‘വിശ്വാസികളുടെ മനസ്സു വേദനിക്കാന്‍ ആരും ഇഷ്ടപ്പെടുന്നില്ല. ഓരോ മതവിശ്വാസികളുടെയും വിശുദ്ധഗ്രന്ഥങ്ങള്‍ കൊണ്ടുനടക്കാനും വായിക്കാനും പ്രചരിപ്പിക്കാനും ഒക്കെ സ്വാതന്ത്ര്യമുണ്ട്. അതിപ്പോഴത്തെ സര്‍ക്കാര്‍ കൊടുത്ത സൗജന്യമൊന്നുമല്ല. ഇവിടുന്ന് വിശുദ്ധ ഗ്രന്ഥം പ്രിന്റു ചെയ്ത് മക്കയിലേക്ക് കൊണ്ടു പോകാറുണ്ട്. മക്കയില്‍ നിന്ന് ഹാജിമാര്‍ ഇങ്ങോട്ടും കൊണ്ടുവരാറുണ്ട്. ഇതൊക്കെ എത്രയോ കാലമായിട്ട് ഈനാട്ടിലുള്ള കാര്യങ്ങളാണ്’ – അദ്ദേഹം പറഞ്ഞു.

‘ അത് ഭരണഘടന നല്‍കുന്ന സ്വാതന്ത്ര്യത്തില്‍ പെട്ടതാണ്. ഈ കേസില്‍ നിന്ന് രക്ഷപ്പെടാന്‍ വേണ്ടി ഇതൊന്നും വിവാദമാക്കേണ്ടതില്ല. ഇതിനു മുമ്പ് സകാത്ത്, കുറച്ചു കഴിഞ്ഞപ്പോള്‍ റമദാന്‍ കിറ്റ്, ഇപ്പോ ഖുര്‍ആന്‍ തന്നെ. ഇത് വേറെയാണ് വിഷയം. ഇതിന് കൃത്യമായി മറുപടി പറയുകയാണ് വേണ്ടത്. അധികാരത്തില്‍ നിന്ന് മാറി നിന്ന് അന്വേഷണം നേരിടണം’ – അദ്ദേഹം കൂട്ടിച്ചേര്‍ത്തു.

ബിജെപിക്ക് പല അജണ്ടകളുണ്ട്. അതില്‍ ഞങ്ങള്‍ വീഴില്ല. സിപിഎമ്മാണ് ഇതിനുള്ള അവസരം ഒരുക്കിക്കൊടുക്കുന്നത്. ഡല്‍ഹി കലാപത്തില്‍ സീതാറാം യെച്ചൂരിക്കെതിരെ കേസെടുത്തതിനെ ഞങ്ങള്‍ അംഗീകരിച്ചോ? – അദ്ദേഹം ചോദിച്ചു.

നേരത്തെ, അനസിന് ഹജ്ജ് കമ്മിറ്റിയില്‍ വഴി വിട്ട നിയമനവും ജലീല്‍ ചെയ്തു കൊടുത്തിട്ടുണ്ട് എന്ന ആക്ഷേപമുണ്ടായിരുന്നു. ഹജ്ജ് കമ്മിറ്റിയിലെ ശിയാ വിഭാഗത്തിനായുള്ള സംവരണ അംഗമായിട്ടാണ് മന്ത്രി ഇടപെട്ട് നിയമിച്ചത്. ശിയാ വിഭാഗവുമായി യാതൊരു ബന്ധവുമില്ലാത്തയാളാണ് മത്സ്യ സംസകരണ കയറ്റുമതി വ്യവസായിയായ അനസ്.

സംവരണ ആനുകൂല്യം ഇഷ്ടക്കാരന് നല്‍കിയ മന്ത്രിയുടെ നടപടിക്കെതിരെ സിപിഎമ്മിനുള്ളില്‍ വലിയ പ്രതിഷേധമുണ്ടായിരുന്നു. എന്നാള്‍ ശിയാ വിഭാഗത്തിന് സംസ്ഥനത്ത് അത്ര സ്വാധീനമില്ലാത്തതിനാല്‍ ഈ നിയമനം പുറത്തു നിന്ന് ആരും ചോദ്യം ചെയ്തിരുന്നില്ല.

