സി.സി.ടി.വി ദൃശ്യങ്ങളെ കുറിച്ച് മാധ്യമപ്രവര്‍ത്തകര്‍ ചോദിച്ചപ്പോഴാണ് റെഡ്ഢി നിര്‍ണായക വെളിപ്പെടുത്തല്‍ നടത്തിയത്. ജയലളിത അഡ്മിറ്റായ ഉടനെ സി.സി.ടി.വി ക്യാമറകള്‍ ഓഫാക്കി. ഐ.സി.യുവില്‍ ഉണ്ടായിരുന്ന രോഗികളെയെല്ലാം മറ്റു വിഭാഗങ്ങളിലേക്ക് മാറ്റി. ആരും തന്നെ കാണുന്നത് ജയലളിതക്ക് താല്‍പര്യമില്ലാത്തതിനാലാണ് സി.സി.ടി.വി ക്യാമറകള്‍ ഓഫാക്കിയത്. തന്റെ കയ്യിലുള്ള എല്ലാ തെളിവുകളും ജയലളിതയുടെ മരണത്തെക്കുറിച്ച് അന്വേഷിക്കുന്ന ജസ്റ്റിസ് എ അറുമുഖസ്വാമി കമ്മീഷന് കൈമാറിയിട്ടുണ്ടെന്നും അദ്ദേഹം പറഞ്ഞു.

ഉടന്‍ തന്നെ സമീപത്തെ സര്‍ക്കാര്‍ ആസ്പത്രിയില്‍ എത്തിച്ചെങ്കിലും മരിച്ചിരുന്നു. 303 ബോള്‍ട്ട് ആക്ഷന്‍ റൈഫിള്‍ ഉപയോഗിച്ച് അരുണ്‍രാജ് കഴുത്തില്‍ വെടിവെച്ചെന്നാണ് വിവരം. അതേസമയം ആത്മഹത്യ ചെയ്യാനുണ്ടായ കാരണത്തെ കുറിച്ച് സൂചനകളൊന്നും ലഭിച്ചിട്ടില്ല. സിറ്റി പൊലീസ് കമ്മീഷണര്‍ എ.കെ വിശ്വനാഥന്‍ സംഭവസ്ഥലം സന്ദര്‍ശിച്ചു. വ്യക്തിപരമായ കാരണങ്ങള്‍ കൊണ്ടാേണാ ജോലി സമ്മര്‍ദ്ദമാണോ ആത്മഹത്യയുടെ കാരണം എന്നത് പരിശോധിക്കുമെന്ന് കമ്മീഷണര്‍ അറിയിച്ചു.

മുഖ്യമന്ത്രി സ്ഥാനം ഒഴിഞ്ഞ ശേഷം രാഷ്ട്രീയ പ്രവര്‍ത്തനം മാത്രമായി തുടരാനായിരുന്നു തീരുമാനം. എന്നാല്‍, താന്‍ മന്ത്രിസഭയില്‍ വേണമെന്ന് നിര്‍ബന്ധം പിടിച്ചത് മോദിയായിരുന്നു. പ്രധാനമന്ത്രിയുടെ നിര്‍ദേശം മാത്രമായിരുന്നില്ല. പാര്‍ട്ടിയുടെ നന്മ കൂടി മുന്നില്‍ കണ്ടാണ് ഇ.പി.എസ് പക്ഷവുമായി കൈകോര്‍ക്കാന്‍ തീരുമാനിച്ചതെന്നും അദ്ദേഹം പറഞ്ഞു. എ.ഐ.എഡി.എം.കെ യോഗത്തിലാണ് പനീര്‍ശെല്‍വം ഇക്കാര്യം വെളിപ്പെടുത്തിയത്.

