ചെന്നൈ: അന്തരിച്ച തമിഴ്‌നാട് മുന്‍ മുഖ്യമന്ത്രി ജയലളിതയുടെ സ്വത്തുവിഹിതം സംസ്ഥാനത്തിന്റെ ക്ഷേമപ്രവര്‍ത്തനങ്ങള്‍ക്ക് ഉപയോഗിക്കാത്തതെന്തു കൊണ്ടാണെന്ന് ചോദിച്ച് മദ്രാസ് ഹൈക്കോടതി. ബന്ധുക്കളായ ദീപ, ദീപക് എന്നിവരോടാണ് കോടതി ഇതേപ്പറ്റി ആരാഞ്ഞത്. തന്നെ താനാക്കി വളര്‍ത്തിയത് ഇവിടത്തെ ജനങ്ങളാണെന്നും അതുകൊണ്ട് ജനങ്ങളുടെ ക്ഷേമത്തിനു വേണ്ടി താന്‍ എന്നും നിലകൊള്ളുമെന്നും ജയലളിത നിരന്തരം പറഞ്ഞിരുന്നതായും കോടതി ഓര്‍മിപ്പിച്ചു.

ജസ്റ്റിസ് അബ്ദുല്‍ ഖുദ്ദൂസും കിറുബാകരനും ചേര്‍ന്ന ഡിവിഷന്‍ ബെഞ്ചാണ് ഇതേ സംബന്ധിച്ച് ചോദിച്ചത്.

സ്വത്തുക്കള്‍ ജനക്ഷേമത്തിനു വേണ്ടി ഉപയോഗിക്കുമെന്ന കാര്യത്തില്‍ സംശയമില്ലെന്നും അതിനായി ജയലളിതയുടെ പേരില്‍ ഒരു ട്രസ്റ്റ് സ്ഥാപിക്കാനുള്ള തയ്യാറെടുപ്പിലാണെന്നും ബന്ധുക്കളായ ദീപയും ദീപകും പറഞ്ഞു.

സോണിയ സിങിന്റെ ‘ഇന്ത്യയെ നിര്‍വചിക്കുന്നു, അവരുടെ കണ്ണുകളിലൂടെ’ എന്ന പുസ്തകത്തിന് വേണ്ടി നടത്തിയ അഭിമുഖത്തിലാണ് കമലഹാസന്‍ വിവാദ കാര്യങ്ങള്‍ വെളിപ്പെടുത്തിയത്. അഭിമുഖത്തില്‍ ജയലളിതയെ ‘മഹാറാണി’ എന്നാണ് കമലഹാസന്‍ വിശേഷിപ്പിച്ചത്.

ജയലളിത മുഖ്യമന്ത്രിയായിരുന്നപ്പോള്‍ അവരുടെ ഉടമസ്ഥതയിലുള്ള ജയ ടി.വിക്ക് വേണ്ടി ‘വിശ്വരൂപ’ത്തിന്റെ ടെലിവിഷന്‍ അവകാശം ആവശ്യപ്പെട്ട് ജയലളിതയുടെ കൂട്ടാളി തന്നെ സമീപിച്ചിരുന്നു. ജയലളിത സ്വാധീനമുള്ള ആളായിരുന്നതിനാല്‍ തനിക്ക് ആ നിര്‍ദ്ദേശം സ്വീകരിക്കുകയല്ലാതെ വേറെ വഴിയില്ലായിരുന്നു. എന്നാല്‍ ചിത്രത്തിന്റെ അവകാശത്തിനുള്ള പ്രതിഫലമായി തനിക്ക് അവര്‍ കള്ളപ്പണം വാഗ്ദാനം ചെയ്തപ്പോള്‍ താന്‍ ആ കരാറില്‍ നിന്നും പിന്മാറി. തന്റെ ആത്മാഭിമാനത്തെ ജയലളിത വിലകുറച്ച് കണ്ടുവെന്നും കമലഹാസന്‍ പറഞ്ഞു. തുടര്‍ന്ന് ജയലളിതയുടെ കൂട്ടാളികളില്‍ ഒരാളായ ഒരു പൊലീസ് മേധാവിയും ‘ജയ ടി.വി’യുടെ തലവനും കൂടിചേര്‍ന്ന് ‘വിശ്വരൂപം’ തീയറ്ററില്‍ പോയി കണ്ടുവെന്നും ഇവരാണ് ചിത്രം കുഴപ്പങ്ങള്‍ ഉണ്ടാക്കുമെന്ന് ജയലളിതയോട് പറഞ്ഞതെന്നും കമലഹാസന്‍ പറഞ്ഞു. തുടര്‍ന്ന് തന്നോട് വിരോധമുണ്ടായിരുന്ന ജയലളിത ചിത്രം നിരോധിക്കുകയായിരുന്നു.

