ വെടിനിര്‍ത്തല്‍ കരാറിന് ശേഷം സംഭവിക്കുന്ന ഏറ്റവും വലിയ ആക്രമണമായാണ് വിലയിരുത്തുന്നത്. ഗസ്സയിലും ലബനാനിലും ഫലസ്തീന്‍ ജനതയെ ലക്ഷ്യമിട്ട് നടക്കുന്ന ഇസ്രാഈല്‍ നീക്കങ്ങളെ ഹമാസ് ശക്തമായി അപലപിച്ചു.

തുര്‍ക്കിയുടെ നിയമവ്യവസ്ഥയാണ് ഈ നടപടി കൈക്കൊണ്ടത്. എങ്കിലും 37 പേരുടേയും പൂര്‍ണ്ണ പട്ടിക ഔദ്യോഗികമായി പുറത്തുവിട്ടിട്ടില്ല.

ഗസ്സയിലെ മനുഷ്യവിരുദ്ധ പ്രവര്‍ത്തനങ്ങള്‍, 2023 ഒക്ടോബര്‍ മുതല്‍ ഗസ്സയില്‍ ഇസ്രാഈല്‍ നടത്തുന്ന ആക്രമണങ്ങള്‍ മനുഷ്യത്വത്തിന് എതിരായ കുറ്റകൃത്യമാണെന്ന് തുര്‍ക്കി ആരോപിച്ചു. 2023 ഒക്ടോബര്‍ 17-ന് അല്‍-അഹ്‌ലി ആശുപത്രിയില്‍ നടന്ന ഇസ്രാഈല്‍ ബോംബാക്രമണത്തില്‍ 500 പേര്‍ കൊല്ലപ്പെട്ടത് ഉള്‍പ്പെടെ അനവധി ആശുപത്രികളും മെഡിക്കല്‍ സംവിധാനങ്ങളും തകര്‍ത്തുവെന്നാണ് കുറ്റപത്രത്തില്‍ പറയുന്നത്.

ഗസ്സയിലെ ഉപരോധം മൂലം വലിയ മാനവിക പ്രതിസന്ധി നിലനില്‍ക്കുന്നുണ്ടെന്നും, തുര്‍ക്കി നിര്‍മ്മിച്ച തുര്‍ക്കിഷ്-ഫലസ്തീനിയന്‍ ഫ്രണ്ട്ഷിപ്പ് ആശുപത്രിയും ഇസ്രായേല്‍ സൈന്യം മാര്‍ച്ചില്‍ നശിപ്പിച്ചതായും റിപ്പോര്‍ട്ടില്‍ പറയുന്നു.

തുര്‍ക്കിയുടെ നടപടിയെ ”പി.ആര്‍ പരിപാടി മാത്രമാണ്” എന്ന് പറഞ്ഞ് ഇസ്രാഈല്‍ വിദേശകാര്യമന്ത്രി പ്രതികരിച്ചു. യഥാര്‍ത്ഥ അന്വേഷണപരമായ അടിത്തറയില്ലാത്ത രാഷ്ട്രീയ നീക്കമാണിതെന്ന് ഇസ്രാഈല്‍ ആരോപിച്ചു.

തുര്‍ക്കിയുടെ നീക്കത്തെ ഹമാസ് സ്വാഗതം ചെയ്തു. ”ഇത് നീതി, മാനവികത, സഹോദരത്വം എന്നിവയുടെ പ്രതീകമാണ്,” എന്നാണ് ഹമാസിന്റെ പ്രതികരണം.

അന്താരാഷ്ട്ര നീതിന്യായ കോടതിയും നേരത്തെ നെതന്യാഹുവിനെതിരെ വാറണ്ട് പുറപ്പെടുവിച്ചിരുന്നു. ഗസ്സയിലെ ഇസ്രാഈല്‍ ആക്രമണത്തിനെതിരെ ദക്ഷിണാഫ്രിക്ക നല്‍കിയ കേസില്‍ തുര്‍ക്കിയും കക്ഷിയായി ചേര്‍ന്നിരുന്നു.

ഗസ്സയിലെ ജനങ്ങള്‍ ഇപ്പോഴും ഭക്ഷണം, കുടിവെള്ളം, മരുന്ന് എന്നിവയുടെ ഗുരുതര ക്ഷാമം നേരിടുകയാണ്. ഇസ്രായേല്‍ സൈനിക സാന്നിധ്യം കാരണം അനേകം പേര്‍ക്ക് വീടുകളിലേക്ക് തിരിച്ചെത്താന്‍ കഴിയാത്ത അവസ്ഥയും തുടരുന്നു. അതേസമയം, വെസ്റ്റ് ബാങ്കില്‍ ഫലസ്തീനികള്‍ക്കെതിരായ അതിക്രമങ്ങളും തുടരുകയാണ്.

