ബോയ്പായി ഹെസ്സയെ ബോധം പോകുംവരെ വടികൊണ്ട് അടിച്ചു. തുടര്‍ന്ന് ഹെസ്സയെ മഴുകൊണ്ട് വെട്ടി കൊലപ്പെടുത്തുകയായിരുന്നുവെന്ന് പൊലീസ് പറഞ്ഞു. പ്രതിയുടെ കൈയില്‍ നിന്ന് കൊലപാതകത്തിന് ഉപയോഗിച്ച ആയുധങ്ങള്‍ കണ്ടെടുത്തതായി പൊലീസ്.

മാസങ്ങളായി ബോയ്പായി രോഗം കൊണ്ട് പൊറുതിമുട്ടിയിരുന്നു. ഇതിന് കാരണം ഹെസ്സയാണെന്ന് ഇയാള്‍ സംശയിച്ചു. ശനിയാഴ്ച വൈകീട്ട് മദ്യപിച്ച് ഹെസ്സയുടെ വീട്ടിലെത്തിയ ഇയാള്‍ വടികൊണ്ട് അവരെ അക്രമിക്കാന്‍ തുടങ്ങി. അടിയേറ്റ് ബോധംകെട്ട് വീണപ്പോള്‍ ബോയ്പായി വയോധികയെ വെട്ടി കൊലപ്പെടുത്തിയതെന്ന് പൊലീസ് ചൂണ്ടിക്കാട്ടി.

വയോധികയെ മര്‍ദിക്കുന്നതു കണ്ട ചെറുമകനാണ് പൊലീസിനെ വിവരം അറിയിച്ചത്. തുടര്‍ന്ന് ഇയാളെ പൊലീസ് അറസ്റ്റ് ചെയ്യുകയായിരുന്നു.

ധന്‍ബാദ്്: ജാര്‍ഖണ്ഡിലെ പാക്കൂര്‍ രംഗയില്‍ മുസ്്‌ലിംലീഗ് ദേശീയ കമ്മിറ്റിയുടെ ആഭിമുഖ്യത്തില്‍ ആയിരക്കണക്കിന് ആദിവാസി-ദളിത്-പിന്നാക്ക വിഭാഗക്കാര്‍ക്ക് ശൈത്യകാല വസ്ത്രവും പുതപ്പും വിദ്യാഭ്യാസ കിറ്റും നല്‍കുന്ന പരിപാടിക്കു നേരെ നടന്ന പൊലീസ് അതിക്രമത്തെ ചെറുത്ത് ഇ.ടി മുഹമ്മദ് ബഷീര്‍ എംപി. ഞായറാഴ്ച വൈകീട്ട് നടക്കേണ്ട സഹായവിതരണ പരിപാടിക്ക് നേരത്തെ അനുമതി നല്‍കിയ പൊലീസ് അര്‍ധരാത്രി പൊടുന്നനെ അത് റദ്ദ് ചെയ്യുകയായിരുന്നു.

തുടര്‍ന്ന്് ദേശീയ നേതാക്കള്‍ പങ്കെുടക്കുന്ന പൊതുയോഗം മുടക്കുന്നതിനായി സ്ഥലത്തെ പന്തലുകള്‍ രാത്രി രണ്ട് മണിക്ക് പൊളിച്ചുനീക്കി. സ്‌പെഷ്യല്‍ ഡിസ്ട്രിക്ട് മജിസ്‌ട്രേറ്റ് ഉള്‍പെടെയുള്ളവരുമായി മുസ്്‌ലിംലീഗ് നേതൃത്വം ചര്‍ച്ച നടത്തിയെങ്കിലും റദ്ദ് ചെയ്ത ഓര്‍ഡര്‍ പുനസ്ഥാപിക്കാന്‍ പൊലീസ് തയ്യാറായില്ല. തെറ്റായ പൊലീസ് ഉത്തരവ് പാലിക്കാന്‍ കഴിയില്ലെന്ന് മുസ്്‌ലിംലീഗ് നേതാക്കള്‍ ബന്ധപ്പെട്ടവരെ അറിയിച്ചു.
