നേരത്തെ യുവേഫ നാഷന്‍സ് ലീഗില്‍ ജര്‍മ്മനിയും നെതര്‍ലാന്‍ഡ്സും നേര്‍ക്കുനേര്‍ ഏറ്റമുട്ടിയപ്പോള്‍ ആരാധകര്‍ കാഴ്ച്ചക്കാരായത് വീറും വാശിയും നിറഞ്ഞ പോരാട്ടത്തിനാണ്. ത്രില്ലടിപ്പിച്ച മത്സരം 2-2 എന്ന സ്‌കോറില്‍ സമനിലയിലാണ് അവസാനിച്ചത്. എന്നാല്‍ ഇപ്പോള്‍ ഒരുമാസത്തിന് ശേഷം ഇരു ടീമുകളും നേര്‍ക്കുനേര്‍ എത്തുകയാണ്. മൂന്ന് മത്സരങ്ങളിലായി ഏഴ് പോയിന്റുള്ള ജര്‍മ്മനി ഒന്നാം സ്ഥാനം അടയാളപ്പെടുത്താന്‍ നില്‍ക്കെ ജര്‍മ്മനിയെ പരാജയപ്പെടുത്തി ഒന്നാം സ്ഥാനത്തേക്ക് എത്തുമെന്ന പ്രതീക്ഷയിലായിരിക്കും നെതര്‍ലാന്‍ഡ്സ കളത്തില്‍ ഇറങ്ങുക. ഗ്രൂപ്പ് രണ്ടിലാകട്ടെ മുന്‍ചാമ്പ്യന്‍മാരായ ഫ്രാന്‍സ് ബെല്‍ജിയത്തെയാണ് നേരിടുന്നത്. മൂന്നാം വട്ടവും വിജയിച്ച് പോയിന്റ് പട്ടികയില്‍ ഒന്നാം സ്ഥാനത്തേക്ക് കുതിക്കാനുള്ള തയ്യാറെടുപ്പുമായിട്ടായിരിക്കും ഫ്രാന്‍സ് എത്തുക. എന്നാല്‍ കഴിഞ്ഞ മത്സരത്തില്‍ ബെല്‍ജിയം ഇറ്റലിയുമായി സമനില നേടിയിരുന്നു. ഇതുവരെ തോല്‍ക്കാത്ത് ഇറ്റലി ഇന്ന് ഇസ്രാഈലിനെതിരെ കളത്തിലിറങ്ങും.

ഞായറാഴ്ച ഇസ്താംബുള്‍സ്പറിനെതിരെ ബൊനൂച്ചി മത്സരിച്ചിരുന്നു. മത്സരത്തില്‍ ഫെനര്‍ബാഷെ 6-0ന് വിജയിച്ചു. ഒരു ട്രോഫിയോടു കൂടി കരിയര്‍ അവസാനിപ്പിക്കാനാണ് ആഗ്രഹമെന്ന് ബൊനൂച്ചി വ്യക്തമാക്കി. തുര്‍ക്കിഷ് ക്ലബില്‍ കിരീടത്തോട് അടുത്തു നില്‍ക്കുകയാണ് ഫെനര്‍ബാഷെ.

2005-ല്‍ ഇന്റര്‍മിലാനിലൂടെയാണ് ബൊനൂച്ചിയുടെ തുടക്കം. യുവന്റസില്‍ 12 സീസണ്‍ ചെലവഴിച്ചു. എ.സി. മിലാന്‍, ട്രെവിസോ, പിസ, ബാരി, യൂണിയന്‍ ബെര്‍ലിന്‍ എന്നീ ക്ലബുകള്‍ക്ക് വേണ്ടി ബൂട്ടുകെട്ടി. ടൂറിനിലായിരിക്കേ ഒന്‍പത് സീരി എ കപ്പുകള്‍ ഉള്‍പ്പെടെ 19 പ്രധാന കിരീടങ്ങള്‍ നേടി. ഇറ്റാലിയന്‍ ടീമില്‍ 121 തവണ കളിച്ച ബൊനൂച്ചി 2010, 2014 ലോകകപ്പ് ടീമില്‍ അംഗമായിരുന്നു. 2020-ല്‍ ഇറ്റലി വിജയിച്ച യൂറോ കപ്പിലും പ്രധാന അംഗമായിരുന്നു.

