ഇന്ന് പുതിയതായി ജോലിയിൽ പ്രവേശിച്ചയാളാണ് അപകടത്തിൽപ്പെട്ടത്. ചെങ്ങന്നൂർ, അടൂർ നിലയങ്ങളിൽ നിന്നുള്ള അഗ്നിരക്ഷാ സംഘമെത്തിയാണ് മൃതദേഹം പുറത്തെടുത്തത്. മണ്ണുമാന്തിയന്ത്രം നിയന്ത്രണം നഷ്ടപ്പെട്ട് മറിയുമ്പോൾ തൊഴിലാളി ഇതിനിടയിൽ അകപ്പെട്ടു.

അപടമുണ്ടായ സംഭവസ്ഥലത്തുവച്ചു തന്നെതൊഴിലാളിയുടെ ജീവൻ നഷ്ടമായി. മൃതദേഹം കോഴഞ്ചേരിയിലെ പത്തനംതിട്ട ജില്ലാ ആശുപത്രിയിലേക്ക് മാറ്റി. ഇലവുംതിട്ട പൊലീസും സ്ഥലത്തെത്തി. കരാർ കമ്പനി ഉദ്യോഗസ്ഥർ എത്തിയ ശേഷം തുടർനടപടികൾ സ്വീകരിക്കുമെന്ന് പൊലീസ് അറിയിച്ചു.

മണ്ണുമാന്തിയുടെ ഓപ്പറേറ്റര്‍ പുറത്തുപോയ സമയത്ത് ഇയാള്‍ യന്ത്രം പ്രവര്‍ത്തിക്കാന്‍ ശ്രമിച്ചതോടെയാണ് അപകടം ഉണ്ടായത്. അതിനിടെ മണ്ണുമാന്തി യന്ത്രത്തിനുള്ളില്‍ പോളിന്റെ തലകുടുങ്ങുകയായിരുന്നെന്നാണ് വിവരം.

മണ്ണുനീക്കുന്നതിനു വേണ്ടി ഇന്ന് രാവിലെയാണ് ജെസിബി ഇവരുടെ വീട്ടില്‍ എത്തിച്ചത്. വിവരം അറിഞ്ഞ് പൊലീസ് ഉള്‍പ്പടെ സ്ഥലത്തെത്തി. മൃതദേഹം തുടര്‍നടപടികള്‍ക്കായി ആശുപത്രിയിലേക്ക് മാറ്റി.

ടോള്‍ നല്‍കാന്‍ ആവശ്യപ്പെട്ടതിനു പിന്നാലെ ഡ്രൈവര്‍ ഗേറ്റും ടോള്‍ ബൂത്തുകളും തകര്‍ക്കുകയായിരുന്നുവെന്ന് ടോള്‍ ജീവനക്കാര്‍ പറയുന്നു. സംഭവവുമായി ബന്ധപ്പെട്ട് ജീവനക്കാര്‍ കേസ് ഫയല്‍ ചെയ്തിട്ടുണ്ടെന്ന് പൊലീസ് അറിയിച്ചു. പ്രതിക്കു വേണ്ടി തിരച്ചില്‍ നടക്കുകയാണ്. കഴിഞ്ഞയാഴ്ച ടോള്‍ ജീവനക്കാരനെ കാര്‍ ഡ്രൈവര്‍ ഇടിച്ചു തെറുപ്പിച്ച സംഭവം നടന്നതും ഛിജാര്‍സിയിലാണ്.

After the resounding victory of the Samajwadi Party in UP loksabha, a bulldozer driver got furious when asked to pay the toll

He demolished two booths at the toll plaza, forcing the staff to flee for their lives

This incident took place at Chhijarsi Toll Plaza in Hapur district pic.twitter.com/QsKvWYPHTp

— Ashwini Shrivastava (@AshwiniSahaya) June 11, 2024

മട്ടന്നൂര്‍ മുനിസിപ്പാലിറ്റിയും മാങ്ങാട്ടിടം പഞ്ചായത്തും തമ്മില്‍ ബന്ധിപ്പിക്കുന്ന കുളിക്കടവില്‍ പുതിയ പാലം നിര്‍മ്മിക്കുന്നതിന്റെ ഭാഗമായി ഹാജിറയുടെ വീടിന്റെ മുന്‍വശത്ത് റോഡ് നവീകരിക്കുന്നുണ്ട്. ആവശ്യമായ സ്ഥലം റോഡിന് വിട്ടുനല്‍കിയാണ് വീട്ടുമതില്‍ നിര്‍മ്മിച്ചത്. എന്നാല്‍ വീണ്ടും സ്ഥലം വിട്ട് തരണമെന്ന് ആവശ്യമുയര്‍ന്നപ്പോള്‍ വേണ്ടത്ര സ്ഥലം ഉള്ളപ്പോള്‍ പുതുതായി നിര്‍മ്മിച്ച മതിലും ഗേറ്റും പൊളിച്ച് മാറ്റാന്‍ കഴിയില്ല എന്ന് ഇവര്‍ വ്യക്തമാക്കി.