PM Modi told me ‘To save party you should merge both AIADMK factions.’ I agreed but said that I will not become a minister and will only take party position. PM said ‘no no, you should be a minister& continue with politics,’ and that is why today I am a minister- O Panneerselvam pic.twitter.com/mHSoI5U8Fc

— ANI (@ANI) February 17, 2018

പാര്‍ട്ടിയില്‍ ഒട്ടേറെ പ്രതിസന്ധികളെ നേരിട്ടു. പാര്‍ട്ടി ഒറ്റക്കെട്ടായി മുന്നോട്ടു പോകുമെന്നും പനീര്‍ശെല്‍വം പറഞ്ഞു. ജയലളിതയുടെ മരണത്തോടെയാണ് പനീര്‍ശെല്‍വം മുഖ്യമന്ത്രി പദത്തിലെത്തിയത്. പിന്നീട് മന്ത്രിസ്ഥാനം രാജിവച്ചു. തുടര്‍ന്ന് ജയലളിതയുടെ തോഴി ശശികലയുമായുള്ള ഏറ്റുമുട്ടലിലാണ് തമിഴ്‌നാട് രാഷ്ട്രീയം കണ്ടത്. ഇതിനിടയില്‍ അനധികൃത സ്വത്ത് സമ്പാദന കേസില്‍ ശശികല ജയിലിലായി. പിന്നാലെ ഇ.പി.എസ് മുഖ്യമന്ത്രിയാവുകയും പനീര്‍ശെല്‍വം പാര്‍ട്ടി വിടുകയും ചെയ്തു.

ഒ.പി.എസ്-ഇ.പി.എസ് ലയനത്തിനു പിന്നിലെ രഹസ്യത്തെപ്പറ്റി ആദ്യമായാണ് വെളിപ്പെടുത്തലുണ്ടായത്. ഇരുപക്ഷങ്ങളും കേന്ദ്രസര്‍ക്കാരിന്റെ കളിപ്പാവകളാണെന്നുള്ള ഡി.എം.കെയുടെയും കോണ്‍ഗ്രസിന്റെയും ആരോപണം ശക്തമായിരിക്കെ അതിനെ സാധൂകരിക്കുന്നതാണ് പുതിയ വെളിപ്പെടുത്തല്‍. അതേസമയം ഇക്കാര്യത്തെപ്പറ്റി ബി.ജെ.പി പ്രതികരിച്ചിട്ടില്ല.

നേരത്തേയും ചിന്നമ്മക്കെതിരെ ശശികല പുഷ്പ രംഗത്തെത്തിയിട്ടുണ്ട്. പാര്‍ട്ടിയില്‍ നിന്ന് പുറത്താക്കപ്പെട്ട ശശികല പുഷ്പ ചിന്നമ്മയുടെ ജനറല്‍ സെക്രട്ടറി സ്ഥാനത്തേയും ചോദ്യം ചെയ്തിരുന്നു. എന്നാല്‍ കടുത്ത എതിര്‍പ്പുകള്‍ക്കിടയിലും അണ്ണാഡി.എം.കെ ജനറല്‍ സെക്രട്ടറിയായി ശശികല എത്തുകയായിരുന്നു. അതിനുശേഷമാണ് ഫെബ്രുവരി 9ന് മുഖ്യമന്ത്രിയാവാന്‍ ചിന്നമ്മ രംഗത്തെത്തുന്നത്. എന്നാല്‍ ആ നീക്കങ്ങള്‍ക്ക് തിരിച്ചടിയായിരിക്കുകയാണിപ്പോള്‍. തെരഞ്ഞെടുപ്പ് കമ്മീഷന്‍ പാര്‍ട്ടിയോട് വിശദീകരണം ആവശ്യപ്പെട്ടിരിക്കുകയാണ്. എങ്ങനെയാണ് ശശികല ജനറല്‍ സെക്രട്ടറിയായതെന്ന് വിശദീകരിക്കാന്‍ അണ്ണാഡിഎം.കെയോട് തെരഞ്ഞെടുപ്പ് കമ്മീഷന്‍ ആവശ്യപ്പെട്ടു. ശശികല മുഖ്യമന്ത്രിയാകുന്നതുമായി ബന്ധപ്പെട്ട് നാളെ എംഎല്‍എമാരുടെ യോഗം നടക്കുന്നുണ്ട്. ഈ യോഗത്തില്‍ ഈ വിഷയവും ഇതോടെ ചര്‍ച്ചയാകും.