വീട്ടില്‍ നിന്ന് ഔദ്യോഗിക വാഹനവും മാറ്റിയിട്ടുണ്ട്. രാജിയാവശ്യപ്പെട്ടുള്ള പ്രതിഷേധങ്ങള്‍ക്കിടെയും വിഷയത്തില്‍ മന്ത്രിയോ സിപിഎമ്മോ പ്രതികരണത്തിന് തയ്യാറായിട്ടില്ല. കൊച്ചിയിലെ എന്‍ഫോഴ്‌സ്‌മെന്റ് ഡയറക്ടറേറ്റ് ഓഫീസിലായിരുന്നു ചോദ്യം ചെയ്യല്‍.

സംസ്ഥാന ചരിത്രത്തില്‍ ആദ്യമായാണ് സ്വര്‍ണക്കടത്ത് കേസില്‍ ഒരു മന്ത്രിയെ ചോദ്യം ചെയ്യുന്നത്. ജലീലിന്റെ രാജിക്കു വേണ്ടിയുള്ള മുറവിളികള്‍ ശക്തമാണ്. സംസ്ഥാത്ത് പ്രതിപക്ഷ പ്രതിഷേധം ഇന്നും തുടരുകയാണ്.

ബിനീഷ് വിഷയത്തില്‍ പാര്‍ട്ടിയും സര്‍ക്കാറും മനഃപൂര്‍വ്വം ഒഴിഞ്ഞു നില്‍ക്കുകയാണ് എങ്കില്‍ ജലീലിന്റെ കാര്യത്തില്‍ അതിന് സാധ്യമല്ല എന്നതാണ് സര്‍ക്കാറിനെ കുഴക്കുന്നത്. ഇന്ന് രാവിലെ ഒമ്പതര മുതലാണ് ജലീലിനെ ഇഡി ചോദ്യം ചെയ്തത്. തിരുവനന്തപുരം എന്‍ഫോഴ്‌സ്‌മെന്റ് ഓഫീസിലായിരുന്നു ചോദ്യം ചെയ്യല്‍.

യുഎഇയില്‍ നിന്ന് കേരളത്തിലേക്ക് നയതന്ത്ര മാര്‍ഗം വഴി എത്തിയ 40 പെട്ടികളെ കുറിച്ചാണ് ജലീലില്‍ നിന്ന് ഇഡി വിവരങ്ങള്‍ ആരാഞ്ഞത്. വിമാനത്താവളത്തില്‍ നിന്ന് ഇത് നേരിട്ട് ജലീലിന്റെ ഓഫീസിലും അവിടെ നിന്ന് മലപ്പുറം ജില്ലയിലും എത്തിക്കുകയായിരുന്നു. കൊണ്ടു വന്നത് വിശുദ്ധ ഖുര്‍ആനാണ് എന്നാണ് ജലീല്‍ പറയുന്നത്.

എന്നാല്‍ നയതന്ത്ര ബന്ധം പുലര്‍ത്തുന്ന രാഷ്ട്രങ്ങളിലേക്ക് സാധാരണഗതിയില്‍ വിശുദ്ധ ഗ്രന്ഥങ്ങള്‍ അയക്കാറില്ലെന്ന് യുഎഇ അധികൃതര്‍ വ്യക്തമാക്കിയിരുന്നു. ഈ വെളിപ്പെടുത്തല്‍ ജലീലിന് വിനയാകും. അതുപോലെ റമസാന്‍ മാസത്തില്‍ കോണ്‍സുലേറ്റ് വഴി റിലീഫ് സാധനങ്ങള്‍ വിതരണം ചെയ്തതിലും ഇഡി മന്ത്രിയില്‍ നിന്ന് വ്യക്തത തേടിയതായാണ് റിപ്പോര്‍ട്ട്.