നല്‍കിയ അനുമതി നിഷേധിക്കുന്നതിന് കാരണം പറയാതെ പൊലീസ് കൂടുതല്‍ പ്രകോപനങ്ങള്‍ സൃഷ്ടിക്കുകയായിരുന്നു. പൊലീസ് അധികാരികളെ കണ്ടു ശക്തമായ പ്രതിഷേധവും അമര്‍ഷവും അറിയിച്ച ഇ.ടി, കയ്യേറ്റത്തിന് ശ്രമിച്ച ഉദ്യോഗസ്ഥര്‍ക്കെതിരെ ചെറുത്തുനിന്നു. അറസ്‌ററ് ഭീഷണിയുയര്‍ത്തിയപ്പോള്‍ അതാവശ്യപ്പെട്ടെങ്കിലും പൊലീസ് പിന്‍വാങ്ങി. യാതൊരു പ്രകോപനമോ, അക്രമങ്ങളോ ഇല്ലാതെ പരിപാടി റദ്ദ് ചെയ്ത നടപടി ദുരൂഹമാണെന്ന് ഇടി മുഹമ്മദ് ബഷീര്‍ എംപി പറഞ്ഞു. പൊലീസ് നടപടി പ്രാകൃതവും അന്യായവുമാണെന്നും സമാധാനപരമായും നിയമവിധേയമായും പ്രവര്‍ത്തിക്കുന്നവരെ പ്രകോപിതരാക്കി പ്രശ്‌നങ്ങള്‍ സൃഷ്ടിക്കാനാണ് ശ്രമമെന്നും ഇ.ടി കുറ്റപ്പെടുത്തി.
പരിപാടി റദ്ദാക്കിയതറിഞ്ഞ് നാട്ടുകാരും പ്രവര്‍ത്തകരും പ്രദേശത്ത് തടിച്ചുകൂടി. റോഡില്‍ നിന്ന് ഇ.ടി നാട്ടുകാരെ അഭിവാദ്യം ചെയ്തു. തുടര്‍ന്ന് വസ്ത്രങ്ങളും സഹായങ്ങളും നാട്ടുകാര്‍ക്ക് കൈമാറി. ജനം സന്തോഷപൂര്‍വം അവ സ്വീകരിക്കാന്‍ മുന്നോട്ടുവന്നത് ആവേശമായെന്ന് ഇ.ടി കൂട്ടിച്ചേര്‍ത്തു.

ഝാര്‍ഖണ്ഡില്‍ നവജാത ശിശുക്കള്‍ മരിച്ച സംഭവത്തില്‍ മനുഷ്യാവകാശ കമ്മീഷന്‍ സര്‍ക്കാരിന് നോട്ടീസ് അയച്ചു. ഗൊരഖ്പൂരില്‍ കൂട്ടശിശു മരണത്തിന്റെ ഞെട്ടലില്‍ നിന്നു രാജ്യം മോചനം നേടുന്നതിനു മുന്‍പാണ് ഝാര്‍ഖണ്ഡില്‍ ശിശുക്കളുടെ മരണത്തിന്റെ റിപ്പോര്‍ട്ട് പുറത്തു വന്നത്. ജംഷെഡ്പൂര്‍ മഹാത്മാ ഗാന്ധി മെമ്മോറിയല്‍ മെഡിക്കല്‍ കോളജ് ആസ്പത്രിയിലാണ് ഒരു മാസത്തിനുള്ളില്‍ 52 കുട്ടികള്‍ മരിച്ചത്. പോഷകാഹാര കുറവാണ് മരണത്തിന് കാരണമെന്ന് അധികൃതര്‍ പറയുന്നു.
കുട്ടികളുടെ മരണം വേദനാജനകമെന്ന് കമ്മീഷന്‍ ചൂണ്ടിക്കാട്ടി. പോഷകാഹാര കുറവാണ് മരണത്തിനു കാരണമെങ്കില്‍ അതിന്റെ വ്യക്തമായ കാരണം സര്‍ക്കാര്‍ വ്യക്തമാക്കണമെന്ന് കമ്മീഷന്‍ ആവശ്യപ്പെട്ടിട്ടുണ്ട്. ആറ് ആഴ്ചകള്‍ക്കുള്ളില്‍ ഝാര്‍ഖണ്ഡ് ചീഫ് സെക്രട്ടറി നോട്ടീസിന് മറുപടി നല്‍കണമെന്നും കമ്മീഷന്‍ നിര്‍ദേശിച്ചു.
