മൂന്നു പതിറ്റാണ്ടുകാലത്തോളം ജയലളിതയുടെ തോഴിയായിരുന്നു ശശികല നടരാജന്‍. ജയലളിതയുമായുള്ള അവരുടെ ബന്ധം ശശികലയെ പാര്‍ട്ടിയുടെ നേതൃസ്ഥാനത്തേക്കും അവിടെ നിന്ന് മുഖ്യമന്ത്രിസ്ഥാനത്തേക്കും എത്തിക്കുകയായിരുന്നു. മുഖ്യമന്ത്രികൂടി ആകുന്നതോടെ പാര്‍ട്ടിയുടേയും ഭരണത്തിന്റേയും പൂര്‍ണ്ണ നിയന്ത്രണം 61കാരിയായ ശശികലയിലേക്ക് എത്തിച്ചേരുകയാണ്.

ജയലളിതയുടെ മരണശേഷമാണ് പനീര്‍സെല്‍വം മുഖ്യമന്ത്രിയായി അധികാരമേല്‍ക്കുന്നത്. പാര്‍ട്ടി തന്നെ അദ്ദേഹത്തെ ഇടക്കാല മുഖ്യമന്ത്രിയായാണ് വിശേഷിപ്പിച്ചിരുന്നത്. മുഖ്യമന്ത്രിയായി തെരഞ്ഞെടുക്കപ്പെട്ട സാഹചര്യത്തില്‍ ശശികല ആറുമാസത്തിനകം വിജയിച്ച് നിയമസഭാംഗമാകേണ്ടതുണ്ട്്. ജയലളിതയുടെ മണ്ഡലമായ ആര്‍.കെ നഗറില്‍ ശശികല മല്‍സരിച്ചേക്കുമെന്നാണ് സൂചന. ഫെബ്രുവരി ഒന്‍പതിന് ശശികല മുഖ്യമന്ത്രിയായി അധികാരമേല്‍ക്കുമെന്നതിനാണ് സാധ്യത.

ജയലളിതയെ ആസ്പത്രിയില്‍ പ്രവേശിപ്പിച്ച 77 ദിവസവും അവരെ കാണാന്‍ അനുവദിച്ചില്ലെന്നും ചിന്നമ്മക്ക് വോട്ടു ചെയ്യില്ലെന്നും പരസ്യമാക്കി ഒരു വിഭാഗം സ്ത്രീകള്‍ രംഗത്തെത്തിയിട്ടുണ്ട്. ജയയുടെ യഥാര്‍ത്ഥ അനന്തരാവകാശി ദീപ ജയകുമാറാണെന്നും വാദമുയര്‍ന്നിട്ടുണ്ട്. പരസ്യമായി എതിര്‍പ്പുയര്‍ന്നതിനാല്‍ ആര്‍കെ നഗറില്‍ മത്സരിക്കുന്നതില്‍ നിന്നും ശശികലയെ മാറ്റിനിര്‍ത്താനാണ് ഉന്നതനേതാക്കള്‍ ആലോചിക്കുന്നത്. കൂടാതെ മധുരയില്‍ നിന്നും ശശികല മല്‍സരിക്കുന്നതിനാണ് സാധ്യതയേറെയും. എന്നാല്‍ മത്സരിക്കുന്നതിനെക്കുറിച്ച് ദീപ ഇതുവരെ വ്യക്തമാക്കിയിട്ടില്ല. പാര്‍ട്ടി വൃത്തങ്ങള്‍ ദീപയുമായി കൂടിക്കാഴ്ച്ച നടത്തിയിട്ടുണ്ട്.

നേരത്തെ ജയലളിതയുടെ മരണത്തില്‍ സംശയമുന്നയിച്ച് ദീപ രംഗത്തെത്തിയിരുന്നു. ശശികലക്കെതിരെ വളരെ ശക്തമായ ആരോപണങ്ങളാണ് ദീപ ഉന്നയിച്ചിരുന്നത്.