അണ്ണാഡി.എം.കെ പാര്‍ട്ടി ഘടനയും ചട്ടങ്ങളും പാലിക്കാതെയായിരുന്നു പെട്ടെന്നുള്ള ശശികലയുടെ അധികാരമേറ്റെടുക്കല്‍. പാര്‍ട്ടി ഭരണഘടന പ്രകാരം പാര്‍ട്ടി ജനറല്‍ സെക്രട്ടറിയാകാനുള്ള യോഗ്യതകള്‍ ഇല്ലെന്ന് പാര്‍ട്ടിയില്‍ നിന്നു തന്നെ ഒരു വിഭാഗം ഉന്നയിച്ചിരുന്നു.

‘മുഖ്യമന്ത്രി സുഖം പ്രാപിച്ചു വരികയാണെന്നും ഭക്ഷണം കഴിച്ചു തുടങ്ങിയെന്നും രേഖകളില്‍ ഒപ്പുവെക്കുന്നുവെന്നും യോഗം വിളിക്കുന്നുവെന്നുമുള്ള വാര്‍ത്തകള്‍ നാം പത്രങ്ങളില്‍ വായിച്ചിരുന്നു. എന്നാല്‍ പെട്ടെന്ന് അവര്‍ മരിച്ചു. ഒരു റവന്യൂ ഡിവിഷന്‍ ഓഫീസറും (ആര്‍.ഡി.ഒ) അവരുടെ മൃതദേഹം കണ്ടില്ല. ഒരു മെഡിക്കല്‍ റെക്കോര്‍ഡുകളും ഇല്ല. മരണത്തിനു ശേഷമെങ്കിലും തെളുവുകള്‍ ഇല്ലാത്തത് എന്തുകൊണ്ടാണ്’ – കോടതി ചോദിച്ചു.

അണ്ണാ ഡി.എം.കെ പ്രവര്‍ത്തകനായ പി.എ ജോസഫ് നല്‍കിയ പൊതുതാല്‍പര്യ ഹര്‍ജിയില്‍ വാദം കേള്‍ക്കുകയായിരുന്നു കോടതി. ജയലളിതക്ക് അവസാന സമയത്ത് ലഭിച്ച ചികിത്സയെപ്പറ്റി അന്വേഷിക്കാന്‍ മൂന്ന് റിട്ട. ജഡ്ജിമാരടങ്ങുന്ന സംഘത്തെ ചുമതലപ്പെടുത്തണമെന്നാണ് ഹര്‍ജിക്കാരന്റെ ആവശ്യം. സംശയം ദൂരികരിക്കാന്‍ മൃതദേഹം പുറത്തെടുത്ത് പരിശോധിക്കേണ്ടി വരുമോ എന്നും കോടതി ആരാഞ്ഞു. ഇക്കാര്യത്തില്‍ അഭിപ്രായം തേടിയാണ് കേന്ദ്ര, സംസ്ഥാന സര്‍ക്കാറുകള്‍ക്ക് നോട്ടീസയച്ചിരിക്കുന്നത്.

1980-ല്‍ എം.ജി.ആറിന്റെ മരണ സമയത്തും സമാന ദുരൂഹത ഉണ്ടായിരുന്നുവെന്ന് കോടതി ചൂണ്ടിക്കാട്ടി. ചെന്നൈയിലും അമേരിക്കയിലും ചികിത്സ തേടിയതിനു ശേഷമാണ് എം.ജി.ആര്‍ മരിച്ചത്. ചികിത്സക്കിടെ അദ്ദേഹത്തിന്റെ ഒരു വീഡിയോ സര്‍ക്കാര്‍ പുറത്തുവിട്ടിരുന്നു. മരണം പ്രഖ്യാപിക്കപ്പെട്ടപ്പോള്‍ ദുരൂഹതയുയര്‍ന്നു.