”ഇസ്രാഈല്‍ സൈനികര്‍ ചര്‍ച്ചിനുനേരെ നടത്തിയ ആക്രമണത്തില്‍ 2 സ്ത്രീകളാണു കൊല്ലപ്പെട്ടത്. ഇതും ഹമാസിനെതിരെയുള്ള യുദ്ധവും തമ്മില്‍ ഒരു ബന്ധവുമില്ല. ഭീകരവാദികള്‍ ക്രിസ്ത്യന്‍ പള്ളിക്കകത്തല്ല ഒളിവില്‍ കഴിയുന്നത്”-അന്റോണിയോ തജാനി വ്യക്തമാക്കി.

ഗസ്സയിലെ ഇസ്രാഈല്‍ ആക്രമണത്തെ ഇറ്റാലിയന്‍ ഭരണകൂടം പിന്തുണയ്ക്കുന്നുണ്ട്. ഹമാസിനെതിരെ അന്റോണിയോ തജാനി തന്നെ നേരത്തെ രംഗത്തെത്തിയിരുന്നു. നിരായുധരായ സിവിലിന്മാര്‍ക്കെതിരായ ഇസ്രാഈല്‍ ആക്രമണത്തെ ശക്തമായി അപലപിക്കുന്നതായി തജാനി നേരത്തെ വ്യക്തമാക്കിയിരുന്നു.

എന്നാല്‍, ഇസ്രാഈലിന്റെ തിരിച്ചടിയും ആനുപാതികമാകണമെന്നും അദ്ദേഹം ആവശ്യപ്പെട്ടു. സാധാരണക്കാര്‍ക്കുനേരെ ആക്രമണമുണ്ടാകരുതെന്നായിരുന്നു ഇറ്റാലിയന്‍ വിദേശകാര്യ മന്ത്രി ആവശ്യപ്പെട്ടത്.

കഴിഞ്ഞ ദിവസം രാത്രിയാണ് ഗസ്സ സിറ്റിയിലെ ഹോളി ഫാമിലി കത്തോലിക്കാ പള്ളിയുടെ മുറ്റത്ത് ഇസ്രായേല്‍ ആക്രമണമുണ്ടായത്. ഗസ്സ സ്വദേശികളായ നഹീദ എന്ന വയോധികയും മകള്‍ സമറുമാണ് ആക്രമണത്തില്‍ കൊല്ലപ്പെട്ടത്. ജറൂസലമിലെ ലത്തീന്‍ പാത്രിയാര്‍ക്കീസ് പുറത്തുവിട്ട വാര്‍ത്തയില്‍ ഫ്രാന്‍സിസ് മാര്‍പാപ്പ നടുക്കം രേഖപ്പെടുത്തുകയും ചെയ്തിരുന്നു.

ലോക്ഡൗണ്‍ നിയന്ത്രണങ്ങള്‍ ലംഘിച്ച് നടന്നു പോകുന്ന ആളെ പുലര്‍ച്ചെ 2 മണിയോടു കൂടിയാണ് പൊലീസ് പിടികൂടിയത്. ഒരാഴ്ചയായി താന്‍ നടക്കുകയായിരുന്നുവെന്ന് ഇയാള്‍ പറഞ്ഞെങ്കിലും പൊലീസുകാര്‍ വിശ്വസിച്ചില്ല. എന്നാല്‍ തുടര്‍ന്ന് നടത്തിയ അന്വേഷണത്തില്‍ ഒരാഴ്ചമുമ്പ് ഇയാളെ കാണാതായെന്നു കാണിച്ച് ഭാര്യ പൊലീസില്‍ പരാതി നല്‍കിയിട്ടുണ്ടെന്നു വ്യക്തമായി.