ജയലളിതയുടെ മരണത്തെക്കുറിച്ച് കേന്ദ്രസര്‍ക്കാരിന് ഗവര്‍ണര്‍ സി വിദ്യാസാഗര്‍ റാവു നല്‍കിയ റിപ്പോര്‍ട്ടിന്റെ പകര്‍പ്പ് ആവശ്യപ്പെട്ട് നല്‍കിയ ഒരു വിവരാവകാശ അപേക്ഷയ്ക്ക് മറുപടിയായാണ് റിപ്പോര്‍ട്ട് ആഭ്യന്തരമന്ത്രാലയം പുറത്തുവിട്ടത്. ഡിസംബര്‍ ഏഴിനാണ് ജയലളിതയുടെ മരണത്തെക്കുറിച്ചുള്ള റിപ്പോര്‍ട്ട് ഗവര്‍ണര്‍ നല്‍കിയത്. സെപ്തംബര്‍ 22 ന് അപ്പോളോ ആസ്പത്രിയില്‍ പനിയും നിര്‍ജ്ജലീകരണവും മൂലമാണ് ജയലളിതയെ പ്രവേശിപ്പിച്ചത്. 75ദിവസത്തെ ആസ്പത്രി ജീവിതത്തിനുശേഷമാണ് ജയലളിത മരണത്തിന് കീഴടങ്ങുന്നത്.

അന്‍പത് ദിവസത്തോളം വിദഗ്ധ ചികിത്സ നല്‍കിയതിനെത്തുടര്‍ന്ന് ജയലളിതയെ നവംബര്‍ 19 ന് ഐസിയുവില്‍ നിന്ന് മള്‍ട്ടി ഡിസിപ്ലിനറി ക്രിട്ടിക്കല്‍ യൂണിറ്റിലേയ്ക്ക് മാറ്റിയിരുന്നു. ഡിസംബര്‍ 4 ന് വൈകിട്ട് ജയലളിതയ്ക്ക് ഹൃദയാഘാതമുണ്ടായി.പിന്നീട് ഇസിഎംഒ എന്ന ജീവന്‍രക്ഷാഉപകരണം ഘടിപ്പിച്ചു. ഡിസംബര്‍ അഞ്ചിന് അവര്‍ മരണത്തിന് കീഴടങ്ങുകയും ചെയ്തുവെന്നാണ് റിപ്പോര്‍ട്ട്. എന്നാല്‍ ജയയുടെ രോഗവിവരത്തെക്കുറിച്ചുള്ള വിശദാംശങ്ങള്‍ പുറത്തുവിടാനാകില്ലെന്നും അത് അവരുടെ സ്വകാര്യ കാര്യങ്ങളാണെന്നും കേന്ദ്രആഭ്യന്തരമന്ത്രാലയം അറിയിച്ചു.

നേരത്തെ ശശികല മുഖ്യമന്ത്രി സ്ഥാനത്തേക്ക് എത്തുമെന്ന് അഭ്യൂഹങ്ങളുണ്ടായിരുന്നു. എന്നാല്‍ അനധികൃത സ്വത്ത് സമ്പാദനക്കേസിലെ വിധി വരാനിരിക്കുന്നതുമൂലം ഇത് മാറ്റിവെക്കുകയായിരുന്നു. റവന്യൂ മന്ത്രി ഉദയകുമാറും പാര്‍ട്ടി വക്താവ് സി പൊന്നയ്യനും ശശികലയെ മുഖ്യമന്ത്രിയാക്കണമെന്ന ആവശ്യം ഉന്നയിച്ചിരുന്നു. അതിന് ശേഷം ആദ്യമായാണ് പാര്‍ട്ടിയിലെ തന്നെ ഏറ്റവും മുതിര്‍ന്ന നേതാക്കളിലൊരാള്‍ ഇത്തരമൊരു പ്രസ്താവന നടത്തുന്നത്.

