മധുരയിലെ ഏറ്റവും പ്രസിദ്ധമായ മൂന്ന് ജെല്ലിക്കട്ട് മത്സരങ്ങളിലൊന്ന് നടക്കുന്നത് ആവണിയപുരത്താണ്. ഈ ജെല്ലിക്കെട്ട് നടക്കുന്നതിനിടെയാണ് പരിക്ക് പറ്റിയത്. എന്നാല്‍ ആരുടേയും പരിക്ക് ഗുരുതരമല്ലെന്നാണ് വിവരം. മൃഗക്ഷേമ ബോര്‍ഡിന്റെ കര്‍ശന നിയന്ത്രണങ്ങളോടെയാണ് ഇത്തവണ ജെല്ലിക്കട്ട് മത്സരങ്ങള്‍ നടക്കുന്നത്. മത്സരാര്‍ഥികള്‍ക്കായി വേദിയില്‍ ചികിത്സാസൗകര്യങ്ങളൊരുക്കിയിട്ടുണ്ട്. 500 പൊലീസുദ്യോഗസ്ഥരടക്കം കര്‍ശനസുരക്ഷാ സന്നാഹങ്ങളും ഏര്‍പ്പെടുത്തിയിട്ടുണ്ട്.

ജെല്ലിക്കെട്ട് സമരത്തിനിടെ പ്രക്ഷോഭകര്‍ക്ക് നേരെയുള്ള പോലീസ് അതിക്രമം ഞെട്ടിച്ചു. സംസ്ഥാനത്ത് സംഭവിക്കുന്നതെന്തെന്ന് തനിക്ക് മനസിലായില്ലന്നും അദ്ദേഹം പറയുന്നു. സാധാരണക്കാര്‍ ഏതു നിമിഷവും അക്രമങ്ങള്‍ക്ക് ഇരയാകുമെന്നതാണ് ഇതില്‍ നിന്നു മനസിലാകുന്നതെന്നും അദ്ദേഹം പറഞ്ഞു.

കേരളത്തില്‍ മദമിളകിയ ആനകളുടെ കുത്തേറ്റ് വര്‍ഷത്തില്‍ എത്രയോ പേര്‍ മരിക്കുന്നു. എത്രയോ നാശനഷ്ടങ്ങള്‍ ഉണ്ടാകുന്നു. എന്നിട്ടും അവ നിരോധിക്കുന്നില്ല. വെടിക്കെട്ടും, ചെണ്ടക്കൊട്ടും നിരോധിക്കുന്നില്ല. പിന്നെയെന്തിനാണ് തമിഴ്‌നാട്ടില്‍ മാത്രം ജെല്ലിക്കെട്ട് നിരോധിക്കണമെന്ന് ആവശ്യപ്പെടുന്നത്. ജെല്ലിക്കെട്ട് നിരോധിക്കണമെന്നത് അംഗീകരിക്കാനാകില്ല. ജെല്ലിക്കെട്ട് കഴിഞ്ഞാല്‍ പിന്നീട് വര്‍ഷം മുഴുവന്‍ ഈ കാളകളെ നല്ലപോലെ ഭക്ഷണവും മറ്റും കൊടുത്ത് നന്നായി പരിപാലിക്കുകയാണ് ചെയ്യുന്നതെന്നും കമല്‍ഹാസന്‍ പറഞ്ഞു. മൃഗങ്ങളെ സംരക്ഷിക്കാന്‍ ആനിമല്‍ വെല്‍ഫെയര്‍ ബോര്‍ഡ് പോലുള്ള സംഘടനകളുള്ളപ്പോള്‍ പിന്നെയെന്തിനാണ് പെറ്റ പോലുള്ള പുതിയ സംഘടനകളെന്നും കമല്‍ഹാസന്‍ ചോദിച്ചു.

1960ലെ മൃഗസംരക്ഷണ നിയമത്തിലെ മൂന്ന്, 11, 22 വകുപ്പുകളുടെ ലംഘനമാണെന്ന് ചൂണ്ടിക്കാട്ടിയാണ് 2014ല്‍ സുപ്രീംകോടതി ജെല്ലിക്കെട്ടിന് നിരോധനം ഏര്‍പ്പെടുത്തിയത്.

