അതേസമയം, 679-ാം ബ്രിഗേഡിലെ ബറ്റാലിയനിലെ സൈനികന് തെക്കന്‍ ഗസയിലുണ്ടായ ആക്രമണത്തില്‍ ഗുരുതരമായി പരിക്കേറ്റതായും ചികിത്സയ്ക്കായി ആശുപത്രിയില്‍ പ്രവേശിപ്പിച്ചതായും ഇസ്രാഈല്‍ സൈന്യം പ്രസ്താവനയില്‍ പറഞ്ഞു. ഖാന്‍ യൂനിസില്‍ യുദ്ധ ടാങ്കിന് നേരെ റോക്കറ്റാക്രമണം ഉണ്ടായതായി സ്ഥിരീകരിച്ചെങ്കിലും കൂടുതല്‍ വിവരങ്ങള്‍ നല്‍കാന്‍ തയ്യാറായില്ലെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.

അല്‍-ഖസ്സാം ബ്രിഗേഡുകള്‍ അല്‍-ഫഖാരി ഏരിയയില്‍ ഇസ്രാഈല്‍ ടാങ്കുകള്‍ക്കും സൈനിക വ്യൂഹത്തിനും നേരെ പതിയിരുന്ന് ആക്രമണം നടത്തുകയാണെന്നും മാധ്യമങ്ങള്‍ റിപ്പോര്‍ട്ട് ചെയ്യുന്നു.

യുഎന്‍ സുരക്ഷാ കൗണ്‍സില്‍ വെടിനിര്‍ത്തലിന് ആഹ്വാനം ചെയ്തിട്ടും ഇസ്രാഈല്‍ ഗസയില്‍ ആക്രമണം കടുപ്പിച്ചിരിക്കുകയാണ്. ഫലസ്തീന്‍ ആരോഗ്യവകുപ്പിന്റെ കണക്കുകള്‍ അനുസരിച്ച് ഏകദേശം 41,600 പേര്‍ കൊല്ലപ്പെട്ടതായാണ് റിപ്പോര്‍ട്ട്. കൊല്ലപ്പെട്ടവരിലേറെയും സ്ത്രീകളും കുട്ടികളുമാണ്. 96,200 പേര്‍ക്ക് പരിക്കേറ്റതായാണ് റിപ്പോര്‍ട്ട്. ഭക്ഷണം, ശുദ്ധജലം, മരുന്ന് എന്നിവയുടെ കടുത്ത ക്ഷാമം നേരിടുന്നുണ്ട്.

ഏതാനും ഉദ്യോഗസ്ഥരുമായി ഒരു ഇസ്രാഈല്‍ വിമാനം ഇസ്്‌ലാമാബാദില്‍ ഇറങ്ങിയെന്നും മണിക്കൂറുകള്‍ക്കുശേഷമാണ് വിമാനത്താവളം വിട്ടതെന്നും റിപ്പോര്‍ട്ടുണ്ടായിരുന്നു. ടെല്‍അവീവില്‍നിന്നുള്ള ഇസ്രാഈല്‍ ജെറ്റ് വിമാനം 10 മണിക്കൂറോളം ഇസ്‌ലാമാബാദ് വിമാനത്താവളത്തില്‍ തങ്ങിയെന്ന് ഇസ്രാഈല്‍ മാധ്യമപ്രവര്‍ത്തകനായ അവി ഷര്‍ഫാണ് ആദ്യം റിപ്പോര്‍ട്ട് ചെയ്തത്.

സംഭവത്തെക്കുറിച്ച് വിശദീരണം നല്‍കണമെന്ന് പാക് മാധ്യമങ്ങളും പ്രതിപക്ഷവും പാക് ഭരണകൂടത്തോട് ആവശ്യപ്പെട്ടിരുന്നു. നേരത്തെ വിദേശകാര്യ മന്ത്രി ഷാ മഹ്മൂദും ഇക്കാര്യം നിഷേധിച്ചിട്ടുണ്ട്.