വെള്ളിയാഴ്ച നബ്ലുസിലെ അസ്‌കര്‍ ക്യാമ്പില്‍ 18 കാരനായ മുഹമ്മദ് അഹ്‌മദ് അബു ഹനീന്‍ ഇസ്രാഈല്‍ സൈനികരുടെ വെടിയേറ്റ് മരിച്ചതായി യു.എന്‍ സെക്രട്ടറി ജനറല്‍ അന്റോണിയോ ഗുട്ടെറസിന്റെ ഉപവക്താവ് ഫര്‍ഹാന്‍ ഹഖ് അറിയിച്ചു. ഇതിന് മുന്‍പ് ഹെബ്രോണില്‍ ഫുട്‌ബോള്‍ കളിക്കുകയായിരുന്ന 10 കാരനായ മുഹമ്മദ് അല്‍ ഹല്ലാഖ് സൈനിക വെടിയേറ്റ് കൊല്ലപ്പെട്ടിരുന്നു.

അതേസമയം, ഗസ്സയിലെ വെടിനിര്‍ത്തല്‍ ധാരണകള്‍ ഉറപ്പാക്കല്‍ അമേരിക്കയുടെ പ്രധാന മുന്‍ഗണനയാണെന്ന് യു.എസ് സ്റ്റേറ്റ് സെക്രട്ടറി മാര്‍ക്കോ റൂബിയോ ഇസ്രാഈലില്‍ നിന്ന് പ്രസ്താവിച്ചു.

തുര്‍ക്കി പ്രസിഡന്റ് റെജപ് തയ്യിപ് എര്‍ദോഗാന്‍ മധ്യസ്ഥ രാജ്യങ്ങള്‍ വെടിനിര്‍ത്തല്‍ കരാര്‍ കൃത്യമായി പാലിക്കപ്പെടുന്നതിന് ഉത്തരവാദിത്തം ഏറ്റെടുക്കണമെന്നും ഇസ്രാഈല്‍ അതിനെ ലംഘിക്കുന്നതില്‍ നിന്നും പിന്തിരിയണമെന്നും ആവശ്യപ്പെട്ടു.

ഗസ്സയിലെ മാനുഷിക സാഹചര്യങ്ങള്‍ കൂടുതല്‍ വഷളാകുന്ന സാഹചര്യത്തില്‍ ഐക്യരാഷ്ട്രസഭയുടെ ഈ മുന്നറിയിപ്പ് അന്താരാഷ്ട്ര സമൂഹത്തിന് ഗൗരവമായി എടുക്കേണ്ട സാഹചര്യമാണെന്ന് വിദഗ്ധര്‍ വിലയിരുത്തുന്നു.

പട്ടിണിയെ ആയുധമാക്കി മാറ്റുന്ന നിയമവിരുദ്ധ ഹീനകൃത്യങ്ങള്‍ ഗസ്സയില്‍ തുടരുകയാണെന്ന് കോടതി കുറ്റപ്പെടുത്തി. യുഎന്‍ ഏജന്‍സികളിലെ സന്നദ്ധപ്രവര്‍ത്തകര്‍ ഹമാസ് പോരാളികളുമായി ബന്ധപ്പെട്ടു പ്രവര്‍ത്തിക്കുന്നുവെന്ന ഇസ്രാഈലിന്റെ ആരോപണം കോടതി തള്ളി. അതിനായി തെളിവുകള്‍ സമര്‍പ്പിക്കാന്‍ ഇസ്രാഈല്‍ പരാജയപ്പെട്ടുവെന്നും വിധിയില്‍ ചൂണ്ടിക്കാട്ടി.

അതേസമയം, വിധി ഹമാസിന് അനുകൂലമാണെന്ന് ആരോപിച്ച് ഇസ്രാഈല്‍ വിദേശകാര്യ മന്ത്രാലയം പ്രതികരിച്ചു. വെടിനിര്‍ത്തല്‍ കരാര്‍ പ്രാബല്യത്തില്‍ വന്നിട്ട് 12 ദിവസം പിന്നിട്ടിട്ടും, ഗസ്സയിലേക്ക് ആവശ്യമായ സഹായം നല്‍കാന്‍ ഇസ്രാഈല്‍ തയ്യാറായിട്ടില്ല. റഫ അതിര്‍ത്തി വഴി ദിവസേന 600 ട്രക്കുകള്‍ സഹായസാധനങ്ങളുമായി ഗസ്സയിലേക്ക് കടത്തിവിടണമെന്ന് കരാറിലുണ്ടായിരുന്നുവെങ്കിലും, അതും പാലിക്കപ്പെട്ടിട്ടില്ല.

ഐക്യരാഷ്ട്രസഭാ സെക്രട്ടറി ജനറല്‍ ആന്റോണിയോ ഗുട്ടറസ് ഇസ്രാഈല്‍ ഉടന്‍ അതിര്‍ത്തി തുറന്ന് പരമാവധി സഹായം അനുവദിക്കണമെന്ന് ആവശ്യപ്പെട്ടു.