താന്‍ രാഷ്ട്രീയത്തില്‍ ഇറങ്ങാന്‍ പ്രധാന കാരണവും ജയലളിതയാണ്. ഇതെല്ലാം ചെയ്താൽ ഞാൻ പോയി കാലുപിടിക്കുമെന്നാണ് അവർ കരുതിയത്. എന്നാല്‍ താന്‍ ആത്മാഭിമാനിയാണെന്നതിനെ കുറിച്ച് അവര്‍ക്ക് അറിവില്ലായിരുന്നു. അന്ന് ചിത്രം നിരോധിച്ചതിനെ തുടര്‍ന്ന് താന്‍ ഏറെ ബുദ്ധിമുട്ടിയെന്നും പിന്നീട് ഏറെ കഷ്ടപ്പെട്ടാണ് ചിത്രത്തെ നിരോധനത്തില്‍ നിന്നും രക്ഷിച്ചെടുത്തതെന്നും കമലഹാസന്‍ കൂട്ടിച്ചേര്‍ത്തു. 2013ലാണ് ഏറെ വിവാദങ്ങള്‍ക്ക് നടുവില്‍ ‘വിശ്വരൂപം’ റിലീസ് ചെയ്തത്. വിലക്കുകള്‍ കോടതി വഴി നീക്കിയ ശേഷം ചിത്രത്തിന്റെ പ്രീമിയര്‍ ഷോ ലൊസാഞ്ചലസില്‍ നടത്താന്‍ തീരുമാനിച്ചു. ചിത്രത്തിന്റെ രണ്ടാം ഭാഗവും പിന്നീട് പുറത്തിറങ്ങിയിരുന്നു.

ലോക്‌സഭാ തിരഞ്ഞെടുപ്പില്‍ കാര്യമായ ചലനം സൃഷ്ടിക്കാന്‍ സാധിച്ചില്ലെങ്കിലും തന്റെ പ്രസ്താവനകള്‍ കൊണ്ടു തെരഞ്ഞെടുപ്പ് കളത്തില്‍ നിറഞ്ഞുനിന്ന ആളായിരുന്നു കമല്‍ ഹാസന്‍. വരുന്ന നിയമസഭാ തിരഞ്ഞെടുപ്പിനായി വിവാദങ്ങള്‍ക്ക് തിരികൊളുത്തി നിറഞ്ഞുനില്‍ക്കാനുള്ള ഒരുക്കത്തിലാണ് ഉലക നായകനും പാര്‍ട്ടിയും.

തിരുവാരൂരിലെ മന്നാര്‍കുടിയില്‍ നടന്ന എംജിആര്‍ ജന്മശതാബ്ദി ആഘോഷ പരിപാടിയില്‍ സംസാരിക്കുകയായിരുന്നു അദ്ദേഹം.

2016 ഡിസംബര്‍ അഞ്ചിന് രാത്രി പതിനൊന്ന് മണിക്ക് അന്തരിച്ചുവെന്നാണ് ഔദ്യോഗിക അറിയിപ്പ് പുറത്തുവന്നത്. എന്നാല്‍ 2016 ഡിസംബര്‍ നാലിന് മരിച്ചിരുന്നുവെന്നാണ് ദിവാകരന്റെ വെളിപ്പെടുത്തല്‍.

ഡിസംബര്‍ നാലിന് ഹൃദയാഘാതമുണ്ടായ ഉടന്‍ തന്നെ ജയലളിത മരിച്ചുവെന്നാണ് ദിവാകരന്‍ പറയുന്നത്. സുരക്ഷ മുന്‍നിര്‍ത്തി വാര്‍ത്ത പുറത്തുവിടാതിരിക്കുകയായിരുന്നുവെന്നും അദ്ദേഹം പറഞ്ഞു. എന്നാല്‍ ഇതു സംബന്ധിച്ച് തനിക്കറിവില്ലെന്ന് ടിടിവി ദിനകരന്‍ എംഎല്‍എ പ്രതികരിച്ചു.

അതേസമയം, അനാവശ്യ വിവാദങ്ങള്‍ ഒഴിവാക്കണമെന്ന് ജയലളിതയെ ചികിത്സിച്ച അപ്പോളോ ആസ്പത്രി വൃത്തങ്ങള്‍ വാര്‍ത്താക്കുറിപ്പില്‍ ആവശ്യപ്പെട്ടു. എല്ലാ മെഡിക്കല്‍ ചട്ടങ്ങളും പാലിച്ചാണ് ജയലളിതയുടെ മരണം സ്ഥിരീകരിച്ചതെന്നും ആസ്പത്രി അധികൃതര്‍ പറഞ്ഞു.

