ബിജെപി നേതൃത്വത്തിനെതിരെ കടുത്ത പരിഹാസവുമായി ട്വിറ്ററിലൂടെയാണ് രാഹുല്‍ രംഗത്തെത്തിയത്.

शाह-जादा की ‘अपार सफलता’ के बाद भाजपा की नई पेशकश – अजित शौर्य गाथाhttps://t.co/9YwOp1EoM8

— Office of RG (@OfficeOfRG) November 4, 2017

ഷാ ജാദ(അമിത് ഷായുടെ മകന്‍ ജയ് ഷാ)യുടെ ‘മഹാ വിജയത്തിനു’ ശേഷം ബി.ജെ.പി അവതരിപ്പിക്കുന്നു; അജിത് ശൗരി(അജിത് ഡോവലിന്റെ മകന്‍ ശൗര്യ) യുടെ വീരകഥ. രാഹുല്‍ ഹിന്ദിയില്‍ ട്വീറ്റ് ചെയ്്തു.

ബിജെപിക്കും മോദിക്കുമെതിരെ തുടരെ പ്രതിരോധം തീര്‍ക്കുന്ന കോണ്‍ഗ്രസ് ഉപാധ്യക്ഷന്‍ പുതിയ സാഹചര്യവും ശക്തമായി ഉപയോഗപ്പെടുത്തുകയാണ്.
ദേശീയ സുരക്ഷാ ഉപദേശ്ഷ്ടാവ് അജിത് ഡോവലിന്റെ മകന്‍ ശൗര്യ മുഖ്യനടത്തിപ്പുകാരനായ ഇന്ത്യ ഫൗണ്ടേഷന്‍ എന്ന കമ്പനിക്ക് വഴിവിട്ട വിദേശ സഹായം ലഭിക്കുന്നുവെന്നാണ് പുതിയ ആരോപണം.

നേരത്തെ ബി.ജെ.പി അധ്യക്ഷന്‍ അമിത് ഷായുടെ മകന്‍ ജയ് അമിത് ഷാ യുടെ കമ്പനികളുടെ ലാഭകണക്കുകള്‍ പുറത്തു വിട്ട ദ് വയര്‍ വാര്‍ത്താ സൈറ്റ് തന്നെയാണ് പുതിയ വെളിപ്പടുത്തലുമായി രംഗത്തെത്തിയത്.

പുതിയ ആരോപണത്തില്‍ പറയുന്ന സംഘടനയുടെ തലപ്പത്തുള്ളത് മുതിര്‍ന്ന ബി.ജെ.പി നേതാക്കളാണെന്നത് സംഭവം ഗൗരവമുള്ളതാക്കുന്നു.

मित्रों, शाह-जादे के बारे में ना बोलूंगा, ना बोलने दूंगाhttps://t.co/y9QlHFHFHS

— Office of RG (@OfficeOfRG) October 20, 2017

നേരത്തെ അമിത് ഷായുടെ മകനെതിരായ ആരോപണത്തിലും കടുത്ത വിമര്‍ശവുമായി രാഹുല്‍ രംഗത്തെത്തിയിരുന്നു.

വാര്‍ത്ത പുറത്തുവിട്ട ‘ദ വയര്‍’ ഓണ്‍ലൈന്‍ മാധ്യമത്തിനും ഏഴ് പേര്‍ക്കുമെതിരെ ജയ് ഷാ 100 കോടി രൂപയുടെ മാനനഷ്ടക്കേസ് കൊടുത്തിരുന്നു. കേസ് പരിഗണിക്കുന്നതിനിടെയാണ് കോടതിയുടെ ഉത്തരവ്. ജയ്ഷായുടെ സ്വത്തുമായി ബന്ധപ്പെട്ട വാര്‍ത്തകള്‍ പ്രസിദ്ധീകരിക്കരുതെന്ന് കോടതി ഉത്തരവിടുകയായിരുന്നു. തങ്ങളുടെ ഭാഗം കേള്‍ക്കാതെയാണ് ഉത്തരവെന്നും ഇത് വായ് മൂടിക്കെട്ടാനുള്ള ശ്രമമാണെന്നും ‘ദ വയര്‍’ പ്രതികരിച്ചു. ഉത്തരവിനെതിരെ മേല്‍ക്കോടതിയെ സമീപിക്കുമെന്നും അവര്‍ അറിയിച്ചു.

ജയ്ഷാക്കെതിരായ വാര്‍ത്ത പുറത്തുവന്നതിന് പിന്നാലെ പ്രതിരോധവുമായി ബി.ജെ.പി നേതാക്കള്‍ രംഗത്തെത്തിയിരുന്നു. മകന്റെ കമ്പനി നഷ്ടത്തിലാണെന്നായിരുന്നു അമിത്ഷായുടെ പ്രതികരണം. എന്നാല്‍ ബി.ജെ.പി നേതാവ് യശ്വന്ത് സിന്‍ഹ ജയ്ഷാക്കെതിരെ രംഗത്തെത്തി. നേതാക്കളുടെ പിന്തുണയേയും മാനനഷ്ടക്കേസ് കൊടുത്തതിനേയും അദ്ദേഹം വിമര്‍ശിച്ചിരുന്നു.

