ഈ കേസിലാണ് ഇരുവരേയും കോടതി വെറുതെ വിട്ടത്. പൗരത്വഭേതഗതിക്കെതിരെ ജാമിഅ നഗര്‍ പ്രദേശത്ത് സമരം ചെയ്തവര്‍ പൊതു-സ്വകാര്യ വാഹനങ്ങള്‍ കേടുവരുത്തിയെന്നും വാഹന ഗതാഗതം തടസ്സപ്പെടുത്തിയെന്നുമാണ് കുറ്റപത്രത്തില്‍ പറയുന്നത്. 2019 ഡിസംബര്‍ 13ന് ഷര്‍ജീല്‍ ഇമാം നടത്തിയ പ്രസംഗമാണ് ഈ ആക്രമങ്ങള്‍ക്ക് കാരണമായതെന്നും പൊലീസ് ആരോപിച്ചിരുന്നു. എന്നാല്‍, ഷര്‍ജീലിന് ജയിലില്‍ നിന്ന് പുറത്തിറങ്ങാനായില്ല. ഡല്‍ഹി കലാപ ഗൂഢാലോചന കേസില്‍ പ്രതിയായ ഷര്‍ജീല്‍ വിചാരണ നേരിടുകയാണ്.

കസ്റ്റഡിയിലെടുത്ത വിദ്യാര്‍ഥികള വിട്ടയക്കണമെന്ന് ആവശ്യപ്പെട്ട് വിദ്യാര്‍ഥി സംഘടനാ നേതാക്കള്‍ ഫത്തേപൂര്‍ ബെരി പൊലീസ് സ്റ്റേഷനിലെത്തിയെങ്കിലും പൊലീസ് വിട്ടയച്ചില്ല. തുടര്‍ന്നാണ് അഭിഭാഷകര്‍ എത്തിയത്. എന്നാല്‍ ഇവരെ സ്റ്റേഷന് അകത്തേക്ക് പൊലീസ് പ്രവേശിപ്പിച്ചില്ല. അഞ്ചു മണിക്കൂര്‍ അഭിഭാഷകര്‍ സ്റ്റേഷന് പുറത്ത് കാത്തുനിന്നു. വനിതാ അഭിഭാഷകരോട് പൊലീസ് മോശമായി പെരുമാറിയെന്നും സംഘടനാ നേതാക്കള്‍ പറഞ്ഞു.

ക്യാമ്പസിനകത്ത് ഒരു തരത്തിലുള്ള ഒത്തുകൂടലും അനുവദിക്കില്ലെന്ന് അധികൃതര്‍ വ്യക്തമാക്കിയിരുന്നു. ക്യാമ്പസിനകത്തെ സമാധാനന്തരീക്ഷം തകര്‍ക്കാനുള്ള ശ്രമമാണ് വിദ്യാര്‍ഥി സംഘടനകള്‍ നടത്തുന്നതെന്ന് സര്‍വകലാശാലാ അധികൃതര്‍ കുറ്റപ്പെടുത്തി. സര്‍വകലാശാലയുടെ നിര്‍ദേശം ലംഘിച്ചാല്‍ കര്‍ശന നടപടിയുണ്ടാകുമെന്നും മുന്നറിയിപ്പ് നല്‍കി.

വിദ്യാര്‍ഥികളെ കരുതല്‍ തടങ്കലില്‍വെച്ചതിനെതിരെ വിദ്യാര്‍ഥികള്‍ സമാധാനപരമായി പ്രതിഷേധിക്കുകയായിരുന്നു. എന്നാല്‍ പ്രതിഷേധ മാര്‍ച്ചിനിടെ പൊലീസ് അക്രമം അഴിച്ചുവിടുകയായിരുന്നു. പ്രതിഷേധിച്ച വിദ്യാര്‍ഥികളെ പൊലീസ് ബലം പ്രയോഗിച്ച് നീക്കി. യൂണിവേഴ്‌സിറ്റിയിലെ എല്ലാ ഗേറ്റുകളും അടച്ചു.