വിരുദുനഗര്‍ ജില്ലയിലെ കന്‍സാപുരത്ത് ജെല്ലിക്കെട്ടിനിടെ നിയന്ത്രണം വിട്ടോടിയ കാളയുടെ കുത്തേറ്റ് സുരക്ഷാ ചുമതലയിലുണ്ടായിരുന്ന പൊലീസുകാരന്‍ മരിച്ചു. വി ശങ്കര്‍ (29) ആണ് മരിച്ചത്. ഗുരുതരമായി പരിക്കേറ്റ ശങ്കറിനെ സമീപത്തെ സ്വകാര്യ ആസ്പത്രിയില്‍ പ്രവേശിപ്പിച്ചെങ്കിലും മരിക്കുകയായിരുന്നു

ജെല്ലിക്കെട്ടിന് നിരോധനം ഏര്‍പ്പെടുത്തിയ വിധിക്കെതിരെ തമിഴ്‌നാട് സര്‍ക്കാര്‍ സമര്‍പ്പിച്ച അപ്പീല്‍ പൊങ്കലിനു മുമ്പ് തീര്‍പ്പാക്കണമെന്ന ആവശ്യം സുപ്രീംകോടതി തള്ളിയതോടെ ആറു ദിവസം മുമ്പാണ് ചെന്നൈയിലെ മറീനാ ബീച്ചിലും മധുരൈയിലും ജനങ്ങള്‍ തെരുവിലിറങ്ങിയത്. നിരോധനം മറികടക്കുന്നതിന് ഓര്‍ഡിനന്‍സ് കൊണ്ടുവരണമെന്ന സംസ്ഥാന സര്‍ക്കാറിന്റെ ആവശ്യം പ്രധാനമന്ത്രി തള്ളിയതോടെ സമരം കൂടുതല്‍ രൂക്ഷമായി. അറുപതുകളിലെ ഹിന്ദി വിരുദ്ധ പ്രക്ഷോഭത്തിന്റെ മാതൃകയില്‍ സ്‌കൂള്‍, കോളജ് വിദ്യാര്‍ത്ഥികള്‍ പ്രക്ഷോഭം ഏറ്റെടുക്കുന്നതാണ് പിന്നീട് കണ്ടത്. മറീനാ ബീച്ചും അണ്ണാനഗറുമായിരുന്നു ആദ്യ ദിനങ്ങളില്‍ പ്രക്ഷോഭത്തിന്റെ പ്രഭവ കേന്ദ്രം. തൊട്ടു പിന്നാലെ മധുരൈയും സംസ്ഥാന സര്‍ക്കാറിന്റെ നേതൃത്വത്തിലുള്ള ജെല്ലിക്കെട്ടിന് വേദിയായി നിശ്ചയിച്ച അളഗനല്ലൂരുമെല്ലാം സമരക്കാരെക്കൊണ്ട് വീര്‍പ്പു മുട്ടി.

അതേസമയം ജെല്ലിക്കെട്ട് സമരം ഇന്നലെ സംസ്ഥാനത്തിന്റെ പല ഭാഗങ്ങളിലും അക്രമാസക്തമായി. മറീനാബീച്ചില്‍ പ്രക്ഷോഭക്കാര്‍ പൊലീസ് സ്റ്റേഷന് തീയിട്ടു. മറീന ബീച്ചിലും വാഹനങ്ങള്‍ അഗ്നിക്കിരയാക്കി. ഈറോഡ് ബസ് സ്റ്റാന്റില്‍ ശീതള പാനിയവുമായി വന്ന വാഹനത്തിന് സമരക്കാര്‍ തീയിട്ടു. ഇതേതുടര്‍ന്ന് പൊലീസ് ലാത്തിച്ചാര്‍ജ്ജ് നടത്തി. കോയമ്പത്തൂരിലും അക്രമ സംഭവങ്ങള്‍ അരങ്ങേറി. മേട്ടുപാളയം റോഡില്‍ സമരക്കാര്‍ക്കുനേരെ പൊലീസ് നടത്തിയ ലാത്തിച്ചാര്‍ജ്ജില്‍ ഒരാള്‍ക്ക് പരിക്കേറ്റു. ചെന്നൈയില്‍ പൊലീസും സമരക്കാരും തമ്മിലുള്ള ഏറ്റുമുട്ടലില്‍ നൂറിലധികം പേര്‍ക്ക് പരിക്കേറ്റു. ഇവരെ തലസ്ഥാനത്തെ വിവിധ ആസ്പത്രികളിലായി പ്രവേശിപ്പിച്ചു.
വിരുദുനഗര്‍ ജില്ലയിലെ കന്‍സാപുരത്ത് ജെല്ലിക്കെട്ടിനിടെ നിയന്ത്രണം വിട്ടോടിയ കാളയുടെ കുത്തേറ്റ് സുരക്ഷാ ചുമതലയിലുണ്ടായിരുന്ന പൊലീസുകാരന്‍ മരിച്ചു. വി ശങ്കര്‍ (29) ആണ് മരിച്ചത്. ഗുരുതരമായി പരിക്കേറ്റ ശങ്കറിനെ സമീപത്തെ സ്വകാര്യ ആസ്പത്രിയില്‍ പ്രവേശിപ്പിച്ചെങ്കിലും മരിക്കുകയായിരുന്നു.