വഴിയില്‍ പരിചയപ്പെട്ടവരില്‍നിന്ന് ഭക്ഷണം വാങ്ങിയാണ് ഈ ദിവസങ്ങളില്‍ കഴിച്ചത്. ശരാശരി 60 കിലോമീറ്റര്‍ വീതം ഓരോ ദിവസവും നടന്നു. മറ്റു യാത്രാ സൗകര്യങ്ങളൊന്നും ഉപയോഗിച്ചില്ല. മനസ്സിനെ ശാന്തമാക്കാനാണ് നടത്തം തുടങ്ങിയതെന്നും എന്നാല്‍ ഇത്ര ദൂരം പിന്നിട്ടെന്ന് അറിയില്ലായിരുന്നുവെന്നും ഇയാള്‍ പൊലീസിനോട് പറഞ്ഞു.

ഫാനോയിലെത്തി ഭാര്യ ഇയാളെ കൂട്ടിക്കൊണ്ടു പോയി. ലോക്ഡൗണ്‍ നിയന്ത്രണങ്ങള്‍ ലംഘിച്ചതിന് ഇയാളില്‍നിന്ന് 400 യൂറോ പിഴ ഈടാക്കിയതായി റിപ്പോര്‍ട്ടുകള്‍ സൂചിപ്പിക്കുന്നു.

മരണനിരക്ക് ആദ്യഘട്ടത്തില്‍ ഉണ്ടായിരുന്ന അത്ര ഇല്ല എന്നതു മാത്രമാണ് ആശ്വാസം. ഒന്നാംഘട്ടത്തില്‍ പ്രതിദിന മരണ നിരക്ക് 900 വരെ ഉണ്ടായിരുന്നു. തീവ്രപരിചരണത്തില്‍ പ്രവേശിപ്പിച്ചവരുടെ എണ്ണം 586 ല്‍ നിന്ന് 638 ആയി ഉയര്‍ന്നു. അതേ സമയം കേസ് വര്‍ധിക്കുന്നതോടെ മരണ നിരക്ക് കൂടാനും അതുവഴി രാജ്യത്ത് പഴയ പടി തുടരാനും സാധ്യതയുണ്ട്.

രണ്ടാംഘട്ടം രൂക്ഷമായതോടെ രാജ്യത്ത് കടുത്ത നിയന്ത്രണങ്ങളാണ് ഏര്‍പ്പെടുത്തുന്നത്. കോവിഡ് മഹാമാരി പൊട്ടിപ്പുറപ്പെട്ടപ്പോള്‍ യൂറോപ്പില്‍ ഏറ്റവും അധികം ബാധിച്ച രാജ്യമാണ് ഇറ്റലി. ബ്രിട്ടന്‍ കഴിഞ്ഞാല്‍ കോവിഡ് ബാധിച്ച് ഏറ്റവും കൂടുതല്‍ പേര്‍ മരിച്ച രണ്ടാമത്തെ യൂറോപ്പ്യന്‍ രാജ്യവും ഇറ്റലിയാണ്.

കടല്‍ കടന്നെത്തുന്ന ഒരു അഭയാര്‍ത്ഥിയെയും രാജ്യത്ത് കാലുകുത്താന്‍ അനുവദിക്കില്ലെന്ന് ഇറ്റാലിയന്‍ ആഭ്യന്തര മന്ത്രി മാറ്റിയോ സാല്‍വനി. ഒട്ടേറെ അഭയാര്‍ത്ഥികളാണ് ഇറ്റലിയിലേക്ക് കടല്‍ മാര്‍ഗം എത്തുന്നത്. ഇനി ഒരു കാരണവശാലും അഭയാര്‍ത്ഥികളെ സ്വീകരിക്കില്ല. സ്ത്രീകളുടെയും കുട്ടികളുടെയും പേരില്‍ അഭയാര്‍ത്ഥികളെ സ്വീകരിക്കാന്‍ പലരും പ്രേരിപ്പിക്കുകയാണ്. ഇത് അനുവദിക്കില്ല. ഇറ്റലിയിലേക്ക് വരണമെന്നാഗ്രഹിക്കുന്നവര്‍ക്ക് ആകാശ മാര്‍ഗം എത്താം. ഞങ്ങള്‍ അതിനെ സ്വാഗതം ചെയ്യുന്നു. 2014ന് ശേഷം 6.4 ലക്ഷം പേരാണ് കടല്‍ മാര്‍ഗം രാജ്യത്തെത്തിയത്. മുന്‍പും കുടിയേറ്റത്തെ മാറ്റിയോ എതിര്‍ത്തിരുന്നു. ഇറ്റലിയിലെ തുറമുഖങ്ങളില്‍ അഭയാര്‍ത്ഥികളെ രക്ഷിക്കാനായി ഇറക്കിയ ബോട്ട് പിന്‍വലിച്ചിരുന്നു.