മാര്‍ച്ച് 30 മുതല്‍ വെള്ളിയാഴ്ചകളില്‍ ഗാസ- ഇസ്രായേല്‍ അതിര്‍ത്തിയില്‍ പാലസ്തീന്‍കാര്‍ പ്രക്ഷോഭം നടത്തിവരികയാണ്. പ്രക്ഷോഭകര്‍ക്ക് നേരെ ഇസ്രായേല്‍ നടത്തുന്ന വെടിവയ്പ്പില്‍ 44 യുവാക്കള്‍ ഇതുവരെ കൊല്ലപ്പെട്ടിട്ടുണ്ട്.

അതിര്‍ത്തിക്കപ്പുറത്തുനിന്ന് കല്ലേറുണ്ടാവുന്നുണ്ടെന്നും കത്തിച്ച ടയറുകള്‍ എറിയുന്നുണ്ടെന്നും ഇസ്രായേലികള്‍ ആരോപിക്കുന്നു.

‘വെടിയേറ്റ് വീഴുമ്പോള്‍ എനിക്കറിയാമായിരുന്നു ഇനിയൊരിക്കലും എന്റെ ജീവിതത്തില്‍ സൈക്കിള്‍ ചവിട്ടാകില്ലയെന്ന്. ഏഷ്യന്‍ ഗെയിംസിനായി കഴിഞ്ഞ കൂറെ മാസങ്ങളായി ഞാന്‍ ദിവസവും ചുരുങ്ങിയത് ആറു മണിക്കൂര്‍ പരിശീലിക്കുന്നു. ഏഷ്യന്‍ ഗെയിംസ് പോലുള്ള വലിയ രാജ്യാന്തര വേദിയില്‍ നാടിന്റെ കൊടി ഉയര്‍ത്തിപ്പിടിച്ച് ഭാഗമാവുകയെന്നത് എന്റെ സ്വപ്നമായിരുന്നു’ അലാ അല്‍ദാലിമി പറഞ്ഞു.

അലാ താന്‍ കണ്ട മികച്ച സൈക്കിളിസ്റ്റുകളില്‍ ഓരാളാണ്. പല അന്തര്‍ദേശീയ മത്സരങ്ങളിലും അവന്‍ ഇതിനോടകം തന്നെ ചാമ്പ്യന്‍നായി. ഏഷ്യന്‍ ഗെയിംസിലെ ഞങ്ങളുടെ പ്രതീക്ഷ അവനിലായിരുന്നു -. അലായുടെ കോച്ച് ഹസ്സന്‍ അബൂ ഹര്‍ പ്രതികരിച്ചു.

ഇസ്രാഈല്‍ കൈയേറിയ ഫലസ്തീന്‍ ഭൂമി തിരിച്ചുകൊടുക്കണമെന്ന് ആവശ്യപ്പെട്ടാണ് ഗസ്സ അതിര്‍ത്തിയില്‍ ഫലസ്തീനികള്‍ കഴിഞ്ഞ മാര്‍ച്ച് 30 മുതല്‍ എല്ലാ വെള്ളിയാഴ്ചയും പ്രതിഷേധം സംഘടിപ്പിക്കുന്നത്. ഔദ്യോഗിക കണക്കു പ്രകാരം പ്രതിഷേധത്തില്‍ ഇതുവരെ 40 പേര്‍ മരിക്കുകയും അയ്യായിരത്തിലധികം പേര്‍ക്ക് പരിക്കേല്‍ക്കുകയും ചെയ്തു.

വെള്ളിയാഴ്ച ജോര്‍ദ്ദാന്‍ തലസ്ഥാനമായ അമ്മാനിലെത്തിയ മോദി ഇവിടെനിന്ന് ജോര്‍ദ്ദാന്‍ രാജാവ് അനുവദിച്ച പ്രത്യേക ഹെലികോപ്റ്ററിലാണ് റാമല്ലയില്‍ എത്തിയത്. ഇന്ത്യക്കും ഫലസ്തീനുമിടയിലെ അകലം കുറക്കാനാണ്, ഇസ്രാഈല്‍ ചെക്‌പോസ്റ്റുകള്‍ മുറിച്ചുകടക്കാതെ മോദി ജോര്‍ദ്ദാന്‍ വഴി റാമല്ലയില്‍ എത്തിയതെന്ന് ഇന്ത്യന്‍ വിദേശകാര്യമന്ത്രാലയ വൃത്തങ്ങള്‍ അവകാശപ്പെട്ടു. അതേസമയം ജോര്‍ദ്ദാനില്‍നിന്ന് റാമല്ലയിലേക്കുള്ള വ്യോമയാത്രയില്‍ മോദിക്ക് അകമ്പടി സേവിച്ചത് മൂന്ന് ഇസ്രാഈല്‍ സൈനിക ഹെലികോപ്റ്ററുകള്‍ ആയിരുന്നു.