പ്രക്ഷോഭം അക്രമാസക്തമായതോടെ സമരക്കാര്‍ പിരിഞ്ഞുപോകണമെന്ന അഭ്യര്‍ത്ഥനയുമായി സൂപ്പര്‍സ്റ്റാറുകളായ കമല്‍ഹാസനും രജനീകാന്തും രംഗത്തെത്തി. സാമൂഹ്യ വിരുദ്ധര്‍ സമരത്തില്‍ നുഴഞ്ഞുകയറി മുതലെടുപ്പിന് ശ്രമിച്ചേക്കുമെന്ന് രജനീകാന്ത് മുന്നറിയിപ്പു നല്‍കി. മാവോയിസ്റ്റുകള്‍ സമരത്തില്‍ നുഴഞ്ഞുകയറിയതായി സംശയിക്കുന്നുണ്ടെന്നാരോപിച്ച് പൊലീസും രംഗത്തെത്തി. ജെല്ലിക്കെട്ട് സമരത്തിന്റെ നേതാക്കളും ചലച്ചിത്ര നടന്മാരുമായ രാഘവ ലോറന്‍സ്, ആര്‍.ജെ ബാലാജി എന്നിവരും പ്രക്ഷോഭകരോട് സംയമനം പാലിക്കണമെന്ന അഭ്യര്‍ത്ഥനയുമായി രംഗത്തെത്തി. നേതാക്കളില്ലാത്ത ആള്‍ക്കൂട്ടമായി സമരം മാറിയതാണ് സ്ഥിതിഗതികള്‍ കൈവിട്ടുപോകാന്‍ കാരണമെന്ന് ബാലാജി പ്രതികരിച്ചു.
സ്ഥിതിഗതികള്‍ സൂക്ഷ്മമായി നിരീക്ഷിച്ചു വരികയാണെന്ന് കേന്ദ്ര ആഭ്യന്തര മന്ത്രാലയ വൃത്തങ്ങള്‍ പറഞ്ഞു. സംസ്ഥാന സര്‍ക്കാറുമായി നിരന്തരം ബന്ധപ്പെടുന്നുണ്ട്. ആവശ്യമെങ്കില്‍ കേന്ദ്ര സേനയെ വിന്യസിക്കുമെന്നും കേന്ദ്രസര്‍ക്കാര്‍ വ്യക്തമാക്കി.

ഒരാഴ്ചയായി തുടരുന്ന ജെല്ലിക്കെട്ട് പ്രക്ഷോഭം നിയന്ത്രണാധീതമായതോടെയാണ് ഇന്നലെ സ്പീക്കര്‍ പി ധനപാലന്‍ പ്രത്യേക നിയമസഭാ സമ്മേളനം വിളിച്ചുചേര്‍ത്തത്. മുഖ്യമന്ത്രി ഒ പന്നീര്‍ ശെല്‍വമാണ് പുതിയ ബില്‍ സഭയില്‍ അവതരിപ്പിച്ചത്. ഹ്രസ്വ ചര്‍ച്ചക്കു ശേഷം നിയമസഭ ഐകകണ്‌ഠ്യേന ബില്‍ അംഗീകരിക്കുകയായിരുന്നു.
അതേസമയം ഓര്‍ഡിനന്‍സിന്റെ ബലത്തില്‍ ഇന്നലെയും സംസ്ഥാനത്തിന്റെ വിവിധ ഭാഗങ്ങളില്‍ ജെല്ലിക്കെട്ട് നടന്നു. തിരുച്ചിറപ്പള്ളിയില്‍ നടന്ന ജെല്ലിക്കെട്ടിനിടെ ഏഴ് പേര്‍ക്ക് പരിക്കേറ്റു. തിരുച്ചിറപ്പള്ളി, അരിയാലൂര്‍, തഞ്ചാവൂര്‍ ജില്ലകളില്‍നിന്നുള്ള 30ലധികം കാളകളാണ് ജെല്ലിക്കെട്ടില്‍ പങ്കെടുത്തത്. പരിക്കേറ്റവരെ ലാല്‍കുഡി സര്‍ക്കാര്‍ ആസ്പത്രിയില്‍ പ്രവേശിപ്പിച്ചു.