ഇതേത്തുടര്‍ന്ന് ഒരാഴ്ച മുമ്പ് ഒരു സംഘം സിപിഎം പ്രവര്‍ത്തകര്‍ വീട്ടിലെത്തി ഭീഷണിപ്പെടുത്തിയിരുന്നു. ഇതിന്റെ തുടര്‍ച്ചയായാണ് മണ്ണുമാന്തി യന്ത്രം ഉപയോഗിച്ച് ബ്ലോക്ക് പഞ്ചായത്ത് അംഗത്തിന്റെ നേതൃത്വത്തിലുള്ള ഏഴംഗ സിപിഎം സംഘം മതില്‍ പൊളിച്ചതെന്ന് ഹാജിറ പറയുന്നു.

ചൊവ്വാഴ്ച അര്‍ധരാത്രി 12.45-ഓടെയാണ് വീട്ടുമതിലും ഗേറ്റും തകര്‍ത്തത്. തുടര്‍ന്ന് കൂത്തുപറമ്പ് പൊലീസ് സ്റ്റേഷനില്‍ ഹാജിറ പരാതി നല്‍കി. മതില്‍ പൊളിക്കുന്ന സമയത്ത് വീട്ടിലുള്ളവര്‍ പുറത്ത് ഇറങ്ങാതിരിക്കാന്‍ വീടിന് മുന്നിലെ ഗ്രില്‍ വാതില്‍ പൂട്ടിയതായും ആക്ഷേപമുണ്ട്. ശബ്ദം കേട്ട് പുറത്തിറങ്ങാന്‍ നോക്കിയപ്പോള്‍ മണ്ണുമാന്തി യന്ത്രവുമായി സംഘം രക്ഷപ്പെട്ടു. ഏറെ പണിപ്പെട്ട് ഗ്രില്‍സ് തുറന്നതിനു ശേഷമാണ് മതിലും ഗേറ്റും തകര്‍ന്നുവീണതായി കണ്ടത്. അതിക്രമത്തില്‍ ലക്ഷങ്ങളുടെ നഷ്ടം ഉണ്ടായിട്ടുണ്ടെന്നും പരാതിയില്‍ പറയുന്നു.

ജെ.സി.ബി കടത്തിയ സംഭവത്തില്‍ കൃത്യവിലോപം ഉണ്ടായതായി കാണിച്ചാണ് എസ്.ഐ നൗഷാദിനെ സസ്‌പെന്‍ഡ് ചെയ്തിരുന്നു.സെപ്റ്റംബര്‍ 19 ന് തോട്ടുമുക്കത്ത് ജെസിബി ഇടിച്ച് ബൈക്ക് യാത്രികന്‍ മരിച്ച സംഭവത്തില്‍ തൊണ്ടി മുതല്‍ മാറ്റി, തെളിവ് നശിപ്പിക്കാന്‍ എസ്എ നൗഷാദ് കൂട്ടു നിന്നുവെന്നാണ് കണ്ടെത്തല്‍.

അപകട മരണ കേസില്‍ പൊലീസ് പിടിച്ചെടുത്ത ജെസിബിയുടെ നമ്പര്‍ ഉള്‍പ്പെടെയുള്ള വിശദമായ വിവരങ്ങള്‍ എഫ്‌ഐആറില്‍ രേഖപ്പെടുത്തിയില്ലെന്നും കണ്ടെത്തിയിട്ടുണ്ട്. പ്രതികള്‍ക്ക് രക്ഷപ്പെടാന്‍ എസ്‌ഐ കൂട്ടു നിന്നെന്നും, തൊണ്ടി മുതല്‍ മാറ്റി പകരം ജെ.സി.ബി പൊലീസ് സ്‌റ്റേഷനില്‍ നിര്‍ത്താന്‍ നൗഷാദ് സഹായം ചെയ്തുവെന്നും പ്രാഥമിക അന്വേഷണ റിപ്പോര്‍ട്ടിലുണ്ട്.