ഫലസ്തീന്‍ സന്ദര്‍ശിക്കുന്ന ആദ്യ ഇന്ത്യന്‍ പ്രധാനമന്ത്രിയാണ് നരേന്ദ്രമോദി. രാജോചിത സ്വീകരണമാണ് ഫലസ്തീന്‍ ജനതയും ഭരണകൂടവും മോദിക്ക് നല്‍കിയത്. വിദേശികള്‍ക്ക് നല്‍കുന്ന പരമോന്നത ബഹുമതിയായ ഗ്രാന്റ് കൊലാര്‍ ഓഫ് ദി സ്റ്റേറ്റ് ഓഫ് ഫലസ്തീന്‍ പുരസ്‌കാരം മഹ്മൂദ് അബ്ബാസ് മോദിക്കു സമ്മാനിച്ചു.

”ഫലസ്തീന് ഇന്ത്യ നല്‍കുന്ന പിന്തുണ തകര്‍ക്കാനാവാത്തതും അചഞ്ചലവുമാണെന്നും അതിന് തെളിവാണ് തന്റെ റാമല്ല സന്ദര്‍ശനമെന്നും മോദി പറഞ്ഞു. യാസര്‍ അറാഫാത്് മഹാനായ നേതാവും ഇന്ത്യന്‍ ജനതയുടെ ഏറ്റവും അടുത്ത സുഹൃത്തുമായിരുന്നു. അരക്ഷിതാവസ്ഥയും അസ്ഥിരതയും മറികടക്കാന്‍ നിങ്ങള്‍ക്ക് കഴിയും. ഫലസ്തീന്‍ രാഷ്ട്ര നിര്‍മിതിക്കു വേണ്ടിയുള്ള പ്രവര്‍ത്തനങ്ങളില്‍ ഇന്ത്യ ദീര്‍ഘകാല പങ്കാളിയാണ്. റാമല്ലയിലെ ടെക്‌നോളജി പാര്‍ക്ക് ഉള്‍പ്പെടെ ഇന്ത്യ സാമ്പത്തിക നിക്ഷേപം നടത്തിയ പദ്ധതികള്‍ മോദി എടുത്തു പറഞ്ഞു. പദ്ധതി പൂര്‍ത്തിയാകുന്നതോടെ ഫലസ്തീന്‍ ജനതക്ക് തൊഴില്‍ അവസരങ്ങള്‍ ലഭിക്കും. ആരോഗ്യം, അടിസ്ഥാന സൗകര്യ വികസനം, വനിതാ ശാക്തീകരണം തുടങ്ങിയ മേഖലകളിലും ഇന്ത്യ നിക്ഷേപം നടത്തും” മോദി പറഞ്ഞു.

ഉഭയകക്ഷി ബന്ധം ഊട്ടിയുറപ്പിക്കുന്നതിനായി ജോയിന്റ് കമ്മീഷന്‍ തല യോഗം ചേരാന്‍ തീരുമാനിച്ചതായും കൂടിക്കാഴ്ചക്കു ശേഷം മഹ്മൂദ് അബ്ബാസിനൊപ്പം മാധ്യമങ്ങളെ കണ്ട മോദി പറഞ്ഞു. യൂത്ത് എക്‌സ്‌ചേഞ്ച് പദ്ധതിയുടെ പരിധി 50ല്‍നിന്ന് 100 ആയി ഉയര്‍ത്തും. സമാധാനപരമായ അന്തരീക്ഷത്തില്‍ ജീവിക്കുന്ന ഫലസ്തീന്‍ രാഷ്ട്രമാണ് സ്വപ്‌നമെന്നും അതിനുവേണ്ടിയുള്ള പ്രശ്‌ന പരിഹാര മാര്‍ഗങ്ങള്‍ നിശ്ചയമായും തുടരുമെന്നും മോദി കൂട്ടിച്ചേര്‍ത്തു.