ഹൈക്കോടതി ഫസ്റ്റ് ബെഞ്ചും സുപ്രീം കോടതിയും സമാനമായ പരാതികളില്‍ വാദം കേള്‍ക്കുന്നതിനാല്‍ കേസ് നീട്ടിവെക്കണമെന്ന് തമിഴ്‌നാട് സര്‍ക്കാറിനു വേണ്ടി ഹാജരായ അഡ്വ. ജനറല്‍ ആര്‍. മുത്തു കുമാരസ്വാമി അഭ്യര്‍ത്ഥിച്ചു. സുപ്രീം കോടതി വെള്ളിയാഴ്ചയും ഹൈക്കോടതി ഫസ്റ്റ് ബെഞ്ച് ജനുവരി നാലിനുമാണ് വാദം കേള്‍ക്കുന്നത്. ജോസഫിന്റെ പരാതിയില്‍ ജനുവരി ഒമ്പതിന് തുടര്‍ന്ന് വാദം കേള്‍ക്കുമെന്ന് കോടതി വ്യക്തമാക്കി.

ജയലളിതയുടെ രോഗത്തിലും മരണത്തിലും മനംനൊന്ത് തമിഴ്‌നാട്ടില്‍ ഇതിനകം 203 പേര്‍ മരിച്ചതായി എഐഎഡിഎംകെയാണ് പാര്‍ട്ട് ഹെഡികോര്‍ട്ടേഴ്‌സില്‍ നിന്നും പുറത്തുവിട്ട വാര്‍ത്താക്കുറിപ്പില്‍ വ്യക്തമാക്കിയത്. ചെന്നൈ, വെല്ലൂര്‍, തിരുവല്ലൂര്‍, തിരുവണ്ണാമലൈ, കൃഷ്ണഗിരി, ഈറോഡ്, തിരുപ്പൂര്‍ തുടങ്ങിയ ജില്ലകളിലായാണ് മരണം റിപ്പോര്‍ട്ട് ചെയ്തിരിക്കുന്നത്.

ജയലളിത മരിച്ച ഡിസംബര്‍ 4ന് തൊട്ടടുത്ത ദിവസങ്ങളിലായി 77 പേര്‍ മരിച്ചെന്ന് നേരത്തെ പാര്‍ട്ടി വ്യക്തമാക്കിയിരുന്നു. തലൈവിയുടെ വിയോഗത്തില്‍ തമിഴ്‌നാട്ടില്‍ ആകെ 280 മരണമാണ് പാര്‍ട്ടി റിപ്പോര്‍ട്ട് ചെയ്തിരിക്കുന്നത്.
അതേസമയം ജയലളിതയുടെ മരണത്തില്‍ മനംനനൊന്ത് മരിച്ചവരുടെ കുടുംബത്തിന് സഹായമായി മൂന്ന് ലക്ഷം രൂപ വീതം നല്‍കുമെന്നും എഐഎഡിഎംകെ പ്രഖ്യാപിച്ചു.

എന്നാല്‍ പ്രവര്‍ത്തകരുടെ മരണത്തെ സംബന്ധിച്ച കൂടുതല്‍ വിവരം കുറിപ്പിലില്ല. ജയലളിത ആസ്പത്രിയില്‍ അഡ്മിറ്റായ സെപ്തംബര്‍ 22ന് ശേഷമാണോ അതോ പിന്നീട് ഹൃദയാഘാതമുണ്ടായതിന് ശേഷമാണോ പ്രവര്‍ത്തകര്‍ മരിച്ചതെന്നും പാര്‍ട്ടി കുറിപ്പില്‍ വ്യക്തമാക്കിയിട്ടില്ല.