ഇതിനിടെ, വെടിനിര്‍ത്തലിന്റെ രണ്ടാം ഘട്ട ചര്‍ച്ചകളും ഊര്‍ജിതമാകുന്നു. യു.എസ് വൈസ് പ്രസിഡന്റ് ജെ.ഡി വാന്‍സ് ഇസ്രാഈല്‍ പ്രധാനമന്ത്രി ബെഞ്ചമിന്‍ നെതന്യാഹുവുമായി കൂടിക്കാഴ്ച നടത്തി. ഗസ്സയില്‍ ബദല്‍ സര്‍ക്കാര്‍ രൂപീകരണം ദീര്‍ഘകാല പ്രക്രിയയാണെന്ന് വാന്‍സ് വ്യക്തമാക്കി.

അതേ സമയം, അധിനിവിഷ്ട വെസ്റ്റ് ബാങ്ക് ഇസ്രാഈലിന്റെ ഭാഗമായി പ്രഖ്യാപിക്കുന്ന കരടുപ്രമേയം ഇസ്രായേഈല്‍ പാര്‍ലമെന്റ് പാസാക്കി 25 അനുകൂല വോട്ടുകള്‍ക്കും 24 എതിര്‍ വോട്ടുകള്‍ക്കും നടുവില്‍. ഈ നീക്കം പ്രദേശത്ത് ഗുരുതര പ്രത്യാഘാതങ്ങള്‍ ഉണ്ടാക്കുമെന്ന് ജോര്‍ദാന്‍ ഉള്‍പ്പെടെ അറബ് രാജ്യങ്ങള്‍ മുന്നറിയിപ്പ് നല്‍കി.

കരാര്‍ വ്യവസ്ഥകള്‍ ഹമാസ് പരമാവധി പാലിക്കുമ്പോഴും ആക്രമണങ്ങള്‍ തുടര്‍ന്ന് വെടിനിര്‍ത്തല്‍ അട്ടിമറിക്കാനുള്ള ശ്രമമാണ് ഇസ്രാഈലിന്റെ ഭാഗത്തുനിന്നുണ്ടാകുന്നതെന്ന് മാത്രമല്ല, ആക്രമണം തുടരുന്നതോടൊപ്പം മാനുഷിക സഹായങ്ങള്‍ എത്തിക്കാനും അവര്‍ അനുവദിക്കുന്നില്ല. അമേരിക്കന്‍ സമ്മര്‍ദ്ദത്തെ തുടര്‍ന്ന് ഇന്നലെ രണ്ട് അതിര്‍ത്തി കവാടങ്ങള്‍ തുറന്നതും ഈജിപ്ഷ്യന്‍ തലസ്ഥാനമായ കെയ്‌റോയില്‍ ഹമാസ് പ്രതിനിധികളും മധ്യസ്ഥരും ചര്‍ച്ചകള്‍ പുനരാരംഭിച്ചതുമെല്ലാം പ്രതീക്ഷാ നിര്‍ഭരമാണെങ്കിലും അതെല്ലാം എത്രത്തോളം സാര്‍ത്ഥകമാകുമെന്നത് കണ്ടറിയേണ്ടതുണ്ട്. ഗസ്സയില്‍ ഒരു കെട്ടിടം പൊളിക്കുന്നതിനിടെ രണ്ട് ഇസ്രാഈല്‍ സൈനികരെ ഹമാസ് കൊലപ്പെടുത്തിയെന്ന ആരോപണമാണ് വെടിനിര്‍ത്തല്‍ ലംഘനത്തിന് കാരണമായി ഇസ്രാഈല്‍ പറയുന്നത്.

എന്നാല്‍ സൈനികരെ കൊലപ്പെടുത്തിയത് തങ്ങളാണെന്ന ആരോപണം ഹമാസ് നിഷേധിച്ചിട്ടുണ്ട്. എന്നാല്‍ ഇസ്രാഈലിന്റെ വെടിനിര്‍ത്തല്‍ ലംഘനം നോക്കിനില്‍ക്കില്ലെന്ന മുന്നറിയിപ്പും ഹമാസ് നല്‍കിയിട്ടുണ്ട്. വെടിനിര്‍ത്തല്‍ കരാറുമായി ഇസ്രാഈലിന് പൊരുത്തപ്പെടാന്‍ ഇനിയും സാധിച്ചിട്ടില്ലെന്നും മേഖലയില്‍ ശാശ്വത സമാധാനം തങ്ങള്‍ ഒരിക്കലും ആഗ്രഹിക്കുന്നില്ലെന്നതിനുമുള്ള തെളിവുകളിലൊന്നായി മാറുകയാണ്, സമാധാന കരാറില്‍ വ്യവസ്ഥ ചെയ്ത ഈജിപ്ഷ്യന്‍ അതിര്‍ത്തിയിലെ റഫാ ഇടനാഴി തുറക്കുന്നത് നീളുമെന്ന നിലപാടില്‍ അവര്‍ ഉറച്ചുനില്‍ക്കുന്നത്.