ഫലസ്തീനെ രാഷ്ട്രമായി അംഗീകരിച്ച ആദ്യ രാജ്യങ്ങളില്‍ ഒന്നാണ് ഇന്ത്യയെന്ന് സംയുക്ത അഭിസംബോധനയില്‍ മഹ്മൂദ് അബ്ബാസ് അനുസ്മരിച്ചു. ഇന്ത്യയുമായി ആഴത്തിലുള്ള ബന്ധം തുടരാന്‍ പ്രതിജ്ഞാബദ്ധമാണ്. ഫലസ്തീനികള്‍ക്ക് എക്കാലത്തും കുലീനതയും അന്തസ്സുമുള്ള പദവി തന്നിട്ടുള്ള ഇന്ത്യയെ കടപ്പാട് അറിയിക്കുന്നുവെന്നും മഹ്്മൂദ് അബ്ബാസ് പറഞ്ഞു.

മേഖലയിലെ പ്രശ്‌നങ്ങള്‍ ഇന്ത്യയെ ധരിപ്പിക്കാന്‍ ലഭിച്ച ഏറ്റവും മികച്ച അവസരമായിരുന്നു ഇത്. ഇതില്‍ വിജയിച്ചിട്ടുണ്ട്. കിഴക്കന്‍ ജറൂസലേം ആസ്ഥാനമായ സ്വതന്ത്ര രാഷ്ട്രമെന്ന 1967 മുതലുള്ള സ്വപ്‌നങ്ങള്‍ക്ക് ഇന്ത്യയുടെ പിന്തുണ തുടരണമെന്ന് ആവശ്യപ്പെട്ടതായി പറഞ്ഞ മഹ്മൂദ് അബ്ബാസ് ഇന്ത്യാ-ഫലസ്തീന്‍ സൗഹൃദം നീണാള്‍ വാഴട്ടെയെന്നു പറഞ്ഞാണ് സംസാരം അവസാനിപ്പിച്ചത്.

ഫലസ്തീനിലെ റോമന്‍, ലത്തീന്‍ കത്തോലിക്കാ സഭാ മേധാവികളും ഇന്ത്യന്‍ സമൂഹത്തിന്റെ പ്രതിനിധികളും മോദിയെ സ്വീകരിക്കാന്‍ റാമല്ലയില്‍ എത്തിയിരുന്നു. മോദിയുടെ പ്രത്യേക ക്ഷണപ്രകാരമാണ് റാമല്ലയില്‍ എത്തിയതെന്ന് റോമന്‍ കത്തോലിക്കാ സഭാ മേധാവി ജിയാസിന്റോ ബോലുസ് മാര്‍കൂസോ പറഞ്ഞു.

റാമല്ലയില്‍ എത്തിയ മോദിക്ക് ഫലസ്തീന്‍ പ്രസിഡണ്ടിന്റെ കൊട്ടാരത്തില്‍ ഗാര്‍ഡ് ഓണര്‍ നല്‍കി. തുടര്‍ന്ന് പ്രസിഡണ്ടിന്റെ കൊട്ടാരത്തിനോടു ചേര്‍ന്നുള്ള യാസര്‍ അറാഫാതിന്റെ ഖബറിടം സന്ദര്‍ശിച്ച മോദി ഇവിടെ ഒലീവ് ചക്രം സമര്‍പ്പിച്ചു. തുടര്‍ന്ന് റാമല്ലയില്‍ ഇന്ത്യന്‍ സാമ്പത്തിക സഹായത്തോടെ നിര്‍മിക്കുന്ന പുതിയ നയതന്ത്ര പഠന കേന്ദ്രത്തിന്റെ ശിലാസ്ഥാപനവും മോദി നിര്‍വഹിച്ചു. 4.5 ദശലക്ഷം യു.എസ് ഡോളര്‍ ഈ കേന്ദ്രത്തിനായി ഇന്ത്യ ഇതിനകം അനുവദിച്ചിട്ടുണ്ട്.