2016 സെപ്റ്റംബര്‍ 22 നു കടുത്ത പനിയും നിര്‍ജ്ജലീകരണവും ബാധിച്ച് ആശുപത്രിയില്‍ പ്രവേശിപ്പിക്കപ്പെട്ട ജയലളിത 75 ദിവസത്തെ ആശുപത്രി വാസത്തിനൊടുവില്‍ ഡിഡംബര്‍ അഞ്ചിനു രാത്രി പതിനൊന്നരയോടെയായിരുന്നു അന്തരിച്ചത്. എന്നാല്‍ മരണത്തില്‍ പല ദുരൂഹതകളും ഉണ്ടെന്നും അടുപ്പക്കാരെന്ന് വിശേിപ്പിക്കപ്പെടുന്നവര്‍ അത് മറച്ചു വെക്കുകയാണെന്നുമുള്ള ആരോപണം ഉയര്‍ന്നിരുന്നു.

അതിനിടെ, ശശികലയെ നാലു വര്‍ഷത്തേക്ക് ശിക്ഷിച്ചതോടെ പൊതുമരാമത്ത് മന്ത്രി എടപ്പാടി പളനിസ്വാമിയെ ചിന്നമ്മ ക്യാമ്പ് നിയമകക്ഷി നേതാവായി തെരഞ്ഞെടുത്തു. സര്‍ക്കാര്‍ രൂപീകരിക്കുന്നതിന് ഭൂരിപക്ഷം തെളിയിക്കാന്‍ അവസരം തേടി പളനിസ്വാമി ഗവര്‍ണറുമായി ഇന്നു വൈകിട്ട് അഞ്ചരക്ക് കൂടിക്കാഴ്ച നടത്തും. പനീല്‍ശെല്‍വം മന്ത്രിസഭയില്‍ ജലസേചനമന്ത്രിയായിരുന്നു പളനിസ്വാമി. റിസോര്‍ട്ടില്‍ കഴിയുന്ന എംഎല്‍എമാരെക്കൊണ്ട് പളനിസ്വാമിയെ പിന്തുണച്ച് ഒപ്പിടുവിച്ചതായും റിപ്പോര്‍ട്ടുകളുണ്ട്. അതേസമയം ശശികലയെ പൊലീസ് അറസ്റ്റു ചെയ്യില്ലെന്നും സ്വയം കീഴടങ്ങട്ടെയെന്നുമാണ് ബംഗളൂരു പൊലീസ് പറയുന്നത്.

‘മുഖ്യമന്ത്രി സുഖം പ്രാപിച്ചു വരികയാണെന്നും ഭക്ഷണം കഴിച്ചു തുടങ്ങിയെന്നും രേഖകളില്‍ ഒപ്പുവെക്കുന്നുവെന്നും യോഗം വിളിക്കുന്നുവെന്നുമുള്ള വാര്‍ത്തകള്‍ നാം പത്രങ്ങളില്‍ വായിച്ചിരുന്നു. എന്നാല്‍ പെട്ടെന്ന് അവര്‍ മരിച്ചു. ഒരു റവന്യൂ ഡിവിഷന്‍ ഓഫീസറും (ആര്‍.ഡി.ഒ) അവരുടെ മൃതദേഹം കണ്ടില്ല. ഒരു മെഡിക്കല്‍ റെക്കോര്‍ഡുകളും ഇല്ല. മരണത്തിനു ശേഷമെങ്കിലും തെളുവുകള്‍ ഇല്ലാത്തത് എന്തുകൊണ്ടാണ്’ – കോടതി ചോദിച്ചു.

അണ്ണാ ഡി.എം.കെ പ്രവര്‍ത്തകനായ പി.എ ജോസഫ് നല്‍കിയ പൊതുതാല്‍പര്യ ഹര്‍ജിയില്‍ വാദം കേള്‍ക്കുകയായിരുന്നു കോടതി. ജയലളിതക്ക് അവസാന സമയത്ത് ലഭിച്ച ചികിത്സയെപ്പറ്റി അന്വേഷിക്കാന്‍ മൂന്ന് റിട്ട. ജഡ്ജിമാരടങ്ങുന്ന സംഘത്തെ ചുമതലപ്പെടുത്തണമെന്നാണ് ഹര്‍ജിക്കാരന്റെ ആവശ്യം. സംശയം ദൂരികരിക്കാന്‍ മൃതദേഹം പുറത്തെടുത്ത് പരിശോധിക്കേണ്ടി വരുമോ എന്നും കോടതി ആരാഞ്ഞു. ഇക്കാര്യത്തില്‍ അഭിപ്രായം തേടിയാണ് കേന്ദ്ര, സംസ്ഥാന സര്‍ക്കാറുകള്‍ക്ക് നോട്ടീസയച്ചിരിക്കുന്നത്.