മധുര അളകനെല്ലൂരിലും സമരം തെരുവുയുദ്ധമായി. പോലീസും പ്രക്ഷോഭകരും തമ്മില്‍ ഏറ്റുമുട്ടുകയായിരുന്നു. ചെന്നൈ ഐസ്ഹൗസ് പോലീസ് സ്‌റ്റേഷന് സമരക്കാര്‍ തീയിട്ടു. സ്റ്റേഷനുമുന്നില്‍ നിര്‍ത്തിയിട്ടിരുന്ന വാഹനങ്ങളും പ്രക്ഷോഭകര്‍ നശിപ്പിച്ചു. ചെന്നൈയില്‍ പലയിടങ്ങളിലും സമരക്കാരും പോലീസും തമ്മില്‍ ഏറ്റുമുട്ടുകയാണ്. സമരം ചെയ്യുന്ന എല്ലാവരേയും നീക്കം ചെയ്യുകയാണ് പോലീസ് ലക്ഷ്യം. അതേസമയം, തമിഴ്‌നാട്ടില്‍ പ്രത്യേക നിയമസഭാ സമ്മേളനം നടത്താന്‍ തീരുമാനിച്ചു. വൈകുന്നേരം അഞ്ചിനാണ് നിയമസഭാ സമ്മേളനം. ജെല്ലിക്കെട്ട് ബില്ല് പാസാക്കുകയാണ് ലക്ഷ്യം.

ജെല്ലിക്കെട്ട് പ്രക്ഷോഭത്തില്‍ പോലീസ് നടപടിയെ വിമര്‍ശിച്ച് നടന്‍ കമല്‍ഹാസന്‍ രംഗത്തെത്തി. സമരത്തെ ബലം പ്രയോഗിച്ച് ഒതുക്കാനുള്ള ശ്രമം ഗുണം ചെയ്യില്ലെന്ന് കമല്‍ഹാസന്‍ പറഞ്ഞു. മറീന ബീച്ചിലെ പോലീസ് നടപടിയില്‍ വ്യാപകമായ പ്രതിഷേധമാണ് ഉയര്‍ന്നുവരുന്നത്.

തമിഴ്‌നാട്ടില്‍ പലയിടങ്ങളിലായി ജെല്ലിക്കെട്ട് നടക്കുന്നുണ്ട്. മധുര അളകാനെല്ലൂരില്‍ ജെല്ലിക്കെട്ട് നടത്താനുള്ള ശ്രമം ഉപേക്ഷിച്ചിരുന്നു. ജെല്ലിക്കെട്ടിന് താല്‍ക്കാലിക പരിഹാരമല്ല ആവശ്യമെന്നും നിയമനിര്‍മ്മാണമാണ് ആവശ്യമെന്നും നാട്ടുകാര്‍ പ്രതിഷേധമുയര്‍ത്തിയ സാഹചര്യത്തിലാണ് ജെല്ലിക്കെട്ട് ഉപേക്ഷിച്ചത്.

മുഖ്യമന്ത്രി പനീര്‍സെല്‍വമായിരുന്നു ജെല്ലിക്കെട്ടിന് ഉദ്ഘാടകനാവേണ്ടിയിരുന്നത്. എന്നാല്‍ ജനങ്ങളുടെ പ്രതിഷേധത്തെ തുടര്‍ന്ന് ചടങ്ങില്‍ നിന്നും മുഖ്യമന്ത്രി പിന്‍മാറുകയായിരുന്നു.

പ്രതിഷേധം വ്യാപകമായതിനെ തുടര്‍ന്ന് ജെല്ലിക്കെട്ട് നിരോധനം നീക്കാന്‍ ഓര്‍ഡിനന്‍സ് പുറത്തിറക്കാന്‍ തമിഴ്‌നാട് സര്‍ക്കാര്‍ നീക്കം തുടങ്ങി. ഇന്നോ നാളെയോ ഓര്‍ഡിനനന്‍സ് രാഷ്ട്രപതിക്കയക്കുമെന്ന് മുഖ്യമന്ത്രി ഒ.പനീര്‍സെല്‍വം അറിയിച്ചു. കേന്ദ്രം പിന്തുണ അറിയിച്ചിട്ടുണ്ടെന്നും സമരം പിന്‍വലിക്കണമെന്നും മുഖ്യമന്ത്രി പറഞ്ഞു. എന്നാല്‍ നിരോധനം നീക്കിയാല്‍ മാത്രമേ സമരത്തില്‍ നിന്ന് പിന്നോട്ടുള്ളൂവെന്ന് പ്രതിഷേധക്കാര്‍ പറയുന്നു.