അതേസമയം 33 പേര്‍ ജയലളിതയുടെ മരണത്തെ തുടര്‍ന്ന് മരിച്ചതായി കേന്ദ്ര ഇന്റലിജന്‍സ് വ്യക്തമാക്കുന്നുണ്ട്.

അതേസമയം ജീവനൊടുക്കാന്‍ ശ്രമിച്ചവര്‍ക്ക് 50,000 രൂപയും നഷ്ടപരിഹാരം നല്‍കുമെന്നും പാര്‍ട്ടിഅറിയിച്ചു. ചെന്നൈയിലെ അപ്പോളോ ആസ്പത്രിയില്‍ കഴിയുകയായിരുന്ന ജയലളിത ഹൃദയാഘാതം മൂലം കഴിഞ്ഞ ദിവസമാണ് അന്തരിച്ചത്. ജയലളിതക്ക് ഹൃദയാഘാതം സംഭവിച്ചുവെന്ന് റിപ്പോര്‍ട്ടുകള്‍ വന്നതിന് പിന്നാലെ നിരവധി ആളുകളാണ് ആസ്പത്രിക്ക് മുന്നില്‍ തടിച്ചുകൂടിയിരുന്നു.

പ്രാര്‍ത്ഥനയും മറ്റുമായി ലക്ഷക്കണക്കിനാളുകള്‍ തമിഴ്‌നാട്ടിന്റെ വിവിധ ഭാഗങ്ങളില്‍ കഴിഞ്ഞിരുന്നു. എന്നാല്‍ പൊതുവെ അമിത വികാരപ്രകടനം കാഴ്ചവെക്കുന്ന തമിഴ്ജനത ജയലളിതയുടെ മരണത്തോട് പക്വമായായിരുന്നു പ്രതികരിച്ചതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തിരുന്നു.

തലൈവി ഞങ്ങള്‍ക്ക് അമ്മയായിരുന്നു. അവര്‍ മരിപ്പോള്‍ എന്റെ രണ്ടു മക്കള്‍ക്കും അവരുടെ അമ്മയെയാണ് നഷ്ടമായത്. എ.ഐ.എ.ഡി.എം.കെ യിലെ യുവ നേതാവായ മനോജ് പറഞ്ഞു.

അമ്മ നേതാവ് മാത്രമായിരുന്നില്ല ഞങ്ങളുടെ കുടുംബാംഗവുമായിരുന്നുവെന്ന് തലമുണ്ഡനം ചെയ്ത എം.പിമാരില്‍ ഒരാളായ സെന്തിലനാഥന്‍ അനുശോചിച്ചു. കുടുംബാംഗങ്ങള്‍ മരിക്കുമ്പോള്‍ തലമുണ്ഡനം ചെയ്യുന്നത് പൊതു ആചാരമാണ്. അതിനാലാണ് ഞങ്ങള്‍ ഇങ്ങനെ ചെയ്യുന്നതെന്നും നേതാക്കള്‍ അറിയിച്ചു. ചെന്നൈയിലെ ശബരി ക്ഷേത്രത്തില്‍ വെച്ചാണ് സെന്തിലനാഥന്‍ ചടങ്ങുകള്‍ നടത്തിയത്.

ബുധനാഴ്ചയും മറീന ബീച്ചില്‍ ജയലളിതയെ സംസ്‌കരിച്ച എം.ജി.ആര്‍ സ്മാരകത്തിലേക്ക് ആയിരങ്ങള്‍ നിറകണ്ണുകളുമായി ഒഴുകിയെത്തി.