സ്വര്‍ണക്കടത്ത് കേസിലെ മുഖ്യ പ്രതി സ്വപ്‌ന സുരേഷുമായി അടുത്ത ബന്ധം പുലര്‍ത്തിയാളാണ് ജലീല്‍. യുഎഇ കോണ്‍സുലേറ്റുമായി ബന്ധപ്പെട്ട കാര്യങ്ങള്‍ക്കായി ജലീല്‍ നിരവധി തവണ സ്വപ്നയെ വിളിക്കുകയും ചെയ്തിരുന്നു. വിളികള്‍ ഒന്നും അസമയത്ത് ആയിരുന്നില്ല എന്നാണ് മന്ത്രി ഇതേക്കുറിച്ച് പറഞ്ഞിരുന്നത്.

രേഖകള്‍ സഹിതം ഉന്നയിച്ച ആരോപണങ്ങള്‍ക്കൊന്നിനും മന്ത്രി മറുപടി പറഞ്ഞിട്ടില്ല. ആരോപണങ്ങള്‍ തെറ്റാണെന്ന് തെളിയിക്കാന്‍ മന്ത്രിയെ വെല്ലുവിളിക്കുകയാണ്. വിമര്‍ശനമുന്നയിക്കുമ്പോള്‍ തന്നെ ലീഗിന്റെ ചട്ടുകമാണെന്ന് പറഞ്ഞ് പരിഹസിക്കുകയാണ് ചെയ്യുന്നതെന്നും ചെന്നിത്തല പറഞ്ഞു. യൂണിവേഴ്‌സിറ്റി പരീക്ഷകളില്‍ ഇടപെടാന്‍ മന്ത്രിക്ക് എന്താണ് അധികാരമെന്ന് വ്യക്തമാക്കണം. മന്ത്രി രാജിവയ്ക്കണമെന്നും വിഷയത്തില്‍ ജുഡീഷ്യല്‍ അന്വേഷണം വേണമെന്നും ചെന്നിത്തല ആവശ്യപ്പെട്ടു.

കേരളത്തിലെ ഉന്നത വിദ്യാഭ്യാസ മേഖലയെ തകര്‍ത്തുവെന്ന ഖ്യാതിയായിരിക്കും ചരിത്രത്തില്‍ കെ.ടി ജലീലിന് ലഭിക്കുകയെന്ന് പ്രതിപക്ഷ ഉപനേതാവ് ഡോ.എം.കെ മുനീര്‍ പറഞ്ഞു. ആദ്യത്തെ കൊലപാതകത്തിലൂടെ കൊലപാതകം ഹരമായപ്പോള്‍ പിന്നീട് അത് പതിവാക്കിയ കൊലപാതകിയുടെ മനോനിലയാണ് കെ.ടി ജലീലെന്ന് അദ്ദേഹം പരിഹസിച്ചു. വീണ്ടും തെറ്റ് ആവര്‍ത്തിക്കുമെന്ന് പറയുന്ന മന്ത്രി ഒരു നിമിഷം പോലും കസേര.ില്‍ ഇരിക്കാന്‍ അര്‍ഹനല്ലെന്നും അദ്ദേഹം പറഞ്ഞു.സര്‍വ്വകലാശാലയുടെ അദാലത്തില്‍ തന്റെ െ്രെപവറ്റ് സെക്രട്ടറിയെ ഇരുത്തിയ കെ.ടി ജലീല്‍ എങ്കില്‍ നിയമസഭയിലും തന്റെ സെക്രട്ടറിയെ അയച്ചാല്‍ മതിയെന്നും മുനീര്‍ പരിഹസിച്ചു. ചെന്നിത്തല ലീഗിന്റെ ചട്ടുകമാണെന്ന് പരിഹസിക്കുന്നവര്‍ രാജന്‍ ഗുരുക്കള്‍ ആരുടെ ചട്ടുകമാണെന്ന് വ്യക്തമാക്കണമെന്നും ആവശ്യപ്പെട്ടു.