പാര്‍ട്ടിയെ നയിക്കുന്നത് ഒരാളും ഭരിക്കുന്നത് മറ്റൊരാളുമായാല്‍ ആശയക്കുഴപ്പങ്ങള്‍ക്കും അഭിപ്രായ വ്യത്യാസങ്ങള്‍ക്കും ഇടയാക്കുമെന്നാണ് തമ്പിദുരൈ ഇറക്കിയ പ്രസ്താവനയില്‍ പറഞ്ഞിരിക്കുന്നത്. രണ്ട് വര്‍ഷത്തിനുള്ളില്‍ ലോക്‌സഭാ തെരഞ്ഞെടുപ്പ് വരാനിരിയ്ക്കുന്ന സാഹചര്യത്തില്‍ പാര്‍ട്ടിയെ ഒറ്റക്കെട്ടായി നയിക്കാന്‍ ശശികലക്കേ കഴിയൂ എന്നും തമ്പിദുരൈ പറയുന്നു.

മരണവുമായി ബന്ധപ്പെട്ട് മാധ്യമങ്ങള്‍ നിരവധി സംശയങ്ങള്‍ ഉന്നയിച്ചിട്ടുണ്ട്. തനിക്കും സംശയങ്ങളുണ്ടെന്ന് ജസ്റ്റിസ് വൈദ്യലിംഗം പറഞ്ഞു. ആശ്പത്രിയില്‍ പ്രവേശിപ്പിച്ചതിന് ശേഷം അവര്‍ക്ക് ശരിയായ ഭക്ഷണക്രമമല്ല നല്‍കിയിരുന്നതെന്നാണ് അറിയുന്നത്. എന്നാല്‍ അവരുടെ മരണത്തിന് ശേഷമെങ്കിലും സത്യം പുറത്തുവരണമെന്നും വൈദ്യലിംഗം പറയുന്നു. എന്തുകൊണ്ടാണ് മൃതദേഹം ദഹിപ്പിക്കാതിരുന്നതെന്നും കോടതി ചോദിച്ചു.

75ദിവസത്തോളമാണ് ചെന്നൈയിലെ അപ്പോളോ ആസ്പത്രിയില്‍ ജയലളിത ചികിത്സയില്‍ കഴിഞ്ഞത്. പനിയും നിര്‍ജ്ജലീകരണവും മൂലമാണ് ആസ്പ്ത്രിയില്‍ പ്രവേശിപ്പിച്ചതെങ്കിലും അസുഖം ഭേദമായി സാധാരണ നിലയിലേക്ക് അവര്‍ തിരിച്ചുവരുന്നതായി റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ അതിനിടെയുണ്ടായ ഹൃദയാഘാതമാണ് മരണത്തിലേക്ക് നയിച്ചതെന്നാണ് റിപ്പോര്‍ട്ട്. മരണത്തിന് ശേഷം സംശയങ്ങളുമായി പല വാര്‍ത്തകളും പ്രചരിച്ചിരുന്നു. ഈ സാഹചര്യത്തിലാണ് കോടതിയില്‍ നിന്നുതന്നെ ഇത്തരത്തിലുള്ളൊരു സംശയം ഉയരുന്നത്.

ജയലളിത അനുസ്മരണയോഗത്തില്‍ മന്ത്രി ആര്‍പി ഉദയകുമാര്‍ സംസാരിക്കുമ്പോഴാണ് ശശികലയെ ചിന്നമ്മ എന്ന് അഭിസംബോധന ചെയ്തത്. എന്നാല്‍ ചിന്നമ്മ വിളിയില്‍ പ്രതിഷേധം പ്രകടിപ്പിച്ച് ഒരു വിഭാഗം പാര്‍ട്ടി പ്രവര്‍ത്തകര്‍ രംഗത്തെത്തി. പിന്നീട് ശശികലയുടെ കോലം കത്തിക്കുകയും ചെയ്തു.