അഴിമതിക്കേസുകളില്‍ ബെഞ്ചമിന്‍ കുറ്റക്കാരാനാണെന്നതിന് വ്യക്തമായ തെളിവുകളുണ്ടെന്ന് ഇസ്രാഈല്‍ പൊലീസ് കമ്മീഷ്ണര്‍ റോണി അല്‍ഷേയ്ച്ച് അറിയിച്ചു. കേസുകളില്‍ നെതന്യാഹുവിനെതിരെ അന്വേഷണം നടക്കുകയാണ്. ആസ്‌ട്രേലിയന്‍ കോടീശ്വരനായ ജെയിംസ് പാക്കറില്‍ നിന്ന് 1000 റിവോള്‍വറുകള്‍ നിയമവിരുദ്ധമായി വാങ്ങിയെന്നതാണ് നെതന്യാഹുവിനെതിരെയുള്ള ആദ്യത്തെ കേസ്. ഇസ്രാഈല്‍ മാധ്യമമായ ഹായോമുമായി ചേര്‍ന്ന് നടത്തിയിട്ടുള്ള ഒരു രഹസ്യ ഡീലാണ് രണ്ടാമത്തെ കേസ്. ജര്‍മ്മനിയില്‍ നിന്ന് വാങ്ങിയ അന്തര്‍വാഹിനിക്കപ്പലുമായി ബന്ധപ്പെട്ട കേസാണ് മൂന്നാമത്തേത്. ഇതില്‍ മൂന്നിലും തെളിവുകളുടെ അടിസ്ഥാനത്തിലാണ് നെതന്യാഹുവിനെതിരെ കുറ്റം ചുമത്തിയിട്ടുള്ളത്.

അതേസമയം, വിഷയത്തില്‍ പ്രതികരണവുമായി നെതന്യാഹു രംഗത്തെത്തി. തനിക്കെതിരെയുള്ള എല്ലാ ആരോപണങ്ങളും അദ്ദേഹം നിഷേധിച്ചു. ഫേസ്ബുക്കില്‍ ബുധനാഴ്ച്ച പോസ്റ്റ് ചെയ്ത വീഡിയോയില്‍ താന്‍ നിരപരാധിയാണെന്നും നെതന്യാഹു പറഞ്ഞു. എന്നാല്‍ നെതന്യാഹു പ്രധാനമന്ത്രി സ്ഥാനം ഒഴിയേണ്ട സാഹചര്യമില്ലെന്നാണ് നിയമവിദഗ്ധരുടെ നിരീക്ഷണം.

കഴിഞ്ഞയാഴ്ച്ചയാണ് ഒരാളുടെ മരണത്തിലേക്ക് നയിച്ച വെടിവെപ്പുണ്ടായത്. ഈ വെടിവെപ്പ് നടത്തിയെന്നാരോപിച്ചാണ് ഫലസ്തീനിയായ അഹമ്മദ് ജരാറിനെ(22) ഇസ്രായേല്‍ സൈന്യം കൊലപ്പെടുത്തിയത്. 2002-ല്‍ ഇസ്രായേല്‍ സൈന്യം അഹമ്മദിന്റെ പിതാവായ ഹമാസ് ലീഡറെ കൊലപ്പെടുത്തിയിരുന്നു. റാസിയല്‍ ശെവാഹ് (35)എന്നയാള്‍ക്കാണ് വെടിയേറ്റത്. ഇയാള്‍ പിന്നീട് മരിക്കുകയും ചെയ്തു. ഇതിനെതുടര്‍ന്ന് അഹമ്മദ് ജരാറാണ് വെടിവെച്ചതെന്നാരോപിച്ച് ഇയാളെ കൊല്ലുകയും മറ്റൊരാളെ അറസ്റ്റ് ചെയ്യുകയുമായിരുന്നു.