വിവാദ ഷോ ആഗസ്റ്റ് 28 ന് സംപ്രേഷണം ചെയ്യേണ്ടതായിരുന്നു. എന്നാല്‍ പ്രോഗ്രാമിന്റെ നഗ്‌നമായ ഇസ്ലാമോഫോബിയോക്കെതിരെ ഉയര്‍ന്ന എതിര്‍ത്തതിനെ തുടര്‍ന്ന് വിഷയം കോടതി കയറുകയായിരുന്നു. തുടര്‍ന്ന് വിദ്വേഷം പരത്തുന്ന വിവാദ പരിപാടിയുടെ സംപ്രേഷണം ഡല്‍ഹി ഹൈക്കോടതി വിലക്കുകയും ചെയ്തു. കേന്ദ്രസര്‍ക്കാര്‍, സുദര്‍ശന്‍ ന്യൂസ് ടെലിവിഷന്‍, എഡിറ്റര്‍ സുരേഷ് ചവാങ്കെ എന്നിവര്‍ക്ക് നോട്ടീസ് അയക്കുകയും ചെയ്തു. ജാമിയ മില്ലിയ സര്‍വകലാശാലയിലെ വിദ്യാര്‍ഥികളാണ്‌ ഹൈക്കോടതിയില്‍ ഹര്‍ജി സമര്‍പ്പിച്ചത്.

ഇടക്കാല സ്റ്റേ പുറപ്പെടുവിച്ച ഡല്‍ഹി ഹൈക്കോടതി ഇക്കാര്യത്തില്‍ തീരുമാനമെടുക്കാന്‍ ഐ ബി മന്ത്രാലയത്തിന് നിര്‍ദ്ദേശം നല്‍കുകയായിരുന്നു. പരിപാടിക്കെതിരെ ഒന്നിലധികം ഹര്‍ജികള്‍ സുപ്രീംകോടതിയില്‍ സമര്‍പ്പിക്കപ്പെട്ടിരുന്നു. എന്നാല്‍ കോടതി ഇടപെടാന്‍ വിസമ്മതിച്ചു.

തുടര്‍ന്ന് സോഷ്യല്‍ മീഡിയ പ്ലാറ്റ്ഫോമുകളിലെ ഉള്ളടക്കത്തെ അടിസ്ഥാനമാക്കി ഒരു പ്രോഗ്രാം സെന്‍സര്‍ ചെയ്യാന്‍ കഴിയില്ലെന്നും സംപ്രേഷണം ചെയ്യുന്നതിന് മുമ്പ് ഒരു പ്രോഗ്രാമിന്റെ പ്രീ സെന്‍സര്‍ഷിപ്പ് ചെയ്യാന്‍ കഴിയില്ലെന്നും ഐ ബി മന്ത്രാലയത്തിന് നല്‍കിയ പരാതിയില്‍ സുദര്‍ശന്‍ ന്യൂസ് പറഞ്ഞു.

യുപിഎസ്സി പരീക്ഷയിലൂടെ രാജ്യത്തെ ഐഎഎസ്, ഐപിഎസ് പോലുള്ള ഉന്നത പദവിയില്‍ മുസ്ലിംകള്‍ അധികമായി എത്തുന്നുവെന്നും അത് രാജ്യത്തിന് ഭീഷണിയാണെന്നുമാണ് സുദര്‍ശന്‍ ടിവി എഡിറ്റര്‍ ഇന്‍ ചീഫ് സുരേഷ് ചൗഹാന്‍കെ ആരോപിച്ചത്. ടിവി വാര്‍ത്തയ്ക്കു മുന്നോടിയായി പുറത്തുവിട്ട ട്രയിലറിലായിരുന്നു ആരോപണം. അതിനെ ‘യുപിഎസ്സി ജിഹാദ്’ എന്നാണ് അയാള്‍ വിശേഷിപ്പിച്ചത്. ‘ജാമിഅ ജിഹാദ്’.എന്നും ചൗഹാന്‍കെ ആരോപിച്ചിരുന്നു. ഇത്തവണത്തെ യുപിഎസ്സി പട്ടികയില്‍ ജാമിഅ മില്ലിയ ഇസ്ലാമിയ്യ സര്‍വകലാശാലയിലെ വിദ്യാര്‍ത്ഥികള്‍ അധികമായി ഇടംപിടിച്ചുവെന്നും ഇത്തരക്കാരെ ജോലിക്കെടുക്കരുതെന്നും ഇത് ‘ജാമിഅ ജിഹാദ്’ ആണെന്നും ചൗഹാന്‍കെ ആരോപിച്ചു. ഈ വിദ്വേഷ പരാമര്‍ശമാണ് കോടതി കയറിയത്.