അതിനിടെ സമാധാനക്കരാര്‍ നിലനില്‍ക്കുന്ന സാഹ ചര്യത്തിലും ഫലസ്തീന്‍ ഭൂമി ഇസ്രാഈല്‍ പിടിച്ചെടു ക്കുന്നതായി പുറത്തുവരുന്ന വാര്‍ത്തകള്‍ ഞെട്ടിപ്പിക്കുന്നതും സമാധാനക്കരാറിന്റെ താല്‍പര്യങ്ങളെ തന്നെ ചോദ്യം ചെയ്യുന്നതുമാണ്. ഇസ്രാഈലിന് ആക്രമണവും അധിനിവേശവും തുടരാനുള്ള സാഹചര്യം സൃഷ്ടിക്കുകയായിരുന്നോ അമേരിക്ക മുന്‍കൈയ്യെടുത്തുള്ള സമാധാനക്കരാറിന്റെ ലക്ഷ്യമെന്നുപോലുള്ള സന്ദേഹങ്ങളാണ് ഇത്തരം ധാരുണമായ സംഭവങ്ങള്‍ ഉയര്‍ത്തുന്ന ചോദ്യം. അധിനിവേശ വെസ്റ്റ് ബാങ്കിന്റെ വടക്കന്‍ മേഖ ലയില്‍ ഇസ്രാഈല്‍ 70,000 ചതുരശ്ര മീറ്ററിലധികം ഫലസ്തീന്‍ ഭൂമി പിടിച്ചെടുത്തതായാണ് പുറത്തുവരുന്ന റിപ്പോര്‍ട്ടുകള്‍.

നബ്ലൂസിലെ ഗ്രാമീണ ഭൂമി പിടിച്ചെടുത്ത തായി റാമല്ല ആസ്ഥാനമായി പ്രവര്‍ത്തിക്കുന്ന ‘കോളനൈസേഷന്‍ ആന്‍ഡ് വാള്‍ റെസിസ്റ്റന്‍സ് കമ്മീഷന്‍’ ആണ് ഞെട്ടിക്കുന്ന വിവരം പുറത്തുവിട്ടിരിക്കുന്നത്. ഇ സ്രാഈലി കുടിയേറ്റ കേന്ദ്രമായ ‘എലി സെറ്റില്‍മെന്റിന് ചുറ്റും ബഫര്‍ സോണ്‍ സ്ഥാപിക്കുകയാണ് ഇസ്രാഈല്‍ ലക്ഷ്യമെന്ന് കമ്മീഷന്‍ റിപ്പോര്‍ട്ടില്‍ പറയുന്നുണ്ട്.

ഇത്തരത്തിലുള്ള സൈനിക പിടിച്ചെടുക്കലുകള്‍ക്കുള്ള ഉത്ത രവുകള്‍ ഈ വര്‍ഷം ഇതുവരെ മാത്രം 53 തവണ നട ത്തിയിട്ടുണ്ട്. നിലവിലുള്ള കുടിയേറ്റ വിരുദ്ധ നിയമങ്ങളെ തന്നെ നഗ്‌നമായി ലംഘിക്കുന്ന ഇസ്രാഈലിനെ സംബന്ധിച്ചടുത്തോളം സമാധാന കരാറിന്റെ ലംഘനം പു ത്തരിയല്ലെന്നതാണ് യാഥാര്‍ത്ഥ്യം.

അമേരിക്കയുടെ നേതൃത്വത്തിലുള്ള കരാറിന്റെ ചര്‍ച്ചയുടെ ഘട്ടത്തില്‍ തന്നെ ഇസ്രാഈലിന്റെ ചതിപ്രയോഗത്തെക്കുറിച്ചുള്ള ആശങ്കകള്‍ ഹമാസ് പങ്കുവെച്ചിരുന്നു. മുന്‍കാല അനുഭവങ്ങളുടെ പശ്ചാത്തലത്തില്‍ അവര്‍ മുന്നോട്ടുവെച്ച ആശങ്കകള്‍ ഇപ്പോള്‍ യാഥാര്‍ത്ഥ്യമായി മാറുമ്പോള്‍ അതിന് ഉത്തരംപറയേണ്ട ഉത്തരവാദിത്തം അമേരിക്കയിലും കരാറില്‍ ഭാഗവാക്കായിട്ടുള്ള മുഴുവന്‍ രാഷ്ട്രങ്ങളിലും അര്‍പ്പിതമാണ്.

