”ഏതാനും ദിവസങ്ങള്‍ക്ക് മുമ്പ് പുല്‍വാമയില്‍ നമ്മുടെ സൈനികര്‍ വീരമൃത്യു വരിച്ചു. അവരുടെ മരണത്തിന് പിന്നില്‍ ആരാണ്? ഭീകരാക്രമണം നടത്തിയ ജെയ്ഷ് ഇ മുഹമ്മദ് സംഘടനയുടെ തലവന്‍ ആരാണ്? ഇന്ത്യന്‍ ജയിലിലായിരുന്ന മസൂദ് അസ്ഹറിനെ സ്വതന്ത്രനാക്കിയത് ബി.ജെ.പി ഗവണ്‍മെന്റായിരുന്നില്ലേ? ‘ രാഹുല്‍ ഗാന്ധി ചോദിച്ചു.

പുല്‍വാമ ഭീകരാക്രമണം തടയാന്‍ എന്തുകൊണ്ട് മോദി സര്‍ക്കാരിന് കഴിഞ്ഞില്ലെന്ന് ചോദിച്ച രാഹുല്‍ ഗാന്ധി, തീവ്രവാദത്തോട് ബി.ജെ.പിക്കുള്ള നിലപാടല്ല കോണ്‍ഗ്രസിനുള്ളതെന്നും വ്യക്തമാക്കി. ഭീകരവാദത്തിന് മുന്നില്‍ തലകുനിക്കാന്‍ ഒരിക്കലും കോണ്‍ഗ്രസ് ഒരുക്കമല്ലെന്നും രാഹുല്‍ ഗാന്ധി കൂട്ടിച്ചേര്‍ത്തു.

Rahul Gandhi in Haveri: Kuch din pehle #Pulwama mein CRPF ke log shaheed hote hain. Mera PM se chota sa sawaal, 'Inn CRPF ke shaheedo ko kisne maara?JeM ke chief ka naam kya hai? Kya BJP ki sarkar ne Masood Azhar ko Hindustan ki jail se Pakistan nahi bheja tha?' #Karnataka pic.twitter.com/sGH38wsh68

— ANI (@ANI) March 9, 2019

ജെയ്‌ഷെ തലവന്‍ മസൂദ് അസ്ഹറിനെ ജയില്‍ മോചിതനാക്കിയത് ആരെന്നായിരുന്നു പ്രധാനമന്ത്രിയോടുള്ള രാഹുല്‍ ഗാന്ധിയുടെ ചോദ്യം.

പുല്‍വാമ ഭീകരാക്രമണത്തിന്റെ സൂത്രധാരന്‍ എന്ന് കേന്ദ്രസര്‍ക്കാര്‍ പറയുന്ന മസൂദ് അസ്ഹറിനെയും രണ്ട് ഭീകരരെയും മോചിപ്പിച്ചത് ബിജെപി മുന്‍ പ്രധാനമന്ത്രി വാജ്‌പേയിയുടെ നേതൃത്വത്തിലുള്ള സര്‍ക്കാരായിരുന്നു. പിന്നീട് ഇന്ത്യയില്‍ നടന്ന പല ഭീകരാക്രമണങ്ങളുടെയും പിന്നില്‍ ജയ്‌ഷെ മുഹമ്മദ് ആയിരുന്നുവെന്നത് തെളിഞ്ഞിട്ടുണ്ട്.

അതേസമയം കോണ്‍ഗ്രസ് സര്‍ക്കാരിന്റെ കാലത്തും യുപിഎ കാലത്തും പാകിസ്ഥാന്റെ അതിര്‍ത്തി കടന്നുള്ള ഭീകരവാദത്തിന് ഉചിതമായ മറുപടികള്‍ ഇന്ത്യ നല്‍കിയിട്ടുണ്ട്. എന്നാല്‍ സൈന്യത്തിന്റെ അതീവ ജാഗ്രതയാര്‍ന്ന തിരിച്ചടികള്‍ അന്നത്തെ പ്രധാനമനമന്ത്രിമാര്‍ രാഷ്ട്രീയ നേട്ടത്തിനായി വിളിച്ചറിയിക്കാതെ രാജ്യങ്ങള്‍ക്കിടയില്‍ സമാധാനം ഉണ്ടാക്കാനാണ് ശ്രമിച്ചത്.

അതേസമയം മോദി സര്‍ക്കാര്‍ സൈന്യത്തിന്റെ സര്‍ജിക്കല്‍ സ്‌ട്രൈക്ക് പോലും രാഷ്ട്രീയവത്ക്കരിക്കാനാണ് ശ്രമിച്ചത്. പുല്‍വാമ ഭീകരാക്രമണത്തിന് ശേഷവും മോദിയും ബി.ജെ.പിയും വ്യാപകമായി സൈന്യത്തെ മുതലെക്കുകയാണ്. ഇത് രാജ്യത്തെ ജനങ്ങള്‍ക്കിടയില്‍ വലിയ വിമര്‍ശനത്തിന് ഇടയാക്കിയിട്ടുണ്ട്്.

മസൂദ് അസറിനെ ആഗോള ഭീകരനായി പ്രഖ്യാപിക്കണമെന്ന് ഇന്ത്യ നിരന്തരം ആവശ്യം ഉന്നയിക്കുന്നതിനിടെയാണ് മരണപ്പെട്ടതായി റിപ്പോര്‍ട്ടുകള്‍ പുറത്തുവരുന്നത്. ഇതുസംബന്ധിച്ച് ഔദ്യോഗിക സ്ഥിരീകരണം ഇനിയും പുറത്തുവന്നിട്ടില്ല. പാക് സൈന്യം ഉടന്‍ വിവരങ്ങള്‍ പുറത്തുവിടുമെന്നാണ് സി.എന്‍.എന്‍ അടക്കം റിപ്പോര്‍ട്ട് ചെയ്യുന്നത്.