സുരേഷ് ചൗഹാന്‍കെയുടെ വര്‍ത്ത കഴിഞ്ഞ ദിവസമായിരുന്നു പൂര്‍ണരൂപത്തില്‍ പ്രക്ഷേപണം ചെയ്യേണ്ടിയിരുന്നത്. സിവില്‍ സര്‍വീസില്‍ മുസ്‌ലിംകള്‍ നുഴഞ്ഞുകയറുന്നുവെന്നും ഇതുമായി ബന്ധപ്പെട്ട വെളിപ്പെടുത്തലുകള്‍ നടത്താന്‍ പോകുന്നു എന്നുമാണ് പരിപാടിയുടെ പ്രൊമൊയില്‍ പറഞ്ഞിരുന്നത്. വെള്ളിയാഴ്ച രാത്രി എട്ട് മണിക്ക് സംപ്രേഷണം ചെയ്യുമെന്നും പറഞ്ഞിരുന്നു. ജാമിയ ജിഹാദ്, ബ്യൂറോക്രസി ജിഹാദ്, യുപിഎസ്‌സി ജിഹാദ് എന്നിങ്ങനെയാണ് എഡിറ്റര്‍ സുരേഷ് സവാങ്കെ വിശേഷിപ്പിച്ചിരുന്നത്.

എന്നാല്‍ ജാമിഅ മില്ലിയ ഇസ്ലാമിയ്യയിലെ വിദ്യാര്‍ത്ഥികളും പൂര്‍വവിദ്യാര്‍ത്ഥികളും ഇതിനെതിരേ ഡല്‍ഹി ഹൈക്കോടതിയെ സമീപിച്ചു. ഇതേ പരിപാടിയുടെ പേരില്‍ ചാനലിനെതിരേ ധാരാളം പരാതി ലഭിച്ചിട്ടുണ്ടെന്ന് മറ്റൊരു കക്ഷിയായ വാര്‍ത്താവിതരണ മന്ത്രാലയവും ബോധിപ്പിച്ചു. ഇത് പരിഗണിച്ച് തല്‍ക്കാലം പരിപാടി പ്രക്ഷേപണം ചെയ്യരുതെന്ന് സുദര്‍ശന്‍ ചാനലിന് കോടതി നിര്‍ദേശം നല്‍കി.

മുസ്ലിംകള്‍ക്കെതിരേ ഇത്തരം ജിഹാദ് ആരോപണങ്ങള്‍ ഹിന്ദുത്വ ശക്തികള്‍ ഉയര്‍ത്തിക്കൊണ്ടുവരുന്നത് ഇതാദ്യമല്ല. റോമിയോ ജിഹാദ് മുതല്‍ കൗജിഹാദ് വരെ അതിന് നിരവധികളുണ്ട്. അതില്‍ അവസാനത്തേതാണ് യുഎപിഎ ജിഹാദും ജാമിഅ ജിഹാദും. ഇത്തരം ആരോപണങ്ങളും നുണകളും പ്രചരിപ്പിക്കുന്നതില്‍ സുദര്‍ശന്‍ ടിവിയ്ക്കും അതിന്റെ എഡിറ്റര്‍ സുരേഷ് ചൗഹാന്‍കെയ്ക്കുമുള്ള പങ്ക് ചെറുതല്ല.

രാജ്യത്തെ ഏറ്റവും നികൃഷ്ടമായ മുസ്ലിംവിരുദ്ധ നുണഫാക്ടറിയാണ് സുദര്‍ശന്‍ ചാനലും അതിന്റെ എഡിറ്റര്‍ സുരേഷ് ചൗഹാന്‍കെയും. നിരന്തരം വിവാദങ്ങളില്‍ നിറഞ്ഞുനില്‍ക്കുന്ന ചൗഹാന്‍കെ നുണ പ്രചരിപ്പിക്കുന്നതില്‍ മാത്രമല്ല, കുറ്റകൃത്യങ്ങളിലും മുന്നിലാണ്. വഞ്ചന തുടങ്ങി കൊലപാതശ്രമങ്ങളും ബലാല്‍സംഗക്കേസുകളും ഇയാള്‍ക്കെതിരേ ഉന്നയിക്കപ്പെട്ടിട്ടുണ്ട്. അതുയര്‍ന്നത് സ്വന്തം ചാനലില്‍ നിന്നുതന്നെയാണെന്ന പ്രത്യേകതയുമുണ്ട്.

