ചെന്നൈ: ഇതിഹാസതുല്യം ഈ പുരുഷാരം. അഭിമാനകരമായ അസ്തിത്വം ഉയര്‍ത്തിപ്പിടിച്ച് ഭാവിയിലേക്കുള്ള പുതുകുതിപ്പിന് ഊര്‍ജം പ്രസരിപ്പിക്കുമെന്ന പ്രതിജ്ഞയുമായി ഹരിത മഹാസാഗരം ചെന്നൈയെ അക്ഷരാര്‍ത്ഥത്തില്‍ കീഴടക്കി. മുസ്‌ലിം ലീഗ് എഴുപത്തഞ്ചാം വാര്‍ഷിക ത്രിദിന മഹാസമ്മേളനത്തിന് പാര്‍ട്ടി പിറന്ന അതേ മണ്ണില്‍ സമാപ്തി കുറിച്ചപ്പോള്‍ അതൊരു നവചരിത്രമായി.

രാജ്യത്തിന്റെ അഷ്ടദിക്കുകളില്‍ നിന്ന് കൊട്ടിവാക്കത്തെ വൈ .എം.സി എ മൈതാനിയില്‍ ഒഴുകി നിറഞ്ഞ പതിനായിരങ്ങളെ സാക്ഷിയാക്കി മതേതര ഇന്ത്യ നവോന്മേഷം വീണ്ടെടുത്തു. മലബാറിലെ പാര്‍ട്ടിയല്ല ഇതെന്ന് വിവിധ സംസ്ഥാനങ്ങളില്‍ നിന്ന് ഒഴുകിയെത്തിയ ജനസാഗരം സാക്ഷി പറഞ്ഞു.ദ്രാവിഡ നായകന്‍ മുത്തുവേല്‍ കരുണാനിധി സ്റ്റാലിന്റെ അനുഗ്രഹാശിസ്സുകള്‍ ശ്രവ്യമധുരം തീര്‍ത്ത സായാഹ്നത്തില്‍ ലീഗ് മഹാസമ്മേളനം സമാപിച്ചു.

ദേശീയ രാഷ്ട്രീയ കാര്യ സമിതി ചെയര്‍മാന്‍ പാണക്കാട് സയ്യിദ് സാദിഖലി തങ്ങള്‍ മഹാസമ്മേളനം ഉദ്ഘാടനം ചെയ്തു. തമിഴ് നാട് മുഖ്യമന്ത്രി എം. കെ. സ്റ്റാലിന്‍ മുഖ്യാതിഥിയായി. ദേശീയ അധ്യക്ഷന്‍ പ്രൊഫ. കെ.എം ഖാദര്‍ മൊയ്തീന്‍ അധ്യക്ഷത വഹിച്ചു.ജനറല്‍ സെക്രട്ടറി പി.കെ. കുഞ്ഞാലിക്കുട്ടി മുഖ്യ പ്രഭാഷണം നടത്തി. തമിഴ്‌നാട് സംസ്ഥാന അധ്യക്ഷന്‍ കെ.എ.എം. അബൂബക്കര്‍ സ്വാഗതം പറഞ്ഞു.

ഇ.ടി. മുഹമ്മദ് ബഷീര്‍ ,ഡോ. അബ്ദുസ്സമദ് സമദാനി , പി.വി. അബ്ദുല്‍ വഹാബ് , നവാസ് ഗനി, അബ്ദുല്‍ റഹ്മാന്‍ ,ഡോ. എം.കെ മുനീര്‍ ,പി .എം എ സലാം ,പാണക്കാട് സയ്യിദ് മുനവ്വറലി തങ്ങള്‍ , പാണക്കാട് സയ്യിദ് അബ്ബാസലി തങ്ങള്‍ ,കെ.പി. എ മജീദ് , കെ.എം. ഷാജി, ഷാജഹാന്‍ ,പി. എം. സാദിഖലി , പി.കെ. ഫിറോസ്, ഫാത്തിമ മുസഫര്‍ തുടങ്ങിയവര്‍ പ്രസംഗിച്ചു. മന്ത്രിമാരായ സുബ്രഹ്മണ്യന്‍ , ജിഞ്ചീ മസ് താന്‍ , സി.പി.എം നേതാവ് ബാലകൃഷ്ണന്‍ തുടങ്ങിയവര്‍ സംബന്ധിച്ചു.