എന്നാല്‍ ഇ സ്രാഈലിന് ശക്തമായ താക്കീത് നല്‍കി അക്രമത്തില്‍ നിന്ന് പിന്തിരിപ്പിക്കുകയും നീതി നടപ്പാക്കിലാക്കുകയും ചെയ്യുന്നതിന് പകരം പതിവുപോലെ വാക് കസര്‍ത്തുകളില്‍ അഭയംതേടുകയാണ് ഈ ശക്തികള്‍ ചെയ്യുന്നത്. സമാധാനം പുനസ്ഥാപിക്കപ്പെട്ടുവെന്ന പ്രതീക്ഷ യില്‍ ഫലസ്തീനികള്‍ വീടുകളിലേക്ക് തിരികെയെത്തുമ്പോള്‍ ഇസ്രാഈല്‍ നരനായാട്ട് വീണ്ടും തുടരുന്ന സാഹചര്യത്തില്‍ സമാധാനക്കരാറിന്റെ ഭാഗമായിരുന്ന ഈ ജിപ്ത്, ഖത്തര്‍ പ്രതിനിധികളെ കാണാനുള്ള തയാറെടുപ്പിലാണ് ഹമാസ്.

ഗസ്സയുടെ ഭരണം ആരെ ഏല്‍പ്പിക്കുമെന്നതാണ് കൂടിക്കാഴ്ച്ചയിലെ പ്രധാന ചര്‍ച്ചാവിഷയം. ട്രംപും ബ്രിട്ടീഷ് മുന്‍പ്രധാനമന്ത്രി ടോണിബ്ലയറും നയിക്കുന്ന വിദേശ സംഘത്തിന് ഭരണം കൈമാറാന്‍ ഒരിക്കലും തയാറല്ലെന്ന് ഹമാസ് നേരത്തെ തന്നെ വ്യക്ത മാക്കിയിട്ടുണ്ട്. ഇക്കാര്യത്തിലും അന്തിമ തീരുമാനത്തി ലെത്താന്‍ കഴിയാത്ത സാഹചര്യമുണ്ടായാല്‍ സമാധാനക്കരാര്‍ തന്നെ ഇല്ലാതാകുന്ന അവസ്ഥയിലേക്കായിരിക്കും കാര്യങ്ങള്‍ എത്തിച്ചേരുക. മറുഭാഗത്ത് ട്രംപിന്റെ പ്രത്യേക പ്രതിനിധികള്‍ കരാര്‍ നടപ്പാക്കുന്നതുമായി ബന്ധപ്പെട്ട് ഇസ്രാഈല്‍ ഭരണകൂടവുമായും ചര്‍ച്ചകള്‍ക്കെത്തിയിട്ടുണ്ട്. ഏതായാലും സമാധാനക്കരാറിന്റെ പേരില്‍ എല്ലാ വിട്ടുവീഴ്ച്ചകള്‍ക്കും തയാറായ ഫലസ്തീനികള്‍ ക്ക് നീതി ഉറപ്പാക്കേണ്ട ഉത്തരവാദിത്തം കരാറിന് നേതൃത്വം നല്‍കിയവരില്‍ നിക്ഷിപ്തമാണ്.

”ഞങ്ങള്‍ ഹമാസുമായി കരാറില്‍ ഏര്‍പ്പെട്ടിട്ടുണ്ട്. അവര്‍ ആക്രമണം തുടര്‍ന്നാല്‍ കനത്ത തിരിച്ചടിയുണ്ടാകും. ഇസ്രഈലിനോട് പറഞ്ഞാല്‍ രണ്ട് മിനിറ്റിനുള്ളില്‍ തന്നെ ആക്രമണം നടത്തും. പക്ഷേ, ഇപ്പോള്‍ അവര്‍ക്കൊരു അവസരം നല്‍കുകയാണ്,” എന്ന് ട്രംപ് വ്യക്തമാക്കി.

അതേസമയം, ഗസ്സയില്‍ വെടിനിര്‍ത്തല്‍ കരാര്‍ പൂര്‍ണമായും തളര്‍ന്നിരിക്കുകയാണ്. ഇസ്രഈല്‍ വ്യോമാക്രമണങ്ങളില്‍ കഴിഞ്ഞ 24 മണിക്കൂറിനിടെ 57 ഫലസ്തീനികള്‍ കൊല്ലപ്പെടുകയും 158 പേര്‍ക്ക് പരിക്കേല്‍ക്കുകയും ചെയ്തു. കരാര്‍ നിലവില്‍ വന്നതിനു ശേഷം ആകെ 100ഓളം പേര്‍ കൊല്ലപ്പെട്ടതായി ഗസ്സ സര്‍ക്കാര്‍ ഓഫീസ് അറിയിച്ചു.

യുദ്ധവിരാമത്തിന്റെ പശ്ചാത്തലത്തില്‍ വീടുകളിലേക്കു മടങ്ങിയ ഫലസ്തീനികള്‍, വീണ്ടും വ്യോമാക്രമണങ്ങള്‍ക്ക് ഇരയാവുകയാണ്. അഭയാര്‍ഥി ക്യാമ്പുകള്‍ ഉള്‍പ്പെടെയുള്ള പ്രദേശങ്ങള്‍ ലക്ഷ്യമിട്ട് ഇസ്രഈല്‍ യുദ്ധവിമാനങ്ങള്‍ തുടര്‍ച്ചയായി ആക്രമണം നടത്തുന്നു.