മാഡ്രിഡ്: ഇറ്റലിയും മാള്‍ട്ടയും പ്രവേശനം നിഷേധിച്ചതിനെ തുടര്‍ന്ന് കടലില്‍ കുടുങ്ങിയ 630 അഭയാര്‍ത്ഥികളും സ്‌പെയിനിലെ വലന്‍സിയ തുറമുഖത്തെത്തി. അഭയാര്‍ത്ഥികള്‍ക്ക് സൗജന്യ ചികിത്സയും ഭക്ഷണവും നല്‍കുമെന്ന് സ്പാനിഷ് ഭരണകൂടം അറിയിച്ചു. ഡോക്ടേഴ്‌സ് വിത്തൗട്ട് ബോര്‍ഡേഴ്‌സിനു കീഴില്‍ പ്രവര്‍ത്തിക്കുന്ന ദ അക്വാറിയസ് കപ്പല്‍ ഞായറാഴ്ച പുലര്‍ച്ചയോടെയാണ് തുറമുഖത്തെത്തിയത്.
ഒരു മാനുഷിക ദുരന്തം ഒഴിവാക്കാന്‍ സഹായിക്കുകയും മനുഷ്യാവകാശ ബാധ്യതകള്‍ ഏറ്റെടുത്ത് അഭയാര്‍ത്ഥികള്‍ക്ക് തുറമുഖം തുറന്നുകൊടുക്കേണ്ടതും സ്‌പെയിനിന്റെ ചുമതലയാണെന്ന് പ്രധാനമന്ത്രി പെട്രോ സാന്‍ചെസ് പറഞ്ഞു. വലന്‍സിയ തുറമുഖത്ത് ഇറങ്ങിയ അഭയാര്‍ത്ഥികളെ സഹായിക്കാനും പരിചരിക്കാനും ആരോഗ്യ പ്രവര്‍ത്തകരും ദ്വിഭാഷികളും ഉണ്ടായിരുന്നു. അഭയാര്‍ത്ഥികളെ സ്വീകരിക്കാന്‍ 1000 റെഡ്‌ക്രോസ് പ്രവര്‍ത്തകരും എത്തിയിരുന്നു.
മെഡിറ്ററേനിയന്‍ കടലില്‍നിന്ന് രക്ഷപ്പെടുത്തിയ അഭയാര്‍ത്ഥികളെ കയറ്റിയ കപ്പലിന് തുറമുഖം തുറന്നുകൊടുക്കാന്‍ ഇറ്റലി തയാറായിരുന്നില്ല. ബോട്ടുകളിലെത്തിയ അഭയാര്‍ത്ഥികള്‍ 20 മണിക്കൂറോളം കടലില്‍ കുടുങ്ങിക്കിടന്ന ശേഷമാണ് അക്വാറിയസ് കപ്പല്‍ സഹായ ഹസ്തവുമായെത്തിയത്. ദിവസങ്ങളോളം കടലില്‍ കഴിഞ്ഞ അഭയാര്‍ത്ഥികളുടെ ആരോഗ്യസ്ഥിതി വളരെ മോശമായിരുന്നുവെന്ന് സന്നദ്ധ സംഘടനകള്‍ അറിയിച്ചു. വലന്‍സിയ തുറമുഖത്തെത്തിയ അഭയാര്‍ത്ഥികള്‍ 26 രാജ്യങ്ങളില്‍നിന്നുള്ളവരാണ്. സുഡാന്‍, നൈജീരിയ അഭയാര്‍ത്ഥികളാണ് ഏറ്റവും കൂടുതല്‍.
അഫ്ഗാനിസ്താന്‍, പാകിസ്താന്‍, ബംഗ്ലാദേശ് എന്നീ രാജ്യങ്ങളില്‍നിന്നുള്ളവരും അഭയാര്‍ത്ഥി സംഘത്തിലുണ്ട്. 13 വയസിന് താഴെയുള്ള 11 കുട്ടികളും ഏഴ് ഗര്‍ഭിണികളും ഇവരോടൊപ്പമുണ്ടെന്ന് രക്ഷാപ്രവര്‍ത്തകര്‍ അറിയിച്ചു.

