ദേശീയഘടകം നിരവധി നിര്‍ദേശങ്ങള്‍ സി.കെ. നാണുവിന് നല്‍കിയിരുന്നു. എന്നാല്‍ ആ നിര്‍ദേശങ്ങള്‍ ഒന്നും തന്നെ പാലിക്കാന്‍ സി.കെ. നാണു തയ്യാറാകാത്ത സാഹചര്യത്തിലാണ് സംസ്ഥാന ഘടകം പിരിച്ചു വിട്ടിരിക്കുന്നത്.

പുതിയ അഡ്‌ഹോക് കമ്മിറ്റിയുടെ പ്രസിഡന്റായി മാത്യു ടി തോമസിനെ നിയമിച്ചിട്ടുണ്ട്. വൈസ് പ്രസിഡന്റായി ജോസ് തെറ്റയിലിനെയും ജനറല്‍ സെക്രട്ടറിമാരായി ജമീല പ്രകാശം, ബെന്നി മഞ്ചൂളി, അഡ്വക്കേറ്റ് വി. മുരുകദാസ്, അഡ്വ. ബിജിലി ജോസഫ് എന്നിവരേയും നിയമിച്ചിട്ടുണ്ട്. ട്രഷററായി മുഹമ്മദ് ഷായെയാണ് നിയമിച്ചിട്ടുള്ളത്.

വീരേന്ദ്രകുമാറിന് രാജ്യസഭാ അംഗത്വവും ശ്രേയാംസ്‌കുമാറിന് കോഴിക്കോട് ലോക്‌സഭാ സീറ്റും നേടിയെടുക്കാന്‍വേണ്ടിയാണ് ഇടതുമുന്നണി പ്രവേശം. ഇടതുമുന്നണിയുമായി ചര്‍ച്ച നടത്തിയിട്ടില്ലെന്ന് വീരേന്ദ്രകുമാര്‍ ആവര്‍ത്തിക്കുമ്പോള്‍ തന്നെ മകന്‍ ശ്രേയാംസ്‌കുമാറിനെ അയച്ചു കച്ചവടം ഉറപ്പിച്ചു കഴിഞ്ഞിരുന്നു. മുന്നണി മാറ്റം പോലെ സുപ്രധാനമായ തീരുമാനമെടുക്കുന്നതിന് മുന്‍പ് ജില്ലാ കൗണ്‍സിലുകള്‍ വിളിച്ചുചേര്‍ത്ത് അഭിപ്രായം തേടണമെന്ന് ഭൂരിപക്ഷം മണ്ഡലം കമ്മിറ്റികളും ആവശ്യപ്പെട്ടിട്ടും വീരേന്ദ്രകുമാര്‍ തള്ളിക്കളഞ്ഞു. കോണ്‍ഗ്രസ് നേതൃത്വം നല്‍കുന്ന യു.പി.എയില്‍ പങ്കാളികളാകുന്നതിന് ദേശീയ കണ്‍വീനര്‍ ശരത് യാദവ് നേതൃത്വം നല്‍കുന്ന രാഷ്ട്രീയ നീക്കത്തിന് പിന്നില്‍ കേരളത്തിലെ പ്രവര്‍ത്തകര്‍ ഉറച്ചുനില്‍ക്കും.

വീരേന്ദ്രകുമാറിന്റെ ഇടതുമുന്നണി പ്രവേശന തീരുമാനത്തിന് എതിരായ പാര്‍ട്ടിനേതാക്കളും പ്രവര്‍ത്തകരും യഥാര്‍ത്ഥ ജനതാദള്‍ ചേരി രൂപീകരിക്കും. എല്ലാ ജില്ലകളിലും ഒരാഴ്ചക്കുള്ളില്‍ കമ്മിറ്റികള്‍ രൂപീകരിക്കും. ഈ മാസം 26ന് ഉച്ചക്ക് രണ്ടിന് എറണാകുളം ടൗണ്‍ഹാളില്‍ കേരളത്തിലെ ജനതാദള്‍ യു നേതാക്കളുടെ യോഗം ചേരുമെന്നും നേതാക്കള്‍ പറഞ്ഞു. ജനതാദള്‍ യു മുന്‍ സംസ്ഥാന സെക്രട്ടറി ജോണ്‍ ജോണ്‍, സംസ്ഥാന നിര്‍വാഹക സമിതി അംഗങ്ങളായ അഡ്വ.വി.എസ് സന്തോഷ്, അഡ്വ. ഷഹീദ് അഹമ്മദ്, എറണാകുളം ജനറല്‍ സെക്രട്ടറി പ്രൊഫ. ജോര്‍ജ് ജോസഫ് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.

ജനതാദള്‍ യുണൈറ്റഡ് യു.ഡി.എഫിന്റെ അവിഭാജ്യഘടകമാണ്. പടയൊരുക്കത്തിന്റെ കോഴിക്കോട് റാലി ഉദ്ഘാടനം ചെയ്തതും വിവിധ വേദികളില്‍ പ്രസംഗിച്ചതും വീരേന്ദ്രകുമാറാണ്. അവരുടെ പാര്‍ട്ടി നേതാവും മുന്‍മന്ത്രിയുമായ കെ.പി മോഹനന്‍ കഴിഞ്ഞ 30 ദിവസമായി ‘പടയൊരുക്ക’ത്തിനൊപ്പമുണ്ടെന്നും ചെന്നിത്തല പറഞ്ഞു.

വീരേന്ദ്രകുമാര്‍ എം.പി സ്ഥാനം രാജിവെക്കുന്നത് മുന്നണിയുമായി ബന്ധപ്പെട്ട കാര്യമല്ലെന്നും ദേശീയതലത്തില്‍ എന്‍.ഡി.എയുടെ ഭാഗമായ നിതീഷ്‌കുമാറുമായി സഹകരിക്കാനുള്ള താല്‍പ്പര്യക്കുറവാണ് അതിന് പിന്നിലുള്ളതെന്നും പ്രതിപക്ഷനേതാവ് പറഞ്ഞു. ഇക്കാര്യം വീരേന്ദ്രകുമാര്‍ തന്നെ തുറന്നുപറഞ്ഞതാണ്. അതിനാല്‍ തന്നെ വീരേന്ദ്രകുമാര്‍ യു.ഡി.എഫ് വിടുമെന്ന് തങ്ങളാരും വിശ്വസിക്കുന്നില്ലെന്നും രമേശ് ചെന്നിത്തല കൂട്ടിച്ചേര്‍ത്തു.