ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന്റെ നിര്‍ദേശ പ്രകാരമാണ് പേര് മാറ്റമെന്ന് യുപിഎംആര്‍സി ഡെപ്യൂട്ടി ജനറല്‍ മാനേജര്‍ പ്രതികരിച്ചു. പേര് മാറ്റാന്‍ നേരത്തെ നിര്‍ദേശം നല്‍കിയിരുന്നുവെന്നും ഇപ്പോഴാണ് പ്രദര്‍ശിപ്പിച്ചതെന്നും അദ്ദേഹം പ്രതികരിച്ചു.

ആഗ്ര മെട്രോ നിര്‍മ്മാണത്തില്‍ ആദ്യഘട്ടത്തില്‍ ആകെ 13 സ്റ്റേഷനുകളുണ്ടെന്നും മുന്‍ഗണനാ പട്ടികയില്‍ ആറ് സ്റ്റേഷനുകളുണ്ടെന്നും അദ്ദേഹം വിശദീകരിച്ചു. താജ്മഹല്‍ ഈസ്റ്റ് ഗേറ്റ് ആദ്യത്തെ സ്റ്റേഷന്‍ ആണെങ്കില്‍, ജമാ മസ്ജിദ് ആറാമത്തെയും അവസാനത്തെയും സ്റ്റേഷനായിരുന്നു. ഇനി ഇത് മംഗമേശ്വര്‍ സ്റ്റേഷന്‍ എന്നറിയപ്പെടുമെന്നും ഡെപ്യൂട്ടി ജനറല്‍ മാനേജര്‍ വിശദീകരിച്ചു.

2022 ജൂലൈയില്‍ തന്നെ പേര് മാറ്റാനുള്ള ഉദ്ദേശ്യം യോഗി ആദിത്യനാഥ് പ്രകടിപ്പിച്ചിരുന്നു. ഇപ്പോള്‍ പ്രധാനമന്ത്രി നരേന്ദ്ര മോദി ആഗ്ര മെട്രോയുടെ ഉദ്ഘാടനം ചെയ്യാനിരിക്കെയാണ് ഈ മാറ്റം.

കേടുപാടുകള്‍ വിലയിരുത്താനായി ആര്‍ക്കിയോളജിക്കല്‍ സര്‍വേ ഓഫ് ഇന്ത്യയുടെ ഡല്‍ഹി സര്‍ക്കിള്‍ ഓഫീസിലെ ഒരു സംഘം മസ്ജിദ് സന്ദര്‍ശിച്ചു. മസ്ജിദിന്റെ നിലവിലെ സ്ഥിതിഗതികള്‍ നിരീക്ഷിച്ച ശേഷം ഉദ്യോഗസ്ഥരുടെ നേതൃത്വത്തില്‍ മസ്ജിദ് നവീകരിക്കുന്നതിനുള്ള ചര്‍ച്ചകള്‍ നടന്നു.
ഈയിടെ മസ്ജിദിന്റെ അവസ്ഥയെ ദൃശ്യമാധ്യമങ്ങള്‍ ഉയര്‍ത്തിക്കാട്ടിയതോടെയാണ് മസ്ജിദിന്റെ അവസ്ഥയെക്കുറിച്ച് നിരീക്ഷിക്കാന്‍ അധികൃതര്‍ തീരുമാനിച്ചത്.

Delhi: Jama Masjid advisory committee’s Tariq Bukhari says there is an urgent need for restoration of Jama Masjid as there are wide gaps between stones of its three main domes due to water seepage, also many pillars & canopies in bad state; ASI team conducted a survey today. pic.twitter.com/y2pI04oeEy

— ANI (@ANI) December 14, 2017

എത്രയും പെട്ടന്ന് നവീകരണപ്രവര്‍ത്തനങ്ങള്‍ ആരംഭിക്കുന്നതിനു വേണ്ട സഹായമഭ്യര്‍ത്ഥിച്ചുകൊണ്ട് പ്രധാനമന്ത്രി നരേന്ദ്രമോദിക്കും എഎസ്‌ഐക്കും കത്തയച്ചതായി മസ്ജിദ് ഷാഹി ഇമാം സയിദ് അഹമ്മദ് ബുഖാരി മാധ്യമങ്ങളോട് പറഞ്ഞു. എഎസ്‌ഐയുടെ സംരക്ഷണപരിധിയിലുള്ള സ്മാരകമല്ല ജമാ മസ്ജിദ്. ഡല്‍ഹി വഖഫ് ബോര്‍ഡാണ് ഇത് സംരക്ഷിക്കുന്നത്. മസ്ജിദ് പുനരുദ്ധാരണം നടത്താന്‍ വേണ്ട ഫണ്ടില്ലെന്നിരിക്കേയാണ് കേന്ദ്രസഹായം തേടിയത്.
361 വര്‍ഷം പഴക്കമുള്ള മസ്ജിദ് ഇന്ത്യയിലെ ഏറ്റവും വലിയ ചരിത്രസ്മാരകങ്ങളിലൊന്നാണ്. ദിനം പ്രതി നൂറു കണക്കിന് വിശ്വാസികളും ടൂറിസ്റ്റുകളും ഇവിടെ സന്ദര്‍ശനം നടത്താറുണ്ട്. താജ്മഹലും ചെങ്കോട്ടയും പണികഴിപ്പിച്ച ഷാജഹാന്‍ ചക്രവര്‍ത്തിയാണ് മസ്ജിദ് നിര്‍മ്മിച്ചത്.