താമരശ്ശേരി ഡിവൈഎസ്പി നടത്തിയ അന്വേഷണത്തില്‍ എസ്‌ഐയുടെ പങ്ക് വ്യക്തമായതോടെ റിപ്പോര്‍ട്ട് കോഴിക്കോട് റൂറല്‍ എസ്പിയ്ക്ക് കൈമാറി. എസ്പിയുടെ റിപ്പോര്‍ട്ട് ലഭിച്ചതോടെയാണ് എസ്‌ഐയെ അന്വേഷണ വിധേയമായി സസ്‌പെന്റ് ചെയ്ത് കൊണ്ടുള്ള ഉത്തരമേഖല ഐജിയുടെ നടപടി. സംഭവ ദിവസം ഡ്യൂട്ടിയില്‍ ഉണ്ടായിരുന്ന മറ്റ് പൊലീസുകാരും കൃത്യവിലോപത്തിന് കൂട്ടു നിന്നതായി കണ്ടെത്തിയിട്ടുണ്ട്.

വിശദമായ അന്വേഷണ റിപ്പോര്‍ട്ട് ലഭിക്കുന്നതോടെ മറ്റുള്ളവര്‍ക്കെതിരെയും നടപടി ഉണ്ടായേക്കും. ജെസിബി മാറ്റി തെളിവ് നശിപ്പിക്കാന്‍ ശ്രമിച്ച കേസില്‍ ക്വാറി ഉടമയുടെ മകന്‍ ഉള്‍പ്പെടെ 6 പ്രതികളെ നേരത്തെ അറസ്റ്റ് ചെയ്തിരുന്നു. കസ്റ്റഡിയിലുള്ള പ്രതികളുമായി അന്വേഷണ സംഘം തെളിവെടുപ്പ് നടത്തി. പ്രതികള്‍ ഗൂഢാലോചന നടത്തിയ സ്ഥലങ്ങള്‍, പകരം ജെസിബി നിര്‍ത്തിയിട്ടിരുന്ന മുക്കം ഹൈസ്‌കൂള്‍ റോഡ് എന്നിവിടങ്ങളിലായിരുന്നു തെളിവെടുപ്പ്.

റോഡ് പണിയെടുത്ത കരാറുകാരന്‍ എംഎല്‍എക്ക് കമ്മീഷന്‍ നല്‍കാത്തതിനെ തുടര്‍ന്നാണ് അതിക്രമമെന്നും ആരോപണമുയര്‍ന്നു. വാര്‍ത്താ ഏജന്‍സിയായ പിടിഐയാണ് വാര്‍ത്ത റിപ്പോര്‍ട്ട് ചെയ്തത്.

20ഓളം പേര്‍ക്കെതിരെ കണ്‍സ്ട്രക്ഷന്‍ കമ്പനി മാനേജര്‍ രമേഷ് സിംഗിന്റെ പരാതിയില്‍ എഫ്‌ഐആര്‍ രജിസ്റ്റര്‍ ചെയ്തിട്ടുണ്ട്. പ്രതികളിലൊരാള്‍ കത്രയില്‍ നിന്നുള്ള ബിജെപി എംഎല്‍എ വീര്‍ വിക്രം സിംഗിന്റെ സഹായിയാണെന്ന് പരാതിക്കാരന്‍ ആരോപിച്ചു.

എംഎല്‍എയുടെ പ്രതിനിധിയെന്ന് പരിചയപ്പെടുത്തിയ ജഗ്‌വീര്‍ സിംഗ് നിരവധി തവണ കണ്‍സ്ട്രക്ഷന്‍ കമ്പനിയിലെ ജീവനക്കാരെ ഭീഷണിപ്പെടുത്തി അഞ്ച് ശതമാനം കമ്മീഷന്‍ ആവശ്യപ്പെട്ടതായി പരാതിക്കാരന്‍ ആരോപിച്ചു.

