jellikettu – Chandrika Daily

ജെല്ലിക്കെട്ടിന് അനുമതി നല്‍കി സുപ്രീം കോടതി; നിയമത്തില്‍ ഇടപെടാനില്ല

webdesk11 — Thu, 18 May 2023 06:35:00 +0000

ജെല്ലിക്കെട്ടിനെ അനുമതി നല്‍കി സുപ്രീംകോടതി ഭരണഘടന ബെഞ്ച് ഉത്തരവ്. തമിഴ്‌നാട് സര്‍ക്കാരിന്റെ നിയമത്തില്‍ ഇടപെടാന്‍ ആകില്ലെന്ന് കോടതി വ്യക്തമാക്കി. ജെല്ലിക്കെട്ട് തമിഴ് സംസ്‌കാരത്തിന്റെ ഭാഗമാണെന്നും ജസ്റ്റിസ് കെ എം ജോസഫ് അധ്യക്ഷനായ അഞ്ച് അംഗ ബെഞ്ച് വിധി പ്രസ്താവിച്ചു.

പീപ്പിള്‍ ഫോര്‍ എത്തിക്കല്‍ ട്രീറ്റ്‌മെന്റ് ഓഫ് അനിമല്‍സ് ഉള്‍പ്പെടെയുള്ള സംഘടനകള്‍ സമര്‍പ്പിച്ച ഹര്‍ജിയിലാണ് സുപ്രീംകോടതി വിധി പറഞ്ഞത്.

ജല്ലിക്കെട്ട് കാണാനെത്തിയ 14കാരന്‍ കാളയുടെ കുത്തേറ്റ് മരിച്ചു

webdesk12 — Sun, 22 Jan 2023 05:10:48 +0000

ചെന്നൈ: തമിഴ്‌നാട്ടില്‍ ജല്ലിക്കെട്ട് കാണാനെത്തിയ 14 വയസുകാരന്‍ കാളയുടെ കുത്തേറ്റ് മരിച്ചു. ധര്‍മപുരിയിലെ തടങ്ങം ഗ്രാമത്തിലാണ് സംഭവം.ഗോകുല്‍ എന്ന കുട്ടിയാണ് മരിച്ചത്. കുടുംബാംഗങ്ങള്‍ക്കൊപ്പമാണ് ഗോകുല്‍ ജല്ലിക്കെട്ട് കാണാനെത്തിയത്. തുറന്നുവിട്ടതോടെ പാഞ്ഞുവന്ന കാളകളില്‍ ഒന്ന് സമീപത്തു നിന്ന കുട്ടിയെ കുത്തുകയായിരുന്നു.

വയറ്റില്‍ കുത്തേറ്റതിനെ തുടര്‍ന്ന് ഗുരുതരമായി പരിക്കേറ്റ ബാലനെ ഉടന്‍ ധര്‍മപുരി സര്‍ക്കാര്‍ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. സംഭവത്തില്‍ ധര്‍മപുരി പൊലീസ് അന്വേഷണം ആരംഭിച്ചിട്ടുണ്ട്. ഗോകുലിന് പരിക്കേറ്റത് എങ്ങനെയെന്ന് കണ്ടെത്താന്‍ ദൃശ്യങ്ങള്‍ പരിശോധിച്ച്‌ വരികയാണ്.

തമിഴ്നാട് ജെല്ലിക്കെട്ട് ലഹരിയില്‍ തിമർത്താടി

webdesk12 — Mon, 16 Jan 2023 01:50:52 +0000

തമിഴ്നാട്ടില്‍ പൊങ്കലിനോടനുബന്ധിച്ച്‌ സംഘടിപ്പിക്കുന്ന പരമ്ബരാഗത സാഹസിക വിനോദമായ ജെല്ലിക്കെട്ടുകള്‍ ജനങ്ങളില്‍ ആവേശംപടര്‍ത്തുന്നു.
ഞായറാഴ്ച രാവിലെ മധുര അവനിയാപുരത്ത് നടന്ന ജെല്ലിക്കെട്ട് മന്ത്രിമാരായ പി.ടി.ആര്‍. പളനിവേല്‍രാജന്‍, മൂര്‍ത്തി, എം.പി എസ്. വെങ്കടേശന്‍, ജില്ല കലക്ടര്‍ അനീഷ് ശേഖര്‍ തുടങ്ങിയവര്‍ ഫ്ലാഗ്ഓഫ് ചെയ്തു. 11 റൗണ്ടുകളിലായി 737 കാളകളെയാണ് കളത്തിലിറക്കിവിട്ടത്.

300 കാളപിടിയന്‍മാരും രംഗത്തിറങ്ങി. മത്സരത്തില്‍ ഒമ്ബത് കാണികള്‍ ഉള്‍പ്പെടെ 61 പേര്‍ക്ക് പരിക്കേറ്റു. പരിക്കേറ്റവരെ വിവിധ ആശുപത്രികളിലെത്തിച്ചു. ഗുരുതരമായി പരിക്കേറ്റ 14 പേരെ മധുര രാജാജി ഗവ. ആശുപത്രിയിലേക്ക് മാറ്റി. വിജയികളായി പ്രഖ്യാപിക്കപ്പെട്ടവര്‍ക്ക് സ്വര്‍ണ- വെള്ളി നാണയങ്ങള്‍, വാഷിങ് മെഷീന്‍, മൊബൈല്‍ ഫോണ്‍, മിക്സി, സൈക്കിള്‍ തുടങ്ങിയ സമ്മാനങ്ങള്‍ വിതരണം ചെയ്തു.