പാര്‍ട്ടിയെ നയിക്കാന്‍ ചിന്നമ്മക്ക് യോഗ്യതയില്ലെന്ന് ശശികല പുഷ്പയും പറഞ്ഞു. പാര്‍ട്ടിയില്‍ ചെറിയ സ്ഥാനം പോലും ശശികലക്ക് നല്‍കാന്‍ ജയലളിത ശ്രമിച്ചിട്ടില്ല. രാഷ്ട്രീയ ജീവിതം അവര്‍ക്ക് യോജിച്ചതല്ലെന്ന് ജയലളിതക്കറിയാവുന്നത് കൊണ്ടാണിത്. ജയലളിതയെ കൊല്ലാന്‍ ശ്രമിച്ചതിനും ഗൂഢാലോചന നടത്തിയതിനും ജയലളിത ഒരിക്കല്‍ ശശികലയെ പുറത്താക്കിയതാണ്. ജയലളിതയുടെ മരണത്തില്‍ ദുരൂഹതയുണ്ട്. ജുഡീഷ്യല്‍ അന്വേഷണം നടത്തണമെന്നും ശശികല പുഷ്പ ആവശ്യപ്പെട്ടു. പാര്‍ട്ടി ജനറല്‍ സെക്രട്ടറി തെരഞ്ഞെടുപ്പ് ജനാധിപത്യ രീതിയില്‍ ആകണമെന്ന് ആവശ്യപ്പെട്ട് താന്‍ മദ്രാസ് ഹൈക്കോടതിയെ സമീപിച്ചിട്ടുണ്ടെന്നും ശശികല പുഷ്പ കൂട്ടിച്ചേര്‍ത്തു.

വീട് പൂട്ടിയ നിലയിലാണ്. വേലക്കാരിയേയും കാണുന്നില്ലെന്നും തിങ്കളാഴ്ച്ച മുതല്‍ ഫോണില്‍ കിട്ടുന്നില്ലെന്നും അമൃത പറയുന്നു. ജയലളിതയുടെ രൂപസാദൃശ്യമുള്ള ദീപ ജയലളിതയുടെ തോഴി ശശികലക്കെതിരെ രംഗത്തെത്തിയിരുന്നു. ശശികലക്കെതിരെ വിമര്‍ശനം ഉന്നയിച്ച സാഹചര്യത്തില്‍ തനിക്ക് പേടിയുണ്ടെന്നും അമൃത പറയുന്നു.

ജയലളിതയുടെ സഹോദരിയുടെ മകളായ അമൃത ബാംഗളൂരുവിലാണ് താമസിക്കുന്നത്. തങ്ങളുടെ മാതൃസഹോദരിയുടെ സ്വത്ത് തട്ടിയെടുക്കാന്‍ ശശികലയും അനുയായികളും ശ്രമിക്കുന്നുവെന്നും അമൃത പറഞ്ഞു. ജയലളിതക്ക് അസുഖം എന്താണെന്നോ എന്തു തരം ചികിത്സയാണോ ചെയ്തിരുന്നതെന്നും അറിയില്ലെന്നും അമൃത പറയുന്നു. രണ്ടു വര്‍ഷത്തിനുള്ളില്‍ മൂന്ന് തവണ മാത്രമാണ് ജയലളിതയെ പോയസ് ഗാര്‍ഡനില്‍ പോയി കണ്ടതെന്നും ശശികല പോയതിന് ശേഷം ബന്ധുക്കളെ സെക്രട്ടേറിയറ്റിനുള്ളിലാണ്
കണ്ടിരുന്നതെന്നും അമൃത പറഞ്ഞു.