കമ്മീഷന്‍ കിട്ടാതെ വന്നപ്പോള്‍ നിര്‍മിച്ച റോഡിന്റെ അരകിലോമീറ്റര്‍ ഒക്‌ടോബര്‍ രണ്ടിന് മണ്ണുമാന്തി യന്ത്രം ഉപയോഗിച്ച് കുഴിച്ചെന്നും അദ്ദേഹം പരാതിയില്‍ ആരോപിച്ചു. ജഗ്‌വീര്‍ സിംഗ് റോഡ് നിര്‍മ്മാണ സ്ഥലത്തെത്തുകയും തൊഴിലാളികളെ വടികൊണ്ട് മര്‍ദിക്കുകയും മണ്ണുമാന്തി യന്ത്രം ഉപയോഗിച്ച് റോഡിന്റെ അരകിലോമീറ്റര്‍ കുഴിക്കുകയും ചെയ്തുവെന്നാണ് ആരോപണം. പ്രതികളെ പിടികൂടാനുള്ള ശ്രമം തുടരുകയാണെന്നും പൊലീസ് പറഞ്ഞു.

പിഡബ്ല്യുഡി എക്‌സിക്യൂട്ടീവ് എന്‍ജിനീയറോടും ടില്‍ഹാര്‍ സബ് ഡിവിഷണല്‍ മജിസ്‌ട്രേറ്റിന്റെ (എസ്ഡിഎം) കീഴിലുള്ള സംഘത്തോടും വിശദമായ വിവരങ്ങള്‍ ആവശ്യപ്പെട്ടിട്ടുണ്ടെന്ന് അഡീഷണല്‍ ജില്ലാ മജിസ്‌ട്രേറ്റ് സഞ്ജയ് കുമാര്‍ പാണ്ഡെ പറഞ്ഞു.

റിപ്പോര്‍ട്ട് ലഭിച്ച ശേഷം നടപടി സ്വീകരിക്കുമെന്നും തൊഴിലാളികള്‍ക്ക് മതിയായ സുരക്ഷയൊരുക്കാന്‍ പൊലീസിനോട് ആവശ്യപ്പെട്ടിട്ടുണ്ടെന്നും അദ്ദേഹം പറഞ്ഞു. ജഗ്‌വീര്‍ സിംഗ് തന്റെ സഹായിയല്ലെന്നും എന്നാല്‍ അദ്ദേഹം ബിജെപി പ്രവര്‍ത്തകനാണെന്നും എംഎല്‍എ വീര്‍ വിക്രം സിംഗ് പറഞ്ഞു. ഇയാള്‍ ബിജെപി പ്രവര്‍ത്തകനാണെങ്കിലും താനുമായി ബന്ധമില്ലെന്നും എംഎല്‍എ പറഞ്ഞു.

കൈവച്ചും തോര്‍ത്ത് ഉപയോഗിച്ചിട്ടും തീരാത്ത ചൊറിച്ചില്‍ ഒടുക്കം ജെസിബിയെ വച്ചങ്ങു തീര്‍ത്തു. ജെസിബി കൊണ്ട് പുറം ചൊറിയിക്കുന്ന ആളുടെ വീഡിയോയെ പിന്തുണച്ചും എതിര്‍ത്തും ഒരുപാട് പേരാണ് ഷെയര്‍ ചെയ്തത്. 41 സെക്കന്റുള്ള വീഡിയോ ഫെയ്‌സ്ബുക്ക് വഴിയാണ് പ്രചരിക്കുന്നത്.

സംഭവത്തെ രസകരമെന്നു ചിലര്‍ വിളിച്ചപ്പോള്‍ മറ്റു ചിലര്‍ അതിലെ അപകടത്തെ ചൂണ്ടിക്കാട്ടി.

