IT raid – Chandrika Daily https://www.chandrikadaily.com Wed, 17 Jan 2018 16:32:22 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg IT raid – Chandrika Daily https://www.chandrikadaily.com 32 32 ഐ.ടി പ്രഫഷണല്‍ സര്‍ട്ടിഫിക്കേഷന്‍ കോഴ്‌സുമായി ഗൂഗിള്‍ https://www.chandrikadaily.com/google-launches-new-it-course-offers-access-to-jobs-and-scholarships.html https://www.chandrikadaily.com/google-launches-new-it-course-offers-access-to-jobs-and-scholarships.html#respond Wed, 17 Jan 2018 16:16:56 +0000 http://www.chandrikadaily.com/?p=65508 ന്യൂയോര്‍ക്ക്: ഐ.ടി മേഖലയിലെ തൊഴില്‍ അന്വേഷകര്‍ക്ക് പിന്തുണയുമായി ഇന്റര്‍നെറ്റ് ഭീമന്‍ ഗൂഗിളിന്റെ പ്രഫഷണല്‍ സര്‍ട്ടിഫിക്കേഷന്‍ കോഴ്‌സ്. ഇതാദ്യമായാണ് ഗൂഗിള്‍ ഇത്തരമൊരു പദ്ധതി ആവിഷ്‌കരിക്കുന്നത്. ഐ.ടി രംഗത്ത് അടിസ്ഥാന അറിവുകളുള്ള വിദ്യാര്‍ത്ഥികള്‍ക്കും ഉദ്യോഗാര്‍ത്ഥികള്‍ക്കും ഓണ്‍ലൈന്‍ കോഴ്‌സ് വഴി സര്‍ട്ടിഫിക്കേഷന് അവസരം ഒരുക്കുകയും അതുവഴി തൊഴില്‍ രംഗത്ത് പുതിയ ചുവടു വെപ്പിന് സഹായിക്കുകയുമാണ് ലക്ഷ്യമെന്ന് ഗൂഗിള്‍ വ്യക്തമാക്കി.

കസ്റ്റമര്‍ സര്‍വീസ്, നെറ്റ്‌വര്‍ക്കിങ്, ഓപ്പറേറ്റിങ് സിസ്റ്റം, സിസ്റ്റം അഡ്മിനിസ്‌ട്രേഷന്‍, ഓട്ടോമേഷന്‍, സെക്യൂരിറ്റി തുടങ്ങിയ വിഭാഗങ്ങൡലാണ് സര്‍ട്ടിഫിക്കേഷന്‍ കോഴ്‌സുകള്‍ ആരംഭിക്കുക. പ്രഫഷണല്‍ വിദ്യാഭ്യാസ യോഗ്യതയോ ഐ.ടി രംഗത്ത് മുന്‍ പരിചയമോ ഇല്ലാത്ത ആര്‍ക്കും സര്‍ട്ടിഫിക്കേഷന്‍ കോഴ്‌സില്‍ അംഗമാകാം എന്നതാണ് ഏറ്റവും വലിയ പ്രത്യേകത.

64 മണിക്കൂര്‍ ദൈര്‍ഘ്യമുള്ള വീഡിയോ പഠന സഹായിയാണ് ഗൂഗിള്‍ തയ്യാറാക്കുന്നത്. ക്ലാസ്, ലാബ് പരിശീലനം, ഇന്ററാക്ടീവ് അസസ്‌മെന്റുകള്‍ എന്നിവ അടങ്ങിയതാണിത്. ഇതിനു ശേഷം ഉദ്യോഗാര്‍ത്ഥിയുടെ മികവ് തെളിയിക്കുന്നതിന് ഓണ്‍ലൈന്‍ വഴി തന്നെ പരീക്ഷയും നടക്കും. ഇവ വിജയകരമായി പൂര്‍ത്തിയാക്കിയാല്‍ ഗൂഗിളിന്റെ സാക്ഷ്യപത്രം ലഭിക്കും. ബാങ്ക് ഓഫ് അമേരിക്ക, ഇന്‍ഫോസിസ് തുടങ്ങി വന്‍കിട സ്ഥാപനങ്ങളില്‍ ഉള്‍പ്പെടെ അംഗീകാരമുള്ളതായിരിക്കും സര്‍ട്ടിഫിക്കറ്റെന്നും ഗൂഗിള്‍ വ്യക്തമാക്കി.