ആരോപണങ്ങള്‍ക്ക് മറുപടി പറയുന്നതിന് പകരം ആരുംവിശ്വാസിക്കാത്ത ആരോപണങ്ങള്‍ ചെന്നിത്തലക്കു മേല്‍ കെട്ടിച്ചമക്കാനാണ് ജലീല്‍ ശ്രമിച്ചതെന്ന് മുന്‍ മുഖ്യമന്ത്രി ഉമ്മന്‍ ചാണ്ടി പറഞ്ഞു. മറുപടി ഇല്ലാതാകുമ്പോള്‍ കൊഞ്ഞനം കാണിക്കുന്ന രീതിയായിട്ട് മാത്രമേ അതിനെ കാണാനാകൂ. മാര്‍ക്ക് ദാനത്തില്‍ സ്വീകരിച്ച നടപടികള്‍ ശരിയായിരുന്നെങ്കില്‍ പിന്നെയെന്തിനാണ് അത് പിന്‍വലിച്ചതെന്ന് മന്ത്രി വ്യക്തമാക്കണമെന്നും അദ്ദേഹം പറഞ്ഞു.

എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍ അധ്യക്ഷനായിരുന്നു. മുസ്‌ലിം ലീഗ് ദേശീയ ട്രഷറര്‍ പി.വി അബ്ദുല്‍ വഹാബ് എം.പി, മുസ്‌ലിം ലീഗ് സംസ്ഥാന സെക്രട്ടറി ബീമാപ്പള്ളി റഷീദ്, യു.ഡി.എഫ് കണ്‍വീനര്‍ ബെന്നി ബഹന്നാന്‍ എം.പി, എം.എല്‍.എമാരായ കെ.എം ഷാജി, ടി.വി ഇബ്രാഹിം, എം.സി ഖമറുദ്ദീന്‍, കേരള കോണ്‍ഗ്രസ് നേതാവ് ജോസ് കെ മാണി എം പി, എം.എസ്.എഫ് ജനറല്‍ സെക്രട്ടറി എം.പി നവാസ്, മുസ്‌ലിം ലീഗ് നേതാക്കളായ കുറുക്കോളി മൊയ്തീന്‍, തോന്നക്കല്‍ ജമാല്‍, കണിയാപുരം ഹലീം, അഡ്വ സുള്‍ഫിക്കര്‍ സലാം, ശ്യാം സുന്ദര്‍, ചന്നാക്കര എം.പി കുഞ്ഞ്, മണ്‍വിള സൈനുദ്ദീന്‍, ഹാരിസ് കരമന, അഷ്‌റഫ് ഇടനീര്‍ ഹുമയൂണ്‍ കബീര്‍, ഷെഹീര്‍ജി അഹമ്മദ് എന്നിവര്‍ പങ്കെടുത്തു.

സമരത്തിന് എം എസ് എഫ് സംസ്ഥാന പ്രെസിഡന്റ് മിസ്ഹബ് കീഴരിയൂര്‍,ജന സെക്രട്ടറി എം പി നവാസ്, ഭാരവാഹികളായ ശരീഫ് വടക്കയില്‍, ഷബീര്‍ ഷാജഹാന്‍, ഹാഷിം ബംബ്രാണി, നിഷാദ് കെ സലിം, കെ കെ എ അസീസ്. എ പി അബ്ദുസമദ് , കെ ടി റഹൂഫ്, കെ എം ഫവാസ് ,ഷഫീക് വഴിമുക്ക്. നൗഫല്‍ കുളപ്പട, അനസ് എതിര്‍ത്തോട്, ഇര്‍ഷാദ് മൊഗ്രാല്‍, സ്വാഹിബ് മുഹമ്മദ്, പി.പി.ഷൈജല്‍, കെ.ഷം. ഷിബു, അല്‍ റെസിന്‍, ബിലാല്‍ മുഹമ്മദ്, ഇജാസ്, അംജദ് കുരീപള്ളി, അസ്ലഹ് മുഹമ്മദ് എന്നിവര്‍ സംബന്ധിച്ചു.