തമിഴ്‌നാട്ടില്‍ പൊങ്കലിനോടനുബന്ധിച്ച് നടത്തുന്ന ജെല്ലിക്കെട്ട് മൃഗസ്നേഹി സംഘടനകളുടെ പരാതിയെ തുടര്‍ന്ന് സുപ്രീം കോടതി വിലക്കുകയായിരുന്നു. ജെല്ലിക്കെട്ട് നിരോധനം നീക്കണമെന്നാവശ്യപ്പെട്ട് ദിവസങ്ങളായി തമിഴ്‌നാട്ടില്‍ പ്രതിഷേധം നടക്കുകയാണ്.

പരീക്ഷയില്‍ ആരെങ്കിലും കോപ്പിയടിച്ചാല്‍ ഉടന്‍തന്നെ ആരെങ്കിലും പരീക്ഷ നിരോധിക്കുമോ എന്നായിരുന്നു നടന്‍ സൂര്യയുടെ പ്രതികരണം. ജെല്ലിക്കെട്ട് നിരോധനത്തിന് പ്രതിഷേധിക്കുന്നവര്‍ ഒറ്റക്കല്ല, ഇത് അവരുടെ വികാരമാണ്. അവര്‍ക്ക് പൂര്‍ണ്ണ പിന്തുണ നല്‍കുന്നുവെന്നും സൂര്യ വ്യക്തമാക്കി. അതേസമയം, ജെല്ലിക്കെട്ട് നിരോധിക്കണമെന്ന ആവശ്യമുള്ള പെറ്റ സംഘടനക്ക് ജനമനസ്സിലുള്ള സ്വാധീനം നഷ്ടപ്പെട്ടുവെന്നും അദ്ദേഹം പറഞ്ഞു.

പരമ്പരാഗത വിനോദമാണ് ജെല്ലിക്കെട്ട്. അത് തിരിച്ചെത്തണമെന്നാണ് തന്റെ അഭിപ്രായമെന്ന് നടന്‍ വിക്രം പറഞ്ഞു. ജനകീയ പ്രതിഷേധങ്ങള്‍ വിജയത്തിലെത്തുമെന്ന പ്രതീക്ഷയുണ്ടെന്നും വിക്രം കൂട്ടിച്ചേര്‍ത്തു. ജെല്ലിക്കെട്ട് തമിഴ് സംസ്‌കാരത്തിന്റെ ഭാഗമാണെന്നും നിരോധിക്കാനുള്ള നീക്കത്തിനെതിരെ ചെറുക്കുന്ന യുവാക്കള്‍ക്ക് അഭിനന്ദനങ്ങളും വിജയ് അറിയിച്ചു. പെറ്റ സംഘടന നീക്കം ചെയ്യുന്നതിനെതിരെ പ്രതിഷേധിക്കുന്നവര്‍ക്കും വിജയ് പിന്തുണ അറിയിച്ചു. ഫേസ്ബുക്കിലൂടെയാണ് ജെല്ലിക്കെട്ട് വിഷയത്തില്‍ പ്രതകരിച്ച് വിജയ് രംഗത്തെത്തിയിരിക്കുന്നത്. തമിഴ് ജനതയുടെ വികാരമായ ജെല്ലിക്കെട്ട് നിരോധനത്തിനെതിരെ പ്രതിഷേധിക്കുന്ന യുവാക്കള്‍ക്ക് പിന്തുണ ധനുഷും അറിയിച്ചു.

നേരത്തെ ജെല്ലിക്കെട്ട് നിരോധനത്തെ പിന്തുണച്ച് നടി തൃഷ രംഗത്തെത്തിയിരുന്നു. തൃഷക്കെതിരെ പിന്നീട് വന്‍വിമര്‍ശനങ്ങളാണ് ഉയര്‍ന്നത്. പിന്നീട് തൃഷയെ പിന്തുണച്ച് നടന്‍ കമല്‍ഹാസനും രംഗത്തെത്തിയിരുന്നു. തൃഷയും ജെല്ലിക്കെട്ടും നമ്മുടേതാണെന്നായിരുന്നു കമല്‍ഹാസന്റെ പ്രതികരണം.