അതേസമയം, വിധിയില്‍ സുപ്രിം കോടതിക്കെതിക്കെതിരെ പരോക്ഷ വിമര്‍ശനവുമായി പ്രശാന്ത് ഭൂഷന്‍ രംഗത്തെത്തി. സാമുദായിക പരിപാടി സംപ്രേഷണം ചെയ്യുന്നത് സ്റ്റേ ചെയ്തതിന് ഡല്‍ഹി ഹൈക്കോടതിക്ക് അഭിനന്ദനങ്ങള്‍. സമുദായങ്ങള്‍ക്കിടയില്‍ വിദ്വേഷം വളര്‍ത്തുന്നത് രാജ്യത്തെ ഗുരുതരമായ കുറ്റമാണ്. വിധിയിലൂടെ ഹൈക്കോടതികള്‍ സുപ്രീം കോടതിക്ക് വഴി കാണികയാണെന്നും, പ്രശാന്ത് ഭൂഷന്‍ ട്വീറ്റ് ചെയ്തു.

Kudos to the Delhi High Court for staying the airing of this communal program by Sudarshan News. Promoting hate among communities is a serious crime in this country. The HCs are showing the way to the SC https://t.co/sAYoIRQr9v

— Prashant Bhushan (@pbhushan1) August 28, 2020

‘യുപിഎസ്സി ജിഹാദ്’ എന്ന ഹാഷ്ടാഗ് ഉപയോഗിച്ച് സിവില്‍ സര്‍വീസിലെ ”മുസ്ലിംകളുടെ നുഴഞ്ഞുകയറ്റം” എന്ന വിവാദ ട്രെയിലറാണ് സുദര്‍ശന്‍ ടിവി പുറത്തുവിട്ടിരുന്നത്. ഇതിന്റെ ട്രെയിലറിന്റെ പ്രക്ഷേപണമാണ് ഡല്‍ഹി ഹൈക്കോടതി നിര്‍ത്തിവെപ്പിച്ചത്.

സുദര്‍ശന്‍ ടിവി എഡിറ്റര്‍ ഇന്‍ ചീഫായ സുരേഷ് ചവങ്കെയാണ് ഇത്തരത്തില്‍ പുതിയ ഒരു ജിഹാദ് ആരോപണവുമായി രംഗത്ത് വന്നിരുന്നത്. ഉന്നത മത്സരപരീക്ഷകള്‍ ജയിക്കാന്‍ മുസ്ലിംകള്‍ യുപിഎസ്സി ജിഹാദ് നടത്തുന്നു എന്നായിരുന്നു ഇയാളുടെ ആരോപണം. കേട്ടാല്‍ ചിരിവരുന്ന ആരോപണത്തില്‍ ടെലിവിഷന്‍ ചര്‍ച്ച വരെ സംഘടിപ്പിച്ചിരുന്നു. തുടര്‍ന്ന് അതിന്റെ ട്രെയിലറും അദ്ദേഹം പോസ്റ്റ് ചെയ്തിട്ടുണ്ട്.

ഈ അടുത്ത കാലത്തായി മുസ്‌ലിം ഐഎഎസ്, ഐപിഎസ് ഓഫിസര്‍മാരുടെ എണ്ണം പെട്ടെന്ന് വര്‍ധിച്ചത് എങ്ങനെയാണ്? ജാമിഅ ജിഹാദിലൂടെ ഇവരൊക്കെ ഉയര്‍ന്ന തസ്തികയിലെത്തിയാല്‍ രാജ്യത്തിന്റെ ഗതിയെന്താവും എന്നാണ് സുദര്‍ശന്‍ ടിവി എഡിറ്റര്‍ ഇന്‍ ചീഫ് സുരേഷ് ചവങ്കെയുടെ ചോദ്യം. ഇതുമായി ബന്ധപ്പെട്ട വാര്‍ത്തയുടെ പ്രൊമോ പങ്കുവെച്ചാണ് സുരേഷ് വിദ്വേഷ പരാമര്‍ശം നടത്തിയത്.