ജനുവരി 23ന് ആദ്യ കോഴ്‌സ് ആരംഭിക്കും. പ്രതിമാസം 49 യു.എസ് ഡോളര്‍(ഏകദേശം 3100 രൂപ) ആയിരിക്കും കോഴ്‌സ് ഫീ.എട്ടു മുതല്‍ 12 മാസം വരെയായിരിക്കും പഠന കാലയളവെന്നും ഗൂഗിള്‍ വാര്‍ത്താ കുറിപ്പില്‍ വ്യക്തമാക്കി.

]]> https://www.chandrikadaily.com/google-launches-new-it-course-offers-access-to-jobs-and-scholarships.html/feed 0 നടന്‍ ശരത്കുമാറിന്റെയും തമിഴ്‌നാട് ആരോഗ്യമന്ത്രിയുടെയും വീട്ടില്‍ റെയ്ഡ് https://www.chandrikadaily.com/raid.html https://www.chandrikadaily.com/raid.html#respond Fri, 07 Apr 2017 05:08:36 +0000 http://www.chandrikadaily.com/?p=25288 ചെന്നൈ: തെന്നിന്ത്യന്‍ താരം ശരത്കുമാറിന്റെയും തമിഴ്‌നാട് ആരോഗ്യമന്ത്രി സി.വിജയ് ഭാസ്‌കറിന്റെയും വീട്ടില്‍ ആദായ നികുതി വകുപ്പിന്റെ റെയ്ഡ്. ഇന്നു രാവിലെ ആറു മണിയോടെയാണ് ആദായ നികുതി വകുപ്പ് ഇരുവരുടെയും വീടുകളില്‍ പരിശോധന ആരംഭിച്ചത്. ആര്‍കെ നഗര്‍ ഉപതെരഞ്ഞെടുപ്പില്‍ വോട്ടര്‍മാരെ സ്വാധീനിക്കാന്‍ ശ്രമിച്ചുവെന്ന ആരോപണത്തെത്തുടര്‍ന്നാണ് റെയ്ഡ്. മന്ത്രി വിജയ് ഭാസ്‌കറിന്റെ വീട് ഉള്‍പ്പെടെ 32 സ്ഥലങ്ങളില്‍ പരിശോധന നടക്കുകയാണ്. ശശികല പക്ഷത്തിന്റെ സ്ഥാനാര്‍ത്ഥി ടിടിവി ദിനകരന് ശരത്കുമാറിന്റെ പാര്‍ട്ടി കഴിഞ്ഞ ദിവസം പിന്തുണ പ്രഖ്യാപിച്ചിരുന്നു. ദിനകരന് വോട്ടു ചെയ്യുന്നതിനായി ചിലര്‍ പണം നല്‍കുന്നതിന്റെ വീഡിയോ ദൃശ്യങ്ങള്‍ സമൂഹമാധ്യമങ്ങളിലൂടെ പ്രചരിച്ചിരുന്നു. പണം നല്‍കലിനു പിന്നില്‍ വിജയ്ഭാസ്‌ക്കറാണെന്നും ശരത്കുമാറിനു ഇതില്‍ പങ്കുണ്ടെന്നും ആരോപണമുയര്‍ന്നിട്ടുണ്ട്. തെരഞ്ഞെടുപ്പ് നടക്കാന്‍ ദിവസങ്ങള്‍ മാത്രം ബാക്കിനില്‍ക്കെ ആരോഗ്യമന്ത്രിയുടെ വീട്ടിലെ റെയ്ഡ് പഴനിസ്വാമി മന്ത്രിസഭക്ക് തിരിച്ചടിയായിട്ടുണ്ട്.

]]> https://www.chandrikadaily.com/raid.html/feed 0