രാജ്യത്തെ ആസ്പത്രികളില്‍ ശ്രദ്ധക്കുറവില്‍ നവജാത ശിശുക്കള്‍ മരണമടയുന്നതില്‍ ശക്തമായ നടപടികള്‍ സ്വീകരിക്കാന്‍ കേന്ദ്ര ആരോഗ്യ-കുടുംബ മന്ത്രാലയം ഉടന്‍ ഇടപെടണം. സംസ്ഥാനങ്ങള്‍ക്കും കേന്ദ്രഭരണ പ്രദേശങ്ങള്‍ക്കും നിര്‍ദേശം നല്‍കണമെന്നും വീഴ്ചവരുത്തിയവര്‍ക്കെതിരെ നടപടി സ്വീകരിക്കമമെന്നും കമ്മീഷന്‍ ആവശ്യപ്പെട്ടു.
ആഴ്ചകള്‍ക്ക് മുന്‍പു ഗൊരഖ്പൂര് മെഡിക്കല്‍ കോളജില്‍ ഓക്‌സിജന്‍ കിട്ടാതെ നൂറോളം കുട്ടികളാണ് മരണമടഞ്ഞത്.

റാഞ്ചി: ബീഫ് കൈവശം വെച്ചുവെന്നാരോപിച്ച് ജാര്‍ഖണ്ഡിലെ രാംഗഡില്‍ കഴിഞ്ഞ മാസം 45കാരനായ മുസ്്‌ലിം വ്യാപാരി അലിമുദ്ദീന്‍ അന്‍സാരിയെ ഗോ രക്ഷാ സേനയുടെ ഗുണ്ടകള്‍ തല്ലിക്കൊന്നത് കൃത്യമായ ആസൂത്രണത്തിന് ശേഷമെന്ന് പൊലീസ്.
ജനക്കൂട്ടത്തിന്റെ പെട്ടെന്നുള്ള പ്രകോപനമല്ല കൊലക്ക് കാരണമെന്നും രണ്ട് മണിക്കൂറുറുകളോളം അന്‍സാരിയെ ഗോരക്ഷാ സേന അംഗങ്ങള്‍ പിന്തുടര്‍ന്നതായും പൊലീസ് കണ്ടെത്തി. സംഭവ ദിവസം രാവിലെ 7.30ന് ചിത്രപൂര്‍ ചന്തയില്‍ നിന്നും അലിമുദ്ദീന്‍ ഇറച്ചി വാങ്ങിയതായി അക്രമികളിലൊരാളും ബജ്‌റംഗ് ദള്‍ പ്രവര്‍ത്തകനുമായ രാജ്കുമാര്‍ കണ്ടു. ഇത് ബീഫാണെന്ന് ഇയാള്‍ സംശയിച്ചു. തുടര്‍ന്ന് ഇയാള്‍ ഗോ രക്ഷാ സേനയിലെ അഞ്ച് അംഗങ്ങളെ വിവരം അറിയിച്ചതായും രാംഗഡ് ഡി.എസ്.പി വിരേന്ദ്ര ചൗധരി പറഞ്ഞു.
തുടര്‍ന്ന് മാരുതി വാനില്‍ ചന്തയില്‍ നിന്നും വീട്ടിലേക്കു മടങ്ങിയ അന്‍സാരിയെ രാജ്കുമാര്‍ പിന്തുടരുകയായിരുന്നു. 15 കിലോമീറ്ററോളം ഇയാള്‍ അന്‍സാരിയെ പിന്തുടര്‍ന്നു. ഇതിനിടയില്‍ വാഹനം പോകുന്ന വഴി ഉള്‍പ്പെടെ കൃത്യമായ വിവരങ്ങള്‍ ഇയാള്‍ 10-12 ഗോ രക്ഷാസേന അംഗങ്ങള്‍ക്കു കൂടി കൈമാറി. ഒടുവില്‍ അക്രമികളെല്ലാം ഒരിടത്ത് ഒരുമിച്ച് ചേരുകയും അന്‍സാരിയെ കൈകാര്യം ചെയ്യാന്‍ തീരുമാനിക്കുകയുമായിരുന്നു. രാംകുമാറിന്റെ മൊബൈല്‍ ഫോണ്‍ ട്രാക് ചെയ്താണ് ഈ വിവരങ്ങള്‍ പൊലീസ് കണ്ടെത്തിയത്. ബസാര്‍തണ്ടിലെത്തിയപ്പോള്‍ ബജ്‌റംഗ്ദള്‍ പ്രവര്‍ത്തകനായ രാം കുമാര്‍ അന്‍സാരിയെ വാഹനത്തില്‍ നിന്നും വലിച്ചിറക്കുകയും മാരുതി വാനിന് തീയിട്ട ശേഷം 100 ഓളം വരുന്ന ഗോരക്ഷാ ഗുണ്ടകള്‍ ക്രൂരമായി മര്‍ദ്ദിച്ചു കൊലപ്പെടുത്തുകയുമായിരുന്നു.