2022-ല്‍ ഗുജറാത്തില്‍നിന്നും ദാരിദ്ര്യം ഇല്ലാതാക്കുമെന്നാണ് അദ്ദേഹം ഇന്നലെ പറഞ്ഞതെന്ന് രാഹുല്‍ പറഞ്ഞു. ഇദ്ദേഹം തന്നെയാണ് 22 വര്‍ഷമായി ഗുജറാത്ത് ഭരിച്ചിരുന്നത്. മോദി ഇനിയെന്താണ് പറയാന്‍ പോകുന്നതെന്ന് താന്‍ പറഞ്ഞു തരാമെന്നായിരുന്നു രാഹുല്‍ പറഞ്ഞു.
‘2025 ല്‍ എല്ലാ ഗുജറാത്തികള്‍ക്കും ചന്ദ്രനെ നല്‍കും, 2028 ല്‍ എല്ലാ വീട്ടിലും ചന്ദ്രനെ നല്‍കും, 2030 ല്‍ മോദി ഇന്ത്യയിലേക്ക് ചന്ദ്രനെ പൂര്‍ണമായും എത്തിക്കും’ – ഇങ്ങനെയായിരുന്നു രാഹുലിന്റെ പരിഹാസം.

ഗുജറാത്ത് പര്യടനത്തില്‍ നേരത്തേയും രാഹുല്‍ഗാന്ധി മോദിക്കെതിരെ രംഗത്തെത്തിയിരുന്നു. അമിത്ഷായുടെ മകന്‍ ജയ്ഷായുടെ സ്വത്ത് വിവാദവും രാഹുല്‍ ആയുധമാക്കിയിരുന്നു. ഇതിനെ സംബന്ധിച്ചുള്ള ‘സീ ന്യൂസിലെ’ മാധ്യമപ്രവര്‍ത്തകന്റെ ചോദ്യത്തിന് രാഹുല്‍ നല്‍കിയ മറുപടി സാമൂഹ്യമാധ്യമങ്ങളിലടക്കം ഹിറ്റായിരുന്നു.

കഴിഞ്ഞ ദിവസമാണ് ജയ്ഷായുടെ സ്ഥാപനത്തിലെ സ്വത്ത് ഇരട്ടിപ്പിനെക്കുറിച്ചുള്ള വാര്‍ത്ത പുറത്തുവരുന്നത്. ഇതിനെ തുടര്‍ന്ന് കേന്ദ്ര മന്ത്രി ആരോപണങ്ങളെ ന്യായീകരിക്കാന്‍ വാര്‍ത്താസമ്മേളനവും നടത്തിയിരുന്നു. ഈ നടപടിയേയും യശ്വന്ത് സിന്‍ഹ വിമര്‍ശിച്ചു. ഇതിലൂടെ ബി.ജെ.പിക്ക് അഴിമതിയെ തടയാനുള്ള ധാര്‍മ്മികത നഷ്ടപ്പെട്ടുവെന്നും അദ്ദേഹം പറഞ്ഞു. വാര്‍ത്ത പുറത്തുകൊണ്ടുവന്ന വെബ്‌സൈറ്റിനെതിരെ നൂറ് കോടി രൂപയുടെ മാനനഷ്ടക്കേസ് നല്‍കിയ നടപടിയേയും അദ്ദേഹം ചോദ്യം ചെയ്തു. നേരത്തെ നോട്ട് നിരോധനത്തിലൂടെ സാമ്പത്തിക തകര്‍ച്ചയുണ്ടായെന്ന് യശ്വന്ത് സിന്‍ഹ പറഞ്ഞിരുന്നു.

2014-ല്‍ മോദി സര്‍ക്കാര്‍ അധികാരത്തിലെത്തിയതിന് ശേഷം ജയ്ഷായുടെ സ്വന്ത് 16000 ഇരട്ടി വര്‍ധിച്ചുവെന്നായിരുന്നു വാര്‍ത്ത. ദി വയര്‍ നല്‍കിയ വാര്‍ത്തക്കെതിരെ ജയ് ഷാ 100 കോടിയുടെ മാനനഷ്ട കേസുമായി കോടതിയെ സമീപിക്കുകയായിരുന്നു. അഹമദാബാദ് മെട്രോപൊളിറ്റന്‍ കോടതിയില്‍ നല്‍കിയ പരാതി പരിഗണിച്ചപ്പോള്‍ അഭിഭാഷകന്‍ കോടതിയില്‍ ഹാജരായിരുന്നില്ല. തുടര്‍ന്ന് കേസ് ഒക്ടോബര്‍ 16ലേക്ക് മാറ്റുകയായിരുന്നു.