രാജ്യത്ത് നിയമസഭകളില്‍ ജനസംഖ്യാനുപാതിക തെരഞ്ഞെടുപ്പ് സമ്പ്രദായം നടപ്പാക്കുക, ന്യൂനപക്ഷ സ്‌കോളര്‍ഷിപ്പ് പുന: സ്ഥാപിക്കുക, ജാതി സെന്‍സസ് നടത്തുക, അകാരണമായി തടവില്‍ കഴിയുന്നവരെ എത്രയും വേഗം നീതി തീര്‍പ്പാക്കി മോചനം നല്‍കുക തുടങ്ങിയ പ്രമേയങ്ങള്‍ സമ്മേളനം പാസാക്കി.

മുസ്ലിംലീഗ് വിളിച്ചാല്‍ സമ്മേളനത്തിന് തനിക്ക് വരാതിരിക്കാനാവില്ലെന്ന് അദ്ദേഹം നിറഞ്ഞ പുഞ്ചിരിയോടെ പറഞ്ഞു.
ഇനിയും എത്രതവണ വിളിച്ചാലും ഞാന്‍ വരും. ഞാന്‍ വന്നിരിക്കുന്നത് നിങ്ങളില്‍ ഒരുവനായിട്ടാണ്. നമ്മുടെ സമ്മേളനത്തിനാണ്. ഈ സമ്മേളനത്തിലേക്ക് ക്ഷണിച്ച നേതാക്കള്‍ക്ക് നന്ദി അറിയിക്കുന്നു.- അദ്ദേഹം പറഞ്ഞു. ഈ പരിപാടിയില്‍ പങ്കെടുക്കാന്‍ വേണ്ടി കേരളത്തില്‍നിന്ന് വന്ന പ്രിയപ്പെട്ട മലയാളികള്‍ക്ക് എന്റെ വണക്കം എന്ന് മലയാളത്തില്‍ അദ്ദേഹം പറഞ്ഞതോടെ ജനം ഹര്‍ഷാരവം മുഴക്കി. കലൈഞ്ജറെയും അണ്ണാ അവര്‍കളെയും വളര്‍ത്തിയത് ഇസ്ലാമിക സമൂഹമാണ്. ചെറുപ്പത്തില്‍ മുസ്ലിംകള്‍ നല്‍കിയ പിന്തുണയും സഹകരണവുമെല്ലാം അദ്ദേഹം അനുസ്മരിച്ചു. കലൈഞ്ജകര്‍ക്കൊപ്പമുണ്ടായിരുന്ന പ്രശസ്ത ഗായകന്‍ നാഗൂര്‍ ഹനീഫയെയും അദ്ദേഹം ഓര്‍ത്തെടുത്തു.

തമിഴ്‌നാട്ടില്‍ എല്ലാ മതേതര കക്ഷികളെയും ഒന്നിപ്പിക്കുന്ന ഡി.എം.കെയുടെ നയം രാജ്യത്തിന് മാതൃകയാണെന്ന് പി.കെ. കുഞ്ഞാലിക്കുട്ടി അഭിപ്രായപ്പെട്ടു.

മുസ്ലിംലീഗിന്റെ മഹാ സമ്മേളനത്തില്‍ മതേതര ഇന്ത്യയുടെ ശബ്ദമായ സ്റ്റാലിന്റെ സാന്നിധ്യം ചരിത്രസംഭവമായി മാറിയിരിക്കുകയാണ്.

കഴിഞ്ഞ ലോക്‌സഭാ തെരഞ്ഞെടുപ്പ് കാലത്ത് പാണക്കാട്ടും എത്തിയിരുന്നു. മുസ്‌ലിം ലീഗ് നേതാവ് ഇബ്രാഹിം സുലൈമാന്‍ സേട്ടിന്റെ കുടുംബാംഗമാണ് താനെന്ന് നിസാര്‍ സേട്ട് പറഞ്ഞു. ദരിദ്രര്‍ക്കുള്ള സാധനങ്ങളും ടെന്റും മറ്റുമാണ് വാഹനത്തില്‍. സ്വന്തമായി മെക്കാനിക് ജോലിയും നിസാര്‍ സേട്ട് ചെയ്യുന്നുണ്ട്.