മാഡ്രിഡ്: ഇറ്റലിയും മാള്‍ട്ടയും പ്രവേശനാനുമതി നിഷേധിച്ചതിനെത്തുടര്‍ന്ന് നടുക്കടലില്‍ കുടുങ്ങിയ അഭയാര്‍ത്ഥികള്‍ക്ക് രക്ഷകരായി സ്‌പെയിന്‍. മെഡിറ്ററേനിയന്‍ കടലില്‍ കുടുങ്ങിയ 629 അഭയാര്‍ത്ഥികള്‍ക്കാണ് സ്‌പെയിന്‍ സ്വാഗതമോതിയത്. ഇവരെ രാജ്യത്തേക്ക് സ്വീകരിക്കുമെന്ന് സ്‌പെയിന്‍ വ്യക്തമാക്കി. വലന്‍സിയ തുറമുഖത്ത് കപ്പല്‍ നങ്കൂരമിടാന്‍ അനുമതി നല്‍കാന്‍ സ്പാനിഷ് പ്രധാനമന്ത്രി പെഡ്രോ സാഞ്ചസ് നിര്‍ദേശം നല്‍കി. പ്രധാനമന്ത്രിയായി ചുമതലയേറ്റതിനു ശേഷം സാഞ്ചസ് കൈക്കൊള്ളുന്ന സുപ്രധാന തീരുമാനമാണിത്.
123 കുട്ടികളും ഏഴു ഗര്‍ഭിണികളുമടക്കം 629 അഭയാര്‍ത്ഥികളാണ് മെഡിറ്ററേനിയന്‍ കടലില്‍ കുടുങ്ങിയത്. ഇവരെ രക്ഷിച്ച എംവി അക്വാറിയൂസ് കപ്പലിനെ തീരത്ത് അടുക്കാന്‍ അനുവദിക്കാതെ ഇറ്റലിയും മാള്‍ട്ടയും തുറമുഖങ്ങള്‍ അടച്ചിട്ടിരുന്നു.
മനുഷ്യക്കടത്ത് അനുവദിക്കേണ്ടെന്നാണ് രാജ്യത്തിന്റെ തീരുമാനമെന്നായിരുന്നു ഇറ്റാലിയന്‍ പ്രധാനമന്ത്രി മറ്റിയോ സാല്‍വിനിയുടെ പ്രതികരണം. മാള്‍ട്ടയെ സമീപിക്കാന്‍ ഇറ്റലി ആവശ്യപ്പെട്ടെങ്കിലും ഇറ്റലിയാണ് തീരത്ത് അടുപ്പിക്കാന്‍ അനുമതി നല്‍കേണ്ടതെന്ന് നിലപാടില്‍ മാള്‍ട്ടയും ഉറച്ചു നിന്നതാണ് അഭയാര്‍ത്ഥികളെ ദുരിതത്തിലാക്കിയത്.