1980-ല്‍ എം.ജി.ആറിന്റെ മരണ സമയത്തും സമാന ദുരൂഹത ഉണ്ടായിരുന്നുവെന്ന് കോടതി ചൂണ്ടിക്കാട്ടി. ചെന്നൈയിലും അമേരിക്കയിലും ചികിത്സ തേടിയതിനു ശേഷമാണ് എം.ജി.ആര്‍ മരിച്ചത്. ചികിത്സക്കിടെ അദ്ദേഹത്തിന്റെ ഒരു വീഡിയോ സര്‍ക്കാര്‍ പുറത്തുവിട്ടിരുന്നു. മരണം പ്രഖ്യാപിക്കപ്പെട്ടപ്പോള്‍ ദുരൂഹതയുയര്‍ന്നു.

ഹൈക്കോടതി ഫസ്റ്റ് ബെഞ്ചും സുപ്രീം കോടതിയും സമാനമായ പരാതികളില്‍ വാദം കേള്‍ക്കുന്നതിനാല്‍ കേസ് നീട്ടിവെക്കണമെന്ന് തമിഴ്‌നാട് സര്‍ക്കാറിനു വേണ്ടി ഹാജരായ അഡ്വ. ജനറല്‍ ആര്‍. മുത്തു കുമാരസ്വാമി അഭ്യര്‍ത്ഥിച്ചു. സുപ്രീം കോടതി വെള്ളിയാഴ്ചയും ഹൈക്കോടതി ഫസ്റ്റ് ബെഞ്ച് ജനുവരി നാലിനുമാണ് വാദം കേള്‍ക്കുന്നത്. ജോസഫിന്റെ പരാതിയില്‍ ജനുവരി ഒമ്പതിന് തുടര്‍ന്ന് വാദം കേള്‍ക്കുമെന്ന് കോടതി വ്യക്തമാക്കി.

ജയലളിതയുടെ രോഗത്തിലും മരണത്തിലും മനംനൊന്ത് തമിഴ്‌നാട്ടില്‍ ഇതിനകം 203 പേര്‍ മരിച്ചതായി എഐഎഡിഎംകെയാണ് പാര്‍ട്ട് ഹെഡികോര്‍ട്ടേഴ്‌സില്‍ നിന്നും പുറത്തുവിട്ട വാര്‍ത്താക്കുറിപ്പില്‍ വ്യക്തമാക്കിയത്. ചെന്നൈ, വെല്ലൂര്‍, തിരുവല്ലൂര്‍, തിരുവണ്ണാമലൈ, കൃഷ്ണഗിരി, ഈറോഡ്, തിരുപ്പൂര്‍ തുടങ്ങിയ ജില്ലകളിലായാണ് മരണം റിപ്പോര്‍ട്ട് ചെയ്തിരിക്കുന്നത്.

ജയലളിത മരിച്ച ഡിസംബര്‍ 4ന് തൊട്ടടുത്ത ദിവസങ്ങളിലായി 77 പേര്‍ മരിച്ചെന്ന് നേരത്തെ പാര്‍ട്ടി വ്യക്തമാക്കിയിരുന്നു. തലൈവിയുടെ വിയോഗത്തില്‍ തമിഴ്‌നാട്ടില്‍ ആകെ 280 മരണമാണ് പാര്‍ട്ടി റിപ്പോര്‍ട്ട് ചെയ്തിരിക്കുന്നത്.
അതേസമയം ജയലളിതയുടെ മരണത്തില്‍ മനംനനൊന്ത് മരിച്ചവരുടെ കുടുംബത്തിന് സഹായമായി മൂന്ന് ലക്ഷം രൂപ വീതം നല്‍കുമെന്നും എഐഎഡിഎംകെ പ്രഖ്യാപിച്ചു.

എന്നാല്‍ പ്രവര്‍ത്തകരുടെ മരണത്തെ സംബന്ധിച്ച കൂടുതല്‍ വിവരം കുറിപ്പിലില്ല. ജയലളിത ആസ്പത്രിയില്‍ അഡ്മിറ്റായ സെപ്തംബര്‍ 22ന് ശേഷമാണോ അതോ പിന്നീട് ഹൃദയാഘാതമുണ്ടായതിന് ശേഷമാണോ പ്രവര്‍ത്തകര്‍ മരിച്ചതെന്നും പാര്‍ട്ടി കുറിപ്പില്‍ വ്യക്തമാക്കിയിട്ടില്ല.

അതേസമയം 33 പേര്‍ ജയലളിതയുടെ മരണത്തെ തുടര്‍ന്ന് മരിച്ചതായി കേന്ദ്ര ഇന്റലിജന്‍സ് വ്യക്തമാക്കുന്നുണ്ട്.