അമേരിക്ക, ഖത്തര്‍, ഈജിപ്ത് എന്നിവയുടെ മധ്യസ്ഥതയില്‍ നടക്കുന്ന സമാധാന കരാറിന്റെ ഭാവി അനിശ്ചിതത്വത്തിലേക്ക് നീങ്ങുന്നുവെന്ന ആശങ്ക ശക്തമായി.

ഇസ്രഈല്‍ സൈന്യം സ്ഥിരീകരിച്ചതനുസരിച്ച്, റഫ അതിര്‍ത്തിക്ക് സമീപം ഹമാസ് നടത്തിയ ആക്രമണത്തില്‍ രണ്ട് സൈനികര്‍ കൊല്ലപ്പെട്ടതായി അവകാശപ്പെട്ടു. എന്നാല്‍, സംഘര്‍ഷം നടന്ന പ്രദേശം ഇസ്രഈല്‍ സൈനിക നിയന്ത്രണത്തിലാണെന്നും ഹമാസ് ഈ ആരോപണം നിഷേധിച്ചു.

ഹമാസ് നേതാവ് ഖലീല്‍ അല്‍ ഹയ്യയുടെ നേതൃത്വത്തിലുള്ള സംഘം ഇന്ന് ഖത്തര്‍, ഈജിപ്ത് പ്രതിനിധികളെ കാണും. ഗസ്സയുടെ ഭരണം അടുത്ത ഘട്ടത്തില്‍ ആര്‍ക്കാണ് കൈമാറുക എന്നതാണ് പ്രധാന ചര്‍ച്ചാവിഷയം.

ഹമാസ് വ്യക്തമാക്കിയതനുസരിച്ച്, ട്രംപും ടോണി ബ്ലെയറും നയിക്കുന്ന വിദേശ സംഘത്തിന് ഗസ്സ ഭരണം കൈമാറാനില്ല. അതേസമയം, യുഎസ് പ്രതിനിധികളായ സ്റ്റീവ് വിറ്റ്‌കോഫും ജാരെഡ് കുഷ്‌നറും ഇസ്രഈലിലെത്തി നെതന്യാഹുവുമായി ചര്‍ച്ച നടത്തി. യുഎസ് വൈസ് പ്രസിഡന്റ് ജെ.ഡി. വാന്‍സ് ഇന്ന് ഇസ്രഈലില്‍ എത്തും.

റഫ അതിര്‍ത്തി തുറക്കുന്നതില്‍ ഇപ്പോഴും അനിശ്ചിതത്വം തുടരുകയാണ്. ”പുതിയ അറിയിപ്പ് ഉണ്ടാകുന്നത് വരെ അതിര്‍ത്തി അടച്ചതായിരിക്കും,” എന്ന് ഇസ്രഈല്‍ പ്രധാനമന്ത്രി ബിന്യാമിന്‍ നെതന്യാഹു വ്യക്തമാക്കി.

വെസ്റ്റ് ബാങ്കിലെ നാബുലുസില്‍ 70,000 ചതുരശ്ര മീറ്ററിലേറെ ഭൂമി ഇസ്രഈല്‍ പിടിച്ചെടുത്തതായും, ഈ വര്‍ഷം 53 പ്രദേശങ്ങളില്‍ ഇസ്രഈല്‍ അധിനിവേശം നടന്നതായും ഫലസ്തീന്‍ അധികാരികള്‍ ആരോപിച്ചു.

ഇസ്രഈല്‍ സാധാരണ പൗരന്മാരെ ലക്ഷ്യമിട്ടു വെടിവെപ്പും മനഃപൂര്‍വമായ ഷെല്ലാക്രമണങ്ങളും നടത്തിയതായും പ്രസ്താവനയില്‍ പറയുന്നു. നിരവധി ഫലസ്തീനികളെ നിയമവിരുദ്ധമായി അറസ്റ്റ് ചെയ്തതായും റിപ്പോര്‍ട്ട് ഉണ്ട്.

യു.എസ്. പ്രസിഡന്റ് ഡോണള്‍ഡ് ട്രംപ് മുന്നോട്ടുവെച്ച സമാധാന കരാര്‍ അനുസരിച്ച് ഫലസ്തീനികള്‍ക്ക് സുരക്ഷ ഉറപ്പാക്കാന്‍ അന്താരാഷ്ട്ര ഇടപെടല്‍ ആവശ്യമാണെന്ന് ഗസ്സയിലെ മാധ്യമ ഓഫീസ് ആവശ്യപ്പെട്ടു.