റോം: ഇറ്റലിയില്‍ പുതിയ സര്‍ക്കാര്‍ രൂപീകരിക്കാനുള്ള പുതിയ പ്രധാനമന്ത്രി ജൂസപ്പെ കോണ്ടിയുടെ ശ്രമം പരാജയപ്പെട്ടതോടെ രാഷ്ട്രീയ പ്രതിസന്ധി മൂര്‍ച്ഛിച്ചു. യൂറോപ്യന്‍ യൂണിയന്റെ കടുത്ത വിമര്‍ശകനായ പവോല സവോനയെ ധനമന്ത്രിയാക്കാനുള്ള നീക്കത്തെ പ്രസിഡന്റ് സെര്‍ജിയോ മാറ്ററെല്ല എതിര്‍ത്തതാണ് സര്‍ക്കാര്‍ രൂപീകരണത്തിന് തിരിച്ചടിയായത്. മ
ന്ത്രിസഭാംഗങ്ങളുടെ പട്ടിക ചര്‍ച്ച ചെയ്യാന്‍ മാറ്ററെല്ലയെ കണ്ടതിന് ശേഷമാണ് സര്‍ക്കാര്‍ രൂപീകരണ ശ്രമം ഉപേക്ഷിക്കുന്നതായി കോണ്ടി അറിയിച്ചത്. മാര്‍ച്ചില്‍ നടന്ന തെരഞ്ഞെടുപ്പില്‍ ഫൈവ്‌സ് സ്റ്റാര്‍ മൂവ്‌മെന്റാണ് ഏറ്റവും വലിയ ഒറ്റകക്ഷി.
ദ ലീഗിന്റെ നേതൃത്വത്തിലുള്ള വലതുപക്ഷ സഖ്യം രണ്ടാം സ്ഥാനത്താണ്. ഒരുമിച്ചുനില്‍ക്കാന്‍ സാധിക്കാത്ത വിധം കടുത്ത അഭിപ്രായ ഭിന്നതയുള്ള ഇരുപാര്‍ട്ടികളെയും കൂട്ടിയോജിപ്പിച്ച് മന്ത്രിസഭയുണ്ടാക്കാന്‍ ഏറെ ശ്രമിച്ചെന്നും പവോലയുടെ നിയമനത്തെ പ്രസിഡന്റ് എതിര്‍ത്തത് തിരിച്ചടിയായെന്നും കോണ്ടി അറിയിച്ചു.
രാഷ്ട്രീയ പ്രതിസന്ധിക്ക് പരിഹാരമായി സര്‍ക്കാറുണ്ടാക്കാന്‍ നടത്തിയ അവസാന നീക്കവും പരാജയപ്പെട്ടതോടെ രാജ്യത്ത് വീണ്ടും തെരഞ്ഞെടുപ്പ് വേണ്ടിവരുമെന്ന് ഉറപ്പായി. അടുത്ത തെരഞ്ഞെടുപ്പ് ജൂലൈയില്‍ ആയിരിക്കുമെന്നാണ് സൂചന.
അതേസമയം പാവലോയുടെ നിയമനം തള്ളി സര്‍ക്കാര്‍ രൂപീകരണ ശ്രമം പരാജയപ്പെടുത്തിയ പ്രസിഡന്റ് മാറ്ററെല്ലയെ ഇംപീച്ച്‌ചെയ്യണമെന്ന ആവശ്യം ശക്തമായിട്ടുണ്ട്. പാവലോയുടെ യൂറോപ്യന്‍ യൂണിയന്‍ വിരുദ്ധ നിലപാടാണ് പേര് തള്ളാനുള്ള കാരണമായി മാറ്ററെല്ല ചൂണ്ടിക്കാട്ടിയത്. ഇറ്റാലിയന്‍ നിയമപ്രകാരം മന്ത്രിമാരുടെ നിയമനങ്ങള്‍ വീറ്റോ ചെയ്യാന്‍ പ്രസിഡന്റിന് അധികാരമുണ്ട്.
പക്ഷെ, അപൂര്‍വമായി മാത്രമേ പ്രയോഗിക്കാറുള്ളൂ. ഇറ്റലിയില്‍ പ്രസിഡന്റ് പദം ആലങ്കാരികമാണെങ്കിലും അദ്ദേഹത്തിന് ചില വിശേഷാധികാരങ്ങളുണ്ട്. പ്രധാനമന്ത്രി ഉള്‍പ്പെടെ മന്ത്രിമാരുടെ നിയമനങ്ങള്‍ തീരുമാനിക്കുന്നത് പ്രസിഡന്റാണ്. അനിവാര്യ ഘട്ടത്തില്‍ പാര്‍ലമെന്റ് പിരിച്ചുവിടാനും അദ്ദേഹത്തിന് അധികാരമുണ്ട്.