https://www.facebook.com/1037547072979627/videos/257727322285477/

തളിപ്പറമ്പ്: പുളിമ്പറമ്പില്‍ വ്യാപകമായി കുന്നിടിച്ച് നിരത്തി. സി.പി.എമ്മുകാരനായ വാര്‍ഡ് കൗണ്‍സിലറുടെ സ്ഥലത്തടക്കമാണ് കുന്നിടിക്കല്‍ നടന്നതെന്ന് ആരോപണവും ഉയര്‍ന്നിട്ടുണ്ട്. കുന്നിടിക്കലിനെതിരെ സി.പി.എമ്മിലെ ഒരുപറ്റം യുവാക്കളാണ് പ്രതിഷേധവുമായി രംഗത്തെത്തിയിട്ടുള്ളത്. പുളിമ്പറമ്പ്- കുപ്പം റോഡില്‍ കണികുന്നിന് എതിര്‍വശം പുളിയോടാണ് വ്യാപകമായി കുന്നിടിക്കല്‍ നടക്കുന്നത്. ഒരു മാസമായി ഇവിടെ ജെ.സി.ബി ഉപയോഗിച്ച് കുന്നിടിക്കലും മറ്റും നടക്കുകയാണ്.
പുളിയോട് റോഡില്‍ നിന്ന് വീടു നിര്‍മ്മാണത്തിനായി റോഡ് നിര്‍മ്മിക്കാനെന്ന പേരിലാണ് ഇവിടെ മലയിടിക്കാന്‍ തുടങ്ങിയത്. ഇവിടെയുള്ള കോഴിഫാം വിപുലീകരണത്തിനാണെന്ന ന്യായവും അന്ന് നിരത്തിയിരുന്നു. ചെറിയ റോഡ് നിര്‍മ്മാണം മാത്രമാവുമെന്ന് കരുതിയാണ് ആദ്യം വിഷയം ഗൗരവമായി എടുക്കാതിരുന്നതെന്ന് കുന്നിടിക്കലിനെ എതിര്‍ക്കുന്നവര്‍ വാദിക്കുന്നു.
എന്നാല്‍ ഇപ്പോള്‍ അത് സര്‍വ്വ സീമകളും ലംഘിച്ച് 20 അടി താഴ്ചയിലുള്ള മണ്ണെടുപ്പായെന്നാണ് കണികുന്ന് സഖാക്കള്‍ എന്ന പേരിലറിയപ്പെടുന്ന സി.പി.എം അണികള്‍ തന്നെ ആരോപിക്കുന്നത്. പ്രദേശത്തെ നഗരസഭാ കൗണ്‍സിലര്‍ അടക്കമുള്ള മൂന്നു പേരുടെ ഉടമസ്ഥതയിലുള്ള സ്ഥലത്താണ് ഈ പ്രകൃതി ധ്വംസനം നടക്കുന്നതെന്നും ഇവര്‍ ആരോപിക്കുന്നു. ഇവിടുത്തെ മലയ്ക്ക് താഴെയുള്ള ഇടുങ്ങിയ റോഡിലൂടെ ദിവസേന സ്‌കൂള്‍ ബസുകള്‍ കടന്നു പോവുന്നുണ്ട്. മഴയില്‍ ഇടിച്ച ഭാഗത്തെ കുന്നിന്റെ അവശിഷ്ടങ്ങള്‍ താഴേക്ക് പതിച്ചാല്‍ വലിയ ദുരന്തത്തിനാവും നാട് കേള്‍ക്കേണ്ടി വരിക.
കൂടാതെ പുളിമ്പറമ്പിലെ 110 കെ.വി സബ് സ്റ്റേഷന്റെ പ്രധാന വൈദ്യുതി ലൈനിന്റെ സ്റ്റേ കമ്പി നിലനില്‍ക്കുന്നതും ഇടിച്ചു കൊണ്ടിരിക്കുന്ന കുന്നിന്റെ പാറക്ക് മുകളിലാണ്. ഈ പാറ ഏത് നിമിഷവും നിലംപതിക്കാവുന്ന നിലയിലാണ്. ഇതേ സ്ഥലത്തെ 220 കെ.വി ടവറിനും കുന്നിടിക്കല്‍ ഭീഷണിയാണ്. കൂടാതെ ഇപ്പോള്‍ ജെ.സി.ബി ഉപയോഗിച്ച് വലിയ പാറകളും മണ്ണും ഖനനം ചെയ്യുമ്പോള്‍ കുന്നിന്റെ മറുവശത്തുള്ള വീടുകള്‍ക്ക് കുലുക്കവും അനുഭവപ്പെടുന്നുണ്ട്. അതേ സമയം ജിയോളജി വകുപ്പിന്റെ അനുമതി ഖനനത്തിനുണ്ടെന്ന് പുളിമ്പറമ്പ് വാര്‍ഡ് കൗണ്‍സിലര്‍ വി.വി കുഞ്ഞിരാമന്‍ വ്യക്തമാക്കി. എന്നാല്‍ ഇത്രയധികം പാരിസ്ഥിതികാഘാതമുള്ള പ്രദേശത്ത് ഖനനത്തിന് ജിയോളജി വകുപ്പ് എന്തടിസ്ഥാനത്തിലാണ് അനുമതി നല്‍കിയതെന്ന ചോദ്യവും ബാക്കി നില്‍ക്കുന്നു. വിഷയം സി.പി.എമ്മിന്റെ കണിക്കുന്ന് ബ്രാഞ്ച് കമ്മിറ്റി മുകളിലോട്ട് ഉന്നയിച്ച് പോരാട്ടത്തിനിറങ്ങാന്‍ തന്നെയാണ് അണികളുടെ തീരുമാനം.