മസൂദ് അസര്‍ പാകിസ്ഥാനില്‍ ഉണ്ടെന്നും അയാള്‍ കടുത്ത രോഗബാധിതനാനെന്നും പാക് വിദേശകാര്യ മന്ത്രി ഷാ മെഹമൂദ് ഖുറേഷി ദിവസങ്ങള്‍ക്ക് മുമ്പ് വെളിപ്പെടുത്തിയിരുന്നു. മസൂദ് അസ്ഹര്‍ റാവല്‍പിണ്ടിയിലെ സൈനിക ആസ്പത്രിയില്‍ പതിവായി ഡയാലിസിസ് നടത്തിവരികയാണന്ന റിപ്പോര്‍ട്ടുകളും ഉണ്ട്.

കാണ്ഡഹാര്‍ വിമാന റാഞ്ചലിന് പിന്നാലെ മസൂദിനെ ഇന്ത്യയ്ക്ക് മോചിപ്പിക്കേണ്ടി വന്നിരുന്നു. 1999 ഡിസംബര്‍ 31നാണ് ഇയാളെ ഇന്ത്യ വിട്ടയച്ചത്.

കാണ്ഡഹാര്‍ വിമാന റാഞ്ചല്‍, പാര്‍ലമന്റ് ആക്രമണം തുടങ്ങിയവ പരാമര്‍ശിക്കുന്ന വീഡിയോയില്‍ നിങ്ങള്‍ നടത്തിയ അടിച്ചമര്‍ത്തലുകള്‍ എന്നെപ്പോലുള്ളവരുടെ ശക്തി വര്‍ധിപ്പിച്ചിട്ടേയുള്ളൂവെന്നും വീഡിയോയില്‍ അവകാശപ്പെടുന്നു. സംഭവം നടന്ന സ്ഥലത്തുനിന്ന് 10 കിലോമീറ്റര്‍ മാത്രം അകലെ പുല്‍വാമയിലെ കാകാപോറ ഗുണ്ടിബാഗിലാണ് ഇയാളുടെ വീട്. പിതാവ് ഗുലാം ഹസന്‍ ദര്‍ ചെറുകിട വ്യാപാരിയാണ്. പന്ത്രണ്ടാം ക്ലാസ് വരെ പഠിച്ച ദര്‍ പിന്നീട് അയല്‍വാസി നടത്തുന്ന മരമില്ലില്‍ തൊഴിലാളിയായി ചേര്‍ന്നു. എന്നാല്‍ 2018 മാര്‍ച്ച് മുതല്‍ ദറിനെക്കുറിച്ച് യാതൊരു വിവരവും ഉണ്ടായിരുന്നില്ലെന്ന് റിപ്പോര്‍ട്ടുകള്‍ സൂചിപ്പിക്കുന്നു. ജെയ്‌ഷെ മുഹമ്മദിനൊപ്പം ചേരുന്നതിനായി ആരെയും അറിയിക്കാതെയ ഇയാള്‍ വീടു വിട്ടിറങ്ങുകയായിരുന്നുവെന്നാണ് വിവരം.

വീടു വിട്ട ശേഷം ഒരിക്കല്‍ മാത്രമാണ് തന്നെ വിളിച്ചതെന്ന് പിതാവ് പറഞ്ഞു. ദറിനൊപ്പം മറ്റൊരു ബന്ധവും തീവ്രവാദ ക്യാമ്പിലെത്തിയിരുന്നുവെങ്കിലും 11 ദിവസത്തിനകം ഇയാള്‍ കൊല്ലപ്പെട്ടിരുന്നതായാണ് വിവരം. ബുര്‍ഹാന്‍ വാനി വധവുമായി ബന്ധപ്പെട്ട് 2016ല്‍ കശ്മീരിലുണ്ടായ പ്രതിഷേധങ്ങളില്‍ ദര്‍ പങ്കെടുത്തിരുന്നതായും സൈന്യം നടത്തിയ വെടിവെപ്പില്‍ ഇയാളുടെ കാലിന് വെടിയേറ്റിയിരുന്നതായും വീട്ടുകാര്‍ പറഞ്ഞു. രാഷ്ട്രീയക്കാര്‍ രാഷ്ട്രീയം കളിക്കുകയാണ്. കശ്മീരിന്റെ യഥാര്‍ത്ഥ പ്രശ്‌നം എന്തെന്ന് മനസ്സിലാക്കുന്നില്ല.
എന്തുകൊണ്ട് യുവാക്കള്‍ സൈന്യത്തിനെതിരെ തോക്കെടുക്കുന്നുവെന്ന് പരിശോധിക്കപ്പെടുന്നില്ലെന്നും പിതാവ് ഹസന്‍ ദര്‍ പറഞ്ഞു.

കഴിഞ്ഞ ജനുവരിയില്‍ ലത്‌പോറയിലെ സി. ആര്‍.പി.എഫ് ക്യാമ്പിനു നേരെയുണ്ടായ ഭീകരാക്രമണത്തിലും രണ്ട് പുല്‍വാമ നിവാസികള്‍ (ഫര്‍ദീന്‍ അഹമ്മദ് കന്ധെ, മന്‍സൂര്‍ ബാബ) കൊല്ലപ്പെട്ടിരുന്നു.