അതേസമയം, ഗസ്സയിലെ യുദ്ധം തുടരണമെന്ന് ഇസ്രയേല്‍ മന്ത്രിമാര്‍ ആഹ്വാനം ചെയ്തു. വിദേശകാര്യ മന്ത്രിയുടെ പ്രസ്താവനപ്രകാരം, ”ഹമാസ് നിലനില്‍ക്കുന്നിടത്തോളം യുദ്ധം തുടരും.”

ഗസ്സയില്‍ തടവിലായിരിക്കുന്ന മുഴുവന്‍ ബന്ദികളെയും മോചിപ്പിക്കുംവരെ റഫ അതിര്‍ത്തി അടച്ചിടും എന്നും ഇസ്രഈല്‍ പ്രഖ്യാപിച്ചിട്ടുണ്ട്. ഇതുമൂലം ഗസ്സയിലേക്കുള്ള മാനുഷിക സഹായം തടസ്സപ്പെട്ടിരിക്കുകയാണ്.

കഴിഞ്ഞ തിങ്കളാഴ്ച മാത്രം വെസ്റ്റ് ബാങ്കിലെ വിവിധ ഭാഗങ്ങളില്‍ നിന്ന് 22 ഫലസ്തീനികളെ ഇസ്രഈല്‍ അറസ്റ്റ് ചെയ്തതായും റിപ്പോര്‍ട്ടുകളുണ്ട്.

ട്രംപ്, എങ്കിലും, വെടിനിര്‍ത്തല്‍ ഇപ്പോഴും പ്രാബല്യത്തിലാണെന്ന് അവകാശപ്പെട്ടു.

ലഭ്യമായ കണക്കുകള്‍ പ്രകാരം, 2023 ഒക്ടോബര്‍ 7 മുതല്‍ ഗസ്സയില്‍ ഇസ്രഈല്‍ നടത്തിയ ആക്രമണങ്ങളില്‍ 68,159 പേര്‍ കൊല്ലപ്പെടുകയും 170,203 പേര്‍ക്ക് പരിക്കേല്‍ക്കുകയും ചെയ്തതായി വിവരങ്ങള്‍ സൂചിപ്പിക്കുന്നു.

പുനരധിവാസ മേഖലയില്‍ നിലയുറപ്പിച്ച സൈനികരെ സമീപിച്ച ഫലസ്തീനികള്‍ വധിക്കപ്പെട്ടു എന്ന് റിപ്പോര്‍ട്ട് ചെയ്തു. ഖാന്‍ യൂനിസില്‍ രണ്ട് പേര്‍ക്ക് പരിക്ക് പറ്റി.

ഇസ്രാഈലിന്റെ തുടര്‍ച്ചയായ ആക്രമണങ്ങള്‍ക്കിടയിലും, ഗസ്സയില്‍ ‘ശാശ്വത സമാധാനം’ കൊണ്ടുവരുമെന്ന് ഡൊണാള്‍ഡ് ട്രംപ് പ്രസ്താവിച്ചു.

എന്നാല്‍ യുഎന്‍ പ്രത്യേക റിപ്പോര്‍ട്ടര്‍ ഫ്രാന്‍സെസ്‌ക അല്‍ബനീസ് ഇതിനെ അപലപിച്ചു. അല്‍ബനീസ് പറഞ്ഞതനുസരിച്ച്, വെടിനിര്‍ത്തല്‍ കരാറിലെ സാഹചര്യം ഇസ്രാഈലിന് അനുകൂലമാണ്, അത് ‘സമാധാനം’ എന്ന് വിളിക്കുന്നത് അപമാനകരമാണ്.

ജബാലിയയിലെ ഹലാവ പ്രദേശത്തും ഇസ്രാഈല്‍ സൈന്യത്തിന്റെ വെടിവെപ്പില്‍ നിരവധി ഫലസ്തീനികള്‍ക്ക് പരിക്കേറ്റതായി ഗസ്സ എമര്‍ജന്‍സി സര്‍വീസസ് അറിയിച്ചു. വെടിനിര്‍ത്തലിന് ശേഷം ഗസ്സ വീണ്ടെടുക്കല്‍ പല തലമുറകളെയും ആവശ്യപ്പെടുമെന്ന് യുഎന്‍ വിദഗ്ധന്‍ വ്യക്തമാക്കി.

വര്‍ഷങ്ങളായി തടവിലായിരുന്ന പ്രിയപ്പെട്ടവരെ സ്വീകരിക്കാനൊരുങ്ങിയിരുന്ന കുടുംബങ്ങള്‍ ഈ തീരുമാനത്തില്‍ കടുത്ത ഞെട്ടലും നിരാശയും പ്രകടിപ്പിച്ചു. ”വര്‍ഷങ്ങളായുള്ള കാത്തിരിപ്പിന് ശേഷം സ്വാതന്ത്ര്യം കയ്‌പേറിയതായി മാറി,” ബന്ധുക്കള്‍ പ്രതികരിച്ചു.