ജയലളിതയുടെ മരണത്തിലെ ദുരൂഹതകളെക്കുറിച്ച് അന്വേഷിക്കണമെന്ന് ഹര്‍ജിയില്‍ പറയുന്നു. ജയലളിതയുടെ മുഴുവന്‍ മെഡിക്കല്‍ റിപ്പോര്‍ട്ടുകള്‍ കണ്ടെടുക്കണമെന്നും കേസില്‍ തീരുമാനം ഉണ്ടാകുംവരെ സ്വത്തുക്കളുടെ കൈമാറ്റം സ്‌റ്റേ ചെയ്യണമെന്നും ഹര്‍ജി ആവശ്യപ്പെടുന്നു.

ജയലളിതക്ക് നല്‍കിയ ചികിത്സയെക്കുറിച്ചും മരുന്നുകളെക്കുറിച്ചും മരണത്തിലെ ദുരൂഹതകളെക്കുറിച്ചും അന്വേഷണം വേണം. ഇതിന് ഒരു വിദഗ്ധ സമിതിയെ നിയോഗിക്കണമെന്നും ഹര്‍ജിയില്‍ പറയുന്നു. ഹര്‍ജി ക്രിസ്മസ് അവധിക്കുശേഷം കോടതി പരിഗണിക്കും.

നിത്യവും ജയലളിതക്ക് ആദരമര്‍പ്പിച്ച് പ്രാര്‍ത്ഥിക്കാനായി അനേകം പേരാണ് ശവകുടീരത്തില്‍ എത്തുന്നത്. അവരാണ് ശബ്ദം കേള്‍ക്കുന്നുവെന്ന് പറയുന്നത്. വാര്‍ത്ത പരന്നതോടെ അമ്മ ആരാധകര്‍ ചെന്നൈ മറീന ബീച്ചിലേക്ക് ഒഴുകിയെത്തുകയായിരുന്നു. മൃതദേഹത്തില്‍ കെട്ടിയ വാച്ചിന്റെ ശബ്ദമാണ് അസാധാരണ ശബ്ദം. വാച്ചിലെ സൂചികള്‍ ചലിക്കുന്നതാണ് പുറത്തേക്ക് കേള്‍ക്കുന്ന ശബ്ദം. ഈ ശബ്ദം കേള്‍ക്കാനായി പലരും ശവകുടീരത്തിനോട് ചേര്‍ന്ന് ചെവിവെച്ചുനില്‍ക്കുകയും ചെയ്യുന്നുണ്ട്.

സാരിയോടും വാച്ചുകളോടും ചെരിപ്പിനോടും അതിയായ കമ്പമുള്ളയാളായിരുന്നു ജയലളിത. അതുകൊണ്ടുതന്നെ സംസ്‌ക്കരിക്കുമ്പോള്‍ പച്ചസാരിയായിരുന്നു ധരിപ്പിച്ചിരുന്നത്. മറീനാ ബീച്ചില്‍ എംജിആറിന്റെ സ്മാരകത്തിനു സമീപമാണ് ജയലളിതയുള്ള ശവകുടീരം സ്ഥിതി ചെയ്യുന്നത്.

ജയലളിതയുടെ മരണവുമായി ബന്ധപ്പെട്ടുതന്നെ അനേകം ദുരൂഹതകള്‍ ഉയര്‍ന്നുവരുന്ന സാഹചര്യത്തിലാണ് ഇത്തരത്തിലുള്ള വാര്‍ത്തകളും വരുന്നത്. മരണത്തില്‍ ദുരൂഹതയുണ്ടെന്ന് വിവിധ മേഖലകളിലെ പ്രമുഖ വ്യക്തികള്‍ ആരോപിച്ചിരുന്നു. അതേസമയം, ജയലളിതയ്ക്ക് എതിരായ അനധികൃത സ്വത്ത് സമ്പാദനക്കേസ് ജയയുടെ മരണത്തോടെ ചര്‍ച്ചാവിഷയമായിരിക്കുകയാണ്. കേസില്‍ കോടതി വിധി ഉടനെ ഉണ്ടാകുമെന്ന പ്രതീക്ഷയിലാണ് എഐഡിഎംകെ നേതാക്കള്‍.