7.30 മുതല്‍ 9.30 വരെ രണ്ട് മണിക്കൂര്‍ നേരം അക്രമികള്‍ തുടര്‍ച്ചയായി പരസ്പരം വിവരങ്ങള്‍ കൈമാറിയതായും കൃത്യമായ ആസൂത്രണത്തിന്റെ ഭാഗമായാണ് കൊലപാതകമെന്നും പൊലീസ് അന്വേഷണത്തില്‍ കണ്ടെത്തിയിട്ടുണ്ട്. കൊല്ലപ്പെടുമ്പോള്‍ അന്‍സാരിയുടെ വാഹനത്തില്‍ നാലു ചാക്കുകളിലായി ഇറച്ചിയുണ്ടായിരുന്നതായും പൊലീസ് അറിയിച്ചു. ഗോ രക്ഷയുടെ പേരില്‍ അതിക്രമം പാടില്ലെന്ന പ്രധാനമന്ത്രി മോദിയുടെ പ്രഖ്യാപനം വന്ന് മണിക്കൂറുകള്‍ക്കകമായിരുന്നു ബീഫിന്റെ പേരില്‍ അന്‍സാരിയുടെ കൊലപാതകം അരങ്ങേറിയത്.
ജാര്‍ഖണ്ഡില്‍ ന്യൂനപക്ഷങ്ങള്‍ക്കെതിരായ ഗോരക്ഷാ ഗുണ്ടകളുടെ ആക്രമണം തുടര്‍ക്കഥയാവുന്നതിനിടെയാണ് അന്‍സാരിയുടെ വധം. ജൂണ്‍ ആദ്യം വീടിനു മുന്നില്‍ പശുവിന്റെ അവശിഷ്ടം കണ്ടെത്തിയെന്നാരോപിച്ച് മുസ്്‌ലിം ക്ഷീര കര്‍ഷകന്റെ വീടിന് അക്രമികള്‍ തീയിട്ടിരുന്നു.
അന്‍സാരിയെ കൊലപ്പെടുത്തിയ കേസില്‍ 12 പേരെയാണ് പ്രതി ചേര്‍ത്തിരിക്കുന്നത്. ഇവരില്‍ ചോട്ടു വര്‍മ, സന്തോഷ് സിങ്, ദീപക് മിശ്ര, രാജ് കുമാര്‍, ചോട്ടു റാണ എന്നീ അഞ്ചു പേരെ പൊലീസ് ചോദ്യം ചെയ്യാനായി കസ്റ്റഡില്‍ വാങ്ങിയിട്ടുണ്ട്. ഇതില്‍ നാലു പേരും ബജ്‌റംഗ്ദള്‍ പ്രവര്‍ത്തകരാണെന്ന് രാംഗഡ് പൊലീസ് സൂപ്രണ്ട് കിശോര്‍ കൗശല്‍ അറിയിച്ചു. ഗോ രക്ഷയുടെ പേരില്‍ അക്രമികള്‍ അഴിഞ്ഞാടുന്നതിനെതിരെ കഴിഞ്ഞ ദിവസം വിദ്യാര്‍ത്ഥികള്‍, സാമൂഹ്യ പ്രവര്‍ത്തകര്‍ എന്നിവരുടെ നേതൃത്വത്തില്‍ നോട്ട് ഇന്‍ മൈ നെയിം എന്ന പേരില്‍ തലസ്ഥനമായ റാഞ്ചിയില്‍ പ്രതിഷേധ റാലി സംഘടിപ്പിച്ചിരുന്നു.
വര്‍ഗീയസംഘര്‍ഷം ഒരു മതത്തിന് നേരെ മാത്രമുള്ളതല്ലെന്നും ഇത് സമത്വം, യുക്തി, ജനാധിപത്യം എന്നിവക്കു നേരെയുള്ള സംഘടിത ആക്രമണമാണെന്നും പ്രതിഷേധത്തില്‍ പങ്കെടുത്ത സാമ്പത്തിക വിദഗ്ധന്‍ ജീന്‍ ഡെരസ് പറഞ്ഞു.