രണ്ടുവര്‍ഷം നീണ്ട യുദ്ധത്തിനിടെ ഗസ്സാ മുനമ്പില്‍ നിന്നു മാത്രം 1700ലധികം പേരെയാണ് ഇസ്രായേല്‍ തടവറയിലടച്ചത്. വെടിനിര്‍ത്തല്‍ കരാറിന്റെ ഭാഗമായി 250 ഫലസ്തീന്‍ തടവുകാരെ മോചിപ്പിക്കുമ്പോള്‍ ഹമാസ് 20 ഇസ്രാഈലി ബന്ദികളെ വിട്ടയക്കും.

നാടുകടത്തുന്ന തടവുകാരെ ഏത് രാജ്യങ്ങളിലേക്കാണ് അയക്കുക എന്നതിനെക്കുറിച്ച് വ്യക്തതയില്ല. കഴിഞ്ഞ ജനുവരിയില്‍ മോചിതരായ ചിലരെ തുനീഷ്യ, അള്‍ജീരിയ, തുര്‍ക്കി തുടങ്ങിയ രാജ്യങ്ങളിലേക്കാണ് നാടുകടത്തിയത്.

തടവുകാരെ ബലംപ്രയോഗിച്ച് നാടുകടത്തുന്നത് പൗരത്വാവകാശങ്ങളുടെ ലംഘനമാണെന്ന് വിദഗ്ധര്‍ ചൂണ്ടിക്കാട്ടുന്നു. ”അവര്‍ ഫലസ്തീന്‍ പൗരന്മാരാണ്. മറ്റു രാജ്യങ്ങളില്‍ അവര്‍ക്കു പൗരത്വമില്ല. അതിനാല്‍ ഇത് നിയമപരമായും മാനുഷികമായും തെറ്റാണ്,” ദോഹ ഇന്‍സ്റ്റിറ്റ്യൂട്ട് ഫോര്‍ ഗ്രാജുവേറ്റ് സ്റ്റഡീസിലെ പ്രഫസര്‍ തമര്‍ ഖര്‍മൗട്ട് അഭിപ്രായപ്പെട്ടു.

”ചെറിയ ജയിലില്‍ നിന്നും വലിയ ജയിലുകളിലേക്കാണ് അവരെ അയക്കുന്നത്. പുതിയ രാജ്യങ്ങളില്‍ അവര്‍ കടുത്ത നിയന്ത്രണങ്ങള്‍ നേരിടേണ്ടി വരും,” അദ്ദേഹം കൂട്ടിച്ചേര്‍ത്തു.

റാമല്ലയിലെ മുഹമ്മദ് ഇംമ്രാന്‍ എന്ന തടവുകാരനും നാടുകടത്തപ്പെടുന്നവരില്‍ ഉള്‍പ്പെട്ടതായാണ് വിവരം. ഇംമ്രാനെ 2022ല്‍ അറസ്റ്റു ചെയ്തതും 13 വര്‍ഷത്തെ തടവിനാണ് ശിക്ഷിച്ചതും. ഇസ്രാഈലിന്റെ യാത്രാ നിയന്ത്രണങ്ങള്‍ മൂലം ബന്ധുക്കള്‍ക്ക് അദ്ദേഹത്തെ കാണാന്‍ കഴിയില്ല.

തടവുകാരെ സ്വന്തം നാടില്‍ നിന്ന് അകറ്റുന്നത് ഹമാസിനെയും മറ്റ് ഫലസ്തീന്‍ ഗ്രൂപ്പുകളെയും പ്രതീകാത്മക വിജയം നേടുന്നതില്‍ നിന്ന് തടയാനാണെന്ന് നിരീക്ഷകര്‍ വിലയിരുത്തുന്നു. ”ഇത് അവരുടെ രാഷ്ട്രീയജീവിതത്തിന്റെ അവസാനമാണെന്നും കുടുംബങ്ങള്‍ക്ക് കൂട്ടായ ശിക്ഷയാണെന്നും,” ഖര്‍മൗട്ട് കൂട്ടിച്ചേര്‍ത്തു.

റിപ്പോര്‍ട്ടുകള്‍ പ്രകാരം, തിങ്കളാഴ്ചയോടെ ഇസ്രാഈലി തടവുകാരെ വിട്ടയക്കും, 24 മണിക്കൂറിനുള്ളില്‍ ഗസ്സയില്‍ നിന്നുള്ള സൈന്യം പിന്‍വാങ്ങി തുടങ്ങുമെന്നാണ് കരാര്‍.

ട്രംപ്, ട്രൂത്ത് സോഷ്യല്‍ മീഡിയ പോസ്റ്റിലൂടെ, വെടിനിര്‍ത്തല്‍ കരാറിന്റെ ആദ്യ ഘട്ടത്തിലെ എല്ലാ വ്യവസ്ഥകളും നടപ്പാക്കുന്നതിന് ഇസ്രാഈലും ഹമാസും ധാരണയിലെത്തിയതായി അറിയിച്ചു.