പോയസ് ഗാര്‍ഡനില്‍ ഒരേ സമയത്തായിരുന്നു ഇരുവരും വീടുകള്‍ വെച്ചത്. അതും തൊട്ടുടത്തായി. വാട്ടര്‍ഫാളിനും ലിഫ്റ്റിനും താന്‍ പ്രാധാന്യം നല്‍കിയപ്പോള്‍ ജയ ലൈബ്രറിക്കായിരുന്നു വീട്ടില്‍ വലിയ സ്ഥാനം നല്‍കിയിരുന്നതെന്നും ഷീല ഓര്‍ത്തെടുത്തു. ഇച്ഛാശക്തിയുള്ള വ്യക്തിയാണ് ജയലളിത. തമിഴ്‌നാടിന്റെ വികസന പ്രവര്‍ത്തനങ്ങള്‍ക്ക് വേഗം പകര്‍ന്ന ജയയുടെ വേര്‍പ്പാട് നികത്താനാവാത്തതാണെന്നും ഷീല പറഞ്ഞു.

സിനിമാ തിരക്കിലായിരുന്ന അമ്മ വേദവല്ലിയുടെ അസാന്നിധ്യമായിരുന്നു കുഞ്ഞു ജയയെ അത്യന്തം വേദനിപ്പിച്ചത്. വീട്ടുജോലിക്കാരിക്കൊപ്പം തനിച്ചായി പോയ ജയയെ തേടി അമ്മ വരാറുണ്ടായിരുന്നു. എന്നാല്‍ നിമിഷ നേരം കൊണ്ട് അവര്‍ സിനിമയുടെ ലോകത്തേക്ക് തിരിച്ചുപോകുന്നത് നിറകണ്ണുകളോടെയായിരുന്നു കുഞ്ഞു ജയ നോക്കിയിരുന്നത്. അമ്മക്കൊപ്പം കളിക്കാനും സംസാരിക്കാനും കൊതിച്ച ജയക്ക് കൂട്ടായിരുന്നത് വീട്ടുജോലിക്കാരി മാത്രമായിരുന്നു.

ഉറക്കത്തില്‍ എഴുന്നേറ്റ് തന്നെ വിട്ടു പോകാതിരിക്കാന്‍ അമ്മയുടെ സാരിത്തുമ്പ് തന്റെ കൈയില്‍ കെട്ടിയിടുമായിരുന്നുവെന്ന് ജയലളിത അഭിമുഖത്തില്‍ ഓര്‍ക്കുന്നുണ്ട്. ഇത്രയേറെ ശ്രദ്ധ ആ കുഞ്ഞ് മനസ്സ് നല്‍കിയിരുന്നെങ്കിലും അമ്മ പോകും. താനുടുത്ത സാരി അതേപടി അഴിച്ച് വീട്ടുജോലിക്കാരിയെ ഉടുപ്പിച്ച് അവരെ കുഞ്ഞു ജയയുടെ അടുത്ത് കിടത്തിയായിരുന്നു അമ്മ സിനിമാ അഭിനയത്തിനായി പോയിരുന്നത്. ഉണരുമ്പോള്‍ അമ്മയുടെ സാരിത്തലക്കല്‍ വീട്ടുജോലിക്കാരിയുടെ ഉടല്‍. കരഞ്ഞു തീര്‍ത്ത പകലുകളുടെ എണ്ണം സിമി ഗര്‍വാളിനോട് പറയുമ്പോഴും ജയലളിതയുടെ മനസ്സ് വിങ്ങിപ്പൊട്ടുന്നുണ്ടായിരുന്നു.

ആ കുഞ്ഞ് വളര്‍ന്ന് ഒരു നാടിന്റെ തന്നെ നേതാവായി മാറി. ജീവിതത്തില്‍ അമ്മയായില്ലെങ്കിലും അവള്‍ തമിഴരുടെ ഒന്നടങ്കം അമ്മയായി. പ്രായമേറിയവരുടെ പോലും അമ്മയായി. മക്കള്‍ ഓരോരുത്തരുടെയും അമ്മ വിളി കേള്‍ക്കുമ്പോള്‍ അറിയാതെയാണെങ്കിലും ജയയുടെ മനസ്സ് വിതുമ്പിയിരുന്നു, സ്വന്തം അമ്മയുടെ സ്‌നേഹത്തിനായി…

Watch Video: 

https://www.youtube.com/watch?v=Cf2bU9xD-3E