ജാമിഅയ്ക്ക് മൂല്യനിര്‍ണയത്തില്‍ 90 ശതമാനം സ്‌കോര്‍ ആണ് ലഭിച്ചത്. അരുണാചല്‍ പ്രദേശ് രാജീവ് ഗാന്ധി സര്‍വകലാശാലയാണ് രണ്ടാമത്തേത്. 83 ആണ് സ്‌കോര്‍. ഡല്‍ഹിയിലെ ജവഹര്‍ലാല്‍ നെഹ്‌റു സര്‍വകലാശാലയ്ക്ക് 82 ഉം അലിഗര്‍ മുസ്‌ലിം യൂണിവേഴ്‌സിറ്റിക്ക് 78 ഉം സ്‌കോര്‍ ലഭിച്ചു.

മാനവവിഭവ ശേഷി മന്ത്രാലയവും (ഇപ്പോള്‍ വിദ്യാഭ്യാസ വകുപ്പ്) യൂണിവേഴ്‌സിറ്റി ഗ്രാന്‍ഡ് കമ്മിഷനും (യു.ജി.സി) ആണ് മൂല്യനിര്‍ണയം നടത്തുന്നത്.

വര്‍ഷം പ്രതി യു.ജി, പി.ജി, എംഫില്‍, പി.എച്ച്ഡി കോഴ്‌സുകളിലേക്ക് പ്രവേശനം നല്‍കപ്പെടുന്ന വിദ്യാര്‍ത്ഥികളുടെ എണ്ണം, വിദ്യാര്‍ത്ഥികള്‍ക്കിടയിലെ വൈവിധ്യം, പെണ്‍വിദ്യാര്‍ത്ഥികളുടെ അനുപാതം, വിവിധ സംസ്ഥാനങ്ങളില്‍ നിന്നുള്ള വിദ്യാര്‍ത്ഥികളുടെ എണ്ണം തുടങ്ങിയ വിവിധ മാനദണ്ഡങ്ങളാണ് മൂല്യനിര്‍ണയത്തിന് വിധേയമാക്കുക.

വെല്ലുവിളി നിറഞ്ഞ കാലഘട്ടത്തിലൂടെ മുന്നോട്ടു പോകുന്ന വേളയിലാണ് വാഴ്‌സിറ്റിയെ തേടി അംഗീകാരം വന്നിട്ടുള്ളത് എന്ന് വൈസ് ചാന്‍സലര്‍ നജ്മ അക്തര്‍ പറഞ്ഞു. ഉയര്‍ന്ന നിലവാരത്തിലുള്ള അധ്യാപനം, പ്രസക്തമായ ഗവേഷണങ്ങള്‍ എന്നിവയാണ് ഇതു സാദ്ധ്യമാക്കിയത് എന്ന് വൈസ് ചാ്ന്‍സലര്‍ കൂട്ടിച്ചേര്‍ത്തു.

2019 ഡിസംബര്‍ 15നാണ് ജാമിഅയില്‍ സി.എ.എ വിരുദ്ധ പ്രക്ഷോഭക്കാരികള്‍ക്കു നേരെ പൊലീസ് അഴിഞ്ഞാടിയിരുന്നത്. ക്യാംപസ് ലൈബ്രറിയില്‍ വായിച്ചു കൊണ്ടിരുന്ന വിദ്യാര്‍ത്ഥികള്‍ക്കു നേരെ ഏകപക്ഷീയമായി ആയിരുന്നു പൊലീസിന്റെ ആക്രമണം. രാജ്യത്തുടനീളം പ്രതിഷേധങ്ങള്‍ക്കു വഴി വച്ച അഴിഞ്ഞാട്ടത്തിനു പിന്നാലെ, സി.എ.എ വിരുദ്ധ പ്രക്ഷോഭത്തിന്റെ കേന്ദ്രമായും ജാമിഅ മില്ലിയ്യ മാറിയിരുന്നു.

ജനാസ നിസ്ക്കാരം ഉച്ചയ്ക്ക് 2 മണിക്ക് ജാമിയ മില്ലിയ ഇസ്ലാമിയ മസ്ജിദിൽ നടക്കും. ജാമിയ ഖബർസ്ഥാനിൽ ഖബറടക്കും.